Innholdsfortegnelse for 4 April 2024 i Huisgenoot

1 AANVAL BRING ONS NADER AAN MEKAAR Rachelle Fourie van Op my eish! sê ’n aanval op haar ouma Helena in haar plaaswinkel naby Groblersdal het die band tussen hulle versterk Rachelle, jy is pragtig, oulik en bedagsaam. Ek weet die regte man gaan eendag ’n juweel kry. Glo my, ek het baie respek vir jou. En kinders wat omgee vir hulle grootouers, is beslis altyd anders, spesiaal en uniek. HETTIE Rachelle was van die begin af bo. Sy het loshande bo almal uitgestaan. Danksy haar goeie geaardheid, haar voorkoms en die feit dat sy altyd op haar plek en respekvol is. Sy is baie edel en dit wat jy sien, is wat jy kry! ANITA Rachellie, ons het jou van die eerste episode af raakgesien vir wie jy is. Jy…

VOOR jou lê die see eindeloos uitgestrek. Die middagson weerkaats op die helder blou water en branders breek teen yslike rotse net hier by jou voete. Die kronkelpad hier by Kwaaiwater naby Skulpiesbaai is vandag, nes elke ander dag, ’n bedrywigheid van stappers en drawwers. Kort-kort skep een asem en tuur ’n oomblik ondertoe, na daar waar die rotse lê. Die kronkelpad lei na ’n nou voetpaadjie – ’n bospaadjie wat deur groenigheid afloop see toe. Eintlik is dit beeldskoon hier, maar vandag is daar iets onheilspellends in die lug. Die voetpaadjie lei jou vandag nie direk na die water toe nie, maar na bloedspatsels by ’n groot rots, na ’n bloedbevlekte stuk klip, vandag met sand toegegooi – na dít waaroor almal hier praat. Dié voetpad is waar Markus…

ROOI lipstiffie is eeue lank al een van die staatmakers in vroue se grimeersakkie, juis omdat dit selfvertroue en glans uitstraal. Net soos die klein swart nommertjie of wit kraaghemp het dit die toets van tyd deurstaan. Boonop maak dié bykomstigheid ’n stelling, hetsy jy net rooi lipstiffie en geen ander grimering dra nie, of dit met rokerige oë of kleurvolle oogomlyner kombineer. Maar onthou, nie alle rooi lipstiffies is dieselfde nie, en met soveel skakerings om uit te kies kan dit oorweldigend wees om jou perfekte rooi te vind. Ons wys jou hoe om met selfvertroue die wêreld rooi te begin verf. VOOR JY KOOP Onthou, die perfekte rooi lipstiffie vir jou is daardie een wat jou op jou heel beste laat voel. As jy onseker is, kan jy…

Jou hond lyk dalk oulik as ’n potjierol, maar dis sleg vir sy gesondheid om swaar te dra aan ekstra kilo’s. As jou hond oorgewig of vetsugtig is, kan dit lei tot diabetes, lewersiektes, gewrigprobleme, kanker en ’n korter lewensduur. Maar hoe kry jy woef weer op koers? As jy wonder of jou hond wel oorgewig is, kan jy eers hierdie vrae beantwoord: ◗ Het jou hond ’n uurglasvorm as jy agter hulle staan of van bo af na hulle kyk? ◗ Kan jy sy middel voel? ◗ Kan jy sy ribbes voel? As die antwoord op al drie nee is, is jou hond oorgewig. Neem jou hond veearts toe. Hy sal ’n verslankingsplan aanbeveel. ◗ Kies die beste gehalte kos wat jy kan bekostig. Volg die aanwysings op verpakking…

69 Dis hoeveel tatoeëermerke van hase die Wallieser Craig Evans al het. Craig (42) het ’n wêreldrekord opgestel met die getal. Maar al hou hy baie van hase, het hy nie een as ’n troeteldier nie. Craig vertel hy is bang die hasie sal nie veilig wees saam met sy hond, Bertie, nie. Craig het ook ’n tatoe van Bertie met ’n hasie-bandana om sy kop. 8 600 jaar So oud is die oudste brood wat onlangs gevind is. Die “brood” is gevind in ’n oondstruktuur by die argeologiese terrein Çatalhöyük in Turkye. Om die oond het argeoloë koring, gars, ertjiesade en “sponsagtige” oorblyfsels gevind. Çatalhöyük word beskou as een van die eerste stede in die wêreld. £30 miljoen Die legendariese Queen-sanger Freddie Mercury se huis in Londen word vir…

ELIZABETH ANDERSON (100), PAARL, HOKKIESPELER ‘ONS was 12 kinders in ons huis in Skoolstraat. Dit was in die Noorder-Paarl. Ons het goeie ouers gehad. Hulle’t ons reg geleer. Elke Sondag in die kerk. Net drie van die 12 is oor. Ek het altyd baie mooi na my ouers gekyk. Daar staan in die Bybel as jy mooi na jou ouers kyk, gaan jou dae verleng word. My dae is verleng. Ek weet nie regtig wat ek gedoen het om 100 te word nie. Toe ek by my party kom, hoor ek ek is 100 jaar oud. God hou my staande. Ek lees elke dag my Bybel. Sonder die Bybel is ek niks. Ek’t skoolgegaan by St. Stephens. Dis ’n Anglikaanse skool. Al my kinders het ook daar skoolgegaan. In die…

Die aktrise SOPHIE TURNER, wat in Game of Thrones was, het die hof gevra om voort te gaan met haar en JOE JONAS se egskeidingsaak. Joe (34) het verlede September ’n egskeiding aanhangig gemaak. Die twee het in Desember ’n tydelike ooreenkoms oor toesig oor hul dogters, Delphine (21 maande) en Willa (3), bereik. Die ooreenkoms het in Januarie tot ’n einde gekom. Daarvolgens het die kinders ewe veel tyd by Sophie (28) in Engeland en Joe in Amerika gehad. Volgens Joe se woordvoerder is dit net ’n regsformaliteit en gaan hulle voort om ’n vriendskaplike skikking te bereik. Al het dit nie in die openbaar gelyk of die model GISELE BÜNDCHEN se egskeiding van die Amerikaanse voetbalspeler TOM BRADY haar vreeslik pla nie, het sy in ’n onlangse onderhoud…

Waarmee hou jy jou graag besig? Ek is verskriklik lief vir dit wat ek doen, en ek is verskriklik bevoorreg om dit te kan doen. Wat sou jy anders doen as jy jou lewe kon oorhê? Ek sal dit nie wil doen nie. Ek het heeltemal te hard gewerk. Waaroor is jy spyt? Dat ek nie my koshuiskamer netjieser gehou het nie. Hoekom? Ek wens ek het mooier na myself gekyk toe ek ’n student was, maar ek dink ook dit was waar ek was in my lewe en die lesse wat ek moes leer. Wat is jou beste eienskap? Sjoe! Ek dink ek is veerkragtig. Ek dink ek is sterk. En jou slegste eienskap? Ek stel uit. Ek is ’n bietjie te veel van ’n perfeksionis and that causes procrastination.…

OP DIE agtergrond speel die kitaarklanke van die ou Britse rockgroep Dire Straits. Die musiek volg jou terwyl jy deur die sesslaapkamerhuis in Sonneglans in Johannesburg loop terwyl die eienares haar gesig laat poeier en uitrustings vir haar fotosessie kies. Sommige van die slaapkamers, wat eens die veilige tuiste van haar drielingdogters was, is nou kaal en leeg. En tog vat dit niks weg van die jolige atmosfeer wat in die lug hang nie. Kyk ’n mens so na die bekroonde sangeres Nianell (52), sien jy geen aanduiding van hartseer nie. Daar is nie nou verlange in haar oë nie. Haar oë skitter weer vol vreugde ondanks die feit dat sy onlangs van haar drie tienerdogters moes afskeid neem. Hulle woon nou saam met hul pa in Nederland, waar Nianell…

t – teelepel/s e – eetlepel/s k – koppie/s LAMSVLEIS-EN-LENSIEKERRIE GENOEG VIR 4 MENSE / BEREIDING: 10 MIN. / GAARMAAK: 1 UUR ◗ 30 ml (2 e) groenteolie◗ 500 g lamsmaalvleis◗ 1 ui, fyngekap◗ 2 knoffelhuisies, fyngedruk◗ 15 ml (1 e) fyngerasperde gemmer◗ 60 ml (¼ k) kormakerriepasta◗ 5 ml (1 t) strooisuiker◗ 500 ml (2 k) groenteaftreksel◗ 500 g aartappels, geskil en in 2 cm-blokkies gesny◗ 1 x 400 g-blik tamatieblokkies◗ 1 x 400 g-blik lensies, gedreineer en afgespoel◗ 250 ml (1 k) bevrore ertjies◗ sout en varsgemaalde swartpeper VIR VOORSIT ◗ vars koljander◗ poppadums 1 Verhit die helfte van die olie in ’n groot, diep braaipan oor hoë hitte. Braai die maalvleis 6-8 min. tot bruin terwyl jy die klonte met ’n houtlepel opbreek. Skep die maalvleis uit…

BELANGRIK Tensy die aanbevole breidraad gebruik word, kan Saprotex nie verantwoordelikheid vir die eindproduk aanvaar nie. LET WEL Die aanwysings word vir die kleinste grootte gegee, met die groter groottes tussen hakies; waar net een getal gegee word, verwys dit na al die groottes. BENODIGDHEDE Elle Socks ’n More – Bon Voyage (100 g-bol): 1 bol in die kleur van jou keuse (ons het Rainbow Mountain 500 gebruik) Stel knoplose breipenne elk van 2,75 mm en 3,25 mm GROOTTE Pas vir skoengrootte: Kind 6-8(9-12;13-3) Volwassene 4-6(7-9;10-12) Lengte tot by hak: ±14(17;19;22;24;27) cm (verleng of verkort waar aangedui word) SPANNING 32 ste en 42 rye = 10 cm oor koussteek met 2,75 mm-penne. Vir die beste resultate is dit noodsaaklik om die regte spanning te verkry. As daar te min steke…

RAM 21 MAART – 19 APRIL Hoewel Venus, wat op die 5de by jou teken inbeweeg, en die nuwemaan op die 8ste dui op ’n nuwe begin, kan jy nie ontsnap van die knaende gevoel dat alles nie pluis is nie. Dit kan moeilik wees om jou vinger te lê op presies wat die probleem is. Op die oomblik is alles dalk nog in jou onderbewuste en moet dit nog na die oppervlak kom. BUL 20 APR – 20 MEI Jy sal baie baat vind daarby om laag te lê. Nie net beweeg jou heersende planeet, Venus, in ’n area van jou horoskoop in wat ek-tyd voorstel nie, maar die kombinasie van Mars en Saturnus in jou vriendskapshoroskoop op die 10de dui daarop jy is vir eers op jou eie.…

GEWELD TEEN VROUE: DIT IS TYD DAT MANS BEGIN PRAAT Saamgestel deur BERNARD LATEGAN, JODY HENDRICKS, KOPANO RATELE, WILLEMIEN BRÜMMER en CHRIS JONES Naledi, R260 “Dit is ’n belangrike boek; ’n goeie begin vir ’n noodsaaklike gesprek,” skryf die filosoof Azille Coetzee agterop Geweld teen vroue: Dit is tyd dat mans begin praat. Hier is ’n paar kort uittreksels: “As ek na my vyf sibbe kyk en ek sien die omvattende impak wat ’n (gewelddadige) emosioneel afwesige pa in hul lewens gelaat het, maak dit my baie bedroef. “Ek sien die leemtes in hul happiness, die residu van jare lange onverwerkte trauma; oor hoe ons skurk en held tragies aan sy einde gekom het; maar meer nog, oor hoe hy nie daar is om elk van sy kinders se uiteindelike…

PRAKTIESE OU “Gaan jy vir my ontbyt in die bed maak?” vra die vrou hoopvol toe sy op Valentynsdag wakker word. “Nee, jammer,” antwoord haar man terwyl hy omdraai om verder te dut. “ ’n Mens kan net ontbyt in die kombuis maak.” JOHANNA RADEMEYER BOSTELEGRAAF Net ná die pandemie, toe die kerke weer toegelaat is om dienste te hou, moes dominees kopkrap oor watter 50 lidmate by die diens toegelaat sou word. Een dominee het toe ’n briljante oplossing vir die probleem gevind – kies die 50 mense wat die meeste skinder. Hulle sal dan die boodskap uitdra. LOUISE NOETH INFLASIE Eiendomsagent aan hoopvolle paartjie: “Ons het wel een eiendom in jul prysklas gehad, maar ek is bevrees ons het dit in 1969 verkoop.” WOLLIE, PRETORIA NOODGEVAL Hendrik word…

MEXIKO In Mexiko berei families uitgeholde hoendereiers voor wat cascarones genoem word. Die woord beteken eierdop. Eers word die eier leeggemaak, en dan word dit met helderkleurige konfetti gevul. Op Paassondag word die eiers dan op mense se koppe gekraak en word hulle bestrooi met die konfetti. Daar word geglo die persoon op wie se kop die eier gekraak word, sal geluk ervaar in die lewe. BRASILIË In Brasilië word daar groot feesgevier rondom Paastyd. Baie gemeenskappe in die land hou straatparades met tradisionele kostuums en musiek. In die stad Ouro Preto word die kruisiging van Jesus uitgebeeld met ’n parade. BERMUDA In die dae voor Paasnaweek begin mense in Bermuda vlieërs versier. Die vlieërs is gemaak van hout, lyn en helderkleurige papier. Op Goeie Vrydag gaan families en vriende…

Nog ’n prettige seisoen van Die Babbelbende is nou volstoom aan die gang! Kyk saam na seisoen 2 op huisgenoot.com. In dié aanlyn kinderreeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hulle speel-speel meer oor ons wêreld leer. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes Dis nie nodig om ingeteken te wees op Netwerk24 om Die Babbelbende te kyk nie. Besoek ook media24shop.com om jou eie Paloeka- of Palawa-pop of die Babbelbende se Groot Storieboek te bestel. Kom…

In elke uitgawe van Huisgenoot wat jy vashou, moet taalredigeerders soms haastig, soms onder baie druk, vinnige besluite neem oor woorde. Maar baiekeer wroeg hulle eers iets verskrikliks daaroor. Hulle ploeter rond tot hulle die regte een kry. Dis die storie agter die storie. Vandeesweek praat ons met kinders op ons “In die Klaskamer”-bladsye (bl. 70 en 72) oor kunsmatige intelligensie. Dis maklik en gerieflik om ’n afkorting uit te dink met die eerste letters: “KI”. Maar dan staan ’n mens voor ’n ander uitdaging: KI staan in Afrikaans al klaar vir iets: “kunsmatige inseminasie”. En dis natuurlik iets heeltemal anders. Boonop is kunsmatige intelligensie een van verskeie benamings wat ongemaklik sit in Afrikaans omdat die term wat ons almal daarvoor gebruik reeds oral gevestig is. Ons hoor en sien…

DIE sweet spat, want die kwik staan kort duskant die 40 grade hier in die wolskuur. Hy knyp ’n merinolam tussen sy bene vas en laat die elektriese skeermasjien oor die dier se lyf gly. Skaars twee minute later lê die wol op die vloer, en Tienie du Plessis gryp die volgende skaap. Sy gespierde bolyf blink terwyl hy met ritmiese, geoefende hale werk, en binne ’n halfuur is 15 lammers onder sy hande deur. Dan roep die skaapboer en professionele skeerder van Steynsburg in die Oos-Kaap eers halt. Ons maak aanstaltes na die plaasopstel terwyl Tienie (37) vertel hy is die vierde geslag Du Plessis hier op die grond wat sy oupagrootjie in 1860 gekoop het. In die koel plaasopstal drink ons koue water en gesels skeersake, want Tienie…

ROOIROKBOKKIE MENG EN PAS VOEG BY! ROOI PATRONE MET TEKSTUUR KRY DIT HIER ACKERMANS 0860-900-100; ARCHIVE 0860-834-834; COTTON ON 087-550-4383; DUNNS 0860-900-400; EDGARS 0860-111-826; EXACT 0860-834-834; FOSCHINI 0860-834-834; IDENTITY 021-460-2400; H&M 0860-690-707; LOVISA 010-143-0780; MAKRO 0860-600-999; MANGO SHOP.MANGO.COM/ZA; MILADYS 0800-212-535; MR PRICE 0800-212-535; QUEENSPARK 021-460-9400; SUPERBALIST.COM; TAKEALOT.COM; THE FITZ JEWELLERY 082-300-8042; THE FIX 0860-834-834; TRUWORTHS 021-460-2300; WOOLWORTHS 0860-022-002; YDE 021-460-2500; ZARA.COM/ZA HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

MY MA IS BAIE HARDKOPPIG V My moedertjie is reeds in haar 80’s en woon steeds in haar eie huis. Sy hanteer die groot huis en haar tuin alleen; dit sluit selfs grassny in. Nadat sy verlede jaar ’n hartaanval gehad het, is sy effens swakker, maar sy weier hulp en gaan steeds op haar eie aan. My pa is twee jaar gelede oorlede en my ma het dadelik die motor verkoop, want sy wou nie langer bestuur nie. Daar is altyd vrywilliges wat haar help en sy betaal hulle vir die vervoer wat hulle aanbied. Tog sê sy altyd sy wil nie ’n las vir mense wees nie, want hulle het hul eie lewens. Sy weier om die huis te verkoop en in ’n oord te gaan woon. Alles…

1 HOE WERK DIT? Dis beleggings wat ná ’n vasgestelde tyd die opbrengs aan jou uitkeer. Jy kan maandelikse premies of ’n eenmalige bedrag betaal. En jy kan kies hoe jou geld belê word, byvoorbeeld meestal in aandele, eiendom of effekte. Die kontraktydperk wissel van vyf tot 15 jaar. Dit sal uitbetaal op die vervaldatum of wanneer die polishouer sterf. Sommige het ’n premiekwytskelding ingeval die polishouer sterf. Die versekeringsmaatskappy sal dan die oorblywende premies betaal. Belasting op uitkeerpolisse gedurende die kontraktydperk word deur die beleggingsmaatskappy afgetrek. Om dié rede word die uitkeerbedrag nie belas nie. 2 DIE VOORDELE ◗ Dit moedig jou aan om gedissiplineerd te spaar. Omdat jy vir ’n vasgestelde tydperk belê, is jou toegang tot die geld beperk. Gewoonlik word jy net een onttrekking in die eerste vyf…

GROOT BLOKRAAI NO 2 538 KOMPETISIEVRAAG Watter land is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN TAFELBERG PLUS KOM IN AANMERKING VIR DIE MAANDELIKSE TREKKING VAN R1 000. Dié week wen een leser Anelia Heese se Diensplig (Tafelberg, R285). Anelia Heese hervertel die rou en soms skokkende stories van wit Suid-Afrikaanse mans wat in die 1970’s en 1980’s verplig was om weermagdiens te doen. In Diensplig praat van dié mans, sommige die eerste keer, openhartig oor hul ervarings. Sy gesels met die joernalis Murray La Vita, die skrywer Deon Lamprecht, genl.maj. Roland de Vries en ander oor hul ondervindings in die leër. Die meeste dienspligtiges was eintlik maar nog seuns toe hulle moes…

1 Watter dier word met Paasfees geassosieer? 2 Wat is die grootste nasionale park in Suid-Afrika? 3 Tussen watter twee stede word die Comrades-marathon gehardloop? 4 Hoeveel tydsones is daar in Rusland? 5 In watter stad sal jy die Spaanse Trappe vind? ANTWOORDE 1. Hase 2. Die Krugerwildtuin 3. Durban en Pietermaritzburg 4. 11 5. Rome BRONNE BBC, THE GUARDIAN, LEARNINGRESOURCES.CO.UK, BILINGUALKIDS.COM, ATLASOBSCURA.COM, KIDS.BRITANNICA.COM, KIDS.NATIONALGEOGRAPHIC.COM, GOTOBERMUDA.COM, HISTORY.NET, TWINKL.CO.ZA…

Vind die pad Verbind die kolle Kleur die prent in wanneer jy klaar is Kleur in Kleur die prent hier onder in om die karakters lewe te gee! Wie pas nie? Vergelyk al 6 prentjies hier onder en vind die een wat nie pas nie. Soek 8 verskille KUNG FU PANDA 4 WEN! Drie lesers kan elk ’n Kung Fu Panda-geskenkpak ter waarde van R1 600 wen. Die geskenkpak sluit in: ’n T-hemp, plakkerstel, tatoeblad, potlood-gesiggies en ’n volledige inkleurpotloodstel, magnete, potloodsakkie en ’n kossakkie met lae. MS die antwoord op die vraag en jou naam, van en afleweringsadres deur die dag na 33150* teen 17:00 op 11 April. VRAAG Wat is die naam van die hoofkarakter in Kung Fu Panda 4? *ELKE SMS KOS R1,50. JY MOET DIE GEREGISTREEDE…

EERS enkellopend, toe verlief, en nou weer enkellopend. Alles het so vinnig gebeur. Die een oomblik was sy heel gelukkig op haar eie – op haar “eish”, kan ’n mens byna sê – en die volgende oomblik het sy op die nippertjie besluit sy gaan voor die televisiekameras om die akteur Francois Jacobs se hart meeding. Twee weke later was sy tot haar verbasing smoorverlief. ’n Wipwarit het gevolg: liefde, ’n verhouding, die kollig . . . Voor sy haar kon kry, moes sy vrae uit alle oorde aanhoor: Wanneer kom ’n ring? Wanneer kom ’n baba? En toe, die dag ná Valentynsdag, word die ontknoping openbaar: Dis verby; hul verhouding het verbrokkel. “Ons is opreg lief vir mekaar en sal die vriende wat ons in mekaar gevind het vir…

DIE lewe is ’n malende kolk, word daar mos gesê. Maar een keer elke nou en dan, soos met die koms van Paasnaweek, kom die dolle gejaag vir net ’n oomblik tot ’n stilstand – dan is dit tyd vir liefde, samesyn . . . en paaseiers! Marciel Hopkins, Carina Nel, Ingrid en Denver Vraagom en Greteli de Swardt vertel wat Paasfees vir húlle spesiaal maak. MARCIEL HOPKINS Wat is julle Paasnaweekplanne? Ons is opgewonde oor Paasnaweek dié jaar, want my skoonsussie, Marelize, haar Italiaanse man, Valerio, en hul drie kinders, Christian en sy tweelingsussies, Nicole en Chloë, kom kuier spesiaal uit Italië by ons in die Kaap. Ek sien baie uit na die kosbare tyd saam, want tot kort voor dit is ek druk besig met die opname van…

Tennis se topspeler, NOVAK DJOKOVIC (36), het aanhangers teleurgestel toe hy onlangs aan die Miami Ope onttrek het. Hy het egter die kans gebruik om die stad se heerlike weer te geniet, en het op die strand gaan hardloop voor hy saam met vriende gaan swem en handtekeninge uitgedeel het. Net ’n paar dae voor die toernooi begin het, het hy in ’n verklaring gesê: “In dié stadium van my loopbaan vind ek ’n balans tussen my professionele en privaat program.” Dis dus ’n pluimpie vir hom.…