Innholdsfortegnelse for 16 November 2023 i Huisgenoot

1 DANKIE, BOKKE, VIR AL DIE VREUGDE EN TROTS Praat van drama! Die ganse Suid-Afrika het saam naels gekou en gejuig toe Siya Kolisi en sy span die Webb Ellis-trofee die vierde keer omhoog gelig het So, so trots op ons manne! Julle het jul punt bewys – twee keer in ’n ry! En so het julle die sportgeskiedenisboeke herskryf toe julle die eerste span ter wêreld geword het wat die beker vir die vierde keer wen. MARIE Dankie aan elkeen in die span. Julle het Suid-Afrika só trots gemaak. En dankie aan die afrigtingspan, die mediese span, organiseerders en almal wat op enige manier bygedra het. Een verenigde span, een verenigde land! JS Wat ’n prestasie. Frankryk, Engeland of die All Blacks kon enigeen die toernooi gewen het, maar…

PLATHOENDER met SUURLEMOEN & KRUIE GENOEG VIR 6-8 MENSE / BEREIDING EN GAARMAAK: 70 MIN. ◗ 1 heel hoender (± 1,2 kg), binnegoed verwyder◗ sout en peper na smaak◗ 125 ml (½ k) natuurlike jogurt◗ 60 ml (¼ k) olyfolie◗ 60 ml (¼ k) suurlemoensap◗ ’n hand vol vars koljander, fyngekap, plus ekstra takkies vir afronding◗ ’n hand vol vars pietersielie, fyngekap◗ 125 ml (½ k) fyngekapte sondroë tamaties◗ 4 knoffelhuisies, fyngekap Voorverhit die oond tot 180 °C op die roosterstelling. 1 Vlinder eers die hoender. Plaas die hoender op die kombuistoonbank op sy rug. Sny die bors met ’n skerp kombuismes of -skêr oop. 2 Draai die hoender om en druk dit met jou handpalm op die rug plat. Plaas die hoender in ’n groot oondbraaibak en geur met…

MAISON Garance Chassaing en Willus Bosch besit die aanlyn winkel Maison, wat plaasstyl meubels en dekor verkoop. Ons behoefte om meer volhoubaar te leef is die rede dat tweedehandse meubels deesdae so gewild is, meen hulle. “Goeie meubels wat hergebruik word, is nie net volhoubaar nie; die waarde daarvan vermeerder – dus is dit ’n laerisikobelegging,” sê Garance. Hul raad vir tweedehandse aankope: Wees op die uitkyk vir kentekens wat meer besonderhede oor ’n meubelstuk kan verklap – jy mag dalk net ’n ontwerpersitem opgespoor het sonder om dit te besef! VINTAGE CLUB Die reputasie van tweedehandse kopies het verander, sê Jeané Gerber van Wyk van die Vintage Club naby Kommetjie, Kaapstad. “Vroeër is dit met min geld of min opsies geassosieer. Vandag word dit toenemend gesien as ’n volhoubare,…

TUSSEN Januarie en Junie vanjaar het 4,3 miljoen langtermynrisikopolisse verval omdat polishouers nie betalings kon volhou nie. Dus sit hulle nou sonder voldoende dekking. Tog is dit onnodig om jou versekering te verloor omdat jy sukkel om premies te betaal. Hierdie ses wenke kan jou help om dit te vermy. 1 WAT BETEKEN DIT AS IEMAND SE POLIS VERVAL? ’n Versekeringspolis sal verval wanneer jy steeds nie jou premies betaal nadat die grasietydperk in jou versekeringskontrak verby is nie. Wanneer jou polis verval, is die kontrak tussen jou (die versekerde) en die versekeraar nie meer van krag nie. Die versekeringsmaatskappy is dus nie meer onder enige verpligting om voordele uit te betaal of dekking te gee nie. 2 WAT IS ’N GRASIETYDPERK? Dis die tyd wat jy kry om jou…

STADIGE VRYER Koos en Saartjie gaan al twaalf jaar vas uit, maar sy wag steeds dat hy haar die jawoord moet vra. Een Sondagmiddag terwyl die ou mense slaap, skraap Saartjie al haar moed bymekaar en vra: “Koos, moet ons nie maar trou nie?” Hy kyk verbaas na haar en antwoord: “Maar wie sal nou in ons twee belangstel?” CHARLOTTE PETERSEN NIE ALWEER NIE ’n Boer, ’n Skot en ’n Engelsman stap by ’n kroeg in. Die kroegman gee hulle een kyk en vra nors: “Wat is dit dié, die een of ander grap?” LOUISE NOETH BEURTKAMP Eskom het my vir die res van my lewe van kampeer genees. Geen krag, geen TV, geen Wi-Fi, jy moet kosmaak oor ’n vuur … En dan het jy nog nie eens by…

Op 10 November 1983 het die Microsoft-stigter BILL GATES die eerste keer vir die wêreld gewys wat sy Microsoft-bedryfstelsel nou eintlik behels. Bill het toe gespog dat 90% van rekenaars teen die einde van 1984 met die bedryfstelsel sal werk. Sy voorspelling was net so ietwat uit – Microsoft het eers teen 1985 Windows 1.0 begin verkoop en dit het toe wel 90% van rekenaars bereik. Kritici was aanvanklik maar louwarm oor hoe die stelsel sou werk. Die klagtes oor die stelsel het ingesluit dat dit stadig was, baie hulpbronne nodig gehad het om te werk en dit nie met alle soorte sagteware kon saamwerk nie. Die amptelike geskiedenis van Windows sê dat die eerste weergawe Paint, Windows Writer, Notepad, ’n sakrekenaar, ’n kalender, horlosie en lêer vir dokumente gehad…

ROOIBOS kom net voor in die wyer Cederberg-streek in die Wes- en Noord-Kaap en nêrens anders in die hele wêreld nie. Dit is ’n geharde struik wat in baie moeilike toestande kan oorleef. Die aftreksel wat van sy gedroogde blare gemaak word, is eintlik ’n kruieaftreksel, maar staan algemeen as rooibos of rooibostee bekend. Rooibos is ’n trots Suid-Afrikaanse produk wat na meer as 40 lande uitgevoer word. SÓ LYK DIE PLANT HOOGTE Tot 1,5 m hoog wanneer dit gekweek word, maar daar is wilde rooibos in die berge wat veel groter as dit is. TAKKE EN BLARE Die plant groei lynvormig en het ’n stam waaruit takke naby aan die grond ontwikkel. Uit dié takke spruit ander fyn takkies met lang, naaldagtige blare. Die blare het nie blaarstingels nie…

DIE skote het al maklik ’n driekwartier lank om hom en sy makkers geklap toe die jong soldaat in die donker van die Afgaanse nag van posisie moes verander. Toe, in die verte, sien hy ’n rooi gloed. En dit kom ál nader. Jaco van Gass het geweet dis ’n RPG – ’n granaatwerper – waarmee hy bekend was omdat hy as avontuurlustige Suid-Afrikaner by die Britse weermag aangesluit het. “Die klank van die RPG was ongelooflik,” onthou die 37-jarige oudsoldaat vandag. “In ’n breukdeel van ’n sekonde het ek my rug gedraai en my kop weggetrek … En toe maak dit kontak.” Die krag van die ontploffing het hom deur die lug geslinger. Sy ore het gebrand van die oorverdowende slag. Sy mond was vol sand. “Ek het nie…

DIT is drie maande sedert die liefde van haar lewe oorlede is, en aanhangers van SANDRA BULLOCK sal bly wees om te sien die aktrise glimlag weer. Sandra (59), wat onlangs afgeneem is waar sy breed glimlag terwyl sy in Los Angeles rondloop, se jare lange lewensmaat, Bryan Randall, is in Augustus dood. Hy was 57 toe hy sy stryd van meer as drie jaar teen die motorneuronsiekte genaamd amiotrofiese laterale sklerose (ALS) verloor het. Met sy dood het sy familie ’n verklaring uitgereik dat die fotograaf vreedsaam oorlede is. “Bryan het vroeg gekies om sy reis met ALS privaat te hou, en ons wat hom versorg het, het ons bes gedoen om sy versoek te respekteer,” het hulle gesê. Sandra en Bryan, wat agt jaar uitgegaan het, het Sandra…

KLASSIEKE SOMERPAKKE Sorg dat jou somerpak gemaak is van ’n ligte materiaal wat kan asemhaal. Moenie bang wees vir helder kleure nie – hierdie seisoen is dit hoe helderder, hoe beter. Hou egter ook neutrale kleure in jou kas vir ’n klassieke, sjiek voorkoms. KORTBROEKPAKKE Dis mos warm in Afrika! Dra kortbroeke met nou of wye pype saam met bypassende baadjies vir ’n koel somervoorkoms. ROMPPAKKE Kies treffende kleure en prettige ontwerpe vir hierdie speelse voorkoms. ALLES OP DIE LAPPE Speel met tekstuurryke materiale om jou voorkoms diepte te gee. KRY DIT HIER EDGARS 0860-111-826; EXACT 0860-834-834; FOSCHINI 0860-834-834; H&M 0860-690-707; MANGO.COM; TAKEALOT.COM; THE FIX 0860-834-834; TRUWORTHS 021-460-2300; PICK N PAY CLOTHING 0860-303-030; WOOLWORTHS 0860-022-002; ZARA.COM HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE…

OPSIGSELF was haar borskankerdiagnose ’n skok, maar toe sy boonop moes hoor sy het twéé soorte borskanker gelyktydig, was sy stomgeslaan. “Die feit dat daar meer as een soort borskanker bestaan, was vir my nuus,” het die joernalis Ilza Roggeband, voorheen van Huisgenoot se redaksie, vroeër vanjaar gesê. “En in gesprekke ná my diagnose het ek ontdek ek is nie die enigste vrou wat dit nie geweet het nie.” Dit gebeur selde dat twee soorte borskanker by iemand gediagnoseer word, maar dis nie ongehoord nie, sê prof. Anna-Mart Engelbrecht van die Universiteit Stellenbosch se departement fisiologiese wetenskappe. Ilza het estrogeenpositiewe kanker in haar linkerbors en HER2+ in haar regterbors. Daarvoor moes sy chemoterapie, ’n dubbele mastektomie en bestraling ondergaan. “Sedertdien het ek 23 behandelings ondergaan, en ek is bly om…

MINDER AS WATER Deur MORNÉ MALAN Penguin, R225* Ons gesels met Morné Malan oor sy opwindende nuwe roman wat pas verskyn het. Jy het ’n doktorsgraad in Engelse letterkunde. Hoekom skryf jy in Afrikaans? Engels is die taal waarin ek werk. Benewens romansier is ek ook ’n taalpraktisyn by ’n tegnologiemaatskappy. Afrikaans is die taal waarin ek ontsnap, droom en skep. Wat was die impetus vir die storie? Ek het met die idee van ’n sielkundige riller begin waarin ’n ouer egpaar ’n gesinsgeheim in hulle kelder moet versteek, iets wat hulle op ’n tragiese manier onlosmaaklik met die verlede en aan mekaar verbind. Noem dit maar ’n soort “Boere-Gothic” met miskien iets van die atmosfeer van ’n Reza de Wet-drama soos Mis of Diepe grond. Daar moes natuurlik ook…

SKERPIOEN 23 OKT – 21 NOV Jou medeheerser, Mars, en die son ontmoet op die 18de in jou teken. Hierdie gebeurtenis gee jou volop energie en selfvertroue, maar dalk ook woede en irritasie, afhangende van jou gevoelens. As jy vir iemand moet sê wat jou pla, is daar geen beter tyd om iets van die hart af te kry nie. Daar is egter ’n ander kant van die saak: Kies jou woorde versigtig, want jy wil ook nie verhoudings skaad nie. Toon bowenal deernis vir alle mense. GELUKKIGE NOMMERS 4, 20, 45, 48, 37, 16 BOOGSKUTTER 22 NOV – 20 DES Dit lyk of jy nie vandeesweek ’n uitlaatklep vir jou woede of frustrasie het nie. Loop lig en moenie die noodlot tart nie. Dit is ’n tyd om deernis…

SY’S TERUG MET MENING Soos die miljoene mense wêreldwyd was die Kanadese sangeres in 2021 fisiek ingeperk weens die pandemie, maar haar musiek het danksy sosiale media, radio- en videokanale vlerke gekry. En as jy gedink het “You Broke Me First” gaan Tate Rosner McRae (20) se eerste en laaste treffer wees, dink weer. Want drie jaar later is sy steeds een van die grootste musieksterre ter wêreld. Haar liedjie “Greedy” was onlangs nog derde op die internasionale trefferlys. Dit word net geklop deur ons eie Tyla se “Water” (tweede) en Taylor Swift se “Cruel Summer” in die eerste plek. Glad nie slegte geselskap om in te wees nie, of hoe? DIT GAAN VOOR DIE WIND, DANKIE Vir haar aanhangers is sy sommer net Tate, maar daai naam is die…

DINK aan die woord “borskankerpasiënt” en wat is die eerste prentjie wat by jou opkom? Dit is van ’n vrou, nè? Dis beslis nie een van ’n bebaarde breker soos die kêrel met wie ons vandag gesels nie. Maar Zac Yarbrough het die letsels as bewys. ’n Gewas so groot soos ’n gholfbal is uit sy bors verwyder, en hy moes chemo en bestraling ondergaan. Vandag is hy ’n kampvegter daarvoor dat meer mans moet besef ook húlle kan dié soort kanker opdoen. Ja, borskanker kom beduidend meer algemeen onder vroue as onder mans voor. Maar dié wanbalans dra juis daartoe by dat baie mans nie moeite doen om meer oor dié soort kanker te leer nie en dan die vroeë gevaartekens miskyk. Soos wat met Zac gebeur het. Al…

NET 13 dae ná hul verlowing op die prentjiemooi Steenberg-wynplaas in Kaapstad het die komediant Dalin Oliver en sy sangeres-meisie, Maxine Ceasar, stil-stil op die einste wynplaas afgehaak. Nou, twee maande later, het die paartjie die nuus aan die groot klok gehang. Die rede vir die geheimhouding? “Wel, ons het die troue in twee weke beplan, en ons het nie veel geslaap nie,” vertel Dalin laggend. In daardie twee weke was hy ook besig om gereed te maak vir sy twee maande lange 90 Day Comedian-toer deur Australië. Ná die troue het Maxine in hul nuwe huis in die Kaap ingetrek en kon sy darem vir ’n maand in Australië by hom aansluit. “Ons was in die buiteland en het die twee maande sedert ons troue baie geniet. En natuurlik…

’N MENS sou dink toe die eindfluitjie in die Stade de France blaas, het die vreugdevure hier in ons hoekie van die aarde so hoog gebrand as wat dit kon. Maar toe die seëvierende Springbokspan hul voete weer op Afrikabodem sit, was dit soos olie op daardie hoë vuur. Want toe die Bokke in die ontvangslokaal van die O.R. Tambo-lughawe instap en die Web Ellis-trofee weer huis toe kom, het die gejubel opnuut tot in die uithoeke van ons land uitgekring. Wêreldbekerglorie het ons glas van halfleeg sommer verby halfvol tot oorlopens toe kom skink. Ons sal dié onvergeetlike oomblikke altyd koester. THULA UMAMELE* Die Gwijo-saamsingliedjies was die klankbaan van vanjaar se toernooi en dit het behoorlik oral opgeklink. Die liedjies is nie net gesing deur die Gwijo Squad-musiekbeweging nie,…

BEHANDEL NAELPROBEME SÓ Voor jy aan kleurpolitoer raak, moet jou naels eers in die beste toestand wees. Karon McKendrick-Taylor van die naelprodukverskaffer OPI gee oplossings vir probleme. DOEN SELF ’N MANIKUUR Mandi Levanah van Revitanail vertel hoe versorg ’n mens jou hande soos ’n kenner ◼ Verwyder eers alle ou politoer deeglik met naellakverwyderaar. ◼ Vyl jou naels in die lengte en vorm wat jy verkies. Moenie die oppervlak van jou naels meer as een keer elke ses weke poets nie en doen dit net as dit absoluut nodig is. ◼ Wend naelvliesverwyderaar aan en los dit ’n paar minute. Druk die vliesies versigtig met ’n sagte handdoek of naelvliesstokkie terug. Masseer die oorblyfselfs van die produk weg. ◼ Masseer olie by jou naelvliese en naels in – die punte…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. VELDSLAG OOR ONS VAKANSIE V Ek en my man is al meer as ’n dekade getroud en het drie kinders waarvan die oudste volgende jaar hoërskool toe gaan. Tot nou toe het ons ons begroting laat klop. Die ekonomie begin egter nou knyp. Dit is ’n tradisie in my man se familie dat almal na ’n sekere oord gaan om Kersfees te vier.…

GROOT BLOKRAAI № 2 518 KOMPETISIEVRAAG Watter vetplant is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN QUEILLERIE PLUS KOM IN AANMERKING VIR DIE MAANDELIKSE TREKKING VAN R1 000. Dié week wen een leser Vloek deur Rudie van Rensburg (Queillerie, R345). In Slagyster, Rudie van Rensburg se eerste Kassie Kasselman-roman, ontmoet ons die gevalle oudspeurder Carl Bester. Slagyster eindig waar hy op die vlug slaan nadat hy geld gesteel het. In Vloek is Carl terug. Ná ’n dekade word hy skielik gevrywaar van vervolging. Hy kan terugkom, maar teen ’n prys. Hy moet ’n saak van internasionale belang help ontrafel. Carl se polisiedae lê ver in die verlede. Nou moet hy weer soos ’n volbloedspeurder…

AS JY na ’n gebied vol fynbos kyk, kan jy dalk wonder wat dan nou so wonderlik is daaraan. In so ’n area groei veral struikagtige en hardblarige gewasse en heide – met geen hoë bome in sig nie! Wat is dan so spesiaal aan hierdie soort plantegroei, en hoekom lok dit blomliefhebbers van oor die wêreld heen? Fynbos is soos ’n natuurlike mosaïek wat byna elke maand van die jaar ’n opwindende verskeidenheid blomme oplewer. Dié soort plantegroei kom voor in bergagtige gebiede, valleie en kusvlaktes wat oor ’n wye strook van ongeveer 100 tot 200 kilometer strek van Clanwilliam in die Wes-Kaap tot by Gqeberha in die Oos-Kaap. Die majestueuse Tafelberg in die Wes-Kaap is byvoorbeeld die tuiste van meer plantspesies as wat daar in die hele Brittanje…

HY IS ’n digter, ’n skrywer en ’n kletsrymer. Jy kan al dié dinge in een enkele woord saamvat. Frazer Barry (49), aanbieder van die gewilde kykNET-program Ommi-Ghellie, is ’n storieverteller. Waar ons vandag by hom op sy geboortedorp, Kleinmond, aan huis kuier, vertel hy ’n storie met soveel kleur en geur dat almal aan sy lippe hang Die wind wat met mening op dié kusdorp woed, is vergete toe Frazer met ’n koppie koffie op ’n gemakstoel gaan sit en die stories begin uitryg. Die see lê uitgestrek agter hom waar die balkondeur toegetrek is om ons teen die wêreld te beskerm. In OmmiGhellie deel gewone mense hul stories met Frazer, maar vandag is dit hy, die aanbieder, wat sy eie verhaal in die verre verlede gaan haal. Op…

SY VIND HAAR STEM Shudufhadzo Musida, Mej. Suid-Afrika 2020, is as kind erg afgeknou toe sy na ’n nuwe provinsie verhuis het en ’n nuwe skool moes bywoon. Haar eerste kinderboek, Shudu vind haar sprankel, is twee jaar gelede gepubliseer en is deur dié afknouery geïnspireer. Die boek is in ses Suid-Afrikaanse tale, insluitend Afrikaans, beskikbaar. Nou wil sy kinders help om hul eie stem te vind. Die skoonheidskoningin se tweede kinderboek, My naam is Shudu: Ek vind my stem, ek ken my waarde, is nou op die rakke. “Dit is ’n boek oor identiteit, dapperheid, vergifnis, vriendskappe, die krag van gemeenskap, maar bowenal die krag van jou stem,” vertel sy. “Dit beskryf die stryd waardeur ek geestelik gegaan het met my selfbeeld, selfbewustheid en die afknouery wat ek verduur…