Innholdsfortegnelse for 1 May 2025 i Huisgenoot

1 ‘SKIELIK VERLAM, TOE VREES EK DIE DOOD’ Martiens Deyzel van Witbank was geskok om te hoor hy het Guillain-Barrésindroom. Die diagnose het gekom terwyl hy in Amerika op ’n plaas werk Ek het dit gehad toe ek 12 jaar oud was. Ek was heeltemal verlam. Maar die Here het die pad saam met my gestap en ek het volkome herstel. Ons bid vir jou en glo die Here sal met jou wees. Hy is ons geneesheer. WILLIE My seun het dit in Augustus verlede jaar gekry. Hy was vier maande in intensiewe sorg en twee maande in rehabilitasie. Nou is hy by die huis en leer loop. Deur gebed en die genade is my kind weer op die herstelpad. JUDY Dis ’n harde slag. Net so erg is die…

Hoe sit sit? Sit sit só: Dié outjie kom van die Nederlandse “zitten”. Maar al is hy kort en klein, moet jy sit nie vlak kyk nie. Hy’s letterlik en hy’s figuurlik en hy doen allerhande dinge. ’n Mens kan op die stoep of op die draad of op hete kole sit, en in party huise is daar ’n kamer net vir sit. Daar’s twee soorte trone om op te sit – die een vir konings en koninginne en die ander ook vir gewone sterflinge. En die rykes wat so dik is aan die geld, sit daar warmpies in – omtrent soos ’n skaap in sy wolle of ’n voël in sy vere. ’n Skelm kan vir jou ore aansit en dalk later agter tralies sit. Self kan jy opgeskeep…

’NMENS sou dink dis nie meer een van haar gunsteling-uithangplekke nie. Hier op die historiese Vergenoegd Löw-wynlandgoed, tussen Stellenbosch en Somerset-Wes, het sy en die getroude dominee immers gereeld ontmoet. En nie om kerksake te gesels nie . . . Toe Huisgenoot verlede Oktober met Suzette Jansen (54) gesels het, was sy swaarmoedig. Want kort tevore het sy voor die hele VGK-gemeente in Eersterivier gebieg oor haar warmbloedige affair met ds. Eddie Kotze (60). Eddie moes die gemeente verlaat, al het hy alles ontken. In die gemeenskap en op sosiale media het dit gegons oor “die ander vrou”. Dit was donker dae. Maar hier kom sy nou vandag ligvoets en skynbaar sorgeloos in haar pienk somersrokkie oor die grasperk aangestap. ’n Nuwe Suzette. “Ek was toe nog nie seker ek…

DIS asof die kreatiewe energie van die huisbewoners uit die kunsbedekte mure syfer. Maar hierdie is ook die plek waar hulle tot bedaring kom ná ’n dag op stel. Dis die akteurspaar se veilige hawe dié, maar hulle huis in Kaapstad se boheemse Woodstock is deesdae nie meer die Balies se alleenplek nie. Daar is nou ’n derde asempie tussen dié mure. En een van die drie slaapkamers is met sagte kleure in ’n knus babakokon omskep. Die Balies is natuurlik Dean en Bianca – die akteurs wat onder meer saam te sien was in die reeks Nêrens, Noord-Kaap – maar deesdae ook baba Manu-John. Bianca was verlede jaar min of meer dié tyd by die Suidoosterfees toe sy ná ’n glasie wyn saam met ’n vriendin “dié vreemde onrustigheid”…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. Ek is die afgelope twee maande in ’n nuwe verhouding. Dit gaan goed, daar word mooi met my gepraat, ek is versorg en benodig niks. Die probleem is net dat hierdie man dag en nag kla. Oor alles en almal. Die weer is verkeerd, hoekom het hy nie sy eie huis nie en moet hy in ’n woonstel bly. Hoekom ry hy nie ook ’n duur Duitse kar nie, hoekom moet hy…

BUL 20 APRIL – 20 MEI Jou planeet, Venus, flankeer op die 2de met die idealistiese Neptunus, wat allerlei versoekings meebring. As jy dinge met oop oë tegemoetgaan, sal niemand jou kan oordeel nie – mits jy volwasse is en verantwoordelikheid vir jou optrede aanvaar. Wees bewus daarvan dat, as dit ’n skandaal behels, jou maat dalk nie twee keer sal dink voor hulle hul griewe in die openbaar sal lug nie. TWEELING 21 MEI – 20 JUN Wanneer jy te hoë verwagtinge van mense rondom jou het, veral vriende, sal jy teleurgestel word. Daarom moet jy liefs teen die 2de jou verwagtinge verlaag en besluit om mense te aanvaar soos hulle is. Pas dieselfde beginsel met jou span by die werk toe. Jou geestelike waardes is besig om in iets…

DODO NYOKA Hy kán treffers skryf. Dink aan “Foto’s” met 5 miljoen strome en “Country girl van Bloem” met 4 miljoen strome op Spoti fy. Musiekliefhebbers kan eenvoudig nie genoeg kry van Dodo Nyoka se musiek nie. Met sy nuutste liedjie, “Jannaman”, hoop die jong sanger van Benoni aan die Oos-Rand dat hy sy aanhangers selfs nader aan hom sal bring. “Mense moet voel of hulle my deur my musiek al ontmoet het,” sê hy oor die country-reggae-liedjie wat deur sy pa geïnspireer is. “Ek voel dis die beste liedjie wat ek tot dusver geskryf het. Dit gaan oor my pa, Jannaman, met sy deursettingsvermoë en onbreekbare gees wat nooit opgee nie,” sê Dodo. “Ons is baie na aan mekaar en soos twee cowboys altyd saam op ’n avontuur.” Die…

SPELETJIE OU GUNSTELING IN NUWE KLERE WEAKEST LINK US is die Amerikaanse weergawe van die gewilde Britse speletjiesreeks Weakest Link wat splinternuut aangebied word vir ’n nuwe generasie. Die aanbieder is die Emmy-bekroonde aktrise en komediant Jane Lynch – bekend as die kwaai onderwyseres in Glee, maar wat haar stem ook aan ’n klomp tekenflieks ver-leen het, soos Wreck-It Ralph. Die program is gegrond op die ikoniese Britse formaat wat algemene kennis kombineer met verraad en strategie, aangesien deelnemers moet saamwerk om prysgeld op te bou terwyl hulle terselfdertyd gereedmaak om mekaar uit te stem. Elke episode begin met agt deelnemers wat algemenekennisvrae in tydrondes beantwoord met die doel om die hoogste moontlike bedrag vir die finale pryspot te versamel. Maar anders as in die meeste saamwerkvasvrae is alliansies broos.…

REEKSE ASTERIX & OBELIX: THE BIG FIGHT NETFLIX Dis die middel van die eerste eeu v.C. en Rome is desperaat om die laaste onafhanklike dorpie in Gallië te verower– die tuiste van Asterix en Obelix. Die geheim van die Galliërs se mag as dit kom by gevegte en om hul vyande te verslaan is ’n towerdrankie. Maar wanneer die drankmeester deur geheueverlies getref word, word die dorpenaars aan hul eie lot oorgelaat teen die mag van die Romeine. Asterix en Obelix moet nou hulle dorpie verdedig. POKÉMON HORIZONS 2: THE SEARCH FOR LAQUA CARTOON NETWORK (301 OP DSTV) SATERDAE EN SONDAE OM 10:15 Liko en Roy reis die wêreld deur op soek na die oorblywende Six Hero Pokémon en die legendariese Laqua-land. Maar om as Pokémon-afrigters te groei, wag daar…

DIE blonde vrou swaai die groot glasdeure van haar villa oop, met twee swart Pekinese hondjies wat om haar voete draai. Sy is uitgevat in ’n helderkleurige rokkie met skelpienk hoëhakskoene, en flits haar “winkeltande” wanneer sy ons na binne nooi waar alles net so fatsoenlik soos sy is. Hier’s net mooi niks uit plek in die huis van die 38-jarige Louise Volschenk in die ooste van Pretoria nie. Daar hang Oosterse kuns teen die mure van die leefvertrek waar sy en haar gesin saans om die lang tafel vir ete aansit. “Ons hele gesin is foodies,” sê sy. “Selfs my kinders het ’n gesofistikeerde palet en sal byvoorbeeld varkpens bestel as hulle by ’n restaurant is. Hulle is mal oor salm.” Louise is ook nie jou gewone mamma van…

‘Ek is so erg soos ’n kind behandel dat ek stukke verloor het van wat my soos myself laat voel het’– BRITNEY SPEARS MEXIKO was nog altyd vir BRITNEY SPEARS ’n toevlug, en daarom is dit nie vreemd om haar daar op ’n lughawe op te merk nie. Maar haar aanhangers was tog ’n bietjie verbaas toe hulle sien iemand in haar span dra iets saam wat soos ’n babapop lyk. Britney (43) het agter ’n swart hoodie en donkerbril weggekruip. Langs haar het die breker gestap met popvoete wat onder ’n kombers uithang. Party mense het daarop gewys dat Britney nie in haar video’s daarvan ’n geheim maak dat sy poppe het nie. Ander mense het gewonder of die pop dalk ’n steunpilaar of soos ’n trooskombersie is. Veral…

TOETS JOU KENNIS 1 In die hoeveelste seisoen van American Idol was Kelly Clarkson die wenner? 2 Wie het die boek 1984 geskryf waarin daar ’n vark genaamd Napoleon is? 3 Wat is die enigste land met ’n vlag wat nie reghoekig of vierkantig is nie? 4 Op watter planeet is Olympus Mons, die hoogste berg in ons sonnestelsel? 5 Vir wie speel Tristan Stubbs in vanjaar se Indiese Premierliga: Delhi Capitals of Chennai Super Kings? ANTWOORDE 1. Eerste seisoen 2. George Orwell 3. Nepal 4. Mars 5. Delhi Capitals…

KLIKKLAK, klikklak, kom hy aangehardloop. Sy bynaam is Crazy Legs, en dis duidelik hoekom. Hy hardloop vinnig. Doelgerig. En met krukke. Nie sommer net ’n entjie nie – ’n halfmarathon, die Two Oceans in Kaapstad se 21 km. Sy naam is Ipeleng Khunou. Hy’s 38 jaar oud en is “anders aanmekaargesit”, soos hy dit beskryf. “Ek is eintlik ’n cheese boy, dit beteken ek het maklik en sag grootgeword,” sê hy en lag. Hy bedoel hy’s bevoorreg. Maar hy’s duidelik ook beskeie. Want in sy lewe moes Ipeleng al groot uitdagings oorkom. Hy is gebore met die mediese toestand septo-optiese displasie, wat sy sig, koördinasie en balans vanuit die staanspoor aangetas het. “Ek kon eers kruip op drie,” gaan haal hy sy verhaal. “Toe ek so twaalf was, het ek…

V Liewe Irma Ons is vier vriendinne wat al jare die pad saam stap. Nadat ons in Huisgenoot die artikel oor jou gewigsverlies en oefenprogram gelees het, het ons besluit om jou voorbeeld te volg. Jou geesdrif oor jou avonture wat voorlê, was baie aansteeklik. Ons het besluit om gesonder te eet (ons oortree nog met ’n stoutigheid hier en daar) en om elke dag saam te gaan stap. Dit is nou maar ’n maand sedert ons begin het en ons eerste wegbreek saam is reeds beplan. Ons is sommer weer opgewonde oor wat die lewe ons bied. Baie dankie dat jy so ’n positiewe uitkyk in jou lewe aan ons gegee het, dit het ’n impak op mense, glo my. A Aitsa! Dis wonderlik om te lees. My hart…

1 JOU FONDSKRE DIET/BALANS Dis die bedrag wat jy reeds vir aftrede gespaar het. Onthou, weens wisselende beleggingswaardes kan jou fondskrediet/balans van staat tot staat verskil. 2 AFTREEVOORDEEL Dit word in “potte” verdeel. ◗ Die gevestigde pot Dit is jou spaargeld in die fonds. Ingevolge die nuwe aftreestelsel, geldig sedert verlede September, mag jy nie meer hiertoe bydra nie. Behalwe voorsorgfondslede wat op 1 Maart 2021 reeds 55 was. Dit het ’n gevestigde en ’n niegevestigde bedrag. By aftrede kan jy die gevestigde bedrag as kontant neem (belasbaar deur die SAID), of dit gebruik om ’n aftreeproduk soos ’n annuïteit te koop. Van die niegevestigde bedrag mag jy een derde as kontant neem, en met die res ’n annuïteit koop. ◗ Aftreepot Twee derdes van al jou maandelikse bydraes gaan hierin.…

PLASSIEGELD Twee honde draf oor die straat om by ’n parkeermeter been te gaan lig. “Nou toe nou!” sê die een stomgeslaan vir die ander. “Kan jy nou meer, dis betaaltoilette hierdie!” San Marchand STOEPSTORIES ■ Leen maar liewer geld by pessimiste. Hulle verwag dit nie terug nie. ■ Die pad na sukses is altyd in aanbou. ■ Die probleem met halwe waarhede? Jy weet nie na watter helfte jy luister nie. San Marchand KWAKSALWER Jannie Japsnoet: “Dokter, ek het net vir jou kom dankie sê. Jy sal nie kan dink hoe voordelig jou behandeling vir my was nie.” Dok: “Maar jy is mos nie een van my pasiënte nie?” Jannie: “Ja, maar my oom was. En ek was sy enigste erfgenaam!” Johan H, Gonubie HUWELIKSRAAD Wanneer jou vrou ’n…

1 Wat is die amptelike taal van Brasilië? 2 Hoeveel snare het ’n standaard-viool? 3 Wat is die Romeinse ekwivalent vir Zeus, koning van die gode? 4 In watter staat in Amerika is die Statue of Liberty? 5 Watter kleur bal word in eendagkrieket gebruik? ANTWOORDE 1. Portugees 2. Vier 3. Jupiter 4. NewYork 5. Wit BRONNE WILDLIFETRUSTS.ORG, NATURE.COM, NHM.AC.UK, AUCKLANDZOO.CO.NZ, DOV.GOVT.NZ, WORLDWILDLIFE.ORG, LIVESCIENCE.COM, THEGUARDIAN.COM, EDITION.CNN.COM, GIANTEARTHWORM.ORG.AU…

JY HET seker al baie gehoor dat grootmense praat oor belasting wat jaarliks net meer en meer raak. In die vak ekonomiese en bestuurswetenskappe of EBW gaan jy te doen kry met die begrippe belasting asook belasting op toegevoegde waarde (BTW). Voor ons kyk presies hoe dit werk, is dit belangrik om eers die definisies te verstaan. WAT IS BELASTING? Die staat moet op een of ander manier geld kry, en daar is verskeie maniere waarop dit gedoen kan word. Hulle doen dit dalk deur addisionele (ekstra) fooie te hef op sekere dienste, soos die uitreik van bouplanne, of om lisensiegelde te hef. Byna elke staat in die wêreld kry geld bloot deur ’n sekere bedrag van sy inwoners te eis. Hierdie geld word belasting genoem. State samel hierdie belastinggeld…

HY WAS die mooiste baba wat ek nog ooit gesien het. Hy’t hierdie bloedrooi haartjies gehad, met die spierwit velletjie en blou ogies. En toe die pediater sê daar is tekens van trisomie 21 by Jan-Herman, was ek geskok. Ons het dit glad nie verwag nie. Dit was iets wat ons eenvoudig nie geken het nie. Maar hy was pragtig. Tog was daar dubbele emosies. Aan die een kant is dit ’n viering van nuwe lewe en aan die ander kant ’n teleurstelling van iets wat jy verwag het. Maar hy was my eerste kind en ek het hierdie oorweldigende liefde teenoor hom gehad. My moederinstink het ingeskop. Ek wou hom beskerm, liefhê en toevou, want jy besef onmiddellik die broosheid van so ’n baba. Die vrees van die onbekende…

SUE DUMINY Moet haar liefs nie vra oor daardie gesamentlike verklaring van Februarie nie. Ja, sy en JP Duminy is op pad na die skeihof. En ja, dit breek ’n mens se hart as ’n huwelik van byna 15 jaar op die rotse beland. Maar dis vandag skaars twee maande sedert die krieketheld en sy vrou die nuus met die wêreld gedeel het. Dis nog rou en daar’s ’n heel nuwe lewe waarvan sy self ook eers moet sin maak. Vra gerus oor haar fiksheid, sê Sue. “Ek’t nog altyd my gesondheid geprioritiseer. My gesondheidsreis het al op hoërskool begin en ek’t nog nooit teruggekyk nie.” Sy het haar liggaam nog altyd as ’n voertuig beskou wat goed in stand gehou moet word, sê Sue. “Maar die afgelope jaar het…

TOE die dodelike vrag grondwaarts val, styg en draai die groot bomwerper skerp. Dan verrys ’n vuurbol kilometers hoog bo Hirosjima in Japan. Dis 6 Augustus 1945 en die wêreld se eerste atoombom maak binne ’n oogwink 90 000 mense dood. Die Amerikaanse vlieëniers wat dié Armageddon loslaat, is kol. Paul Tibbets en kapt. Robert Lewis. Enola Gay, lees die naam op die B-29 Superfortress se neus. Vernoem na Paul se ma. Drie dae later sterf nog 60 000 mense in ’n atoombomaanval op Nagasaki – die werk van ’n ander vliegtuig en bemanning. Maar dis Paul, Robert en die Enola Gay wat histories verbind word met die Armageddon wat Japan geknak het. Eers ’n jaar ná die oorlog begin besonderhede oor die uitgerekte en grusame dood van nog honderdduisende…

Wanneer en waar was jy op jou gelukkigste? In my huisie in Observatory in Kaapstad. Wat sou jy anders doen as jy jou lewe kon oorhê? Ek sou wou onderwys gee. Wie sou jy die graagste vir ete wou nooi en wat sou jy vir ete maak? Elon Musk. Ons is dieselfde ouderdom en het albei in Suid-Afrika grootgeword. Ek wil weet hoekom hy nou so ’n boelie geword het as hy kla hy is in Suid-Afrika geboelie. Wat kan jy nie verduur nie? ’n Boelie. Wie is of was die liefde van jou lewe? My vrou, Kirsten. Wat is jou gunstelingwoord in Afrikaans? Beeldskoon. Wat is jou gunstelinggesegde in Afrikaans? Min dae. Wat sal die boek oor jou lewe se naam wees? Nie ’n cooking clue nie. Watter ding…

DIS toe een van daai Bolandse Saterdagoggende. Bewolk, nat en ysig. Nie juis waaroor jy droom wanneer jy ’n troue beplan nie. Maar hier’s hulle nou, tussen die wingerde en olyfbome van Nooitgedacht by Stellenbosch – die akteur Gideon Lombard en sy bruid, dr. Olga Rademan. Uitgevat, verlief, en reg om mekaar in die oë te kyk en te sê: Ja, ja en ja. “ ’n Mens beplan mos maar met mooiweer in gedagte,” sê Gideon. Dis koud, die wind waai, maar niemand gee regtig om nie. Want in die kapel is dit warm – van liefde, van vriende, van die soort energie wat mense bymekaar bring. En toe stap sy in. Olga, in haar wit A-lyn-trourok, netjies tot by haar kuite, ’n noupassende bostuk wat haar lyf perfek komplementeer.…

HOENDERSOSATIES OF LAMSTJOPS MET GRONDBOONSOUS LEWER 10 SOSATIES /BEREIDING: 10 MIN. + 4 UUR MARINEER /GAARMAAK: 30 MIN. ◗ 350 g hoenderdye, ontbeen, maar met die vel aan, in groot repe gesny, OF 400 g lamstjops MARINADE ◗ 4 stele sitroengras, bopunte afgesny en onderpunte platgeslaan en grofgekap◗ 30 g fyn borrie◗ 15 ml (3 t) sout◗ 5 ml (1 t) brandrissiepoeier◗ 60 ml (4 e) donkerbruinsuiker◗ 75 ml (5 e) groenteolie◗ 100 g gemmer◗ 5 ml (1 t) fyn koljander◗ 5 ml (1 t) fyn komyn GLASEERSEL ◗ 45 ml (3 e) strooisuiker◗ 5 ml (1 t) sout◗ 2 stele sitroengras, platgeslaan◗ 5 ml (1 t) olie◗ 1 rooi brandrissie, gehalveer◗ 250 ml (1 k) kookwater GRONDBOONSOUS ◗ 20 g gemmer◗ 1,25 ml (¼ t) fyn koljander◗ 1,25 ml…

LET WEL Tensy die aanbevole breidraad gebruik word, kan Saprotex nie verantwoordelikheid vir die eindproduk aanvaar nie. BENODIGDHEDE ■ Elle Pure Gold Chunky (100 g-bol): 25 bolle Marigold 138 ■ 8 mm-sirkelbreipen ■ Kabelpen GROOTTE Breedte x lengte: ± 150 cm x 155 cm SPANNING 11 ste en 16 rye = 10 cm oor dubbelmossteek met 8 mm-breipenne en 2 breidrade saam. Vir die beste resultate is dit noodsaaklik om die regte spanning te verkry. As daar te min steke in die toetslappie is, gebruik dunner penne. As daar te veel steke is, gebruik dikker penne. STEEKVERDUIDELIKINGS Die draad voor (dv), draad oor (do) en slaan draad om breipen (sdob) dien almal dieselfde doel – om ’n steek te maak om ooreen te stem met die steek(steke) wat verloor word…

KNAL DEUR BETTINA WYNGAARD Umuzi, R320 Die vyfde roman in Bettina Wyngaard se Nicci de Wee-misdaadreeks het pas verskyn. Sy is ’n prokureur en aktivis (Bettina, nie Nicci nie – dié is knap met ’n Raptor in die hand en ’n R5 oor die skouer) en ek vra haar wat sy doen wanneer sy nie skryf nie. “Mense dink altyd dat ‘werk’ net die dinge is wat geld inbring, maar ek vind die werk wat vir my die meeste bevrediging bring, kan nie noodwendig in geldwaarde gemeet word nie. Ek doen hoofsaaklik skryfverwante dinge, maar ek doen ook konsultasiewerk vir NGO’s wat regshulp nodig het.” Sy beantwoord ’n paar vrae: Wanneer skryf jy en waar? Ek verkies om vroegoggend te skryf, wanneer my brein nog vars is, die idees vloei…

GROOT BLOKRAAI NO 2594 KOMPETISIEVRAAG Watter dier is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN QUEILLERIE PLUS KOM IN AANMERKING VIR DIE MAANDELIKSE TREKKING VAN R1 000. Hierdie week wen een leser Ontvoer deur Constant van der Merwe (Queillerie, R350). Toe die ekspolisieman George Ekermans sien hoe ’n meisie in ’n bakkie gedwing word, sit hy die ontvoerder agterna. Die man en die meisie verdwyn egter en al leidraad is ’n eienaardige goue hangertjie wat die meisie laat val het. Die kleindorpse polisie is onhulpvaardig en George begin sy eie soektog. Gou besef hy die meisie is nie ál een wat geteiken is nie. Sy ywer met die saak veroorsaak stremming in sy langafstandverhouding…

ONS ken sy treffers. Hy’t 11 Grammybenoemings en sy katalogus van musiek is heel indrukwekkend. Wel, vir iemand wat glad nie sing nie. Alhoewel hy deesdae oral op TikTok, vermaaknuus en op sosiale media gesien word, is hy nie ’n akteur of sanger nie. Die rede vir sy roem? Hy’s tans saam met die popster en aktrise Selena Gomez en is ’n beroemde en gevierde musiekvervaardiger. “Selena het ons eintlik gewys wie Benny Blanco is,” skryf een TikTokker. Benny en Selena het ook nou ’n album uit. I Said I Love You First is einde Maart uitgereik. En jy’t reg geraai, Selena sing daarop en hy’s die vervaardiger. Maar dis nie die enigste musiek waarvoor hy bekend is nie. Ons was geskok toe ons onlangs uitvind Benny sit ook agter…

ELKE berig oor ’n vermiste kind laat haar maag saamtrek. Dis al ’n bekende ruk aan haar hart, want sy ken die smeekgebede van daardie kind se ouers: “Here, laat hy tog lewend gevind word.” Sy bid saam vir hulle. En dan bid sy elke keer ook weer vir haar eie kind. Nou onlangs het Coleen Bothma (54) in die nuus van die vermiste Cowan Reed Titus gelees. Die 28-jarige Cowan het in Mianmar onder die puin van sy woonstelgebou verdwyn toe ’n reuseaardbewing dié Asiatiese land getref het. Sedertdien is daar nog niks weer van hom gehoor nie. Daar was al so baie sulke stories. En telkens laat eggo dit weer Coleen se eie verdriet. Want sy ken die paniek as jou kind in die vreemde verdwyn. Die vasberadenheid…

HY MOES ’n paar slinkse planne beraam om die geheim ’n geheim te hou, sê Ryle De Morny oor die dag toe hy sy jarelange meisie, Mel Corbett, gevra het om met hom te trou. Sy ken hom heeltemal te goed. “Sy is skerp, intuïtief en altyd twee treë voor,” sê hy. Hy het geweet hy sal met ’n foutlose plan moet vorendag kom. En gelukkig kan hy toneel speel, Ryle het immers die rol van Chad Morgan in Netflix se Blood & Water vertolk. Toe die groot dag nou onlangs aanbreek, het hy Mel, ’n biokinetikus, laat glo sy verfilm inhoud vir een van sy handelsmerke. Maar in werklikheid was die dag haarfyn beplan – tot hy die groot vraag gevra het. Hulle het hulle gunstelingstaproete met hulle huskies…