Innholdsfortegnelse for 27 June 2024 i Huisgenoot

HY WAS op ’n stukkende, wankelende brug toe ons ontmoet het. Hy het uit ’n egskeiding gekom, en ek het glad nie kans gesien vir ’n divorcee nie. Ek het self net teleurstellings geken as dit by verhoudings kom. So ons het albei gekom met baggage en was albei maar in daai tyd gebroke. Maar toe sy kollegas my aan hom voorstel, was dit amper soos fate. Die twee gebroke stukke wat bymekaargebring is om mekaar weer heel te maak. Toe ek hom ontmoet by daai spanbou, was hy in sy polisieuniform. En ek dink toe … Sjoe. Ek hou mos van groot macho manne, en kyk, ’n man in ’n uniform maak mos my knieë lam. Dit was die noodlot wat ons bymekaargebring het. Ek het twee kinders wat…

WAAR is Hennie vandag? Nie hier nie. Hy het in Pretoria “afgetree”. ’n Bulterriër in sy goue jare mag mos maar tuis uitspan, al is hy een van die bekendste honde in die land en ’n kêrel met ’n ganse franchise agter sy naam. Op ’n volle 25 restaurante spog sy naam en sy boelbakkies. Van Klerksdorp en Secunda tot Hartenbos en Boksburg. En binnekort, hoop sy eienaar, ook in Abu Dhabi in die Verenigde Arabiese Emirate, Namibië en Mauritius. Maar vandag kuier Huisgenoot nie by een van die restaurante wat na hom vernoem is nie. Hennie is tuis – dalk salig aan die slaap in ’n sonkolletjie – en dis nie by een van die Hennie’s-takke waar ons vir ’n bier kom aanklop nie. Dis by Daai Plekkie in…

Aanhangers van Arendsvlei kan regskuif vir ’n waardige opvolger. Noudat dié gewilde telenovelle op 27 Junie groet, hoef kykers hulle nie te bekommer dat hulle in dié tydgleuf droëbek gaan sit nie. Skemergrond, ook deur Penguin Films, gaan kykers aan hulle stoele vasboei. Die kreatiewe vervaardiger van die reeks, Roberta Durrant, sê van die vorige programme uit Penguin Films se stal – soos Sara se geheim, Projek Dina, Afgrond en Diepe waters – speel in die stad af, en Arendsvlei op die Kaapse Vlakte. “Ons het besluit om vir ’n verandering ’n reeks te maak wat op die platteland afspeel.” Sy het besluit om ’n omgewing wat sy self ken, naamlik ’n blomplaas, te kies as die spilpunt van Skemergrond. “Ons het ’n familieplaas in die Strandveld gehad, naby Bredasdorp…

KNIGHT AND DAY SATERDAG E.TV 20:00 ’n Jong vrou raak betrokke by ’n spioen wat sy naam in ere probeer herstel. Met Tom Cruise en Cameron Diaz. CHICAGO FIRE M-NET DINSDAG 19:00 Brett (Kara Killmer) en Violet besluit om self ondersoek in te stel nadat hulle ’n huishoudelike twis aanskou het. NCIS: HAWAI’I M-NET 19:00 NCIS kry opdrag om die dogter van ’n Russiese oligarg met ’n gevaarlike geheim te beskerm.…

ELKE jaar tussen Mei en Julie is daar groot opgewondenheid aan die kus van KwaZulu-Natal wanneer die jaarlikse sardientjieloop plaasvind. Dit staan as ’n “fenologiese” gebeurtenis bekend – ’n biologiese verskynsel wat met reëlmatige tussenposes gebeur. Ander fenologiese verskynsels is plante wat jaarliks blom en blare wat in die herfs van bome afval. Miljarde sardientjies, spesifiek die Suid-Afrikaanse sardyn, broei uit in die koue waters van die Agulhasbank, wat strek vanaf die Kaapse Skiereiland tot by Port Alfred in die Oos-Kaap. Die gebied is waar die warm Indiese Oseaan en die koue Atlantiese Oseaan mekaar ontmoet. Dit maak dit ’n plek vol voedingstowwe vir seelewe. Die sardyne beweeg dan langs die ooskus van Suid-Afrika af na die warm waters van KwaZulu-Natal. Hier sorg die massas klein vis-sies dat dolfyne, haaie…

’N SAAMGESTELDE WOORD Dis in die vroeë 1980’s die eerste keer gebruik. Dit verwys na toerisme wat die ekologie bewaar, die welstand van die inwoners bevorder en ’n mate van opvoeding insluit. SYFERSTORIES 17 Die ouderdom van die Russiese tennisspeler Mirra Andreeva. Sy het vanjaar die halfeindstryd van die Franse Ope gehaal. Sy is die jongste mens wat dit reggekry het sedert Martina Hingis dit in 1997 op 16 gedoen het. 240 Dis hoeveel winkels bygevoeg gaan word by die Dubai Mall – wat reeds die wêreld se grootste winkelsentrum is. Dit huisves die grootste akwarium in ’n winkelsentrum en het ’n volledige skelet van ’n dinosourus wat 155 miljoen jaar gelede geleef het. Die projek sal R7 miljard kos. 13,4 miljoen Dis hoeveel hoërskoolleerders op 7 Junie in China begin het met die…

HOE lyk ’n kielie? Watter klere dra ’n skok? Hoe praat ’n kopstamp? Dis vrae wat enige ouer sou laat kopkrap. “Pa, hoe lyk ’n kielie?” was presies die uitdaging wat Roger Hargreaves se seun Adam hom in 1971 as agtjarige by die ontbyttafel gestel het. “Oranje en rond, met baie lang arms, my seun,” het die lakoniese Roger onmiddellik geantwoord sonder om ’n oog te knip. Sy seun was diep beïndruk met sy pa se wysheid. Maar Pa, wat weet hy’t dié antwoord pas uit sy duim gesuig, het hom na sy tekenbord gehaas en die einste idee dadelik vergestalting gegee. En as kielie kan lyf kry, wat van al die ander gevoelens? Roger se verbeelding het in rat gekom en die eerste van sy legendariese reeks boeke het…

DIS ’n eienaardige ervaring om ’n uur en ’n half lank in jouself vas te kyk. En jy kan nie wegkyk nie. Maar hier sit ek: ’n spieël links van my, een regs van my, albei omraam met gloeilampies – die soort wat ’n mens in ’n aantrekkamer agter die verhoog sien. Om my staan die gereedskap waarmee ek vandag in ’n heel nuwe ek opgedollie gaan word: kwaste en borseltjies, potjies en buisies, hordes skakerings van onderlae en oogskadu, en ’n magdom lipstiffies. Die man aan die stuur van my metamorfose is Francois de Klerk – of Fafa, soos almal hom noem. Jy ken sy naam waarskynlik danksy die program Stralend wat hy saam met Angelique Gerber op kykNET aanbied. Daar is hy welbekend dat hy met net sy…

‘ONS HET VROEG OP DIE NAME ANDRÉ EN HENRY BESLUIT, VER-NOEM NA ONS PA’S, MAAR JAKKALS EN WOLF HET NET VASGESTEEK’ ’N MENS ken hom as ’n wêreldreisiger wat nie maklik vir ’n nuwe uitdaging terugdeins nie – of dit nou is om met ’n stapstok in die hand, laphoed op die kop en rugsak die Camino de Santiago-pelgrimstog in Spanje aan te durf, deur Frankryk se bergpasse te stap of Japan te gaan verken. Maar vir die bekende skrywer, joernalis en TV-aanbieder van kykNET se Elders-reisprogramme was pa-word ’n ander storie. Erns Grundling (44) was nie dadelik seker of hy daarvoor kans sien toe sy vrou, Catharien (39), op ’n Sondagmiddag in 2022 ná ’n braai met hegte vriende en hul gesinne laat hoor: “Dit was nogal lekker saam…

DIE afgelope paar maande het ons hier by Huisgenoot gewoeker om dinge gereed te kry vir vanjaar se Eisteddfod. Ons glo dit was die wag werd, want hierdie jaar is daar nie net vier afdelings waarin leerders kan deelneem nie, maar ses! Ja, die derde Huisgenoot Eisteddfod spog met twee splinternuwe afdelings. Leerders kan weer in die afdelings vir prosa, poësie, sang en redenaars inskryf, maar daar’s nou ook ’n dansafdeling en ’n afdeling vir skoolkore. As jy lief is vir dans, is dit nou jou kans om met jou talent te spog. En as jy in ’n skoolkoor sing, kan jul koor ook inskryf, en die kans hê om R5 000 te wen. So waarvoor wag jy? Trek daai gedig of prosastuk nader, skryf jou redenaarstoespraak, choreografeer ’n…

AS JY vinnig gaan loer na Instagram, TikTok of foto’s van die mees onlangse modeweek, sal jy gou besef: Grafiese oogomlyner is groot. Of jy nou ’n gewaagde nuwe voorkoms vir jou volgende aand uit wil skep of bloot ’n speelsheid by jou daaglikse grimeervoorkoms wil voeg, grafiese oogomlyner is ’n goeie manier om jou oë te beklemtoon. Van helder lyne tot gewaagde vorms en patrone, die beste deel is byna enigiemand kan self by die huis daarmee eksperimenteer. Dit verg net ’n bietjie oefening en die regte gereedskap! Om jou te help om jou ooggrimering na nuwe hoogtes te neem is hier vyf maniere hoe jy grafiese oogomlyner tuis kan aanwend – geen grimeerkunstenaar nodig nie. LYN BOKANT DIE OOG SE VOU Een van die maklikste style om te…

Dit klink dalk koud om besigheidsbeginsels op jou romantiese verhouding toe te pas, maar kenners meen dit kan dalk net ’n deurslaggewende faktor wees in die sukses daarvan. Volgens dr. Gail Gross, ’n kenner van menslike gedrag, gaan alle verhoudings, romantiese en besigheidsverhoudings, oor strategie. “Die sukses van die verhouding hang af van kommunikasie, samewerking, onderhandeling en hoe toegewyd julle albei aan die sukses daarvan is.” Ál meer mense maak deesdae van tegnologiese middels soos Slack en Notion gebruik om hul verhouding en huishouding te help bestuur. Ben Lang is ’n Amerikaanse waagkapitalis wat ’n raamwerk hiervoor op Notion geskep het, en hy en sy vrou gebruik die sagteware om als te bestuur van hul weeklikse inkopielys tot beplanning vir hul reise en selfs om aan te teken wanneer hulle…

FRANKRYK DUISENDE BYEEN OM D-DAG TE HERDENK Konings, staatshoofde en militêre veterane het in Frankryk byeen gekom om die 80ste herdenking van operasie Overlord te gedenk. D-Dag was die grootste oorsese inval in die geskiedenis, toe 156 000 troepe by Normandië in Frankryk geland het. Van die soldate wat daardie dag daar was, was ongeveer 200 in Frankryk vir die herdenking. Daar is luid hande geklap vir elkeen van die soldate, en briewe wat hulle geskryf het, is ook voorgelees. INDIË VERKIESING EINDELIK VERBY Indië se nasionale verkiesing het eindelik sy einde bereik ná ’n maand en twee weke. Die huidige premier, Narendra Modi, en sy Bharatiya Janata Party het hul meerderheid in die parlement verloor, maar sal met ander partye saamspan vir ’n regering. Modi sal nou vir ’n…

PASIËNT Een was 24 jaar oud en swanger met haar derde kind toe die masjiene wat haar aan die lewe gehou het, afgeskakel is. Dit was in 2014. ’n Paar jaar vroeër is ’n kwaal by haar gediagnoseer wat tot ’n ongereelde hartklop lei. Gedurende haar vorige twee swangerskappe het sy verskeie aanvalle en floutes gehad. Vier weke in haar derde swangerskap in het sy op die vloer inmekaargesak. Haar ma, wat by haar was, het 911 gebel. Teen die tyd dat ’n ambulans daar aangekom het, was Pasiënt Een reeds meer as 10 minute bewusteloos. Volgens paramedici het haar hart gaan staan. Sy is na die noodeenheid van die Universiteit van Michigan geneem. Daar moes mediese personeel haar bors drie keer met ’n defibrillator skok voor hulle haar hart…

AMALIA UYS VAN Tokio tot Hakone, van Kioto tot Hirosjima. Wanneer AMALIA UYS en haar man, SHAUN GOLDING, besluit om ’n blaaskans te vat, doen hulle dit goed. Die paartjie was onlangs in Japan en het dié land 17 dae lank platgetoer. ’n Blaaskans was nodig ná die laaste maande se lang dae op stel, vertel Amalia vanuit ’n trein êrens in die Japannese hartland. “Ek moet myself mooi behandel as dit kom by werkstres,” sê sy. Dit was hulle albei se eerste keer in Japan, en die andersheid van die kultuur en kosse was wonderlik om te ervaar. “Ons het nog nooit saam ’n Oosterse land besoek nie, so die andersheid het ons baie opgewonde gemaak.” Elke dag was ’n hoogtepunt en dis onmoontlik om een uit te sonder.…

ANZÉL RABIE Anzél se medisyne teen die koue? ’n Glas rooiwyn! “Rooiwyn in die winter is my gunsteling!” sê die aanbieder van Anzél in die Boland op kykNET. En dit werk tweeledig, verduidelik sy. “Benewens dat jy dit altyd saam met ’n maaltyd kan geniet, is daar niks lekkerder as om snoesig met ’n kombers op die bank te sit en ’n glasie rooiwyn op ’n mooi wintersdag te geniet nie.” GRETELI DE SWARDT In die koue wintermaande is daar darem niks soos ’n wát nie? Haar geheim, sê Greteli, is ’n geroosterde Marmite-en-kaas-toebroodjie. “Dis my absolute guilty pleasure,” vertel sy ons. “En dit moet met witbrood spesifiek gemaak word.” Miskien is dit die kraak van die broodjie, of dalk die kaas wat in sulke stringe trek. “Ek sal agt…

SO ’N spanningsvolle en deurslaggewende verkiesing het die land 30 jaar laas beleef. Oor een ding het baie Suid-Afrikaners saamgestem: Daar móét verandering kom ná jare van swak dienslewering, beurtkrag, werkloosheid en ander uitdagings. En toe, die eerste keer sedert 1994, kry die ANC nie meer as 50% van die stemme nie – en benodig dit die samewerking van ander partye om te regeer. Dit was net die begin van die drama. Partye het agter geslote deure onderhandel, en koalisies was die gonswoord. Baie mense het gewonder of die ANC met die EFF en MK sal versoen; ander het gewonder of die ANC en die DA saam die middelgrond sou vind. Dit was toe nie een van bogenoemde nie. In ’n geskiedkundige terugkeer na 1994 het die ANC alle partye…

t – teelepel/s e – eetlepel/s k – koppie/s SPINASIEROL (BÖREK) GENOEG VIR 2 / BEREIDING: 10 MIN. / BAK: 15-20 MIN. PER ROL Hierdie gebakte spinasierol is maklik om te maak en kan boonop in die lugbraaier gebak word. Jy kan dit ook voor die tyd maak en 10 min. in die oond verhit net voor jy dit voorsit. ◗ 30 ml (2 e) olie◗ 1 ui, gekap◗ 2 knoffelhuisies, fyngedruk◗ 400 g spinasiebeet (Swiss chard), gewas en in stukke geskeur◗ sout en vars gemaalde swartpeper, na smaak◗ 300 g fetakaas met swartpeper, gekrummel◗ sowat 70 g botter◗ 2 knoffelhuisies, fyngedruk◗ 30 g pietersielie, gekap◗ 10 filodeegvelle 1 Verhit die olie in ’n groot braaipan en soteer die ui en knoffel tot sag. Voeg die spinasie by en kook…

SUIKER is tog so lekker, want soos ’n koppie tee, maak suiker vir ’n rukkie alles reg. Wetenskaplikes is dit egter eens: Suiker is sleg vir jou gesondheid. En suiker is oral: in mayonnaise, blatjang, slaaisous en selfs kos wat gesond klink, soos jogurt en muesli. Hier is ’n stap-vir-stap-plan hoe jy suiker in jou dieet kan verminder. 1 HOU BY JOU BESLUIT Dis dalk makliker gesê as gedaan, maar die basis vir enige suksesvolle leefstylverandering is om te volhard met jou besluit. En as jy nie geestelik reg ingestel is nie, gaan so ’n uitdaging nog moeiliker wees. “Dit sal dissipline verg,” sê Claudine Ryan, ’n dieetkundige van Kaapstad. “Een van die belangrikste voorwaardes vir ’n eetpatroonverandering is dat jy jou kop regkry.” Jy sal elke dag bewus moet…

Bespaar R200 wanneer jy ’n vasmaak-of sherpaelektriesekombers koop vasmaak D R799.99 Q R899.99 K R999.99 Sherpa D R999.99 Q R1100 K R1200 Aanbod geldig vanaf 20 Junie – 3 Julie 2024, terwyl voorraad hou. neem 2 en bespaar R100 waneer jy ‘n donsige sagte Dobby standaardkussing koop 1 vir R199.99 2 vir R300 Aanbod geldig vanaf 20 Junie – 3 Julie 2024, terwyl voorraad hou. waarde x 2! Pak van 2 kontinentale holveselpolikatoenkussings R199.99 Pak van 2 standaardholveselpolikatoenkussings R129.99 Bespaar R90 waneer jy ‘n sagte holveselkussing en ‘n standaardholveselkussing koop S R179.99 3/4 R199.99 D R249.99 Q R279.99 K R299.99 standaardholveselkussing R69.99 Aanbod geldig vanaf 20 Junie – 3 Julie 2024, terwyl voorraad hou. Bespaar R100 waneer jy ‘n sagte balveselkussing koop S R359.99 3/4 R399.99 D R459.99 Q R499.99…

HET JY GEWEET? Elke keer wat jy by Mr Price Home koop, ondersteun jy die Mr Price Foundation! Wanneer jy by Mr Price Home koop, help jy ons om die potensiaal van Suid-Afrika se jeug te ontsluit. 1% van ons wins gaan aan die Mr Price-Foundation, wat daarop gemik is om waardevolle lewensvaardighede op te hef en aan te leer sodat ons ons jeug vir die toekoms kan voorberei. #TogetherWeDoGood *In hierdie katalogus sal jy huisware en meubels vind wat slegs in uitgesoekte winkels of aanlyn beskikbaar by mrpricehome.co.za **Al die produkte wat uitgelig is, is veronderstel om in ons winkels en aanlyn beskikbaar te wees wanneer hierdie katalogus bekendgestel word, maar as gevolg van voortdurende hawevertragings kan produkte se beskikbaarheid vertraag word. Ons vra om verskoning vir die ongerief.…

’N NUWE lepel wat jou kos souter laat smaak, is pas in Japan bekendgestel. Die lepel werk met ’n battery. Die maatskappy wat dit maak, Kirin Holdings, hoop dat dit sal help om mense se soutinname te verlaag, veral in Japan. Die lepel is van metaal en plastiek gemaak. Kirin sê dit maak dat natriumione op ’n spesifieke plek op jou tong bymekaarkom en die geur van sout namaak sonder die teenwoordigheid van enige soutmolekules. Dit stuur ’n swak elektriese sein deur die lepel se punt. Daar is vier vlakke van souterigheid waaruit mense kan kies. Dis vir nou net in Japan beskikbaar en kos $120. Daar is net 200 van die lepels. Homei Miyashita van die Meiji-Universiteit het saam met Kirin aan die lepel gewerk, en is tans ook…

KYK WIE’S TERUG Wie ken nie die storie van The Little Mermaid nie? Dis al sedert 1837 in die omte. Jy, jou ouers en jou grootouers ken almal die storie van prinses Ariel wat in die see woon en later haar pragtige stem opgee om ’n regte mens te word. Verlede jaar is selfs ’n nuwe weergawe van dié sprokiesverhaal wat nou al 187 jaar oud is, in ’n fliek vertel. Dit was ’n hervertelling van die Little Mermaid-animasiefliek van 1989. Maar nou, vir die eerste keer, kry ons ’n deeglike kykie in Ariel se lewe voor die gebeure wat in dié flieks afspeel. Ons leer ken Ariel op die ouderdom van agt jaar oud in die nuwe kleurvolle Disney-animasiereeks, Disney Jr.’s Ariel. Junior Vermaak was deel van ’n eksklusiewe…

DIS waar ons nou trek as ’n samelewing: “Sexy vrou rook sigaret” haal die hoofopskrifte. Maar dis nie ’n episode van Too Hot to Handle nie, dis vrouegholf. En vrouegholf is nie aldag in die nuus nie, so ’n mens moet vat wat jy kan kry. Net soos in Too Hot to Handle. Die foto van die Engelse gholfspeler Charley Hull wat nonchalant op die baan ’n dampie afslaan, was een van die mees onverwagte dinge wat al vanjaar die wêreld laat gons het. Video’s van Charley wat sigaret in die mond handtekeninge uitdeel en selfies neem saam met jong aanhangers, is die nuutste ding wat die internet aan die bewe gekry het en hewige debatte laat uitbreek het. Party mense noem haar ’n “legende” en “kultusfiguur”. Ander meen sy…

106 vertonings, sjoe … Hoe voel dit om so ’n mylpaal te bereik? Dis nogal groot! Ek het aanvanklik geen idee gehad dat ons ooit daar sou uitkom nie. Dis ’n wonderlike gevoel. Deel met ons van die onvergeetlike oomblikke. Daar was soveel spesiale oomblikke. Wat my altyd sal bybly, is die rituele wat ons agter die verhoog gehad het voor en gedurende optredes. Dit het ons almal nader aan mekaar gebring. Ons sou byvoorbeeld die choreografie agter die verhoog naaap, of mekaar sommer net fist-pump. Dit was seker wonderlik om terug te keer teater toe? Ek was vir ’n goeie 10 jaar nie in ’n musiekspel nie, so dit was wonderlik om weer terug te keer na die verhoog – dit bly maar net ’n ongelooflike ervaring. Hoe het…

ONS is gewoond aan DAVID BECKHAM se vaardighede op die veld, maar dit blyk die voormalige sokkerspeler is net so vaardig in die tuin. Aanhangers was in vervoering toe David (49) onlangs video’s van homself deel waar hy blomme plant. Hulle het selfs daarop aangedring dat hy sy eie tuinmaakprogram kry. “Volgende op BBC4, Gardening with Becks,” het een aanhanger opgemerk, terwyl ’n ander laat hoor het: “David Beckham wat David Austin-rose plant, is so reg uit ’n droom wat ek nie eens geweet het ek nodig het nie.” David se vrou, Victoria (50), wat die video van hom geneem het terwyl hy Queen of Sweden-rose plant, was van min hulp toe hy haar vra of sy dink hy grawe die gat diep genoeg. “Ek meen ek is nie regtig…