Innholdsfortegnelse for 31 July 2025 i Huisgenoot

1 MOET EK OP MY MAAT SE SELFOON LOER? Nee, sê ’n kenner. As jy dit gereeld doen, dui dit op ’n toksiese verhouding. En dis weens giftige dinge uit jou eie verlede. Maar nie alle lesers stem saam nie Ek kyk nie na my man se foon nie. Ek het nog nooit en sal ook nooit. Ek het geen rede om hom te wantrou nie. Die dag wanneer die vertroue uit jou huwelik is, kan jy maar netsowel jou tassies pak en waai. SUZETTE Tussen ordentlike, godvresende mense wat mekaar respekteer, behoort dit geen kwessie te wees nie. In my geval het daar ander verhoudings op daai foon aangegaan. Fone en sosiale media is ’n kanker vir verhoudings. NATASHA Ek en my man is tien jaar saam, drie daarvan getroud.…

TOETS JOU KENNIS 1 Wat is die naam van die grootste ruimteteleskoop ooit wat in 2021 gelanseer is? 2 Louis Oosthuizen is een van hoeveel Suid-Afrikaners wat al die Britse Opegholftoernooi kon wen? 3 Vir watter van sy boeke het J.M. Coetzee in 1999 die Booker-prys gewen? 4 In watter 2025-fliek speel Jonathan Bailey en Scarlett Johansson saam? 5 Watter landsvlag het ’n sederboom daarop? ANTWOORDE 1. James Webb-tele skoop 2. Vier 3. Disgrace 4. Jurassic World Rebirth 5. Libanon…

DIS haar laaste Huisgenoot-voorblad dié, sê Anneline Kriel. Agge nee. Regtig? Oukei, waarskýnlik haar laaste een, gee sy toe. Seker nie noodwéndig nie. In haar blou oë blink dit: Never say never. “Ek weet nie wat die toekoms inhou nie,” sê sy en lag. “Ons sal sien.” Want toe sy in 1974 op 19 die eerste keer op ons voorblad verskyn het, sou Anneline sowaar nie kon dink sy sou dit op 70 wéér doen nie. Maar hier sit sy nou voor die kamera by haar vriendin se huis in Kaapstad as die vrou wat naas prinses Diana al die meeste kere ons voorbladgesig was. Dis 50 jaar ná daardie eerste voorblad, en dit sal haar 34ste keer wees – dié keer om saam te val met haar 70ste verjaardag…

DAAR staan die kort mannetjie in die video met ’n glimlag op sy bakkies en ’n mus op sy kop. Hy help klante om vleis in hulle trollies en mandjies te pak. Sodra die tevrede klant met sy inkopiesakkie by die deur van die slaghuis uitloop, hoor jy daai bekende laggie. Die man met die mus is niemand anders nie as die akteur Alfred Ntombela, Shorty van Leon Schuster se flieks. En dié video en ander van hom waar hy in ’n slaghuis werk, het die afgelope tyd miljoene mense se aandag getrek. In die kommentaar is bespiegel oor wat van Shorty geword het. Webwerwe het vrae gevra. Het sy loopbaan in die vermaakbedryf dan nou so platgeval dat hy in ’n slaghuis moet werk om die pot aan…

DADELPOEDINGS met BRANDEWYNSOUS LEWER 12 MINIPOEDINGS /BEREIDING: 20 MIN. /GAARMAAK: 30 MIN. POEDINGS ◗ 250 g dadels, fyngekap◗ 250 ml (1 k) kookwater◗ 15 ml (1 e) koeksoda◗ 4 eiers◗ 125 ml (½ k) suiker◗ 180 ml (¾ k) olie◗ 625 ml (2½ k) koekmeel◗ 15 ml (1 e) bakpoeier◗ 2,5 ml (½ t) sout fyngerasperde skil van 1 lemoen (opsioneel)◗ 50 g okkerneute OF pekanneute, gekap (opsioneel) STROOP ◗ 375 ml (1½ k) suiker◗ 250 ml (1 k) water◗ 100 g botter◗ 10 ml (2 t) vanieljegeursel◗ 60-125 ml (¼ - ½ k) brandewyn◗ 15 ml (1 e) mielieblom, gemeng met◗ 15 ml (1 e) water VIR VOORSIT klaarbereide vanieljevla, vanieljeroomys OF geklopte room Voorverhit die oond tot 180°C. Spuit ’n muffinpan met 12 holtes goed met kossproei. 1…

V Ek weet nie watter kant toe nie. Ek en my man was veronderstel om saam oud te word, maar dit lê nou aan skerwe. Ek was al lank geskei toe ek my huidige man ontmoet het. Hy het selfs ouers gevra. Ons is nou agt jaar getroud en albei in ons 50’s. Ek moes stad toe vir toetse en skanderings, en terwyl ek in die hospitaal was, het my man afskuwelike dinge aangevang. Hy het ’n prostituut en ’n stripper gehuur, en hulle selfs na ons huis geneem op die platteland. Terug by die huis het my man gelieg oor werk en daardie aand weer gery en die prostituut besoek. Sy het my nommer op sy foon gekry en my gekontak. Sy het my alles vertel, selfs hoe hy…

LEEU 22 JULIE – 22 AUGUSTUS Al is dit jou teken se seisoen en behoort jy in die kollig te wees, gebeur die teenoorgestelde eintlik: Jy hang maar aan en wag dat dinge moet gebeur. Die volle omvang hiervan gaan waarskynlik teen die 1ste duidelik word wanneer die son, jou heerser, saam met Mercurius in die lug is. Al wil jy hê dit moet lig werp op jou situasie, is die fokus eerder op wat binne jou aangaan as op jou sigbare prestasies. MAAGD 23 AUG – 22 SEP Vriende en geld meng nie dié week lekker nie. Moet eerder nie vir iemand geld leen nie. Jy is self op ’n nuwe pad wat skuld en leen betref en is nie nou in ’n posisie om iemand anders te help…

FLIEK BALLERINA NOU IN TEATERS Die Oscar-genomineerde Ana de Armas (37) betree die John Wick-onderwêreld in Ballerina, ’n splinterfliek wat afspeel tussen die derde en vierde John Wick-flieks met Keanu Reeves in die hoofrol. Hy wys ook vir ’n kort rukkie gesig in hierdie fliek. Die verhaal gaan oor Eve Macarro (Ana), ’n weeskindballerina-sluipmoordenaar wat wil wraak neem vir haar pa se dood. Eve verskyn kortliks in John Wick 3 en is destyds gespeel deur die New York-gebaseerde professionele balletdanser Unity Phelan. Hierdie fliek is die karakter se oorsprongverhaal. Die diepte van die karakter het die aktrise net soveel aangetrek as die aksie in die fliek, sê Ana. “Soveel aksie as wat daar op die bladsye was, kon ek ook in haar hart sien,” sê sy oor die eerste lees…

GROOT BLOKRAAI NO 2607 KOMPETISIEVRAAG Watter geldeenheid is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN HUMAN & ROUSSEAU PLUS KOM IN AANMERKING VIR DIE MAANDELIKSE TREKKING VAN R1 000. Hierdie week wen een leser Op pad na ’n klooster in die sneeu deur Johannes de Villiers (H&R, R350). ’n Jong man, pas afgestudeer, begin sy loopbaan by ’n apteek in Bloemfontein. Hy is egter gou ontnugter met sy lot – is hierdie sinlose bestaan al wat vir hom voorlê vir die volgende sestig jaar? Hy kom toevallig af op die geskrifte van die Middeleeuse mistikusThomas à Kempis en begin droom oor ’n asketiese lewe as monnik, iewers ver en afgesonder – weg van geldmaak…

GOEIE NUUS MALARIA-ENTSTOF VIR BABAS ’n Entstof teen malaria wat spesifiek vir babas en jong kinders is, is eindelik goedgekeur. Malaria word versprei deur Anopheles-muskiete en is baie gevaarlik as dit nie vinnig behandel word nie. Die nuwe entstof is goeie nuus omdat die medisyne wat vir ouer kinders bedoel is, sleg is vir babas se lewers. Die entstof sal binne die volgende paar weke in Afrikalande versprei word, waar die siekte die ergste is. SLEGTE NUUS DUUR SATELLIET VERMIS Wetenskaplikes het kontak verloor met ’n satelliet wat $88 miljoen gekos het om te ontwikkel. Die satelliet staan bekend as MethaneSat, en dis ontwerp om die lekkasie van metaangas uit olie-en gasproduksie op te spoor. Dis ’n groot verlies vir die bedryf omdat dit die eerste satelliet van sy soort…

1 Watter land se vlag is hierdie? 2 Wat is die naam van Superman se tuisplaneet? 3 Van wat word gnocchi gemaak? 4 Wat is die naam van die tier in Winnie-the-Pooh? 5 Watter sokkerspan het vanjaar die Klub-Wêreldbeker in Amerika verower? ANTWOORDE  1 Ivoorkus 2 Krypton 3 Aartappels 4 Tigger 5 Chelsea BRONNE BUSINESSTODAY.IN, BBC.CO.UK, THEGUARDIAN.COM, SMITHSONIANMAG.COM, NEWS.UFL.EDU, LIVESCIENCE.COM, TIMESOFINDIA.COM, VAM.AC.UK, ETYMONLINE.COM, EDITION.CNN.COM, TELEGRAPH.CO.UK, CAM.AC.UK,…

KAMERA, ligte, aksie! Dit is die ene bedrywigheid op die filmstel waar die tiende Kokkedoor-werklikheidsreeks op Struisbaai verfilm word. In die ateljee hang die heerlikste kosreuke soos die deelnemers die geregte berei waarmee hulle die beoordelaars, die koskenner Herman Lensing en die glanssjef Yolani Abrahams, wil beïndruk. Vandag proe nog iemand: Hannes van Wyk is die gasbeoordelaar in een van die episodes. Op daardie oomblik het hy dadelik aan sy ma, Mariet, gedink, sê die sjarmante Kwêla-aanbieder. Sy is in Januarie 2023 op 88-jarige ouderdom op Aliwal-Noord oorlede. “Die besoek aan die Kokkedoor-stel het die verlange na my ma meer gemaak. “Sy was uitstekend in die kombuis en het die lekkerste kos gemaak. Maar sy’t altyd gespot en gesê sy is nie noodwendig so lief vir kosmaak nie, maar dat…

1 JOHN, IS DIT JY? Toe JOHN GOODMAN onlangs op die rooi tapyt verskyn het vir sy nuwe Smurfs-fliek, moes almal twee keer kyk. In 2023 het John (73) vertel dat hy sedert hy in 2007 met sy gewigsverliesreis begin het, al meer as 90 kg verloor het – en hy hou die gewig af. Op sy swaarste, tydens die 1990’s-sitkom Ro seanne, het hy 178 kg geweeg. “Ek was net moeg – siek en sat daarvoor om vir myself te kyk. Jy skeer in die spieël en wil nie eens vir jouself kyk nie. Dit raak gevaarlik,” het hy gesê. 2 BETER VIR DRAKE DRAKE het soos ’n regte “Rich Baby Daddy” geleef toe hy onlangs sy privaat vliegtuig, Air Drake, laat opknap het – dit is nou na raming…

IN DIE laat 1980’s verrys ’n enigmatiese vrou in die hart van Ierland. En salf ons siele met harmonieë en klanke wat mens aan skaduryke woude en sonlig op mere laat dink. Sy’t net agt albums gemaak, maar 80 miljoen verkoop en vier Grammys gewen. Sonder ’n enkele konsert, want sy’s ongelooflik privaat. Eithne Pádraigín Ní Bhraonáin is op 7 Mei 1961 in Donegal gebore. Ons ken haar as Enya, want haar Ierse name is tongknopers. Sy was die stil een in ’n musikale gesin met nege kinders. “Dit was chaoties en my stem is selde gehoor. Maar dit het my gepas. Ek wou alleen gelaat word.” Tuis het hulle net Gaelies (Iers) gepraat. As lid van die familieband, Clannad, was Ierse folkmusiek haar voorland. Maar vroeg in die 1980’s…

HAAR naam is in ons geheue verewig as die openbare beskermer wat vir niks sou stuit om reg en geregtigheid te laat geskied nie, ’n vrou van staal met ysere wilskrag. Maar die Thuli Mandonsela (62) wat vandag voor ons sit, se emosies dreigdreig om die oorhand te kry toe sy erken: “Sedert my terugslag is dit baie moeiliker vir my om helder te dink.” Daardie terugslag wat haar op 25 Junie tot stilstand geruk het soos nog nooit tevore in haar lewe nie, was die dood van haar lewensmaat, Richard Edward Foxton (82). “Niks kan ’n mens voorberei nie,” sê sy en haar stem kraak. Selfs al is dit die tweede keer in haar lewe dat sy in rou gedompel is ná die dood van die man aan haar…

WENK ’n Rok met ’n belt beklemtoon jou middellyf en skep vorm. WENK Hoë neklyne pas perfek by die seisoen. ’n Polonek onder jou rok in dieselfde of ’n komplemen-têre kleur is stylvol. Monochrome blomme Sjampanje- sjiek Abstrak & aards Ditsem- denim Room & goud Swart & wynrooi KRY DIT HIER: BASH.COM; COTTON ON 087-550-4383; EDGARS 0860-111-826; EXACT 0860-834-834; FOREVER NEW0860-018-014; FOSCHINI 0860-834-834; JET 0860-834-834; LEGIT 0860-111-826; LOVISA 010-143-0780; MAKRO 0860-600-999; MR PRICE 0800-212-535; NUCLEUS.CO. ZA; OLD KHAKI 0860-333-329; PICK N PAY CLOTHING 0860-303-030; SUPERBALIST.COM; TAKEALOT.COM ;TRU-WORTHS 021-460-2300; WOOLWORTHS 0860-022-002; YDE 021-460-2526; ZARA.COM/ZA HOEWEL ONS ALLES IN ONS VERMOË DOEN OM KORREKTE PRYSETEVERSKAF, KAN FOUTE VOORKOMWAARVOOR HUISGENOOT EN DIEVERSKAFFERS NIEVERANTWOORDELIK GEHOU KANWORD NIE.…

V My buurman en ek het albei ons lewensmaats verloor. Ons woon in ’n ouetehuis en ons is albei Christene. Ek glo baie sterk in die invloed van die sterretekens. Hy is onder die Ram gebore, lag byna nooit, is befoeterd en nie maklik om mee oor die weg te kom nie. Ek nou weer is onder die Tweeling gebore, een dag vrolik, die volgende dag teruggetrokke, baie befoeterd en ook baie reguit. Nou ja, die ander dag toe sê hy dat hy lief is vir my, wat dit ook al mag beteken. Sy houding sit my heeltemal af. Ek voel ook aangetrokke, maar wil niks sê nie. Nie een van ons wil weer trou nie. Dink jy ’n Ram en ’n Tweeling pas enigsins by mekaar? A Wat ’n…

DIS seker te verstane dat met die ontwikkeling van vrouekarakters in flieks en reekse, daar ook ’n klomp vroulike bad guys gaan wees. In die ou tyd, soos my kinders sal sê, was die hoofkarakters gewoonlik mans, en die vroue was óf verleidsters óf moederlik. Hulle was op die meeste net ’n katalisator – ’n karakter wat dinge in ’n rigting dryf, maar selde die hoofkarakter of besluitnemer. As kind was die hondvanger Cruella de Vil van 101 DALMATIONS die eerste vroueskurk waarvan ek bewus geraak het – ja, Maleficent in SLEEPING BEAUTY was ook skrikwekkend, maar sy kon verander in ’n draak en het in die raamwerk van fantasie geval. In my kop kon ek haar hanteer. Cruella de Vil het ’n kar bestuur, en dun sigarette gerook, en…

IN SY sonnige kombuis wys Heston Blumenthal na die stoepdeure. Daar het ’n polisieman 18 maande terug aangekom om hom weg te vat. Dit was laataand. Hy onthou hy het vir ’n oomblik gedink dit was vreemd vir ’n Franse polisieman om aan die agterkant van sy huis te wees. By sy blyplek in Provence, met die ruim tuin van sipresbome, laventel en wingerd omring met ’n groot muur. “Maar ek’t ook gedink hy lyk na ’n baie gawe man. So kom hy toe in en ons gaan sit op die rusbank. Ek het vir hom my OBE (die Order of the British Empire wat hy 2006 gekry het vir sy dienste aan die Britse kookkuns) en my familiewapen gewys. Ek’t nie gedink, ‘Wat de hel doen ’n polisieman in…

VIR ’n eertydse brandarm immigrant, ’n ou wat in sy jong dae laatnag ’n restaurant se skottelgoed gewas het om sy brood te verdien, het Jensen Huang se lewe nogal goed uitgedraai. Nogal baie goed. Deesdae is hy tiende op die lys van die wêreld se rykste mense, met ’n fortuin van $142 miljard (omtrent R2,5 biljoen). Dié fortuin het hy daaraan te danke dat die maatskappy wat hy gestig het ’n onontbeerlike deel van die tegnologiewêreld geword het. Realistiese videospeletjies, spesiale effekte in flieks, kunsmatige intelligensie, motors wat hulself bestuur – Nvidia vervaardig die rekenaarskyfies wat ál hierdie dinge vinniger, sterker en slimmer maak. En dit laat die geld inrol. Pas het Nvidia die eerste openbare maatskappy geword waarvan die markwaarde $4 biljoen (R72 biljoen) oorskry. Die brein agter…

1978 -1987: MARGOT KIDDER Net soos mense tot vandag toe dink aan Christopher Reeve as die oorspronklike Superman, so sien hulle Margot as Lois Lane. Sy was in vier Superman-flieks te sien. Maar sy was nie lief vir die roem wat gekom het met die flieks nie. “Dit het my gevul met angs en paniek. Ek moes die maniese depressie wegsteek.” Sy was ook skisofrenies. In die 1990’s was sy grootliks uit die kollig ná ’n motorongeluk haar loopbaan kortgeknip het. Sy was in skuld gedompel en was later afgeneem waar sy juweliersware in New York verkoop het. Sy was ook vir ’n ruk in 1996 haweloos en het op die strate van Los Angeles gewoon. Haar lewe ná die Superman-faam was ietwat tragies. Sy het al in die 1970’s…

Het jy al kennis gemaak met ’n beterweter? Slim Jan en Skerp San wat meen hulle ken van. Vir hulle kan jy net mooi niks vertel nie. By dié grootkoppe is daar ook geen vrees vir hoogtes nie. Hulle kyk heel gemaklik van daar bo af neer op die minderes wat in hulle koelte moet lewe. Hulle pronk breëbors met geleende vere en blaas hulle eie beuel. Hulle sit hulle ver neer en hou ander op ’n afstand. Meng hulle tog net nie met die semels nie! Onder dié hogeres is daar ook die beter-eters. Dis oor hulle koskiekies wat ons op sosiale media moet kwetter en kwyl. Om die ego te streel is mos ál wat help vir spogsiekte en neus-in-die-lug-loop. Gelukkig weet die meeste van ons ook van…

Wanneer en waar was jy op jou gelukkigste? Elke oomblik wanneer ek by of tussen my familie is. Wat sou jy anders doen as jy jou lewe kon oorhê? Beter besluite gemaak het from the getgo. Wat is die ding wat jy die meeste in mense bewonder? Uithouvermoë. Wie sou jy die graagste vir ete wou nooi en wat sou jy vir ete maak? Die preacher en fashion icon Sarah Jakes Roberts. Sy’s nie van Suid-Afrika nie, so roosterbrood en lekker braaivleis. Wat kan jy nie verduur nie? Oneerlikheid. Wat is jou diepste put van ellende? Wanneer ek uitgeput is en nie kan slaap nie. Wie is of was die liefde van jou lewe? My geheim. Wie of wat sou jy in jou volgende lewe wou wees? ’n Onderwyser. Wie is…

DIS 1984. Jane Birkin, die bekende Britse aktrise en sangeres, sit langs Jean-Louis Dumas, president van die luuksemodehuis Hermès, op ’n vliegtuig. En al is hulle beroemde glansmense, beleef Jane ’n gesukkel waarmee baie vroue simpatie sal hê. Haar handsak is oorvol en alles het uitgepeul toe sy aan boord van die vliegtuig gestap het. “Wat as ons ’n groter sak maak?” vra Jean-Louis haar. En net daar word iets spesiaals gebore. Sommer op een van die papiersakkies wat aan passasiers uitgedeel word ingeval hulle naar word, teken Jane en Jean-Louis hul ideale handsak, die een wat later die legendariese Birkin sal word. Nou het die einste sak weer geskiedenis gemaak. Die heel eerste Birkin, wat Jane self tien jaar lank oor haar skouer gedra het, is vir $10 miljoen…

VOLGENDE KEER “Ek gaan my nuwe motorbestuurder afdank. Toe ons vanoggend kantoor toe gaan, het hy amper ’n ongeluk gemaak met my,” sê die buffelagtige sakeman vir sy vrou. “Ag, gee tog die arme man nog ’n kans,” kom dit van sy vrou. Johan H, Gonubie BEKNOPGEIT My blyplek is so klein dat: S Ek in die bure se bed beland wanneer ek in my slaap omdraai. S Ek buite moet gaan staan sodat ’n muskietbyt op my arm kan opswel. S My haarolie strepe op die plafon maak. Louise Noeth LOOPBANE “My pa sê my groot boetie is verbonde aan die polisie,” sê Willie vir sy juffrou. “O, dis oulik. Op watter manier?” vra die juffrou. “Met boeie.” Louise Noeth TYD LOOP UIT Hoekom was die kalender so bang?…

EKOSISTEME kom ​in alle dele van die wêreld voor – van die digste woude tot die droogste woestyne, die mikrobiese ekosisteme van die lug tot die komplekse gemeenskappe wat saam in die aarde se oseane leef. Koraalriwwe is van die ingewikkeldste en skouspelagtigste ekosisteme op aarde en is belangrik vir die welstand van ons oseane. Hierdie lewende strukture kan vir kleurvolle rotse onder die seewater aangesien word, maar hulle bestaan​ eintlik uit ontelbaar baie diertjies. WAT IS KORAALRIWWE? Koraalriwwe word gevorm deur kolonies koraalpoliepe – sagte wesens verwant aan jellievisse. Elke poliep bou ’n harde, beskermende kalksteenskelet rondom homself – en dís die boublokke van die koraalrif. Die ou kalksteengeraamtes bly agter en nuwes vorm bo-op die oues. Gaandeweg verrys ’n koraalrif dan so lagie vir lagie uit die seebodem.…

‘JY WEET, as daar bietjie potensiaal gewys word, dan sê jou ma mos altyd, nee, my kind gaan ’n dokter of predikant word. Dis maar die professies wat op ’n meer gereelde basis my kant toe gegooi is. Die wêreld was oop vir my. In 2011 het ek accounting gaan swot. Rugby was nie op my radar nie. Maar my familie is fanaties oor rugby. Vir hulle is dit ’n way of life. Nou nog. Ons was elke naweek op die veld om klubrugby te kyk. Dis waar my liefde vir rugby eintlik vandaan kom. Later het ek maar begin rugby speel. Ek’t vir die o.16’s as ’n slot gespeel. Maar ek was nie so lank daai tyd nie. So ek’t nie eintlik ’n speelkans gekry nie. Eendag toe’s daar…

DIE fluitjie blaas, dis ’n strafskop vir die Bokke, en Manie Libbok staan nader om pale toe te korrel. Landwyd hou rugbykykers hulle asem op – daar in die stadion en voor die TV. Hy kán dit oorskop, weet almal. Maar gaan hy? By sy huis in Kaapstad kan Gareth Wright nie op TV kyk wanneer Manie mik nie. “Ek sal ’n draai in die tuin gaan stap. Ek kán dit nie kyk nie, jy weet?” Dis nie die gewone senuwees van enige Springbok-ondersteuner nie. Gareth kén vir Manie, en hy wéét hoe hard hy werk, dalk beter as enigiemand anders. Hy is die afgelope paar jare al die losskakel se skopafrigter by die Stormers, en ’n steunpilaar wanneer dinge swaar gaan. Maar dis baie moeiliker om op televisie te…

DIS die hoogtepunt van Monaco se sosiale dagboek, ’n deftige gedoente vol prag en praal, terwyl die geld vir liefdadigheid inrol. ’n Sitplek kos ’n lywige €1 400, ’n bietjie minder as R30 000. En die naam is net so ’n mondvol: Le Gala de la Croix-Rouge. Of, as jy nie Frans magtig is nie, sommer net die Rooi Kruis-gala. Een mens wat wel nie sukkel met die Frans nie, al is sy gebore en getoë in Benoni, is ons eie prinses Charlene. En vanjaar kon die gala se gaste haar self hoor Frans praat. Prinses Albert II vier vanjaar sy 20ste herdenking as heerser van die prinsdom, en sy vrou is gekies om op die swierige partytjie hulde aan hom te bring. Die snobistiese inwoners van Monaco het eens…

NET ’n paar woorde van raad: Moenie met ’n popster se hart mors nie, want sy skryf dalk ’n liedjie waarin sy wraak neem vir die hele wêreld om te hoor. Dis nou al presies ’n jaar sedert JENNI-FER LOPEZ aangekondig het sy en BEN AFFLECK gaan skei – en sy’t ’n hele paar goed wat sy van haar hart af wil kry. JLo (56) en Ben (52) was net twee jaar getroud nadat hulle mekaar byna 20 jaar nadat hulle die eerste keer uitmekaar is, gevind het. In haar nuwe liedjie, “Wreckage of You”, wat baie na ’n wraakballade klink, sing sy hoe sy nou sterker as ooit is en hom nooit weer die kans sal gee om vir haar totsiens te sê nie. It was perfect the while…