Innholdsfortegnelse for 29 February 2024 i Huisgenoot

1 FRANCOIS EN NYKIE VAN OP MY EISH! UIT Hulle het in 2022 in die maatsoekprogram Op my eish! verlief geraak, maar nou is als verby. Die glanspaar sê hulle gaan ná hul “groot avontuur van twee jaar” hul lewenspaaie apart loop, al is hulle nog lief vir mekaar Huwelike en verhoudings hou nie soos in die ou dae nie. Die generasie wat in die televisieera gebore is, is ’n verlore generasie, want televisie het die godheid in ons huise vervang. PIETER My ma is in 1938 gebore. En glo my, in daardie tye is daar ook maar lekker gekafoefel. Destyds is dit net goed weggesteek. Daar was selfs plekke waarheen ongehude moeders gestuur is. En toe was daar glad nie televisie nie. ERIKA Ag my hel, paartjies breek elke…

HY SOU wat wou gee om dié oomblik met sy beste vriend te deel. Hierdie oomblik wanneer die erkennings van hul eerste vollengtefliek oor die grootskerm rol. Daar staan hul name bymekaar. Draaiboekskrywers: Solomon Cupido en Bradley Olivier. Hoofakteurs: Solomon Cupido en Bradley Olivier. Vervaardigers: Solomon Cupido en Bradley Olivier. Maar vandag is net Solomon hier om hul name te lees wanneer die fliek wat hy en sy boesemvriend saam gemaak het landwyd vertoon word. Want Bradley is weg, maar op die skerm leef hy voort. En dis Solomon wat steeds aan die knop in sy keel moet sluk elke keer wanneer hy oor hul spesiale fliek praat. Die twee vriende het twee jaar lank aan hul fliek Frankie en Filipé gewerk voor dit in Augustus verlede jaar die eerste…

NÁ DIE feestyd het die sangeres Adele die gim met woema ingevaar, het sy onlangs aangekondig. Deesdae is sy twee of drie keer per dag daar om te sweet. “Ek wil terugkeer na my beste fisieke gesondheid, tot my boude kliphard is,” het sy gesê. Dit klink op die oog af na ’n baie goeie plan. Adele het haarself die laaste paar jaar heeltemal getransformeer. Eers het sy ’n paar rolletjies gehad, maar sy het haar met harde werk in ’n uurglas omskep wat die rooi tapyt in asemrowende aandrokke verower. En tog het Adele se uitsprake ’n alarm in die kop van die Britse joernalis Roisin Kelly laat lui. Sterre soos Adele kan dalk spog oor hoe woes hulle elke dag oefen, maar Roisin waarsku daar is ’n punt…

DIE fokus vanjaar is op Peach Fuzz. Nee, nie die fyn haartjies of dons op ons gesig nie, maar Pantone se kleur van die jaar. En hierdie sagte, warm kleur het ’n invloed op alles van mode tot skoonheid. “Dis ’n warm en knus kleur wat ons behoefte aan samesyn omhels. Pantone 13-1023 bring ’n vars benadering tot ’n nuwe sagtheid,” lui die aankondiging deur Pantone vroeër vanjaar op Instagram. Peach Fuzz, wat beskryf word as stralend, warm en modern elegant, lê iewers tussen ’n sagte pienk en ’n sagte oranje. En al is skakerings van perske reeds lankal een van die basiskleure in ons grimeersakkies, is dit nou die ideale tyd om die jeugdige lewenslus wat Pantone se PeachFuzz verteenwoordig te verwelkom. Dis ’n universele kleur en werk vir…

Jou liggaam het verskeie maniere hoe dit vir jou wys jy moet dalk ’n bietjie meer beweeg. Hier is vyf van sy noodseine. 1 JY IS SMIDDAE VODDE Voel jy gereeld asof jy ná middagete lus is vir niks doen nie? Jy wil net slaap en koffie help net mooi niks. Beweging help met bloedsirkulasie. Hoe meer jy sit, hoe meer slaperig sal jy voel. As jy opstaan of selfs net van posisie verander, sal dit jou help om wakkerder te voel. 2 GEWRIGSPYN As jy vir langer tye nie aktief genoeg is nie, kan dit lei tot chroniese gewrigspyn as gevolg van inflammasie in jou gewrigte. 3 JY’S GEREELD OLIK Almal weet oefening is goed vir jou, en dit kan keer dat jy kort-kort siek word. ’n Studie wat…

STASIESTORIES Sophie: “Is dit my trein hierdie?” Verveelde stasiemeester: “Nee, dame, hy behoort aan die Spoorweë.” Sophie: “Moenie probeer snaaks wees nie. Ek wil weet of ek hierdie trein Bloemfontein toe kan vat.” Stasiemeester: “Nee, juffrou, ek is bevrees hy’s te swaar vir jou.” SAN MARCHAND STRYKDEUR Kallie: “My ouma wil by die Weermag gaan aansluit.” Mike: “Jissie, op haar ouderdom? Vir wat nou?” Kallie: “Sy het gehoor hulle gaan ’n groot klomp soldate ontplooi.” HESTER, NAMIBIË ONTDEKKINGSREIS ’n Seun is besig met sy aardrykskundehuiswerk. Hy draai na sy pa en vra: “Pa, waar is die Andes?” “Moenie vir my vra nie. Vra vir jou ma, sy is die een wat alewig alles wegbêre in hierdie huis,” antwoord die pa. LOUISE NOETH LYFLIK Ná ’n sekere ouderdom is jou liggaam…

HENRI Strauss en Diandra Slabbert speel dominee Ben se kinders, Chris en Mari, in Diepe waters. Ons het ’n bietjie meer gaan uitvind oor die TV-sibbes wat ook in die regte lewe soos broer en suster is. DIANDRA SLABBERT VERTEL ONS OOR JOU KARAKTER Mari is tans in matriek en het saam met haar pa, dominee Ben (Eric Bouwer), en haar ouer broer, Chris, Johannesburg toe getrek. Haar grootste vrees is verandering en om haar pa of haar boetie te verloor. Ek is net so familiegedrewe soos Mari. My nabye familie is só belangrik vir my. Die uitdagendste deel van die rol was om teenoor Nadia Valvekens te speel. Nadia is ’n lieflike mens wat altyd raad vir my het wanneer ek onseker is oor iets. WAAR HET JY GROOTGEWORD?…

PAKKETTE BEGIN BY R299 Kry nou die nuwe Wiskunde-pakket Die splinternuwe Wiskunde-pakket bestaan uit video’s met verduidelikings wat leerders van graad 4 tot graad 6 kan help met onder meer maal- en deelsomme, breuke, geometriese patrone en somme oor tyd. Daar is ook werkvelle met memorandums wat jy kan aflaai om jouself te toets. Dié leerplangegronde pakkette is ook beskikbaar ■ Sosiale wetenskappe: Geografie■ Sosiale wetenskappe: Geskiedenis■ Lewensvaardighede > Elke pakket bevat ’n verskeidenheid goed nagevorsde artikels met foto’s, infografikas en video’s wat die inhoud op ’n toeganklike en interessante manier aanbied. > Dit is gegroepeer volgens vakke en onderwerpe en kan jou kind help om klaswerk te verstaan en huiswerk te doen. Dit kan ook help met mondelinge, take en ander skoolprojekte. Besoek huisgenootjunior.com…

DIE appel val nie ver van die boom nie, lui die ou gesegde. En hier op Groblersdal in Limpopo sal mense jou vertel: Daar steek baie waarheid in. Neem nou maar die Van der Westhuyzen-kinders, Emma-Lee (13), Jaco jr. (15), Ellené (17) en Nicole (20). Hulle almal het provinsiale kleure in die 100 m- of 200 m-wedloop. Van dié viertal het net Ellené nog nie die rekords laat spat nie, maar volgens alle aanduidings is sy haastig op pad om dit te doen. Wanneer mense wat die spruite nie ken nie hoor hul pa is die voormalige Springbok- en Blou Bul-agterspeler Jaco van der Westhuyzen (45), sal hulle dalk dink: “G’n wonder nie, hulle het sý sportgene geërf.” Maar hokaai, dis net die een helfte van die storie. Want die…

NEELS VAN JAARSVELD Die akteur was destyds die eerste vrygesel in Op my eish! – en toe ontluik sy en FLORINDA HEARN se TV-soektog na liefde in “regte egte liefde”. Die twee het in Julie 2021 hul verhouding openbaar gemaak. Hulle was toe ook al ’n geruime tyd verlief en was net meer as ’n jaar lank ’n paartjie voor hul paaie geskei het. Hulle het destyds gesê die verbrokkeling van hul verhouding is te wyte aan “faktore buite ons beheer”. Hulle wou nie daarop uitbrei nie, maar het gesê hulle is steeds vriende. Florinda het in Oktober in Clarens aan Armandt Grobler, ’n sakeman van Krugersdorp, verloof geraak. Neels en die kunstenaar Gerna Sivewright is deesdae in ’n verhouding. Hulle koer ook gereeld aanlyn, maar verkies om nie te…

Waar kom jou styl vandaan? Wardrobe department trek my eintlik aan. Wat verveel jou? Mense wat praat oor hulle probleme. I don’t care. Waaroor is jy spyt? Dat ek nie my license gekry het toe ek my eerste learners gehad het nie. Want ek is nou op my derde learners, en dit lyk nie so goed nie. Hoe sal die mense wat jou goed ken jou beskryf? Dramaties, huil baie, slaap baie. Watter eienskap bewonder jy in ’n man? A mystery. I don’t want to know what is going on in your life. Let me find out. Don’t tell me. Watter eienskap bewonder jy in ’n vrou? Jy moet net kwaai wees. Wie sou jy die graagste vir ete wou nooi? Marilyn Monroe. Hoekom? Ek wil haar vra: “Like, Norma…

‘EK IS TROTS OP DIE MA WAT EK VIR MY KINDERS IS, DIE VROU WAT EK VIR MY MAN IS, EN DIE SAKEVROU WAT EK. GEWORD HET’ DESTYDS het die opskrif op Huisgenoot se voorblad haar mylpaal uitbasuin: “Mej. Manjifiek word mondig!” Dit was haar eerste Huisgenoot-voorblad van haar eie, haar eerste as ons volwaardige voorbladster. In daardie uitgawe van 10 Maart 2005 het Huisgenoot berig oor die model se glanspartytjie om haar 21ste verjaardag te vier. Daar was 600 mense by die makietie in ’n nagklub in Kaapstad, en dis gehou in dieselfde tyd toe sy haar eerste groot oorsese modelkontrak geteken het. Haar loopbaan gaan blink wees, het Huisgenoot toe voorspel oor die Kaapse blondine wat op 15 die eerste keer op ons modeblaaie gepronk het. Ons het…

ZA’ATAR-LAMSKEBABS met GEROOMDE FETAKAAS LEWER 8 KEBABS / BEREIDING EN GAARMAAK: 25 MIN. ◗ 700 g lamslendestuk, in blokke gesny◗ 2 e gekapte origanumblare◗ 2 t fyngerasperde suurlemoenskil◗ 4 knoffelhuisies, fyngedruk◗ 2 e (30 ml) ekstrasuiwer olyfolie◗ 1 e za’atar, plus ekstra (sien resep onder)◗ sout en vars gemaalde swartpeper◗ 200 g sagte fetakaas◗ 125 g (½ k) natuurlike jogurt AFRONDING ◗ slaaiblare, komkommer en warm platbrode 1 Plaas die lamsvleis, origanum, suurlemoenskil, knoffel, olyfolie, za’atar en sout en peper in ’n mengbak en meng goed deur sodat die vleis heeltemal bedek is. Marineer 15 min. 2 Verhit ’n kleefvrye pan oor hoë hitte. 3 Ryg die lamsblokkies aan 8 metaalpenne en braai 6-8 min. tot gaar terwyl jy dit af en toe draai. 4 Klits die feta en jogurt…

HOE HELP EK MY VROU MET HAAR GEWIG? V Ná ’n huwelik van vyf jaar het ek en my vrou twee kinders. Die jongste is onlangs gebore en daar gaan nie nog wees nie. Ons beplan alles wat ons doen taamlik goed, en ek beskou ons huwelik as gelukkig. Ek is baie lief vir my vrou. Sy het ná die eerste baba nie weer gewig verloor nie, en nou, ná die tweede een, is sy meer as net plomp. Ek is glad nie skaam om saam met haar in die openbaar te wees nie, maar ek kan sien dat sy selfbewus is. Sy steek dit weg agter haar mooi glimlag. Gaan sy altyd so lyk ná haar twee swangerskappe of is daar iets wat ek kan doen om haar te…

SERVIKALE kanker eis jaarliks die lewe van meer as 3 000 vroue in Suid-Afrika. Dis naas borskanker die algemeenste kanker onder vroue in die land. Agt uit tien gevalle van servikale kanker word veroorsaak deur die menslike papilloomvirus (HPV), wat seksueel oordraagbaar is. Die Kankervereniging van Suid-Afrika (Kansa) stel voor dat tieners en vroue geïmmuniseer word teen dié virus voor hulle seksueel aktief begin raak. Meisies kan die inenting vanaf die ouderdom van nege kry. Die beste ander manier om voorsorg te tref, is om elke drie vir ’n Papsmeer te gaan. Dié prosedure kan deur ’n ginekoloog of sommige algemenepraktisyns gedoen word. Dit sal abnormale selle in die serviks aandui, oftewel die soort wat kankeragtig kan wees. Die Amerikaanse Centers for Disease Control and Protection beveel ook aan dat…

AAN DIE begin van ’n nuwe jaar wil ouers van jong kinders gerus wees dat hul kinders maats kan maak en nie ’n eenkantsiel bly nie. Vriendskappe het inderdaad die potensiaal om ’n kind se geluk en selfvertroue op skool en later in hul lewe te maak of breek, sê kenners. “Vriendskappe gee kinders nie net vermaak en steun nie; dit skep ook vir hulle die geleentheid om te leer hoe jy betekenisvol met ander mense omgaan,” sê Naomi van Wyk, ’n kliniese sielkundige van Stellenbosch. Maar hoe gemaak as jou skaam kind nou nie juis die klas se sosiale vlinder is nie? Alle vriendskappe begin by ’n vriendelike bekendstelling, sê Genevieve da Silva, ’n opvoedkundige sielkundige van Bellville; daarom moet jy jou kind leer hoe om mense te groet,…

FRANKIE EN FELIPÉ WAAROOR DIT GAAN Twee onnutsige halfbroers word geskei toe die een na ’n kinderhuis gestuur word. Toe een van hulle, Felipé Baadjies (Solomon Cupido), later deur ’n gevaarlike geldskieter gedreig word, soek hy sy lang verlore, suksesvolle broer, Frankie (die oorlede Bradley Olivier), op om geld by hom te leen. Frankie is nou Franklin Blaze, verloof aan Kim Fortuin (Kim Syster), en hul troue is om die draai. Kim is verheug om eindelik iemand uit haar geliefde se verlede te ontmoet en betrek Felipé summier by die troue. En dís waar alles begin skeefloop. Frankie besef dis ’n kwessie van tyd voor die kaartehuis wat hy gebou het – om Kim en haar gesin te beïndruk – gaan intuimel. En Felipé besef hy wil ook sy band…

GROOT BLOKRAAI NO 2 533 KOMPETISIEVRAAG Watter oortreding is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN HUMAN & ROUSSEAU PLUS KOM IN AANMERKING VIR DIE MAANDELIKSE TREKKING VAN R1 000. Dié week wen een leser Gerugte van ’n ontvoering deur Chris Karsten (H&R, R330). Wanneer Harry Grimbeek asemskep tussen sy gevaarlike omswerwinge in Afrika, kuier hy by sy geliefde ma in Johannesburg. Gusta is veral na aan sy hart nadat sy pa haar vir ’n jonger pop gelos het. Gelukkig weet Harry sy is veilig daar in haar penthouse wat sy deel met ’n erfstuk van groot waarde: Jong vrou en boek, geskilder in die 1400’s deur die Vlaamse meester Petrus Christus. Teen…

EEN van die eerste dinge wat ons op skool leer, is hoe om die tyd te lees. Ons leer ook dis belangrik om betyds te wees. Die onderwyser vertel ons ook hoe kalenders werk, want daar is belangrike datums deur die jaar wat ons help om ons lewe te beplan. Dink maar aan jou verjaardag – dis mos vir jou ’n baie belangrike dag van die jaar. As jy nie weet watter dag dit op die kalender is nie, kan jy dalk jou eie partytjie misloop! Baie lank gelede was daar wel ’n tyd toe daar geen horlosies en kalenders was nie. So waar kom dit dan vandaan? ➧ VROEGSTE VORME VAN TYDSBEREKENING Argeoloë – geskiedkundiges wat opgrawings doen – het bewyse gevind dat die Babiloniërs en Egiptenare meer as…

’NEWIGE kalender is ’n superslim kalender wat nooit oud word nie. Dit wys jou op watter dag van die week enige datum val, maak nie saak wat die jaar is nie. Jy kan dit dus jaar ná jaar gebruik sonder om ooit ’n nuwe een te kry! Dis baie maklik om te maak en nog makliker om te gebruik. Skuif eenvoudig die ringe aan soos nodig: die grote en die middelgroot een elke dag en die kleintjie elke maand. Onthou om voorsiening te maak vir die maande wat nie 31 dae het nie. WAT JY NODIG HET STAP VIR STAP 1 Jy kan jou kalender so groot maak as wat jy wil – ons s’n is 19 cm breed. Vat 3 stukke karton. Trek met die passer en potlood ’n…

Nog ’n prettige seisoen van Die Babbelbende is nou volstoom aan die gang! Kyk saam na seisoen 2 op huisgenoot.com. In dié aanlyn kinderreeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hulle speel-speel meer oor ons wêreld leer. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Oor naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook media24shop.com om jou eie Paloeka- of Palawapop of die Babbelbende se Groot Storieboek te bestel. Bly…

DAAR was ’n tyd dat hy sy liefde van die berge af sou verkondig het. Wie sal ooit vergeet hoe hy in 2005 op Oprah Winfrey se bank op en af gebons het nadat hy sy hart op Katie Holmes verloor het? Maar sedert dié romanse met Katie sewe jaar later in die hek geduik het, is Tom tjoepstil oor sy liefdeslewe. Skindertonge het bespiegel hy en sy Mission Impossible-medester Hayley Atwell vry so ’n bietjie in 2022, dat daar in 2023 iets tussen hom en die sangeres Shakira was, en dat hy selfs ’n warrelwindromanse met Sofía Vergara gehad het. Maar niemand kon ooit bewyse vir enige van dié kyse kry nie en die kans is goed dit was net wolhaarstories. Nou is daar egter nuwe gerugte. En dié…

AAN die een kant is Pascal Pienaar wat gebrand het vir verandering; aan die ander kant is Rolanda Marais wat sê dis ’n tydlose haarstyl. Maar die twee aktrises het iets gemeen: hul spoggerige kuiwe. “Dit laat my baie anders lyk. Ek voel so half misterieus,” sê Pascal, bekend vir haar rol as Karli in Binnelanders. Gaan dit vir haar oor mode? O nee, sê Pascal. “Ek het net gebrand vir verandering en kon nie slaap nie. Dit was ná eenuur die oggend en ek het besluit ek gaan sommer nou self my hare afknip. “Ek was eintlik bang, want ek het ’n ronde gesig en het nog net een maal voorheen ’n kuif gehad.” Sy is nie spyt nie. “Hare groei terug. Ek kan nie glo ek doen dit…

SY PROBEER haar liefdeslewe onder die radar hou, maar die geheim is uit: KIM KARDASHIAN is verlief. Die werklikheidster is onlangs saam met die Amerikaanse voetbalspeler ODELL BECKHAM JR. afgeneem. Die twee is glo al vyf maande saam. Daar is opgemerk hoe die twee in Kim se privaat suite by die NFL Super Bowlwedstryd gekuier het, en later saam by haar hotel in Las Vegas aangekom het. Volgens bronne is Kim (43) gewoond aan die kollig, maar Odell (31) verkies om ’n lae profiel in sy privaat lewe te handhaaf. “Dinge tussen hulle raak ernstig,” het ’n bron aan US Weekly gesê. “Odell se persoonlikheid is egter baie meer privaat.” ’n Lae profiel is dalk juis wat die ma van vier verkies ná die mediafiasko toe sy en die komediant…

DAAR was eindelik kommentaar van PRINS HARRY se kantoor ná sy onlangse warrelwindbesoek aan sy pa in Brittanje. Sy vinnige reis tussen Los Angeles en Londen nadat koning Charles gehoor het hy het kanker, het die hoop laat opvlam dat die Britse koninklikes die strydbyl kan begrawe. In ’n gesprek met Good Morning America uit Whistler, Kanada, waar hy vir 2025 se Invictus-spele voorbrand maak, het hy gesê: “Kyk, ek is lief vir my familie. Ek is dankbaar ek kon in ’n vliegtuig klim en vir hulle gaan kuier en tyd saam met hulle deurbring.” Hy het later ook gesê: “Ek dink enige siekte, enige ongesteldheid, bring families bymekaar.” Hy en MEGHAN (42) het heel opgewek gelyk by die oefenkampe vir die spele, waar die egpaar met deelnemers en afrigters…

Wat noem jy ’n winkel wat tweedehandse dinge verkoop? ’n Tweedehandse winkel? Dink weer. Die winkel is mos nie tweedehands nie – die klere is. Wat sou die “korrekte” Afrikaans dan wees? Voorstelle uit bronne van die verlede sluit in “tweedehandswinkel” en “tweedehandshandelaar”. Maar g’n mens praat so nie. Dié twee krukstokke hoor jy nie in die omgang nie. Mense praat van ’n “tweedehandse winkel”. En ’n taal ís die woorde wat sy mense gebruik. ’n Mens moenie ander tale sommer net nadoen nie, maar dis dalk goed om te weet dis ’n “second-hand shop” in Engels sonder dat enigiemand ooit ou wasgoed daaroor uithang. Dit wys iets: “Tweedehandse” kan verskillende betekenisse hê. Een: goedere wat voorheen besit is, soos “tweedehandse karre”. Twee: ’n verwysing na ’n plek wat gebruikte…

NOSTALGIES KLASSIEK Sonbrille Armbande Handsakke Oorbelle KUNSTIGE AANSLAG Oorbelle Ringe Armbande Handsakke FUTURISTIES MINIMALISTIES Sonbrille Pols- en armbande Handsakke Oorbelle KONINKLIKE TRADISIE Oorbelle Halssnoere Koptooisels Handsakke KRY DIT HIER BLACKBETTYDESIGN.COM; CHARMSSA.CO.ZA; EDGARS 0860-111-826; ELLIJEWELLERY.CO.ZA; EXACT 0860-834-834; FOSCHINI 0860-834-834; HELLOINDIGOHALO.CO.ZA; JAYSHREES.CO.ZA; JEULIA.COM; LOVISA 010-143-0780; MANGO.COM; MEANDB.SHOP; MILADYS 080-021-2535; OPARI.CO.ZA; POETRY 0860-333-329; QUEENSPARK 021-460-9400; SAGEANDSUMMER.CO.ZA; SHEIN.COM; SOULDESIGN.CO.ZA; SUPERBALIST.COM; TAKEALOT.COM; THE FIX 0860-834-834; WOMBATGEAR.CO.ZA; WOOLWORTHS 0860-022-002; YDE 021-460-2500; ZARA.COM HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

Daar’s geen paartjie op aarde wat nie soms goed vies raak vir mekaar nie. Rusies is onvermydelik, en in ’n gesonde verhouding kan dit jou en jou maat selfs nader aan mekaar bring. Sorg so dat dit reg en regverdig verloop. ◗ HOU DIT PRIVAAT Moenie voor julle kinders baklei of ’n derde party, soos ouers of vriende, insleep nie. ◗ HOU DIT RELEVANT Fokus op die spesifieke kwessie wat nou probleme veroorsaak, en moenie ou wonde oopkrap of gister se koeie uit die sloot opdiep nie. ◗ GEE MEKAAR ’N SPREEKBEURT Elkeen kry ’n beurt om sy saak volledig te stel. Wanneer jy nie praat nie, luister aandagtig na wat jou maat sê. Let op mekaar se lyftaal en kyk mekaar in die oë. ◗ HANDEL DIT AF Vermy…

1 DIE GROOT BEDRAE Kyk eers of jou potensiële huismaats wel kan betaal. Het hulle ’n vaste, voldoende inkomste? ◗ Deposito Dis gewoonlik een maand se huurgeld, maar kan meer wees. Die verhuurder mag hierdie geld gebruik om skade deur huurders te herstel. Besluit vooraf saam hoe iemand vergoed sal word as hy vroeër uittrek. ◗ Huur Dit kan gelykop gedeel word indien alle huismaats dieselfde geriewe het. Gesels oor verskillende bedrae indien een ’n groter kamer, parkeerplek of eie badkamer het. ◗ Water en elektrisiteit Dit is gewoonlik makliker om die bedrag gelykop te verdeel, maar as een huismaat meer verbruik, kan julle die koste persentasiegewys verdeel. 2 ANDER UITGAWES Huismaats koop dikwels hul eie kos, maar deel ander huishoudelike uitgawes, soos skoonmaakmiddels en toiletpapier. Besluit watter produkte as…

VISSE 19 Februarie – 20 Maart Moenie verbaas wees as jy voel die hele wêreld het ’n lekker tyd en nie jy nie. Die klem val nou op ernstig en verantwoordelik wees en daar is dalk min tyd vir pret en ligsinnigheid. Wag jou kans af, want die wiel draai. Dit is dalk nie opwindend nie, maar om ’n waarnemer of toeskouer te wees, het ook voordele. Lees jou boodskappe voor jy dit uitstuur. RAM 21 Mar – 19 Apr Moenie verbaas wees as jou geliefde al hoe meer tekens van onafhanklikheid toon nie, wat natuurlik vir hul persoonlike groei goed sal wees. Probeer objektief bly. As ’n vriendskap in die proses uitgedaag word, laat dit so wees, want dit sal die bande versterk, of nie. Hulle het vryheid nodig…

USHER SE NUWE HOOFSTUK Daar op die verhoog sien jy hom – sommer so in die skaats, nogal op rolskaatse, sing en dans hy tegelykertyd. En wanneer sy hemp eers waai, gaan die skare mal … Die man ter sprake hier is Usher, en die vertoning waarna ons verwys, is sy optrede by die Super Bowl-kragmeting tussen die Kansas City Chiefs en San Francisco 49ers. Die ganse wêreld is sommer van voor af mal oor Usher. En dis ook goed so, want sy negende album, Coming Home, is kort voor dié skittervertoning uitgereik. Sy aanhangers vra al baie jare vir nuwe musiek, en dié album is propvol sielvolle treffers. “Ek het baie hart en tyd ingesit om seker te maak die album is reg saamgestel,” sê Usher daaroor. Hy spog…

KYK UIT VIR HIERDIE TEMAS! • ’n Kuiertjie in Thailand • TV-reekse van die 2000’s • Jan Braai en Nataniël se kookkuns • Die plaaslewe • Argentynse bekendes • Gewilde Hollywood-name • Ons sporthelde • Futuristiese flieks • Blomme van oraloor PLUS 20 bladsye soekpret vir die jongspan BESTEL SO BEL 021-406-4962 E-POS koop@huisgenoot.com Gaan na media24shop.com…

1 Wat is die naam van die tweede hoogste waterval in die wêreld? 2 Wie bly in ’n asblik op Sesame Street? 3 Op watter vasteland is die Gobi-woestyn? 4 Watter kleur is sebras by geboorte? 5 Watter soort dier is Abu in Aladdin? Antwoorde 1 Die Tugelawaterval in KwaZulu-Natal 2 Oscar the Grouch 3 Asië 4 Bruin 5 Apie BRONNE NETWERK24.COM, USATODAY.COM, SCIENCEALERT.COM, BBC.CO.UK, TWINKL.CO.ZA, SPACE.COM, EDITION.CNN.COM, LIVE-SCIENCE.COM, SALON.COM…

SKRYF NOU IN! DEKADES lank het Huisgenoot jaarliks ’n Mej. Tiener aangewys. En in 2024, ná al die jare, is ons weer op soek na ons eie Mej. Tiener – ’n rolmodel vir ’n nuwe generasie. IS JY OF JOU TIENER TUSSEN 13 EN 18? Skryf nou in vir ’n kans om ’n vakansie na Mauritius vir jou en jou gesin te wen. PLUS daar is ook R10 000, luukse parfuumolies van Tapputti Egyptian Oils en ’n gasverskyning as aanbieder in ’n VIA-program op die spel. HOE WERK DIT? 1. Besoek bit.ly/473KMJ7. Laai ’n foto van jouself op en vul die inskryfvorm in.2. Maak ’n kreatiewe TikTokvideo waarin jy meer oor jouself vertel. Volg en tag @Huisgenoot en gebruik #HGMejTiener2024 sodat ons jou video kan vind.3. Inskrywings open op 18…

DAAR is ’n toneel in Cristóbal Balenciaga, ’n TV-drama oor een van die 20ste eeu se belangrikste maar ook geheimsinnigste ontwerpers, waarin Cristóbal halfpad deur ’n onderhoud met die Britse modejoernalis Prudence Glynn dit nie langer kan verduur nie. Die moue van haar rok (met mosterdkleurige patrone – dis 1971) is ’n ramp. Die Spaanse modeghoeroe ruk een af en begin daaraan verander. Die meeste modedraaiboeke – ’n klein maar groeiende genre – vermy die werklikheid van wat dit behels om ’n kledingstuk te maak en delf in die ontwerper se persoonlike lewe vir skandale en ’n wipwarit van emosies. Dis dus ’n pluimpie vir die vervaardigers van die Disney+-reeks dat hulle dit reggekry het om die tegniese aspekte van skep in uitmuntende drama te omskep. “Ek het nie baie…

DIE liefde is ’n spierwit duif met ’n bloeisel in die mond, sing Laurika Rauch. Dit lê in sagte woorde; dit lê in soene wat met die jare groei. Waarin die liefde klaarblyklik nié lê nie – toegegee, dit sing Laurika nie – is in werklikheidstelevisie. Want net nou die dag in Februarie, in ’n verklaring van presies 94 woorde lank, breek die televisiesterre Francois Jacobs en Nykie Pretorius ons harte toe hulle bevestig: Ja, dis verby tussen hulle. “Ná ’n ongelooflike avontuur van twee jaar het ons saam besluit dat dit beter is dat ons dinge vir eers apart moet aanpak,” skryf die twee. “Ons is opreg lief vir mekaar en sal die vriende wat ons in mekaar gevind het vir altyd bewaar. Ons avontuur is nie klaar nie.…

WAT het die Hollywoodsterre Malina Moye, Celeste O’Connor, Oprah Winfrey en Cardi B gemeen? Hulle het almal al in ontwerpe van Gert-Johan Coetzee gepronk. Dié Johannesburgse ontwerper se klere was onlangs weer op die rooi tapyt toe Malina een van sy rokke na die Grammys gedra het. Celeste was ook onlangs vir die première van die fliek Madame Web in een van sy skeppings geklee. “Ek is so bly dat Hollywood ’n smakie van Gert-Johan Coetzee gekry het,” sê hy. “My missie is om my ontwerpe wêreldwyd te vat.” Hy het ’n vertoonlokaal in Hollywood waar hy sy klere uitstal – en sterre oorval hom behoorlik. “Ons moet dit doen, want dit vat twee weke om ’n uitrusting na Amerika te koerier,” sê hy. “Soms sal stiliste rokke vra, maar…

1 KATY GROET IDOLS Die sangeres KATY PERRY het die beoordelaarstoel op die stel van die talentkompetisie American Idol ná ses jaar gegroet. Sy het onlangs in Jimmy Kimmel se TV-program verskyn en vertel van die projekte wat sy beplan. Dit sluit onder meer nuwe musiek in. “Ek is so lief vir Idol. Dit het my met die hart van Amerika verbind, maar ek voel dis tyd om daardie hartklop volgens my eie ritme te vind,” sê Katy (39). 2 MICHAEL JACKSON SE EWEBEELD Aanhangers is verstom oor die gedaanteverwisseling van JAAFAR JACKSON om soos sy oorlede oom die popster MICHAEL JACKSON in die komende biografiese rolprent Michael te lyk. Lionsgate het ’n foto van Jaafar (27), die seun van Michael se broer Jermaine Jackson, uitgereik waarin hy die popikoon…

DIE onlangse Barbie-fliekfenomeen het mooi gewys hoe mode gebruik kan word om projekte op die rooitapyt te bemark. Dink maar net aan die vele uitrustings wat Margot Robbie aangetrek het om soos Barbie te lyk. Nou is ZENDAYA (27) en DAKOTA JOHNSON (34) aan die brand op die rooitapyt, alles om hul jongste projekte op die silwerdoek te bemark. En hulle hou nie terug nie. BRONNE: HARPERSBAZAAR.COM, VOGUE.COM, FASTCOMPANY.COM, JUSTJARED.COM, PEOPLE.COM…