Innholdsfortegnelse for 19 June 2025 i Huisgenoot

1 MYLPAAL IN ’N LEWE VOL MOED Die baba met brandwonde het in die land se harte gekruip. Pippie Kruger is nou 16 jaar oud. Huisgenoot het by haar en haar ouers op Stilbaai gaan inloer Geluk, liewe Pippie, omdat jy verjaar, mag die Here jou seën en nog baie jare spaar. Julle storie in Huisgenoot was so treffend. So dankbaar vir jou ouers wat daar is vir jou, vir jou boetie en ook vir mekaar. Mooi bly, Pippie. MARIE Baie geluk met jou verjaardag, Pippie. Mag dit vir jou ’n besonder geseënde jaar vorentoe wees, gevul met alles wat mooi en goed is. En mag daar nog baie gelukkige lewensjare vir jou en jou familie wees. CHARMAINE Baie geluk met jou 16de verjaardag, pragtige Pippie! Mag die Here jou…

Wie sou jy die graagste vir ete wou nooi en wat sou jy vir ete maak? Vir Whitey Basson, vir sy wysheid, en ons deel ’n liefde vir ’n goeie glas rooiwyn. Ook vir Anria van Heerden van die Caring Daisies sodat iemand haar en haar omgeehart vir ’n slag kan bederf. En natuurlik my pragtige vrou, Dunay, want as sy saam is, proe die kos altyd beter. Ons sal natuurlik een van my kerrieresepte saam geniet. Wat kan jy nie verduur nie? Ek kan dit nie verduur as mense sonder ’n goeie verskoning laat is nie. Of as iemand langs my op ’n vlug oneindig tik op ’n skootrekenaar. Petty? Wat is jou gunstelinggesegde in Afrikaans? Wie nie waag nie, wen nie. Jy’t niks om te verloor nie, gaan…

EEN oggend in November 2024 sit die akteur Clint Brink op sy bed en speel met sy tweejarige dogtertjie, Arielle. Dis vyf maande nadat hy sy rol as dr. Steve Abrahams in Binnelanders verlaat het. ’n Rol wat vir byna tien jaar sy werk was. Sy vrou, die aktrise en fiksheidsmodel Steffi Brink, kom by die deur ingestap en plak haarself tussen hulle op die bed neer. “Ek het goeie nuus en ek het goeie nuus,” sê sy. Clint wou graag ná Binnelanders sy loopbaan in ’n nuwe rigting stuur, maar bowenal wou hy tyd vat om tot verhaal te kom. Net ’n jaar tevore het hy sy pa, Clinton, en sy boesemvriend, die akteur Bradley Olivier, kort ná mekaar aan die dood afgestaan. “Kan ek die goeie nuus eerste…

VERLEDE jaar het ons gedink dit was moeilik om deur die honderde Mej. Tienerinskrywings te sif. Kan dit enigsins nóg moeiliker raak, het ons gewonder. Die antwoord, liewe leser, is ja. Dit kan. Vanjaar was dit sowaar ’n nagmerrie. Nie omdat dit slegte werk is nie, nee. Dit was ’n nagmerrie, want die foto’s is beeldskoon, die motiverings interessant en die deelnemers se TikTok-video’s kreatief, slim en oulik. En daar is honderde en honderde van hulle! Een ding is seker, dié tienermeisies weet wat hulle wil hê én wat hulle wil sê. Hulle is slim, pittig, wys en het selfvertroue. Die aantal inskrywings vir vanjaar se Mej. Tiener-kompetisie het voorwaar ons verwagtinge oortref. Nadat die Huisgenoot-paneel vir dae aaneen deur die motiverings gelees het, die foto’s bestudeer het en…

ONDER-LAAG d o e n meer as om jou vel eweredig te laat lyk. Dit skep ’n gladde, afgewerkte basis wat help dat die res van jou grimering makliker aanwend en langer hou. Maar met so baie opsies kan dit nogal oorweldigend wees om die regte een vir jou te vind. Hier’s hulp. Vloeibare onderlaag WAT IS DIT? ’n Vloeibare onderlaag is veelsydig, maklik om aan te wend en voel gewigloos. Daar is talle opsies, van formules met silikoon of water as basis, tot nuweres wat serums as bestanddeel bevat en jou vel bevog of verhelder. Die meeste vloeibare onderlae is beskikbaar in ’n douerige of ’n mat afwerking wat nie blink nie, en die bedekking kan wissel van lig en byna natuurlik tot volledig. VIR WIE WERK DIT? Dis…

KREEF 21 JUNIE – 21 JULIE Die Suidelike Halfrond is op pad na die langste nag van die jaar op die 21ste vir die sonstilstand, wanneer die son ook in jou teken inbeweeg. Boonop ontmoet die son die ruimhartige Jupiter op die 24ste, wat nuwe deure vir jou kan laat oopgaan en tot nuwe planne kan lei. Met die nuwe maan in die Kreef op die 25ste kry jy ’n ekstra hupstoot wat jou in die kollig plaas. LEEU 22 JUL – 22 AUG Alles dui daarop dat jy hierdie week moet rus en herstel, selfs al voel jy 100% gesond en fiks. Van die 21ste af verander die son van teken en beweeg dit in die area van rus, kalmte en selfrefleksie in. Daar’s iets waardevols om uit hierdie…

KAHN MORBEE Hy’s veral bekend as die hoofsanger van die legendariese plaaslike groep The Parlotones, maar deesdae fokus KAHN MORBEE op sy eie projekte. Hy het onlangs sy eerste soloalbum in vier jaar uitgereik– die EP Buzzhead. Dis deurdrenk van folk-rockklanke en dien as ’n opvolg op sy 2021-album, A World at Suicide. Ons het met die 47-jarige sanger-liedjieskrywer gesels wat deesdae in Nederland woon. Waarom is die titel Buzzhead? Dit was toevallig die titel van een van die snitte, en ek hou van hoe dit van die tong af rol. Wat inspireer jou steeds om nuwe musiek te skryf? Ek leer voortdurend nuwe kitaarstukke, en ek leer al hoe meer oor produksie. Hierdie ontdekkings is dikwels ’n kreatiewe duikplank, nes die lewe se reis en waarnemings. Wanneer het jy…

GROOT BLOKRAAI NO 2601 KOMPETISIEVRAAG Watter drank is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN TAFELBERG PLUS KOM IN AANMERKING VIR DIE MAANDELIKSE TREKKING VAN R1 000. Hierdie week wen een leser Nuwe geskiedenis van Suid-Afrika deur Hermann Giliomee, Bernard Mbenga en Bill Nasson (Tafelberg, R320). Dié bygewerkte uitgawe van die Nuwe geskiedenis van Suid-Afrika sluit bydraes in deur gerekende skrywers. Vars insigte uit die geskiedskrywing en argeologie word ingeweef. Die boek begin by die ontstaan van die mensdom, vertel dan die storie van die Khoi-Khoi, slawe en burgers, die groot migrasies en later die Voortrekkers. Dan kom die ontdekking van diamante en goud aan die beurt wat dinge radikaal verander. Oorlog breek uit…

In 2016 het ’n span wetenskaplikes van die Anglia Ruskin University en Imperial College London die fossiel van ’n Telmatosaurus transsylvanicus (ook genoem ’n moerasakkedis) ontdek. Danksy die vonds dink hulle nou dinosourus-fossiele kan in die toekoms bydra tot nuwe kankerbehandeling. Die fossiel wat hulle gekry het, wys die antieke dier het ’n niekankeragtige gewas bekend as ’n ameloblastoom in sy kaak gehad. Toe hulle die fossiel van nader bestudeer, het hulle strukture gevind wat soos bloedselle lyk. Hulle kon ook sagte weefsel en ander selle vind wat vir hulle wys dit was baie beter gepreserveer as wat hulle voorheen gedink het. DIT KAN JY GLO? Die ontdekkings kan hulle help om te verstaan hoe siektes soos kanker prehistoriese diere geaffekteer het. Dit sal hulle dan help om te kan…

Lady Liberty, wat op Liberty-eiland in die New Yorkse hawe staan, het op dié dag daar aangekom aan boord van die skip Isère. Die eiland het toe nog bekend gestaan as Bedloe’s Island. Die idee vir die standbeeld het 20 jaar vroeër ontstaan toe die Franse geskiedkundige Édouard de Laboulaye ’n voorstel gemaak het oor ’n geskenk van Frankryk aan die Amerikaanse volk. Dit sou saamval met die eeufeesvieringe van die ondertekening van die Amerikaanse Onafhanklikheidsver-klaring in 1776. Die beeldhouer Frédéric-Auguste Bartholdi het saam met De Laboulaye gestem en begin skets aan die struktuur. Hy het die standbeeld “Liberty Enlightening the World” genoem. Dit was Bartholdi wat met die simboliese elemente van die standbeeld vorendag gekom het: ’n kroon wat lig verteenwoordig met sewe skerp punte wat sonlig aan die…

ORAL om ons is daar piepklein lewende dingetjies – te klein om met die blote oog te sien – wat ’n groot uitwerking op ons lewe het. Sommige hiervan kan ons siek maak, soos kieme, terwyl ander klein organismes kan help om siektes te voorkom. Dis danksy dié amper onsigbare organismes dat brood rys én dis ook die rede waarom brood uiteindelik muf. Ons noem hierdie klein lewensvorme mikroörganismes of mikrobes, en ons het gewoonlik ’n mikroskoop nodig om hulle te kan sien. Die studie van mikrobes word mikrobiologie genoem. Dis ’n fassinerende studierigting waarin wetenskaplikes vasstel hoe hierdie onsigbare organismes ons wêreld en ons gesondheid beïnvloed, op sowel goeie as slegte maniere. WAT IS MIKROBIOLOGIE? Die woord kom van die Griekse woorde mikros (klein), bios (lewe) en logos (studie)…

‘SAMPIOENE en die fungi waarvan hulle deel vorm, fassineer my al vandat ek as kind in Vishoek saam met my pa veldkos gaan soek het. Ons as mense val in die diereryk, Animalia. Daar’s die planteryk, Plantae, maar fungi, oftewel swamme, behoort tot hulle eie natuurryk. En interessant genoeg is die fungi-koninkryk in sekere opsigte nouer verwant aan mense as aan plante. Hulle is op genetiese vlak meer soos ons as soos plante. Op hulle manier “jag” hulle en kyk hulle wat hulle kan aas, nes ons. Hulle kan soos ons hulle omgewing manipuleer. En húlle funksioneer in absolute harmonie met hulle natuurlike omgewing. Dis verbysterend hoe ten volle hulle konneksies kan vorm met organismes van die ander natuurryke. Hoe hulle landskappe kan vernuwe, en ons ook kan help genees.…

DAAR was ’n tyd in die 1980’s d a t d i t glad nie ongewoon was om kinders op die skoolterrein op een voet te sien staan, hul ander been soos ’n kraanvoël gelig, hul twee arms omhoog, gereed om ’n karateskop te doen nie. Destyds kon jy die frase “wax on, wax off ” feitlik enige plek gebruik en mense sou dadelik weet waarna jy verwys. Dit was danksy Ralph Macchio, die tienerseun wat met sy wit pakkie en kopband in die rolprent The Karate Kid ’n hele generasie se idees oor dié gevegskuns gevorm het. Oor die jare het hy drie keer die rol van Daniel La Russo in flieks vertolk, die laaste keer in The Karate Kid III in 1989. Nog Karate Kid-flieks het jare later…

WAT is nou lekkerder as om jou kind se verjaarsdag by Disneyland te vier – selfs al is jy ko-ninklik? Dis presies wat prins Harry en Meghan gedoen het toe hulle dogtertjie, Lilibet, vier geword het. Hulle het haar spesiale dag in die Magic Kingdom gevier. “Dankie @disneyland dat julle vir ons gesin twee dae van pure vreugde gegee het!” het Meghan (43) op Instagram geskryf. In die video sien ’n mens vir haar, prins Harry (40), Archie (6) en Lilibet wat verskeie pretritte geniet. Daar’s ook ’n vinnige kykie na Lilibet se verjaarsdagkoek met ’n Little Mermaid-tema. Op 4 Junie, die dag waarop Lilibet verjaar, het Meghan ’n paar foto’s gedeel wat nog nooit tevore gesien is nie. Die eerste een wys hoe sy Lilibet vashou, net ’n paar…

JESSIE J SEKANKERKRISIS Die Britse sangeres JESSIE J het op Instagram gedeel dat sy borskanker het. In ’n video vertel sy sy het onlangs uitgevind sy het die siekte en gaan binnekort vir ’n operasie. Jessie is 37 en sê sy sal eers dié maand nog optree by die Summertime Ball in Londen, en daarna tyd af vat. Sy’t belowe sy is nie klaar met musiek nie – sy beplan om terug te wees met nuwe liedjies sodra sy gesond genoeg is. CARDI B WORD INSTA-AMPTELIK Nadat sy ’n egskeiding van die rapper Offset gevra het, het CARDI B (32) nou bevestig dat sy en die NFLster STEFON DIGGS (31) ’n paartjie is. Die rapper het foto’s en video’s gedeel van luukse ruikers wat by haar afgelewer is – saam met…

JY SKEUR jou swart T-hemp se moue af, al gaan Ma jou hel gee. Jou stovepipe jeans se pype vou jy om sodat jou wit sokkies wys (net wit sokkies deug). Om af te rond, hande vol van Pa se Brylcream (die olie, nie die room nie) in jou hare. Blinkglad agteroor gekam, so na aan eendstert as wat jy kan. Dan begin daai musiek . . . Jou heupswaai-en-ritteltit-dans is ietwat aan die potsierlike kant. Maar jy’s windgat, man. Rebels! Die jaar was 1978 en Grease-partytjies was in. Elke hoërskoolkind wou John Travolta of Olivia Newton John wees. En soos hulle dans: Come on baby, let’s do the twist, take me by my little hand, and go like this. Maar so gewild soos dié eendstertmusiekfliek was, moet jy byna…

DIS nog stikdonker wanneer Rudolph Lekay van Mitchells Plain om halfvier opstaan. Hy’s net 18 en nog in matriek, maar hy’s teen net voor vyf by die huis uit. Die hele skooldag lê nog voor, maar hy’t voor die eerste klok lui ’n klomp ander dinge wat hy eers wil doen. Hy skiet op sy skaatsplank na die bushalte so drie kilometer verder, en dan na die groot taxi-staanplek hier op die Kaapse Vlakte. By albei bestemmings haal hy sy ware uit: plastieksakkies met skyfies en los lekkers. Dis tyd vir besigheid. Rudolph stap op en af al langs die rye wagtende pendelaars. Wil iemand iets koop? Tjips? Sweeties? Sake loop soos stroop. Teen seweuur, wanneer die son sy kop in die ooste lig, het Rudolph ’n paar honderd rand…

t – teelepel/s e – eetlepel/s k – koppie/s BÊRE-WENK As jy nie op een slag al die pannekoeke wil voorsit nie, stapel dit op mekaar, maak goed toe en bêre tot ’n maand in die vrieskas. Sodra jy dit nodig het, haal dit uit, ontdooi en verhit dit in die mikrogolfoond. BASAAR-PANNEKOEK LEWER ONGEVEER 18-20 PANNEKOEKE / BEREIDING: 15 MIN. STAAN: 30 MIN. OF OORNAG / BAK: 30 MIN. Die geur van kaneel en pannekoeke is ’n wintertrekpleister wat mense dikwels laat saamdrom by ’n verkoopskaravaan of basaarstalletjie. Hier is my resep vir dié gunsteling. PANNEKOEK ◗ 500 ml (2 k) koekmeel◗ 5 ml (1 t) bakpoeier◗ 2,5 ml (½ t) sout◗ 500 ml (2 k) melk◗ 500 ml (2 k) water◗ 125 ml (½ k) olie◗ 6 eiers…

1 VERSTAAN JOU FOUTE Besin oor hoe jy in hierdie gemors beland het. Was dit emosionele besteding, het jy nie jou uitgawes dopgehou nie of is dit as gevolg van ’n onverwagte krisis? Dalk leef jy bo jou vermoë omdat jy nie wil afsteek teen ander nie. As jy die redes verstaan, sal dit jou help om verdere skuldslaggate te vermy. 2 HOE GROOT IS JOU PROBLEEM? Tel al jou skuld bymekaar. Byvoorbeeld kredietkaartskuld, persoonlike lenings, jou oortrokke rekening, mediese rekeninge, voertuig-en huislenings. Dit help om altyd te weet hoeveel jou totale skuld is sodat jy nie nóg skuld maak nie. 3 MAAK ’N PLAN Werk ’n nuwe begroting uit. ◗ Bepaal presies wat jou inkomste is en bereken dan gereelde maandelikse uitgawes soos skoolgeld, verblyf, kos, huidige skuldterugbetalings en vervoer. ◗…

IN BEGINSEL is ek nie erg oor flieks en reekse waarin oorlog en konflik ’n sentrale rol speel nie. Een van die onwillekeurige gedagtes wat altyd by my opkom, is dat dit waarskynlik nou op hierdie oomblik weer êrens in die wêreld gebeur. En dis nogal vir my ’n ondraaglike gedagte. Een wat ek vermy. Helaas is ek egter getroud met iemand wat ’n natuurlike belangstelling het in oorloë en geskiedkundige konfliksituasies, soldate in loopgrawe, en gewapende manne wat met valskerms uit massiewe troepdraervliegtuie spring. Die heel beste reeks wat ek tot dusver saam met hom gekyk het, en wat ons dié week wéér begin kyk het, is die verstommende BAND OF BROTHERS. Ons het lank terug die DVD’s gekoop, maar kyk dit nou sommer op Showmax. Die tien episodes…

JAPAN het aangekondig dat ouers van nou af nie meer vir hul kinders name soos “Nike”, “Pikachu” of “Pudding” mag gee nie. Sulke name het die afgelope paar dekades gewild geword soos wat ál meer ouers wegbeweeg van tradisionele Japannese name. Dié soort name staan bekend in die Japannese kultuur as “kirakira”-name, wat sprankelend of blink beteken. Volgens wette wat in Mei in werking getree het, sal ouers van nou af vir hulle kinders name moet gee wat mense by skole, hospitale en ander owerhede kan uitspreek. Die nuwe wette sê dat wanneer ouers name gee aan pasgebore babas, sal hulle moet verduidelik wat dit beteken. As dit te onduidelik is, sal die name na ’n spesiale instansie verwys word. Daar was groot ontsteltenis. Mense sê kinders “behoort” aan hul…

1 Watter letter stel 100 voor in Romeinse syfers? 2 Op watter eiland woon die karakters Lilo en Stitch? 3 Watter land in Afrika het die grootste bevolking? 4 Watter motorvervaardiger het ’n pronkende perd as simbool? 5 Wat is die kleinste planeet in ons sonnestelsel? Antwoorde 1 C 2 Hawaii 3 Nigerië 4 Ferrari 5 Mercurius BRONNE BBC.COM, TURKIYETODAY.COM, JAPANTODAY.COM, INDEPENDENT.CO.UK, STATUEOFLIBERTY.ORG, SMITHSONIANMAG.COM, THEGUARDIAN.COM, POPSCI.COM, EARTH.COM, NZGEO.COM, GOODNEWSNET-WORK.ORG, ETYMOLOGIEBANK.NL…

‘DIE Groot verseboek bevat ’n omvattende aantal uiteenlopende gedigte van ’n substansiële deursnee van ons volk. Miskien sal ek eendag die geleentheid kry om my dankbaarheid aan u te betuig.” Dis nie die woorde van ’n letterkundige of resensent nie, maar van Nelson Mandela, in ’n handgeskrewe brief uit 1975 aan Danie van Niekerk, destyds die hoofbestuurder van Tafelberg-uitgewers. Gestuur uit die tronk op Robbeneiland. “Om te lees hoe hy in Afrikaans praat van ‘ons volk’ en duidelik ’n liefde het vir Afrikaanse literatuur was werklik besonders,” sê die oudredakteur en skrywer Elmari Rautenbach. Haar pa was Danie van Niekerk, wat dié brief ontvang het. Mandela sou later as ’n vry man en die eerste president van ’n demokratiese Suid-Afrika in Mei 1994 in die parlement die Afrikaanse digter Ingrid Jonker…

DAAR’S ’n goeie rede dat hy nog nooit in ’n vaste verhouding was nie. Eerstens het hy nog nooit daardie konneksie met ’n vrou gevoel nie, maar meer nog: Hy’t geweet die dag as hy iemand vra om sy vaste meisie te wees, moet dit die een wees met wie hy beplan om te trou. So het Daandré Coetzee verlede jaar aan Huisgenoot gesê. Tog, deur die jare het hy altyd “gebid vir ’n maatjie wat by hom sal pas”. En eindelik het die dag aangebreek dat hy en sy by die Stable View-trouvenue in die Hekpoortomgewing, sowat 60 km suidwes van Pretoria, ewige trou aan mekaar belowe het. Daandré (27), in beheer van bemarking by die familieonderneming Fresca Farms buite Brits, was verlede jaar een van die top-5-boere van…

Hier is goeie nuus vir alle hekelliefhebbers: Huisgenoot se nuwe Hekel-uitgawe is op die rakke. Dit is propvol patrone om van te kies en na hartelus te begin hekel. So kry die hekelpenne gereed, want daar lê ure se pret en plesier voor! Daar is iets van alles, en veral die speelgoed is tans baie gewild. Daar is meer as 25 patrone van items wat dwarsdeur die jaar gebruik kan word. Kry jou Huisgenoot Hekel nou! Wat is alles ingesluit? ■ Truie vir vroue ■ Sjaals  ■ Sakke ■ Komberse ■ Kinderklere ■ Mandjies en selfs ’n poef om op te sit ■ Allerlei interessanthede, onder meer ’n boekmerk BESTEL DIT SÓ AANLYN media24shop.com of huisgenootwinkel.com E-POS koop@huisgenoot.com BEL 021-406-4962…

LANKLAAS het twee mans ’n straight man vir ’n ander man kan lief mekaar so heuning om die mond gesmeer. Hulle was onafskeidbaar. Op die gholfbaan, in die Withuis. Só ingeklits dat dit gevoel het die wêreld se magtigste man en die wêreld se rykste man vlei mekaar bitter baie terwyl ernstiger sake op die agenda hoort. “Ek is so lief vir Donald Trump as wat wees,” het Elon Musk laat hoor. “Hy’s ’n individu met ’n ernstig hoë IK,” het Trump oor Musk gesê. Musk is ’n “genius”, het Trump gesê. Hy’s Trump se “First Buddy”, het Musk gespog. Nou ja, baie water het in die see geloop sedert die miljardêr dollars in hul miljoene geskenk het aan die eiendomsmagnaat se tweede verkiesingsveldtog. Waar’s die dae van Big Macs…

HUISGENOOT SE PANEEL JA Demi- Leigh Tebow (model) DENNIS Drie maande swanger en Demi-Leigh straal die rustigheid van ’n kraakvars oggend uit in hierdie snyerspak. KIM Jy sou dink dit werk nie, maar Demi-Leigh laat dié alles-pastel eenvoudig pragtig lyk. Die bietjies wit daarby en haar golwende lokke dra by tot die vars, ontspanne voorkoms. LOLA Kan jy verkeerd gaan met ’n oorgroot broekpak? Wel, moontlik. Maar Demi is in die kol met hierdie poeierblou nommertjie – die kleur pas haar perfek. SHOUNEES Is daar enige styl wat hierdie skoonheidskoningin nie kan doen nie? Die broek is dalk te lank, maar die bababoepie in babablou neem dié voorkoms na 10/10 vir my. JA Mary Holland (aktrise) & suster Grace Ann Nader DENNIS Die susters is ’n dinamiese duo in denim,…

V Vandag skryf ek omrede ek so raadop is – ek sit tussen ’n narsistiese man en seun. My seun het verlede jaar matriek geskryf en met ’n B+-gemiddelde geslaag. In gr. 11 reeds het hy besluit hy gaan ná skool ’n oorbruggingsjaar neem. Dis nou Junie en sy “rusjaar” het ’n jaar van rekenaarspeletjies 18 uur per dag geword. Hy weier om te werk. Hy weier ook om te gaan swot, want volgens hom is swot ’n “geldmaakstorie”. Hy wil eerder aanlyn werk doen – en ons almal weet tog dis nie so maklik nie. Nou sit hy maar heeldag en speel speletjies of lê in sy bed en speel speletjies. My begaafde seun gooi sy sporttalent en die intelligensie wat God hom gegee het weg met sy rekenaarspeletjies.…

AS EK JY WAS DEUR DE WET HUGO Human & Rousseau, R179* “ ’n Skreeusnaakse, maar deernisvolle storie oor boeliegedrag, selfbeeld en ware vriendskap.” Ja, sê De Wet Hugo, boeliegedrag is ’n oorkoepelende tema van die storie. “Soos in die werklikheid, vind ons blitsvinnig in hierdie boek uit dat mense wat self seergekry het ander graag seermaak. Boelies raak boelies, hulle word nie sommer net so gebore nie. Boelies weet ook gewoonlik nie waar om die streep te trek nie. As iemand ’n ander mens boelie oor hulle lyf, is die kans goed dat hulle waarskynlik rassisties en homofobies ook is. Boelies pik graag op almal wat anders as hulle is.” De Wet sal weet, want as laerskoolonderwyser ken hy kinders maar te goed. Hy het vyf jaar in Suid-Afrika…

JESSE EISENBERG Hierdie veelsydige 42-jarige akteur met sy krulhare en vermoë om baie vinnig te praat loop oor van talent. En hy is ewe vaardig voor én agter die kamera – veral met skryfwerk, soos die fliek A Real Pain onlangs bewys het. Hy het die teks geskryf, wat aan hom ’n Bafta-prys besorg het vir die beste oorspronklike draaiboek, terwyl hy ook nog die regisseur was en een van die twee hoofrolle vertolk het. » Die 2009-fliek ZOMBIELAND (nou op Showmax) was die eerste een waarin Jesse ’n hoofrol (Columbus) vertolk het. Dit was toe ’n lokettreffer en geniet deesdae effe van ’n kultusstatus – hoewel die rolprent aanvanklik nie gewild was nie. Hy het teenoor Woody Harrelson en Emma Stone gespeel. » Jesse het in 2010 sy naam…

STUUR OORSPRONKLIKE GRAPPIES NA GRAPPIES@HUISGENOOT.COM. JY KRY R50 VIR ELKEEN WAT ONS GEBRUIK. SLUIT JOU NAAM EN KONTAK BESONDERHEDE IN. AANWINS “My vrou het gister saam met my beste vriend Hannes weggeloop,” sê Piet aan sy broer. “Van wanneer af is Hannes jou beste vriend?” wil sy broer weet. “Sedert gister.” Louise Noeth WEDLOOP TEEN TYD Die ouens in die MasterChef-kombuis kan maar by my kom leer hoe om druk te hanteer. Dis tien minute voor beurtkrag en die hoender is nog te pienk in die middel. Emmie, Mosselbaai EETBALANS Sjokolade is die natuur se manier om jammer te sê oor spruitkool. L. Saayman DEPOSITO Ek het gisteraand ’n R5-muntstuk tussen die kussings ingedruk, sê Piet terneergedruk vir sy maat, “net om te weet hoe dit voel om geld in…

UIT LATYN: Migrāre beteken om êrens heen te gaan, so eenvoudig soos dit. Migrasie beteken om van een plek na ’n ander te trek. As dit maar so eenvoudig was. SYFERSTORIES 101,5 meter Dis die lengte van ’n nuwe luukse superjag net bekend as Project 824. Dit is volgens berigte gebou vir die voormalige hoof van Starbucks, Howard Schultz. 47 Dis hoeveel giftige adders doeanebeamptes in die bagasie van ’n Indiese man op die Mumbai-lughawe gekry het. Die passasier het ook ander slange by hom gehad. Daar is wette in Indië wat die invoer van sekere spesies wat bedreig of beskermd is, verbied. Tog is daar baie wat kanse vat daarmee. 27 jaar en 3 maande ’n Kaaswiel wat só oud is, is in die klein Italiaanse dorpie Poviglio oopgemaak. Die…

WANNEER jy ses jaar oud is, is daar baie min dinge wat jy kan doen om beheer oor jou wêreld te neem. ’n Wroegende tiener kan dalk weier om te eet, van die skool af wegbly of steel. Hulle kan dalk alkohol of dwelms begin gebruik. Alles maniere om te voel hulle kry ’n bietjie beheer oor hulle lewe. En enige volwassene wat omgee, sal die boodskap kry – dat daar onder die oppervlak iets groots verkeerd is. Maar vir ’n sesjarige meisie is daar net één wapen. Al wat sy regtig kan gebruik om ’n muur op te rig en haarself te beskerm, is haar stem. En dís waarom Abigail Marin stil geword het toe haar jong lewe begin ontrafel het. Abigail, haar ouers en twee ouer susters het…

SEDERT hy oud genoeg was om vir homself te dink, weet hy al wat van hom verwag word. Soms het hy dit kleintyd kop toe gevat. Daar word vertel as seuntjie het hy partykeer vermakerig aangekondig: “Ek gaan eendag koning word”, en dan probeer om bevele aan omstanders uit te deel. Maar deesdae dra prins William die plig wat sy familiestatus op hom gelê het met veel meer grasie. Soos wat sy pa dag ná dag teen die ouderdom en siekte worstel, wys die kroonprins ál meer dat hy gereed is om koning Charles op te volg. Hy is verantwoordelik, waardig, en die belangrikste van alles: geliefd. Die afgelope jaar het William gewys hy besef dat sy rol oor meer as net seremonies en bankette gaan, sê Hugo Vickers, ’n…