Innholdsfortegnelse for 14 March 2024 i Huisgenoot

1 DIE WAPAD IS ONS WONING Engela Erasmus, Marina Venter en Daleen Osborne toer die land plat met hul konvooi van drie kampeerbussies Ek sal julle graag eendag wil join. Ek het ook my eie kampeerbussie, maar nie genoeg moed om dit alleen te doen nie. Geniet dit! Dit was ook my en my man se droom om eendag lankstaankampeerders te wees. YOLANDA Fantasties. Dit is ook op my lys om te doen. So gaan ek nie oud raak deur by die huis te sit of in ’n ouetehuis nie. Suid-Afrika het soveel mooi plekke wat ek nog nooit gesien het nie. ’n Mens is nooit te oud om dit te beleef nie. MARGARET Marina, die vryheid van kamp en hierdie leefwyse is seker in ons bloed! Min waarde aan…

JY MOET drié keer kyk voor jy heeltemal besef hoe merkwaardig dit wat hier gebeur in werklikheid is. Met die eerste oogopslag sien jy ’n troue, taamlik tradisioneel, maar pragtig. Die fraaie blonde bruid glimlag breed op haar spesiale dag. Haar oë vonkel. Tot oor haar ore verlief. Langs haar staan die trotse bruidegom. Met die tweede kyk kom jy agter hier is iets meer aan die gang – nóg ’n bruid en nóg ’n bruidegom, ’n tweede paartjie, effens ouer. Oukei, dink jy, dis ’n dubbeldoortroue, ’n dubbele skoot liefde sommerso op dieselfde dag in dieselfde venue. Die derde kyk verklap nie dadelik veel meer nie; jy moet móói luister wat die mense jou vertel voor jy besef watter ongewone ding vandag voor jou afspeel: ’n ma en dogter…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vra virirma@gmail.com of SMS Vra vir Irma gevolg deur jou vraag na 36489. EK IS BAIE EENSAAM V Ek is nou al ses jaar ’n weduwee en ek vra die Here baie vrae daaroor. Ons huwelik van 20 jaar was mooi en ek was nooit in ’n ander verhouding nie. Ek het twee kinders en ook twee kleinkinders. Sedert my man se afsterwe het dit moeilik begin gaan. Ek is so eensaam en alleen. Ek…

VISSE (19 FEBRUARIE – 20 MAART) Jy is in jou element met dié dat die son en Neptunus in jou eie teken saamspan. Jy dagdroom alte lekker. Dit kan ook beteken dat jy meer heldersiende of intuïtief as gewoonlik is, asof die sluier tussen die verskillende wêrelde vir ’n oomblik lig. Moenie meegevoer raak nie en hou jou voete op die grond. RAM (21 MRT – 19 APR) As jy op jou intuïsie ingestel is, sal jy aanvoel jy moet jou vir ’n ruk skaars hou. Dit is ’n geskikte tyd om tot verhaal te kom, na te dink en nuwe voornemens te stel vir jou persoonlike nuwejaar wanneer die son op die 20ste jou teken gaan binnekom. Tot dan sal jy geneig wees om te veel op jouself te…

PHOEBE: ’N LEWE SAAM MET JAKES GERWEL Deur RACHELLE GREEFF Boekdiva-uitgewers, R300 Die eerste Gerweltjie is op pad. Sy was jonk, gesond en gelukkig. Dit het goed gegaan met haar en die baba – tot die dag in haar tweede trimester toe ’n roetineondersoek haar buitengewone hoë bloeddruk aan die lig bring. Sy moet dadelik opgeneem word, want sy het preëklampsie. Phoebe het twee maande lank plat op haar rug gelê in Groote Schuur-hospitaal. As dit ’n dogtertjie is, besluit sy en Jakes, gaan sy Ann-Marie wees. Vernoem na hul vriendin die Ierse non. Op haar agtste maand, terwyl sy steeds in die hospitaal is, raak die baba ongewoon stil. ’n Noodkeisersnee word gedoen. Toe Phoebe agterna wakkerword, is sy terug in die saal. Sy vra na haar baba. Sonder…

WERKLIKHEIDSPROGRAM Gehoor van die kompetisie om te sien wie die meeste gewig aangesit en wie die meeste hare verloor het? Hulle noem dit ’n matriekreünie. LOUISE NOETH SKIMP Het jy al gewonder hoekom kry ’n mens ’n sleutel as geskenk van jou ouers wanneer jy 21 word? Dis net ’n mooi manier om vir jou te sê dis nou tyd om jou eie blyplek te gaan soek. DENISE, PRETORIA VALENTYNSFLOP Kallie: “Hoekom het jy ’n blou oog?” Mike: “Nee, gister was mos Valentynsdag. Toe staan ek vroeg op en maak ’n spesiale ontbyt. Spek, wors, eiers, lemoensap, koffie, de lot. Toe my vrou wakker word en dit sien, toe pot sy my.” Kallie: “Maar hoekom dan?” Mike: “Ek het nie vir haar ook gemaak nie.” EMMIE, MOSSELBAAI KORT WERKDAG Bedelaar…

1 Waar is die hoogste punt in Suid-Afrika? 2 Watter land staan as die “land van silwer” bekend? 3 In watter museum word die Mona Lisa uitgestal? 4 Wanneer word Suid-Afrika se volgende nasionale verkiesing gehou? 5 In watter Disney-fliekreeks verskyn die gewilde karakters met die naam Minions? Antwoorde 1. Mafadi, op die grens met Lesotho: 3 446 m 2. Argentinië 3. Die Louvre 4. 29 Mei 2024 5. Despicable Me BRONNE KIWIKIDSNEWS.CO.NZ, YORKSHIREWILDLIFEPARK.COM, PORT.AC.UK, NEWSROOM.WCS.ORG, KIDSNEWS.COM.AU, BBC.COM, EDITION.CNN.COM, REUTERS.COM, ESPNCRICINFO.COM…

◼ Catherine Zeta-Jones as Griselda Blanco in die rolprent Cocaine Godmother van 2017. Die besluit om die Walliese aktrise in die rol van ’n Latyns-Amerikaanse vrou te plaas het kritiek ontlok. “Sy’s nie net onoortuigend nie; sy’s vreemd,” kla ’n resensent. ◼ Die sangeres Jennifer Lopez sal Griselda in ’n HBO-fliek speel wat sedert 2019 in die pyplyn is. “Sy is alles waarvoor ons in storievertelling en dinamiese karakters soek – berug, ambisieus, berekend, ysingwekkend,” het Jennifer gesê toe sy die rol aanvaar het. ◼ Sofía Vergara kry baie lof vir haar uitbeelding van Griselda. In onderhoude het sy vertel sy het elke dag ure lank in die grimeerstoel gesit om haar voorkoms reg te kry. “Hulle het baie aan my gedoen. Dit was tande, dit was ’n pruik, dit…

DOEN DIT SÓ Dink mooi hoe jy gaan kommunikeer. ’n Eerlike gesprek is die beste manier om ’n vriendskap tot ’n einde te bring, maar dalk is dit vir jou net te pynlik of moeilik om dit van aangesig tot aangesig te doen. Elke vriendskap is anders. Wees eerlik met jouself oor hoe jy jou vriendin wil benader. Of dit nou met ’n telefoonoproep, videogesprek, e-pos of ’n handgeskrewe brief is, kies wat die beste gaan werk. Kies jou woorde. Beskryf hoe jy oor die situasie voel. Maak stellings wat met “ek” begin, soos: “Ek voel dat …” eerder as stellings wat met “jy” begin, soos: “Jy is te besitlik/manipulerend/swartgallig …” Wees nugter. Dalk voel jy ’n stywe dop sal jou die moed gee om die gesprek te hê, maar…

BEURTKRAG, vrot tande, Springbokrugby, en hoe om mense op jou foon te blok as hulle vir jou stres veroorsaak. Dis alles onderwerpe waaroor baie mense menings het en graag gesels. Maar een van dié mense, Schaney van Wyngaard van Oudtshoorn, het haar geselsies oor dié alledaagshede op die internet begin uitsaai. Daarvoor het sy nie spesiaal aangetrek nie, en ook geen spesiale effekte of videoredigeringsfoefies ingespan nie. Sy het bloot voor haar selfoon haar plek ingeneem en begin klets. Wat sy ook al gedink het die uiteinde sou wees – sy sou moeilik kon voorsien dat haar video’s sou lei tot ’n glansaand in ’n Kaapstadse wolkekrabber, waar sy soos ’n wafferse Oscarwenner in ’n ivoorwit aandrok na vore geroep sou word om voor ’n gehoor van mediamense en internetsterre…

DANÉ DE WAAL Die Diepe waters-aktrise en haar suster, IZANNE, het elke oomblik saam geniet toe sy onlangs in Suid-Afrika kom kuier het. “My sussie bly al ’n paar jaar in België, maar ons het steeds ’n sterk band,” sê Dané oor haar ousus. Sy is mal oor haar Zankie, soos sy haar noem, se spontaniteit. Maar as dit by Izanne se tydsbestuur kom, voel Dané dikwels soos die ousus. “Sy kan ontsettend draai en tyd mors. Dit vat dubbel die hoeveelheid tyd om haar by die huis uit te kry as vir die normale mens, maar ek het haar steeds ontsettend lief.” AUGUSTA ZIETSMAN Ouboet BEN was nog altyd haar rots. “Hy is my beste vriend en bly in dieselfde stad as ek, so ons braai amper elke naweek.…

DIE Britse supermodel NAOMI CAMPBELL het ’n nuwe man in haar lewe. Die afgelope paar maande is Naomi (53) gereeld saam met die Saoedi-Arabiese multimiljoenêr Mohammed Al Turki (37) gewaar. Hulle is al van 2021 af vriende, maar ’n nuwe vonk het tussen hulle ontstaan toe Naomi onlangs vir ’n ruk in Dubai gewerk het. “Naomi is baie kieskeurig oor saam met wie sy tyd deurbring, en sy het geheg aan Mohammed geraak,” sê een bron. “Hulle het oor hulle liefde vir mode en kuns ’n band gevorm en het baie vriende in gemeen. Sy lyk op die gelukkigste wat sy nog was.” Hulle is pal in mekaar se geselskap en het verlede maand die Baftas saam in Londen bygewoon. ‘Daar is so baie verskillende oomblikke in ons lewe waar…

SATURDAY Night Fitness is Suid-Afrika se grootste oefenpartytjie. En vanjaar se partytjie was ’n reuseendorfieninspuiting by die Grand West Casino in Kaapstad, met musiek, ligte en hope lycra. Die partytjie behels ’n reeks oefen-sessies wat ononderbroke aangebied word. Eerste aan die beurt was ’n baie energieke opwarmingsessie saam met Ceri Hannan. Dit is gevolg deur die legendariese Queen Fitness se gewilde HIIT-klas. As jy haar Instagram-rekening volg, sal jy weet niemand doen HIIT-oefeninge presies soos sy nie! Dit is gevolg deur ’n dansklas met die span van Rockingnheels en ’n heerlike, kalmerende jogasessie met die weergalose Noks Jada van Earthchild Africa. Laaste, maar beslis nie die minste nie, was ’n uitdagende dans-kardiosessie saam met Fitness Icon! Tussen al die aksie deur het Siv Ngesi vir ekstra woema gesorg. Daar was…

DIT was toe nie ’n leë Coca-Cola-botteltjie uit die lug wat die lewe van N!xau onherroeplik verander het nie. Maar dit wás die kamera van die vervaardiger Jamie Uys. En tog nie. Toe die Boksburg gebore fliekmaker ’n onbekende Namibiese bestaansboer kies vir die hoofrol van sy 1980-fliek wat die wêreldtreffer The Gods Must Be Crazy sou word, het N!xau nog min ge- weet van dinge soos onderhandeling, betaling, tantieme en regte. Hy was ’n man van die veld en het volgens oorlewering so min omgegee vir geld dat hy sy eerste tjek vir $300 laat wegwaai het in die wind. Hy is later ook met 12 beeste vergoed. Maar toe die fliek oorsee uitgereik word, loop die riemtelegram, en gehore wat niks verstaan van hoe ons wêreld hier aan…

Wat is geluk vir jou? Tevredenheid met jouself. Wanneer en waar was jy op jou gelukkigste? By my huis saam met my man en katte. Waarmee hou jy jou die graagste besig? Ek hou van TV kyk. Wat sou jy anders doen as jy jou lewe kan oorhê? Ek sou ’n pragtige kasteel gekoop en in die Highlands van Skotland gaan bly het. Wie sou jy die graagste vir ete wou nooi? Vir seker Madonna. Wat sou jy dan vir ete maak? ’n Heerlike hoenderdis. Wat braai jy die graagste? Skaaptjoppies. Met die vet aan. Wie is jou gunstelingfiksie-karakter? Minnie Muis. Sy’s vreeslik slim. Wat is jou gunstelingwoord? Dis ’n vloekwoord. Wat is jou gunstelinggesegde? Wie nie waag nie, gaan nie wen nie. Wie sal jou speel in die fliek oor jou…

1 WAS VIR GOEDKOOP Jy het nie ’n spesiale reiniger vir jou grimeertoerusting nodig nie. Babasjampoe werk goed om oorblyfsels van produkte van kwaste te verwyder. BEPROEF Johnson’s Baby Shampoo R76,95 vir 500 ml, Dis-Chem 2 WEGGOOI-BORSELTJIES As jy sensitiewe oë het, verruil die standaardborseltjie vir weggooi-borseltjies om ’n ekstra paar weke uit jou maskara te kry. Jy sal geld spaar ook. BEPROEF Maskaraborseltjies  R82 vir ’n pak van 12, Takealot 3 NUTTIGE BÊREHOUER Laat produkte soos onderlaag of verbloemer regop staan, want dit sal die kans verminder dat dit uit vorm uit smelt. Wanneer al jou produkte daar is waar jy dit kan sien, is daar ’n groter kans dat jy dit gaan gebruik. BEPROEF Bêrehouer van hout R156, Superbalist KRY DIT HIER DISCHEM.CO.ZA; SUPERBALIST.COM; TAKEALOT.COM HOEWEL ONS ALLES IN…

‘SÊ MY net hoekom?” Mila kyk na haar ma se kneukels wat wit om die stuurwiel span op pad kerk toe. Die beneukte trek om haar mond laat haar ouer lyk as die 46 jaar wat sy is. “Jy het gesê jy wil oom Nico ontmoet?” “Ek wou.” Die swarigheid wat hom ná die fiasko die vorige aand in Mila se borskas kom tuismaak het en haar vanoggend nog steeds met beskuldigings bombardeer, breek die hartseer in haar oop. “Dis oukei.” Haar ma se hand vou sag om haar vingers. Mila weet regtig nie wat haar die vorige aand besiel het nie. Sy het, nes dit enige goed opgevoede 14-jarige betaam, haar ma se tweede kans op liefde by die voordeur gaan groet. Met haar beste pokergesig die baggy jeans…

GROOT BLOKRAAI WEN ’N BOEK VAN QUEILLERIE PLUS KOM IN AANMERKING VIR DIE MAANDELIKSE TREKKING VAN R1 000. NO 2 535 KOMPETISIEVRAAG Watter soort huisdier is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Rudie van Rensburg se Kamikaze (Queillerie, R345). Kassie Kasselman is kriewelrig. Hy is sy lewe lank poeliesman, maar wragtag – wat hy nóú oor sy geliefde SAPD in die media lees en self sién in kolonel Daniels se kantoor by die stasie in Nuweland! Kassie het juis ’n ander werksaanbod gehad … En dan moet dit natuurlik só kom dat hy in die middel van sy loopbaankrisis teen die grieseligste moordenaar nóg te staan kom. Die Pion se moordloopbaan strek terug…

TIKTOK is in die moeilikheid by die Europese Unie. Al weer. ’n Europese kommissie ondersoek of die platform ’n reël verbreek het wat te doen het met die beskerming van kinders. Hulle oortree dalk ’n ander reël oor advertensies ook. Die kommissie sê TikTok se algoritme (sien Woord van die Week) stel inhoud voor wat verslawend kan wees vir kinders. Hulle sê omdat TikTok miljoene kinders en tieners bereik, wil hulle met sekerheid weet die reëls word nagekom. TikTok is in 2023 met R7 miljard beboet toe hulle kinders onder die ouderdom van 13 se inhoud openbaar beskikbaar gemaak het. As hulle skuldig bevind word, sal TikTok se eienaars, die Chinese maatskappy ByteDance, ’n deel van hulle winste moet betaal as boete. TikTok het gesê hulle sal voortgaan om met…

VIR baie jare al verstaan mense hoe belangrik kulturele en historiese voorwerpe is, asook die noodsaaklikheid om dit te bewaar. Deesdae kan jy digitale beelde en enige inligting oor ’n onderwerp dadelik aanlyn besigtig, sommer op jou foon, iPad of rekenaar. Maar wat van al die onvervangbare voorwerpe waaroor ons in die geskiedenis leer? Dinge wat dalk die verloop van die geskiedenis verander het, of oorblyfsels van tye voor mense op aarde was? Hierdie voorwerpe word veilig bewaar in enige van die meer as 95 000 museums oor die wêreld heen. WAT IS MUSEUMS? Die woord “museum” kom van die antieke Griekse woord “mouseion” wat ’n plek of tempel beskryf wat aan die muses gewy is. In die Griekse mitologie was muses godinne van letterkunde, wetenskap en kunste. Die vroegste…

Nog ’n prettige seisoen van Die Babbelbende is nou volstoom aan die gang! Kyk saam na seisoen 2 op huisgenoot.com. In dié aanlyn kinderreeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer oor ons wêreld leer. Besoek huisgenoot.com, kliek op “HG Junior” heel bo en daarna “Die Babbelbende” om al die episo des te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Oor naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook media24shop.com om jou eie Paloeka-of Palawapop of die Babbelbende se Groot Storieboek te bestel. Bly ingeskakel…

DIE dood wag vir ons almal. In ’n hospitaalbed, by ’n motorongeluk, agter ’n geslote badkamerdeur. Hy vind ons almal. Vir dr. Linda Liebenberg het die dood elke dag by die werk gewag. ’n Mens verbeel jou hy sit in ’n wagkamer en blaai deur ’n Huisgenoot. Linda word op 61 as een van die beste forensiese patoloë in twee lande gereken. In haar 32 jaar in die staat se patologiediens het van ons bekendste lyke onder haar hande beland. Die maer, swartgeklede vrou sit op ’n rusbank in haar huis in Bellville. Sy vee ’n lang vlegsel oor haar skouer en haar groen oë vonkel. “Ek was verslaaf aan my werk. Dis nie iets wat jy uitsoek nie. Dié werk kies jou. Ek was al dikwels gefrustreerd, maar nooit,…

VERLOOF OP 28 JANUARIE WILLIAM EN SUMÉ Hoe lank het jy die groot vraag beplan? Toe ek haar 14 jaar terug ontmoet het, het ek dadelik geweet sy is die een – en vandag is sy steeds. So toe ek ná Die brug besluit het ek wil haar vra om te trou, het ek nie lank daaraan beplan nie. Was Sumé verras? Ja, sy het van absoluut niks geweet nie. Ons was besig met ’n branderplanksessie in Paternoster toe ek haar gevra het. Die fotograaf se tydsberekening was perfek – ek het selfs met die surfing-instrukteur gereël om drone footage te kry. Ek het geweet haar aandag gaan op die water moet wees, so dit was die perfekte oomblik om die vraag te vra. Waarna sien julle uit? Ons sien…

Ons kan groot syfers op twee skale tel. Die eerste is deur die ou Franse uitgedink: duisend, miljoen, miljard, biljoen, biljard, triljoen, ens. Dit vat lank om bo te kom, so dis die lang skaal. Afrikaans het hom geërf. Die kort skaal loop so: duisend, miljoen, biljoen, triljoen, ens. Baie mense dink dis Amerikaans, maar nee. Ander ou Franse het hom óók uitgedink. Amerika het dit by hulle gevat, maar teen die middel van die 20ste eeu het al die soorte Engels dit omarm. Afrikaans is ’n klein “langskaal”-taal in ’n groot “kortskaal”-land. Ons miljard is die Engelse “billion”. Ons biljoen is die Engelse “trillion”. So 1 000 miljoen is 1 miljard in Afrikaans, maar “1 billion” in Engels. ’n Biljoen in Afrikaans is ’n syfer so groot, jy moet…

HOEVEEL geld is genoeg om die pyn te genees nadat jy en drie van jou boeties jare lank verkrag is? Maak R5,95 miljoen op vir die verlies aan jul onskuld? Help dit julle deur die trauma waarmee julle jare later nog rondloop? Nee, waarskynlik nie. Hierdie bedrag skadevergoeding, wat Shane* met sy drie jong broers en sy ma deel, is die naaste ding aan geregtigheid wat hulle gaan kry. Maar die letsels wat hul oom, iemand wat hulle vertrou het, aan hul siel gelaat het, sal moontlik nooit genees nie. Onder die dinge waarvoor dié geld moet probeer opmaak, is die skuldgevoel waarmee Shane loop omdat hy nie sy drie boeties teen dié monster van ’n oom kon beskerm nie. Hy – die oudste seun – was die eerste een…

GEPUNTE KATHAKKE Oophakskoene met skerp punte en ’n kathakkie is vanjaar gewild, soos dié gas, heel regs, by die New Yorkse Modeweek wys. OORVOU-STEWELS By die New Yorkse Modeweek spog dié gas met een van die seisoen se prettigste skoene – die oorvoustewel. BLOKHAKKE Die moderedakteur en skrywer Nikki Ogunnaike stap hier saam met ’n gas by die Paryse Modeweek. Hulle lyk albei klassiek in blokhakskoene. ENKELSTEWELS Die aktrise Tina Leung dra swart enkelstewels en swart kouse by die New Yorkse Modeweek. DERBYS ’n Gas by die Paryse Modeweek dra bonkige derbyskoene – perfek vir ontspanne én meer formele uitrustings. MOTORFIETS-STEWELS ’n Gas by die Paryse Modeweek is klassiek én cool in sy motorfietsstewels. AANGLIPSKOENE Die musikant Arthur Robert dra denim op denim tesame met ’n klassieke paar aanglipskoene by…

PLANT HIERDIE BOLLE Kry ’n sonnige, goedgedreineerde grondkol en plant lentebolle. ■ Anemone■ Babiana■ Freesia■ Ixia■ Lachenalia■ Ranunculus■ Sparaxis■ Tritonia■ Watsonia Voed bolle elke twee weke met kos vir bolplante sodat dit baie blomme sal dra. GROENTE Pluk jou laaste somergroente soos tamatie, eiervrug en soetrissie, en trek die plante uit. Berei die grond voor vir nuwe groente deur kompos en beenmeel by te voeg. SAAI ■ beet■ boerbone■ kool■ wortels■ blomkool■ krulkool■ blaarslaai■ sampioene■ uie■ ertjies■ radyse■ spinasie■ raap BOME EN STRUIKE Dit is ’n goeie tyd van die jaar om struike en bome by jou tuin te voeg. Jy kan nuwe roosbosse ook plant, want hulle wortels sal goed vestig en hulle sal in die lente nuwe blare kry. Goeie opsies vir ’n klein tuintjie sluit in witolien-en…

Baie van ons interaksie met ander vind deesdae aanlyn plaas. Maar dit beteken nie jy kan in die wilde, woeste weste van die web maak nes jy wil nie. Net soos in die werklikheid, geld daar riglyne en reëls – ook vir die manier waarop jy met ander kommunikeer. 1 WEES RESPEKVOL As jy iets nie in persoon vir iemand sal sê nie, moet dit nie aanlyn sê nie. Jy praat nie met ’n masjien nie, maar met ’n regte mens. 2 LEES EERS VOOR JY VRA Lees eers mooi deur die inskrywing waarop jy wil reageer om te sien of dit wat jy wil vra of sê nie reeds beantwoord of genoem is nie. ’n Mens luister tog eers voor jy reageer, en jy herhaal nie klakkeloos ander mense…

VIR die eerste keer in 51 jaar het ’n Amerikaanse tuig weer op die maan geland. Die sending is gereël deur die ruimtevaartmaatskappy Intuitive Machines met verskeie kliënte, waarvan Nasa die grootste was, maar daar was ook heelwat ander. Die tuig se naam is Odysseus. “Odysseus” (of Odusseus, soos ons dit meestal in Afrikaans skryf) was ’n mitologiese Griekse koning wat ’n lang reis afgelê het. Hy is die hoofkarakter in die epiese gedig die Odussee. Die tuig, wat die bynaam “Odie” gekry het, het op 22 Februarie vanjaar naby die suidpool van die maan geland. Daar is geen bemanning aan boord nie. Odysseus is die eerste kommersiële tuig wat op die maan land. Dis net meer as ’n maand nadat Boeing en Lockheed Martin se Peregrine misluk het op…

ALGORITME Die Persiese wiskundige Mohammad ibn Moesa al-Chwarizmi het in die jaar 813 Hindoesyfers begin gebruik om algebra in Arabies te ontwikkel. Hy word die “Vader van Wiskunde” genoem, en sy van – “al-Chwarizmi” – is in Latyn geskryf as “Algorismi”. Die woord “algoritme” het hieruit ontwikkel, dalk ook omdat stap-vir-stapinstruksies mense aan “ritmes” herinner het. SYFERSTORIES 45 Dis hoeveel truie Sophia Hayden van Washington in die VSA op een slag aangetrek het. Dit is ’n nuwe wêreldrekord. Nie een van die truie het geskeur nie. Sophia het ná die rekordpoging die truie vir liefdadigheid geskenk. Die vorige rekord was 40, wat in 2022 deur die 11-jarige Thomas Hocquet-Umambo van Frankryk opgestel is. 41,6 °C Dit was die temperatuur op 21 Februarie in Kimberley in die Noord-Kaap. Dis die warmste…

“Ek sien uit daarna om trots op myself te voel in die toekoms, om dit regtig innerlik te voel en te weet dat ek goed genoeg is” Sy was al klaar supergewild danksy haar treffers soos “Good Days”. Ná haar laaste album, SOS, is sy nou een van die wêreld se grootste en mees bekroonde popsterre. Dis nog net die begin van groot dinge vir SZA. Haar nuutste liedjie, “Saturn”, is beslis een van ons nuwe gunstelinge. Maar alhoewel SOS in 2022 uitgereik is, is dit ná twee jaar steeds op die Billboard Hot 100! “Snooze”, van dié album af, was dan nog no. 7 op dié lys toe “Saturn” einde Februarie uitgereik is. Maar hoe goed ken jy dié Amerikaanse treffermasjien? Doen ons vasvra en kyk of jy ’n…

HAAR naam is Jenny. En al is sy nie meer vandag se kind nie, laat sy die koppe draai. Eers sien jy die rookpluim aankom; dan hoor jy die naderende gedruis. En dan die magiese oomblik wanneer jy haar groot, glimmende lyf sien nader stoom. Toe sy met ’n allemintige geluid van skreeuende remme tot stilstand kom, staan die skare op Hartenbos se stasie opgewonde nader om hul oë oor haar indrukwekkende kurwes te laat gly. Eenkant slaan drie mans die toneeltjie trots gade. Hulle is die Ekström-broers, eienaars van dié pragtige ou stoomlokomotief. Soos die jongste, Graeme (42), vertel: “Ons is met stoom in ons are gebore. Ons het al drie grootgeword met ons oupa aan moederskant, Claude Way-Jones, wat ’n stoomtreindrywer was.” Hul oorlede pa, Errol, was ewe…

KARLIEN VAN JAARSVELD Daar word mos gesê ’n mens kan nie ’n marathon aanpak as jy nie darem al ’n minder spannende padwedloop voltooi het nie, of hoe? Verkeerd – veral as jou naam Karlien is. Die sangeres het onlangs haar eerste 10 kmwedren aangedurf – en ja, selfs sy was eers onseker of sy dit sou kon voltooi. “Ek is nie ’n drawwer nie,” sê Karlien. “Ek het nog nooit eens ’n 5 km gedoen nie, maar toe sommer op die ingewing van die oomblik besluit om deel te neem aan ’n 10 km.” Dit was taai, maar sy is só trots. Haar man, JOE BREYTENBACH, was heelpad aan haar sy. “Hy was so opgewonde toe hy hoor ek gaan saam met hom deelneem, dat hy vir my ’n…

DAAR was ’n tyd toe niemand van die JUSTIN BIEBER-gier kon ontsnap nie. Hy is op elke musiekkanaal en radiostasie gehoor en het op die verhoog geboer, maar die sanger is deesdae ’n bietjie van ’n kluisenaar. Justin se aanhangers wonder al lank wanneer hy na die kollig toe sal terugkeer. Maar ’n video wat sy vrou, HAILEY BIEBER, se pa, Stephen Baldwin, onlangs gedeel het, het hulle van voor af oor hom bekommerd. “Christene, wanneer julle aan Justin en Hailey dink, bid asseblief dat hulle wysheid en beskerming sal hê en naby aan die Here sal kom,” skryf hy by ’n video waarin Justin (30) die gospellied “Could Sing of Your Love Forever” sing. Stephen het niks verder gesê nie, en mense wonder nou of hy oor die Biebers…

LEONARDO DiCAPRIO en TEYANA TAYLOR het in Sacramento, Kalifornië, die kwik laat styg toe hulle aan hulle nuwe aksiefliek, BC Project, geskiet het. Hulle het vuurwapens gerig op akteurs wat soos polisiemanne aangetrek is. In ’n stadium het Leo Teyana speels op die boud geslaan. Paul Thomas Anderson is die regisseur van die fliek waarin sterre soos Sean Penn, Regina Hall en Alana Haim ook rolle het. Aanhangers het in die strate rondgestaan met die hoop om die akteurs in aksie te sien.…