Innholdsfortegnelse for 14 August 2025 i Huisgenoot

1 TROMPIE: ‘EK KAN STEEDS KETTIE SKIET!’ André Laubscher was 14 toe hy die naamrol in die 1975-fliek Trompie vertolk het. Op 65 is hy ’n mediese dokter op Ceres, maar nog net so ondeund Wow! Ek het destyds by Juventus, Femina en Folio Uitgewers gewerk. Ek het die manuskrip getik vir die boek om uitgegee te word. Gedruk deur Haum Uitgewers. Dis wonderlik om te hoor waar Trompie hom nou bevind. CHRISTELLE Ek het die fliek op kykNET so geniet twee weke gelede. Shame, toe Safanja huis toe moes gaan en vir Boesman saamvat. Ai, ou Trompie se gesig. En o wee, daai skoolkonsert! Jinne, het ek nou vir jou lekker gelag. JOHANNA Ek het Trompie en kie onlangs opgeneem. Vir my kleinseun, hy is nou agt jaar oud, om…

DIS Saterdag 18 Maart 2023, en Monet Murray maak reg vir haar oom se begrafnis. Sy kyk na die tyd. Thomas, haar man, is vroeër saam met sy pa, Cloete, na ’n geheimsinnige afspraak toe. As Thomas nie gou terugkom nie, gaan hulle laat wees. Monet voel onrustig. Sy gaan skink ’n glas wyn vir die senuwees uit die bottel wat sy en Thomas twee aande tevore oopgemaak het. Daardie aand het hulle saam Springfield-chardonnay en sushi, haar gunstelinge, geniet. En nou gaan haar gedagtes weer terug na die ontstellende gesprek wat hulle toe gehad het. Hulle het dikwels oor ete oor Thomas se werk gepraat. Sy pa was besig om hom te mentor met likwidasiewerk. Sy het Thomas dikwels daarmee gehelp. Maar oor sy jongste saak was hy…

IN ’N kamer in die hospitaal vou ’n ma haar nuwe baba in ’n kombersie vol sterretjies toe. Sy tel haar op, hou haar in haar arms, en daar sit die twee dan ’n ruk lank – ma in ’n rolstoel, ’n pasgebore dogtertjie diep in droomland. Die bondeltjie wat nou hier in haar ma se arms slaap, is maar ’n paar dae oud. Haar ouers, Lee-Ann (38) en Petrus Erasmus (49), noem haar Hailey Isabel. Sy’t maar ’n rapsie meer as 2 kg geweeg toe sy op 36 weke gebore is en sy’s klaar hulle hart se punt. “Dis vir my die lekkerste om haar in my arms te kan hou, dié mensie wat ek vir so lank in my lyf gedra het,” sê Lee-Ann. “Petrus kan nie ophou…

DRA DIT SÓ Tandruit & polkakolle Die stylikoon en entrepreneur Olivia Palermo wys tydens die Paryse Modeweek dat twee sterk patrone saam kan skitter as jy dit met selfvertroue dra. NOG tandruit & polkakolle 1 Rok met sakke R499,99, Foschini 2 Romp R299,99, Truworths 3 Bloes R179,99, Foschini 4 Polkakolbaadjie R599,99, Truworths 5 Polkakolrok R370, Identity 6 Tandruitbaadjie R329,99, H&M DRA DIT SÓ Strepe Die joernalis Elle Smith wys hoe dit gedoen word met ’n speelse kombinasie van vertikale én horisontale strepe by Tommy Hilfiger se vertoning tydens die New Yorkse Modeweek. NOG strepe 1 Kraagtop R240, Truworths 2 Swart-en-wit top R250, Identity 3 Potloodromp R350, Woolworths 4 Vlootblou-en-wit langbroek R330, Truworths 5 Swart-en-wit langbroek R291, H&M 6 Skort R150, Identity DRA DIT SÓ Diamante & Skotse ruitstof Die Finse model…

Dit is vir my byna onmoontlik om te besef dat ons al by Augustus trek. Die tyd hardloop. Augustus beteken ook Vrouedag, en nes nie een vrou dieselfde is nie, word hierdie spesiale dag op honderde verskillende maniere gevier. Ekself het dit jare gelede as ’n Irmadoen-net-mooi-niks-dag verklaar. My wekker word nie gestel nie, ek loop heeldag in my slaapklere rond, eet wat ek wil en lees ’n hele boek van voor tot agter klaar. Vanjaar het ek besluit op die boek Waar oos & wes ontmoet oor Dina Tseng. Ek het by die boekbekendstelling so gelag vir haar vertellinge dat ek net moes keer om nie op die vloer te gaan sit nie. Ek was lam en byna asemloos. Dit is die ideale boek vir Vrouedag. Dina het destyds…

1 NIE NET ’N DIGITALE WEERGAWE VAN JOU KAART NIE ◗ ’n Digitale kaart op jou bank-app of aanlyn beursie is effektief ’n digitale weergawe van jou fisiese kaart. Dit het dieselfde besonderhede. ◗ ’n Virtuele kaart is ook aan jou bankrekening gekoppel. Maar dit het ’n unieke 16-syfer-kaartnommer, vervaldatum en CVV-nommer. Dis heeltemal apart van jou fisiese kaart. 2 LAER RISIKO VIR BEDROG EN DIEFSTAL ◗ Met virtuele kaarttransaksies word jou primêre rekening-en kaartinligting nie gedeel nie. ◗ Die kans is skraal dat dit gekloon kan word. ◗ Jy kan dit nie fisies verloor nie. ◗ Sommige banke se virtuele kaarte het dinamiese CVV-kodes, wat byvoorbeeld elke uur verander. Dus, al kry iemand jou huidige CVV in die hande, sal hulle jou rekening moeilik kan misbruik. ◗ Virtuele kaarte…

LEEU 22 JULIE – 22 AUGUSTUS Omdat jy astrologies deur die son beheer word, het jy ’n warm en helder persoonlikheid, en jy hou daarvan om die middelpunt te wees – en dis reg so. Nou’s ’n goeie tyd om terug te dink aan tye waar jy nie die aandag gekry het wat jy verdien het nie, en hoe dit jou selfbeeld kon beïnvloed. Laat gaan, vergewe, en gee jouself die kans om weer te blom. MAAGD 23 AUG – 22 SEP Hierdie week kan jy dalk ’n ou seer van die verlede genees. Wees voorbereid daarop dat dit eerlike en diep selfondersoek sal vra, veral as daar trauma aan gekoppel is. Besluit of jy reg is daarvoor, niemand verwag wonderwerke van jou nie. Teen die 20ste kan tyd saam…

1 Die Amerikaanse sangeres en liedjieskrywer het in die bedryf naam gemaak toe sy as Regina George in die Broadway-verwerking van Mean Girls te sien was en later in die 2024-musiekfliek MEAN GIRLS gespeel het. Sy het ook in die reeks THE SEX LIVES OF COLLEGE GIRLS verskyn, hoewel musiek maar nog altyd haar eerste liefde was. 2 Reneé (25) het grootgeword op Huntersville, ’n dorp net buite Charlotte in Noord-Carolina. Haar ma is ’n rekenmeester en haar pa het in mediese verkope gewerk. Sy sê haar ma het vir haar ’n allitererende naam gegee “ ingeval” sy ’n popster wou word. 3 Haar vroegste optredes was by begrafnisse, het sy aan Vanity Fair gesê. Haar gunstelingliedjie om by ’n begrafnis te sing was “Amazing Grace”. Sy het dit by…

DIS ’n vloekwoord vir sommige – kunsmatige intelligensie of AI. Ander vrees dit weer. Dis ’n woord of term wat nie hardop gesê word nie. Amper soos die boosaard in die Harry Potterreeks: he who must not be named . . . Voldemort. Of AI jou Voldemort is of nie, dis deesdae oral. Dit word gebruik in die media, nuusagentskappe, op sosiale media, in die filmbedryf, en ook in musiek. Onlangs is ontdek dat die gewilde musiekgroep The Velvet Sundown – wat meer as ’n miljoen luisteraars op Spotify het – ’n AIskepping is. Die groeplede, die sanger en Mellotron-speler Gabe Farrow, kitaarspeler Lennie West, sintetiseerder Milo Rains en perkussiespeler Orion “Rio” del Mar, bestaan nie. Hulle is nie mense met ’n hart wat pomp of met stembande wat kan…

GROOT BLOKRAAI NO 2609 KOMPETISIEVRAAG Watter stad is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN QUEILLERIE PLUS KOM IN AANMERKING VIR DIE MAANDELIKSE TREKKING VAN R1 000. Hierdie week wen een leser Patmos deur Willem Anker (Queillerie, R320). Nadat ’n meteoriet op ’n plattelandse dorp neerstort, gaan soek ’n komponis daar inspirasie vir die klankbaan van ’n wetenskapfiksiefliek. Hy loseer by ’n astronoom wat navorsing oor gravitasiekolke doen. Haar agtjarige seun praat nie en die astronoom wil van haar verlede ontsnap. Die komponis het op sy beurt ’n toekoms wat hy nie wil trotseer nie. In die onmoontlike “nou” ontstaan ’n aarselende verhouding tussen dié twee beskadigde mense; wentel hulle om mekaar met kragte…

HET jy al ooit naby ’n kar gestaan waarin die bestuurder die musiek so hard speel dat jy die ritme in jou borskas voel? Of het jy al jou foon aan die ander kant van die kamer hoor vibreer? Wat jy daar gehoor – en selfs gevoel–het, is klank. Maar klank is meer as net geluid. Al die klanke wat ons hoor, is soorte energie. Hierdie klankenergie beweeg in golwe wat moontlik gemaak word deur vibrasie. Kom ons kyk na hoe klank geskep word, hoe dit beweeg en hoe dit ons wêreld beïnvloed. Of dit nou die geruis van ’n briesie of die gebrul van ’n enjin is, die wetenskap van klank is fassinerend. VIBRASIE AS KLANKBRON Probeer dÍt: Plaas jou vingers liggies op jou keel en neurie. Voel jy…

ONS sit om ’n gesellige kaggelvuur in ’n buitesitkamer langs Arnold Schwarzenegger se swembad en gesels oor manlikheid toe die vark begin raas. “Schnelly,” roep hy. “Wil jy ’n koekie hê?” Schnelly snork en snuif opgewonde. “Kom, Schnelly,” sê hy. “Hier’s iets vir jou om te eet.” Die enorme troetelvark volg ons kombuis toe. Sy weet presies waar die fles met koekies staan. Arnie (77) gee vir my ’n hawermoutkoekie aan en Schnelly eet dit versigtig uit my hand. ’n Piepklein, bejaarde yorkshireterriër met die naam Cherry kom ook ingestap ná haar weeklikse bad. ’n Mobiele dieresalon wat in die oprit geparkeer staan, is besig om sy ander twee honde mooi te maak – ’n leonberger met die naam Schnitzel en ’n alaskamalemoet van 69 kg met die naam…

Ons herleef die volledige stories van Joost van der Westuizen, Hansie Cronjé, Jimmy Abbott, Tertius Bosch, Corrie Sanders, James Small, Caster Semenya, Jacques Freitag, Ruben Kruger en Oscar Pistorius. BESTEL DIT SO: AANLYN media24shop.com of huisgenootwinkel.com BEL 021-406-4962 E-POS koop@huisgenoot.com…

HULLE is die gatskopsussies van rock. Uiteenlopend van geaardheid, maar ewe talentvol. Op ’n kol het dit gelyk of ’n familietwis hulle vir altyd sou verdeel. Maar toe’s bloed dikker as water. Ann en Nancy se pa was ’n weermagoffisier. Hulle het op basisse in Amerika, Panama en Taiwan grootgeword. Ann, die oudste, was op skool baie selfbewus oor haar gewig en ’n hakkelprobleem. “Ek het gevoel ek’s lelik en ongewild, dat als omtrent my verkeerd is.” Sy het uitkoms gesoek in haar sang. Nancy, vier jaar jonger en die gewilde een, was kranig met die kitaar. Die sussies het saam in skoolgroepe opgetree en mekaar perfek aangevul. Ná skool het hulle verskillende lewens gelei. Maar toe Nancy in 1974 hoor haar ousus stig die groep Heart, het sy honderde…

Wanneer en waar was jy op jou gelukkigste? By my huis, met my liefste en ons twee katkinders. Wat sou jy anders doen as jy jou lewe kon oorhê? Ek sou van ’n jonger ouderdom af meer in myself en my talente geglo het, en nie bang gewees het om myself uit te leef nie. Daar is soveel dinge wat ek nie gedoen het nie omdat ek bang was vir wat mense sou sê en waaroor ek spyt is. Wat is die ding wat jy die meeste in mense bewonder? Kindness. Mense wat uit hul pad gaan om goed te wees vir ander sonder om iets terug te verwag. Wie sou jy die graagste vir ete wou nooi en wat sou jy vir ete maak? My gunstelingskrywer, Brené Brown. En ek…

WAAR sy buite ’n laaste sigaret rook, is Venice Vosloo moeg maar tevrede. Dit was ’n lang dag, dink sy in die stilte van die Bosveldnag. Eers is die kar gepak. Toe, met haar verloofde, Willem, agter die stuur, het hulle die langpad van Emalahleni na Polokwane gevat. Die sondak was oop en haar dogters, Zariskia (12) en Zayla (7), het opgewonde gesels terwyl die teer onder hulle verbyflits. Almal het uitgesien na die naweek by die lodge. Na ’n rustige wegbreek in die natuur ná die moeilike tyd wat hulle moes deurmaak. Kort tevore is Venice se eksverloofde en Zariskia se pa, Jacques, weens ’n harttoestand oorlede. Zariskia was verpletter. Dié dat Venice die naweek gereël het. ’n Kuier by ’n ongestelde tante, perdritte, swem . . . Net…

OP DIE oog af is die vrou by die voordeur nes enige ma. “Is dit nie oulik nie,” spog sy met die groetslag oor haar vrolike valletjiesrok. “My dogter het dit spesiaal vir vandag se onderhoud gekies.” Haar vyfjarige dogter blom behoorlik en haar ma knipoog vir ons. Sy maak graag spaghetti bolognese vir haar man en kinders, sê Emma Sadleir later in die gesprek. En knyp tyd af om in die gimnasium te gaan oefen. Nes enige ander ma. Maar daar is ’n ander kant aan dié vriendelike kaalvoetvrou. Wanneer sy nie met gesinsdinge besig is nie, bestee sy ure voor haar rekenaar. Sy sien dinge wat geen ma wil sien nie, wat elke ouer vrees. Minderjariges wat geboelie en gedreig word om eksplisiete foto’s te deel. Kinders wat…

VAN serums en aanvullings tot drankies – dit gons deesdae oor kollageen. Dis ’n proteïen wat jou liggaam natuurlik vervaardig, en dit hou jou vel ferm, vol en jeugdig. Maar sodra jy volwasse word, begin jou kollageenvlakke stadig afneem. Dis hoekom daar nou soveel velsorgmiddels en aanvullings is wat kollageen bevat – en almal belowe om die tyd terug te draai. Maar wat werk regtig? En het jy dit nodig? Ons het by dr. Sean J. Christians, ’n dermatoloog van Kaapstad, gaan hoor wat kollageen eintlik doen, wat die voordele is en hoe om die regte produk vir jóú te kies. Wat is kollageen? Dis die mees algemene proteïen in ons lyf en maak byna 30% van al die proteïene uit. Dit gee struktuur, veerkragtigheid en elastisiteit aan jou vel,…

WAAROM kan ons nie wegkyk nie? Reekse oor ware misdaad oorheers tans op televisie – daar is selfs kanale spesifiek daarvoor geskep. Van MAKING A MURDERER tot DEVILSDORP word hierdie verhale van regte mense en regte misdade deur kykers verslind. Hoekom is dit dan so onweerstaanbaar? Navorsing begin lig werp op hierdie vraag. ’n Studie wat in 2010 gepubliseer is, dui daarop dat vroue besonder geneig is om ware misdaad te kyk, veral verhale wat fokus op misdaad teen vroue. Die rede? Dit kan wees omdat sulke reekse moontlik dien as ’n soort “handleiding om oorlewing” – ’n manier om gevaar te herken en te verstaan. Ek het byvoorbeeld my kinders aangemoedig om Devilsdorp saam met ons te kyk – al is dit net om te sien hoe manipulasie, veral…

1 Wat is die amptelike taal van Tanzanië? 2 Tussen watter twee lande lê die Dooie See? 3 Met watter sangeres se stem praat Smurfette in die nuutste Smurfs fliek? 4 Wat is die topverkoperboekreeks van alle tye? 5 Wat is die enigste van die sewe antieke wonders van die wêreld wat nog taamlik volledig is? ANTWOORDE: 1 Swahili 2 Israel en Jordanië 3 Rihanna 4 Harry Potter 5 Die Groot Piramide van Gisa BRONNE: BBC.CO.UK, BBC.COM, STUFF.CO.NZ, SMITHSONIANMAG.COM, INDEPENDENT.CO.UK, THEGUARDIAN.COM, EURONEWS.COM, NEWS.UN.ORG, APNEWS.COM, NEWSFORKIDS.NET, HARLEYMEDIC.CO.UK, EUREKALERT.ORG…

DIE tuba is die grootste instrument in die orkes en is van glansende koper gemaak. Daar is verskillende tubasoorte, elk met sy eie grootte en klank. Tubas is die eerste keer in 1835 in Duitsland ontwikkel en het gou belangrik geword danksy hul diep, sterk note. In die orkes hou hulle die ritme stabiel en voeg ’n ryk, rommelende basklank by wat die musiek vol en groots laat voel. VENTIELE (KLEPPE) As jy ’n ventielknoppie met jou vinger druk, verander dit die toonhoogte en maak die noot laer. Beginnertubas het gewoonlik drie ventiele. Die tubas in paradeorkeste het dikwels vier (soos op hierdie foto), en professionele spelers kan tubas met tot vyf of ses ventiele gebruik. Party tubas het draaiventiele wat gedraai word, terwyl ander pompventiele het soos op die…

DIE twee het 16 jaar gelede belowe om mekaar deur dik en dun lief te hê, en hulle het saam al baie dinge deurgemaak. Maar vanjaar vier die akteur Izak Davel en sy vrou, Mericke, hulle 16de huweliksherdenking, en hul liefde staan steeds sterk. “Ek kan nie glo ons is al 19 jaar gekys en 16 jaar getroud nie,” sê Izak toe Huisgenoot hom bel. Nadat Izak in 2006 bekendheid verwerf het vir sy rol as Scab in Egoli, het hy ook rolle vertolk in die flieks Getroud met rugby en Platteland, asook die TV-reeks Sterlopers. Hy’s tans terug op die kassie in die rol van mnr. Barnard, die rugbyafrigter in die kykNET-dramareeks Reënboogrant. Izak is benewens sy televisiewerk ook ’n sanger, danser, drama-afrigter en deesdae ook eiendomsagent. Maar eintlik,…

‘Tot dusver kom hulle baie goed oor die weg en hulle gaan mekaar gou weer sien’ – ’N BRON SY IS maar onlangs weer enkellopend en dit lyk of KATY PERRY reeds die aandag getrek het van ’n baie gesogte vrygesel. Die sangeres is onlangs opgemerk op ’n aand uit saam met niemand anders nie as die voormalige Kanadese premier JUS-TIN TRUDEAU. Katy (40) en Justin (53) het mekaar ontmoet toe sy onlangs in Montreal was as deel van haar Lifetimes-wêreldtoer. Die twee het eers ’n ent met Katy se hond, Nugget, gaan stap in die Mount Royal Park in dié stad. Later die dag is hulle na die restaurant Le Violon toe vir cocktails en aandete. Die twee was glad nie vatterig nie, maar Katy het gelyk of sy…

Probeer is die beste geweer. Sê dit vir ’n grootwildjagter. “Wat maak jy, Ernest?” “Ek probeer, Scotty. Ek probeer.” Maar die leeu storm. Natuurlik is probeer nie letterlik ’n geweer nie. Net figuurlik. Letterlik figuurlik. Die gereelde leser sal nou gesien het hoe val die pennie. Nie letterlik nie natuurlik. Want pedanties gesproke kan letterlik nie figuurlik gebruik word nie. En tog. He literally glowed; without a word or a gesture of exultation a new well-being radiated from him and filled the little room. Dis F. Scott Fitzgerald in The Great Gatsby. Hierdie gebruik, waar “letterlik” ’n nieletterlike of oordrewe betekenis beklemtoon, is ’n algemene voorbeeld van hoe skrywers en sprekers dit deur die geskiedenis heen gebruik het. Want wat maak dan nou ’n metafoor sterker as die idee dat…

TWEE maande voor hulle dogtertjie die wêreld sou binnekom, was daar nog só baie om te doen. Die babakamer moes nog reggekry word – ’n wiegie wat haar aan die slaap kon help sus en dogtertjieklere om haar lyfie warm te hou. Hulle het room, seep, doeke en lappies gekort, en die babatee sou nog gehou word. Maar voor haar koms, het Melinda Bam en haar man, Adriaan Bergh, besluit, sou hulle ’n laaste keer of so wegbreek as net hulle twee – en daarna vakansie hou saam met hulle seuntjie, Ruach (2). Hulle sou die ginekoloog besoek om seker te maak als is op koers met die swangerskap, hulle tiende huweliksherdenking in die Maldives vier en daarna die Kersvakansie saam met familie deurbring. En dán sou als anders in…

HIROME Shigeaki was nog bitter jonk toe hy op die harde manier moes leer om bruê te bou. Ander moes hy agter hom verbrand om te kan aanbeweeg. Hy was nog ’n baba toe sy biologiese pa, ’n Japannese matroos, hom en sy oorlede ma aan hul eie lot oorgelaat het. Op sesjarige ouderdom was hy saam met sy ma op die strate van Worcester. “Ek moes bedel en takies doen om kos vir ons te kry. Soms moes ek jok by kerke om geld te kry.” Oplaas is hy by sy ma se familie in pleegsorg geplaas. Maar dit was geen brug na ’n beter kleintyd nie. Hy is emosioneel en fisiek mishandel. “Dit was ’n sambok,” sê hy oor daardie kinderhel. “En nie weet wat agter die deur…

PAPTERT GENOEG VIR 6 /BEREIDING: 20-25 MIN. /KOOK: 10-15 MIN. /BAK: 30-40 MIN. /AFKOEL: 2 UUR OF OORNAG PAP ◗ 1 L (4 k) water◗ 375 g (2½ k) wit mieliemeel of braaipap◗ 5 ml (1 t) sout VULSEL EN BOLAAG ◗ 30 ml (2 e) olyf-of plantolie◗ 1 ui, geskil en gekap◗ 200 g repiespek, gekap◗ 250 g sampioene, gesny◗ 2 x 410 g-blikke gekapte tamaties◗ sout en peper, na smaak◗ 500 ml (2 k) gerasperde cheddarkaas◗ 125 ml (½ k) vars room◗ koljanderblare (opsioneel) 1 Pap Gooi 2 koppies water en al die mieliemeel in ’n mengbak en roer. 2 Verhit die ander 2 koppies water saam met die sout in ’n middelslagkastrol tot dit begin prut. 3 Voeg die mieliemeelmengsel by en roer tot dit begin prut.…

AARDJIE NA SY VAARTJIE “Is dit nie merkwaardig hoe vinnig ons seun leer kar bestuur het nie? Hy aard duidelik na sy pa,” spog die man. “Ja,” antwoord sy vrou. “Veral as mens dink hoe julle albei so sukkel om die grassnyer te gebruik.” Johanna Rademeyer BESTUURSLES Ek het gister ’n pap wiel gekry. Ek moes nie daai “Vurk in die pad”-waarskuwingsbordjie geïgnoreer het nie. Johan H, Gonubie NOMMER, ASSEBLIEF Ek is hopeloos te slim vir die Lotto se mense. Hulle kon nog nie een keer reg raai watter nommers ek kies nie! Emmie, Mosselbaai G’N OGGENDMENS Hoe ouer ek raak, hoe beter verstaan ek waarom die haan so ’n vreeslike lawaai opskop omdat hy soggens vroeg moet opstaan. L. Saayman LETTER VAN DIE WET Die spietkop terwyl hy na…

SYFERSTORIES 10 cm Dis hoe lank die draadwurmslang van Barbados is. Die slang is onlangs die eerste keer in 20 jaar herontdek op dié eiland in die Karibiese See. Connor Blades van dié land se omgewingsdepartement en Justin Springer van Re:wild soek al ’n jaar lank na dié slang en ander inheemse reptiele as deel van ’n bewaringsprojek. $6 miljoen Dis die waarde van Maurizio Cattelan se kunswerk Comedian. Dis ’n piesang wat die Italiaanse kunstenaar aan ’n muur vasplak met kleefband wat elke paar dae vervang word. Dis onlangs vir die vierde keer afgehaal en geëet. In November verlede jaar het die Chinese versamelaar Justin Sun die kunswerk vir $6,24 miljoen gekoop voor hy dit geëet het. 10 miljoen Google het erken dat hulle vroeë waarskuwingstelsel vir aardbewings versuim…

HOU vas julle harte! Kyk net hier na die Katolieke Kerk se mooi plan om mense na die kerkbanke toe terug te lok. Met dié dat al hoe minder siele dienste bywoon, moes die hoogste gestoeltes in Rome iets vars uitdink. Hulle plan is om meer as ’n duisend priesters in te span wat op sosiale media gewild is. En verspreiders van die Woord het nog nooit so goed gelyk nie. Ons praat van gespierde lywe en sterk kaaklyne en oë wat ’n barshou kyk. Die Vatikaan se Jubilee of Youth-program is gemik op lidmate van 18 tot 35 jaar. Met hulle nuwe projek wil die kerk “digitale sendelinge en Katolieke beïnvloeders” gebruik om die godsdiens te bevorder. Met dié priesters wat van nature aandag trek, kan die Kerk mense…

1 DESTINY’SCHILD HERENIG? Elke keer wanneer BEYONCÉ (43), KELLY ROWLAND (44) en MICHELLE WILLIAMS (46) saam op ’n verhoog verskyn, dink Destiny’s Child-aanhangers dis nou die groot terugkeer. Die trio is in 2006 uitmekaar. Maar nee, dié keer was dit nie ’n hereniging nie, al het dit behoorlik gegons toe Beyoncé vir Kelly en Michelle by haar laaste Cowboy Carter-vertoning in Las Vegas op die verhoog geroep het. Queen B het “Destiny’s Child, b****!” uitgeroep voor hulle bietjie reünie gehou het en treffers soos “Independent Women”, “Lose My Breath” en “Bootylicious” gesing het. 2 SYDNEY EN DIE ADVERTENSIE-DRAMA SYDNEY SWEENEY is een van die groot name in die vermaakbedryf, maar die aktrise (27) se nuwe advertensie vir American Eagle het ’n debat oor ras laat opvlam. Dis ’n jeans-advertensie en…