Innholdsfortegnelse for 11 April 2024 i Huisgenoot

1 TE VEEL BOERETROOS SLEG VIR JOU KROOS Kenners waarsku koffie kan jou kind se slaapgehalte, beendigtheid, hart en spysvertering nadelig beïnvloed weens die hoë kaffeïen-inhoud Nee wat, koffie is lekker. Ek drink twee koppies ’n dag en is amper 74. Ek het nog nooit iets oorgekom van koffie nie. My ouers en grootouers het sterk sakkiekoffie gedrink, en hulle was besige mense wat oud geword het! CAROLINA Ek het gelukkig nie my dogter met koffie grootgemaak nie. Net my man drink koffie in die huis. My ma en ek en my dogter hou net mooi niks van koffie nie. Hulle drink net tee. Ek drink weer glad nie tee óf koffie nie. JOLANDI My ma het ons elke oggend wakker gemaak met die lekkerste koppie koffie. Vandag drink ek…

TOE Huisgenoot die Mej. Tiener-kompetisie begin bemark het, het ons gesê ons is op soek na ’n rolmodel vir ’n nuwe generasie jong mense. Iemand wat sjarmant en slim is. Iemand met deernis vir ander en hoop vir die toekoms. ’n Doener wat mooi is van buite én binne. En hier is 10 beeldskone tieners van reg oor Suid-Afrika, wat elkeen ’n unieke storie en boodskap het. Elkeen van hulle voldoen aan daardie beskrywing waarmee ons ons soektog begin het. Ja, hier is hulle uiteindelik, ná weke se gewag: die top-10-finaliste in Huisgenoot se Mej. Tiener-kompetisie van 2024. Nou wil ons hoor wat julle, ons lesers, sê! Besoek huisgenoot.com en stem vir jou gunstelingfinalis op ons spesiale stemblad. Maar voor jy dít doen: Leer ken hulle saam met ons van…

ROCK DIT Nicole Richie en Joel Madden lyk klassiek met ’n tikkie skop by die Vanity Fair-Oscar-partytjie in Kalifornië. LINNE-LIEFDE Dié paartjie by die Paryse Modeweek lyk heel luuks in bypassende linne. BLOU-BLOED Dié gaste by die New Yorkse Modeweek meng koningsblou met natuurlike kleure. STRAATSLIM Die model Larissa J. Kiassumbua en haar kêrel dra tekkies en pette by die Kopen-haagse Mode-week. DEFTIG IN DIE STAD Dwyane Wade en Gabrielle Union lyk gereed vir ’n lekker luukse aandjie uit in die stad. SJAMPANJE Emily Blunt en John Krasinski kombineer perskepienk met ’n ligte natuurlike kleur. KRY DIT HIER ACKERMANS 0860-900-100; BASH.COM; CALIFORNIAN.CO.ZA; FOREVER NEW 0860-018-014; FOSCHINI 0860-834-834; FREEDOM OF MOVEMENT 066-185-8879; H&M 0860-690-707; IDENTITY 021-460-2400; JOBORKETT.COM; LOVISA 010-143-0780; MANGO SHOP. MANGO.COM/ZA; MARKHAM 0860-834-834; OLD KHAKI 0860-333-329; OLDSCHOOL.CO.ZA; PMCJEWELLERY.CO.ZA; POETRY 0860-333-329;…

V Ek het skoon die bewerasie van woede hier waar ek sit en tik. Ons is net twee kinders. My suster is ’n hele paar jaar jonger as ek. My ouers het haar nog altyd bederf en sy ken nie die woord “nee” nie. Nou haal dit my ouers in. Hulle het vandag kom kuier, en eindelik het die kuier in meer van ’n vergadering ontaard. Hulle albei tree oor ’n paar maande af en begin solank hul sake in plek kry. Tot my verstomming is my sus op die agenda. Sy het ’n vaste werk en kry ’n bogemiddelde salaris. My ouers kom toe met ’n storie hier aan. Hulle wil dat ek die finansiële bydrae oorneem wat hulle maandeliks aan haar maak. Hul pensioen sal dit nie kan…

RAM 21 MAART – 19 APRIL Al is Ramme tans die fokuspunt van die diereriem, beteken dit nie noodwendig sukses op alle gebiede nie. Wees versigtig dat jou menings nie nou aanstoot gee of, nog erger, dat mense jou heeltemal vermy nie. Oefen om ’n wag voor jou mond te plaas, veral by die werk, waar jy baasspelerig en/of arrogant kan oorkom. Hou jou gedagtes vir jouself. BUL 20 APR – 20 MEI Dit voel dalk asof die lewe nou taamlik saai is, maar met geen krisisse op hande nie, is dit die ideale kans vir rus en herstel. As jy dit oorweeg om geld aan huisprojekte of opknappings te bestee, beskou nou as ’n tyd vir die insameling van inligting eerder as om planne deur te voer. TWEELING 21…

ANONIEM Deur CHANETTE PAUL Lapa Uitgewers, R350 Haar 50ste boek was die moeilikste om te skryf, vertel Chanette Paul. Eintlik kon dit maklik gewees het, want dit gaan oor dinge wat sy self leer ken het as skrywer, keurder, manuskripontwikkelaar en aanbieder van slypskole. Hoewel sy agterin die boek skryf dat elke karakter fiktief is, asook Bellettrie-uitgewers, was een keurder se beswaar dat daar mense is wat herkenbaar is. “Dit was maar een van die redes dat ek die boek vier keer moes herskryf!” vertel sy. Ons het by die onlangse KKNK op Oudtshoorn onder meer gesels oor hoe minder ervare skrywers dikwels nie goed reageer op kritiek nie. In Anoniem is daar juis so ’n nuwelingskrywer wat tot ’n uiterste daad oorgaan toe sy manuskrip afgekeur word (of so…

OP ’N HOË NOOT Hoopvolle jong sangeres aan die musiekpromotor ná haar oudisie: “Dink jy ek sal eendag iets met my stem kan doen?” Promotor: “Ja, ek dink so. Dit kan nuttig te pas kom wanneer daar ’n brand uitbreek!” JOHAN H, GONUBIE TWYFELAGTIGE PADWYSER Die vreemde man op die dorp nader Hansie: “Boetie, kan jy my sê waar die poskantoor is?” Hansie antwoord: “Ja, Oom, stap net reguit met hierdie straat af. “By die derde straat draai Oom regs, en dan sal Oom die poskantoor sien.” Die man bedank Hansie vriendelik en sê dan: “Ek is die nuwe dominee op die dorp. Ek sal bly wees as jy Sondag kerk toe kan kom, dan wys ek jou die pad hemel toe.” Hansie, verbaas: “Maar Oom ken nie eens die…

1 Watter menslike orgaan vervaardig insulien? 2 Watter kleur kat word as ongelukkig gesien? 3 Op watter vasteland is die Andesgebergte? 4 Wat het Alexander Graham Bell uitgevind? 5 Het ’n klavier meer swart of wit klawers? ANTWOORDE 1. Pankreas 2. Swart 3. Suid-Amerika 4. Dietelefoon 5. Wit BRONNE THE GUARDIAN, CNN, AND.COM, WHO.INT, BRITANNICA.COM, FUDAN.EDU.CC, EURONEWS.COM, NEWSWIRE.CA, NATURE.COM, BAS.AC.UK…

DIS soos iets uit ’n gruwelfliek: ’n swam wat ’n onskuldige mier se lyf so oorneem dat hy later die mier kan dwing om al sy opdragte uit te voer! Hierdie nare swam word ’n zombiemierswam genoem omdat hy die mier in ’n zombie verander wat doen net wat die swam “beveel”, amper soos ’n marionet. Hy gebruik die mier sodat hy wat die swam is, kan groei en versprei. Sy arme slagoffers is houtkappermiere wat in die woude van Thailand en Brasilië woon. JIGGIE! Swamme is regtig grillerige goeters wat ’n mens omtrént nagmerries kan gee. REGS is die pers jellieswam wat ’n bietjie soos ’n pienk brein lyk. REGS ONDER is ’n zombiemier wat reeds dood is en waaruit die zombiemierswam besig is om te groei. IS DIÉ…

DAAR is ’n geel waarskuwingsteken teen die deur om aan te dui dat daar biologiese gevare binne skuil. Langs die waarskuwing is ’n logo van die rolprent Back to the Future. Dis die laboratorium waar die Franse navorsingswetenskaplike Jean-Michel Claverie die werk doen wat die mensdom dalk eendag van nog ’n verwoestende pandemie kan red. Hy maak ’n vrieskas oop en haal ’n plastieksakkie uit. Die inhoud lyk soos die klam oorblyfsels van ’n sandkasteel. Eintlik is dit ontdooide ysgrond uit Siberië. Jean-Michel (73) moes ver reis om dié monster te vind. Dit het dae gevat, verskeie vlugte en ’n reis in ’n wankelrige boot wat van die onderdele van ’n ou oorlogsvliegtuig aanmekaargesit is. Eindelik het hy Tsjerski aan die oewer van die Kolima-rivier bereik. Die afgeleë dorpie naby…

DRIE jaar gelede was Jana Jooste en haar beste vriend, Rynhardt Schoeman, op ’n stoep aan die kuier, ’n glasie wyn in die hand, toe hulle hulle afvra: Hoekom deel hulle nie hul lag met die wye wêreld nie? Kyk, dié twee is lief vir lag. Toe hulle mekaar 16 jaar gelede in hul matriekjaar ontmoet het, kon hulle kwalik ophou lag. Hulle het so te sê onafskeidbaar geraak. “Ons was hilarious,” vertel Jana. Met daardie stoepkuier het hulle gewonder hoekom hulle nie sommer hul streke op TikTok kan laai sodat die res van die wêreld kan saamlag nie. “Ek het nie eens ’n TikTok-blad gehad nie. Ons het die video sommer op Rynhardt se blad gelaai. Kort daarna bel hy my en sê dié video het so 3 000…

DRAMA, DRAMA, DRAMA ‘ROUTRIP’ – ELZABÉ ZIETSMAN Routrip vertel van Helena, wat ’n poging aangewend het om haar eie lewe te neem en dan drie weke in ’n psigiatriese kliniek deurbring – en volg haar tot waar sy haar kosbare familie-items, die dinge wat sy haar lewe lank bymekaargemaak het, aan geliefdes uitdeel. Dis ’n soort tragikomiese reis. Dis Elzabé se tweede keer terug by die KKNK nadat sy ’n dekade lank nie op die fees was nie. “Die KKNK is ’n hoogtepunt op ons almal se kalender,” sê sy. Elzabé was ook in die kabaret Vier panado’s en ’n chardonnay te sien – die produksie is ook bekend as Ek het al so baie my gat gesien, ek is bang vir f****. Haar gunstelingtydverdryf ná ’n lang dag van…

KARLIEN VAN JAARSVELD Feesgangers het mekaar uit die pad uit geloop om Karlien te sien – en sy het nie teleurgestel nie. Sy het vermaak met ’n rits van haar eie liedjies, en toe ook beïndruk met ’n cover van Rod Stewart se onsterflike “Forever Young”. SPOEGWOLF Talle feesgangers het hul voete selfs ná die vertoning bly stamp op die maat van dié rockgroep se aansteeklike musiek. ’n Jong groep aanhangers reg voor het plakkate omhoog gehou – almal sê die manne van Spoegwolf maak hul knieë lam. “Ek het nie verwag hier sal só baie mense wees nie,” het Danie du Toit, die hoofsanger, geskree. Die plakkate is dalk oulik, maar dié sexy rocker is van die rak af. ELANDRÉ Die sanger en sy vurige orkes het feesgangers se…

DIS ’n bedrywige jaar vir TAYLOR SWIFT, maar sy het eindelik asemgeskep terwyl sy gehaltetyd saam met haar kêrel, die Amerikaanse voetbalspeler TRAVIS KELCE, in die Bahamas deurgebring het. Hulle het op die strand gestap, geswem en mekaar in die branders gesoen. Taylor (34) het pragtig gelyk in ’n geel bikini, en Travis (34) het in ’n stadium sy arm beskermend om haar gesit en haar hand vasgehou. “Hulle het ’n paar dae in die Bahamas vakansie gehou,” het ’n bron aan People gesê. “Dit was ’n broodnodige blaaskans. Hulle het dit baie geniet. Hulle is so gelukkig saam.” ’n Paar dae later het hulle in Malibu rondgestap. Die sangeres is net verby die halfpadmerk van haar Eras-toer met 152 datums op vyf vastelande. Sy maak einde Desember met die…

Wanneer en waar was jy op jou gelukkigste? By my familie. Waaroor is jy spyt? Oor die oomblikke wat ek te veel oordink, of die oomblikke waar ek te veel dink: Wat sal ander mense dink as ’n mens hierdie doen? Wat sou jy anders doen as jy jou lewe kan oorhê? Minder dink oor wat ander mense gaan dink. Hoe sal die mense wat jou goed ken jou beskryf? As baie eerlik. Wat beïndruk jou in ander mense? Kennis. Nuuskierigheid. Wat is jou gunsteling-Suid-Afrikaanse gereg? Definitief bobotie. Wat braai jy die graagste? ’n Eiervrug. Wie of wat kan jy nie verduur nie? Onregverdigheid. Wat is vir jou snaaks? Mense wat nie kan help om hulself te wees nie. Wat is jou diepste put van ellende? ’n Onderhoud. Wie is…

Dit is meestal nie iets om oor bekommerd te wees nie, maar dit kan jou wel teen die mure uitdryf – pienkoog. DIE SIMPTOME ◗ ’n Gejeuk of krapperigheid in een of albei oë. ◗ Rooierigheid in een of albei oë. ◗ ’n Afskeiding in die oë vorm snags ’n kors. ◗ Jou oë voel dalk ligsensitief. Dit is eintlik konjunktivitis en staan ook bekend as bindvliesontsteking. Dit behels inflammasie van die membraan rondom die oogbal en aan die binnekant van die ooglid en kan veroorsaak word deur ’n virale of bakteriële infeksie, ’n allergiese reaksie of irritante uit die omgewing, sê dr. Nishen Gounder van Netcare Medicross Malvern in KwaZulu-Natal. As dit veroorsaak is deur ’n virus of bakterie, kan dit hoogs aansteeklik wees en maklik in gemeenskappe of…

DIE FAKULTEIT Dis ’n spesiale soort liefde wat nodig is vir iemand om ’n onderwyser te word. Tog is daar ook baie geleenthede om lekker te lag. Moet dus nie eExtra se nuwe komediereeks Die fakulteit misloop nie. Die reeks met 13 episodes gaan oor die personeel aan die fiktiewe Hoërskool Oos in Johannesburg en hul snaakse, kleurryke lewens. Dr. Reinette Naudé (vertolk deur die sangeres en aktrise Bibi du Preez van Die groot afskud) is die skoolhoof aan die stuur en sy probeer alles in haar vermoë om die skool, sy personeel en leerders op die reguit pad te kry. “Sy is ’n handvol,” lag Bibi toe sy meer vertel van haar eerste TV-rol. “Sy sien haarself as die Ystervrou van die skool, praat suiwer Afrikaans en probeer altyd…

GROOT BLOKRAAI WEN ’N BOEK VAN HUMAN & ROUSSEAU PLUS KOM IN AANMERKING VIR DIE MAANDELIKSE TREKKING VAN R1 000. NO 2 539 KOMPETISIEVRAAG Watter soort tuiste is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Jan van Tonder se Sagie se storie (H&R, R310). Die storie van Sagie, seun van die Klein-Karoo, wat oor soveel jare heen in soveel harte gekruip het, word eindelik hier in een band klaar vertel. In die eerste boek word ons betower deur die onskuld van Sagie se half-verstaan. Tog weet hy baie van boerdery. Toe hy Ansie ontmoet, word sy wêreld volmaak. Hy leer haar van die veld se wonders. Maar eindelik loop hy verlies op die…

’N NUWE geenterapie wat in ’n klein studie in China gebruik is, was suksesvol daarin om vyf uit ses kinders met oorerflike doofheid te genees. Soortgelyke resultate in een kind is ook deur die Children’s Hospital of Philadelphia aangekondig. Die behandeling wat gebruik is, is eksperimentele geenterapie. Oorerflike doofheid word veroorsaak deur ’n proteïen genaamd otoferlin. As daar veranderinge in die struktuur van die geen is, lei dit tot doofheid. Die ses Chinese kinders wat aan die studie deelgeneem het, was tussen een jaar en sewe jaar oud. Vier van hulle het kogleêre inplantings gehad. Die inplantings het die kinders toegelaat om in een oor te hoor, maar wanneer dit afgeskakel is, was hulle heeltemal doof. Die kinders is toe almal ingespuit met ’n virus wat die werkende otoferlin-geen bevat.…

Bestem vir die kollig Cassiel is gemaak vir die verhoog. Sy’t dan grootgeword op een! Haar ma, Cinda, het ’n dansstudio gehad en haar ouma Patricia het haar geleer hoe om haar lyne vir haar eerste rol te leer. Haar oorlede oupa Thomas het haar gewys sy is bestem om ’n kunstenaar te wees. Dit was heeltemal ’n familieaffêre. “My gesin is baie passievol oor my reis as ’n aktrise.” En vandag is sy te sien in die gewilde M-Netreeks, Summertide, waarin sy Yolande speel. “ ’n Gr. 11-rebel met ’n hart van goud. Sy is nie jou gemiddelde hoërskoolleerling nie. Sy’s kwaai, maar in haar wilde avonture lê ’n dieper storie.” Om vandag saam met talentvolle akteurs soos Monique Rockman en Jan Combrink te werk, was soos om die…

‘KKEN jy die plek ‘Chicago’? Hulle noem dit die Cape Flats van die Paarl. Dis baie rof. Gaan doen jou navorsing as jy regtig wil verstaan. Ons het daar gewoon en van die ouderdom van drie en ’n half af het my ouers my laat karate doen om my van die strate af te hou. Elke Dinsdag, Donderdag en Vrydag het my oupa my gevat. As kind was ek baie aktief. Ek wou altyd buite speel, maar saam met die verkeerde kinders. Kinders wat vas was aan familielede wat … ek sou nie sê bendelede was nie, maar harde mense, sou ek sê. So ek is skool toe, dan karate toe, dan my huiswerk en dan wou ek gaan buite speel – maar dan was dit donker! Dit was my…

PLAN B vertel van Ivan Malan (Tim Theron), ’n man met ’n militêre agtergrond, en sy vennoot Paul Schmidt (Arnold Vosloo), wat ’n bendebaas beroof en die Vlammemeisie – ’n kunswerk deur die meesterskilder Vermeer met ’n waarde van €30 miljoen – steel. Ragel Bergh (Amalia Uys) word deur die glyjakkals Joshua Lansky (Armand Aucamp) uit haar erfporsie geswendel, maar dan laat ’n kunswaardeerder Ragel, Ivan en Paul se paaie kruis … Die draaiboekskrywer, Tertius Kapp, het Deon Meyer se boek van 1994, Wie met vuur speel, aangepas tot ’n reeks van vyf episodes. Dié reeks is vir hom baie spesiaal, vertel Deon. “Die aanslag is tong-in-diekies. Dis lig, los en lekker. Ek is oortuig daarvan die reeks is heel uniek aan Afrikaanse televisie.” AMALIA UYS Sy is in die…

HOU maar die hooikoorspille byderhand wanneer jy met JEREMY ALLEN WHITE van The Bear uitgaan, want dié man het ’n ding oor blomme! Jeremy (33) word gereeld opgemerk by die plaasmark naby sy huis in Los Angeles en stap selde sonder ’n reusebos blomme daar weg. Baie aanhangers meen om hom liefdevol sy blomme te sien rangskik is nog aantrekliker as die stomende Calvin Kleinadvertensie waarin hy onlangs verskyn het. Hy maak ook sommer van plaasmarkdae ’n uitgaangeleentheid. In sy kort verhouding met die aktrise Ashley Moore (30) verlede jaar het hy vele kere vir haar blomme gekoop. Vir sy huidige meisie, die Spaanse sangeres Rosalía (31), het hy onlangs ’n rangskikking van craspedia, bloekomtakkies en magnoliablare gekoop.…

As jy baie Afrikaans lees, sal jy sien ons skryf amper altyd “in” ’n stadium. Die storie lui so: ’n “Stadium” was ’n Romeinse eenheid vir afstand. Dit was so 125 tree. Al die pad langs die paaie uit Rome uit (na bewering ál die paaie) was daar merkers wat wys “in” watter stadium jy was. Dus: “in ’n stadium”. ’n Storie oor Afrikaans wat begin met die Romeine is dalk ’n bietjie dik vir ’n daalder. Dit herinner aan Rudyard Kipling se Just So Stories, oor byvoorbeeld hoe die kameelperd se nek so lank geword het. ’n Mooi storie, maar dalk nie heeltemal van toepassing nie. Luister ’n bietjie na die mense om jou. Baie sê “op ’n stadium”. Waarskynlik die meeste. Watter een is reg? As jy op…

SY HET hard en duidelik ’n breek gevat van die dramabedryf. Sy móés, het sy destyds aan Huisgenoot vertel. Vir haar geestesgesondheid. Maar noudat die tyd ryp is – en die bedryf gewys het hy’s nie gereed om die talentvolle Melanie du Bois sommerso te los nie – laat sy die tonge klap met een van haar uitdagendste rolle nóg. Nie net speel sy Kayla in Spinners op Showmax nie, sy steel boonop die kollig as Pam in Suidooster. Wat het dan gebeur? Sy het in 2022 vertel paniekaanvalle en angstigheid het haar teen die mure uitgedryf. Vir haar het ’n tydjie weg van toneelspel gelyk soos ál manier om haar gees te beskerm. Wel, sê Melanie, die wegbreek wat sy sedertdien gehad het, het wondere gedoen, en nou voel…

DEENSE hawermout-&-heuning-VOLKORINGBROOD LEWER 1 X 20 CM RONDE BROOD / BEREIDING EN BAK: 2½ UUR ◗ 250 ml (1 k) laevetmelk, plus 15 ml (1 e) ekstra vir verf◗ 125 ml (½ k) water◗ 20 g geroosterde melkpoeier (sien wenk)◗ 45 ml (3 e) botter◗ 30 ml (2 e) heuning◗ 90 g gerolde hawermout, plus ekstra vir bolaag◗ 225 g klipgemaalde witbroodmeel◗ 150 g klipgemaalde volkoringmeel◗ 35 g rogmeel◗ 5 ml (1 t) fyn sout◗ 10 ml (7 g) droë kitsgis 1 Plaas die melk, water, geroosterde melkpoeier, botter en heuning in ’n klein kastrol. Verhit tot die botter gesmelt het. Voeg die hawermout by en roer tot gemeng. Verwyder van die hitte en laat afkoel.2 Voeg die witbrood-, volkoring-en rogmeel en die sout en gis in die bak van…

KRY DIT HIER @HOME BY BASH.COM; CHECKERS.CO.ZA 0800-010-709; HOMERY.CO.ZA 082-361-5515; MRPHOME.COM 064-584-1000; STOREANDMORE.CO.ZA 011-314-0002; WOOLWORTHS.CO.ZA 0860-022-002 HOEWEL ON SALLES IN ONS VERMOË DOEN OM KORREK TE PRYSE TE VERSKAF, KAN FOUTE VOORKOM WAAR VOOR HUISGENOOT EN DIE VERSKAFFERS NIE VERANTWOORDELIK GEHOUKANWORD NIE.…

HET jy geweet daar leef ’n hele wêreld van piepklein organismes om ons wat ons nie kan sien nie? Hulle is oral – ja, selfs aan ons lyf! Hierdie klein goetertjies word mikro-organismes genoem, en hulle is ’n diverse vorm van lewe wat bakterieë, fungusse en virusse insluit. Die woord mikro-organisme kom van twee woorde: mikro, wat “baie klein” beteken, en organisme, wat “lewende ding” beteken. Ons het dalk ’n sterk mikroskoop nodig om hulle te kan sien, maar ons weet steeds hulle is oral om ons. Die studie van mikro-organismes word mikrobiologie genoem, en die mense wat hulle bestudeer, staan as mikrobioloë bekend. Jy kan ook praat van mikrobes om na mikro-organismes te verwys. WAAR IS HULLE, EN WAT DOEN HULLE? Wanneer ons sê mikro-organismes is oral, oordryf ons…

Nog ’n prettige seisoen van Die Babbelbende is nou volstoom aan die gang! Kyk saam na seisoen 2 op huisgenoot.com. In dié aanlyn kinderreeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer oor ons wêreld leer. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook media24shop.com om jou eie Paloeka-of Palawa-pop of die Babbelbende se Groot Storieboek te bestel. Kom leer ken…