Innholdsfortegnelse for 12 June 2025 i Huisgenoot

1 ‘VOEL SOOS MELAATSE NÁ MY MAN SE DOOD’ Ná haar man se begrafnis het geen van die rouklaers ooit na haar welstand verneem of haar besoek nie, skryf Weduwee (Briewe, 15 April) My man is nou al elf maande weg. Ek het gelukkig wonderlike kleinkinders en kinders. Die gesels en lag is daar, maar binne is dit leeg en eensaam. Jy moet van voor af rigting kry en als self leer doen. Baie sterkte vir almal. NELLA My man sal op 17 Junie twee jaar oor-lede wees. Ons het ook baie vriende verloor met wie ons ’n lang pad gestap het. Hulle het net verdwyn. Ons is dankbaar vir die handjievol wat nog saam met ons die pad stap. SONJA Dis dan juis wanneer jy jou vriende nodig het. Maar…

TOE die regter begin praat, veg die geharde speurder teen die trane. Hy’s gewoond daaraan om in die hof te verskyn nadat hy skokkende misdade ondersoek het, en hy is gewoond aan die spanning voordat ’n saak met ’n skuldigbevinding eindig. Maar dié keer – toe die regter die beskuldigdes lewenslank tronk toe stuur – breek iets in sy binneste. Want die saak waaraan kapt. Wesley Lombard so hard gewerk het, is een wat die hele land geruk het. En dis eindelik verby. Kelly Smith, die ma wat haar sesjarige dogtertjie vir R20 000 verkoop het – moontlik aan ’n sangoma – sal boet vir haar ondenkbare daad. So ook die twee mans wat saam met haar in die beskuldigdebank gestaan het. Die mense in die stampvol gemeenskapsaal in Saldanha…

TWEELING 21 MEI – 20 JUNIE As jy onlangs geld gekry het, is jy dalk steeds onseker oor wat om daarmee te doen. Moenie haastig wees nie, veral as vriende vir jou allerhande raad en voorstelle gee. Jy moet weer na jou finansiële beplanning en strategieë kyk, en dit sal beter wees om kundige raad te kry. Probeer om van die 17de af meer te rus en meer by die huis te wees – jou teenwoordigheid is nodig. KREEF 21 JUN – 21 JUL Dit gaan dié week ’n balanseertoertjie vir jou wees by die werk, veral wat groei en struktuur betref. Gee jy net jou beste. ’n Goeie vriend kan rondom die 15de dalk na jou toe kom vir geldhulp. Om die geld te gee gaan waarskynlik nie die…

DANNY SMOKE Dit voel dalk of hy skielik die musiektoneel betree het, maar soos enigeen in die bedryf weet, vat dit baie harde werk vir ’n baie lang tyd om “oornagsukses” te behaal. DANNY SMOKE (37) was nog nooit iemand wat jy in ’n boks kon sit nie. Sy aanslag en klank is vars en uniek, en sedert die uitreiking van sy danstreffers “Carina” en “Yskas skuif” verlede jaar, trek sy loopbaan as sanger al hoe meer aandag. “Vir lank het ek nie mooi geweet waar ek in die bedryf pas nie,” sê Danny. “Die draaipunt was verlede jaar toe ek by Select Musiek aangesluit en my eie liedjies begin uitreik het.” In ’n kort tydjie het Danny die koning van dansmusiek geword, ’n titel wat hy nou weer bevestig…

ROMANSE IN DIE HUWELIK “Liefie, ons is nou al so lank ge troud, maar droom jy darem nog snags oor my?” vra die man sy vrou. “O, ja. Ek droom jy maak aandete, was die skottelgoed, neem die vullishouer buitentoe en sny die gras!” Johanna Rademeyer DROOM VOORT V: In watter land kry ’n mens net die mooiste, slimste vroue wat hulle mans altyd ondersteun en nooit kla of skel nie? A: Dit kry ’n mens net in Droomland, natuurlik. San Marchand ALTYD REG Piet en sy vrou sit al weer vas. “Jy weerspreek altyd alles wat ek sê,” sê hy. “Nee, ek doen dit nie,” antwoord sy. “Oukei, ek gee op. Ek’s verkeerd, jy’s reg.” “Nee, ek is nie!” Johanna Rademeyer DOODBEKOMMERD Dis nie ’n goeie idee om mediese…

OP MY MacBook se skerm staan ’n voormalige toergids, Antoinette Sithole, in ’n vertrek binne die Hector Pieterson-museum in Soweto. Teen die muur is ’n groot afdruk van die wêreldbekende foto deur Sam Nzima, geneem op 16 Junie 1976. Daardie dag, toe skoolkinders in Soweto in opstand gekom het teen Afrikaans as ’n verpligte onderrigtaal in sekere vakke, word deur talle kenners beskou as dié grootste tragedie in ons moedertaal se geskiedenis. In die middel van die foto hou Mbuyisa Makhubu die lewelose liggaam van ’n 12-jarige seun vas. Hy dra ’n skooluniform. Langs hulle is ’n meisie, bevrore in tyd, haar oë toe en mond wyd oop. Sy skree. Antoinette kyk stip na die foto en sê: “Die seun wat hy vashou, is Hector Pieterson, my jonger broer, wat…

IRINA VS. CAMILA Die model Irina Shayk het in 2013 dié gewaagde Roberto Cavalli-rok by die Cannes-rolprentfees gedra. Vanjaar het die sangeres Camila Cabello in dieselfde rok gepronk op die Bafta-toekenningsaand. MONICA VS. EVA Monica Barbaro was in Februarie vanjaar ’n gunsteling onder die fotograwe by Vanity Fair se Young Hollywood-partytjie. Eva Longoria het New York laas maand oorrompel in dieselfde rooi Jacquemus-rok toe sy haar nuwe reeks, Searching for Spain, bemark het. KERRY VS. CAMILA Kerry Washington het verlede jaar by die Academy Museum Gala dramaties gelyk in hierdie Carolina Herrera-blommerok. In April vanjaar het Camila Alves asemrowend gelyk by haar man, Matthew McConaughey, se liefdadigheidsfunksie, die Mack, Jack & McConaughey Gala. QUINTA VS. BLAKE Die aktrise Quinta Brunson het in 2024 hierdie skepping deur Christopher John Rogers op…

AS KIND was hy bang vir vragmotors, die donker, vampiere, weerwolwe, die dood, klein ruimtes, die nommer 13 . . . “Dit was vir my lekker om bang gemaak te word,” sou hy later sê. Toe gee hy die hele wêreld die horries met boeke en flieks soos Carrie, Pet Sematary, Cujo, IT en The Shining. Want Stephen King het ’n byna bonatuurlike aanvoeling vir die fobies wat in ons onderbewussyn sluimer. Kort ná Stephen se geboorte op 21 September 1947 in Portland, Maine, het sy pa die hasepad gekies. As laerskoolkind het hy stories begin skryf. Sy enkelma, Nellie, het hom 25 sent vir elke storie gegee. Uitgewers was minder ondersteunend. Ná universiteit het Stephen as skoolopsigter gewerk en vir jare in ’n karavaan gewoon terwyl die een manuskrip…

Waar was jy op jou gelukkigste? Op die verhoog of voor ’n kamera. En om in ’n woestyn te wees maak my gelukkig, maak nie saak waar of wanneer nie. Wat sou jy anders doen as jy jou lewe kon oorhê? Ek sou harder en meer klavier geoefen het en vroeg-vroeg al vir danslesse gegaan het. Wat is die ding wat jy die meeste in mense bewonder? Eerlikheid en vasbyt/veerkragtigheid. Wie sou jy die graagste vir ete wou nooi en wat sou jy vir ete maak? Ek het ná covid my lus vir kosmaak heeltemal verloor, en tans sal ek dit eerder nie waag om vir ander mense te kook nie. Ek glo kos moet met liefde gemaak word om die beste te kan smaak. Wat kan jy nie verduur…

HEELHOENDER-KORMA GENOEG VIR 6 MENSE /BEREIDING: 15 MIN. /GAARMAAK: 40 MIN. Ek maak hierdie gereg nie met stukke vleis nie, maar met ’n heel hoender wat ek platdruk. My nuwe groot liefde is Brusselse spruite, en dis heerlik in hierdie eenpotgereg saam met stukkies blomkool en broccoli. ◗ olie◗ 1 kaneelstokkie◗ 2-3 kardemomsade◗ 1 ui, fyngekap sout◗ 2 knoffelhuisies, gerasper◗ 15 ml (1 e) gerasperde vars gemmer◗ 1 heel hoender◗ 15 ml (1 e) brijanimasala of geroosterde masala◗ 15 ml (1 e) borrie◗ 10 ml (2 t) fyn koljander◗ 5 ml (1 t) fyn komyn◗ 125 ml (½ k) rooibostee met vinkel en fenugriek (ek gebruik 2 sakkies van Carmién se Nursingtee)◗ 1 sakkie (60 g) tamatiepasta◗ 80 ml (⅓ k) natuurlike romerige jogurt◗ 10 kasjoeneute of amandels, geweek in…

DAAR word gereeld gesê mens kry nie aanwysings saam met ’n baba nie. Geen kind beland met ’n pamflet in elf tale in jou arms nie, daar is geen kode wat jy kan scan met ’n webtuiste vol aanwysings en voorstelle van hoe om hierdie spesifieke samestelling van ’n kind groot te kry nie. So ons tas maar almal rond. Jy begin gewoonlik met die boeke – staatmakers soos dié van Suster Lilian (Ouerskap met deernis en begrip) en Ann Richardson en Megan Faure (Koester jou baba) tot Hettie Brittz (Kweek kinders met karakter) en Suzette Truter (Hoe gemaak met my dikmond kind?). Dan besef ’n mens gou jy word omring deur ’n netwerk van ervaring, so dan skop tydskrifte soos Baba & Kleuter in, asook die Ouerskap-afdeling by Huisgenoot.com…

Hy’s ’n plaaskind deur en deur. Op skool het hy gedink sy toekoms lê in sport. Rugby was sy kos. Maar vyf skoueroperasies later en sy droom om vir die Springbokke uit te draf was daarmee heen. Jaco Steyn (20) van Robertson, beter bekend as JACOBUS, draai toe na sy ander passie: musiek. In Desember 2024 het hy ’n video op sosiale media geplaas waar hy sy eie weergawe van Demi Lee Moore se treffer “Mis Eet Slaap Herhaal” sing, en daar versprei dit soos ’n veldbrand. “Binne ’n paar dae het dit meer as 40 000 likes gekry,” sê Jacobus trots. En voor die jong sanger sy oë kon uitvee, bied Demi se platemaatskappy, Coleske Artists, vir hom ’n kontrak aan. Die res is geskiedenis. “Ek sukkel nou nog…

GROOT BLOKRAAI NO 2600 KOMPETISIEVRAAG Watter land is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN HUMAN & ROUSSEAU PLUS KOM IN AANMERKING VIR DIE MAANDELIKSE TREKKING VAN R1 000. Hierdie week wen een leser Plaasmoord deur Karin Brynard (H&R, R350). Inspekteur Albertus Beeslaar het genoeg gehad van die brutaliteit van misdaad in Johannesburg. Hy gaan soek rus en vrede op ’n dorpie aan die rand van die Kalahari, waar hy ’n nuwe veediefstal-eenheid op die been moet bring. Dan word ’n grusame dubbele moord op ’n plaas gepleeg . . . Gou kry Beeslaar te doen met veel meer as ’n “gewone” plaasmoord. Hy moet ’n koelbloedige diefstalsindikaat, Afrika-towerkuns, ’n ou grondeis en…

DIE eerste van die Katolieke godsdiens se “glorieryke geheimenisse” is die opstanding. Die tweede is die hemelvaart. Die derde is die neerdaling van die Heilige Gees. Die vierde is Maria se hemelvaart en die vyfde is die kroning. ’n Sesde geheimenis kan by daardie lys gevoeg word – hoe Hallow, ’n Katolieke gebeds-app, die mees afgelaaide app ter wêreld geword het. Die Amerikaanse medestigter, Alex Jones, wat nie verwar moet word met die samesweringsteoretikus en radio-aanbieder nie, is net so verbaas oor hierdie sukses. “Aanvanklik het ek dit vir myself gebou,” sê hy. “As jy vir my gesê het 1 000 mense sou die app gebruik, sou ek gesê het jy is mal. Maar 10 000, 100 000, 1 miljoen, 10 miljoen? Dis net God wat spog.” Jones het ’n…

JY KAN hoe ryk, hoe beroemd wees. Jy kan ’n internasionale superster wees wat van jou familieskandes ’n sakeryk gemaak het. En tog gaan niks daarvan keer dat Vader Tyd jou inhaal nie. Almal raak ouer. Almal kry plooie. Almal raak grys. Behalwe Kris Jenner. Oftewel, nie as sy enige sê in die saak het nie. Dié Kardashian-matriarg het duidelik besluit sy gaan nie soos die res van die menslike spesie met haar verganklikheid vrede maak nie. Sy is reeds 69 jaar oud, maar kyk jy haar op en af, soek jy vergeefs na ’n plooi, ’n lewerkol of enige ander aanduiding dat die jare hul tol op haar geëis het. Trouens, party mense bespiegel sy lyk deesdae jonger as van haar glansgodin-dogters. Onlangs het sy die tonge oor haar…

Daar steek meer aan ’n stompie as hout vir die braaivuur. Dis ’n stofpoeper of ’n kortgat of ’n entjie van ’n sigaret of ’n potlood. Ook ’n sekere soort bossie naby die grond. Stompies optel kan beteken jy maak rommel skoon. Of dat jy varkoor gooi of teen die einde van ’n gesprek eers bykom. Dalk wil jy saampraat. Jy’t die klok hoor lui, maar weet nie waar die bel hang nie. Bring nie die kloutjie by die oor nie. Miskien vertel jy die halfgehoor oor. Iewers vra iemand: Maar maggies, wat vertel jy my nou? Ja, daai Karel is mos maar ’n snaakse entjie mens. Praatjies kry maatjies en stories kry stertjies. Die stompie vat vlam en word ’n veldbrand. Iemand dik aan, iemand maak ’n las, iemand…

SY IS die verjaardagmeisie, die rede vir vandag se feestelikheid hier in die huis op Stilbaai. Hier’s ballonne, ’n koek met kersies, presente en kaartjies. En die vieringe is ekstra spesiaal. Nie net omdat dit vir ’n sestiende verjaardag is nie. Maar omdat dit vir Pippie Kruger is. Toe die wêreld Pippie in 2011 leer ken het, was sy toegewikkel in verbande ná ’n ongeluk tydens ’n Oujaarsaandbraai by haar ouerhuis op Lephalale. Sy was toe net twee en ’n half jaar oud, maar met 80% brandwonde oor haar lyfie was haar oorlewing in die weegskaal. Maar hier sit sy nou, al die jare later, en sy glimlag. Sy’s nie net nóg ’n tiener nie. Sy’s die toonbeeld van moed. Dis tyd om geskenke oop te maak. In een pakkie…

V Liewe Irma, ek tik hierdie brief terwyl die trane rol. My hart is gebreek oor ’n man. Sien, sowat ’n jaar gelede het ek die man ontmoet wat uiteindelik my verloofde sou word. Ek was so gelukkig. Ons het baie in gemeen gehad en onder meer gehou van dieselfde kos en vakansieplekke, ons het vir dieselfde rugbyspan geskree, en nog. Ons waardestelsel was ook dieselfde – alles waarvoor ons staan en alles waarin ons ’n weersin het. Hoewel ons albei in ons 30’s is, was ons soos gelukkige kinders wanneer ons saam was. Omtrent ’n maand gelede het my verloofde baie stiller begin word en glad nie in die week kom kuier nie, net naweke. Hy het skielik ook voorgestel dat ons miskien ons vakansie tot ’n later datum…

DIE OOGGETUIE DEUR WILNA ROUX Human & Rousseau, R299* Julia sien nie meer die sin van ’n bestaan in die stad nie. Nie ná wat gebeur het nie. Sy kan nooit weer in die hof verskyn nie. Hoe gaan sy vir haarself sorg? Wat moet sy doen? Kort voor die einde van haar sogenaamde siekteverlof praat sy een aand met Frankie op Whats App. Frankie is in Australië, aan die ander kant van die wêreld, maar sy is al een wat haar verstaan. Deesdae heet sy Frances. Niemand in Australië weet wie “Frankie” is nie. “Bel my pa,” sê Frankie. “Hoekom?” vra Julia verras. “Ek dink hy oorweeg dit om sy praktyk te verkoop. Of ’n gedeelte daarvan. Hy wil begin afskaal. Ek en Mark karring heeltyd aan hom.” “Ek wil…

FLIEK BEAUTIFUL BOY Elke ouer moet hierdie biografiese drama kyk, want dit gee insig in die stryd en wroeging wat die ouers van ’n dwelmverslaafde kind daagliks ervaar. Die 2018-fliek is gegrond op die memoires van die werklike David Sheff en sy seun Nic se pad met dwelmverslawing. David (Steve Carell) is ’n joernalis wie se oudste seun, Nicolas (Timothée Chalamet), reg onder sy pa se neus aan dwelms verslaaf raak. David vermoed eers onraad toe Nic vir twee dae verdwyn en terugkeer huis toe asof niks gebeur het nie. Maar David sien die tekens en neem ’n onwillige Nic na ’n kliniek vir behandeling. Nic reageer goed op die terapie en word met die dokters se goedkeuring na ’n halfweghuis oorgeplaas. Dis egter nie lank nie of Nic verdwyn…

AKSIE- DRAMA SOEKE NA VERGIFNIS In Absolution lewer LIAM NEESON ’n kragtige vertolking as ’n misdadiger wat bekendstaan ​as Thug. Hy is ’n ouerwordende bendelid wat hom dekades lank opgewerk het in die bende, net om homself op sy oudag alleen te vind – vervreem van sy kinders en geteister deur die wrakstukke van sy verlede. Hierdie boeiende aksiedrama volg hom waar hy probeer om vrede te maak met sy familie en ’n lewe van geweld agter te laat. Maar versoening kom nie maklik nie. Toe ’n vergete geheim opduik en sy kinders in gevaar stel, word hy gedwing om terug te keer na die gewelddadige wêreld waaruit hy probeer ontsnap – nie vir mag nie, maar vir ’n laaste kans op vergifnis. Liam Neeson bring diepte aan ’n rol…

’NGROEP van vier Britse oudsoldate het die rekord gebreek om Everest die vinnigste uit te klim sonder om eers tyd op die berg deur te bring. Die span het dit in vyf dae van die basiskamp tot by die spits gemaak. Die viertal was almal voorheen lede van die Britse spesiale magte en sluit in die huidige Britse minister van veteraansake, Alistair Carns. Die ander spanlede was Garth Miller, Anthony Stazicker en Kevin Godling ton. Die span het dit reggekry deur die gebruik van xenon, ’n kleurlose en reuklose edelgas. Dit het hulle gehelp om nie hoogtesiekte op te doen nie. Die nuus het die bergklimwêreld verstom. Maar die Nepalese regering, waar die piek van Everest geleë is, is nie te gelukkig daaroor nie. “Ons stel ondersoek in na die reisagentskap…

1 Watter voël is op die Suid-Afrikaanse landswapen? 2 Hoeveel keer het Rafael Nadal die Franse Ope gewen? 3 Watter twee lande het vierkantige vlae? 4 Wie is Mario se groen dinosourus-vriend wat hom op avonture help? 5 Wie het die Mona Lisa geskilder? ANTWOORDE  1 Sekretarisvoël 2 14 3 Switserland en die Vatikaanstad 4 Yoshi  5 Leonardo da Vinci BRONNE: SCMP.COM, BBC.CO.UK, APNEWS.COM, D23.COM, NATIONALGEOGRAPHIC.COM, REUTERS.COM, UP.AC.ZA…

HET jy al ooit gesien hoe suikerkorrels in water verdwyn as jy dit roer? Of het jy al agtergekom dit maak nie saak hoe hard jy olie en water roer nie, dit wil doodeenvoudig nie meng nie? As jy dit al opgelet het, het jy reeds eerstehandse ondervinding van die wetenskaplike beginsel van oplosbaarheid. Oplosbaarheid (of die gebrek daaraan) is ’n konsep wat verreikende gevolge in ons lewe het – van alledaagse aktiwiteite soos kook en skoonmaak, tot chemiese reaksies, industriële prosesse en die opneem van medisyne in jou liggaam. OPLOSBAARHEID ’n Stof word oplosbaar genoem wanneer dit in ’n vloeistof (soos water) kan oplos. Oplossing vind plaas wanneer die deeltjies van die vaste stof uitmekaar gaan en eweredig deur die vloeistof versprei. Sodra dit opgelos is, word die vaste…

‘DIE Volkswagen Polo wat daar staan, is my kar. Die boeke is in bokse in die kar. Sien jy? Dis so elf bokse. Ek dink daar’s 500 boeke in die bokse. En daar’s nog boeke by die huis. Ek dra dit sommer self in wanneer ek na die skole toe gaan. So ek hoef nie nog gimnasium toe te gaan nie. Om die boeke so in en uit te dra is sommer genoeg oefening. Oukei, kom ons dra die bokse in sodat ons dit in die saal kan gaan uitpak. Ai, daar staan die tafeltennistafels nog steeds. Jy sal nie glo watse geraas dit veroorsaak wanneer die seuns pouses kom speel nie. Die leerders wat na die boeke kyk, hoor nou die heeltyd die ping-ping-ping van die tafeltennis. Dis amper…

DIE ritmiese gepiep van die masjiene bons soos eggo’s van die hospitaalkamer se mure af. Pype en drade koppel haar aan masjiene, skerms vol liggies en syfers hou tred van die liggaamsfunksies wat sy nie meer sonder hulp kan verrig nie. Dagin en daguit. Adriana Smith is breindood. Drie maande al. Was dit nie vir die mediese tegnologie wat haar omring nie, sou die res van haar lyf ook al opgegee het. Nadat dié 30-jarige verpleegster van Georgia in Amerika katastrofiese breinklonte opgedoen het, het haar brein gaan staan. Sy sal nooit herstel nie. In baie gevalle sal so ’n pasiënt se naasbestaandes en dokters dit as ’n genade beskou om die masjiene af te skakel en haar haar ewige rus te gun. Maar in Adriana se geval kan dit…

LINDSAY LOHAN Dis glo dr. Steven Levine wat dié 38-jarige ’n varser voorkoms gegee het en selfs haar beroemde sproetjies verwyder het. Lindsay, wat in haar rowwe jare voortydig baie afgeleefd gelyk het, het nog nooit self verklap hoe sy dit die laaste jare regkry om soveel beter te lyk nie. Haar vriende hou vol dis net “gesonde kos en ’n goeie velsorgroetine” wat haar so goed laat lyk. BRAD PITT Ook lede van die adamsgeslag loer soms by Steven se spreekkamer in. Brad Pitt het verlede jaar aandag getrek vir hoe jeugdig hy op die ouderdom van 61 lyk, veral toe hy langs George Clooney, wie se plooie duideliker begin wys, op die rooi tapyt verskyn het om sy fliek Wolfs te bemark. ’n Britse plastiese chirurg, dr. Jonny…

AS JY nie van beter geweet het nie, sou jy kon dink dis net twee vriendinne wat saam inkopies doen en Los Angeles se lenteweer geniet. Dan sou jy waarskynlik nie twee keer na hulle gekyk het nie. Maar een van dié tieners is Shiloh Jolie, die dogter van twee van die bekendste mense op aarde. En waar sý gaan, sal mense haar raaksien – en wonder wie saam met haar is. As die spruit van Brad Pitt en Angelina Jolie die tweede keer in dieselfde geselskap opgemerk word, begin mense gons: Wie is dié vrou aan haar sy? Dis ene Keoni Rose wat op Shiloh se 19de verjaarsdag op 27 Mei saam met haar afgeneem is. Sy’t haar arm op ’n stadium liefdevol om Shiloh gesit toe hulle oor…

HOE klop haar hart? Só, hoor jy in die heel eerste aflewering van RACHELLE FOURIE se splinternuwe podcast: doef-doef-doef vir die lewe, doef-doefdoef vir die liefde. Dié voormalige Op my eish!-deelnemer wat eens na Brendan Peyper gevry het, skuif deesdae gereeld agter die mikrofoon in vir haar podcast getiteld My hart klop so. Die naam, vertel Rachelle, is geïnspireer deur die hartoperasie wat sy so drie jaar gelede moes ondergaan nadat dokters uitgevind het sy is met ’n gaatjie in haar hart gebore. Maar ’n hart is nie net vir bloed pomp nie, dis mos ook vir die liefde. En haar eerste gas in die podcast was hoeka haar verloofde, die aantreklike ROUBERT ROUSSEAU oor wie sy vandag die eerste keer ná hulle verlowing in November met Huisgenoot praat. “Ná…

ERS was daar sý en toe kom hý. Liefde was ditbeslis, hetdie Springbok-losvoorspeler en WILLEMIEN geweet, en daarna het ’n verlowing en toe ’n troue gevolg. Toe hulle eers reg was vir ’n gesin van hulle eie, was daar Pieter (6) en toe Christi (3). En in September verlede jaar toe kom klein Lienke (8 maande). Nou’s hulle vyf en hulle gesin voltallig, en meer in die wolke kan hulle nie wees nie, sê Willemien. “Dis harde werk en ’n groot verantwoordelikheid, maar so lekker.” Klein Lienke is ’n woelige meisietjie wat haar, haar pa én haar boetie en sussie om haar pinkie draai, sê Willemien. “Die eerste vyf maande was rof – Lienke het sleg geslaap en erg refluks gehad. Maar toe dit eers onder beheer is, het als…

NIE SO ’N GROOT DING NIE, SÊ BRAD Ná agt jaar maak BRAD PITT nie juis ’n ophef oor sy finale skeiding van ANGELINA JOLIE nie. “Dis nie so ’n groot ding nie,” het die 61-jarige akteur aan GQ gesê. Hy het die uitgerekte egskeiding afgemaak as “iets wat uiteindelik ’n werklikheid geword het. Wettig.” Brad, wat met die juwelierontwerper Ines de Ramon (32) uitgaan, sê hy kan nie anders as om hom te berus by die konstante media-aandag nie. “My persoonlike lewe is al vir 30 jaar in die nuus. Dis ’n irritasie.” Op haar beurt voel Angelina (50) verlig dat hulle reusestryd verby is. Toe die egskeiding eindelik afgehandel is, het haar prokureur, James Simon, gesê: “Angelina is uitgeput, maar sy is verlig dat hierdie deel verby is.”…