Innholdsfortegnelse for 29 May 2025 i Huisgenoot

1 ‘EK WIL VERSOEN, MAAR DAAR’S STILTE’ Die kloof tussen hom en sy pa, koning Charles, het so verdiep dat dit dalk nooit herstel sal word nie, het prins Harry in ’n onderhoud met die BBC gesê Dis hartseer. Maar die koninklikes is glad nie immuun teen die soort konflik wat enige familie in twee kan skeur nie. Dis net soveel meer intens omdat hulle in die kollig is. Ek glo dit sou Diana baie hartseer gemaak het. CARLA Koning Charles kan hom gerus vergewe. Want ek dink Harry is baie jammer oor al die foute wat hy gemaak het. Sy vrou is blykbaar iemand wat families verdeel. Sy kom voor as ’n baie ongelukkige mens wat altyd meer wil hê. CECILIA ’n Mens sien amper nooit meer foto’s van Harry…

TOETS JOU KENNIS 1 Wie het die bekende klassieke musiekreeks The Planets gekomponeer? 2 Van watter land het Groenland in 1979 die reg tot selfregering verkry? 3 Met hoeveel skepdoele het die Bok Jannie de Beer in die 1999-Wêreldbeker in een wedstryd teen Engeland geslaag? 4 Watter musikant speel die akteur Timothée Chalamet in die fliek A Complete Unknown? 5 In watter provinsie kry jy die Bourke’s Luck-maalgate? ANTWOORDE 1. Gustav Holst 2. Denemarke 3. Vyf 4. Bob Dylan 5. Mpumalanga…

DIE liefde omvou jou soos ’n snoesige kombers wanneer jy by die voordeur instap. Dit vul elke hoekie en vertrek van Alvin en Anrika Bruinders se huis hier in Roodepoort. En daar sit die middelpunt van al dié liefde op haar ma se skoot: klein Azariah, die paartjie se aanneemdogter. Op die brose ouderdom van vyf maande reeds ’n hartedief soos min. Die Bruinderse se geliefde oudste, die agtjarige Avrick, kan ooglopend nie genoeg van sy nuwe klein sussie kry nie. “Mamma, Mamma, kan ek net een foto kry van Sussie op my skoot? Hier op my skoot,” smeek hy. Nou en dan gee hy haar ’n soentjie op die wang. Op haar beurt strek sy gereeld ’n handjie na hom uit. Maar agter dié gelukkige gesinsprentjie skuil daar ook…

DIT lyk soos ’n vertrek wat geheime huisves. Meer as 300 reghoekige bokse, elk met die woord “Tijdschriften” langs ’n kode teen die kant, lê netjies geliasseer in rye staalrakke op wieletjies. Ek en Bonanza Films se kameraspan staan op ’n Saterdagoggend in die indrukwekkende argiefkamer van Het Zuid-Afrikahuis, ’n Suid-Afrikaanse kultuurtuiste langs Keizersgracht in Amsterdam. Rosalie Dols, ’n Nederlandse informasiespesialis, maak een van dié ligblou bokse oop. Ek kyk na die heel eerste uitgawe van De Huisgenoot, van 20 Mei 1916. Dit voel heilig. Afrikana in aksie. Die frase “Verenigd met ons moedertaal” pryk bó ’n Stuttaford’s-advertensie. Die eerste voorbladgesig in swart en wit is ’n stroewe oudpres. Paul Kruger, toe reeds elf jaar saliger. Ek sou nooit kon dink dat ek eendag in verre Amsterdam deur dié tydskrif,…

AS JY dun, fyn hare het, ken jy die gesukkel: Maak nie saak hoe goed jou haarsorg is nie, niks kan die natuurlike dikte van jou hare verander nie. Haartipe word, nes oogkleur of lengte, grotendeels deur genetika bepaal. Maar hier is die goeie nuus – al kan jy nie jou hare se struktuur verander nie, kan jy dit met ’n paar slim truuks voller laat lyk en meer volume gee. Dis so eenvoudig as om ’n ander produk te gebruik of jou hare anders te stileer. Met hierdie tien haarwenke kan jy jou hare dikker, gesonder en lewendiger laat lyk. 1 SLIM SNIT Een van die maklikste maniere om jou fyn hare voller en dikker te laat lyk is om die regte haarsnit te kies. Dit verwyder nie net gewig…

VIR ’n koffieliefhebber maak dit nie saak of dit winter of somer is nie, enige tyd is ’n goeie tyd vir ’n geurige koppie koffie. Maar veral in die winter is dit nie net ’n kombers van binne teen die koue nie, maar ook ’n energieke motivering om jou dagtake te verrig. Hier is raad van kenners oor hoe jy die beste koffie tuis kan maak, of selfs jou eie koffie by die kantoor kan brou. DIE KEUSE VAN BONE As jy nog altyd onseker was wat “dark roast”, “medium roast” of “blond” beteken, jy is nie alleen nie. Volgens Tumi Theodore, wat baristas by die Urban Brew Barista Academy in Bloemfontein oplei, beteken die terme die volgende: ◗ Donkergeroosterde bone word langer gerooster, wat dit sterker en bitterder maak,…

BABAS leer deur aanraking – dit help hulle om hulle wêreld te ontdek en versterk die band tussen ouer en kind. Daarom is die massering van jou baba een van die beste maniere om dié ontwikkeling aan te moedig, sê Karen Hansen, ’n verpleegster en ’n babamasseer-instrukteur. Massering kan ook jou kleinding se spysvertering aanmoedig sodat hy vinniger kos verteer en vinniger groei, sê sy. En studies toon dat babas wat gereeld gemasseer word, makliker slaap en minder huilerig is. Hier is eenvoudige riglyne om jou baba veilig en gemaklik te masseer. BEGIN SÓ ◗ Kies ’n rustige tyd ná badtyd wanneer jou kind nie honger of ontsteld is nie. Dit sal jou baba nog meer laat ontspan voor slaaptyd. ◗ Maak seker jou hande is skoon en dat jy…

“Wees wakker, soek die geel plakker!” Met dié veldtog nooi NB-Uitgewers lesers om Afrikaans se 100ste verjaardag as amptelike taal te vier. As jy hierdie plakkers dus in boekwinkels sien, kan jy weet hier wag ’n geskenk op jou. Een hiervan is geliefde boeke wat nie meer in drukformaat beskikbaar was nie, wat pas herdruk is. “Ek is opgewonde oor die vier boeke wat ons weer in druk geplaas het,” sê Annie Olivier, hoofbestuurder van NB. Hulle is Eilande deur Dan Sleigh, Plaasmoord deur Karin Brynard, Nathan Trantraal se digbundel Chokers en survivors en Marlene van Niekerk se Triomf. “Ek glo lesers sal ook jubel oor die lekker afslagpryse waarteen ander boeke op ons lys beskikbaar gestel gaan word,” sê Annie. “P.G. du Plessis se immergewilde Fees van die ongenooides…

SOOS baie mense is ek ook vasgevang in die greep van NIGGIES. Dit het seker al deurgeskemer dat ek moeilik kyk aan Afrikaanse flieks en reekse – ek pro-beer self nog agterkom waarom ek dit so dikwels binne die eerste vyf minute net afsit. Soms is dit die aangeplakte toon van ’n verteller, soms die openingstoneel wat veronderstel is om my die verhaal binne te “lok”, maar hoofsaaklik omdat die taal gewoonlik geforseerd en onnatuurlik oorkom, die dialoog geïmproviseer en selde doeltreffend. Goeie akteurs help, maar kan nie altyd alles red nie. In die geval van Niggies werk dinge net goed saam. Die moeite wat gedoen is met dit wat op die skerm is – van die klere, omgewing en rolverdeling tot die skryfwerk en vertolkings – laat alles so…

Hy kom van Rustenburg se wêreld. Gebore en getoë. Sy ouers was groot musiekliefhebbers – sy pa ’n lid van ’n musiekgroep, die Harmonie Boereorkes, wat oraloor die musiek by opskoppe verskaf het. ’n Two-step of twee. “As kind het ek in my hart geweet ek sal graag eendag in die musiekbedryf betrokke wil wees,” sê die sanger Ricus Nel. “Ek het toe geglo en glo dit tot vandag toe nog dat my talent van die Here af kom.” En dis met volgehoue werkywer en deursettingsvermoë dat Ricus sy eie oase vir homself kon skep in die plaaslike musiekbedryf. Hy spog vandag nie net met twee topliedjies op die Afrikaanse trefferlyste nie, hy is ook ’n hoogs suksesvolle musiekvervaardiger wat nie een nie, maar ’n allemintige 13 instrumente kan bespeel.…

GROOT BLOKRAAI NO 2598 KOMPETISIEVRAAG Watter land is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN TAFELBERG KOM IN AANMERKING VIR DIE MAANDELIKSE TREKKING VAN R1 000. Hierdie week wen een leser Portchie: Van Tweeling tot Trafalgar Square deur Portchie (Tafelberg, R295). Hy is een van ons suksesvolste kunstenaars, maar wie is die man wat agter die kleurvolle skilderye skuil? Waarvandaan kom die naam Portchie? Wanneer het Jan Hendrik Viljoen van Tweeling in die Vrystaat aangemeld om die wêreldbekende kunstenaar Portchie te word? Portchie is ’n grensverskuiwende kunstenaar, maar langs die pad was daar ook oorgenoeg bitterbekke, skerp tonge en suur druiwe. Ondanks kritiek, het hierdie veelvlakkige persona ’n eenvoudige resep wat aanhou om kunsliefhebbers-en versamelaars…

GOEIE NUUS MAATSKAPPY WEN VIR KOOLSTOFPLAN ’n Indiese maatskappy het $50 miljoen gewen in ’n groot kompetisie bekend as die XPRIZE oor hoe om koolstof uit die lug te verwyder. Hulle strooi fyngemaakte basalt op plase, wat koolstofdioksied uit die grondwater trek en dit vir duisende jare stoor. Dis goed vir die omgewing én boere. Die metode staan bekend as “rock weathering”. SLEGTE NUUS RENOSTERSTROPERY STEEDS ’N PROBLEEM Dr. Dion George, Suid-Afrika se minister van bosbou, visserye en die omgewing, het aangekondig dat 103 renosters in die eerste drie maande van die jaar gestroop is. Dis slegte nuus in die voortdurende stryd teen stropery. Die meeste renosters (65) is in nasionale parke gestroop. Die minister sê dis wel goed om te weet dat geen renosters in dié tyd in die…

Ons word gewoonlik glad nie by affairs ingelaat nie, wat nog te sê ’n intieme vertelling daarvan. Affairs bly dikwels geheim, selfs nadat dit geëindig het. Affairs is kragtige ontwrigters, tog gaan dit heeltyd om ons aan, uit die oog uit. Een uit vyf van ons sal ’n affair hê. (Dis dié wat aangemeld word en in statistieke gekry kan word.) Ondanks vele radikale veranderinge in die samelewing se houdings oor hoe ons lewe, saam met wie ons woon en hoe ons onsself definieer, hou affairs aan om ons te skok, te verbyster, te walg en te fassineer. Daar’s affairs waar ’n eggenoot bewus is van wat aangaan en dit selfs steun. Daar’s emosionele affairs, waar geen fisieke seksuele ontrouheid plaasvind nie. Daar’s selfs affairs wat geheel en al aanlyn…

SY DROOM was om ’n sokkerspeler te word, maar toe sien sy skoolhoof sy spoed raak – en dit het als verander. Dit was dié skoolhoof wat ene Akani Simbine op skool aangemoedig het om hom op atletiek toe te spits. Vandag ken almal sy naam. Hy is Suid-Afrika se voorste naelloper, en hy beleef ’n droomseisoen. Akani kon tot dusver nog nie geklop word in die 100 m nie. By die Botswana Golden Grand Prix in April het hy geskiedenis gemaak toe hy ’n tyd van 9.90 sek. gehardloop en die eerste atleet geword het wat vir elf agtereenvolgende seisoene vinniger as 10 sekondes kon hardloop. Só het hy die legendariese Usain Bolt verbygesteek – dié kon dit vir tien seisoene regkry. En toe kom die hoogtepunt by die…

EENS op ’n tyd het Tom Cruise dit aan die hele wêreld verkondig as hy verlief raak. Daar was die jare saam met Nicole Kidman. Hulle’t op rooi tapyte saam verskyn, stomende flieks saam gemaak en twee kinders aangeneem. Toe kom die Katie Holmes-jare: Hy spring op Oprah se rusbank en roep uit hy’s dolverlief, en toe het hulle ’n sprokiestroue terwyl baba Suri toekyk. Maar albei dié liefdesverhale het op egskeiding en drama uitgeloop – selfs ’n bietjie vreemdheid. Want Tom, met sy breë glimlag en vriendelike “Hey, hoe gaan dit” teenoor die media, is nie die maklikste ou om mee saam te leef nie. Veral as gevolg van sy onwrikbare lojaliteit aan Sciëntologie en al die reëls wat daarmee saamkom. Dis wat Nicole laat padgee het – en…

ROLANDA MARAIS “Dis die eerste keer dat ek iemand van my eie ouderdom speel,” sê Rolanda oor haar rol as Adri. Sy’s dalk nie ’n gesoute nuusjoernalis nie, maar haar lewe lyk ook maar ewe dol. “Ons skiet ses dae per week met ’n kind by die huis en ’n man wat ook op stel is. Dinge gaan daarom dikwels maar ‘off script’.” BRENDON DANIELS Hy is die vervaardiger, Johan, wat moet sorg dat die nuusmakery geld maak. “ ’n Beheersde gevoel van noodsaaklikheid,” beskryf hy sy benadering tot die rol. “Hy moet onder geweldige druk werk en is maar die grumpy ou in die beheerkamer.” Tuis is hy darem nie so ’n grompot nie. “My sielsgenoot verstaan my werk se eise en dat ek soms ’n diva kan wees.”…

KIM KARDASHIAN het onlangs getuig in die verhoor van die mans wat haar nege jaar terug in ’n hotelkamer in Parys vasgebind en van juwele van R180 miljoen beroof het. Kim (44) het by die Franse hof opgedaag in ’n vintage swart snyerspak deur John Galliano. Haar voorkoms is afgerond met ’n Alaïa-sonbril en meer as 100 diamante – onder meer ’n halssnoer van R54 miljoen. Met haar ma, Kris Jenner, aan haar sy het die TV-ster duidelik die boodskap gestuur dat hoewel die rooftog haar lewe verander het dit haar sterker gemaak het – al het sy ná die vreesaanjaende voorval dit aanvanklik vermy om duur juweliersware te dra wanneer sy uitgaan. “Dis nie oor die juwele nie. Sy dra met opset weer juwele om te sê hulle het…

Hier kiep-kiep, daar kiep-kiep, woerts in die hoekie. Wat is ek? Volgens die rympie ’n besem. Volgens die idioom vinnig en oppervlakkig, soos as jy te veel goeters op een slag probeer doen. Kiep is ’n ander naam vir ’n hoender. Afrikaans het dit uit Nederlands opgepik. Die uitroep “kiep-kiep” kan hoenders na jou toe aanlok óf hulle verjaag – dalk verwar ons die arme diere. Aan die ander kant het ons “kiep” gevat van die Engelse “kip”. Slaap. Daardie wondersoete ding wat ’n mens tog so kan ontwyk. ’n Uiltjie knip. Skuins lê. Soos ’n klip of soos ’n baba slaap. Of miskien nie ’n oog toemaak nie of met een oog oop slaap. Jy kan saam met die hoenders gaan inkruip en dan skape tel tot jy dommel…

■ CHARL KLEINHAUS (46) kom van Mbombela en is uitgeplaas na Buffalo in New York saam met sy seun, dogter en kleinkind. Die gesin bly nou in ’n hotel naby die snelweg – iets heel anders as die vyfslaapkamerhuis op ’n Bosveldplaas wat hulle hier verlaat het. Sy vrou is ’n paar jaar gelede in ’n motorongeluk oorlede. Charl sê hy het uitgewyk, want daar is ’n grondeis op sy plaas en “dis onmoontlik om te funksioneer”. Hy sê hy is al gedreig met boodskappe soos: “Ons kom vir jou, jy’s op ons grond.” Charl sê hy weet wit mense is nie die enigste slagoffers van plaasaanvalle nie. “Maar ek ken mense wat geskiet en doodgemaak is. Ek wil nie ’n slagoffer word nie.” Hy bevestig hy kry nou ’n…

PERI-PERI-SEEKOSKERRIE GENOEG VIR 4 MENSE /BEREIDING EN GAARMAAK: 30 MIN. ◗ 50 g ongesoute botter◗ 30 ml (2 e) groenteof olyfolie◗ 1 ui, fyngekap◗ ’n hand vol kerrieblare◗ 1 rooi soetrissie, fyngekap sout na smaak◗ 4 knoffelhuisie, fyngekap◗ 15 ml (1 e) fyngekapte gemmer◗ 15 ml (1 e) kerriepoeier gemeng met◗ 5 ml (1 t) paprika en◗ 10 ml (2 t) garam masala◗ 5 ml (1 t) fyn borrie◗ 5 ml (1 t) brandrissiepoeier◗ 60 ml (¼ k) tamatiepasta◗ 3 heel tamaties, gerasper◗ 500 ml (2 k) visaftreksel of water◗ 80 ml (k) room◗ 1 kg gemengde seekos (ek het mossels, garnale en Kaapse salm gebruik) VIR VOORSIT ◗ gebraaide kerrieblare◗ koljander◗ suurlemoensap◗ vars gesnyde brandrissie 1 Smelt die botter en olie in ’n diep braaipan of kastrol oor matige…

DOMPELPOT (‘FRENCH PRESS’) Gooi die korrekte hoeveelheid gemaalde koffie in die glashouer, vul met kookwater en roer. Onthou om drie of vier minute te wag voor jy die metaalfilter na onder druk om die gemaalde koffie en water van mekaar te skei. So ’n toestel kan so min as R80 kos. Omdat dit so klein is, kan jy dit ook oral saam met jou vat. Koffie wat op dié manier gemaak is, het ’n ryk smaak omdat die toestel nie die koffiebone se olie uit jou drankie filtreer nie. Dit neig wel om ’n troebel tekstuur te hê met stukkies van die koffie wat in jou koppie kan beland. FILTERKOFFIE (‘POUR OVER’) Sekerlik een van die oudste maniere van koffie maak is om die gemaalde koffie in ’n filter te…

TWEELING 21 MEI – 20 JUNIE Jy het rede om opgewonde te wees, aangesien Mercurius, jou heersende planeet, tans in jou teken is. Wanneer dié planeet en die son op die 30ste ontmoet, sal dit jou in die kollig plaas. Geniet die aandag. Buiten dat dit ’n welkome hupstoot vir jou selfvertroue kan wees, beteken dit ook jy kan sukses verwag. KREEF 21 Jun – 21 Jul Jy het hierdie week baie om oor te dink, al leef jy gewoonlik meer uit jou hart as uit jou kop. Veral rondom die 30ste moet jy oplet na daai blink gedagtes wat sommer net vanuit nêrens opduik – hulle kan belangrik wees. As jy al ooit daaraan gedink het om ’n droomjoernaal te hou, is dit nou die perfekte tyd om te…

Toe Rooikappie by die bos kô toe sien Wolf vi haa en hy stap toe oo na haa toe. Maa Rooikappie hettie gewiet watte gemôs hy issie, soe sy wassie bang vi hommie. “Awe, Rooikappie!” lag Wolf met Rooikappie. “Dis dam ’n mooi dag viddag, nuh?” “Awe, Wolf,” sê Rooikappie. “Ja, dit is.” “Rooikappie, nou wantoe stap djy dan soe vroeg innie oggend?” vra Wolf. “Mamie’t my gestuu na Ouma toe.” “En wat stiek djy weg daa onner jou vooskoot?” wil Wolf wiet. “Ouma is siek en sy voellie lekke viddagie. Ek vat vi haa ’n botteltjie wyn en ’n stuk koek. Ôs het mos giste gebak,” sê Rooikappie. “Rooikappie, nou waa bly jou ouma dan?” vra Wolf. “Sy bly somme hie naby. Dis nog soe 15 minute se stap.…

IN Engels sê hulle: “Don’t judge a book by it’s cover.” Veral nie as die boek eeue oud is nie. ’n Groep bibliotekarisse by die Universiteit van Cambridge het op ’n manuskrip uit die 13de eeu afgekom wat as omslag vir ’n ander boek gebruik is. Die personeel was besig om rekords uit die 16de eeu te ondersoek toe hulle besef het dat die omslag eintlik ’n storie oor koning Arthur en die towenaar Merlin is. In dié storie kan Merlin van vorm verander en staan hy Arthur by aan die begin van sy tyd as koning. Dis bekend as die “Suite Vulgate du Merlin”. Dis handgeskrewe en is in Oudfrans geskryf. Net 40 kopieë van dié storie bestaan vandag. Die universiteitspersoneel was baie versigtig om nie die boek verder…

1 Watter seedier het drie harte? 2 Op die grens van watter twee lande is Lake Superior, die grootste varswatermeer in die wêreld? 3 In watter oseaan is die Marianatrog, die diepste punt op aarde? 4 Wat is Nieu-Seeland se nasionale plant? 5 Watter superheld word groot en groen as hy kwaad raak? ANTWOORDE 1 Inkvis 2 Amerika en Kanada 3 Stille Oseaan 4 Die silwervaring 5 Hulk BRONNE: NEWSFORKIDS.NET, BBC.CO.UK, MATI.EARTH, PEOPLE.COM, GAUTENG.NET, THEGUARDIAN.COM, EDITION.CNN.COM, APNEWS.COM, CAM.AC.UK…

MENSE trek mos in ’n aftreeoord in om te gaan sit en niksdoen, maar ek het uitgetrek om te gaan rondry! In 2022 het ek as ’n weduwee ’n veilige lewe in ’n luukse aftreeoord in Krugersdorp gelei. Op ’n dag het ek net besluit hiérdie is nie die lewe nie. Dié plek gaan my nog doodmaak. Toe pak ek my goed en trek Bosveld toe. Intussen ry ek die land plat, so op my eie. Ek was al van Namakwaland af tot in Botswana. Nou in Maart was ek hoeka weer in die Krugerwildtuin. Vroualleen. As mense vir my sê ek kan dit nie doen nie, dan antwoord ek net: Moenie my in ’n blik druk nie. My reisstorie begin met my huwelik met my tweede man, Pieter, in…

BOLANGS lyk hy soos enige ander ou wat in ’n korporatiewe kantoor werk – netjiese hemde met knope, stylvolle baadjies, partykeer selfs ’n das wat perfek gestryk is. Maar van die middellyf af ondertoe vertel sy klere ’n ander storie: potloodrompe, hoëhakskoene, kouse . . . Noem dit, Mark Bryan dra dit. Hy’s ’n 63-jarige ingenieur wat met robotte werk. Hy is nie gay nie en hy sien homself ook nie as ’n “crossdresser” nie – hy’s ’n getroude man wat glo modes moenie net vir een geslag beskikbaar wees nie. “Ek sien klere as iets sonder ’n gender,” sê Mark. “Ek hou daarvan om mans-én vroueklere te dra.” Hy het moeg geraak daarvoor om elke dag ’n pak en das aan te trek. Hy wou iets anders probeer, iets…

IN ’N huis in Middelsex, Engeland, gaan sit ’n driejarige seuntjie doodluiters by die klavier. Sy ouers kyk verstom na mekaar toe hy die bekende “Skaters’ Waltz” begin speel – al het hy nog nooit ’n klavierles gehad of ’n musieknoot gelees nie. Reginald Kenneth Dwight is sy naam. Gebore op 25 Maart 1947. Sy ouers hoop hy sal eendag ’n bestendige beroep kies. Sê maar ’n bankier . . . Maar die heelal het ander planne. Op elf kry Reginald ’n beurs om klassieke musiek aan die Royal Academy of Music te bestudeer. En toe tref hy die wêreld as die flambojante orkaan genaamd Elton John. “Ek wou my versmorende grootwordjare afwerp,” sê Elton oor sy uitspattige brille en kostuums vol blinkertjies en vere. Vroeg in sy loopbaan was…

Wanneer en waar was jy op jou gelukkigste? Op stel. Wat sou jy anders doen as jy jou lewe kon oorhê? Vroeër geld belê. Wat is die ding wat jy die meeste in mense bewonder? Kreatiwiteit en menslikheid. Wie sou jy die graagste vir ete wou nooi en wat sou jy vir ete maak? My ma. Garnale. Wat kan jy nie verduur nie? Wreedheid en onnoselheid. Wat is jou diepste put van ellende? Wanneer geliefdes seer het. Wie of wat sou jy in jou volgende lewe wou wees? ’n Empatieke biljoenêr. Wie is tans jou celeb crush? Pedro Pascal. Wat is jou gunstelingwoord in Afrikaans? Katjiepiering. Wat is jou gunstelinggesegde in Afrikaans? Wat die hart van vol is, loop die mond van oor. Wie sal jou speel in die fliek oor…

GELDELIKE HULP ■ ’n Eenmalige toelae van $1 275 (R23 000) per persoon, met moontlike verdere hulp gegrond op behoefte. Finansiële steun duur gewoonlik ’n maksimum van agt maande. Vir elke $10 wat jy self verdien, verminder die geldelike steun wat jy kry met $5. ■ ’n Aanvanklike kostoelae is ingesluit. ■ Bronne sê vlugtelinge moet gewoonlik hul reiskoste dek of terugbetaal, maar dis onbekend of dié groep die koste van hul huurvlug sal moet opdok. BEHUISING ■ Die owerhede help om verblyf vir vlugtelinge te kry, maar op die duur moet hulle self hul huurkoste betaal. ■ Meubels en basiese toebehore word voorsien. MEDIESE HULP ■ Vlugtelinge kan mediese versekering vir 12 maande kry, afhangend van of hulle kwalifiseer vir die land se basiese mediese fonds. ■ ’n Gratis…

Regafsnit Die regaf lyne van die middel tot by die enkel maak dié snit ontspanne en gemaklik vir elke dag se dra. Wye pype Hierdie lospassende jeans is weer groot nuus danksy die baie gemaklike oorgroot snit. Dra dit saam met iets wat stywer pas of gaan voluit met nog oorgroot items. Stewelsnit Dié jeans pas mooi om die heupe en bobene en loop wyer uit van onder die knie – ideaal vir stewels. Kombineer dit met iets wat stywer pas of met ’n gewaagde top wat jou silhoeët balanseer. Noupassend Wys jou kurwes in dié jeans wat van die heupe tot by die enkels styf pas vir ’n skoon, moderne silhoeët. Dit werk goed saam met ander styfpassende items én saam met oorgroot items vir kontras. Rokke Rompe Baadjies…

VEk is 67 jaar oud, enkellopend en baie eensaam. Ek het dierbare vriendinne saam met wie ek een keer per maand koffie drink, maar hulle is almal getroud. Ek is taamlik oorgewig. Ek het gelees van jou gesonde leefstyl en hoeveel gewig jy verloor het. Is dit moontlik om meer inligting te gee? Ek het beslis aanmoediging nodig om te verslank en ’n bietjie oefening te kry. A Nadat Huisgenoot op 3 April berig het hoeveel gewig ek afgeskud het, kry ek baie briewe wat vra hoe ek dit gedoen het. Nog ’n leser skryf: “Ek is nou moeg vir my lyf, ek is moeg om moeg te wees en te blaas as ek selfs net ligte take verrig. Ek sit baie en het nog nooit van oefening gehou nie.…

1 WAAROM WORD MOTORS WAT TERUGGENEEM IS, OPGEVEIL? ’n Gefinansierde voertuig bly die bank s’n tot die lening klaar afbetaal is. As die lener nie meer kan betaal nie, kan die bank die motor terugvat en opveil om skuld te verhaal. Dikwels – maar nie noodwendig nie – word voertuie vir minder as die kleinhandelwaarde opgeveil. Veilings word ook deur privaat verkopers en motorhuurmaatskappye gebruik. 2 WAT VAN KOSTES? Besluit vooraf hoeveel jy kan bestee en hou daarby. Daar sal ook kostes buiten die verkoopprys wees: ◗ ’n Verpligte deposito wanneer jy vir ’n veiling registreer. Bie jy nie of misluk jou bod, is die volle deposito terugbetaalbaar. Slaag jy, word die deposito deel van die finale betaling. ◗ BTW sal bygereken word. ◗ Die meeste afslaers hef ’n koperskommissie…

’N SOMERTREFFER IN DIE NOORDE Hoewel dit winter raak hier by ons, maak die noorde gereed vir die somer, en dit lyk of ’n paar Suid-Afrikaners verantwoordelik gaan wees vir 2025 se grootste somertreffer. Eers het TYLA se “Water” die pretty girl from Joburg wêreldwyd ’n superster gemaak, en toe het die rapper en hiphopkunstenaar van die Kaap WIZTHEMC se “Show Me Love” soos ’n veldbrand op sosiale media versprei. Nou het die twee sangers hande gevat en besluit om ’n remixweergawe van “Show Me Love” saam met DJ Bees & Honey uit te reik. Die liedjie het tans ’n vrolike lente in die noorde met strome wat op Spotify ingeryg word – dit staan sterk op meer as 15 miljoen strome. Op TikTok versprei dit blitsvinnig en elke tweede…

Ellen vertolk al 20 jaar die rol van Meredith Grey in die hospitaaldrama Grey’s Anatomy (Disney+). Hoewel sy die afgelope paar seisoene minder te sien is, sê sy dit sal “emosioneel en finansieel nie sin maak” om nié meer in die reeks te wees nie, want dan verdien sy niks vir ’n reeks wat sy beroemd gemaak het. ›› Sy was vier jaar oud toe haar 33-jarige ma weens ’n oordosis pynpille dood is, en sy sê dit is ’n baie intense, pynlike herinnering. Luidens ’n artikel was “haar vyf ouer sibbes oorweldig deur droefheid, en haar pa was verpletter deur ’n smart waaroor hy nie kon praat nie”. ›› Sy het drie susters en twee broers. Haar bynaam was “the pencil” omdat sy as kind so maer was. Sy…

VLOEDGEVAAR Dit het die laaste ruk so baie hier by ons gereën, al die diere het instinktief in pare begin rondloop! Emmie, Mosselbaai TERUGSKOUEND Die vrou probeer ’n bietjie vonk in die huwelik terugsit: “Kom ons maak asof dit 15 jaar gelede is, ons is ongetroud, kinderloos en op ons eerste afspraak.” Haar man dink vinnig en sê: “Ek’s jammer, dit gaan net nie werk nie!” Johanna Rademeyer KEUSES, KEUSES Die manne kuier tot laataand in die kroeg. “Sê my, Mike,” begin Kallie, “met wie van die meisies wat daar anderkant sit, sal jy die heel graagste in ’n hysbak vasgekeer wil wees?” Mike, sonder om te huiwer: “Die een wat weet hoe om hysbakke reg te maak, natuurlik.” Louise Noeth AFGEDWAAL “Ek hoop nie dit het Dominee ontstel toe…

JERSEY BESKERMING VIR PAPEGAAIDUIKERS Atlantiese papegaaiduikers was eens op ’n tyd volop op die eiland Jersey, maar vir die laaste eeu het die seevoëls se getalle daar drasties afgeneem. Daar is nou net ses van die voëls oor op die hele eiland. Die owerhede daar het nou toestemming gegee dat ’n reservaat gebou mag word om die voëls te beskerm. Die papegaaiduiker word as kwesbaar beskou deur die Internasionale Unie vir die Bewaring van die Natuur. VERENIGDE ARABIESE EMIRATE EERSTE DISNEY-PARK IN MIDDE-OOSTE Disney het aangekondig dat die maatskappy se sewende temapark in Abu Dhabi gaan oopmaak. Dit sal die eerste park in die Midde-Ooste wees. Vanjaar is ook 70 jaar sedert die eerste Disney-park in Anaheim in Kalifornië geopen het. Die nuwe park sal op Yas-eiland gebou word. Dis…

DIE NUUSMAKERS In die nuwe kykNET-dramareeks Die nuusmakers speel Lesley die rol van Nhlanhla Langa. “Hy’s baie slim, hardkoppig en wil altyd graag help op enige manier wat hy kan. Dis een van die opwindendste karakters wat ek al gespeel het.” Dié reeks, ook met Rolanda Marais, Brendon Daniels en Arno Greeff, ondersoek die persoonlike opofferinge wat dit verg om nuus aan die land te bring. Die nuusmakers verken sowel die kuns van nuusjoernalistiek as die persoonlike stryd, ambisies, oorwinnings en uitdagings wat die mense agter die skerms in die gesig staar. DIE AFRIKAANSE AKADEMIKUS Dié jong akteur ken die kamera en hy’s baie goed voor een. Hy’t al op buitelandse produksies gewerk, maar nou’s hy te sien in sy eerste hoofrol. “En dít nogal in my huistaal. Dit was…

AS JOU idee van gesonde pret is om aan tafel aan rou bulballe te kou, ongaar beeslewer vir ’n versnapering te geniet, beenmurg op te slurp en rou diervet te eet, sal jou vriende en familie jou dalk aanraai om jou kop te laat lees. Maar vir Brian Johnson, ook bekend as die Liver King, is dit maar net sy alledaagse eetgewoontes. Dié man leef soos iemand wat in die oertyd vasgeval het. Hy volg wat hy noem ’n “ancestral lifestyle”, en hy beweer dit maak hom nie net supergesond nie, maar ook so gespierd en so fiks soos ’n perd. Sy rare storie het begin toe Brian besef het sy seuns, Stryker (nou 18) en Rad (16), se gesondheid sukkel. Hy het hulle meer rou organe laat eet, en…

EN ding wat niemand oor haar kan sê nie, is dat sy bang is vir baklei. Of dit nou gaan oor ras, kolonialisme of transgenderkwessies, Helen Zille huiwer nie om haar kop in ’n byenes te steek nie – trouens, dit lyk soms of sy aspris skoorsoek. Toe daar dus onlangs aangekondig word dié politieke swaargewig gaan verskyn in ’n TV-program, The Roast of Helen Zille, waar sy met beroemdes en komediante sarkastiese opmerkings en pittige beledigings gaan uitruil, het sy nie gehuiwer om in die kryt te klim nie. Dis moeilik om te dink enigiemand gaan ’n maklike uitklophou teen haar inkry. En die resensies van die Roast, wat op die Laugh Africa Comedy Festival verfilm is, het veel meer lof vir Helen as vir enige van die deelnemers…

VIER dekades lank al is dit hy teen die kanker–dan’sditin remissie, dan keer dit weer terug. Nadat velkanker die eerste keer in 1986 by hom gediagnoseer is, was die omroeper Darren Scott al ’n hele paar keer onder die lem weens verskeie melanome, en in die verlede is ’n deel van sy long, ken en limfknope in sy linkerlies verwyder. Nou het Darren weer verskeie ernstige melanome, van hulle gevaarlik naby aan sy long. Dit lei tot erge asemnood wat hom al meer as een keer in die hospitaal laat beland het. Nou’s hy vanuit Amerika terug in Suid-Afrika, weer agter die mikrofoon by Hot 102.7 FM en hier om immunoterapie te kry – elke drie weke teen R80 000 per behandeling. Op 14 Mei het ’n klompie bekendes by…