Innholdsfortegnelse for 11 January 2024 i Huisgenoot

1 ONS KUIER BY KLEIN KWAGGA DIE DANSKONING Sy naam is eintlik Dirkco Jansen van Nieuwenhuizen, maar vir die land sal die sewejarige ‘Lyfie’-buksie altyd net Kwagga wees Jy’s ’n pragtige seun met ’n lus vir die lewe en pragtige maniere. Dankie vir daai beroemde dans, dit doen die ding! Van opgewek opstaan tot rustig gaan slaap is dit ’n briljante tonic vir ’n mens se gemoedstoestand. OHNA Kwagga, jou oulike seun! Jou ouers het jou goeie kwaliteite geleer. Die dag toe ek jou hoor praat met die tannie oor die radio was ek beïndruk met jou goeie maniere. Ek salueer ook jou ouers. Hulle seuntjie gaan dit ver bring. MARIAAN Ek is een van baie wat my verkyk aan die talentvolle seun. Tog is daar in my hart ook…

DIE TRONK is nie ’n hotel nie. Dit was nooit bedoel om te wees nie. Dít het Oscar Pistorius gou geleer. Vir hom was daar min spesiale behandeling gedurende sy jare agter tralies. Hy moes met die minimum klaarkom en deurdruk. Verjaardae, herdenkings en Kersfees moes hy meestal alleen deurbring. Hy moes alleen sy hartseer verwerk as familielede sterf. In al sy jare in die tronk kon hy net een keer per maand besoekers ontvang – nes ander gevangenes. Ál ander konneksie met die buitewêreld was vyf oproepe per week van 10 minute elk. En Kersfees? Dan was ál vergunning dat hy ’n bykomende R75 van sy persoonlike geld kon gebruik om lekkergoed, Kersversierings en koeldrank by die snoepie te koop. Oscar, nou 37, het in Oktober 2014 sy vonnis…

1 LOER GERUS: DEURSIGTIGE KLERE Dit was Kate Middleton se deursigtige rokkie wat prins William die eerste keer kiertsregop laat sit het toe hy haar in 2002 by die Universiteit van St. Andrews op die loopplank sien paradeer het. En nou, meer as 20 jaar later, sien ons daardie toneel herleef in die reeks The Crown terwyl deursigtige klere weer oral by modeparades opduik. Waag ’n bietjie met ’n deursigtige bostuk saam met jou broekpak, en laat die baadjie oophang. Prada voeg voering by hul deursigtige rokke sodat dit net-net kuis bly, en Givenchy span selfs deursigtige handskoene in. 2 KYK WIE’S TERUG: DIE 2010’S Elke era het al sy comeback in die modewêreld beleef: die 1960’s, die 1970’s, selfs die 1980’s en verlede jaar die 1990’s. Vanjaar draai ons…

MY SELFVERTROUE IS HEELTEMAL WEG NÁ VALS BESKULDIGING V Ek was in ’n baie ernstige verhouding en was van plan om te trou. Die vrou se tienerdogter wou niks daarvan weet nie en wou haar ouers weer bymekaar hê. Sy het ’n verklaring afgelê dat ek haar probeer verkrag het, en die uiteinde was dat ek in die tronk beland het. Ek het my huis, werk en mense se respek verloor. Ná agt maande het die kind by ’n onderwyser gebieg dat sy gejok het en nie gedink het ek sou tronk toe gaan nie. Sy is intens ondervra en ek is onskuldig verklaar. Die landdros het my opreg verskoning gevra en aan my verduidelik wat my regte sou wees ná my vrylating. Ek was egter moeg baklei en het…

DIE AVONTURIER Ons het haar mededingende en avontuurlustige kant gesien toe sy verlede jaar aan kykNET se werklikheidsreeks Die brug deelgeneem het. En nou is sy die aanbieder van die adrenalienbelaaide VIA-program Die uitdaging. In dié reeks van 10 episodes daag Iana (25) in elke episode ’n bekende uit om hul grootste vrees te konfronteer en epiese uitdagings aan te durf. Kykers gaan sien hoe die sanger Refentse voel wanneer hy volspoed met ’n kar om ’n renbaan jaag en hoe die akteur Hykie Berg met ’n valskerm uit ’n vliegtuig spring. “Dit was ongelooflik lekker om dit te verfilm. Dit was ’n groot bederf om die bekendes in die program te hê,” sê Iana. As aanbieder het sy al die uitdagings saam met die bekendes aangepak. “Dit was interessant,…

GROOT BLOKRAAI WEN ’N BOEK VAN TAFELBERG PLUS KOM IN AANMERKING VIR DIE MAANDELIKSE TREKKING VAN R1 000. NO 2 526 KOMPETISIEVRAAG Watter sterrebeeld is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week se prys is B. Nel se Derick Hougaard: Die ware storie van die liefling van Loftus (Tafelberg, R260). “Dié seun is vir groot dinge bestem.” So het Derick Hougaard se afrigters geglo. Op die bloedjong ouderdom van 19 verower hy die Curriebeker vir die Blou Bulle én verbeter Naas Botha se eindstryd-punterekord. Maar toe begin dinge verkeerd loop vir die liefling van Loftus. Harsingskudding, Kamp Staaldraad, beserings en ’n pilverslawing het hom laat steier. Sy sprokieshuwelik is verwoes en sy beroepslewe en geldsake…

Nog ’n prettige seisoen van Die Babbelbende is nou volstoom aan die gang! Kyk saam na Seisoen 2 op huisgenoot.com. In dié aanlyn Afrikaanse kinderreeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hulle speel-speel meer oor ons wonderlike wêreld leer. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook media24shop.com om jou eie Paloeka- of Palawa-pop of die Babbelbende se Groot Storieboek te…

SUNET WESSELS (60), SKOOLHOOF, SUID-VRYSTAAT ‘EK HET nooit gedink ek sou ’n onderwyseres word nie. Miskien het ek gedink dit klink bietjie vervelig. Maar daar’s iets uit my skooltyd op Clocolan wat bybly. In my sub A-klas was daar ’n klasmaatjie, Hugo, wat kognitief gestremd was. Juffrou Myburgh het gevra ek moet hom in pouse help met sy skoolwerk, want hy’t maar gesukkel. Stádige leerder gewees, daardie Hugo. Ek het hom gehelp somme maak met appelkoospitte en sy hand vasgehou sodat hy woorde kan skryf. Sy handjie was maar papperig. Ek sal hom nooit vergeet nie. Ná skool en met ’n diploma in voedsel-en- kledingtegnologie wat ek in 1983 by die Potchefstroomse universiteit gekry het, het ek behoorlik geblom in die gasvryheidsbedryf. Ek sê geblom, want my ding was veral…

EN SKIELIK is hy vry. Nie heeltemal nie, maar tog soortvan. Terug by die huis. Terug tussen sy mense. Maar al lê daar net sowat 20 km tussen die gegoede Pretoriase buurt Waterkloof en die tralies van die Atteridgeville- gevangenis, was die pad terug lank – en die wag selfs langer. Byna 3 000 nagte moes Oscar Pistorius, nou 37, in ’n sel op ’n harde tronkbed slaap. En byna 11 jaar lank moes hy wag om te hoor: Jy het lank genoeg geboet vir die bloed aan jou hande. Noudat die gevalle Paralimpiese atleet parool gekry het ná sy tronkstraf vir die moord op Reeva Steenkamp, mag hy met sy lewe voortgaan. Maar hy sal altyd moet saamleef met die wete: Hy het sy meisie doodgeskiet in die vroeë…

VOOR alles in 2013 wreed ontspoor en sy naam sinoniem met ’n uitgerekte moordverhoor geraak het, was Oscar Pistorius vir Suid-Afrikaners ’n ikoon en ’n voorbeeld om na te streef. Hy het talent, uithouvermoë en optimisme verpersoonlik. Die pad wat hy op kunsbene moes stap, was besaai met hartseer en persoonlike uitdagings. En dit was nie net weens sy gestremdheid nie; die Pistorius-gesin is deur troebel waters. Maar Oscar het deurgedruk tot hy die kruin bereik het. Oscar Carl Leonard Pistorius is op 22 November 1986 gebore as die middelkind van Henke en Sheila Pistorius. Die uitdagings het dadelik begin. Sy bene was met sy geboorte misvorm en op 11 maande het sy ouers die moeilike besluit geneem om albei onder die knieë te laat amputeer. Ses maande later het…

1 HOE ROOIER, HOE MOOIER Staan opsy, Barbie! Pienk is só verlede jaar, want rooi oorrompel die skoonheidswêreld vanjaar weer. Skakerings van rooi maak oral hul verskyning – van die rooitapyt en loopplank (by die Dolce & Gabbana-modevertoning, waar rooiwarm lippe die kollig gesteel het) tot by Amerikaanse voetbalwedstryde (te danke aan Taylor Swift se rooi lipstiffie en naels). Kersierooi is een van die gewildste skakerings van die seisoen, maar wees ook op die uitkyk vir tamatie- en papawerrooi. Dis klassiek, o so sjiek, en geskik vir enige voorkoms. 2 BALLERINA-BETOWERING Dis romanties, grasieus en elegant. Vroulik en sag. Jeugdig en eenvoudig. Hoe kry jy die ballerinavoorkoms? Met ’n netjiese bolla, ’n vel met ’n rosige, douerige voorkoms, en naels wat in melkerige kleure gemanikuur is. Gebruik bloospienk, sagte roos,…

MOENIE ’n opgaarder wees nie! Hou ’n uitverkoping om van jou oortolli- ge goed ontslae te raak. Jy gaan meer ruimte hê, jou irritasievlakke gaan daal, en die ekstra geld kan nuttig wees. Hier is 10 wenke vir so ’n uitverkoping. 1 DAAR MOET VERSKEIDENHEID WEES Om belangstelling te lok, moet daar dinge te kies en te keur wees. Een verkooptafel in jou oprit gaan nie aandag trek nie. ■ Betrek jou bure en vriende om kritieke massa te kry. Onthou, jy benodig munisipale toestemming vir openbare ruimtes soos speelparkies. ■ Fynkam jou motorhuis, buitekamer, kombuisrakke en kaste vir als wat stof opgaar. Daar kan ’n verrassende hoeveelheid sporttoerusting, gereedskap en bordspeletjies uitkom. Goeie klere wat jy nie meer gereeld dra nie, kan iemand anders se hart verbly. 2 DIE PRYSE…

OP SOEK NA LIEFDE Gaan die sanger Brendan Peyper nes die akteurs Neels van Jaarsveld en Francois Jacobs liefde vind in Op my eish! se derde seisoen? Enkellopende vroue van hier tot in Namibië kon van einde Augustus verlede jaar inskryf in die hoop om Brendan se oog te vang. Uit die talle briewe wat hy gekry het, het hy met behulp van sy wingman, die sanger Jo Black, 16 vroue gekies wat hy beter wil leer ken. Kykers kan van 11 Januarie af, oor 13 episodes, sien hoe die vroue agterkom hoe avontuurlustig die sanger regtig is. Die verfilming van die reeks het reeds in September verlede jaar begin. Brendan en die produksiespan het in die Oos-Vrystaat gekuier om die vroue te leer ken. Kykers kan uitsien na ’n…

THE BODY ILLUSTRATED: A GUIDE FOR OCCUPANTS Deur BILL BRYSON Penguin, R769* “Daar is geen twyfel hieroor nie: Jy is waarlik ’n wonderwerk. Maar net so is die erdwurm ook.” “Dit lyk of kinders van vandag die eerste in die moderne geskiedenis is wat korter, ongesonder lewens sal lei as hul ouers. Ons eet nie net onsself in ’n vroeë graf in nie, dit lyk asof ons ook kinders grootmaak wat saam met ons daar gaan inspring.” “Dalk is niks so veelseggend oor ons versigtigheid rakende ons genitalieë nie as die woord pudendum (die uitwendige genitalieë, veral die vrou s’n) – dit kom van die Latynse woord wat beteken ‘om jou te skaam’. ” “Vir elke 400 middeljarige Amerikaners wat jaarliks sterf, sterf net 220 in Australië, 230 in Brittanje,…

KARSKADE Gert antwoord sy foon. “Goeiemôre, Meneer, dit is die motorhawebestuurder hier. U vrou was nou net hier en ons bel oor die koste van die herstelwerk,” sê die stem aan die ander kant. Gert: “Ek weet. Dis tog net die flikkerlig wat beskadig is toe sy nie gister haar draai kon kry nie; ek sal betaal.” Bestuurder: “Goed, Meneer, maar wie gaan betaal vir my muur wat sy omgery het?” JOHAN H, GONUBIE WILSKRAG My skoonma laat haar deur niks keer nie. Sy kan ’n berg van ’n molshoop maak, selfs al is daar geen molshoop nie. JOHANNA RADEMEYER WERKRISIKO Oogkundige: “Onthou asseblief om jou nuwe bril die hele tyd te dra, selfs wanneer jy werk.” Pasiënt: “O, dit gaan ’n bietjie moeilik wees; ek is ’n bokser!” HERMAN…

TROMPOPPIE? NIE SY NIE! Om ’n stok in die lug te hou terwyl jy ingewikkelde gesinchroniseerde dansbewegings maak, is nie maklik nie. Trompoppies laat dit maklik lyk om nie op die kop getref te word nie. En al speel Lindzay nou ’n trompoppie op Showmax se nuwe reeks, is sy beslis nie een van dié wat sulke toorkuns kan uitvoer nie. “Ek was nie ’n trompoppie op skool nie,” sê Lindzay. “My ma wou altyd hê ek moet een wees of ten minste op een of ander manier aan die sport deelneem, maar my hand-oog-koördinasie is aaklig. Ek sweer as ek selfs net probeer om met ’n aflosstokkie te werk sal ek my oog uitsteek. En selfs al kry ek weer die kans om dit op skool te doen, sal…

HOE lekker is dit om te hoor iemand wat swaargekry het, het eindelik geluk gevind. Maar dan ook: Hoe hartseer is dit om te hoor daardie geluk was vlietend. ’n Paar jaar gelede het Leanne du Preez (nou 33) ’n klomp mense geïnspireer toe sy as 21-jarige ’n verstommende 76 kg afgeskud het. ’n Hele Huisgenoot-projek, Klop die skaal, is van stapel gestuur onder lesers wat haar voorbeeld wou nadoen. Tientalle het daarin geslaag – danksy die motivering wat Leanne hulle gegee het. Helaas was dié suksesverhaal nie die laaste hoofstuk in Leanne se storie nie. Hier sit sy nou. Sy het al weer die stryd teen die skaal verloor. “Om gewig te verloor en nie daarby te kan bly nie is ’n verleentheid. Ek is ’n mislukking,” sê sy…

MAURITIUS RHONA ERASMUS Die Real Housewives van Pretoriaster is saam met haar onderwyserman, Wikus, en hul twee seuns, Júan (9) en Wikus jr. (7), Mauritius toe. “Ons is mal oor eilandvakansies vir net rus. Ná ’n besige jaar is dit heerlik om langs die strand of swembad te ontspan sonder om aan kosmaak of skoonmaak te dink,” sê Rhona. Die gesin het hulle gate uit geniet op die eilandparadys. “Hier is so baie aktiwiteite. Ons gunsteling was ’n dag uit op ’n motorboot. Ons het die lekkerste seekosbraai op die strand gehad. Niks fancy nie, maar dit is juis waarvan ons hou. Soos die locals dit doen,” sê sy. THAILAND HERMAN LENSING Die TV-sjef het in Thailand uitgespan. “Ek was al daar, so 12 jaar terug vir werk, maar dis…

DIS OUKEI AS NIE ALMAL VAN JOU HOU NIE Sy is dalk ’n Oscarbekroonde aktrise en is nou weer benoem vir haar rol in die rolprent Poor Things, maar EMMA STONE het geleer dat jy nie almal se guns kan wen nie. “Dis oukei as nie almal van jou hou nie,” sê Emma in ’n onderhoud met Vogue UK se Giles Hattersley. “En ek stel nie daarin belang om hulle te probeer oortuig dat ek ’n aangename mens is nie. Dis interessant dat jy verwys na die ‘bekoring’ wat deel is van my openbare persona. Deels is dit skade aan my, en deels is dit my eie foute en swak plekke.” WEES SELF DIE HELD WAT JY NODIG HET ZOE SALDANA is bekend as ’n kickass-aktrise – daar is net…

BENEDICT SE ONTVOERING IN SA Terwyl hy besig was om die minireeks To the Ends of the Earth in Suid- Afrika te verfilm, het BENEDICT CUMBERBATCH een van die traumatiesste ervarings van sy lewe deurgemaak. Benedict en sy vriende was op pad terug van ’n duikuitstappie in Durban toe die wiel van hulle kar bars. Terwyl hulle besig was om dit te ruil, is hulle deur ’n groep gewapende mans aangeval wat hulle beroof en daarna met hulle rondgery het. Hulle is vasgebind, en op ’n kol is Benedict (47) in die bagasiebak gegooi. “Ek was doodbang. Ek het gevra: Wat gaan julle met ons doen? Gaan julle ons vermoor?” het die akteur aan The Hollywood Reporter gesê. Die aanvallers het hulle eindelik, sonder enige verduideliking, by ’n donker en…

TOE June Steenkamp op 19 Augustus 1983 in Kaapstad die lewe skenk aan haar tweede dogter, het sy en haar man, Barry, reeds besluit hulle wou haar Rebecca noem. Maar toe stap Barry in die hospitaal in net nadat die baba gebore is met ’n voorstel: Reeva. In Bybelse Hebreeus beteken Reeva “om saam te bind”. Dit het soos ’n sterk naam geklink, het Barry in 2022 in M-Net se dokumentêre reeks My Name Is Reeva gesê. In dieselfde program vertel June Reeva se koms het hulle so verbly omdat die Steenkamps nie gedink het hulle sou saam ’n kind hê nie. June het ’n dogter, Simone, en Barry ’n seun, Adam, uit hul vorige huwelike gehad. Eindelik het hulle hul jongste Reeva Rebecca gedoop. In Reeva se kinderdae het…

1 LEKKER RETRO Jy hoef nie in tweedehandse winkels rond te snuffel vir vintage en antieke ware nie – jy kan retro dekor nou ook by verskeie aanlyn handelaars bestel. Veral meubels uit die 1970’s is hoogmode. Kies kurwes, baie hout en wollerige kunspelsmatte. 2 NEUTRAAL STAAN SENTRAAL Die dekorkleure van die jaar is kalmerend en warm, met onder meer Pantone se Rooibos Tea as ’n uitstaankleur vir 2024. In teenstelling help meubels en bykomstighede in uitstaankleure om lewe te gee aan hierdie neutrale palet. Ons sien meer kombuiskaste en meubels in juweel- en kleurvolle skakerings soos dié Jude-stoeltjie, R329, Decofurn. 3 TREFFENDE TEËLS Praktiese stasieteëls is steeds gewild, maar anders as in vorige jare word die teëls nou vertikaal pleks van horisontaal gelê. Teëls met patrone is ook steeds…

Verswakte visie en oogsiektes soos gloukoom en katarakte slaan met die jare ál meer toe. Daarom moet jy gereeld jou oë laat toets. Die oogkundige Carin Muller beveel ’n jaarlikse oogondersoek vanaf so jonk as 7 jaar aan en sê dit help om oogverwante siektes en probleme te identifiseer. “Baie oogsiektes, ingesluit dié wat blindheid kan veroorsaak, het nie vroeë simptome nie.” Simptome soos dubbelvisie, vae beelde, kopseer en swak sig in die nag moet jou aanmoedig om ’n oogtoets te laat doen. Flitse en goed wat in jou sigveld dryf, kan ’n aanduiding van ’n mediese noodgeval wees, soos jou retina wat skeur of los is. Ongeveer 14% van mense tussen 45 en 64 jaar ervaar ’n vorm van gehoorverlies, maar dit styg tot 30% by mense van 65…

CHAUNTE DU BRUYN (22), STUDENT Chaunte, van Polokwane, het ingeskryf om Brendan se hart te wen. “Ek is nog altyd iemand wat glo mense wat kanse waag, is mense wat wen. Jy gaan nie die werk kry as jy nie jou CV instuur nie, en dit is dieselfde beginsel wat tel in liefde,” sê sy. CHRISTINE KIRKCALDY (28), HAARSTILIS Christine van Hartbeespoortdam wil ’n kans op die liefde waag. “Ek het met ’n oop kop ingeskryf om liefde te vind en ’n kans gevat om dit te beleef.” Haar maat moet lief wees vir God en sy familie. “Iemand wat my beste maat kan wees en my respekteer.” NADIA OLIVIER (26), STUDENT Die Pretorianer se ideale pasmaat moet waardes hê, snaaks en slim wees. “En hy moet kan visvang en…

STEENBOK 21 DES – 20 JAN As jy nog nie besef het dat jy tans die middelpunt van al die aandag is nie, is die kans goed dat jy hierdie week sal. Met Mercurius wat by die huidige planete in jou teken aansluit, is jy nie meer sonder ’n stem nie en gretig om dit aan die wêreld te wys. Lug jou mening en standpunte met die wete dat jy wel weet waarvan jy praat. Voeg hierby ’n nuwemaan in jou teken op die 11de en jy kan op ’n skoon lei begin. JOU GELUKKIGE NOMMERS 6, 24, 42, 43, 37, 8 STEENBOK: EIENSKAPPE ■ Ernstig korporatief en gesofistikeerd.■ Die rots van Gibraltar.■ ’n Wrang sin vir humor, skerp en skerpsinnig.■ Speel dit veilig en is superrealisties.■ Hou van ouer…

■ Materiële goed sal jou nooit gelukkig maak nie Mense kan nooit deur die materiële wêreld gelukkig gemaak word nie. Ons is spirituele wesens en kan net emosioneel gesond wees wanneer ons met ’n hoër wêreld in aanraking is. Dit is nie abstrakte filosofie nie. Dis ’n beskrywing van ons aard. Maar dit verg voortdurende werk om met hierdie magte in aanraking te bly. En tog is dit ook in ons aard om hierdie werk te probeer vermy. ■ Hoe om woede te hanteer Woede is onvermydelik, maar dis belangrik dat dit reg verwerk word op die oomblik wanneer dit opduik. Dit behels drie stappe: Wanneer jy kwaad is, wees ’n oomblik stil en fokus op jou woede. Blok alles anders uit. Die tweede stap is om die woede heeltemal…

Sydney Sweeney het behoorlik ontpop en weet hoe om op die rooi tapyt aandag te trek. Hier’s van haar voorkomste die afgelope ruk – van verleidelik en speels tot ouwêreldse Hollywoodglans.…