Innholdsfortegnelse for 4 July 2024 i Huisgenoot

1 MY EIE WENSTREEP Eens het sy 130 kg geweeg, maar ná jare van op en af het Carli van Niekerk die helfte afgeskud. En boonop onlangs haar tweede Comrades voltooi Dit is absoluut wonderlik, die deursettingsvermoë wat dit van jou moes geverg het. Gewigsverlies is al klaar moeilik genoeg, maar om dan nog so te begin hardloop ook! Dis net wow! LISA Ek was 133 kg en het 68 kg verloor. Toe weeg ek 65 kg. Maar het weer als opgetel, want dis so moeilik om vir die res van jou lewe reg te eet. Dis ’n hele lewensverandering waarby jy moet bly. Dis glad nie maklik nie. JOLANDI Ek stem 100% saam met jou. Dis net ek en my man en hy sal saam met my stap, maar…

DIT is ’n gevoel wat woorde nie regtig kan weergee nie – om daar te lê terwyl die wiele van ’n enorme masjien oor jou ry, om te hoor hoe die beendere in jou eie kop kraak … Nee, sê Chané Dreyer, sy wil liewer nie ’n foto deel van hoe sy gelyk het nadat dié trekker van 23 ton oor haar kop gery het nie. Haar gesig is stukkend. Sy sukkel om te eet. “Ek wil nie hê mense moet my só sien nie,” sê sy. Elke keer as sy in die spieël kyk of ’n foto van haarself sien, herinner dit haar aan daardie aaklige dag. “En dis moeilik om terug te kyk.” Ironies genoeg het dié dag, 16 Mei, hoopvol en optimisties begin. Chané en haar man,…

EENHEID IN KLEUR Skep ’n harmonieuse voorkoms in ’n vertrek deur die kleure in jou kuns dieselfde te maak as die oorheersende kleure in die res van die vertrek. Hier bind oranje, geel en blougroen die ruimte goed saam. SPEEL MET VORMS Wees kreatief met kuns en rame wat verskillende vorms het. Hier is mooi simmetrie wat ’n balans skep selfs al word twee verskillende vorms gebruik. BETER KYKSTOF Om kuns teen die muur agter jou TV by te voeg is ’n wonderlike manier om dié ruimte meer interessant te maak. Hou by meestal vierkantige en reghoekige rame om ’n eenvormige voorkoms te verseker. ’N SAGTER KOMBUIS Kuns in die kombuis is in kontras met die minimalistiese en eksieperfeksie kombuise van die verlede. Dit gaan saam met die jongste trend,…

KREEF 21 JUNIE – 21 JULIE Dié week is jy selfgesentreerd en fokus op jou eie begeertes en behoeftes. Gebruik die geleentheid om holisties te kyk watter areas van jou lewe aandag nodig het, maar nie noodwendig verbetering nie. Moenie toelaat dat onlangse verwikkelinge wat met geld, skuld en/of lenings verband hou die proses oorskadu nie. Al het jy soms die neiging om in die verlede te leef, laat dinge gaan. LEEU 22 JUL – 22 AUG Iets wat onlangs tussen jou en jou maat/eggenoot gebeur het, pla jou steeds, veral as jy voel die probleem word nie opgelos nie. Moenie dit jou hooffokus maak nie. Slaap eerder daarop aangesien jou onbewuste dinge verwerk. Jy kan dan binnekort weet wat die volgende stap behoort te wees. Onthou net, konfrontasie het…

BIRDS OF GREATER SOUTHERN AFRICA Deur KEITH BARNES, TERRY STEVENSON en JOHN FANSHAWE Sunbird Publishers, R335* In ’n neutedop bied hierdie gids: ◼ Voëls van Zambië, Malawi, Mosambiek, Namibië, Botswana, Zimbabwe, Suid-Afrika, Lesotho en Eswatini.◼ Dek al 1 198 spesies wat in dié streek opgeteken is, die veredrag en soort ingesluit.◼ Altesame 272 kleurfoto’s en meer as 3 315 illustrasies deur John Gale en Brian Small.◼ Belangrikste identifikasiekenmerke soos variasies, status, habitat en stem.◼ Dek agt oseaniese eilande en argipels.◼ Verspreidingskaart vir elke spesie. Aanlyn kan ’n mens lees met hoeveel afwagting hierdie gids deur voëlkykers wêreldwyd ingewag is – veral omdat lande ingesluit is wie se voëlryk nie so goed beskryf is soos dié van Suid-Afrika nie. Die illustrasies, wat as baie goed beskryf word, word gerieflik geplaas teenoor…

VIR WIE DITAANGAAN Koos aan sy vrou: “Hoe dink jy wat sou van ’n brief word as ek dit aan ‘Die domste man in Suid-Afrika’ adresseer?” Sy vrou: “O, dit sal net eenvoudig na die sender teruggestuur word!” SAN MARCHAND KNORMOER San: “Mammie, die kind sukkel om te praat en hy is al drie.” Ma: “Wat verwag jy, hy’s dan gemaak in ’n kar wat sukkel om te vat.” WOLLIE, PRETORIA RYVERNUF My vrou het vandag haar bestuurstoets gedoen. Sy’t 8 uit 10 gekry. Die ander twee het uit die pad gespring. DENISE, PRETORIA EINDELOOS Hoe hou jy ’n blondine ure lank besig? Vra haar om al die roltrap se trappies te tel. WOLLIE, PRETORIA PLAASONTBYT Nooit weer vat ek vir Sannie plaas toe nie. Toe sy hooibale sien, vra…

1 Wat is die naam van die leeu in The Chronicles of Narnia? 2 Waar vind die T20-Wêreldbeker vandeesmaand plaas? 3 Wat word 111 lopies in krieket genoem? 4 Watter gas absorbeer plante gedurende fotosintese? 5 Wat is die hardste stof op aarde? ANTWOORDE 1. Aslan, 2. Amerika en die Wes-Indiese Eilande 3. Nelson, 4. Koolstofdioksied, 5. Diamante BRONNE CNN, BBC, THEGUARDIAN.COM, ICC-CPI.INT, BRITANNICA.COM, RCGS.ORG, JEREMYCOLLERFOUNDATION.ROG, NATURE.COM, GUINNESSWORLDRECORDS.COM, NEWSCIENTIST.COM, SMITSONIANMAG.COM, REUTERS, YOUTUBE, INSTAGRAM…

NETlaas jaar het sy met die man van haar drome getrou – sy in ’n wit rok, hy in ’n swart pak. Dit was die begin van ’n wonderlike nuwe hoofstuk in hulle lewe saam. En nou, sewe maande later, breek die volgende opwindende seisoen vir AMY en haar man, LEE WILLCOCK, aan: Amy is swanger. Die sangeres het die nuus onlangs met aanhangers gedeel. “Ons het ’n klein geheimpie vir onsself gehou,” het sy op Instagram geskryf. “Ons gesin brei uit, en sal teen November of Desember ’n kosbare nuwe toevoeging verwelkom.” “Ek is uit my nate van opgewondenheid. Ek kan nie wag vir die cuddles nie, of om te kyk hoe die baba se persoonlikheid ontwikkel soos hy of sy grootword nie,” sê Amy. “Ek glo dat ’n…

HULLE noem hom “Wild Thing,” want in die besadigde, elitistiese wêreld van gholf was hy soos ’n berserker. John Daly het kenners geskok toe hy in 1991 as ’n totale nuweling die Amerikaanse PGA-toernooi gewen het. Gou het sy onkonvensionele dog kragtige dryfhoue van hom ’n kultusfiguur gemaak. Hy het gereeld die bal 275 m ver geslaan, iets wat niemand hom kon nadoen nie. Met sy blonde mullet en skelbont broeke was hy ’n flambojante figuur, maar sy skandes het die buiteklubestablishment geskud. Alkoholisme, tantrums op die baan, sy dobbel- en eetverslawing … Want dié gholfgenie was ’n gefolterde mens. John, die seun van ’n konstruksiewerker, vertel: “Ek het net nie ingepas nie. Ek het nie met ’n silwerlepel in die mond op gholfbane grootgeword nie. Dit was vir my…

Wat is geluk vir jou? Geluk vir my is om by my familie te wees. Waarmee hou jy jou die graagste besig? Ek is mal oor kos maak. Waaroor is jy spyt? Ek is spyt dat ek miskien in my 20’s vir te veel dinge te veel ja gesê het waarvoor ek eintlik nee moes sê. Wat sou jy anders doen as jy jou lewe kan oorhê? Ek sou ’n dieetkundige geword het. Hoe sal die mense wat jou goed ken, jou beskryf? As ’n humoristiese persoon. Wat is jou beste eienskap? Geduld. En jou slegste eienskap? Ek wil altyd hê goed moet dadelik reg loop. Wie sou jy die graagste vir ete wou nooi? My pa se pa. My oupa wat ek nooit geken het nie. Hy is oorlede…

SY KLEINTYD was bitter moeilik. Geen pa. Sy sieklike ma wat as karwag moes werk. En natuurlik die grot agter Muizenberg se polisiestasie waar hulle jare lank gewoon het. Hy kan nie veel van daardie tyd onthou nie, vertel hy vandag. Dit is asof hy die herinneringe wil onderdruk. Maar een ding onthou hy goed: die eindelose blou oseaan wat hy van die berghang en oor die dakke van die kusdorp kon sien. “My oë was heeltyd op die branders gerig. Ek het geweet dis waar my uitkoms eendag vandaan gaan kom.” En dit hét. Want op ’n dag is hy, steeds ’n jong kind, die geleentheid gegee om versigtig op ’n branderplank te klim. Ná sy ma se dood het Muizenberg se branderry-gemeenskap hom so te sê grootgemaak, en…

OM JOU vel gereeld af te skilfer is ’n belangrike stap in enige velsorgroetine. Ons weet hoe belangrik reiniging is, en ons weet bevogtiging en sonskerm is stappe wat ons nie kan uitlos nie. Maar het jy al moeite gedoen met afskilfering? Gereelde afskilfering is belangrik om jou vel vars en gesond te laat vertoon, ongeag watter velsoort jy het. Dit help ook met velprobleme soos donker vlekke, pigmentasie en ’n growwe tekstuur. Maar hoe kies jy? Met soveel formules op die mark is dit moeilik om te weet watter een die beste vir jou gaan werk. So lees gerus verder hoekom dit nodig is om af te skilfer, en hoe om die regte metode van afskilfering vir jou vel te kies. WAT IS AFSKILFERING? Dit behels die verwydering van…

EMIGRASIE VOEL SOOS DIE DOOD VAN MY KIND V My sus se enigste seun emigreer binnekort. Hy en sy gesin beplan reeds sedert verlede jaar vir die skuif, en nou is dit op hande. Ons is ’n groepie vroue uit die familie wat altyd lekker saam kuier en mekaar se lief en leed deel. Verlede week het ons weer koek en tee saam geniet toe dit uit die bloute van my suster kom: “Weet julle dat wanneer my kind op daardie vliegtuig klim, hy dood gaan wees vir my!” Ons was almal geskok oor haar stelling. Sy verduidelik toe en sê ons moet verstaan dat sy nooit weer haar kind en sy gesin sal sien nie en nooit sal kan bekostig om te gaan kuier nie. Verder wei sy toe…

1 Vergelyk die fooie Danksy mededinging tussen handelsmerke is daar groot aanbodverskille, al verrig die toestelle basies dieselfde funksies. Vergelyk die aankoop- en maandelikse koste tussen die toestelle voor jy kies en begroot dan daarvoor. ◗ As jy koop: Hoe meer funksies, hoe duurder die kaartmasjien. Sommige aanvaar virtuele kaarte en QR-kodes sowel as fisieke kaarte. Party modelle kan strokies druk, terwyl ander slegs digitale kwitansies per SMS of e-pos stuur. Sekere kaartmasjiene kan jy direk koop en dadelik afbetaal. ◗ As jy huur: Dit word op kontrak vir ’n spesifieke tydperk gedoen, nes met jou selfoon. Dis aanvanklik goedkoper, want die koste word oor tyd versprei. Maar onthou, dis ’n deurlopende uitgawe waarvoor jy maandeliks moet begroot. Dit kan jou eindelik meer kos as wanneer jy dieselfde kaartmasjien direk…

GROOT BLOKRAAI WEN ’N BOEK VAN TAFELBERG PLUS KOM IN AANMERKING VIR DIE MAANDELIKSE TREKKING VAN R1 000. NO 2551 KOMPETISIEVRAAG Watter roofdier is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Portchie: Van Tweeling tot Trafalgar Square (Tafelberg, R295). Portchie is een van Suid-Afrika se suksesvolste kunstenaars, maar wie is die man agter die kleurvolle skilderye? Waar kom die naam Portchie vandaan? En hoe en wanneer het Jan Hendrik Viljoen van die klein, Vrystaatse dorpieTweeling aangemeld om die wêreldbekende kunstenaar Portchie te word? Ná sy verbysterende sukses kan daar met reg na Portchie verwys word as ’n grensverskuiwende kunstenaar, maar langs die pad was daar heelwat struikelblokke. Ondanks kritiek hou dié veelvlakkige persona…

VAN RADIODROME TOT TELEVISIE-WERKLIKHEID Toe hy ’n seuntjie was op Swellendam, presies halfpad tussen Kaapstad en George, het hy homself ver-loor in die radiodramas waarna sy ma altyd geluister het. Hy’t dan die storie wat hy op die radio gehoor het, lewe gegee met sy action figures van superhelde. Wanneer hy flieks gekyk het, het hy so verdiep geraak dat hy homself in daai wêrelde inverbeel het. “Ná die flieks het ek die karakters nagemaak en my familie daarmee vermaak,” onthou Ayden (21). Vandag hoef hy nie meer te droom daarvan om voor die kameras te wees nie, want hy is nou deel van kykNET se nuwe telenovelle, Skemergrond, en hy speel hierin ’n hoofrol, sy eerste groot TV-rol. ONTMOET SKEMERGROND SE JUNIOR Hy speel Junior Maarman, die oudste kleinkind…

Kry nou die nuwe Wiskunde-pakket Die splinternuwe Wiskunde-pakket bestaan uit video’s met verduidelikings wat leerders van graad 4 tot graad 6 kan help met onder meer maal- en deelsomme, breuke, geome-triese patrone en somme oor tyd. Daar is ook werkvelle met memorandums wat jy kan aflaai omjouself te toets. Dié leerplan-gegronde pakkette is ook beskikbaar ■ Sosiale wetenskappe: Geografie■ Sosiale wetenskappe: Geskiedenis■ Lewensvaardighede Elke pakket bevat ’n verskeidenheid goed nagevorsde artikels met foto’s, infografikas en video’s wat die inhoud op ’n toeganklike en interessante manier aanbied. Dit is gegroepeer volgens vakke en onderwerpe en kan jou kind help om klaswerk te verstaan en huiswerk te doen. Dit kan ook help met mondelinge, take en ander skoolprojekte. Besoek huisgenootjunior.com…

LIGVOETS kom sy oor die oefenmatte aangestap, haar tweestuk besmeer met die krytpoeier wat gimnaste aan hul hande vryf vir ’n beter greep. Sy is tenger van statuur, maar haar glimlag breed en vol selfvertroue toe sy groet en verskoning vra om gou te gaan verklee. So met die wegdraai, sien jy haar tatoes: op haar arm die vyf ringe van die Olimpiese simbool, en op haar nek die woord “Evolve”. En dít spreek van die pad wat Caitlin Rooskrantz tot hier geloop het. Toe Huisgenoot haar in 2019 die eerste keer in hierdie einste gimnastieksentrum in Newlands, Johannesburg, ontmoet het, het baie mense byna oornag van haar kennis geneem. Want op 19 het sy destyds die derde Suid-Afrikaanse vrouegimnas geword wat regstreeks vir die Olimpiese Spele gekwalifiseer het. Tóé…

SY KAN skaars by ’n winkelsentrum instap of sy word oorval deur sepiekykers of aangekeer deur iemand wat ’n foto saam met haar wil neem. Soms noem hulle haar sommer op haar karakternaam, Susan Naudé (oftewel Suzie), en wil hulle weet waar Juicy Justin, haar eks in die sepie Suidooster (gespeel deur Eden Classens), is. Party akteurs sou dié aandag as lastig beskou, maar nie Natasha van der Merwe nie. Sy staan nader en glimlag breed. “Ek is so geseënd, want ek is in die posisie waar ek kan teruggee en stop om ’n foto saam met mense te neem. “Hulle kyk immers elke aand na ons op televisie.” Hoe kan sy anders as dankbaar wees? Sy het immers 13 jaar lank geswoeg om hierdie sukses te bereik. Jare lank…

1 JEN IS EEN VAN 27 Die sangeres JENNIFER HUDSON het onlangs onthul haar pa, Samuel Simpson, het 27 kinders by verskillende vroue gehad. Jennifer (42) het in die podcast Your Mama’s Kitchen gesê sy het eers toe sy 16 was van al haar broers en susters uitgevind, en sy het steeds nie almal ontmoet nie. “Ons het al ’n paar van ons gevind. En ek is die jongste van almal,” het sy vertel. Samuel was ’n afwesige pa met wie sy kontak gemaak het toe sy 14 was. 2 IAN VAL VAN DIE VERHOOG IAN McKELLEN is ernstig beseer nadat hy van die verhoog geval het in ’n gevegstoneel in die toneelstuk Player Kings in die Noël Coward-teater in Londen. Die 85-jarige akteur het glo om hulp geroep nadat hy…

DAAR was ’n tyd toe gekrenktheid erg aan jou sou knaag as iemand jou voorkoms met dié van ’n “hot rodent” sou vergelyk. Maar nou word van Hollywood se manne juis só genoem. Dit blyk aanhangers is nie meer op soek na ’n gebeitelde voorkoms nie. Hulle is deesdae aangetrokke tot eienskappe wat meer na dié van ’n knaagdier lyk: hoekige lyne, groot ore, klein kraalogies, maar gepaardgaande met ’n slanke, sexy bekoring. Dit het alles begin ná die uitreiking van Challengers, toe iemand opgemerk het Mike Faist is oulik, maar op ’n muiserige manier. Vergelykings het begin instroom waar die akteur vergelyk word met strokieskarakters soos Despereaux uit The Tale of Despereaux en die muis van Stuart Little. Sy Challengers-medester Josh O’Connor het ook op die rotte-radar gekom met…

Huisgenoot bring elke week ’n langerige internasionale storie by jou huis in. Hierdie week volg ons Taylor Swift (bl. 76) se onstuitbare opgang. In sulke artikels steek daar ’n unieke stukkie atmosfeer wat ’n wêreld ver van hier af hopelik vir jou gestalte gee. En dan is daar die verdomde wisselkoers. Hoe wil ons lees van groot bedrae geld? In dollar of rand? En wat beteken die nommers nou eintlik as dit jaar op jaar so vreeslik kan, wel, wissel? In 1970 was ’n dollar net 70 van ons sente. In 1985 was hy R2,50. Op 27 April 1994 was dit R3,58. Kom ons gly verby die volgende jare se treurigheid. Vandag is dit R18,10. As Huisgenoot vertel van iemand wat in 1972 sy eerste $1 miljoen gemaak het in…

MAALVLEI Si slekker veelsydig en kan as huiskos of vir gaste voorgesit word. Daarmee kan jy ’n verskeidenheid heerlike geregte optower met inspirasie uit verskeie geurprofiele, soos Mediterreens, Mexikaans, Oosters tot Maleis of Indies. Span bees, vark of selfs hoender hiervoor in. Kerriemaalvleis-FILOPASTEI GENOEG VIR 4-6 MENSE / BEREIDING: 30 MIN. GAARMAAK EN BAK: 60 MIN. ’n Lekker spoggerige kerriemaalvleis, reg vir gaste. ◗ olie◗ 2 uie, gekap◗ 3 knoffelhuisies, fyngedruk◗ 500 g maer beesmaalvleis◗ 30-45 ml (2-3 e) tandoorimasala of geroosterde masala◗ 30 ml (2 e) fyn gemmer◗ 20 ml (4 t) fyn koljander◗ 2 x 50 g-sakkies tamatiepasta◗ ’n knippie suiker en sout en peper◗ 250 g ertjies◗ ’n groot hand vol elk gekapte koljanderblare en platblaar-pietersielie◗ 8 velle filodeeg◗ gesmelte botter VIR VOORSIT ◗ 2-3 minikomkommers, gesny◗…

DROË VEL Afskilfering is belangrik vir vel wat droog of skilferagtig is, maar wees versigtig: Sommige fisiese afskilferaars kan die vel droër en nog meer geïrriteerd laat voel en selfs tot mikro-skeurtjies lei. AHA’s soos glikol- en melksuur werk die beste vir droë vel omdat dit die oppervlak liggies afskilfer en die vel ook ’n voghupstoot gee. KOMBINASIEVEL ’n Kombinasievel beteken jy moet die uitdagings van ’n olierige vel (gewoonlik op die T-sone) sowel as ’n droë vel (gewoonlik op die wange en kakebeenlyn) saam hanteer. Nes in die geval van ’n droë vel help die insluiting van glikolsuur as chemiese afskilferaar om van droë selle ontslae te raak en keer dit dat vuilheid in porieë opbou. Die insluiting van salisielsuur sal die olierige dele in toom hou. SENSITIEWE VEL…

’n Geiser wat onklaar raak in die winter, is byna soos, wel, ’n emmer yskoue water in jou gesig. Maar behalwe vir die ongerief van ’n koue stort of bad, kan dit ook los en vaste toebehore op jou eiendom beskadig, en beserings en selfs die dood veroorsaak. Volgens Budget Insurance is daar in die wintermaande gewoonlik baie meer eise vir skade wat deur geisers aangerig is omdat dit in die koue meer slyt. Daarom is dit dalk die moeite werd om ’n professionele persoon te kry om na jou geiser te kyk om rampspoedige gevolge te vermy. Volg dié wenke om te verseker jou geiser kan die koue weerstaan. LAAT DIENS DIT GEREELD Die lewensduur van geisers, wat met verloop van tyd verweer, is gewoonlik vyf jaar. Maar jy…

NETomdat dit koeler is in die winter, beteken dit nie allergieë verdwyn net nie. Allergieë in die winter kan op een van drie maniere ontstaan: ◗ blootstelling aan allergene wat produktief is tydens die wintermaande en allergiese rinitis of asma veroorsaak ◗ allergieë en asma wat saam met wintervirusse voorkom ◗ simptome wat erger raak as gevolg van koue lug WAT VEROORSAAK DIT? Die algemeenste oorsake van allergieë in die winter is dierehare, stofmyte en swamme wat ’n toe neus kan veroorsaak. WAT IS DIE SIMPTOME? ’n Aanhoudende genies, toe neus, krapperige oë en keel, moeilike asemhaling, ’n droë hoes en ’n koors. WAT KAN JY DOEN OM DIT TE VERLIG? ◗ As jy diere het, sorg dat jy gereeld stofsuig. Dit help ook met stofmyte. Vir tapyte kan jy…

PANTEON Die woord kom uit die Grieks pántheion (“’n tempel van alle gode”). Vandag het dit verskeie betekenisse, letterlik en figuurlik: ’n gebou waarin beroemdes begrawe is, of waarin monumente ter ere van hulle opgerig is; ál die gode van ’n bepaalde kultuur of groep; ’n tempel toegewy aan ’n groep gode; ál die belangrike figure van ’n bepaalde nasie of groep. SYFERSTORIES R575 miljoen Tot soveel kan ’n skildery wat by ’n bushalte in Londen gevind is op ’n veiling haal. ’n Busstop? Jip, dit het daar beland nadat die Renaissanceskilder Titian se meesterstuk van Maria met Jesus vir ’n tweede keer gesteel is. Franse soldate het dit aanvanklik in 1809 in Wene gesteel. Die 500 jaar oue kunswerk is teruggevind, maar toe weer in 1995 in ’n Britse museum vasgelê.…

‘TAYLOR WAS DIE SOORT KIND WAT MENSE SOOS ’N MAGNEET AANGETREK HET’ ELKE paar maande het Scott Swift ’n hele klomp mense gebel: sy dogter se vorige onderwysers, sakevennote, familievriende, musikante en die vervaardigers. Hy’t hulle ingelig oor Taylor se vordering waar hy in die studeerkamer van hulle huis in Hendersonville, naby Nashville, Tennessee, sit. Scott kón praat. As bankier en voormalige radioverkoopsman het hy geweet net hóé: watter nuwe liedjies sy maak en watter snitte volgende uitkom sedert sy op 15 al ’n platekontrak gehad het. Ook waar sy getoer het in Cher se ou toerbus wat hy gekoop en opgeknap het. Nashville was immers dié dorp in die bedryf waar loopbane gebou word op vars jong gesigte en stowwerige ou netwerke. Sy harde werk het vrugte afgewerp. Vandag…

JUSTIN TIMBERLAKE se groot terugkeer na die verhoog vanjaar was tot dusver besaai met dorings. Eers was daar die PR-ramp ná die uitreiking van sy eksmeisie Britney Spears se boek waarin sy nie teruggehou het oor hul tyd saam nie, en nou is hy in hegtenis geneem vir dronkbestuur. Justin (43) is onlangs deur die polisie aangehou nadat hy nie in sy baan bestuur het nie en ’n stopstraat verontagsaam het. “Sy oë was bloedbelope en glaserig, daar was ’n sterk drankwalm op sy asem, hy was nie in staat om sy aandag te verdeel nie, hy het stadig gepraat, hy was onvas op sy voete, en hy het sleg gevaar in al die standaardtoetse om te bepaal of iemand nugter is,” lui die polisieverslag. Die “SexyBack”-sanger is net ná…