Innholdsfortegnelse for 15 February 2024 i Huisgenoot

1 MEJ. TIENER IS TERUG! Huisgenoot bied vanjaar weer dié ikoniese kompetisie aan – in ’n vars, moderne formaat Ek onthou die meisie van Perdekop . . . Was haar naam Lisa King gewees? Ek hoop nou nie ek is verkeerd nie. Dit was lank gelede. Sy het destyds ’n groot indruk gemaak. MARLENE Ek onthou nog daar-die inskrywings van destyds. Al die meisies het mos gesê hulle stokperdjies is fliek, swem en perdry! KATHLEEN Ai, in daardie jare was daar meer natuurlike skoonheid. Vandag word die foto’s so ge-edit dat die vroue jonger as tieners lyk. En dan praat ek nie eens van hoe die lippe opgepomp word nie. LINDI Daardie jare was die jong meisies nog rol-prentster-mooi. En baie meer natuurlik ook. ’n Mens kon sien dat hulle…

Gereeld kom die vraag: Hoekom skryf julle “Vladimir Putin” se naam so verkeerd? Wie is hierdie “Wladimir Poetin”? En die oog is beslis meer gewoond aan “Putin” in hierdie Engelse land. Maar die antwoord is natuurlik: Sy naam is ook nie “Vladimir Putin” nie! Sy ma het hom geken as “Владимир Путин”. Die Russe gebruik ander letters as ons – die Cyrilliese skrifstelsel. Vir Afrikaanse oë is daardie letters ’n struikelblok. Pleks daarvan dat lesers elke taal in die wêreld moet aanleer, probeer ons die klanke met ons eie letters namaak. Dít noem ons transliterasie. Dis wat Engels ook doen. Путин klink die naaste aan “Putin” in Engelse klanke. Maar vir Afrikaans dien Poetin beter. Natuurlik raak ons gewoond aan dié “Putin” omdat ons omring is deur Engels. Ons oë…

t – teelepel/s e – eetlepel/s k – koppie/s GEURIGE GEROOSTERDE VYE GENOEG VIR 4 MENSE /BEREIDING EN BAK: 30 MIN. GEROOSTERDE VYE ◗8 swartvye◗ 4 groen kardemompeule, saad fyngemaal◗ 30 ml (2 e) heuning◗ 30 ml (2 e) balse-mieke asyn  LEMOENBLOEISEL-ROOM ◗100 g mascarpone◗ 75 ml dubbeldik room◗ 20 ml (4 t) heuning◗ 2,5 ml (½ t) lemoenbloeiselwater Verhit die oond tot 180 °C of 160 °C met die waaier aan. 1 Geroosterde vye Sny die stele van die vye af. Sny dan ’n kruis sowat twee derdes na onder in elke vy, sonder om dwarsdeur te sny. Druk die onderkante liggies sodat die vye effens oopgaap soos ’n blomknop wat bloei. Rangskik dit in ’n enkellaag op ’n klein bakplaat. 2 Meng die kardemomsaad, heuning en balsemieke asyn,…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie, en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur ’n e-pos na vravirirma@gmail.com of SMS Vra vir Irma gevolg deur jou vraag na 36489. HOEKOM IS EK SKIELIK VIR ALLES BANG? V My probleem klink dalk simpel en onlogies, maar ek moet iets daaromtrent doen. Sien, ek woon nou al vyf jaar alleen. Dit was nog nooit vir my ’n probleem nie. Ek het nog altyd ’n goeie alarmstelsel gehad, en het ook twee honde wat buite en binne saam met my leef. Die afgelope jaar het dinge…

ONDER ’N BLOEDROOI HEMEL Deur ANNEMARIÉ VAN NIEKERK Tafelberg, R305* “Volgens my het niemand nog ooit so kragtig en helder geskryf oor die verdeeldheid en gespletenheid van Suid-Afrika nie, maar veral hoe ’n hele generasie wit Afrikaners verskeur is deur aan die een kant skaamte en skuld, en aan die ander kant ’n verborge heimwee – albei met betrekking tot dieselfde tyd.” Só skryf ’n Nederlandse filosoof, Paul van Tongeren, voorin Onder ’n bloedrooi hemel. Annemarié van Niekerk se memoires oor “liefde en geweld in Suid-Afrika” het my aan die hart gegryp. Dit is so baie van ons se storie, en vir jonger generasies sal dit ’n helder insig gee in watter invloed apartheid op die lewens van wit Afrikaanse mense gehad het. Ek vra vir Annemarié waarom haar boek…

Die OPLOSSING van die grootste vakansieblokraai ooit in Afrikaans Weens die aard van die formaat is daar op enkele leidrade meer as een antwoord moontlik. GROOT BLOKRAAI № 2 531 KOMPETISIEVRAAG Watter ryding is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN HUMAN & ROUSSEAU PLUS KOM IN AANMERKING VIR DIE MAANDELIKSE TREKKING VAN R1 000. Dié week se prys is Diana se dag deur Helene de Kock (H&R, R330). “Toemaar, jou dag sal kom …” Dít is die woorde wat Diana Botha, wynmaker van die spoglandgoed Soeterwijn, help om staande te bly en telkens weer die lewe met nuwe ywer aan te pak. As jong meisie erf sy die las van ’n skande…

SY SKITTER IN KLEUR Simone is skielik ’n baie besige by. En dít nadat sy net verlede jaar die eerste keer voor die kameras verskyn het. Nou is sy Judy, die hoofmeisie van die hoërskool in Arendsvlei. Sy is Dianne in die Showmax-treffer Spinners. Én sy is op die verhoog as Juliet teenoor Nahum Hughes se Romeo in ’n nuwe produksie van – you guessed it – Romeo & Juliet. Sy het ’n besonderse manier om haar gevoel oor haar werk uit te druk. “Wanneer ek op die verhoog staan, voel dit of my siel geel blink,” sê sy. “Ek hou daarvan om die kleur geel te gebruik en om te dink dat ek geelheid in die wêreld inbring. Dis asof ek lig, geluk en positiwiteit in die wêreld inbring.…

‘ONS WOU WYS WAT DIT VERG VIR ’N KLEINTJIE OM IN DIE NATUUR GROOT TE WORD’ SAMANTHA TARRANT-PHILLIPS (30), KINEMATOGRAAF, MBOMBELA ‘IN DIE Zambiese bosveld het ek ’n walkie-talkie langs die bed gehad. En vieruur die oggend kom ’n stem oor die radio: “Sam, moenie uit jou tent klim nie!” Hoekom nie? En my vervaardiger Katy sê: “Die leeus is reg buite jou tent!” Dankie tog sy het my gewaarsku. Jy’s versigtig wanneer jy jou tent verlaat, maar jy stap dikwels eers uit voor jy kyk. Maar as ek dit gedoen het, was ek dood. Want die ma het haar drie welpies gebring en hulle het die tentpale van my tent gekou. Die wyfie lê toe tussen my en die vervaardiger se tente. Genadiglik het Katy voor my opgestaan. Ek…

’N MENS sou hom waarskynlik die vergestalting van aardjie na sy vaartjie kon noem – in sy 20’s lyk hy op ’n druppel na sy Bok-pa, amper onheilspellend so. En nes sy pa is hy een van daardie inklimspelers wat jy altyd in jou agttal wil hê. Ironies eintlik, beskryf die Stormers- speler André-Hugo Venter (22) dit, want as toeskouer het hy sy pa, die ikoniese Springbok André Venter, nooit in die Groen-en-goud sien speel nie; hy het nie eens as tjokkertjie ’n rugbybal saam met hom rondgeskop nie. Trouens, André-Hugo is gebore ná die gloriejare toe sy pa sy naam in die rugbyannale as ’n voorspeler en flank van formaat verewig het. “Hy’s een van daai ouens wat geen emosie op die veld wys nie. Jy kon hom met…

DIE afgetrede Springbokspeler DUANE VERMEULEN is ’n man wat passievol liefhet, of dit nou rugby, sy vrou, EZÉL, of hul twee seuns is. Ná 11 jaar van getroud wees, brand dié paartjie se liefdesvlam steeds hoog. Dit was daarom gepas vir die Bravo!-aanbieder EWAN STRYDOM om hierdie Valentynsdag saam met Duane en sy vrou by die Vuur-restaurant in Stellenbosch in te loer. Hier het die eienaar en sjef Shaun Scrooby en die Kokkedoor: Vuur en vlam-deelnemer Mandre Campher alle geregte spesiaal vir hulle op ’n oop vuur berei. Van hoendersosaties en suurdeegbroodjies tot ’n ongelooflike nagereg. “Dit was die heel eerste keer wat ek die Springbok-speler Duane Vermeulen ontmoet het,” sê Mandre. “Ek was so ’n klein bietjie senuagtig om vir so ’n man te kook, want ek dink hy…

1 ELIZABETH SE BABANUUS Die aktrise ELISABETH MOSS (41) van The Handmaid’s Tale verwag haar eerste kind. In ’n verskyning op Jimmy Kimmel Live! het die aanbieder haar gevra: “Is jy swanger of net ’n ongelooflik toegewyde akteur?” Sy het laggend geantwoord: “ ’n Bietjie van albei.” Die bespiegelinge het in Desember begin loop toe sy afgeneem is waar sy oor haar maag vryf. Die blye nuus kom skaars weke nadat haar pa, Ron Moss, oorlede is. 2 CÉLINE SE LEWE VAN NADERBY Aanhangers van CÉLINE DION sal in ’n dokumentêr ’n intieme blik op haar gesondheidstryd van die afgelope ruk kry. Die Oscar-benoemde regisseur Irene Taylor het Céline (55) langer as ’n jaar gevolg om I Am: Celine Dion te verfilm. “Hierdie intieme verkenning neem kykers op ’n reis…

1 Watter vulkaan in Italië het in 79 n.C. uitgebars en die stad Pompeii verwoes? 2 Watter aktrise het die rol van Hermione Granger in die Harry Potter-flieks vertolk? 3 Watter Suid-Afrikaanse politikus se volle naam is Otta Helene Maree? 4 In watter land is die dorp Ytterby, waar sewe van die elemente op die periodieke tabel ontdek is? 5 Watter sanger hou die rekord vir die meeste Grammy-benoemings? ANTWOORDE 1 Vesuvius 2 Emma Watson 3 Helen Zillie 4 Swede 5 Beyoncé (88)…

DIE gloriejare in Engeland toe haar lewe ’n warrelwind was van verskynings op die rooitapyt, ontwerpersklere en peperduur skoene, is vandag nog net ’n vae herinnering vir Loui Fish. “Ek het nog van my Jimmy Choos, maar ek verkies deesdae eerder plakkies by jean shorts,” sê die voormalige model en eksvrou van die oudkaptein van Bafana Bafana Mark Fish (49). Op 50 put sy eerder vreugde uit die dinge wat geld nie kan koop nie. “As my seuns gelukkig is, is ek gelukkig, en dit gaan goed met albei,” vertel sy oor Luke (26) en Zeke (23). Langs haar op die rusbank sit haar jongste. Albei is oorlewendes, vasbyters. Hulle al twee ken die skadukant van roem en die dieptes van depressie, maar hulle weet ook dat daar vorentoe lig…

VIR HAAR Tops Spanbroeke Fietsrybroeke Sweetpakke Oefensakke Tekkies Tenktops Pette Drafbroeke Kort spanbroeke Lang spanbroeke Tekkies KRY DIT HIER ADIDAS 0860-001-004; BASH.COM; BESTEAMSPORT.CO.ZA; CAPE UNION MART 0860-333-329; DECATHLON.CO.ZA; ELLESSE.CO.ZA; FIRSTASCENT.CO.ZA; FUNKYPANTS.CO.ZA; FREEDOM OF MOVEMENT 066-185-8879; GONEOUTDOOR.COM; H&M 0860-690-707; MAKRO 0860-600-999; NIKE.COM; OUTDOORESCAPE.CO. ZA; PICKNPAYCLOTHING0860-303-030; REEBOK0861-105-731; SIDE-STEP.CO.ZA; SHEIN.COM; SUPERBALIST.COM; SPORTSCENE 0860-834-834; SPORTSMAN’S WAREHOUSE 0800-007-030; TAKEALOT.COM; THE CROSS TRAINER 011-784-7324; THEATHLETESFOOT.CO.ZA; TEKKIE TOWN 0860-900-400; TOTALSPORTS 0860-834-834; UNDERARMOUR.CO.ZA; VIRGINACTIVEPADELCLUB.CO.ZA; WOOLWORTHS 0860-022-002; ZARA.COM HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

MOENIE wegskram van die taak om jou testament op te stel nie. Dié versuim kan jou geliefdes erg benadeel. Ons kyk na ses mites – en die feite. 1 SONDER ’N TESTAMENT BELAND ALLES IN DIE STAAT SE KOFFERS Verkeerd. Die staat word nie outomaties die begunstigde nie. As jy sonder ’n testament doodgaan, bepaal die Wet op Intestate Erfopvolging die erfgename van jou boedel. As geen familielede of bloedverwante na vore kom nie, word die boedel in die Voogdyfonds van die Meester van die Hooggeregshof inbetaal. Dit kan eers ná 30 jaar na die staat gaan as dit onopgeëis bly. 2 NET RYKES, SIEKES EN OU MENSE HET TESTAMENTE NODIG ’n Reusewanopvatting! Selfs al het jy net basiese bates, soos ’n kar, meubels of spaarrekeninge, moet jy tog besluit…

Tussen my en Pa begin die aarde, soos ’n vulkaan op die punt van uitbarsting, te rammel. In my posvakkie beland die een brander ná die ander. Liefste Annemarié Ek skryf hierdie briefie aan jou omdat ek baie lief is vir jou en om vir jou te sê dat ons onophoudelik vir die Vader vra dat jy jou ongewenste verhouding sal beëindig. Die skande oorheers my hele bestaan, ’n skande vir my as jou pa, maar veral ’n skande vir jouself. Daar gaan seker nie tien minute verby nie of ek dink aan my kind se donker toekoms. Daar gaan ook nie ’n nag verby dat ek nie worstel met jou afdwaling nie, dat ek wakker skrik, natgesweet van angs. Waar het dinge dan skeefgeloop? Jou opvoeding was tog goed!…

VAT SO! Annie: “My man het my vandag kwaad gemaak, toe besluit ek om hom ’n les te leer.” Sannie: “Wat het jy gedoen?” Annie: “Ek het ’n emmer water op die vloer voor die skottelgoedwasser gegooi. Hy soek nou nog na die lekplek.” HESTER, NAMIBIË DROOMWIELE Dekades lank het Faans en sy vrou hul sente blou gedruk om genoeg te spaar vir hul droomkar. Oplaas gee Faans haar die goeie nuus: “Liefie, ons het eindelik genoeg gespaar om te koop waarvoor ons al in 1979 begin spaar het.” Vroulief: “Wonderlik! Praat jy van ’n splinternuwe Mercedes-Benz?” Faans: “Nee, ek praat van ’n 1979-Volkswagen.” SAN MARCHAND GOUE DAERAAD V: Wat noem jy iemand wat Maandae vrolik uit die bed klim? A: ’n Pensioentrekker, natuurlik. WOLLIE, PRETORIA LYFLIK Ná ’n sekere…

Blaai om vir die oplossing van die grootste Afrikaanse blokraai ooit…

WANNEER jy in die tuin speel, sal jy seker eers dink daar gaan nie veel aan daar buite nie. Die meeste aksie wat jy sien, is dalk ’n vlinder wat rondfladder of ’n voëltjie wat op ’n tak sit en tjirp. Maar nee, daar gaan heelwat meer aan as wat die oog kan sien. Ál die plante wat jy daar buite sien, is hard aan die werk. Hulle maak staat op die son om voedsel te produseer, en hulle doen dit ure lank elke dag. Kom ons vertel jou hoe dit werk. SONLIG Wanneer energie van die son af ’n groen plant bereik, het die plant die vermoë om daardie energie (sonlig) te gebruik om vir homself kos te maak. Hierdie ongelooflike proses word fotosintese genoem. Dié woord is afgelei…

Nog ’n prettige seisoen van Die Babbelbende is nou volstoom aan die gang! Kyk saam na seisoen 2 op huisgenoot.com. In dié aanlyn kinderreeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hulle speel-speel meer oor ons wêreld leer. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Oor naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook media24shop.com om jou eie Paloeka- of Palawapop of die Babbelbende se Groot Storieboek te bestel. Bly…

Waaroor is jy spyt? Dat ek die meeste van my twintigs in bars deurgebring het en baie min die son gesien het. Wat beïndruk jou in ander mense? Mense se werksetiek beïndruk my. Wie sou jy die graagste vir ete wou nooi? Paul McCartney. The greatest living rockstar. Wat sou jy dan vir ete maak? Braai. Ek dink hy’s actually vegan, so ek sal probably een of ander groente vir hom moet braai. Wat is jou gunsteling- Suid-Afrikaanse gereg? Is melktert ’n gereg? Wat is vir jou snaaks? My vrou is vir my snaaks. Ek lag vir haar. Baie. Wat is jou gunstelinggesegde in Afrikaans? Kyk noord, f** voort. Wat maak jou nostalgies? Ou rugbywedstryde is vir my die guilty pleasure op toer. Wie of wat is die liefde van…

VAN sy woonstel agter sy ouerhuis in De Tijger kom ’n vriendelike jong man aangedraf. “Daarsy, daarsy, daarsy!” groet hy. ’n Mens sien eers die oogklap wat sy linkeroog bedek, dan merk jy op die linkerkant van sy mond hang. Die sanger Jan Bloukaas vertel jou nie dadelik wat makeer nie – in die laaste paar uitmergelende maande, ’n tyd waarin die dood pal soos ’n vlymskerp swaard oor sy kop gehang het, het ’n lighartige grappie vir hom ’n soort oorlewingsmeganisme geword. Hy móés lag, anders het die donker hom ingesluk, en huil help tog nie. Daarom grap hy: “Ek copy Kaptein Kurt se seerower-look,” sê die 24-jarige breinkankervegter van Kaapstad se noordelike voorstede. Hy verwys na Kurt Darren wat in 2013 ná ’n motorongeluk ’n ruk lank ook…

WATERDRAER 21 JAN – 18 FEB Soos die son van teken verander en uit jou teken beweeg, beweeg die glansryke Venus op die 16de by jou teken in. Dit dui op ’n tyd van herevaluering van dinge wat verband hou met die liefde, skoonheid en positiwiteit, met die klem op jou voorkoms. Selfaanvaarding is die eerste stap om goed te lyk en te voel, en dit het geen sin om jou met ander te vergelyk nie. Belê in basiskledingstukke vir jou opgedateerde klerekas. GELUKKIGE NOMMERS 15, 38, 47, 50, 44, 23 VISSE 19 FEB – 20 MRT Andersheid kan eintlik ’n bate wees, want dit laat jou uitstaan. Dalk wil jy dit hierdie week beproef aangesien die son op die 19de in jou teken inskuif, wat die begin van jou…

FEBRUARIE is die maand van die liefde, of hoe? Endaaristog sekerlik geen beter manier om die liefde te vier as met ’n duet nie. Vra maar die sangers Joshua na die Reën en Karlien van Jaarsveld. Die twee, wat al jare lank ’n hegte vriendskapsband het, het nou – vir die eerste keer in hul loopbaan – saam ’n liedjie uitgereik. Die duet getiteld “Beter vir ons albei” is ’n ritmiese popliedjie uit die ateljee van die musiekvervaardiger Gideon Botes. Joshua, oftewel Jacques de Villiers, het die liedjie geskryf. Die sanger vertel dis danksy sy vrou, Danelle, dat hy Karlien genader het om die duet saam met hom op te neem. “Toe ek die liedjie vir Danelle speel, het sy gesê sy hoor Karlien se stem daarin en ek het…

DAAR is ’n beroering toe die nuwe kardiotorakschirurg die teater binnekom. Opgewonde afwagting – asof almal teenwoordig glo dat hy enige oomblik ’n wonderwerk gaan laat gebeur. Suster Nicole Green glimlag agter haar masker. Dr. Lategan se reputasie het hom vooruitgeloop. Mense wat al so gelukkig was om saam met hom te werk, gebruik woorde soos “briljant”, “geniaal” en “begaafd” om hom te beskryf. Dr. Brand, die chirurg wie se praktyk hy oorgeneem het, het met groot lof van hom gepraat. Die arts gaan staan ’n oomblik stil, groet vriendelik en stel homself voor. Hy het vroeër gebel om verskoning te maak dat hy effens laat gaan wees omdat hy op pad werk toe by ’n motorongeluk gehelp het. Dan is hy oorkant haar, sy oop, bruin oë vriendelik in…

DIE afgelope Desember was vir baie ’n tyd van vakansie hou, uitrus en gunstelingdinge doen, maar vir blokraailiefhebbers was daar iets besonders: Die grootste blokraai ooit in Afrikaans! Week ná week het blokraaiers gewag en daarna uitgesien om die vakansieblokraai se volgende deel in Huisgenoot te kry. Hierdie bielie het stuk-stuk in die tydskrif se vier Desember-uitgawes verskyn en oor altesaam agt bladsye gestrek. En om dit te kon voltooi, moes invullers die onderskeie dele aanmekaarlas – ’n behoorlike uitdaging met ’n vakansie by ’n ATKV-oord én R10 000 op die spel. Toe Petra Bekker die kompetisie sien, het sy die huistakies vir haar man gelos en die raaisel gepak. Sy vertel haar man het homself die bynaam “Dobby the House-Elf” gegee en haar “Wat’s-diewoord” begin noem omdat sy heeltyd…

Raaisels is nie net ’n lekker tydverdryf en manier om jou woordeskat uit te brei nie, dit is ook goeie ontvlugting. Vir van die inskrywers het dié uitdaging presies op die regte tyd gekom. Erna Maré van Polokwane sê die blokraai was vir haar ’n reddingsboei. Sy en haar man het in September die skoknuus gekry dat hy kanker het. Terwyl hy geslaap het of stil wou wees, het sy die blokraai gehad om haar gedagtes mee besig te hou. “Dankie vir die vakansie vir my gemoed. Salige ure wat net met woorde omgegaan is. Speurwerk, dink, naslaan. Die lekkerste ure in my skriktyd.” Nog ’n inskrywer wat haar eie stryd voer, Annetjie Grobler, vertel: “Hierdie blokraai het my gedagtes laat dwaal van my hede af. Dit het my laat…

1 Wat eet Paddington Bear op sy toebroodjies? 2 Wat is die vinnigste – lig of klank? 3 Wat noem jy ’n groep wolwe in Afrikaans? 4 In watter land is Machu Picchu? 5 Wat is die naam van Elon Musk se ruimtevaartmaatskappy? ANTWOORDE 1 Marmelade 2 Lig 3 Trop 4 Peru 5 SpaceX BRONNE CNN, THE GUARDIAN, TWINKL.CO.ZA, NETWERK24.COM, GOSH.NHS.UK, ROYALCARIBBEANPRESSCENTER.COM, RMG.CO.UK…

DIE BOER SOEK ’N VROU-AANBIEDER MARCIEL HOPKINS EN HAAR MAN, HANDRÉ LOURENS Wat is jou gunstelingding omtrent jou maat? Handré is ’n wonderlike ondersteuner met enigiets wat ek aanpak. Hy bemoedig en inspireer my om groter te droom, en hy skep altyd vir my ’n ruimte waarin ek kan veilig voel. Wat is julle planne vir Valentynsdag? Ek skiet moontlik tot laat op Valentynsdag, so Handré het gesê hy sal vir ons ’n romantiese ete by die huis maak. Ek gaan nou vir lank van die huis af weg wees met Boer soek ’n vrou, so dit maak dit ekstra spesiaal. DIE RADIO- EN TELEVISIEAANBIEDER ZOË BROWN EN HAAR MAN, ROBBIE ANDERSON Wat is jou gunstelingding omtrent jou maat? Sy speelse kant! Ek blaker gereeld random liedjies se lirieke uit…

BRITNEY SPEARS VS JUSTIN TIMBERLAKE Die sanger JUSTIN TIMBERLAKE het dalk eers stilgebly nadat sy eks BRITNEY SPEARS in haar boek sappige besonderhede oor hul verhouding uitgelap het, maar hy draai nou nie meer doekies om nie. Die bohaai het losgebars toe Britney (42) onlangs ’n olyftak op Instagram probeer uitsteek het deur te sê sy is spyt oor van die inhoud van The Woman in Me, wat in Oktober uitgereik is. “Ek wil verskoning vra vir van die goed waaroor ek in my boek geskryf het. As ek van die mense vir wie ek omgee, aanstoot gegee het, is ek innig jammer,” skryf sy in die plasing langs ’n videogreep waar Justin saam met die geselsprogramaanbieder Jimmy Fallon sing. “Ek wou ook net sê ek is mal oor Justin Timberlake se…