Innholdsfortegnelse for 7 December 2023 i Huisgenoot

1 EK WIL NOG DIE FOON OPTEL OM HOM TE BEL Sy mis haar pa, die oud-Bok Theuns Stofberg, sedert sy dood in Augustus, vertel Anzél Rabie. ’n Kuier saam met haar ma en suster het die seer verdryf Op my eerste Sondagaand op Kovsies in 1973 het hy en jou ouma my kom oplaai en het ons by mense gaan kuier. Later het hy saam met my kamermaat Kallie Joubert slot gespeel. Hy was nie so stout soos ons nie; hy was ’n baie goeie mens. DEON Om iemand so naby aan jou te verloor is inderdaad baie hartseer. Die gemis en leemte bly vir altyd daar. Al wat ’n mens kan doen, is om daardie mens in jou gedagtes te laat voortleef en nooit te vergeet nie. Julle moet…

EEN tree was al wat dit geverg het om haar seun se lewe vir altyd te verander. In die lang dae langs sy hospitaalbed wou Bronwyn Royce net huil. “Daai beeld sal my altyd bybly. My kind wat daar onder die komberse in die hospitaal lê, en daar waar sy bene moet wees, is niks.” Maar sy moes sterk wees vir Cayle en hom oortuig dat hy nog ’n vol lewe kon lei, dat hy nie op die ouderdom van 26 kon tou opgooi nie. Dis nou al ’n dekade sedert Cayle, ’n gebore Kapenaar, se bene deur ’n tuisgemaakte ploftoestel in Afghanistan afgeruk is, maar met die Zoom-onderhoud uit Brittanje raak Bronwyn (62) opnuut emosioneel. “Daar gaan nie ’n dag verby dat jy nie huil nie. Jy kan jouself…

JY KEN dalk die naam, maar om ’n gesig daarby te plaas is moeiliker – sy is nie een vir die kalklig nie. As ma van die sangers Bobby en Karlien van Jaarsveld, maar ook as hul bestuurder en publisiteitsagent, werk Ronel Brink meestal agter die skerms. Maar daar is ook ’n tweede rede dat baie mense – selfs dié naby aan haar – die laaste ruk twee keer moet kyk voor hulle haar herken: Ronel het ’n allemintige 40 kg afgeskud. Sy vertel sy het geen dieet gevolg nie, net haar eetgewoontes aangepas – en nou gaan sy haar gesondheidsreis op die verhoog met ander mense deel. Soos baie van ons het die 59-jarige Ronel al talle kere in haar lewe gewig probeer afskud. Elke keer het sy haarself…

DIT is nie ’n storie dié oor teen die ouderdom baklei of die horlosie terugdraai nie. Nadat ek amper 20 jaar met velkenners onderhoude ge-voer het, kan ek eerlikwaar sê ’n gevegshouding aan die skoonheidsfront sal jou nie in jou vel laat ge-lukkig voel nie. Eerstens is dit geensins nuttig om jeug aan skoonheid gelyk te stel nie. Geen room of olie kan die verlede wegtoor wanneer jy ’n nuwe lewensfase binnegaan nie, maar dit kan die oorgang ’n bietjie gladder laat voel. Dit is ’n kwessie van balans. Dis nie te sê jy moet na moeë vel of plooie uitsien nie, maar om jou te veel oor jou voorkoms te verknies is nadelig vir jou selfbeeld en jou vel. Te dikwels lei dit tot ’n spul produkte met aktiewe…

As ouers nie self op ’n plan kan ooreenkom oor hoe hulle vir hul kinders gaan sorg nie, moet hulle ’n bemiddelaar gaan spreek wat hulle kan help om ’n ooreenkoms op te trek, sê prof. Madelene de Jong. Hier kan jy geakkrediteerde bemiddelaars vind: ▶ Suid-Afrikaanse Vereniging van Bemiddelaars (saam.org.za) ▶ Gesinsbemiddelaarsvereniging van die Wes-Kaap (famac.co.za) ▶ Bemiddelaarsvereniging vir Maatskaplike Geregtigheid (socialjustice.org.za) ’n Mens kan ook die Gesinsadvokaat se kantoor nader om jou met ’n plan te help. Besoek justice.gov.za om jou naaste gesinsadvokaat te vind.…

BOOGSKUTTER 22 NOV – 20 DES Jy is meestal in ’n vrolike luim, maar met dié week se verbintenis tussen Venus en Jupiter het jy rede om selfs meer opgeruimd te voel. Daarby beklem-toon ’n nuwemaan in jou teken op die 13de ook dat dit jou tyd is om uit te blink. ’n Nuwe begin en nuwe projekte is in die vooruitsig. Let daarop dat Mercurius in jou geldhoroskoop agteruitbeweeg. Oefen streng beheer oor jou finansies uit en moenie nou dokumente onderteken nie. GELUKKIGE NOMMERS 2, 7, 14, 15, 11, 6 STRATEGIEË VIR ’N BETER LEWE ◼ Jou sterkste punt is jou geesdrif. Dit spoel oor na ander. ◼ Jou swakste punt is om meer te beloof as wat jy kan bied. ◼ Skeduleer gereelde blaaskanse om die eentonigheid van…

DIE 24-jarige Kapenaar is nou te sien in nie een nie maar twee Showmaxreekse! Hy is Trevor in Spinners en vanaf 7 Desember is hy te sien as Dawie in Trompoppie. In Spinners speel hy die beste vriend van Shane (Dillon Windvogel) en Jackie (Stephren Saayman) wat later vriende word met die hoofkarakter, Ethan (Cantona James). “Trevor is eksentriek, soms onbewus van sy omgewing, maar lieflik en dien dikwels as die komiese verligting. Hy hou van pret, eet en sy troeteldonkie,” sê Braeden. DIE POSITIEWE SPEURDER Trompoppie gaan oor Luna, ’n talentvolle gimnas van “die ander kant van die treinspoor” wat ’n beurs aan ’n gesogte privaat skool toegeken word en haar in die glansryke en mededingende wêreld van ’n elitegroep trompoppies bevind. Later verkrummel die oënskynlik perfekte fasade van…

BELANGRIK Volwasse toesig is nodig. WAT JY NODIG HET NÓG HOPE PRET! Dié projek kom ook voor in Huisgenoot Maak Dit Self no. 2. Die kinders sal mal wees oor die meer as 40 prettige selfdoenprojekte in dié tydskrif, ideaal vir die komende vakansie. Kry nou jou eksemplaar in winkels of bestel dit deur 021-406-4962 te bel of ’n e-pos na koop@huisgenoot.com te stuur en dit word by jou voordeur afgelewer. Jy kan dit ook aanlyn by huisgenootwinkel.com of media24shop.com bestel. STAP VIR STAP 1 Vra ’n volwassene om jou te help om ’n beker melk in die mikrogolfoond warm te maak tot die melk begin borrel. (Die melk kan ook op die stoof in ’n klein kastrol warm gemaak word tot dit begin stoom, maar nie kook nie.) 2 Plaas…

DIE voormalige Idols SA-deelnemer AMY JONES en haar bestuurder, LEE WILLCOCK, het onlangs op die prentjiemooi Cavalli Estate tussen Stellenbosch en Somerset-Wes afgehaak. Onder die 127 gaste was die voormalige Mej. Suid-Afrika Amy Kleinhans-Curd en die aktrise en sangeres Tracey-Lee Oliver. Die KFMomroeper Carl Wastie was die seremoniemeester. Amy en Lee se paadjies het in die kerk gekruis. Hulle was ’n jaar saam voor hulle in Augustus verlede jaar verloof geraak het. Op hul groot dag het die sangeres en liedjieskrywer soos ’n droom gelyk in ’n rok wat deur Melody Bowers ontwerp is. “Ek het haar die vryheid gegee om te ontwerp wat ook al sy in haar hart voel, en ek het eerlikwaar gelyk en gevoel soos ’n prinses wat met haar prins gaan trou,” sê Amy. Geen…

‘Ek dink my dogter oefen letterlik meer as ek, so ek dink sy’s dalk net veel beter daarmee as wat ek ooit sal wees’– MARIAH AAN ABC NEWS VIR MARIAH CAREY val die appel nie ver van die boom af nie. Die sangeres se dogter, MONROE CANNON, het gewys sy is net so bekwaam agter die mikrofoon soos haar beroemde ma. Monroe (12), wie se pa die aanbieder Nick Cannon (43) is, het met Mariah (54) se onlangse uitverkoopte feestydvertoning in Los Angeles by haar ma op die verhoog aangesluit. En sy het behoorlik die kollig gesteel. Die ma en dogter het “Jesus Born on This Day” van Mariah se Kersalbum gesing, en ook haar vaardighede met ’n kitaar met die liedjie “Christmas Wrapping” getoon. Sy het selfs van Mariah…

Ná die groot sukses van haar onthullende boek, The Woman in Me, het Britney opgewek gelyk toe sy onlangs in Los Angeles gewaar is. Sy het saam met haar bestuurder, Cade Hudson, by die hotel Chateau Marmont gaan aandete eet en ewe haar wolbol van ’n hond, Snowy, saamgevat. Meer as 1,1 miljoen eksemplare van haar boek is verkoop in die eerste week nadat dit in Oktober uitgereik is. Luidens berigte ding verskeie Hollywood-swaargewigte, onder andere Brad Pitt, mee vir die reg om die boek in ’n reeks of ’n rolprent te omskep.…

VAN vroegoggend al af voel dit asof die dorp Amanzimtoti, hier aan KwaZulu-Natal se suidkus, asem ophou. Die bedompige tropiese lug is swaar met stilte gelaai toe Huisgenoot agtuur die oggend by die hof opdaag. Die hofgebou is ’n gepaste ligging vir wat voorlê – net ’n klipgooi hiervandaan, in Dan Pienaarweg, is die huis waar ds. Liezel de Jager op 13 Oktober 2021 voor die trap van die pastorie vermoor is. Liezel se man, Werner, het daardie oggend op haar lyk afgekom. Altans, dis hoe hy beweer het dinge verloop het. Nou lyk dit asof daar dalk vandag, 27 November 2023, ’n ander weergawe van gebeure voor die hof kan dien. “Waar is Werner? Verskyn hy regtig hier en nie in Durban nie?” gons joernaliste soos wat hulle…

t – teelepel/s e – eetlepel/s k – koppie/s SJOKOLADE-VIERKANTE met GRONDBOONTJIES GENOEG VIR 24 / BEREIDING: 30 MIN. ◗ 255 g wit malvalekkers◗ 2,5 ml (½ t) vanieljepasta◗ 20 g ongesoute botter◗ 70 g gepofte rys◗ 30 g fyn klapper◗ 40 g glanskersies, gekap◗ 30 g geroosterde grondboontjies, gekap◗ 400 g melksjokoladesplinters van goeie gehalte◗ versiersuiker, vir oorsif Smeer ’n diep bakplaat van 27,5 x 17,5 cm en voer dit met bakpapier uit. 1 Plaas die malvalekkers, vanielje en botter in ’n kastrol en roer oor baie lae hitte tot gesmelt en glad. 2 Verwyder van die plaat en voeg die gepofte rys, klapper, kersies en grondboontjies by. Gebruik ’n slaplemmes om alles goed deur te meng. 3 Plaas die sjokolade in ’n mikrogolfbestande bak en smelt die sjokolade…

“’n Gesonde dieet maak ’n verskil aan jou vel,” sê ’n natuurgeneeskundige, Bridget Carmady. Sy beveel aan jy kry genoeg hiervan in: ◼ Vis soos salm of forel of vlassaadolie vir omega-3-vetsure. “Nagblomolie is nog ’n goeie vetsuurryke olie en dit kan ook vir warm gloede help.” ◼ Vitamien C. “Menopousale hormoonveranderinge ontwrig die liggaam se vermoë om kollageen te vervaardig, maar vitamien C kan help om kollageenvervaardiging te stimuleer,” sê Bridget. ◼ Neute. “Dit is propvol vitamien E, sink en gesonde vette, wat almal vir velvernuwing belangrik is.” ◼ Proteïen in peulgewasse, tofoe, hoender en seekos. “Dit bevat aminosure wat die vel herstel en vernuwe, en dit help ook om elastisiteit te behou.” ◼ Avokado-en olyfolie. “Dit bevat noodsaaklike vetsure wat antioksidante en anti-inflammatoriese en genesende eienskappe het en…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie, en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur ’n e-pos na vravirirma@gmail.com of SMS Vra vir Irma gevolg deur jou vraag na 36489. WAT HET VAN SONDAG-STILTE GEWORD? V Ons woon reeds 30 jaar in dieselfde huis in ’n baie netjiese woongebied met twee skole in die omgewing. Tye het verander en ’n mens weet nie eens meer wie jou bure is nie. Almal is agter hoë mure. Ons het so met die tyd vrede gemaak dat daar iewers ’n partytjie aan die gang sal wees op…

◼ Philip het die sanger Wesley West gevra om die musiek vir die fliek te komponeer. “Ek wou nie sterk melodieë hê nie; ek wou meer met klanke en perkussie werk om die fliek tempo te gee en die spanningslyn te dryf. ’n Reeks soos The White Lotus se klankbaan was ’n inspirasie, maar ek wou ’n tribal gevoel hê,” sê Philip. ◼ Al die akteurs het hul eie toertjies gedoen. Daar was professionele waaghalskoördineerders op die stel wat die choreografie vir die bakleitonele gedoen het. ◼ Jolene sevape-pen het liggies in. Dis spesifiek gekies om haar gesig in die aand te belig. ◼ Daar is ’n paar “easter eggs”, oftewel weggesteekte verwysings, met leidrade oor wie die moordenaar is. ◼ Elke karakter het ’n spesifieke kleurpalet wat in hul…

◼ Loki spog met ’n versameling van oor die 50 snaarinstrumente wat bokskitare, elektriese kitare, baskitare en ukuleles insluit. ◼ “My gunstelingkitaar is my akoestiese kitaar wat spesiaal deur Alvarez Guitars in Japan gemaak is. My naam is daarop ge-graveer,” sê Loki. ◼ Sy lewensmaat is die regisseur en redigeerder Eva du Preez wat aan reekse soos Showmax se Troukoors en die Afrikaanse fliek Kaalgat Karel gewerk het. ◼ Hy is baie lief daarvoor om kos te maak en tyd in die kombuis deur te bring. “Donderdagaande in my huis is my gunsteling, want dan eet ons steak vir aandete – altyd ’n lekker sirloin met aartappelslaai of tjips. My mond water skoon!” ◼ “Mense dink dalk dis vreemd, maar wanneer ek in my kar ry, verkies ek dit om…

HOE WERK DIT? 1 Kry die vier kwarte van die grootste Afrikaanse Blokraai in Huisgenoot se Desember-uitgawes. Die vier dele ver-skyn in Huisgenoot van 7, 14, 21 en 28 Desember 2023. 2 Plak dit aan mekaar en vul die reuseblokraai in. 3 Skryf in vir die kompetisie en jy kan ’n week lange wegbreek vir vier by jou gunsteling-ATKV-vakansieoord, asook R10 000 wen. WEN Stuur die kompetisiewoord en ’n foto van waar jy of julle die blokraai invul saam met ’n kort paragraaf oor jul raaisel-ervaring na huisgenootblokraaie@media24.com. Inskrywings sluit 17 Januarie 2024. BEPALINGS EN VOORWAARDES GELD.…

MY OUDSTE het letterlik onder toonbanke grootgeword. Ek het klere gemaak. Sy was altyd tussen die lappe. My boetiekwinkel se naam was Carpe Diem – gryp die dag. Dis hoe ek aan hierdie skulpiewinkel gekom het. My boetiek was net langsaan. Ons het agter in die winkel klere gemaak, en voor was die lappe waarin Isabel gespeel het. Ek het self ontwerp en die klere gesny ook. Met ’n skêr, vryhand van prentjies af. Matriekafskeidrokke. Troues. Ek het báie gedoen, in die nagte in. Jy kan net soveel doen. Versadigingspunt bereik. Dis hoekom my vingers so lelik is vandag. Isabel is nou 31 en haar eerste baba is op pad. My ander dogter, Natascha, is 10 jaar jonger. My meisiekinders is albei rekenmeesters. Hulle twee was nog op skool toe…

REANDI GREY is lank nie meer net ’n aktrise nie. Sy het in 2021 haar eie klerereeks, GreyC, begin en het onlangs drie nuwe kategorieë in haar bestaande reeks bekendgestel: mansdrag, aanddrag en uitrustings vir ma’s en hul kleingoed. Die bekendstelling is by Nici’s Accessories in Centurion gehou. “Oor die nuus hoor jy net negatiewe goed en ek het gevoel mense moet weer kleur in hul lewe hê,” sê Reandi oor die inspirasie daaragter. “Hierdie nuwe items is buitengewoon – dis verskriklik helder; daar is verskillende teksture, kleure en style. Alles is net buite die boks en skree van absolute vreugde.” Die geleentheid is deur ’n rits bekende akteurs en sangers bygewoon. Van haar bekende vriende, soos die Real Housewives-sterre Rhona Erasmus en Renske Lammerding, was daar. Haar mede-akteur Liam Bosman…

WILLOW HART PINK en haar man, Carey Hart (48), wou bars van trots toe hul oudste op die openingsaand van haar ma se 2023 Summer Carnival Tour in Januarie op die verhoog gestap het. Willow (12) het Pink (44) se treffer “Cover Me in Sunshine” gesing. Agterna het ’n emosionele Pink haar gaan omhels en ’n traan … weg ge-Pink. RIVER ROSE Soos haar ma, KELLY CLARKSON, die eerste wenner van American Idol, weet River Rose (9) hoe om ’n gehoor te bekoor. In Augustus het Kelly (41) haar dogter gekry om haar treffer “Heartbeat Song” op die laaste aand van haar konsertreeks in Las Vegas saam met haar te sing. BLUE IVY Met ouers soos BEYONCÉ enJay-Z (54) kan ’n mens verwag dat die11-jarige meisie vir roem bestem is.…

KATE, DIE PRINSES VAN WALLIS, het met ’n onlangse staatsbesoek been gewys. Kate (41) en prins William (41) het met die Suid-Koreaanse president, Yoon Suk Yeol, en sy vrou, Kim Keon Hee, in Londen vergader. Sy het sjiek gelyk in ’n rooi uitrusting, maar haar mantel het nie haar pragtige bene bedek toe sy by die kar uitgeklim het nie.…

‘OP ’N MANIER HET DIE BEROERTE VIR MY ’N ANDER KRAG GEGEE. KRAG WAT EK NOU GEBRUIK OM FATIMA TE ONDERSTEUN’ VIR Gadija Sydow-Noordien was die enigste gedagte waarmee sy op haar 50ste verjaardag op 12 November wakker geword het ’n gebed dat nie sy óf haar tweelingsuster, Fatima, sou siek voel nie. Hulle wou die dag en die groot mylpaal vier. Want sien, al gaan hulle albei deur ’n siektestryd, glo die susters nie daarin om te kla nie. Dis nie hoe hul ma, Wasiela Sydow, hulle grootgemaak het nie. Die susters het roem verwerf vir hul kookkuns en die TV-program wat daaruit gevloei het – Kaap, kerrie en koesisters. Maar tesame met die roem het teenspoed ook oor hul pad gekom. In 2020 is sagteweefselsarkoom by Fatima gediagnoseer.…

WAS dit enige ander paartjie daar op die prentjiemooi strand met sy tropiese waters, sou hy op een knie afgesak het om haar die jawoord te vra. Maar hy is Erik Holm en die afgelope 15 jaar aan ’n rolstoel gekluister – die oomblik het ’n bietjie anders gelyk. “Ek het planne gehad om haar onder die water te vra wanneer ons gaan skubaduik, maar die duikinstrukteurs het vir my gelag en gesê: Nee wat, ou kêrel, daai boksie met die ring gaan jy verloor,” sê Erik, wat vinnig aan ’n plan B moes dink. Op die strand, met ’n bottel vonkelwyn en die ringboksie veilig weggebêre in sy broeksak, wou hy sy “Meisiekind”, die liefdesnaam vir sy meisie van die afgelope vier jaar, vra om met hom te trou.…

GRUNGE-T-HEMDE Kombineer oorgroot grunge-geïnspireerde tops met denim vir ’n moeitelose 1990’s-voorkoms. KORT TOPS Dra styfpassende kort toppies saam met kontrasterende lospassende, wye langbroeke. LOSPASSENDE JEANS Lospassende jeans was in die 1990’s ’n kern-mode-item. DENIM OP DENIM Denim was in die 1990’s duidelik ’n treffer. Stileer dit nes jy wil. GERUIT Van rompe tot flenniehemde, ruitpatrone was in die 1990’s hoogmode! CARGO Lospassende cargobroeke in enige styl was ’n basiese item in enige klerekas. Veral kamoefleerlap was gewild. Kombineer dit met rolhalstops vir ’n sjiek voorkoms. SLOOPROKKE Die gemaklike slooprok is terug. Kombineer dit met ’n T-hempie daaronder vir ’n laag-op-laag-voorkoms. AFRONDING Rond jou uitrusting af met bykomstighede uniek aan die 1990’s. KRY DIT HIER BASH.COM; COTTON ON 087-550-4383; EXACT 0860-834-834; FOSCHINI 0860-834-834; GALAXY & CO 0860-834-834; H&M 086-0690-707; LOVEANDSPARKLES.CO.ZA; MANGO…

’N KOLLA-GEENHUP-STOOT Rosegold Deep Tissue Face Concentrate R254,95 vir 5 ml, Skoon. DROË VEL Solal Intense Replenishing Night and Day Moisturiser R625 vir 50 ml, Dis-Chem ROOSAKNEE The Ordinary Natural Moisturizing Factors + Beta Glucan R289 vir 100 ml, Takealot SENSITIEWE VEL Avène DermAbsolu Comforting Night Balm R633 vir 40 ml, Clicks UITERS DROË VEL Cetaphil Optimal Hydration 48H Activation Serum R280 vir 30 ml, Dis-Chem KOMBI-NASIEVEL Clarins Double Serum & Super Restorative Set R1 181, Superbalist PUISIES Elizabeth Arden Advanced Light Ceramide Capsules Strengthening & Refining Serum R823 vir 60 kapsules, Takealot…

WIL jy suiniger wees met jou bankkaart en nie so maklik geld uitgee in die feestyd nie, of dalk net “detoks” daarna? Beproef die uitdaging bekend as ’n bestedingsvas om jou geldfikser te maak. 1 WAT IS DIT? Tydens ’n bestedingsvas, oftewel “no-spend challenge”, mag jy vir ’n spesifieke tydperk net aan noodsaaklikhede geld bestee. Voorbeelde is basiese kosvoorrade (geen wegneemetes of restaurante nie), vervoer (geen onnodige ritte nie), skoolgeld, huishuur en skuldterugbetalings. Onthou, dis nie ’n langtermyn-oplossing nie. Raadpleeg ’n finansiële of skuldraadgewer as jy reeds skuldprobleme het. Dis ook nie ’n plaasvervanger vir ’n begroting nie – slegs ’n “kitsdieet” vir jou uitgawes. 2 HOE LANK MOET EK DIT DOEN? Dit sal van jou omstandighede afhang. Baie mense se bestedingsvas is net ’n maand lank; ander byt ’n jaar vas.…

GEDULD Oom Dawie word 100 jaar oud en die dorpskoerant se verslaggewer vra die vraag waarop almal die antwoord wil weet: “Kan Oom ons vertel wat ’n mens moet doen om so goed oud te word?” Oom Dawie sug diep voor hy eindelik antwoord. “Nee, Boetie, jy kan niks doen nie. Jy moet maar geduldig wag.” LOUISE NOETH KRUISSTEEK Wat kry jy as jy ’n ystervark en ’n skaap kruis? ’n Dier wat sy eie truie kan brei. L. SAAYMAN SEUN MET ’N PROBLEEM ’n Baie moedelose pa ontvang die soveelste brief van sy seuntjie se skoolsielkundige. Pa aan seun: “Ja, my kind, ek wéét die stoepkamer se muur is gekraak, maar hou asseblief nou net op om vir almal te vertel jy kom uit ’n gebroke huis!” LOUISE NOETH…

DIE GROOTSTE VAKANSIEBLOKRAAI OOIT IN AFRIKAANS Hierdie Desember verskyn ’n spesiale bielieblokraai in vier afsonderlike dele in Huisgenoot. Voltooi die hele blokraai, skryf in en staan ’n kans om ’n vakansie vir vier by ’n ATKV-oord plus R10 000 sakgeld te wen. Pak dié heerlike vakansie-aktiwiteit aan saam met jou familie, vriende en gaste! DEEL 1 Hoe werk dit? Die blokraaisel bestaan uit vier dele. Dié dele sal afsonderlik verskyn in Huisgenoot van 7, 14, 21 en 28 Desember 2023. Knip die vier dele uit, plak dit week ná week aan mekaar en voltooi die raaisel. Daar is antwoorde wat oorvleuel, wat jy eers sal kan voltooi as jy ál vier kwarte het en dit aan mekaar geplak het. Die leidrade vir die antwoorde wat oor die vier hegplekke strek,…

1 Wat is die naam van die waterval op die grens van Amerika en Kanada? 2 Wat berg ’n kameel in sy boggel? 3 Hoeveel kolletjies is daar altesaam op ’n dobbelsteen? 4 Watter geldeenheid word in Brittanje gebruik? 5 Watter planeet word ook die oggend-en aandster genoem? ANTWOORDE 1 Niagara-waterval 2 Vet 3 21 4 Diepond 5 Venus BRONNE CNN, BBC, SANAP.AC.ZA, BRITANNICA.COM, NEWSFORKIDS.NET, THE GUARDIAN, SCIENCENEWS.ORG, WIONEWS.COM, INSIDER.COM…

Nóg ’n prettige seisoen van Die Babbelbende lê nou voor! Kom kyk saam na seisoen 2 op huisgenoot.com. In dié aanlyn Afrikaanse kinderreeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer oor ons wonderlike wêreld leer. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Oor naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook media24shop.com om jou eie Paloeka-of Palawa-pop of Die Babbelbende se Groot Storieboek te bestel. Kom leer ken…

Die TV-sjef HERMAN LENSING het onlangs sy agtste kookboek, Nostalgie, by die restaurant Droom in Philadelphia in die Wes-Kaap bekendgestel. Nostalgie volg op Huiskos wat in 2021 verskyn het en Dit proe soos huis wat in 2019 uitgereik is. “Dit is die laaste boek in die trilogie en vertel die storie van my lewe tot op 36 jaar,” sê Herman. “Dit gaan ook oor die eerste proe of geur van kos wat jou laat terugdink en laat verlang, want dit bring nostalgie.” Bekendes uit die koswêreld en plaaslike vermaakbedryf het saam kom feesvier. Onder die beroemde gaste was die TV-sjef Zola Nene, die kosskrywer Errieda du Toit, die akteurspaar Armand Aucamp en Sean van Noordwyk, en die Suidooster-aktrise Annelisa Weiland. “Ek wou die dag deurbring saam met talle van my…