Innholdsfortegnelse for 30 May 2024 i Huisgenoot

SY LANG blonde hare wat aan sy skouers raak. Sy kleurvolle sokkies en hemde wat hy klas toe dra. En die mees treffende ding – sy blou-blou oë. Dit was Herman Jansen. Een van die honneurstudente in ons Stellenbosse joernalistiekklas daardie jaar, 44 jaar gelede. Die mooiste man wat ek nóg gesien het. Alle studente haat dit om so vroegoggend te luister na ’n dosent wat eentonig voortborduur oor die etiek van joernalistiek. Maar ek het nie omgegee nie. Ek het seker gemaak ek woon élke klas by. “Kom park hier langs my, my goose!” het hy eendag gesê. In my noppies het ek langs hom gaan sit. Ons het dadelik gekliek en het dieselfde sin vir humor gehad – en ons besimpeld gelag. Hy het altyd agter in die…

SY MOET soos ’n skelm in haar eie huis rondsluip. Skelm TV kyk, want hy hou nie van die programme wat sy wil kyk nie. Skelm familie en vriende bel, want hy hou nie daarvan dat sy verhoudings met ander mense het nie. Skelm die troeteldiere weggee voor hy hulle seermaak. Skelm die bloukolle wegsteek wat sy houe op haar lyf laat … En dalk die ergste: Die teisteraar wat hierdie middeljarige vrou van Gauteng se lewe hel maak, is die man met wie sy al drie dekades lank haar lewe deel, die man wat voor die kansel beloof het om haar te versorg en te beskerm. Frieda (skuilnaam) het aan Huisgenoot geskryf om lesers te vertel hoe haar lewe lyk saam met ’n man wat ’n narsistiese persoonlikheidsteuring het.…

‘TOE WORD EK HULLE GIRLFRIEND! EK HET MY EIE KAMER GEHAD EN HET HULLE NET GEJOIN AS EK GENOOI WAS’ HOEKOM tevrede wees met twee in ’n huwelik as julle drie kan wees? Op die oog af skort daar niks met die uitsoektroue wat op die Chez Charlene-trouvenue net buite Pretoria gehou word nie. Die bruidegom spog immers hy het ’n wafferse “halfmiljoen rand” uitgehaal om die bruilof onvergeetlik mooi te maak. Hy is uitgevat in ’n wit baadjie, swart broek en swart das. Die bruid lyk sensueel in ’n lang, skouerlose wit rok terwyl haar blonde hare in krulle oor haar skouers val. Maar daar is een ding wat hul huwelik nog beter sou maak, meen hulle. En wat is dit? ’n Derde party. Die huwelik van die 27-jarige…

AS ’N skoonheidskrywer en ma van twee is dit nie altyd maklik om tyd in die dag te kry om ’n 20-minuut-gesigmasker of haarbehandeling aan te wend nie. Dis hoekom skoonheidsprodukte wat werk terwyl ek slaap veel aanlokliker is. Ons vel gaan ’n vernuwingsfase binne terwyl ons slaap. Dit maak dit die ideale tyd om ons vel te voed met die behandelings wat die hardste werk en die grootste verskil maak. En as jy net die produk hoef aan te smeer, onder die duvet in te kruip, en verfris te voel, des te beter! Daarby is die formules ontwerp om ryker en voedsamer te wees en die vel se herstelprosesse te ondersteun. Die feit dat 22 bottels Advanced Night Repair per minuut verkoop word, sê als. Dié superserum is een…

1 Drink ’n groot glas water voor ete. Studies wys ’n mens eet dan minder. 2 Moenie kos direk uit die verpakking of uit die yskas eet nie. Skep ’n porsie uit en hou daarby. 3 Moenie rondstaan terwyl jy iets eet nie. Eet altyd aan tafel uit ’n bord. 4 Moenie eet voor die TV nie. Jy sal makliker ooreet as jou aandag afgelei word. 5 Eet stadiger sodat jy tyd het om die smaak te waardeer, jou ligaam tyd het om die kos te begin verteer en jou brein tyd het om versadiging te registreer. 6 Hoe weet jy of die porsies op jou bord die regte grootte is? ’n Goeie aanduiding is as hulle nie aan mekaar raak nie. 7 As jy ’n kombinasie van gesonde en…

1 ELOFF Sy lewe het heeltemal verander toe hy sy debuutliedjie, “Johnny Blou”, in 2022 uitgereik het. Dié popnommertjie het blitsvinnig in ’n treffer verander en is met platinumstatus bekroon. Vir die 23-jarige Pretorianer is dit verstommend. “Ek voel ek weet vandag steeds nie regtig wat dit alles beteken nie, maar ek dink dis goed so, want dit hou my plat op die aarde en nederig. Tog is dit steeds iets wat my baie breed laat glimlag en waarvoor ek geweldig dankbaar is.” Sedertdien het elk van Eloff se liedjies – van “Geheueverlies” en “ATKV” tot “Witblits” – ook goud- of platinumstatus bereik. Sy onlangse liedjies, “Vlerke” en “Elke liewe ding”, is reeds goed op pad om sokkiejol-stapelkos te word. “Vlerke” spog met meer as 2 miljoen luisteraars op Spotify…

SY HET altyd gedink blondines is Hannes se groot swakte, maar toe verskyn die wulpse rooikop op die toneel. Die sielkundige het gereken hy beleef net ’n midlife crisis, maar sy het nie kans gesien om hom vir die affair te vergewe nie. Verbeel jou – hy is oud genoeg om haar pa te wees. Wat sou in elk geval in die meisiekind se kop aangegaan het dat sy haarself met ’n man dubbel haar ouderdom bemoei? Ester druk die amarillabol versigtig in die grond. Hierdie somer gaan haar tuin behoorlik blom – en hopelik ook haar liefdeslewe. “Hallo!” Wie is nou so ontydig? Sy staan op, vee haar hande so in die loop aan haar kortbroek se agterkant af. ’n Vreemde man staan by die tuinhekkie met haar kat…

DIE TIKTOK-GELUID Deesdae is daar twee supergewilde klanklogo’s. Die een is Netflix se “ tudum”-geluid en die ander is TikTok se kenmerkende klankie. Dis wat jy aan die einde van elke TikTok hoor. Die maatskappy het dit ontwikkel om ’n unieke identiteit te gee wat hulle wêreldwye gemeenskap van gebruikers verteenwoordig. Groot woorde vir min note. Hier is ’n paar onnodige feite wat jy met jou vriende kan deel. 1 Daardie “boom bling”-geluid word weekliks amper 10 miljoen keer gehoor. Dis waarskynlik die suksesvolste klanklogo’s van alle tyd. 2 Dit het hulle ses maande gevat om met die klank vorendag te kom, sê MassiveMusic, die skeppers daarvan. Die maatskappy het meer as 2 000 klanke uitgedink, voor TikTok die “boom bling” gekies het. Hulle wou hê die klank moet “vol…

EK HET ’n beskermde lewe. Ek sit hoofsaaklik agter ’n lessenaar en was nog nie in ’n situasie waar dit nodig was om met iemand koppe te stamp nie. Nou word ek gevra om dit met oortuiging te doen. Letterlik. En dit voel so vreemd dat ek sukkel om nie te lag nie. Daar’s baie op die spel. Onbekende skurke het my gyselaar geneem en ek weet nie watter lot op my wag nie. ’n Man kom dreigend nader. Ek skop hom in die maag. En so begin die vegchoreografie wat ek probeer memoriseer het. Ek draai na die boef links van my en gooi haar teen die vloer. Dan draai ek na regs en swaai my kop woes in Nikita Mitchell se rigting. Die 34-jarige gewese danseres was nogal…

NIEMAND sal stry dat goeie en bekostigbare mediese sorg vir álmal ’n droom is wat die moeite werd is om na te streef nie. Dus vind kenners in die algemeen nie fout met die beginsel agter die omstrede Wetsontwerp op Nasionale Gesondheidsversekering wat pas deur pres. Cyril Ramaphosa onderteken is nie. Een landwye stelsel vir almal word ook lankal in Brittanje, Frankryk, Kanada, Australië, Japan en Brasilië geïmplementeer. Trouens, die Verenigde Nasies het ons regering gelukgewens omdat die wet “die behoeftes van armes prioritiseer”. Maar op eie bodem het die nuus ’n herrie veroorsaak. Dokters gaan uit die land uitstroom op soek na groener weivelde, voorspel die doemprofete. Die openbare gesondheidstelsel is reeds in ’n krisis – hoe gaan dit nou vir almal sorg? Privaat gesondheidsdienste en mediese fondse is…

‘DAAR IS EEN TONEEL WAAR EK BAIE KAAL OP KAMERA IS. DIT WAS MÝ IDEE, MÝ KEUSE’ AS WELLUS ’n malvalekker was, was dit sy. Pienk, sag en stroopsoet, maar smelt haar in iets stomend en dinge raak … Nee, kom ons kyk maar liefs weg voor dinge nou darem net te wild raak. Dié is ’n gesinstydskrif. En dearest gentle reader, ons bloos nou ook nes die muurblommetjie wat Bridgerton se Penelope Featherington eens was. Dis nou voor sy by die buurman ’n uitkoms vir haar smagting kon kry. Voor dáái toneel in die koets saam met Colin Bridgerton. Voor die snakkende ontwaking van die minlike Pen … Want in die derde seisoen van die vuurwarm Netflix-reeks ontpop Nicola Coughlan se karakter as die “belle of the ball”. En…

HY SPOT self hy is dalk die kluts kwyt om dié werk te doen. Trouens, sy gesin sê dit ook. Aan die woord is Sy Mamabolo, wat al sedert 2017 met die sukses van ons verkiesings belas is. En al is die baas van die Onafhanklike Verkiesingskommissie (OVK) se tong stewig in sy kies, sal baie mense hom nie sy taak beny nie. Want agter die skerms werk Sy (53) en ’n leërskare amptenare al twee jaar hard sodat jy op 29 Mei jou kruisie kan trek – en telkens is hy onder skoot van ontevrede politieke partye of kandidate. Daar is aantygings dat die OVK nie onpartydig optree nie, hofsake oor kandidatelyste … Toe Huisgenoot kort voor vanjaar se verkiesing by sy kantoor in die OVK-gebou in Centurion instap,…

KRY DIT HIER @HOME BY BASH.COM; CHECKERS.CO.ZA 0800-010-709; KNUS.CO.ZA 021-300-2702; MRPHOME.COM 064-584-1000; SHEETSTREET.COM; WOOLWORTHS.CO.ZA 0860-022-002 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

THE MUMMY SATERDAG E.TV 20:00 ’n Avonturier (Brendan Fraser), ’n Egiptoloog en haar onhandige broer maak per ongeluk ’n ontstoke mummie wakker. THE SYMPATHIZER MAANDAG M-NET 20:00 Met die val van Saigon naby, manipuleer die kaptein die Kommunistiese Party, die Suid-Viëtnamese leër en die CIA. Met Hoa Xuande en Robert Downey jr. NCIS: HAWAII M-NET 19:00 Tennant (Vanessa Lachey) is verbaas om te sien dat Sam, wat mediese en sielkundige evaluasies geslaag het, haar laaste onderhoud voer sodat sy weer kan werk.…

DIE aftelling na die openingseremonie van vanjaar se Olimpiese Spele is aan die gang. Op 8 Mei, 79 dae voor die Spele in Parys begin, het die Olimpiese fakkel in die hawestad Marseille aangekom. “Dis die einde van die voorbereiding, die Spele is nou hier in die lewe van die Franse. Die fakkel is hier. Ons kan trots wees,” het Emmanuel Macron, president van Frankryk, gesê. Hy was een van omtrent 150 000 mense wat in Marseille bymekaargekom het om die fakkel te verwelkom. WAT IS DIE OLIMPIESE FAKKEL EN VLAM? Die Olimpiese vlam en die fakkel word gesien as ’n simbool van die positiewe waardes wat die mens met vuur verbind. Dis ook ’n simbool van die verband tussen die antieke Griekse en die moderne Spele. Vanjaar se fakkels…

ONTLEEN AAN OUD-FRANS “RESTAURAR” Dit beteken om iets tot sy oorspronklike toestand te herstel. “Re-” is ’n voorvoegsel wat beteken om iets te herhaal, presies net soos “her-”. En “stauros” kom uit Grieks uit en beteken “paal”. Hoe op dees aarde die twee saam “herstel” beteken, sal niemand ooit met sekerheid kan “herpaal” nie. SYFERSTORIES 30% Soveel van die wêreld se elektrisiteit is in 2023 deur hernubare energiebronne opgewek. Dit kom veral van wind- en sonkrag. China, Nederland en Brasilië was voorlopers. Kenners reken dis ’n goeie teken vir toekomstige energieopwekking. 101 Dis hoeveel doele daar hierdie seisoen teen Sheffield United in die Engelse Premierliga aangeteken is. Dis die meeste doele nóg ooit teen een span in ’n enkele seisoen. Sheffield is in die laaste plek op die punteleer –…

Eens op ’n tyd moes mense so laaank sit voor ’n kamera dat niemand wou glimlag op foto’s nie ‘GOED, hier’s die tydskrif. Help my nou om ’n oulike advertensie te soek vir my skooltaak,” sê Bibi en sit die Huisgenoot op die tafel in die Babbelboomhuis neer. “Kan dit enige advertensie wees?” vra Palawa die kameelperd. “Is jy op soek na iets spesifiek?” vra Paloeka die leeu. “Ek soek iets wat oulik is. ’n Advertensie waarvan ek sal hou,” sê Bibi en knik. “Ek moet voor die klas praat en sê hoekom ek van die advertensie hou,” sê sy. Paloeka begin blaai en Palawa loer oor sy skouer. “Hier’s een. Wat van seep? Hou jy van seep?” vra Palawa. “Ek weet darem nie,” sê Bibi met ’n frons. Paloeka…

’N KOERANT is ’n lewendige entiteit. Hy kan jou hartseer of bly maak. Hy kan jou opgewonde maak. Soveel te meer ’n gemeenskapskoerant. Hy is die dorp se dokter, die polisieman, die landdros en die burgemeester. Dit het destyds begin met die “town crier”. In die ou dae sou iemand met ’n klok in die dorpsplein staan en afkondigings maak. Dit was die voorloper van gemeenskapskoerante. Vandag is gemeenskapskoerante soos die Middelburg Observer van onskatbare waarde vir ’n gemeenskap en ’n dorp soos Middelburg. Dit is ’n inligtingsbron vir die gemeenskap. Elke liewe ding wat in en om die dorp gebeur, sal jy tussen daai blaaie vind. ’n Gemeenskapskoerant het ook ’n groter rol om te vertolk. Hy moet ook ’n wesenlike verskil in die gemeenskap kan maak. In my…

‘JY WEET HULLE KAN LUISTER, HULLE VERSTAANJOU’ OP Pierre Fourie se plot in Bloemspruit is daar ’n begraafplaas. Daar’s ’n groen heining om die begraafplaas en sand tussen die grafte. Dis nie ’n spoggerige begraafplaas nie, maar jy kan sien iemand het met deernis hier van hul geliefdes afskeid kom neem – elke graf het ’n merker, selfs al is dit net ’n houtkruis of ’n teël. Dis eers as jy van nader kyk dat jy besef hier is iets ongewoons aan die gang. Op die grafte is name soos “Chick Chick”, “Seun” en “Ou Grootte die Brahma Haan”. Die klank wat jy hier hoor, is ook nie die stilte wat jy by ’n waardige begraafplaas verwag nie – daar is ’n gedurige gekloek en gekwetter van die hoenderhok net…

TOE haar kêrel byna drie jaar gelede ’n ring aan haar vinger gesteek het, het sy gedink daar sou nie sommer weer ’n gelukkiger oomblik wees nie. Tóé, het die aktrise Maria Valente vertel, was dit die heel beste dag van haar lewe. Hoe sou daar in elk geval ’n beter dag kon wees? Haar verloofde, Reece Adams, het in daardie stadium twee maande lank aan die groot vraag beplan. En toe hy dit eindelik op ’n Kaapstadse strand vra, was dit met ’n romantiese sonsondergang – dit was die sprokie waaroor sy nog altyd gedroom het. Maar sy was verkeerd. Want toe Maria, wat die rol van Sam Abrahams in die kykNET-sepie Arendsvlei vertolk, en Reece onlangs in die Paarl afhaak, was dít haar gelukkigste dag. “Hy is my…

JY SOU dink sy kry nie sommer hoogtevrees nie – teen byna 1,9 m troon sy tog hoog bo die grond uit, spot die netbalster en TV-aanbieder VANES-MARI DU TOIT. Maar dis eintlik nie waar nie. Ja, dis so dat sy in die verlede al deels haar vrese vir hoogtes kon oorkom nadat sy gaan valskermspring het, maar ’n hoogte van 6 405 m bo seevlak is iets anders. Vanes-Mari en die res van die Mad Swimmers-swemspan het onlangs een van die hoogste berge in die Himalajas in Asië aangepak. Dit was soos om ses Tafelberge (1 082 m bo seevlak) uit te klim. Dit het hulle drie weke geneem. Hulle wou ’n wêreldrekord verbeter deur daar doer bo in ’n meer die hoogste swemsessie nóg aan te pak. En…

DIS vandag haar heel eerste professionele fotosessie, maar jy sou dit nooit kon raai nie. Haar koffiebruin oë blink; haar donker hare val net reg om haar sonbruin skouers. Haar glimlag is skitterwit, en haar houding gemaklik, al is alle oë nou nét op haar. Die kamera klik, en die oomblik is verewig: Dis Mej. Tiener 2024 se eerste Huisgenoot-voorbladfoto! En kyk net hoe lieflik lyk Carli Oosthuizen, ons 17-jarige wenner van Senekal in die Vrystaat, in die eerste fotosessie wat haar triomf vier. Mooi van buite én van binne, innemend, slim en sjarmant, ’n regte rolmodel vir die tieners van vandag. Dis die eerste keer in baie jare dat Huisgenoot ons Mej. Tiener-kompetisie aanbied, en ons sou nie ’n groter suksesverhaal kon vra nie. Honderde inskrywings het van dwarsoor…

HY HET daardie dag tronk toe gegaan om die man te konfronteer wat weens sy ma se moord vasgetrek is. “Ek was gereed om hom die leviete voor te lees, to speak my mind,” vertel Dexter Kannemeyer terwyl hy na die rustelose see hier by Gqeberha se Somerstrand tuur. Maar daar in die besoeksentrum het sy drif verdamp. “My hart het klein geword toe ek hom daar agter die glas in sy tronkoorpak sien staan.” Want dit was sy eie pa, en “ek is steeds sy seun”. Met ’n soort dubbele verdriet – die verdriet oor sy ma én oor sy pa – erken Dexter hy kon die man in die tronk nie daardie dag verwerp nie. “Ek bejammer hom.” In sy opspraakwekkende verhoor het Colin Kannemeyer (58) in grusame…

Rokke Baadjies & jasse Sakke Serpe & skoene KRY DIT HIER ACKERMANS 0860-900-100; BASH.COM; EDGARS 0860-111-826; H&M 086-069-0707, MILADYS 080-0212-535; NICCI BOUTIQUES NICCI.CO.ZA; PICK N PAY CLOTHING 0860-303-030; POETRY 0860-333-329; QUEENSPARK 021-460-9400; SUPERBALIST.COM; TAKEALOT.COM; TRUWORTHS 021-460-300; ZARA.COM HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

ENGELAND BETOGERS BREEK MAGNA CARTA-GLAS Twee betogers van in die 80, wat lede is van die groep Just Stop Oil, het die glas oor die Magna Carta gebreek. Die Magna Carta is ’n bitter belangrike geskiedkundige Britse dokument uit 1215 – dis die eerste keer in die wêreld wat erken is dat die koning en die regering nie bo die wet verhewe is nie. Sue Parfitt en Judy Maguire sê dat die Britse regering besig is om toe te laat dat die klimaatskrisis ’n katastrofe word en dit bedreig mense se regte en vryheid. NEPAL DUBBELE REKORDS OP EVEREST Daar is op 12 Mei nie een nie maar sommer twee rekords op Everest gebreek. Die sjerpa Kami Rita van Nepal het vir die 29ste keer op die kruin van die…

FLIEK IF NOU IN TEATERS Die meerderheid van ons het as kind ’n denkbeeldige vriend gehad – een wat in ons verbeelding opgetower is en net ons kon sien en hoor. In IF (wat staan vir “Imaginary Friends”) bestaan hierdie vriende regtig, maar sodra kinders groot word, vergeet hulle van dié ouens. Cailey Fleming se karakter ontdek dat sy almal anders se denkbeeldige vriende kan sien. Sy besef dan daar’s ’n ander ou, gespeel deur Ryan Reynolds, wat dieselfde krag het. Hulle gaan op ’n wonderlike avontuur om vergete IF’s met hulle oorspronklike kindermaats te herenig. BOEK BOEK SANDI AND THE SALTY SEA DOGS DEUR MONIQUE FALLOWS Monique en Chris Fallows woon in Kaapstad en het drie honde, Sandi en dié se twee kleintjies, Brownie en Lucy. Monique en Chris…

LUS vir ’n diepte-kykie in die wêreld van die militêre geskiedenis? Letterlik diep? Dan het ons net die regte plek vir jou. Jordanië se Onderwater Militêre Museum is op die bodem van die Rooi See. Dié vind jy aan die kus van Aqaba, die enigste hawestad in dié land wat net ’n kort kuslyn het. Dis die enigste museum van sy soort in die wêreld en bevat 21 voertuie en vliegtuie wat uit diens gestel is deur die Jordaniese weermag. Daarby is ’n paar skeepswrakke en spesiale installasies. Besoekers onderneem duiktogte of bekyk alles deur bote met glasbodems – maar daar steek maar aan dié museum as om net toeriste te lok. Die gebied is gekies omdat hier geen koraal groei nie en min seelewe voorkom. ’n Kunsmatige rif is…

THE SIMPLE LIFE Die vriendinne PARIS HILTON (43) en NICOLE RICHIE (42) laat herleef hul gewilde werklikheidsprogram The Simple Life. In die oorspronklike reeks in die vroeë 2000’s het die sosiale vlinders in hul 20’s in kleindorpse Amerika die mas probeer opkom – met skreeusnaakse gevolge. Hulle het handearbeid gedoen en hul sêgoed was so uit voeling met die werklikheid, dit het kykers laat lê van die lag. Meer as 20 jaar later het albei loskop-partytjiediere in verantwoordelike ma’s en sakevroue ontpop. “New era. Same besties,” het Paris op Instagram gesê. WIZARDS OF WAVERLY PLACE Dit lyk of SELENA GOMEZ haar Disney-wortels omhels. Die aktrise hervat haar rol as Alex Russo in ’n nuwe weergawe van die sitkom Wizards of Waverly Place. Die nuwe reeks, Wizards Beyond Waverly Place, volg…