Innholdsfortegnelse for 13 June 2024 i Huisgenoot

Alle breiliefhebbers, hier is Huisgenoot se nuwe Brei-uitgawe. Propvol patrone om hierdie winter af te skop sodat daar iets vir elkeen in die gesin is: truie vir peuters en kleuters, volwassenes en selfs jul geliefde brakkie. Allerlei komberse en kussings is ingesluit, met selfs ’n warmwatersak en boekmuis. Daar wag soveel pret, avontuur en plesier op jou. Kry jou HG Brei nou! Wat is binne? ◼ Truitjies vir kinders◼ Truie vir vroue◼ Truie vir mans◼ Allerlei interessanthede◼ Knus komberse◼ Kussings met ryk tekstuur◼ Boekmuis en hondejassie◼ Warmwatersak en meerminkombers AANLYN media24shop.com of huisgenootwinkel.com E-POS koop@huisgenoot.com BEL 021-406-4962…

‘VAN ou grootvoete of ou dikbene of van onse voorouers mag jy gepraat het, maar nooit van ’n olifant nie. Net vreemdes het só onverskillig in die Bos kom praat.” Só maan die houtkapper Saul Barnard in wyle Dalene Matthee se bekroonde boek Kringe in ’n bos. Vir een bul had die houtkappers groot ontsag: Oupoot. “Geen houtkapper het sonder respek van hom gepraat of sy spoor gekry en nie onmiddellik gekyk watter kant die wind waai nie.” Maar teen die tyd dat Matthee se boek oor die Knysna-bos op die literêre toneel ontplof het, was die olifante reeds gedoem. Vir duisen-de jare het Khoisan-jagters weinig impak op kuddes gemaak, maar die koms van Europese jagters met gewere het alles verander. Na raming was daar vier eeue gelede sowat 1…

OP FOTO’S wat hulle gereeld aanlyn gedeel het, glimlag die voormalige Springbok Toks van der Linde en sy mooi vrou, Carol, breed vir die kamera. Die liefde straal uit hul gesigte. Ja-nee, dink ’n mens. Dié Toks wat in soveel van ons se harte ingekruip het met sy destydse rugbyspel en die insigte wat hy later so gesellig op TV gedeel het, het hom duidelik ook in hierdie blondine se hart tuisgemaak. Op een foto waar hulle byvoorbeeld styf langs mekaar sit – met hul hond, Machiko, soos ’n wollerige beer langs Carol – lyk hulle diep gelukkig. Maar hoe dinge lýk, is nie altyd hoe dit ís nie, sê ’n onberispelike bron wat glo die waarheid moet uitkom. Want agter geslote deure, sê die bron, lyk die prentjie toe…

DIE aand voor Huisgenoot se besoek het Christia Visser haar wimpers uitgetrek. Sy het dit nie met ’n knyptangetjie gedoen as deel van ’n prosedure sodat sy vir die kameras mooi kan lyk nie. Sy het dit kompulsief gedoen, sonder om aan die impak op haar voorkoms te dink. Dit was nie ongewone gedrag vir haar nie. “Daar doen ek dit hoeka nou weer,” sê die sangeres en aktrise terwyl ons met haar gesels. Sy laat sak haar hande met selfbeheersing na haar skoot toe. Dis nie net haar wimpers nie. “Ek het my hare op hoërskool begin uitpluk,” onthou sy. “Ek raak aan die trek, dis ’n vreemde ding, ek verstaan nie waar dit presies vandaan kom nie. Ek trek dit agter by my kroontjie uit.” In die 2016-fliek…

1 Wat het verander? Die bankombud, kredietombud, en die lang-en korttermynversekeringsombuds is nou almal onder die NFO. Belangrik: Jy hoef nie meer eerste deur jou diensverskaffer se klagteproses te gaan nie – jy kan nou reguit na die NFO gaan. 2 Waaroor kan ek kla? Die bank-, krediet-, langtermynversekeringsbedryf (ongeskiktheid, begrafnis, kredietlewe, hospitaalplan en gevreesdesiektedekking), en die korttermynversekeringsbedryf. ◗ Kredietbedryf Jy kan die NFO byvoorbeeld nader oor skuldverjaring, skuldinvorderingskwessies, bedrog en foutiewe kredietrekords. ◗ Bankkwessies Klagtes oor foute of onregverdige behandeling. Onthou: Die ombud hanteer nie klagtes oor nasionale rentekoerse of gevalle waar bankrekeninge vir misdadige aktiwiteite gebruik is nie. ◗ Versekering Klagtes oor versekeringseise wat af-gewys of slegs gedeeltelik betaal is. Of ontevredenheid oor polisse se uitkeerwaardes, swak diens, die verval van ’n polis, of jou afkoop-of opbetaalde waardes.…

TWEELING 21 MEI – 20 JUNIE Jy ry steeds die golf van die positiewe gevoelens wat ’n mens kry wanneer die gelukkige Jupiter deur jou teken beweeg. Dit sal natuurlik nie al die probleme in die lewe oplos nie en jy moet meer bewus word van watter loopbaandoelwitte onrealisties en onbereikbaar is. Geldmaak is nie die enigste oogmerk in die lewe nie. Fokus nou eers op gesinswaardes en ondersteuning vir mekaar. KREEF 21 JUN – 21 JUL Verwarring kan dalk veral rondom die 17de heers wanneer dit voel of dinge in duisternis gehul is. Maar van die oomblik dat eers Mercurius en dan Venus hulle in die Kreef tuismaak, sal jy begin seker voel van jouself namate jy geleidelik geestelike en emosionele duidelikheid kry. Geniet jou gunstelingvorm van ontvlugting, mits…

ARNO: ELKE DAG ’N BIETJIE HOOP Die veelbekroonde man agter treffers soos “Out of the Blue” en “Another Universe” het pas sy jongste EP, Sewe sakke hoop, uitgereik. Dié vyfsnit-kunswerk vir jou ore bevat volgens ARNO CARSTENS musiek wat ’n bietjie hoop vir elke dag bring, musiek wat hy self geskryf het. “Die wêreld en sy mense gaan deur moeilike tye,” sê hy. “Soms is dit nie maklik om die goeie dinge raak te sien nie. Ek wil weer ’n bietjie hoop bring met my musiek, en dis hoekom ek die album Sewe sakke hoop noem. Dis juis om hoop en positiwiteit in mense se lewe te saai.” Arno se laaste Afrikaanse album, Die aandblom 13, het in 2016 verskyn. In die agt jaar sedertdien het Arno baie nuwe musiek…

GROOT BLOKRAAI WEN ’N BOEK VAN KWELA PLUS KOM IN AANMERKING VIR DIE MAANDELIKSE TREKKING VAN R1 000. NO 2 548 KOMPETISIEVRAAG Watter land is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Geheim van die gruwelsand deur Zirk van den Berg (Kwela, R320). Moordenaars. Afpersers. Nazi’s in die Namib. En dis by verre nie die ergste waarmee die diamantsmokkelaar Barra Nel hier laat in 1942 te kampe het nie. Nie as die Nazi-navorsers se eksperimente skeefloop en liederlike gedrogte in die woestyn losgelaat word nie. Dis gevaar net waar jy kyk. En hoe gaan hy vir Hedda red, die Duitse wetenskaplike wat smeulende gevoelens in hom ontlok? Geheim van die gruwelsand is…

DIS moeilik om te glo dat die hoofbestanddeel in jou romerige sjokolade aan bome groei. Ongelukkig gaan dit nie tel as een van jou vyf daaglikse porsies vrugte en groente nie! Oor duisende jare is vele stappe ontwikkel om vir ons die sjokolade te gee wat ons ken en waarvoor ons lief is. Kom ons vind uit hoe word dit gemaak. VAN DIE TROPE NA DIE FABRIEKE Sjokolade begin as saad van die kakaoboom (Theobroma cacao), ’n immergroen boom inheems aan die tropiese reënwoude van Sentraal-en Suid-Amerika. Deesdaeword die bome ook kommersieel verbou in die tropiese streke van die wêreld, veral in westelike Afrika en Asië. In 2022 was Côte d’Ivoire (die Ivoorkus) in die weste van Afrika die grootste uitvoerder van kakaobone. Die kakaosade word gevorm in lang,…

◼ William “Bud” Post het in 1988 $16,2 miljoen (sowat R40 miljoen) in die Pennsilvanië-lotery gewen, maar in minder as ’n jaar was hy meer as ’n miljoen dollar in die skuld. Eers het ’n vorige meisie hom suksesvol vir ’n derde van die wengeld gedagvaar. Daarna is sy broer in hegtenis geneem nadat hy glo iemand gehuur het om William dood te maak in die hoop dat hy ’n deel van die geld sou erf. Boonop het familielede op William se gevoel gespeel om sy oorblywende miljoene in hul sukkelende ondernemings te belê. Op die ou end het hy in die tronk beland nadat hy op ’n skuldinvorderaar geskiet het. “Ek was baie gelukkiger toe ek arm was,” het hy aan The Washington Post gesê. “Ek wens dit het…

KYK, as jy in Luciano Pavarotti se spore wil volg deur die aria “Nessun dorma” van die wêreldverhoë af te bulder, moet jy weet jy het groot skoene om vol te staan. Maar met jare se ervaring agter sy naam en senuwees van staal het die Suid-Afrikaner Innocent Masuku in ’n onlangse opname van Britain’s Got Talent gewys hy’s nie bang vir een van die intimiderendste uitdagings in die operawêreld nie. Hy het diep asemgehaal en losgetrek. En binne oomblikke het een van die beoordelaars, Bruno Tonioli, uit sy stoel opgespring van opgewondenheid. Selfs die suurknol Simon Cowell, wie se komplimente beslis nie goedkoop is nie, het erken hy het nog geen deelnemer hierdie klassieke stuk opera beter hoor sing nie. Ja, Innocent het maar vierde in dié beroemde talentkompetisie…

As aanhangers van die akteur TIMOTHÉE CHALAMET (28) bekommerd was dat hy sy lokke afgesny het, kan hulle maar rustig raak – dis net ’n pruik. Die akteur wat tans in die Dune-flieks te sien is, speel Bob Dylan in ’n nuwe biografiese fliek, A Complete Unknown, gegrond op die sanger se lewe. Hy is in New Jersey gewaar terwyl hulle daar tonele geskiet het saam met die akteur EDWARD NORTON (54), wat die rol van die folksanger Pete Seeger vertolk.…

1 STAAK OPMERKINGS OOR MY GEWIG! Die TV-sjef Marinda Engelbrecht het teruggekap na bitterbekke ná haar besluit om gewig af te skud om haar fibromialgie-simptome te bestuur ’n Vriendelike en mooi mens wat altyd positief klink en die lekkerste kos maak. Marinda, mag die pad vorentoe vir jou net makliker word. Deur gebede en die regte medikasie glo ek sal jy die krag ontvang om aan te gaan. MAGRIET Ek het in November 2023 siek geword. Het geen eetlus gehad nie en slapelose nagte weens pyn. Weke het verbygegaan voor die diagnose. Dis regtig baie seer en ’n mens se emosies ry wipplank. Sterkte vir jou. BELINDA Ek is al vir 20 jaar ’n “fibro fighter”. Ja, dit is baie moeilik vir mense wat nie weet wat die pyne is wat…

TYD stap aan, maar jou lyf vergeet nie. Dis al ’n halfeeu sedert die groot, growwe manshande hul jong tienerlywe betas het. Oor die jare moes die twee susters die trauma daarvan met hulle saamdra en in stilswye daarmee stoei. Tot hulle besluit het om eindelik hul stem te verhef. Ja, hulle hét die twee mans vergewe. Maar hulle wil steeds hê die mans moet deur die gevolge van hul dade gekonfronteer word, het Claudine Shiels en Lisa van der Merwe besluit. Maklik was dit nie. Claudine is nou 65 en Lisa 61, en die susters se regstryd duur nou al ses jaar. Eers moes hulle die moed bymekaarskraap om klagte in te dien – iets wat hulle eers in 2018 kon doen toe albei al in hul 50’s was.…

Trigotillomanie (TTM), oftewel haaruittrek-steuring, word gekenmerk daardeur dat mense hul hare herhaaldelik uittrek – nie vir kosmetiese redes nie – tot hulle yl, ylerige of kaal kolle het waar hulle eens hare gehad het, sê prof. Christine Lochner van die departement psigiatrie en die geestesgesondheid-inligtingsentrum aan die Universiteit van Stellenbosch. “Dit lei tot spanning, inperking en vernedering, en die meeste mense met TTM sukkel om dit te beheer. Mense met TTM vermy dikwels situasies waar die probleem sigbaar is.” Die oorsake van TTM is nog nie heeltemal duidelik nie. Sielkundiges en psigiaters behandel dié toestand met gedragsterapie. “’n Algemene gedragsterapie genaamd ‘habit reversal’ behels die aanleer van eenvoudige tegnieke soos selfmonitering, die beheer van omstandighede waar of wanneer dit plaasvind, en die ontwikkeling van gedrag wat haaruittrek vervang. “Ander gedragsterapieë…

GROOTTE Pas vir borsmaat: 4-5 (6-7; 8-9; 10-11; 72-77; 82-87; 92-97; 102-107; 112-117; 122-127; 132-137; 142-147) jaar/cm Werklike rondommaat van trui (bors): 65 (69; 73; 78; 83; 91; 102; 113; 123; 131; 141; 150) cm Lengte tot by skouer: 42 (48; 52; 56; 58; 60; 62; 66; 66; 68; 70; 70) cm Moulengte: 29 (33; 37; 41; 42; 45; 46; 46; 47; 48; 48; 48) cm LET WEL Die aanwysings word vir die kleinste grootte gegee, met die groter groottes tussen hakies. Net een getal verwys na al die groottes. BENODIGDHEDE 3 (3; 4; 4; 5; 5; 6; 7; 7; 8; 8; 9) 50 g-bolle Elle Timber DK in die kleur van jou keuse B (ons het Hickory 426 gebruik) 1 (1; 1; 2; 2; 2; 3; 3; 3; 4;…

JY KEN die gevoel as jy in die oggend in die spieël kyk en jy lyk vir jouself soos een van daardie mopshonde met baie plooie, of asof jy dae laas geslaap het. Skielik het jy sommer minder energie vir die dag. As jy op jou sy of jou maag aan die slaap raak, word die vel op jou gesig baie meer gedruk as wanneer jy op jou rug slaap. Volgens dr. Debra Jaliman, skrywer van die boek Skin Rules, kan die manier waarop jou gesig in kontak met katoenkussings kom, veroorsaak dat daar diep lyne op jou voorkop en wange is. Die herhaalde druk wat die kollageen in jou gesig ervaar, veroorsaak dat dit afgebreek word en dit lei dan tot sigbare lyne. Hier is wat jy kan doen…

DRAAIE, SWAAIE EN AFDWAALPAAIE: REISSTORIES Saamgestel deur CORLIA FOURIE EN ANNELIZE VAN ROOYEN Queillerie, R279* Dié boek verwag nie baie van jou nie, miskien net dat jy jou tuismaak in ’n sonkol sodat jy op ’n rusbankreis kan gaan saam met die 46 skrywers wat bygedra het tot dié bundel. Hulle vat jou na ’n Spaanse hotelportaal met onwettige geld in die tas, ’n Pakistanse paradys, na Vioolsdrif sonder ’n ID, Telč en sy minder lekker blatjang-roereier, die Venesiese Biënnale en onverwagse ontmoetings, en na nog 41 ander besoekenswaardige plekke. Kerneels Breytenbach skryf oor vier amper-drenkelinge (dronkelinge?) op die Malawimeer waar storms soos drake skielik voor ’n bootjie kan opstaan. Hulle het besluit om onbepland by die legendariese Mamma Jane in haar Makuzi Beach Lodge te gaan kuier, maar die…

DIE TERM KOM VAN DIE LATYNSE ‘DIPLOMA’ – ’N AMPTELIKE GESKRIF SOOS ’N BRIEF In die 18de eeu het dit ontwikkel in die Franse term “diplomate”. Diplomasie is wanneer lande op enige manier met mekaar kommunikeer wat nie oorlog is nie. Natuurlik sê party mense oorlog is net ekstreme diplomasie, maar die meeste mense sien oorlog as die punt waar diplomasie misluk het. SYFERSTORIES 1 jaar, 152 dae Op dié ouderdom het die Ghanese kleuter Ace-Liam Nana Sam Ankrah amptelik erkenning gekry as die wêreld se jongste skilder. Die talentvolle klein Ace-Liam het in Mei ’n sertifikaat van Guinness World Records ontvang. Sy ma, Chantelle, sê sy het Ace-Liam se talent reeds op ses maande raakgesien. 66 ’n Ouma van Gibraltar het op dié ouderdom die wêreld se oudste krieketspeler…

Kry nou die nuwe Wiskunde-pakket Die splinternuwe Wiskunde-pakket bestaan uit video’s met verduidelikings wat leerders van graad 4 tot graad 6 kan help met onder meer maal-en deelsomme, breuke, geometriese patrone en somme oor tyd. Daar is ook werkvelle met memorandums wat jy kan aflaai om jouself te toets. Dié leerplangegronde pakkette is ook beskikbaar ◼ Sosiale wetenskappe: Geografie ◼ Sosiale wetenskappe: Geskiedenis ◼ Lewensvaardighede > Elke pakket bevat ’n verskeidenheid goed nagevorsde artikels met foto’s, infografikas en video’s wat die inhoud op ’n toeganklike en interessante manier aanbied. > Dit is gegroepeer volgens vakke en onderwerpe en kan jou kind help om klaswerk te verstaan en huiswerk te doen. Dit kan ook help met mondelinge, take en ander skoolprojekte. Besoek huisgenootjunior.com…

$2 miljard (R34 miljard) Die grootste wenbedrag, gewen in 2022 met ’n Powerball-kaartjie wat in Kalifornië gekoop is. Die wenner bly anoniem. R232 miljoen Die grootste wenbedrag in die Suid-Afrikaanse lotery. Dit het die Powerball-wenner van Kaapstad ’n week gevat om na vore te kom. Die anonieme man van in sy 50’s het gesê hy sou nie uit sy werk bedank nie. R2,3 miljard Die gesamentlike bedrag wat verlede jaar aan 73 miljoen wenners in SA uitbetaal is. 1 uit 20 miljoen Die kans om die groot wenner in die SA lotery te wees. Jou kans om deur weerlig getref te word is 58 keer groter. 33% Die persentasie wenners in die VSA wat bankrot verklaar is nadat hulle die boerpot gewen het. 70% Die persentasie van die Britse bevolking…

‘NÁ MY HUWELIK HET EK WOES RONDGEVRY. EK HET DIT NIE GENIET NIE’ ‘HET jy al die een gehoor oor die oupa met die sixpack?” Dit klink soos die begin van ’n grap. ’n Mens aanvaar mos maar ná ’n sekere ouderdom moet alle mans die droom van ’n plat maag laat vaar. Maar dan sien jy vir Lenny Kravitz … Met die midrif van ’n tieneratleet en wange waaraan daar sekerlik nie een enkele gram vet is nie, lyk dié rocker asof hy op die ouderdom van 60 die resep vir ewige jeug ontdek het. ’n Mens wonder dadelik wat sy geheim is. Dalk al die aandag wat hy oor die jare van beeldskone vroue kry? Hy het immers oor die jare heen al met skoonhede soos Nicole Kidman,…

DIE beste raad vir ’n gebroke hart is om uit die huis tekom, en NATALIEPORTMAN het besluit om juis dit te doen. Kort nadat haar egskeiding gefinaliseer is, lyk dit of sy gereed is om haar eksman en die verneukskandaal opsy te skuif. Die aktrise, wat verlede jaar in die fliek May December te sien was, is onlangs op ’n aandjie uit saam met die Ierse akteur PAUL MESCAL gewaar. Natalie (43) en Paul (28), wat buite ’n kroeg in Londen gestaan het, het lekker gesels en gelag terwyl hulle ’n dampie gemaak het. Dis nie die eerste keer dat die aantrekkingskrag tussen die twee opgemerk is nie. Verlede jaar toe hulle saam in Variety se Actors on Actors-gespreksreeks was, het hulle behoorlik liries geraak oor mekaar se talent. “As…

’n “Bewering” is as jy sonder bewys ’n mening verkondig. So hoor ek. “Beweer” kom van “bewaar” – letterlik iets wat jy wil waar maak. Oftewel “bewaarheid”. En só het bewaar ook begin beteken dat jy iets in stand hou. Jy pas dit mooi op. Dié groepie woorde kom al uit die vroeë Middeleeue en broei al lankal hulle verweefde interafhanklikheid in vroeë Nederlands, oftewel Oudprotoafrikaans. “Bewaarheid” dui daarop dat ons al lankal ’n gevoel het daarvoor dat bewerings wat genoeg herhaal word, bewaar kan word. Hitler se propagandaminister, Joseph Goebbels, het glo gesê: “As jy ’n groot genoeg leuen genoeg herhaal, sal mense dit glo.” Natuurlik het hy dit nooit regtig gesê nie. Watter propagandaminister wat sy sout werd is, sal verkondig dat hy lieg? Nee. Maar die bewering…

Wat is geluk vir jou? Om content te wees. Wanneer en waar was jy op jou gelukkigste? Die dag toe ek getrou het. Toe ek so by die aisle afstap en my man tjank, toe dink ek: “Mm, nou is ek gelukkig.” Wat verveel jou? As iemand net oor hulself praat. Waaroor is jy spyt? Ek wens ek kon die tyd terugdraai en vir klein Katinka sê: “Dis oukei om weird te wees.” Wat sou jy anders doen as jy jou lewe kan oorhê? Ek sou vroeër begin het met waarmee ek nou besig is. Hoe sal die mense wat jou goed ken jou beskryf? As jy my régtig ken, weet jy my gunstelingplek is by die huis, op die bank besig om series te kyk en avo op toast…

In 2019 het landdros Vanessa Miki in die landdroshof in Wynberg bevind die klagstaat teen die beskuldigdes in Claudine en Lisa se saak moet aangepas word om nie die verwysing na die nuwe wetgewing in te sluit nie. Dit is iets wat die susters en hul raadgewers glo hul saak benadeel. Dié besluit is toe in 2021 deur die hooggeregshof in Kaapstad ter syde gestel toe die direkteur van openbare vervolging in die Wes-Kaap die landdros se beslissing hersien het. Die beskuldigdes het hulle daarna tot die Appèlhof gewend, maar hul aansoek is van die hand gewys. Hulle het pas aangedui hulle neem die saak nou na die Konstitusionele Hof. Die susters is vasbeslote om hul stryd verder te voer.…

t – teelepel/s e – eetlepel/s k – koppie/s KARRING-MELKPOEDING met maklike KARAMELSOUS GENOEG VIR SOWAT 8 MENSE / BEREIDING: 15 MIN. BAK: 45-60 MIN. ◗ 250 ml (1 k) bruismeel◗ ’n knippie sout◗ 15 ml (1 e) botter◗ 250 ml (1 k) suiker◗ 4 ekstragroot eiers◗ 1 L (4 k) karringmelk of laevetnatuurlike jogurt KARAMELSOUS ◗ 500 ml (2 k) room◗ 60 ml (¼ k) gouestroop◗ 125 ml (½ k) strooisuiker◗ 10 ml (2 t) mielieblom Voorverhit die oond tot 180 °C. Bespuit ’n diep oondvaste bak of 6-8 oondvaste koppies met kossproei. 1 Sif die bruismeel en sout saam.2 Klop die botter en suiker saam, en voeg die eiers by. Klits goed, en voeg die karringmelk of jogurt by. Voeg die meelmengsel by en meng goed.3 Giet in…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. EK IS DOODBANG VIR ’N DOKTER V Ek woon op ’n dorp met goeie hospitale en ’n paar dokters. Ons het selfs spesialiste wat in verskillende rigtings gekwalifiseer is. My 50ste verjaardag is om die draai en ek was my hele lewe lank nog nooit by ’n dokter nie. Die rede: Ek is vreeslik bang. Ek slaan in koue sweet uit as ek net aan ’n besoek aan ’n spreekkamer dink.…

Daar is sommige goed wat jy beslis nie self moet probeer behandel nie. Kry mediese hulp vir die volgende: ◗ Koors wat nie reageer op parasetamol of ibuprofen nie. ◗ Pyn wat jou laat opgooi. ◗ As jy kortasem is en nie ’n chroniese longsiekte het of hard ge oefen het nie. ◗ Onwillekeurige bewegings, konvulsies of verlies van bewussyn. ◗ Bloed as jy hoes, braak, urineer of in jou stoelgang. ◗ Jy gooi aanhoudend op en kan nie vloeistof inneem nie. ◗ ’n Veluitslag wat gepaardgaan met koors en ’n lustelose gevoel. ◗ Jou gewrigte swel en pyn en jy sukkel om dit te beweeg. ◗ Hoofpyn tesame met koors, braking en/of nekstyfheid. ◗ ’n Wydverspreide veluitslag of benoudheid kort nadat jy ’n nuwe medikasie geneem het. ◗ ’n…

SLUIT jou nagmerries in dat jy val of aangeval word, vasgevang is of moord pleeg? Vir mense wat met lupus saamleef, kan nagmerries dalk ’n teken wees wat verband hou met die siekte. Navorsers aan verskeie universiteite in Engeland het bevind dat slegte drome van die algemeenste tekens van ’n opflikkering van lupus is. Dis ’n outo-immuunsiekte wat gewoonlik tussen die ouderdom van 15 en 45 jaar begin, en elke paar jaar veroorsaak dit onder meer pynlike gewrigte, koors, borspyn, moegheid of haarverlies. Volgens die studie wat in The Lancet gepubliseer is, het van die pasiënte wat aan die studie deelgeneem het ook intense hallusinasies terwyl hulle wakker is, aangemeld. “Ons weet al vir lank dat veranderinge in drome dui op veranderinge in fisieke, neurologiese en geestesgesondheid. En dat dit…

EMedia se aanbod word net beter sedert die besluit in 2018 om meer Afrikaanse inhoud te vervaardig. ’n Goeie voorbeeld is die daaglikse Kelders van geheime wat in Mei begin het, met bekroonde akteurs soos Sandra Prinsloo, Brümilda van Rensburg en Cedwyn Joel in die rolverdeling. Die skakelbeampte by eMedia, Bennum van Jaarsveld, sê: “Ons het klein begin met die oorklanking van Turkse telenovelles in Afrikaans, wat gou gewild onder kykers geword het. Toe 7de Laan laas jaar op SABC2 geëindig het, het ons besluit om ons eie plaaslike daaglikse drama te vervaardig, en dís hoe Kelders gebore is.” JA, DADDY KAN LEKKA EET Sondagaande op eExtra raak nou ekstra spesiaal met twee nuwe Afrikaanse reekse. Ja, Daddy kan lekka eet is ’n gesinsvriendelike ’n Bo-Kaapse kosprogram met pa en…

Het iemand al vir jou gesê jy skryf mooi opstelle? Of dink jy self jy skryf nogal oulike stories? As jy ’n groot begeerte het om eendag jou stories in ’n tydskrif of boek te sien, moet jy dadelik vir die Kommadagga-slypskool inskryf. Dit word vir die vyfde jaar op Somerset-Oos aangebied deur die Jakes Gerwel-stigting. Vir drie weke word jy deur mentors by die hand gevat en geleer hoe om vlot te skryf. Fourie Botha is ’n uitgewer en weet dus hoe ’n suksesvolle storie lyk, maar hy is ook ’n digter en weet hoe om jou verbeelding te prikkel. Zoë Wicomb is vanjaar die inwonende skrywer wat sal hand bysit met skryfraad. “Ek is só in my skik met die vooruitsig van die Kommadagga-skryfskool,” sê sy. “Ek sien…

ONPAAR Twee slim mense kan nie verlief raak nie. Ware liefde vereis dat daar minstens een gek in die verhouding moet wees. DENISE, PRETORIA VLYTIG Onnie: “Jannie, wees nou eerlik. Het jou pa jou gehelp om hierdie probleem uit te werk?” Jannie: “Nee, meneer, my pa het dit alleen reggekry.” KARIN HORAK BEGRYP JY Twee blondines sit in die koffiewinkel. “Ek het al weer my bestuurstoets gedop,” kla een. “Hoe so?” vra haar bestie. “Ek kom toe by ’n verkeersirkel en daar staan ‘30’ op die bord. Maar toe ek 30 keer om ry, dop hulle my!” antwoord die ander. “Ai,” sê haar vriendin simpatiek, “dalk het jy net verkeerd getel.” DENISE, PRETORIA VINGERTAAL Annie: “Waarom dra jy jou trouring aan die verkeerde vinger?” Sannie: “Ek het met die verkeerde…

1 Wat word die gebied in Egipte genoem waar die meeste farao’s begrawe is? 2 In watter land vind vanjaar se Euro-sokkertoernooi plaas? 3 Wat is die naam van die krap in The Little Mermaid? 4 Waar kry jy die tregterspinnekop, die giftigste van alle spinnekoppe? 5 Van watter vrugte word rosyne gemaak? ANTWOORDE 1 Die Vallei van Konings.  2 Duitsland.  3 Sebastian. 4 Australië. 5 Druiwe. BRONNE CNN, SAHISTORY.ORG.ZA, NUNOGOMES.CO.ZA, EURONEWS.COM, TWINKL.CO.ZA, DIPLOMACY.EDU, WWF.ORG, BRITANNICA.COM, APNEWS.COM, BBC.CO.UK, OLYMPICS.COM, TIMESOFINDIA.COM…

FLIEK ULTRAMAN: RISING 14 JUNIE OP NETFLIX Toe Tokio deur ál meer monsteraanvalle bedreig word, keer die bofbalster Ken Sato onwillig terug huis toe om sy stad as Ultraman te beskerm. Hy ontdek sy grootste uitdaging is nie om reuse-monsters te beveg nie – dis om een groot te maak. Die superheld word gedwing om ’n reusagtige baba-kaiju, wat vuur spoeg, aan te neem. Ken moet werk en ouerskap balanseer terwyl hy die baba beskerm teen magte wat haar wil uitbuit vir hul eie duister planne. BOEK SUPERHELDE VAN DIE SAVANNA – MARLEEN LAMMERS Jy het al seker gehoor van die een vreeslose dier wat nie bang is vir ’n slang of leeu nie. Dis die kleine ratel – oulik maar taai. In dié boek besef ’n bakoorjakkals dat die…

ELKE week koop jy ’n loterykaartjie met die hoop dat dit hierdie keer jou beurt is om te wen, dat jy Maandag jou werk kan bedank en ’n nuwe lewe kan begin – een met genoeg geld om die wêreld vol te reis, te koop wat ook al jou hart begeer, nooit weer jou sente hoef om te draai en jou te bekommer oor jou finansies nie. Maar pasop waarvoor jy wens, sê Andy Carter, dinge werk selde só rooskleurig uit. As iemand wie se werk dit is om raad en ondersteuning te bied aan mense wat groot bedrae in die Britse nasionale lotery wen, weet hy maar te goed hoe so ’n droom kort voor lank in ’n nagmerrie kan ontaard. Oor die afgelope 18 jaar het Andy meer…

LISA BONET Dié The Cosby Show-aktrise het in 1987 met Lenny getrou. Hulle is in 1991 uitmekaar. ’n Dogter, Zoë, is uit dié huwelik gebore en die ouerpaar is steeds na aan mekaar. KYLIE MINOGUE In 1991 het hy kortstondig met die Australiese popsangeres uitgegaan. VANESSA PARADIS Die jaar 1991 was ’n besige een in Lenny se liefdeslewe. Hy het toe ook met dié Franse sangeres afgehaak. Hulle is in 1996 uitmekaar. NATALIE IMBRUGLIA Dié Australiese aktrise, sangeres en liedjieskrywer en Lenny het in 1999 begin uitgaan, maar hul romanse het skaars ’n jaar gehou. NICOLE KIDMAN Dit was op Lenny se skouer wat die Oscar-wenner troos gevind het nadat sy en Tom Cruise geskei het. Maar ook haar verhouding met Lenny het nie vreeslik lank gehou nie. ADRIANA LIMA…

1 NICKI IN HEGTENIS GENEEM NICKI MINAJ het sekerlik van haar Britse aanhangers verloor nadat sy hulle onlangs in die steek gelaat het. Sy is in Amsterdam met dwelms in haar besit in hegtenis geneem net ure voor sy moes optree. Konsertgangers het ure gewag voor hulle meegedeel is dat die optrede gekanselleer is. Op sosiale media het Nicki (41) verskoning gevra deur te verduidelik dat lughawe-sekuriteit gerolde daggazolle wat aan haar veiligheidswag behoort in haar bagasie gevind het. Hoewel sy ontken dat die dagga hare was, is sy steeds aangehou en ’n “redelike” boete opgelê. 2 KATTERIGE SPICE Net toe dit lyk of die Spice Girls vrede gemaak het, versuur dinge dalk weer. MELANIE BROWN (49) se eksman, Stephen Belafonte, gebruik ou boodskappe tussen haar, GERI HALLIWELL (51) en EMMA BUNTON…