Innholdsfortegnelse for 17 July 2025 i Huisgenoot

EK’T by die verkeersdepartement gewerk, en my vriendin was ’n bestuurder by ’n klerewinkel in die Paarl Mall. Daai was in 2008. Op ’n dag sê sy vir my: Kom werk Sondae in die klerewinkel, daar’s so ’n lekke pie. Ons noem ’n mooi, lekker man ’n “pie”. So loop werk ek toe Sondae sonder betaling by dié klerewinkel om naby die pie te wees. As die liedjies in die winkel speel, dan dans ek vir hom. Ek’t vir al sy grappies gelag. My kiewe was later seer gelag. In September van 2008 het ons ernstig geraak. Ek’t hom altyd by sy huis gaan haal, en sy ma het altyd gesê hy moet tienuur by die huis wees. Dan het ek maar altyd gebel en gevra as ek hom nog…

SY IS al “die mal vrou wat in die rivier wil spring” genoem. En kyk ’n mens so na die neerdrukkende toneel, kan jy verstaan waarom mense so sou dink. Want hier in Irene lyk die Hennopsrivier soos ’n stortingsterrein. Plas- 12 17 JULIE 2025 huisgenoot.com tiek hang aan die bome soos flenters klere aan ’n wasgoedlyn. Ibisse pik met sekelsnawels tussen die leë koeldrankblikke en vuil babadoeke. Geelgroen slym bedek die modderbruin water. “Soms dink ’n mens die stryd is vergeefs, wat help dit tog om die rivier skoon te maak? Want sodra dit reën, spoel al die gemors net weer stroomaf,” sê Tarryn Johnston kopskuddend. Maar elke keer rol sy en die Hennops River Revival-span hulle moue op en begin weer vullis uit die rivier vis. Meer as 5…

KRY DIT HIER @HOME BY BASH.COM, CIELO.CO.ZA 0861-107-108, DESIGNSTORE.CO.ZA 082-940-9200, ELEVENPAST.CO.ZA 021-201-1211, HERTEXHAUS.CO.ZA 021-948-4764, MALAWICHAIR.COM 082-370-2850, MRPHOME.COM 064-584-1000, PILGRIMAGESPACES.CO.ZA MELISSA@PILGRIMAGESPACES.CO.ZA, POETRYSTORES.CO.ZA 0860-555-529 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

DEUR die regte dieet te volg, kan jou geheue skerp bly en jy meer energiek en wakker voel. Hier is hoe jy kos tot voordeel van jou brein kan inspan. PEULGROENTE VIR ENERGIE Dit sluit in lensies, boontjies en ertjies. Peulgroente bevat lae-GI-koolhidrate, wat beteken glukose word stadig vrygestel, en dit gee die brein genoeg energie om optimaal te funksioneer. Peulgroente bevat ook folaat. Dié B-vitamien is belangrik vir breingesondheid omdat dit die vlak van skadelike aminosure verlaag wat breinfunksie kan verswak. Die daaglikse aanbevole dosis vir volwassenes is ongeveer 400 mikrogram (µg), en ’n kwart tot ’n halwe koppie gaar lensies bevat 100 µg. OLIERIGE VIS VIR GELUK Salm, tuna en sardientjies voorsien jou van noodsaaklike omega-3-vetsure. Dit help met breinontwikkeling, groei en die werking van senuweefsel. Die omega-3-vetsure…

MUSIEK Lorde is terug Ná ’n stilte van vier jaar is die Nieu-Seelandse sangeres Ella Marija Lani Yelich-O’Connor, beter bekend as LORDE, terug met ’n nuwe album, Virgin. “Die naam spreek tot ’n soort suiwerheid, maar die album is nogal seksueel, so dis nie seksuele suiwerheid nie,” het die liedjieskrywer op die podcast Therapuss with Jake Shane gesê. “Woorde soos virgin steel of virgin oil – al hierdie dinge dui op suiwerheid, maar ek probeer ook altyd om myself terug te neem na my tienerself.” Die 28-jarige het haar terugkeer tot die musiekbedryf vroeër vanjaar by Coachella afgeskop toe sy saam met Charli XCX op die verhoog opgetree het. Sy beskryf die album as “100% in bloed geskryf” – met verwysing na die afgelope vier jaar se intense fisieke en…

Sestig jaar gelede, op 15 Julie 1965, het iets ongeloofliks gebeur: die Mariner 4 het die eerste tuig geword wat veilig verby Mars gevlieg het – en foto’s van die Rooi Planeet Aarde toe gestuur het. Dit was die eerste keer in die geskiedenis dat ’n ruimtetuig ’n ander planeet in die diep ruimte afgeneem het. Mariner 4 het 21 foto’s geneem, wat met ’n klein bandopnemer opgeteken is. En toe begin die baie lang proses om die beelde Aarde toe te stuur. Om net een baie dowwe, piekselagtige beeld oor te dra, het tussen ses en tien uur gevat! En rekenaars was toe nog baie stadig – so Nasa se grondspan het besluit om hul eie weergawe van die eerste foto met die hand te maak. Hulle het ’n…

’NMENS hoor voëltjies tjirp. Vlinders dartel deur die blomtuin. Dis asof die ruimte doelbewus beplan is om ’n mens te help vergeet van die gruwel wat hier reg onder jou voete skuil. “Hulle is net twee voet van hier af,” sê die historikus Catherine Corless waar sy in die tuin staan. “Die beendere het deurmekaar geraak, water het ingesypel en hulle rondgespoel. Maar hulle is daar.” Sy praat van iets wat klink of dit in ’n oorlogsone eerder as hier in die groen Ierse platteland tuishoort: die oorskot van meer as 800 babas en peuters wat gesterf het in ’n kinderhuis wat deur Katolieke nonne in die dorpie Tuam bedryf word. Die tehuis Bon Secours Mother and Baby Home was al die jare bekend as ’n toevlug vir ongetroude meisies…

Sy was die afgelope 37 jaar die hoofredakteur van die wêreld se stylbybel – Vogue – maar nou het ANNA WINTOUR aangekondig sy gee die leisels later vanjaar oor aan iemand anders. Anna (75) het die nuus gebreek op ’n vergadering met die Vogue-span, waar sy ironies genoeg ook uitgewys het hoe belangrik dit is om transformasie in die modewêreld te omarm. “Ek vind ek put die meeste vreugde daaruit om die volgende generasie redakteurs te help om met hulle eie vars idees en ’n nuwe, opwindende siening vorendag te kom van wat ’n mediamaatskappy kan wees,” het sy gesê. Een ding wat wel nie gaan verander nie, is haar ikoniese bob wat sy al so sedert haar tienerjare so dra. “Ek’t al baie haarkappers oor die jare gehad, en…

HY’T uitspattige uitrustings gedra, met Bon Jovi op die tafels gedans en met Elizabeth Taylor uitgehang. Dis mos nou hoe ’n popikoon rol, of hoe? En dis presies die lewe wat Bubbles saam met Michael Jackson gelei het. Op konserttoere, in musiekvideo’s en fotosessies, en op die verhoog. Dikwels eenders aangetrek. Onafskeidbaar. En toe verdwyn die beroemde sjimpansee van die 1980’s eendag uit die kollig. Hoekom? Want anders as baie popsterre het Bubbles grootgeword. Bubbles was nog ’n baba toe Michael hom in 1983 gekoop het van ’n laboratorium waar diere vir toetsdoeleindes geteel is. Mettertyd sou Whacko Jacko sowat 130 diere op sy Neverland Ranch aanhou. Als van slange tot tiere, kameelperde en ’n olifant. Maar Bubbles was sy bestie. Die klein sjimpansee het doeke gedra en in…

NIE te lank terug nie het die lewe hier op ’n koppie in Constantiakloof so anders gelyk. Van die mooi uitsig oor die blaredak van die Goustad kon sy destyds maar min sien – sy was daagliks ure lank in die ateljee, altyd besig om die een ná die ander toneel te verfilm. Die kombuistafel waar twee tienermeisies vandag vrolik gesels oor al die dinge waaroor tienermeisies maar gesels, was eens vol met papiere – almal dialoog om te memoriseer. Dan’s dit vir Emma en Ryno se troue, dan vir die keer wat Emma die stomme Ryno verneuk. Dan’s dit vir Emma wat in ’n inrigting beland, dan vir die keer toe sy Emma se berserkte alter ego, haar suster Miems, moes vertolk. Die lewe het soms by haar verbygegaan,…

JOGGERS Die beïnvloeder Emilie Joseph lyk deftig met ’n handelsnaam-jogger, netjiese baadjie en hakskoene by ’n fotosessie in Parys. BY ’N NETJIESE BAADJIE Die beïnvloeder Gitta Banko lyk elegant in ’n jogger wat sy by ’n kraaghemp en baadjie dra vir ’n fotosessie in Duitsland. BY ’N JAS Die model Livia Nunes Marques rond haar informele voorkoms by die Paryse Modeweek af met ’n grys jas onder ’n swart baadjie. HOODIES ’n Gas by die New Yorkse Modeweek laat haar hoodie deftiger lyk met modieuse denim. BY IETS MET TEKSTUUR ’n Gas by die Modeweek in New York dra ’n hoodie saam met ’n lang, dramatiese kunspelsjas. BY ’N PAK KLERE Die beïnvloeder Olivia Ponton dra ’n hoodie saam met ’n pak buite die Michael Kors-vertoning by die New Yorkse…

MY PA se eerste liefde was die see. Sy het hom verwelkom die dag toe hy hierdie wêreld binnegekom het, en hy het geglo hy sal na haar arms toe terugkeer wanneer dit tyd is vir hom om te rus. In 1971 is my pa by die Kaap Agulhas-strand gedoop, en daardie dag het die soutwater in sy bloed ingesink. Hy het sy sielsgenoot gevind. Sy heiligdom, sy hawe. Daardie dag het Johnny Abrahams se lewenslange romance met die see begin. Hy’t gekom van ’n honderd generasies seemanne, het hy altyd vertel, en oor die see gepraat asof dit lewend is. “Sy’t ’n hart wat klop, Jason, en ’n siel net soes ek en jy,” het hy gesê. “Die see is ’n wyse, magtige godin, en sy verdien ons beskerming…

DIE wêreld se grootste en kragtigste digitale kamera het pas sy eerste foto’s geneem – en die sterrekundiges is al klaar mal daaroor. Die kamera is deel van die nuwe Vera C. Rubin-sterrewag in Chili en is gemonteer op ’n reuseteleskoop. Die eerste paar foto’s wat uitgereik is, wys die naghemel in ongelooflike detail en wys dinge wat duisende ligjare ver van ons af is. ’N KAMERA SOOS JY NOG NOOIT GESIEN HET NIE Dis nie sommer net nog ’n goeie lens nie – dis ’n monster van ’n ding. Sy resolusie is 3 200 megapieksels. Vergelyk dit met ’n iPhone 16 Pro se 50 megapieksels, en jy besef hoe kragtig dié kamera is. Hy’s so groot soos ’n kar, weeg 2,8 ton, en as jy net een van sy…

VAN buite het alles perfek gelyk. Sam Cox, oftewel Mr. Doodle, was wêreldberoemd, geliefd vir die swart-en-wit krabbels wat elke hoekie van sy seskamerhuis bedek. Mure, meubels, toestelle. As dit ’n oppervlak was, het Sam dit vol doodles geteken. En mense kon nie genoeg kry nie. Op sosiale media het sy volgelingtal miljoene bereik. Groot handelsname soos Red Bull, Disney, Samsung en selfs Fendi het tougestaan om met hom saam te werk. Hy was pas aangewys as die wêreld se vyfde suksesvolste kunstenaar onder 40. Maar agter die vrolike doodle-wêreld was Sam besig om te verbrokkel en sy wêreld gaandeweg besig om ineen te stort – al het hy dit nie eens self besef nie. “Dit het begin soos griep,” sê hy. “My kop was in ’n waas, ek het…

HULLE het oor ’n burger gekibbel. Dis hoe die twee mekaar ontmoet het op ’n partytjie ná die Golden Globes in 2016. Dié woordewisseling was die begin van een van die grootste liefdesverhale in die vermaakbedryf – hy, die sjarmante Britse akteur, en sy, die Amerikaanse popster. Van Orlando Bloom en Katy Perry kon aanhangers nie genoeg kry nie. As hulle saam in die openbaar verskyn het, is hulle oorval. As hulle foto’s gedeel het, het miljoene mense hulle daaraan vergaap. Dinge het – minstens aanvanklik – ook net mooier geraak. Die twee het die wêreld platgetoer, verloof geraak en ’n baba saam gehad, maar nooit daarby uitgekom om voor die kansel te draai nie. Hy’t ’n besige rolprentskedule, sy’s altyd op toer. Maar toe kom die skok nou onlangs:…

BRONNE: PEOPLE.COM, DAILYMAIL.CO.UK, TOWNANDCOUNTRYMAG.COM…

DIE kluise staan wyd oop, hul binnekante is leeg. Foto’s is uit albums verwyder. In die kombuis staan graankoshouers slordig rond. Kinderspeelgoed is oor die vloer gestrooi. Lakens is van beddens afgepluk. Elke vertrek vertel dieselfde storie. Wie ook al hier gewoon het, het hul besittings haastig gegryp en laat spaander. Báie haastig. So haastig dat hulle selfs ’n paar bottels Glenfiddich-whisky in die drankkabinet agtergelaat het. Só het die lewe in die “Saxonwold Shebeen” tot ’n einde gekom. Dié massiewe herehuis in die boomryke noorde van Johannesburg was eens die tuiste van een van die mees berugte families wat hulself ooit in Suid-Afrika onwelkom gemaak het. Die Gupta-broers Atul, Ajay en Rajesh was lank sinoniem met korrupsie en staatskaping. Saam met hul vroue en telge het hulle rojaal gelewe…

OP ’N Saterdagoggend wil jy sport op televisie kyk. Of dalk ’n lekker fliek. Maar ekonomiese sake? Markte en wisselkoerse en die inflasiekoers? Nee, man, dis darem te droog. En wie verstaan nou eintlik dié goed? Maar in April 2000 doem ’n nuwe gesig in die land se sitkamers op. Reeds ’n gevestigde ekonoom, ja, maar ’n groentjie in die aanbiederstoel. Nie dat jy dit sou raai toe hy begin praat nie. Hard en reguit, met die selfvertroue van ’n gesoute aanbieder. En hy is vir jou ondeund, hoor! Skielik is al daai ernstige kwessies so verteerbaar soos jou spek en eiers. ’n Kwarteeu later is Dawie Roodt steeds Saterdagoggende op sy pos in die Ontbyt SAKE-ateljee. ’n Huishoudelike naam wat vertroue inboesem, en nooit op sy bek geval is…

IN JOU middeljare kan perimenopouse en menopouse groot hormonale veranderinge veroorsaak. Weens minder vog en olie kan jou vel, hare en lyf droog voel en dof lyk. ’n Leeftyd van roetines en al jou gunstelingprodukte voel skielik nie meer effektief nie. Hier is van die algemeenste gevolge, asook produkte wat kan help. Die gesig As jou vel dof lyk of jy sien donker kolle verskyn, is dit waarskynlik weens jou hormone wat verander. “Menopouse se hormonale veranderinge kan lei tot verskeie probleme, soos ’n verlies aan elastisiteit en ’n ongelyke veltoon,” verduidelik Vanessa Gray Lyndon, stigter van die velsorghandelsnaam Vanessa Megan. En weens die afname in estrogeen kan melanienproduksie toeneem, wat “kan lei tot hiperpigmentasie, wat algemeen as ouderdomsvlekke bekendstaan”, sê Vanessa. VIR ONGELYKE VEL Gebruik ’n sagte melksuurformule om…

◗ OU MEDISYNE EN SKOONHEIDSPRODUKTE “Medisyne en produkte wat jy mondeliks of deur die vel inneem, het almal ’n vervaldatum,” sê Lisa Jacobs, ’n professionele organiseerder en stigter van Imagine it Done. Kyk altyd na die vervaldatum. ◗ VERPAKKING Dis meer omgewingsvriendelik om items soos watte, tandestokkies en badsout in glashouers oor te gooi. Dit sal jou badkamer ook mooi laat lyk. ◗ PRODUKTE WAARVAN JY NIE HOU NIE Soms koop jy iets, maar ná ’n paar keer se gebruik besef jy dat jy nie eintlik daarvan hou nie. Raak daarvan ontslae, want dit vat ruimte op wat jy beter kan gebruik. ◗ OU HANDDOEKE Handdoeke moet elke twee jaar vervang word. “Handdoeke verloor mettertyd hulle vermoë om water te absorbeer. In vogtige badkamers kan dit ook begin om bakterieë…

AMERIKA HONDGROOTTE DINOSOURUS ONTDEK ’n Nuwe dinosourusspesie is ontdek – en dié een was maar so groot soos ’n labrador! Die Enigmacursor mollyborth-wickae het sowat 150 miljoen jaar gelede in Noord-Amerika geleef. Hy was 64 cm hoog en 1,8 m lank, en het dalk saam met reuse soos die stegosourus rondgedraf. Sy naam beteken “raaiselagtige hardloper”. Wetenskaplikes sê dis die volledigste fossiel van ’n klein dino wat nog gekry is. Volgens prof. Susannah Maidment word kleiner dino’s dikwels misgekyk, maar hierdie vonds wys daar’s dalk nog baie verrassings onder die grond. BRITTANJE AHOOI! LEGENDARIESE SKIP DRAAI BY BRITSE HAWENS Mense in Engeland se Yorkshire en East Sussex moes twee keer kyk toe ’n ou houtskip onlangs daar aandoen. Dit was die Nao Victoria, ’n presiese replika van die eerste skip…

SYFERSTORIES 3 So oud het Valerie, die wêreldberoemde “wilde worshond”, geword toe sy onlangs haar eerste verjaardag terug by die huis gevier het. Sy’t 529 dae in die Kangaroo Island-wildernis oorleef nadat sy op ’n vakansie daar weggeraak het. Die brak het ’n groot skaalse soek-en-vang-operasie ontwyk en nuusopskrifte gehaal voor sy met Georgia Gardner en Josh Fishlock herenig is. Hulle het haar met ’n hondvriendelike verjaardagkoek bederf. Sy’s nou ’n Instagramster en ambassadeur vir ’n Australiese hondemeubelvervaardiger. 20 Met soveel standbeelde kan besoekers aan Frankryk se Paleis van Versailles nou ’n geselsie aanknoop – danksy AI. Versailles het ’n vennootskap aangekondig met OpenAI en Ask Mona om die ikoniese 17de-eeuse paleis met kunsmatige intelligensie op te kikker. Weetgieriges kan hulle in sy geskiedenis verdiep deur QR-kodes by die tuinstandbeelde…

FLIEKS JURASSIC WORLD: REBIRTH Dis die laaste paar dae van die vakansie – nog net genoeg tyd oor vir iets groot op die silwerdoek. Dink: gebrul, gejaag, en dinosourusse so massief soos geboue. Ja, Jurassic World is terug! Die vorige drie flieks waarin Chris Pratt as Owen Grady dino’s probeer tem het, is nou afgehandel. Nou begin ’n heel nuwe era – met Scarlett Johansson, Jonathan Bailey en Mahershala Ali in die hoofrolle. In hierdie nuwe hoofstuk beland hulle op ’n geheimsinnige, verbode eiland wat lank gelede ’n Jurassic-navorsingsfasiliteit was. Dis nou een van die gevaarlikste plekke op Aarde – vol dino’s van alle vorms en groottes . . . en een groot geheim wat dekades lank vir die wêreld versteek is. Dis die sewende Jurassic-fliek, en dié een gaan…

DIE jaar was 1983. Die plek was Yandina, ’n Australiese dorpie. Dit was in daardie jaar en op daardie dorpie dat haar lewe totaal verander het. En meer as 40 jaar later dra sy daardie oomblik nog saam met haar. Sy onthou dit so goed, sê Renae Plant. Sy en ’n klomp ander kinders het vir die wêreld se beroemdste vrou, die jong prinses Diana van Engeland, gewag. Sy was op pad na hul nederige dorpie, ’n amptelike besoek aan ’n gemmerfabriek. Renae het gedink hulle sou die prinses van ver af sien. Maar wat gebeur het, was veel meer. Nadat prinses Diana en haar man, die bakoorprins Charles, opgedaag het, het Diana in haar spore vasgesteek, na die kinders gedraai, en nader gestap – reguit in Renae se rigting.…

TOE KRY DINGE LEKKER LEWE Die Afskopkonsert het dinge Donderdagaand laat vlamvat. Aanhangers het voor die reuseverhoog op en af gespring op die maat van vuurwarm kunstenaars se topliedjies, soos Appel se “Nonna”, Jay en Lianie May se “Naweeklyfie”, en Chris Steyn se “Plaas dorp toe”. Droomsindroom het die gehoor op hulle voete gehad met “Hey Sonneblom”, terwyl Kyle, die jongste van die broer-duo, sommer gou van sy hemp ontslae geraak het. Dis Mel die Storieverteller se tweede keer by Innibos. “Die manne hier is snaaks,” sê sy. “Hulle dra sulke dik baadjies, maar loop dan in plakkies rond.” HY LYK SOOS WÁT? ANDRÉ, die Skreeusnaakse Hipnotiseur, vertel hy word dikwels daarvan beskuldig dat sy verhoogkuns “van die duiwel is”. Daaroor lag hy tog te lekker. “Ek is nie die…