Innholdsfortegnelse for 2 November 2023 i Huisgenoot

1 DIE LIEF EN LEED VAN ’N SKOPKONING Alles kon so anders uitgedraai het, blyk dit uit ’n nuwe boek oor Derick Hougaard se lewe. Die boek bekyk die rugby-ikoon se opgang en sy val Hy gaan oor al sy struikelblokke kom. Wees sterk, Derick. Jy was my held. Jy’t goeie mense wat agter jou staan. Meer steun en minder afkraak sal jou laat uitstyg. Enige mens verdien ’n tweede kans. Dis nou joune. MALINDA Dis al 20 jaar. Honderde ander Bokke het suksesvol met hul lewe aangegaan ná rugby. Hy moes lankal ’n ander lewe gebou het. Almal maak foute, maar moenie in die media sanik en dan wil huil as mense menings vorm nie. LOUISA Mense praat so maklik. Was jy al ooit op die punt waar selfmoord na…

SATYN Satynrokke met of sonder bandjies, veral in helder kleure, is nou hoogmode. PATRONE Vloeiende rokke in opvallende kleure en patrone skep ’n prettige somervoorkoms. DENIM Denim is modieuser as ooit met modekenners wat veral die denim-opdenim-tendens volg. RUCHE Plooiversiering is dié seisoen ’n groot gier onder ontwerpers en modebewustes. BLOMME Blompatrone bly ’n gunsteling. Kies helder kleure vir ekstra trefkrag. SPELERIG Plooie en valle in sagte materiale is dié seisoen ’n gewilde voorkoms. WIT Hierdie seisoen is wit rokke in allerhande snitte oral te sien. GLINSTEREND Blinkermateriaal lyk altyd glansryk, maak nie saak watter styl die rok nie. KRY DIT HIER EXACT 0860-834-834; FOREVER NEW 0860-018-014; FOSCHINI 0860-834-834; H&M 086-069-0707; IDENTITY 021-460-2400; MANGO.COM; MILADYS 080-021-2535; QUEENSPARK 021-460-9400; TAKEALOT.COM; TRUWORTHS 021-460-2300; YDE 021-203-0083; ZANDO.CO.ZA; ZARA.COM HOEWEL ONS ALLES IN ONS…

AS DIE waarde van jou woning toegeneem het, kan jy om herfinansiering aansoek doen en ’n groter huislening kry. Dit klink na ’n maklike manier om krediet te kry, maar is dit die beste opsie? Hier is ses dinge om te weet. 1 WAT IS HER-FINANSIERING? Jy neem ’n nuwe verband uit gegrond op die huidige waarde van jou eiendom. Omdat die waarde van jou eiendom gewoonlik mettertyd toeneem, behoort dit meer te wees as die bedrag waarop dit waardeer is toe jy aanvanklik die huislening gekry het. Die nuwe, groter verband gee jou toegang tot geld (eintlik skuld) wat gebruik kan word vir huisverbeterings of enigiets anders. 2 HOEVEEL GROTER KAN DIE HERFINAN-SIERDE LENING WEES? Dit sal afhang van hoeveel jy op die bestaande verband skuld en die waarde…

1 TROTS SA! Sy is maar net 22 jaar oud, maar die Suid-Afrikaanse sangeres Tyla se musiek word reeds internasionaal erken – en pryk op trefferlyste in Amerika. Tyla se jongste enkelsnit, “Water”, het in Oktober soos ’n veldbrand op sosiale media versprei, en ’n TikTok-dansuitdaging het gou gevolg. Die dansroetine vir die liedjie is deur die plaaslike choreograaf Lee-ché Janecke geskep en behels om te twerk terwyl jy water teen jou rug laat afloop – iets wat Tyla perfek doen. So gewild was die uitdaging dat dit tot gevolg gehad het dat die liedjie al meer as 6 miljoen keer aanlyn gestroom is. “Water” het pas die 63ste posisie op die Billboard Hot 100-trefferlys ingeneem. Die liedjie is beïnvloed deur Afropop, R&B en amapiano, en is die eerste enkelsnit…

SKERPIOEN 23 OKT – 21 NOV ’n Interessante tyd lê in jou liefdeslewe voor. Heelwat sal gebeur en daar sal selde ’n saai oomblik wees. Maar die ernstige Saturnus verander van rigting en beweeg in die medewaterteken die Visse vorentoe. Dit behoort positiewe gevolge vir jou lewe te hê en jou in staat stel om daarop te fokus om tot ruste te kom en verreikende besluite te neem. Kinders word op die een of ander manier ’n groter fokuspunt in jou lewe. GELUKKIGE NOMMERS 31, 8, 4, 1, 5, 13 DIE SKERPIOEN: LIEFDE EN ROMANSE ◼ ’n Reputasie as ’n passievolle minnaar. ◼ ’n Vrees of verraad kan tot wantroue in verhoudings lei. ◼ Hul liefdeslewe is uiters gelaai en vol drama. ◼ Begin soms ’n rusie net om weer…

BOEKE VYF VERLORE VERE (in Afrikaans oorvertel deur Nataniël), 3+ Hierdie boek wys hoe ons almal deur sekere dinge verbind word, en dat ons mekaar nodig het om ’n samelewing te maak werk. Die voëls tel op hul weg ander se vere op – sonder die wete dat daar iets is wat dit verlore laat raak het – en vind mekaar dan op hierdie manier. Die verbeeldingryke Giulia le Roux was nog nie eens agt jaar oud nie toe sy hierdie oulike boek begin skryf het. Sy’s nou nege. Haar inspirasie kom uit haar Franse en Suid-Afrikaanse agtergrond. Dis oorvertel in Afrikaans deur haar oom, ons alombekende Nataniël. YOMI AND THE FURY OF NINKI NANKA: THE NKARA CHRONI-CLES deur Davina Tijani 6+ As jy mal is oor die How to…

’N SEXY tiener, ’n vrou wie se kop uitgehaak het, ’n finansiële gyselaar van haar pa, ’n onbevoegde ma, ’n gevaar vir haarself – al hierdie dinge is Britney Spears al genoem in die 26 jaar dat sy in die openbare oog is. In dié twee en ’n half dekades is sy al in haar weerloosste oomblikke afgeneem, sy is haar vryheid ontneem, het van haar seuns vervreem geraak, en al drie haar huwelike het misluk. Dwarsdeur dit alles het die wêreld die drama in die media gevolg. Maar nou is die sangeres moeg daarvan dat ander mense haar storie vertel. Twee jaar nadat ’n regter beslis het sy kan haar eie finansies en privaat lewe beheer – nadat haar pa lank haar kurator was – het sy besluit sy…

G4S se bestuur het in April voor die parlement se portefeuljekomitee oor justisie en korrektiewe dienste verskyn om vrae oor Thabo Bester se ontsnapping te beantwoord. Die drie werknemers is toe weer van nalatigheid beskuldig. G4S het volgehou hulle het hul volle samewerking gegee. Oudregter Edwin Cameron het egter gesê hy het ’n paar maande ná die ontsnapping met die G4S-bestuur vergader. “Hulle het niks gedoen nie,” het hy aan die parlement gesê. “Hulle het gedink hulle kan daarmee wegkom as hulle twee of drie personeellede afdank.” Cobus Groenewoud, ’n direkteur van G4S, het in die einste parlementsitting (wat regstreeks gestroom is) gesê daar was ’n ondersoek ná die ontsnapping. Nastassja en nog twee mense wat daardie aand in die beheerkamer gewerk het, het nie die tronk se beleid en…

UITERS BEDRYWIG Dié akteur, regisseur en vervaardiger is een van ses deelnemers wat kyk of hulle ’n totale verandering aan hul leefstyl kan maak in die kykNET-program Fiks of niks. Deelnemers pak oor nege maande ’n holistiese fiksheidsreis aan terwyl hulle ook hul eie lewe bestuur. Henck is deur ’n fiksheidstydskrif uitgedaag om op sy fiksheid te fokus en ’n gesonder balans in sy lewe te handhaaf; hy het nie net aan die reeks deelgeneem nie, maar ook as vervaardiger betrokke geraak. “Die program het so deel van my lewe geword dat dit deesdae normaal voel om oral met ’n kameraspan op te daag,” sê Henck (36). Hy trek ook weer sy aanbiedersbaadjie aan vir die 10de seisoen van Vat jou goed en trek waarin hy en sy span 13…

GEHEIM VAN DIE GRUWELSAND Deur ZIRK VAN DEN BERG. Kwela Boeke, R275* “Een van die heerlikste verbeeldingsvlugte wat ek in jare gelees het,” sê Kerneels Breytenbach van hierdie “skop-skiet-en-wonderstorie”. Ons vra Zirk van den Berg uit watter duim hy hierdie roman gesuig het. Waar op aarde kom jy aan die storie? Ek wens ek het geweet! Verbeelding is ’n geheimsinnige ding. Wat ek wel weet, is dat ek die basiese idee in 2006 iewers geskryf het vir leesboekies wat ek hier in Nieu-Seeland probeer het – stories vir volwasse lesers, maar eenvoudig geskryf vir mense wat sukkel met lees. Ek het ’n paar sulke stories verkoop gekry, maar nie hierdie een nie. Dit het oorspronklik op Mars afgespeel, met ouens wat die Marskarretjies moes gaan haal, maar toe kry hulle…

GROOT BLOKRAAI WEN ’N BOEK VAN TAFELBERG PLUS KOM IN AANMERKING VIR DIE MAANDELIKSE TREKKING VAN R1 000. NO 2 516 KOMPETISIEVRAAG Watter soort neut is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Soekmekaar deur Dana Snyman (Tafelberg, R320). Soekmekaar bevat ’n stuk of 50 stories waarin Dana Snyman besin oor enigiets van Donald Trump tot ’n 40ste skoolreünie. Hy vertel van sy kennismaking met Eugène Terre’Blanche en van die Bogosi-gesin van Ventersdorp wat by hom op Jacobsbaai gewoon het. Hy besoek Upington kort nadat die skilder Walter Meyer daar deur sy vrou vermoor is en probeer sin van die moord maak. Hy gesels met Jemina Meko oor Karel Schoeman se laaste dae.…

NUWE navorsing in Brittanje wys byna ’n halfmiljard klein elektroniese items soos kabels, ligte, mini-waaiers, oorfone en ongelooflik baie weggooibare e-sigarette beland elke jaar op dié land se stortingsterreine. DIE SYFERS SLUIT IN: ◼ 260 miljoen e-sigarette ◼ 30 miljoen LED-, son kragen dekorligte ◼ 26 miljoen kabels ◼ 10 miljoen geheuestokkies ◼ 7 miljoen oorfone ◼ 5 miljoen mini-waaiers Material Focus, die maatskappy wat die navorsing gedoen het, sê mense vergeet dikwels hierdie items bevat dinge soos litiumbatterye en koperdrade wat herwin kan word. Volgens die Waste Electrical and Electronic Equipment Forum lyk die prentjie net so erg in die res van die wêreld. Syfers van dié organisasie wys daar word elke jaar ongeveer 9 miljard kg se kabels, speelgoed, e-sigarette en soortgelyke toestelle weggegooi. ’n Nuwe verslag van…

1 Wie vertolk die rol van Willy Wonka in die fliek Wonka? 2 Wie hou die Suid-Afrikaanse rekord vir die meeste lopies in toetskrieket? 3 Watter land is onlangs deur drie aardbewings getref? 4 Watter album van Taylor Swift is in Oktober weer uitgereik? 5 Op watter dag word die stigting van die Verenigde Nasies herdenk? Antwoorde 1 Timothée Chalamet 2 Jacques Kallis  3 Afghanistan 4 1989 (Taylor’s Version) 5 24 Oktober BRONNE: CNN, THE GUARDIAN, NATIONAL GEOGRAPHIC SOCIETY, NETWERK24, BBC, WIONEWS.COM, GOODTHINGSGUY.COM, ENGLISH.AMAZONADVENTURE.ORG, SUN.AC.ZA, FRANCE24.COM…

’NOPSOMMING is ’n kort weergawe van die belangrikste inligting uit ’n lang teks. Jy gebruik dit veral wanneer jy moet leer vir ’n vak wat baie inhoud bevat en jy net spesifieke feite wil onthou (funk sionele opsomming). Op skool word daar ook van jou verwag om opsommings in jou Huistaal en Eerste Addisionele Taal te maak (formele opsomming). Opsommings wat jy in die taalklas maak, moet aan baie spesifieke vereistes voldoen. Opsommings wat jy self vir studiedoeleindes maak, kan egter kreatief en prettig wees. Op die ou end leer albei maniere jou om die belangrikste inligting in ’n spesifieke teks te identifiseer. FUNKSIONELE OPSOMMINGS Gebruik die volgende wenke om ’n goeie opsomming vir jou eie leerwerk te maak 1 Lees aandagtig Lees die stuk werk wat jy moet opsom…

Nóg ’n prettige seisoen van Die Babbelbende lê nou voor! Kom kyk saam na Seisoen 2 op huisgenoot.com. In dié aanlyn Afrikaanse kinderreeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer oor ons wonderlike wêreld leer. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook media24shop.com om jou eie Paloeka-of Palawa-pop of Die Babbelbende se Groot Storieboek te bestel. Kom leer ken…

DAMIAN ENGELBRECHT Die voormalige Boer soek ’n vrou-deelnemer is steeds in die sewende hemel nadat hy vroeër die maand verloof geraak het. ’n Dag ná sy verjaardag het Damian se kêrel, JEAN VISSER, op die Hazendal-landgoed naby Stellenbosch die jawoord gevra. Damian en Jean, wat in Namibië woon, ken mekaar al 12 jaar. Hul paadjies het in ’n stadium geskei, maar weer vroeër vanjaar gekruis. Damian was uit die veld geslaan toe Jean hom op ’n wegbreek na Kaapstad vra om te trou. “Dit was vreeslik romanties. Dit is seker een van die beste dinge wat met my kon gebeur.” ROCHÉ KILIAN Dié Plaasjapie-deelnemer en sy meisie, SOPHIE CARR, is verlief en verloof. Hulle het mekaar in Maart verlede jaar ontmoet – net ’n week nadat hy uit die werklikheidsreeks…

Die voormalige Getroud met rugby-akteurs MARLEE VAN DER MERWE en ALTUS THEART trek weer hul teaterskoene aan vir die splinternuwe musiekspel Lisa se klavier. Dit gaan oor die liefde vir ’n snaarinstrument en die vermoë om in die oomblik te leef. Die blyspel word van 3 tot 12 November in die Staatsteater in Pretoria aangebied. Nog bekendes wat daarin te sien is, sluit in die akteur Neels Clasen en die sangeres Liza Nel. Die twee akteurs in die hoofrolle verklap meer. MARLEE Wat geniet jy daarvan om die rol van Lisa se vertolk? Die feit dat ek kan klavier speel op die verhoog. Ek was nog altyd baie lief daarvoor om klavier te speel, maar dit is iets wat ek oor die jare afgeskeep het. Was die teater nog altyd…

HULLE is nie die skurke in die verhaal nie. Dis nie húlle wat saamgesweer het om ’n lyk in ’n tronksel in te smokkel en dit aan die brand te steek sodat dit sou lyk asof een van die gevangenes verbrand het nie. Nie húlle wat daardie einste misdadiger gehelp het om te ontsnap nie. Nie húlle wat deel was van een van die land se berugste vlugtogte ooit nie. Tog het Marecia Damons (26) en Daniel Steyn (26) se lewens verander nadat hulle die Thabo Bester-skandaal vroeër vanjaar oopgekrap het. Sy het haar hare af en toe gekleur sodat sy onherkenbaar sou wees, en hy het soms sy vrou gevra of sy enige voorgevoelens het dat iets slegs kan gebeur. Waar die twee joernaliste van die GroundUp-ondersoekspan vandag in…

t – teelepel/s e – eetlepel/s k – koppie/s KNIBBELKOS VIR BAIE, MET NET 2 BORSFILETTE ARANCINI MET HOENDER, CHEDDAR EN STYWEPAP LEWER 18-20 BOLLETJIES / BEREIDING: 30 MIN. VERKOEL: 1 UUR 30 MIN. / GAARMAAK: 45 MIN. Ons gee arancini ’n Suid-Afrikaanse kinkel deur mieliepap pleks van risottorys te ge-bruik. Jy kan ook oorskietstywepap en gaar oorskiethoender vir dié resep gebruik. Die pap-arancini is heerlik bros en die ideale sakpas knibbelkos! ◗ 4 x 250 ml (4 k) water◗ 2,5 ml (½ t) sout◗ 15 ml (1 e) hoenderspeserye◗ 5 ml (1 t) droë tiemie◗ 2,5 ml (½ t) brandrissievlokkies◗ 2 hoenderborsfilette◗ 250 ml (1 k) mieliemeel◗ 250 ml (1 k) gerasperde cheddarkaas◗ 60 ml (¼ k) gekapte vars pietersielie◗ 1 knoffelhuisie, fyngerasper◗ sout en varsgemaalde peper ARANCINI ◗…

PIENK WATSONIA (Watsonia borbonica) Hierdie spoggerige plant se stele kan tot 2 m lank groei. Dit blom in die laatwinter tot in die lente en lok voëls en insekte wat stuifmeel eet. Dit lyk mooi in ’n groot houer of in groepe in die tuin geplant. Plant dit in komposryke, goed gedreineerde grond in vol son. KONFETTIBOS (Coleonema pulchellum) Die plant is gewild vir sy immergroen loof en pienk blomme met ’n soet geur. Dit blom van die winter tot in die vroeë somer. Dit is ’n uitstekende vuller vir ’n gemengde struikrand en lyk pragtig in alles, van ’n natuurtuin tot ’n houer op ’n balkon. As jy die ruimte het, plant dit in groepe van drie tot vyf vir die meeste trefkrag. BRAKVYGIE (Aptenia cordifolia) Hierdie gewilde inheemse…

‘KRY PROFESSIONELE HULP WANNEER ERNSTIGE TRAUMA JOU KIND TREF’– IRMA Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. OUERS EN KINDERS IN ’N KRISIS Vandag het ons weer ’n interaktiewe rubriek waar lesers raad gee. Ek het ouers gevra of hul kinders al ’n groot teleurstelling beleef het en wat die ouers gedoen het om hul kinders in so ’n tyd te help. My eie seun het op universiteit baie hard…

Hy ruk aan die boeie. “Kan jy nie hier losmaak nie?” Die polisieman oorkant die tafel knyp sy linkeroog byna heeltemal toe soos hy aan sy sigaret suig. Die ander oog mik stip na die woelige kêrel. Luitenant Hennie Koorts is iemand wat liefs uit die son moet bly, maar probeer jy dít nou in Windhoek regkry. Sy vel is dun, byna deurskynend, sy lippe pienk soos ingelegde koejawel. “Nee, ou kêrel, ons het huffel weke lank na jou gesoek, ek gaan nie die kans vat dat jy weer wegkom nie.” “Ek is onskuldig!” “Só sê almal wat op daai stoel sit.” “Maar niemand het nog ooit vir jou die storie vertel wat ek jou vertel nie.” Die polisieman blaas ’n stadige stroom rook uit en skud sy kop. “As…

K-E-E-LNER! Die ou in die restaurant wil die aantreklike kelnerin uitvra, maar sukkel om haar aandag te trek. Elke keer wanneer hy haar oog vang, kyk sy vinnig weg. Eindelik volg hy haar tot in die kombuis en nooi haar vir ’n drankie. Sy stem dadelik in. “Hoekom het jy my dan heeltyd vermy? Jy wou nie eens oogkontak maak nie!” vra hy verbaas. “Ag, lawwe ekke het gedink jy wil nog iets bestel,” antwoord sy. LOUISE NOETH RYTERAPIE Ek het ’n fobie vir spoedwalle gehad, maar ek kom stadig daaroor. JOHANNA RADEMEYER ALS VERNIET Die meeste seuns se ma’s werk 20 jaar of langer daaraan om te sorg dat hulle eendag verstandige mans word. Dan kom ’n mooi meisie en verander hom binne 20 minute in ’n sot. ANTON,…

STEEL HARTE IN HAAR EERSTE ROL Sy’s net 19 jaar oud, dit is die eerste sien van haar op die televisie – en sy’s sommer al klaar ’n gunsteling van Binnelanders se kykersfamilie. Megan speel natuurlik Thalia, ’n gr. 12-leerder wat by haar oom Louis (Germandt Geldenhuys) en Naomi (Je-ani Swiegelaar) gaan woon het. “Sy voel sy is volwasse en smag na haar onafhanklikheid,” sê Megan oor haar karakter. “Sy wil haar eie paadjie in die lewe uitkerf en onafhanklik van haar ouers wees. Familie is vir haar belangrik en sy vind die sekuriteit en aanvaarding waarna sy altyd gesmag het.” En al vertolk sy al meer as ’n jaar die rol, voel dit steeds onwerklik om haarself op TV te sien. “Ek voel nog soos die Megan van voor…

As ouers hul kinders kan leer hoe om stres te bestuur en op ’n emosionele vlak vir hulself te sorg, sal gereelde geestesgesondheidsdae waarskynlik nie nodig wees nie, sê die berader Cayley Jorgensen. Hier is wenke oor hoe om dit te doen. ◼ Hou ’n oog op jou kind se emosionele welsyn, akademiese vordering en sosiale interaksie sodat jy tekens van stres en angstigheid kan sien – en enige probleme vinnig kan takel. ◼ Moedig jou kind se onafhanklikheid en probleemoplossingsvaardighede aan deur hulle dinge sonder jou bystand te laat doen – uiteraard met inagneming van wat vir hul ouderdom gepas is. Dit help hulle veerkragtigheid leer, asook die vermoë om uitdagings die hoof te bied. ◼ Wees ’n goeie rolmodel van veerkragtigheid, stresbestuur en ’n gesonde, gebalanseerde lewe. ◼…

DIT was veronderstel om ’n hoogtepunt te wees: die eerste dag van opnames vir kykNET se reeks Kokkedoor: Vuur en vlam. Maar vroeg daardie oggend word die dagvaarding om ’n egskeiding afgelewer, en haar lewe stort in duie. “Weet jy hoe moeilik is dit om voor ’n kamera te sit en lag, maar binne is jy hartseer?” vra Karen Els (46). “Maar dit was ook my dryfkrag. Ek het geweet wanneer ek daar uitstap, het ek niks oor nie. Ek moes toe besluit: Wil ek wen, of wil ek huis toe gaan?” En dis goed sy het gebly, want daar wen Karen die kompetisie toe sowaar. Dit was die kreatiwiteit en braaivaardighede van Karen en haar spanmaat, die sjef Gert Joubert, wat die beoordelaars Bertus Basson en Kobus Botha so…

DIE sosialemedia-ster LISA VAN ROOYEN – beter bekend as “Lisa met die rooi hare” – is nou ’n getroude vrou. Sy en RUDOLPH VAN NIEKERK het hul groot dag onlangs op die Mooiplaastrouvenue in Limpopo gevier. Ongeveer 100 van hul hartsmense het hul troudag bygewoon en Lisa het omtrent alles self gereël. “Ek het nog nooit so gestres in my lewe nie,” vertel sy laggend. Maar toe sy in die paadjie afstap saam met haar pa, Werner, was dit alles vergete. “Toe ek Rudolph daar voor sien staan, toe begin ek huil. Dit was net so spesiaal om almal vir wie ons lief is daar te hê. “Rudolph se pa het ons getrou, so dit was ook spesiaal om jou skoonpa en pa daar te hê om jou te seën.”…

WAAR WORD DIT GEBRUIK? Wanneer jy baie graag wil hê twee karakters moet verlief raak of ’n verhouding (relationship) hê. VOORBEELDE 1 Daniel Radcliffe (34) het onlangs aan Vogue erken hy het Harry Potter-fan fiction gelees. “I’m obviously aware there’s a lot of like shipping of Harry and Draco as characters together,” het hy gesê. 2 Katy Perry (39) het op ’n foto waarop Taylor Swift (33) en haar nuwe ou, Travis Kelce (34), hande vashou kommentaar gelewer met “I ship” om te wys daar is nie meer kwade gevoelens tussen die twee sangeresse nie.…