Innholdsfortegnelse for 24 April 2025 i Huisgenoot

1 ‘HY SAL ALTYD MY BABA BLY’ Patricia Lewis was baie trots toe haar seun, Max, onlangs mondig geword het. Sy sal hom seker eers laat gaan ‘wanneer hy die dag 50 is’, sê sy Ag, Patricia, daar is niks verkeerd mee nie. My seun is al 50 jaar oud en hy sal vir altyd my baba bly. Hy is ook die enigste kind en ek weet presies hoe jy voel. Dis baie mooi foto’s en jou seun is pragtig. WILLEMIEN Patricia, hy is prag-tig! My seun doen ook altyd die “serious look” op foto’s. Dis een van die dinge wat hulle spesiaal maak. Hulle sal altyd my kinders bly al word hulle ook hoe oud. Ons is nou maar eenmaal net mammas. EDITH Wow, 21! Baie geluk aan Max, en…

VIR die Blom-gesin van Hartbeespoort was 21 Maart net nog ’n rustige vroegherfs-Vrydag langs die viswaters van die Rooikoppiesdam buite Brits. “Ons gaan gereeld daarheen. Ons het selfs ons gunsteling-kampeerplek daar,” sê Corné. Hy en sy vrou, Amanda, en hulle sewejarige seuntjie, Johandré, sou die naweek saam met vriende langs die water deurbring. Hulle was gesellig aan die kuier terwyl hulle gewag het vir die vis om te byt. “Ons het onder die gazebo gesit en biltong eet. Die kinders het vroeër die dag lekker visgevang en Johandré en sy maatjie het in die vlak water gespeel.” Volgens Corné was die kinders nie eens kniehoogte in die water nie. Hy was self vroeër daardie dag halflyf in die water. “Dit kon met enigeen van ons gebeur het. Ons gaan…

DAARDIE lastige skaduwees onder ’n mens se oë is iets waarmee amper almal in ’n stadium sukkel. Dié kringe kan ná ’n rustelose nag of ’n besonder stresvolle week verskyn en ons ouer en moeër laat lyk. Dis dalk nie moontlik om donker kringe heeltemal te voorkom nie, maar daar is ’n hele paar maniere om jou oë te verfris en op te helder. So, wat is donker kringe nou eintlik? Hoe verskil dit van sakkies onder die oë? Wat is die beste produkte en behandelings daarvoor? Ons beantwoord jou vrae. Wat is donker kringe? Die vel om die oë is delikaat en dikwels een van die eerste plekke waar tekens van veroudering sigbaar is. Die amper deurskynende tekstuur van dié vel kan donker kringe nog opmerkliker maak. “Die vel…

AMANDELS (690 KJ) Vet: 14 g Proteïen: 6 g Vesel: 3,3 g ◗ Verlaag LDLcholesterol.◗ Kan jou risiko vir hartsiektes met tot 45% verlaag. GRONDBOONTJIES (669 KJ) Vet: 14 g Proteïen: 7 g Vesel: 2,4 g ◗ Bevat resveratrol, die antioksidant wat ook in rooi druiwe en rooiwyn voorkom en die risiko vir hartsiektes verlaag. KASJOENEUTE (669 KJ) Vet: 12 g Proteïen: 5 g Vesel: 0,9 g ◗ Ryk aan mono-onversadigde vette wat die hart beskerm.◗ Vetinhoud laer as ander neute. PEKANNEUTE (753 KJ) Vet: 20 g Proteïen: 3 g Vesel: 2,7 g ◗ Goeie bron van vitamien B₃.◗ Bevat antioksidante wat plaakvorming, wat are laat verhard, help voorkom. HASELNEUTE (812 KJ) Vet: 19 g Proteïen: 3 g Vesel: 2,8 g ◗ Bevat flavonoïed wat die brein help gesond hou,…

DIS waarskynlik elke akteur se droom om daardie gesogte goue beeldjie van die Academy of Motion Picture Arts and Sciences – oftewel die Oscar – vir hulle talent te ontvang. Sommige wenners het reeds lang loopbane agter die rug, terwyl ander weer taamlik nuut in die bedryf is. Kom ons kyk bietjie na vanjaar se wenners in die hoofkategorieë. ADRIEN BRODY BESTE AKTEUR IN ’N HOOFROL THE BRUTALIST Die sterre van die silwerdoek moet dikwels diep in hulle binneste delf om ’n karakter geloofwaardig voor die kamera uit te beeld. Dit was beslis op Adrien Brody van toepassing in die vertolking van die karakter László Tóth, ’n Hongaars-Joodse argitek. Tóth vlug saam met sy vrou, Erzsébet (Felicity Jones), uit Hongarye na Amerika om daar ’n nuwe lewe te bou. Adrien…

REUSEWOLWE was eens op ’n tyd volop in Noord-en Suid-Amerika, maar die soogdiere het tussen 10 000 en 13 000 jaar gelede uitgesterf. Dis nie net groot wolwe nie. Hulle was ’n unieke, en natuurlik reusagtige, wolfsoort. ’n Amerikaanse maatskappy het nou bekendgemaak dat hulle danksy genetiese aanpassing DNS van dié diere gebruik het om drie welpies van dié spesie te skep. Al het Colossal Biosciences aangekondig hulle het die reusewolf laat herleef, is klein Romulus, Remus en Khaleesi nie heeltemal identies aan die ouskool-reusewolf nie. Wat die wetenskaplikes gedoen het, is om antieke DNS van reusewolwe te neem en deur middel van kloning en geenredigering die gene van ’n gryswolf te verander. Die gryswolf is die naaste lewende familielid van die reusewolf. Die DNS van die reusewolf wat…

1 Watter land het ’n kuslyn op die Atlantiese én die Indiese Osean? 2 Watter karakter bly in ’n asblik in Sesame Street? 3 Wat is die hoofstad van Ierland? 4 Watter plofbare stof het Alfred Nobel geskep? 5 Watter dier het die grootste oë in die wêreld? Antwoorde: 1 Suid-Afrika 2 OscartheGrouch 3 Dublin  4 Dinamiet 5 Diereuse-inkvis BRONNE THEGUARDIAN.COM, EDITION.CNN.COM, NEWS.SKY.COM, BBC.CO.UK, TIME.COM…

DIE raserige skare sien haar skaars raak toe sy op die verhoog stap. Dan begin sy sing en skielik is dit tjoepstil. Want met “Fast Car” gee sy ’n stem aan almal wat gevangene gehou word deur armoede, alkoholisme, ongelykheid en onvervulde drome. You got a fast car, I want a ticket to anywhere . . . any place is better, starting from zero, got nothing to lose. Dis 1988 in Londen se Wembley-stadion en Tracy Chapman het so pas die wêreld sprakeloos gelaat. Zadie Smith, die bekroonde skrywer van White Teeth, was twaalf toe sy Tracy daardie dag op televisie sien. “Die skok was dat sy nes óns lyk. Dieselfde swart T-hemp, jeans en stewels. Dieselfde dreadlocks. “Haar liedjies was óns stories, oor ons alledaagse stryd.” Want Tracy, gebore…

Wanneer en waar was jy op jou gelukkigste? Laas jaar op die Afrikaans Is Groot-verhoog saam met die Afrikaanse rocklegende Francois van Coke toe ons saam opgetree het. Wat sou jy anders doen as jy jou lewe kon oorhê? Ek sou meer liedjies geskryf het. Wat is die ding wat jy die meeste in mense bewonder? Hulle gees. Wie sou jy die graagste vir ete wou nooi en wat sou jy vir ete maak? My toekomstige self. Ek sou lekker chilli-wors op die kole gooi en braai, en pap met tamatiesous maak, en saam met myself daaraan smul. Wie is of was die liefde van jou lewe? Die Here. Wie of wat sou jy in jou volgende lewe wou wees? Ek sou ’n skouspringer wou wees. Wat is jou gunstelingwoord in…

DIT het alles so mooi begin. Wel, so mooi soos ’n egskeiding kan wees. Ses maande gelede kom die kort verklaring: “Ná baie nadenke en oop gesprekke het ons saam besluit om ons huwelik te beëindig. Dié besluit kom uit ’n plek van liefde, respek en begrip dat dit die beste pad vorentoe vir ons albei is. Al verander ons verhouding as dié van ’n paartjie, bly ons goeie vriende.” Aan die woord was Siya Kolisi en sy vrou, Rachel – die Springbokrugby-kaptein van Zwide en die blondekop van Grahamstad, die twee wie se liefdesverhaal soveel Suid-Afrikaners aangegryp het. Skok en ongeloof was daar in oorvloed. Die twee was agt jaar getroud en ’n leeftyd lank saam, lank voor Siya se rugbyglorie. “Ons as land behoort familieverlof te neem. Die…

VIR DIE DEEG Blaai na bl. 25 vir die basiese deeg se resep en na bl. 27 vir die tangzhongdeeg se resep. PISTACHIO-&-PERSKEBOLLETJIES GENOEG VIR 10 /BEREIDING EN BAK: 2 UUR ◗ 1 x tangzhong-deeg witbroodmeel, vir sprinkel◗ 20 g pistachio’s, fyngekap PISTACHIOROOM ◗ 50 g gladde pistachiobotter◗ 35 g versiersuiker◗ 170 g mascarponekaas◗ 125 g dubbeldik room GEROOSTERDE PERSKES ◗ 3 donutperskes of perskes van jou keuse◗ 15 ml (1 e) bruinsuiker◗ 15 ml (1 e) heuning◗ 15 ml (1 e) tiemieblaartjies◗ 30 ml (2 e) water EIERMENGSEL ◗ 1 groot eier◗ 5 ml (1 t) water◗ ’n knippie fyn seesout 1 Room Plaas die pistachiobotter in ’n middelslagbak. Voeg die versiersuiker en mascarpone by en klits tot glad. Klits in ’n aparte bak die room tot sagte punte…

TAPYTMADELIEFIE (DYMONDIA MARGARETAE) Dié meerjarige immergroen rankplant met sy tapytvormende grondbedekking is perfek as ’n vuller tussen byvoorbeeld stapstene in sonnige tuine. Dit kan uit sade, steggies of divisie gekweek word. Die plant floreer in sanderige, goed gedreineerde grond. Voeg ’n milde hoeveelheid kompos by. BLOU KRUIPWINDE (CONVOLVULUS SABATIUS) Dié plant vorm ’n digte mat wat maklik groot areas kan bedek. Dit dra blou of wit blommetjies in die lente en sy spreiwortels maak die plant ideaal om die grond op steil walle te behou. Dis ook ’n wonderlike vullerplant vir beddings en teen mure. Dis hitte-en windbestand en geniet vrugbare, goed gedreineerde grond en volson. Laat die grondoppervlak uitdroog tussen natmaaksessies. HANGROOSMARYN (ROSMARINUS OFFICINALIS PROSTRATA) Dié sonliewende, laaggroeiende vorm van die gewilde krui sorg vir pragtige grondbedekking. Dit dra…

BUL 20 APRIL – 20 MEI Of jy nou daarvan hou of nie, jy is tans die middelpunt van die kosmos. Jou heersende planeet, Venus, en die taakoplêer, Saturnus, span saam binne die emosionele Vis op die 25ste, so jy móét volwasse en verantwoordelik optree. Veral in jou interaksie met ander om ’n goeie balans te behou. Die nuwemaan op die 27ste bring ’n nuwe begin ten spyte van uitdagings. TWEELING 21 MEI – 20 JUN Hierdie week behoort jy presies te weet waar jy met jou loopbaan op die lang termyn staan. Toewyding met ’n hoofletter T word van jou vereis. Niks minder nie. Moet jou nie steur aan gerugte of ’n geskinder nie. Dit kom uit afguns en bitterheid. Hou jou kop omhoog en moenie reageer as jy uitgelok…

ED SHEERAN Hy’s baie opgewonde oor sy nuwe album, vertel die Britse musikant Ed Sheeran oor sy agtste album wat hy beplan om binnekort uit te reik. Die popster, wat al vier keer met ’n Grammy bekroon is, het ná die uitreiking van sy vyf wiskundig getitelde albums, + (Plus), x (Multiply), ÷ (Divide), = (Equals) en – (Subtract), asook twee samewerkings, No.6 Collaborations Project en Autumn Variations, besluit hy gaan ’n nuwe reeks albums uitreik wat afskop met Play wat gevolg gaan word met Fast Forward, Rewind en Stop. Die eerste liedjie van die album, “Azizam” het in April ’n heerlike opskudding veroorsaak en gou ’n gunsteling onder Ed se aanhangers geword. “Ek het ‘Azizam’ geskryf nadat my vervaardiger, Ilya Salmanzadeh, voorgestel het ek maak musiek wat deur sy…

AANDAGVRAAT Een Sondagoggend hoes Fienie geweldig in die kerk. Ná die diens sê ’n vriendin van haar aan Dirk, Fienie se man: “Ek’t regtig jammer gevoel vir Fienie toe sy so begin hoes en almal omgedraai het om na haar te kyk!” “Moenie worry nie,” sê Dirk, “sy’t maar net haar nuwe hoed opgehad.” San Marchand KOPSKUIF Dis waar wat hulle sê, oefening help jou met besluitneming. Ek’t vanoggend gaan hardloop en besluit om dit nooit weer te doen nie. Denise, Pretoria DIE PLUSPAKKET Die blondine sê aan die verkoopsman: “Toe ek die motor gekoop het, het jy my die versekering gegee alles wat breek, sal onder die ekstra waarborg vervang word.” “Dis korrek, ek het,” sê die verkoopsman. “Wel, in daardie geval wil ek ’n nuwe motorhuisdeur hê.” Johan…

KOM nes jy is, lui die boodskap van die Mej. Suid-Afrika-organisasie. Met tatoes of daarsonder, ouer of jonger, as ’n ma of as ’n vrou sonder kinders, met ’n paar gesonde kurwes of daarsonder. Van oraloor word daar hande geklap vir die organisasie wat nou weer ’n keer sy reëls verander het om meer inklusief te wees. Aansoekers kan nou so oud as 32 wees, hulle mag weer inskryf as hulle voorheen finaliste was en daar is geen meer vereistes oor gewig of lengte nie. Inskrywings het op 2 April geopen en op 11 April gesluit. Ceylonia Bekker en Savannah Schutzler was voor in die koor. CEYLONIA BEKKER Eers was sy die wilde – en wulpse – “wild card” wat in Op my eish! om Neels van Jaarsveld se hart…

Soms maak die waarheid nie saak nie. In 1863 het die Amerikaanse skip die CSS Alabama om die Kaap probeer buit maak. Hy was deel van die Gekonfedereerde State se vloot. In die ope konflik van die Amerikaanse Burgeroorlog was hy ’n nul op ’n kontrak, maar ver van sy vyande was hy ’n groot gevaar vir handelskepe. Hy’t naam gemaak toe hy in Simonstad intrek vir voorraad en om buit te verkwansel. En omdat die Britte toe die Kaap besit het, en die empire nog ’n bietjie broos was omdat die noordelike Yankees in 1783 hulle hand in die as geslaan het, was hulle heel vriendelik met dié rebelleskip. Kapt. Raphael Semmes is selfs genooi om in Admiralty House te gaan eet. Almal was in rep en roer.…

ERS die storm wat soos ’n sneltrein om die hutte dreun en die wêreld in ’n wit verfdoek sonder buitelyne omskep. En toe die lewelose liggaam in die sneeu, so hartverskeurend naby aan veiligheid. Drie dekades lank al is dié traumatiese tonele in sy gemoed vasgevries. ’n Kykweer wat steeds so ongenaakbaar soos die bevrore landskap van Antarktika voor sy geestesoog afspeel. Peter de Vries was dáár. En hy onthou. Toe Suid-Afrika se Sanae IV-navorsingstasie in Antarktika onlangs weer in die nuus was, was Peter een van die min mense wat verstaan hoe dit voel om op die yskontinent te woon. Hy het ook maar net in die berigte gelees van die jongste drama oor die navorsingstasie – bewerings van twis tussen die ekspedisielede en klagtes oor spanning in die…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. V Ons was eens op ’n tyd ’n gewone familie met ’n seun, ’n dogter en drie pragtige kleindogters. Ons seun en dogter was in goeie skole, het universiteit toe gegaan en het ook nou elkeen ’n baie goeie werk. Ons het sterk bande met ons kleindogters gehad, een het selfs haar kêrel vir ons kom wys. Dié kleindogter het ook advies nodig gehad oor haar studierigting. Haar pa wou haar in…

1 WORD VERSEKE RINGSUITBETA LINGS BELAS? Nee, met korttermynverse-kering is die uitbetaling belastingvry. Die SAID beskou nie ’n versekeringseis as betaling vir standaardprodukte of -dienste nie. Daar is wel uitsonderings waar BTW geld, byvoorbeeld sommige versekeringspolisse vir kommersiële voertuie. 2 KAN MY POLIS GEKANSELLEER WORD NÁ ’N EIS? Ja, jou versekerings-maatskappy kan dit doen indien jy te gereeld eis. Dit verhoog jou risikoprofiel en dus die gevaar van verliese. Maatskappye se besluite oor kansellasie weens veelvuldige eise kan verskil. Dit sal afhang van jou tipe polis, die aantal en soort eise, en kostes. 3 BEÏNVLOED EISE MY PREMIE? ’n Enkele, ongereelde eis behoort nie jou premie te verhoog nie. Maar knaende eise, al is hulle klein, kan jou risikoprofiel en premies opjaag. 4 BEÏNVLOED EISE MY KREDIET TELLING? Nie direk…

‘SAL jy my man vermoor?” Sy’s tingerig. Die ene skouerbene, skerp neus, vlerkie-elmboë en kniekoppe wat uitstaan. ’n Mossie op soek na ’n wurm. Haar kneukels is rooi, verrimpeld. In haar hand hou sy ’n boek vas. “Verskoon my?” Odette kyk vinnig om haar. Die boekwinkel is byna leeg. Die mossievrou beweeg nader. “Jy’t gesê jy’t jou man al drie keer vermoor.” Meteens maak dit sin. “Jy praat van my boeke.” “Jammer, ek moes verduidelik het. Ek praat voor ek dink.” Mossievrou steek haar hand uit. “Ronel Marais.” Die vrou se vel is koud. Odette trek haar vingers vinnig terug. “A, so jy weet darem ek’s ’n skrywer en nie ’n sluipmoordenaar nie.” Ronel lag hard – êrens skraap ’n vingernael teen ’n swartbord. “Natuurlik! Ek’s jou grootste bewonderaar. Ek…

DIT het so ’n rukkie gevat, maar SUITS LA het my nou ook uiteindelik afgeskud. Daar was so ’n oomblik in die sesde episode waar ek net gedink het: “Regtig?” En toe skielik my lus vir die res van die reeks verloor het. En ek het nogal uitgesien daarna. Soos baie ander was ek ’n aanhanger van die eerste reeks met Gabriel Macht, en ek het besluit om ag te slaan op die waarskuwings aanlyn dat mens nie dieselfde dinamika as die eerste reeks moet verwag nie. Ek het met ’n oop gemoed begin kyk. Die keuse van karakters in die nuwe reeks was ook opwindend – van Stephen Amell wat in ARROW gespeel het, tot Josh McDermitt wat Eugene in THE WALKING DEAD was en Maggie Grace wat Shannon…

Meer as twee dekades lank was hy die voorsanger van een van ons land se legendariese rockgroepe, Prime Circle. Deesdae is Ross Learmonth ’n solokunstenaar – en hy geniet dit baie. Hy het onlangs die Goo Goo Dolls ondersteun met hulle toer deur Suid-Afrika, het ’n nuwe liedjie uit, en beplan om oorsee te toer. Ons het met die 43-jarige gesels om meer uit te vind. Baie geluk met jou nuwe liedjie, ‘Opposites’. Waaroor gaan dit? Dis net ’n lekker liefdesliedjie oor hoe teenoorgesteldes mekaar dikwels aantrek. Ek kyk na my ouers – my pa is Skots, my ma Engels – en hoe hulle aanhoudend stry. As ek na myself kyk, ek was oorgewig en lui, en my meisie is gesond en fiks. Ek hou van reënerige middae, sy is ’n…

GROOT BLOKRAAI NO 2593 KOMPETISIEVRAAG Watter sportsoort is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN TAFELBERG KOM IN AANMERKING VIR DIE MAANDELIKSE TREKKING VAN R1 000. Hierdie week wen een leser Capitec: Stryd met die grotes deur TJ Strydom (Tafelberg, R320). Hoe bou jy ’n bank van nuuts af? Wat verg dit om vier gevestigde bankreuse die stryd aan te sê, en dan boonop die loef af te steek? In dié boek vertelTJ Strydom die boeiende storie van Capitec wat al as die beste bank ter wêreld aangewys is. Capitec swem teen die stroom in – maak takke oop terwyl ander banke afskaal, fokus op deursigtige bemarking, lê klem op persoonlike diens en bied dienste…

ASEMHAAL is ’n onwillekeurige aksie, wat beteken jy doen dit sonder om daaraan te dink. Terwyl jy by die skool is, saam met jou vriende speel of diep slaap, hou jy aan asemhaal. Dis soms pret om jou asem op te hou terwyl jy onderwater swem of om met jou maats mee te ding oor wie hulle asem die langste kan ophou, maar kort voor lank gaan jou liggaam jou daaraan herinner dat dit lug nodig het. As jy al ooit gewonder het hoekom asemhaal jou aan die lewe hou, lees verder en leer meer oor ons respiratoriese stelsel, en die wonder van asemhaal. ASEM IN . . . EN DAN WAT? Elke keer wat jy inasem – sowat 20 000 keer per dag – vloei lug jou liggaam deur…

‘TANNIE, my storie begin toe ek baie, baie jonk was. My pa, Pierre, het altyd vir ons magic tricks gedoen toe ek klein was. Hy’t ons sommerso daarmee vermaak. En ek het baie daarvan gehou. Toe besluit ons om elke Dinsdagaand ’n sessie te hou waar hy vir my een triek leer. Ek was seker so vyf of ses toe hy my begin leer. My pa was nie ’n professionele kulkunstenaar nie. Hy’t dit sommer net vir die lekker gedoen nadat hy op hoërskool trieks begin doen het. Toe leer hy vir my. Ek’t al klein-klein vir my vriende met trieks vermaak. En eendag toe ek in gr. 10 was, het een van my ma se vriendinne vir my gevra of ek by haar kind se partytjie kan optree. Ek…

HY IS een van daardie seldsame soort akteurs wat eintlik net vir sy toneelspel bekend is en nooit die koerante se skinderblaaie haal nie. Sy gesinsake lyk so heilsaam soos kan kom. Tot nou. Meteens blyk dit hoewel Tom Hanks self ’n goeie ou is – Hollywood se voorste Mr. Nice Guy, selfs – was sy familielewe deur die jare alsbehalwe rustig. Die vuil wasgoed het alles op een slag uitgebars toe Tom se dogter, Elizabeth Ann – of net EA, soos mense haar noem – ’n boek oor haar kinderjare gepubliseer het. Haar bewerings is diep ontstellend, maar Tom is nie die skurk in die verhaal nie. Dié titel kom eerder sy eerste vrou toe. Tom is al 37 jaar getroud met Rita Wilson. ’n Huwelik wat so ver…

WAT is beter as ’n vakansie op ’n idilliese eiland? ’n Vakansie op twee eilande, waarskynlik. Die voormalige Mej. Suid-Afrika Cindy Nell-Roberts het onlangs Fidji én Bali gaan verken, en dit was ’n vakansie waarvan die herinneringe ’n leeftyd gaan hou. Hier sit sy in ’n bikini op die strand, daar in ’n Balinese hangmanjie en elders op ’n rots voor ’n waterval. Maar moenie dat die foto’s jou flous nie, sê Cindy. Daar is darem ook gewerk. “Dit was ’n bietjie van ’n afgeleë werkvakansie, maar ons het soveel watersport as moontlik gedoen, soos om te snorkel en met jetski’s te ry. Dit was heerlik en al die dinge wat ’n vakansie vir my perfek maak.” Haar man, Clive, en hulle twee kinders, Aenea en Ethan, het dit ewe…

RUITERBOSCH is dalk nie ’n regte plek nie, en die dramatiese kinkels in Suidooster is dalk net die werk van ’n draaiboekskrywer. Maar die akteurs agter dié karakters hou almal in elk geval van ’n stukkie drama – veral as dit mense laat praat. Daarom bring hulle benewens hul dansskoene en sangtalent ook sappige skindernuus en geheime van agter die skerms na die verhoog vir die Stormsterk-konsert by die Suidoosterfees. LOCAL IS LEKKER Die akteurs repeteer al weke lank vir die Stormsterk-konsert wat op Saterdag 3 Mei om 17:00 by die Artscape-teater te sien is. Almal in Suidooster is deel daarvan, maar ’n spul van hulle neem die voortou – Eden Classens, Jill Levenberg, Dean Smith, Craig Adriaanse, Jawaahier Petersen, Natasha van der Merwe, Simone Biscombe en Irvine van der…

SY’S beeldskoon, suksesvol en onafhanklik – so die volgende man wat die pas geskeide ZOË KRAVITZ se hart wil wen, sal sy beste voetjie voor moet sit. En hy sal moet vinnig maak, want die kompetisie is straf met twee aantreklike Hollywood-akteurs wat reeds meeding om haar aandag. Zoë (36), wat haar verlowing aan Channing Tatum (44) verlede jaar verbreek het, is al saam met AUSTIN BUTLER (33) sowel as NOAH CENTI-NEO (28) in die openbaar gesien. Bronne sê die Big Little Lies-aktrise het ’n hegte band met Austin gevorm toe hulle verlede jaar in New York hulle nuwe fliek, Caught Stealing, verfilm het. In Oktober verlede jaar is hulle afgeneem waar hulle passievol op die stel gesoen het, en volgens bronne het dinge steeds warm gebly nadat die…

Tyd genees alles. Nadat ELTON JOHN twee dekades gelede lelik was oor MADONNA se liedjies en haar konsertoptredes gekritiseer het, het die twee lewende legendes die strydbyl begrawe. Madonna (66) het laas week ’n foto gedeel van haar en Elton (78) saam ná sy optrede in Saturday Night Live. Sy sê sy’t hom agter die skerms gekonfronteer oor sy snedigheid. “Dit het my deur die jare seergemaak dat iemand wat ek soveel bewonder my in die openbaar so sleggesê het as kunstenaar. Ek het dit nie verstaan nie,” skryf sy. “Toe ek hom ontmoet, was sy eerste woorde: ‘Vergewe my.’ En die muur tussen ons het net verkrummel. Vergifnis is ’n kragtige wapen. Net minute en toe gee ons mekaar ’n drukkie.” Die onenigheid het gekom toe Elton gesê het…