Innholdsfortegnelse for 18 January 2024 i Huisgenoot

1 OM ’N LEWE METWAAR-DIGHEID AF TE SLUIT Carol de Swardt leef sedert 2010 in pyn. Haar besluit om ná die feestyd haar lyding in Switserland te beëindig, het wettige bystandsdood opnuut belig Dis so hartseer dat sy ver weg van alles moet sterf. Dit moet ’n opsie in ons eie land wees. Ons het die reg om te besluit om in ons eie ruimte, omring deur geliefdes, te sterf wanneer daar geen kwaliteit van lewe is nie. BIEBOB My ma is aan kanker dood, maar het nooit haar wil om te lewe verloor nie. Dis hartseer dat dié opsie wat “waardigheid” aangaan, net toeganklik is vir mense wat dit kan bekostig. Dit is nie ’n opsie wat ek sal oorweeg nie. HEIDI Almal wat wil oordeel, gaan lees Simson…

DIE seuntjie het net oë vir sy pa. Toe Theodore Jantjies by die tafel regskuif om te gesels, strek klein Soul sy armpies na hom toe uit. Sommerso in die gesels tel hy die krulkoppie in sy arms op, druk hom styf vas en begin hom sus. Hy was al in baie uiteenlopende rolle op die kassie: die prokureur Xander Meintjies in 7de Laan, die afrigter Jordan James in Getroud met rugby, die apteker Aiden Booysen in Suidooster. Maar niks kan lekkerder wees as om die rol van pa te vertolk nie. Al geniet hy sy werk as akteur, is dit lank nie meer sy eerste prioriteit nie. Die akteur se grootste dryfkrag is nou om ’n goeie man te wees vir Tammy (36) en ’n pa vir hulle twee…

1 HOEVEEL UUR SLAAP JY ELKE NAG? A Vier tot vyf B Agt of meer C Vyf tot ses D Sewe tot agt 2 WAT IS JOU VERHOUDING MET SLAAP? A My slaappatroon pla my B Ingewikkeld – ek was nog nooit ’n goeie slaper nie C Ek dink nie eens daaraan nie – slaap gebeur maklik D Ek is mal oor slaap, maar ek voel selde uitgerus 3 HOE LANK VAT DIT JOU OM AAN DIE SLAAP TE RAAK? A Vyf minute B 45 minute C 20 minute D Tot twee uur of langer 4 WORD JY DEUR DIE LOOP VAN DIE NAG WAKKER? A Soms, maar ek raak dadelik weer aan die slaap B As dit gebeur, weet ek nie daarvan nie C As my slaap onderbreek word,…

IS JY seker die regte mense gaan voordeel trek uit jou lewenspolis of aftreefonds? Ons het Louis van Vuren van die Fudisiêre Instituut van Suider-Afrika gevra hoe die uitbetalings van vyf algemene beleggings werk. 1 AFTREEFONDSE ● Pensioenvoordele is nie deel van ’n oorledene se boedel nie en word teen skuldeisers beskerm. ● Die trustees van ’n aftreefonds besluit hoe die voordele verdeel word en het 12 maande om jou afhanklikes te vind. Wetlik is dit jou eggenoot, kinders en enigiemand wat met jou dood vir onderhoud van jou afhanklik was. Die trustees moet dan besluit wie ontvang hoeveel – selfs al het jy begunstigdes benoem. As die oorlede aftreefondslid byvoorbeeld twee keer getrou het maar slegs die jongste eggenoot as begunstigde benoem het, sal die trustees vasstel of daar…

KURT DARREN HULLE WEET NIE WAT ONS WEET NIE Toe die MMA-kampioen Dricus du Plessis verlede jaar ná ’n oorwinning sê “hulle weet nie wat ons weet nie”, het dit ’n gewilde sêding geword. Selfs Rassie het dit in die Wêreldbekertoernooi gebruik. Nou is dit die titel van Kurt se nuwe liedjie. “Ek het bly dink aan hoe baie die woorde eintlik sê. Dis ’n awesome song,” sê Kurt. DEMI LEE MOORE HART BREEK Die titel klink dalk soos dié van nog ’n liedjie oor ’n verbreekte verhouding, maar dis misleidend. “Hart breek”, anders as liedjies soos “Mis, eet, slaap, herhaal” en “Wie se hart breek jy vanaand”, vier die lewe. “Hierdie liedjie is iets heeltemal anders,” sê Demi Lee. “Ons dans, ons lewe, dis country en dis ’n lekker…

Goeie gewoontes help ons om belangrike dinge te doen sonder om daaroor te dink, wat uitmuntendheid ‘n deel van jou daaglikse lewe maak. Bepaal ‘n spesifieke tyd waarop jou kinders elke dag huiswerk doen en studeer om hulle in die gewoonte te kry om dit elke dag te doen – dit sal nie net op skool tot hul voordeel wees nie, maar ook daarna. Wanneer hulle dit onder die knie het, is hier vyf maniere om hul leervermoë te verbeter. SKEP ‘N RUIMTE 1 Skep ‘n stil en ordelike werkplek. Maak seker die studiegebied is goed belig en toegerus met noodsaaklike voorrad soos penne, potlode, notaboeke en naslaanwerke. Maak ook seker dis ver van afleidings soos die TV, radio of rekenaarspeletjies. LEER HULLE OM TE PRIORITISEER 2 Die skool kan…

GROOT BLOKRAAI WEN ’N BOEK VAN TAFELBERG PLUS KOM IN AANMERKING VIR DIE MAANDELIKSE TREKKING VAN R1 000. NO 2 527 KOMPETISIEVRAAG Watter soort vereniging is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week se prys is Die verkeerde vrou deur Irma Venter (Tafelberg, R310). Die plek is stikdonker. Daar is nie eens ’n stukkie daglig wat iewers inkruip nie. Of is dit al aand? Liela Oloffson het geen idee hoe laat dit is nie. Hoe lank is ek al hier? wonder sy. Liela se ouers is in ’n huisbrand oorlede toe sy 10 was, maar vandag het sy alles wat ’n mens kan begeer. Skoonheid, roem en ’n blink loopbaan as aktrise. Maar een nag verdwyn…

Waaraan het jy die afgelope tyd baie gedink? Om te reis. Wat is deesdae vir jou baie belangrik?  Familie. Veral ná covid het baie mense familielede verloor wat baie na aan hulle was. Ek is dankbaar om nog my familie te hê. Ek is baie dankbaar vir my ma – sy is baie belangrik vir my. As jy 24 uur lank kon doen wat jy wil … ? Ek sal beslis na die Maldives toe gaan, dit is no. 1 op my lys. Waarop is jy baie trots? Ek is baie trots op alles wat ek op so ’n jong ouderdom bereik het, al het omstandighede dit onmoontlik laat lyk. Dit geld vir my skoolloopbaan en my akteursloopbaan. Het jy enige fobies? Ja. Ek het ’n groot vrees vir slange.…

BOU ’n brug, lui die bekende gesegde. Met ander woorde, kom oor jou probleme en kom sterker anderkant uit. Dis presies wat Robert Kruger (35) fisiek én geestelik moes doen. Want terwyl hy met swaar houtpale en toue geworstel het, moes hy ook persoonlike uitdagings aandurf. Die beloning was groot, want nou is hy die eerste wenner van die kompetisieprogram Die brug en byna ’n miljoen rand ryker. “Almal het hul oog op die prys. Jy werk daarnatoe en speel die spel, maar tog voel dit nog ’n bietjie onwerklik dat ek gewen het,” vertel die oudrugbyspeler toe Huisgenoot hom in Midrand besoek. In die kykNET-reeks moes 12 vreemdelinge saamwerk om ’n brug van die oewer van ’n dam tot by ’n eiland te bou. Die brug moes sterk genoeg…

JONATHAN BOYNTON-LEE BEKEND VIR: Aanbiederswerk ANDER INKOMSTE: Regie, toneelspel “Belê in jouself, of dit nou is om jouself te verbeter deur opvoeding of om jou gesondheid te verbeter. Hanteer jouself soos ’n besigheid. As jy floreer, sal alle ander dinge volg.” JANEZ VERMEIREN BEKEND VIR: Aanbiederswerk ANDER INKOMSTE: Stigter van The Circle Model Management en Filmer TV-produksiehuis “Maak seker jy kyk altyd hoe jy kan innoveer en dinge verander. Die wêreld beweeg so vinnig, as jy nie op jou tone bly nie, loop jy die geleenthede om voor te bly mis. Ek glo ook sterk daarin om veelvuldige ondernemings te bou en dus verskeie inkomstestrome te verseker.” LEIGH-ANNE WILLIAMS BEKEND VIR: Aanbiederswerk ANDER INKOMSTE: Medestigter van die House of Nasi Goreng (HoNG)-restaurant “Wees geduldig en gewillig om te leer. Moet…

HY WAS besig om die slotte by sy ouerhuis te vervang toe hy na sy foon gryp om sy pa te vra waar hy dan die gereedskap bêre. Net soos baie ander kere wat hy hulp of raad gesoek het. Maar toe tref dit hom opnuut, soos ’n vuishou in die maag: Pa sal nooit weer die foon antwoord nie. Pa is vermoor, nes sy ma en kleinsus. En sy eie broer is as verdagte vir die pleeg van die ondenkbare dade op Oukersaand vasgetrek. ‘EK HET GEWEET HY GAAN MY MA DIE EEN OF ANDER TYD SEERMAAK. MAAR SY WOU NIKS HIERVAN HOOR NIE’ “Hulle is erg aangerand en brutaal vermoor. Dis ’n prentjie wat ek nooit uit my kop uit sal kry nie,” sê Jaco Botha (48) van…

WANNEER ’n mens sy naam hoor, dink jy dalk aan hoe hy met verbysterende spoed op sy motorfiets om draaie sny, of jy onthou sy rekord verlede jaar in die Italiaanse MotoGP vir die vinnigste spoed nóg op ’n Grand Prix-motorfiets: 366,1 km/h. Maar dit was ’n heel ander Brad Binder wat op ’n sonnige dag in Desember op die Molenvliet-landgoed aan die oewer van die Banghoekrivier op Stellenbosch aangekom het. Hy het sy spesiaal ontwerpte leerpak en valhelm verruil vir ’n statige snyerspak, en sy motorfiets was nêrens te sien nie. Hierdie dag het alles oor die liefde gegaan – en Suid-Afrika se MotoGP-ster was in sy element. Ná ’n romanse van byna sewe jaar het Brad (28) eindelik met die liefde van sy lewe, Courtney Renniers, getrou. Die…

OOSTERSE SLAAI GENOEG VIR 4 MENSE / BEREIDING: 20 MIN. / GAARMAAK: SOWAT 7 MIN. Kikker ’n verskeidenheid groenigheid op met repies pynappel, avokado, gesoute neute en noedels. SLAAISOUS ◗ 80 ml (⅓ k) soesji-ryswynasyn◗ 30 ml (2 e) balsemieke asyn, bosbessiegeur◗ 60 ml (¼ k) kanolaolie◗ 15 ml (1 e) sesamolie (opsioneel)◗ 5 ml (1 t) sagte bruinsuiker SLAAI ◗ 250 g soba-noedels, volkoring-Chinese noedels of eiernoedels◗ 150 g groen blare soos bronkors, babaspinasie en roket◗ 1 Libanese komkommer, in skyfies gesny◗ 1 avokado, in repies gesny◗ ’n halwe pynappel, in stokkies gesny◗ 4 hande vol vars kruie soos koljander, ment en basilie◗ 4 stingeluie, in dun ringe gesny◗ ’n groot hand vol geroosterde gesoute gemengde neute (amandels, pekanneute, kasjoeneute, Brasiliaanse neute) 1 Slaaisous Klits al die bestanddele goed…

IT is noodsaaklik om ‘n goed ingerigte werkruimte te he om sukses op skool te behaal, en alles wat jy daarvoor nodig het, is byderhand. Gebruik plastiekomslae, opvoubare kratte, koevertvouers en blaailêers om verskillende vakke te organiseer. Dit sal jou help om werkopdragte, aantekeninge en belangrike dokumente in orde te hou. Plastiek-blaailêers voorkom dat jou papiere verniel en opvoubare kratte skep toeganklike bêreplek vir boeke en voorraad. Koevertvouers en blaailêers bied ‘n geordende manier om verskillende items, soos papier en potlode, te kategoriseer en te vind. Sien die kassie regs vir eenvoudige en bekostigbare items wat kan help om ‘n stresvrye omgewing te skep wat jou fokus, produktiwiteit en aka-demiese prestasie verhoog. Kom ons maak van skoolwerk ‘n piekniek! BEREPLEK-OPLOSSINGS ▶ A4-plastek-omslae in pakke van tien teen net R9,99 per…

DIE WITTEBROOD IS VERBY V: Hoe weet ’n mens wanneer die huwelik sy glans begin verloor? A: Wanneer die man bel om te sê hy gaan laat wees vir ete, maar sy vrou het reeds ’n nota op die tafel gelaat om te sê die kos is in die louoond. JOHAN H, GONUBIE WAG VOOR DIE MOND Oom Kaspaas was nog maar altyd ’n ruwe diamant, en toe hy van die plaas af dorp toe trek om by sy dogter te bly, moes sy hard aan sy maniere werk. Op ’n dag het die hooikoors hom beet en sy dogter merk op: “Ek is so trots op Pa! Ek sien Pa het uiteindelik geleer om Pa se hand voor Pa se mond te hou wanneer Pa nies.” Oom: “Natuurlik, my…

EEN van Google se medestigters, Sergey Brin, het nou ’n nuwe doel voor oë. Sy firma Lighter Than Air Research hoop hulle kan lugskepe weer terugbring. Lugskepe was gewild in die vroeë 20ste eeu, maar toe die Hindenburg in 1937 in vlamme uitgebars het en verwoes is, het die meeste mense ’n vrees ontwikkel vir dié vervoermiddel. Vliegtuie het toe lugskepe se plek ingeneem. Vliegtuie was ook baie, baie vinniger. Sergey en sy vennoot, Alan Weston, hoop om lugskepe weer gewild te maak. Hulle het reeds ’n toetsvlug onderneem met die Pathfinder 1. Die span sê lugskepe het baie minder besoedeling as vliegtuie tot gevolg. Hulle glo dus dit kan die koolstofvoetspoor van lugvaart verminder. Van buite lyk die lugskip nes die Hindenburg en ander lugskepe van destyds, maar hoe…

1 In watter land is die Taj Mahal geleë? 2 Wie het die Mona Lisa geskilder? 3 Watter land is bekend vir hul sjokolade en handelsmerke soos Lindt? 4 Watter diere is die hoofkarakters in die boek Charlotte’s Web? 5 Hoe lank is ’n president se termyn in Suid-Afrika? ANTWOORDE 1. Indië 2. Leonardo da Vinci 3. Switserland 4. ’n Vark en ’n spinnekop 5. Vyf jaar BRONNE THE GUARDIAN, CNN, BBC, REUTERS WWW.TECHCRUNCH.COM, LTARESEARCH.COM, SKYSPORTS.COM, NEWSFORKIDS.NET, AF.WIKIPEDIA.ORG…

VOEL jou dag te kort? Voel dit soms asof jy baie tyd afstaan aan take en pligte en nooit kans kry vir ontspan nie? Die vaardigheid om ’n balans te kry tussen pligte en plesier, word tydsbestuur genoem. As jy van jongs af kan leer om jou tyd suksesvol te organiseer, kan dit ’n groot verskil maak aan hoe jy studeer, hoe goed jy jou daaglikse pligte hanteer, en hoeveel tyd jy het vir die lekker dinge wat jy wil geniet. HOEKOM IS TYDS-BESTUUR BELANGRIK? Jy sal saamstem dat kinders vandag net so besig kan wees soos volwassenes. Tussen skoolgaan, buitemuurse aktiwiteite, akademie en pligte by die huis, kan dit voel asof jy nie tyd het om te ontspan en ’n sosiale lewe te hê nie. Dit kan oorweldigend voel.…

Nog ’n prettige seisoen van Die Babbelbende is nou volstoom aan die gang! Kyk saam na seisoen 2 op huisgenoot.com. In dié aanlyn Afrikaanse kinderreeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer oor ons wonderlike wêreld leer. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook media24shop.com om jou eie Paloeka-of Palawapop of die Babbelbende se Groot Storieboek te bestel. Bly…

MENS hoor dit oral. Naomi Campbell is mal oor die lirieke, Jay-Z hou van die ritme, Jennifer Hudson het daarop probeer dans, en selfs Barack Obama is ’n groot aanhanger. Jy sien gereeld hoe mense ’n bottel water gryp en die inhoud oor hulle rug gooi as hulle die Water Dance-uitdaging doen, geïnspireer deur die sensuele snit “Water” deur Tyla, ’n sangeres uit Suid-Afrika. Geen plaaslike liedjie het al soveel sukses in Amerika behaal sedert die jazzlegende Hugh Masekela se “Grazing in the Grass” 55 jaar gelede nie – en dié jong ster van Johannesburg gaan net van krag tot krag. Tyla het 2023 op ’n hoogtepunt afgesluit toe sy op Oujaarsaand op Times Square in New York ’n skittervertoning van haar treffer gelewer het. Sy is oral in aanvraag,…

MET ’n hart vol afwagting lê die swanger vrou onder die kraamsaal se teaterligte, gereed om die lewe wat in haar groei in die wêreld te verwelkom. Maar vandag is hoop en blydskap nie die enigste emosies in die vertrek nie. Terwyl sy nuwe lewe in haar dra, skuil die dood in haar man wat langs haar lê. Johan “Pikkie” Swanepoel (32) was met die geboorte van sy en sy vrou, Claudia (37), se seuntjie, Blake, ’n pasiënt in dieselfde hospitaal. Hy het terminale kanker gehad, kon skaars regop sit, staan of praat. Maar dokters het hul bes gedoen om hom deel te maak van dié blye dag en hom op ’n hospitaalbed langs Claudia ingeskuif om haar hand vas te hou. Dit was roerend toe die klein mannetjie met…

SWART LANGBROEK VOORKOMS 1 VOORKOMS 2 MOULOSE ROK VOORKOMS 1 VOORKOMS 2 ONDERBAADJIE VOORKOMS 1 VOORKOMS 2 OORVOUROMP VOORKOMS 1 VOORKOMS 2 BAADJIE VOORKOMS 1 VOORKOMS 2 A-LYNROK VOORKOMS 1 VOORKOMS 2 MOULOSE GEBREIDE TOP VOORKOMS 1 VOORKOMS 1 GEBLOMDE BLOES VOORKOMS 1 VOORKOMS 2 KRY DIT HIER BASH, BASH.COM; EDGARS, 031-010-0005; EXACT BY BASH.COM; FOSCHINI BY BASH.COM; H&M, HM.COM/ZA; LOVISA, 010-143-0780; MR PRICE, 064-584-1000 (WHATSAPP); PEP, 086-073-7000; THE FIX BY BASH.COM; TRUWORTHS, 021-460-2300; WOOLWORTHS, 0860-022-002; ZARA, ZARA.COM/ZA HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie, en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur ’n e-pos na vra-virirma@gmail.com of SMS Vra vir Irma gevolg deur jou vraag na 36489. IS PORNOGRAFIE NORMAAL? V Ek en my man is al 18 jaar getroud, en ek het gedink alles loop klopdisselboom. Tot my skok het ek onlangs uitgevind my man kyk al vir jare pornografie en bevredig homself dan. Hy beweer dit gebeur net een keer per week. Ek beskou dit as egbreuk, maar hy sien niks verkeerd daarmee nie. Is dit normaal vir…

SWART EN WIT Hierdie idee is perfek vir wiskunde of literatuurboeke. Wat jy nodig het: ou tydskrifte of koerante, swart koki’s, permanente merkpenne en Pritt. Maak só: 1. Skeur interessante patrone van swart en wit letters uit die tydskrif-en koerantartikels, maar fokus op die kleurvrye dele. Jy kan ook swart-wit foto’s gebruik. 2. Rangskik dit op jou boek of lêer se omslag en laat openinge wat die omslag wys. 3. Plak dit met Pritt in jou gekose volgorde vas. 4. Gebruik nou ‘n swart koki of ‘n permanente merker om lyne en patrone te trek wat die vasgeplakte stukke verbind. Dit behoort ‘n monochromatiese effek te skep. DIEREPRET Hierdie ontwerp is ideaal vir vakke soos biologie of wetenskap. Wat jy nodig het: ou tydskrifte of koerante, kleurpotlode en Pritt. Maak…

WATERDRAER 21 JAN – 18 FEB Verwag ’n mate van intensiteit in jou lewe, veral rondom die 20ste, wanneer die kragtige Pluto in lyn skuif met die son. Pluto, ook bekend as die pla-neet van transformasie, maak ook hierdie week ’n langtermynskuif namate dit in jou teken inbeweeg. Dink hieraan as ’n kans om dit wat nie meer ’n doel in jou lewe dien nie – situasies, mense en dinge – te begin uitskakel. Dit klink dalk genadeloos, maar dis noodsaaklik vir ’n vars, nuwe begin. GELUKKIGE NOMMERS 1, 15, 40, 45, 37, 3 WATERDRAER: WERKOMGEWING ◼ Jy verkies ’n oopplankantoor omdat dit jou ’n gevoel van samehorigheid gee. ◼ Jy deel graag hulpbronne, net nie jou skootrekenaar nie. ◼ Jy probeer om jou eie werkure te onderhandel. ◼ Waterdraers…

Die kinderboek Peter Pan is ook nou in openbare besit in Amerika. In Engeland behoort die regte tot die boek aan ’n kinderhospitaal. Winnie-the-Pooh se springende tiermaatjie Tigger is ook in openbare besit. Winnie-the-Pooh self is sedert 2022 sonder kopiereg. Ander werke wat deur die jare in openbare besit gegaan het sluit in Lewis Carroll se Alice’s Adventures in Wonderland, Charles Dickens se A Tale of Two Cities en Oliver Twist, The Wonderful Wizard of Oz en die sprokies van die Grimm-broers.…

R2 miljoen Dis hoeveel ’n vaas wat ’n vrou genaamd Jessica Vincent vir omtrent R70 gekoop het, toe eintlik werd is. Dis in die 1940’s gemaak deur die Italiaanse argitek Carlo Scarpa. Kenners is verstom oor die goeie toestand waarin dit is. Jessica wou dit liewer verkoop as om so ’n waardevolle item te moet oppas. R140 miljoen Dis hoeveel ’n versamelaar betaal het vir ’n “rookie card” van die legendariese bofbalspeler Babe Ruth. Die kaart is in 1914 tydens sy eerste seisoen as speler in die destydse International League gedruk. Dis die derde grootste bedrag wat al ooit vir ’n sportkaart betaal is. 500 Die Australiese bouler Nathan Lyon het die sewende bouler geword wat 500 paaltjies in toetskrieket geneem het. Hy is ook die vierde Australiër wat dié…

WAT JY NODIG HET STAP VIR STAP 1 Dit is ’n goeie plan om hierdie projek buite te doen aangesien dit baie morsig is. Maak seker jy werk op ’n plat oppervlak. Plaas die leë 2 L-bottel in die skinkbord of roomysbak. 2 Baie belangrik: Trek die voorskoot aan, asookdie veiligheidsbril en handskoene om jou oë en hande teen die waterstofperoksied te beskerm. Vra altyd ’n volwassene om jou te help wanneer jy die waterstofperoksied hanteer. 3 Spuit ’n eetlepel vol skottelgoedseep in die 2 L-bottel. 4 Vra ’n volwassene om jou te help om 125 ml waterstofperoksied in die maatbeker af te meet. Gebruik die tregter om dit versigtig in die 2 L-bottel met die skottelgoedseep in te gooi. Moenie die prop weer opsit nie. 5 Sit die 2 L-bottel met die mengsel daarin…

TANSEY COETZEE Bypassende swembroeke. Tiek. Sonbrille. Tiek. Die voormalige Mej. Suid-Afrika en haar dogter, Peyton (5), is mal oor die somer. “Dit is my en my dogter se gunstelingtyd van die jaar. Dis ons tyd om bypassende swembroeke te dra, dit met ’n sonbril af te rond en ons natuurlike krulle uit te skud terwyl ons die lewe in die buitelug geniet,” sê Tansey. Die see is beslis ma en dogter se gunstelingplek. “Die strand kalmeer my siel, en my dogter se oë skitter. Om by die see te wees laat my ontspan. Ek is mal daar-oor dat Peyton se gunstelingdinge sand en water behels.” DIRK VAN DER WESTHUIZEN Die sanger het onlangs op Jeffreysbaai uitgespan, en dis net spiere waar jy kyk! Ná ’n bedrywige feestyd propvol vertonings, geniet…