Innholdsfortegnelse for 26 October 2023 i Huisgenoot

1 ’ONS IS TROTS, MAAR EK VERLANG!’ Die Bok-ster Canan Moodie se ouers, Raymond en Chantelle, se harte bars van trots. Maar sy verlang ook na haar kind, vertel sy ma As ouers kan julle maar glo: Die hele Suid-Afrika staan bankvas agter Canan Moodie. Mag sy hele rugbyloopbaan net mooi verloop en net die heel beste oplewer. Jou toekoms is in groen-en-goud. Bravo! ANNATJIE Ek sal graag wil sien dat hulle op gepaste wyse terugverwelkom word. Ons hier in die Paarl wil saam met hulle in die strate kan stap sodat ons jong kinders ook daarna sal strewe om eendag soos hulle te wees. ESMERELDA Ek het die voorreg gehad om hom op laerskool af te rig. ’n Groot deel van Canan se sukses is danksy die feit dat sy…

MET sy pelsagtige lendekleed en hooftooisel van blare gee hy lewe aan die geliefde karakter uit die pen van William Shakespeare. Die akteur is aantreklik, atleties en ondeund, nes die mitologiese woudwese Puck in A Midsummer’s Night’s Dream. En hy rek, strek en rol die hele verhoog vol soos ’n mens van dié karakter sou verwag. Tog is Caleb Swanepoel (28) soos g’n Puck wat jy al ooit gesien het nie, want hy doen dit alles met net een been. En al lyk hy so tuis op die planke in dié verhoogproduksie, het ’n traumatiese draai op sy lewenspad hom tot hier gebring. Dis om die waarheid te sê ’n wonderwerk dat hy leef. Caleb se regterbeen is agt jaar gelede in die see by Buffelsbaai deur ’n grootwithaai afgeskeur.…

‘HULLE HET MY KINDWEES EN DROME UITGEWIS’ DIE afgryslike tonele tref jou soos ’n voorhamerhou en breek jou hart. Want dis weerlose kinders wat so voor jou oë ly. In die onbeskryflike hel genaamd Gasa dra ’n reddingswerker ’n beseerde seuntjie uit die puin van sy ouerhuis, sy gesiggie met grys sementstof bedek. Elders vlug ’n verslae ma ná ’n lugaanval uit haar huis met haar beangste seuntjie op haar heup. Agter haar volg nog ontheemde vroue met kinders op sleeptou… en ’n boetie wat moedig met sy jonger sussie in sy arms voortstrompel. Nog ’n foto wys ’n tienermeisie met traanstrepe oor haar roetbesmeerde wange met twee angsbevange kleuters wat aan haar vasklou. Op ander foto’s strompel kinders in die puin rond met die dinge wat vir hulle kosbaar…

PRETTIGE PRENTJIES JONG SEUNS JONG MEISIES SPEELSE PATRONE TIENERMEISIES TIENERSEUNS HELDER KLEURE VIR MEISIES VIR SEUNS KLASSIEKE DENIM VIR MEISIES VIR SEUNS KRY DIT HIER ACKERMANS 0860-900-100; BASH.COM; CAPE UNION MART 0860-333-329; CONVERSE 087-940-4664; COTTON ON 087-550-4383; EDGARS 0860-111-826; EXACT 0860-834-834; H&M 0860-690-707; LOVISA 010-143-0780; PEP 0860-737-000; PICK N PAY CLOTHING 0860-303-030; SODABLOC 0860-834-834; SUPERBALIST.COM; THE FIX 0860-834-834; TRUWORTHS 021-460-2300; VANS 087-357-2016; WOOLWORTHS 0860-022-002; ZARA.COM HOEWEL ONS ALLES IN ONS VERMOË DOEN OM KOPREKTE PRYSETEVERSKAF, KAN FOUTE VOORKOM WAARVOOR HUISGE-NOOT EN DIEVERSKAFFERS NIE VERANTWOORDELIK GEHOU KANWORD NIE.…

DIS moeilik genoeg om liefde in vandag se wêreld te vind – en dan moet vroue nog op hul hoede wees ook op daardie eerste afspraak. Maar dis moontlik om jouself te beskerm én gevaarligte te herken selfs wanneer die vlinders in jou maag rondfladder. In hul nuwe boek, Street Smart Safety for Women, verduidelik die oudpolisiebeampte Joy Farrow en die tegnologiekenner Laura Frombach hoe vroue hulself in verskillende situasies kan beskerm. In hierdie uittreksel deel hulle raad vir hoe ’n vrou kan veilig wees op haar eerste afspraak met ’n moontlike nuwe kêrel – en waarvoor om dan uit te kyk. OP DAARDIE allerbelangrike eerste afspraak moet jy elke ding oplet. Dit gaan nie net daaroor om vas te stel of die ou ’n potensiële lewensmaat is nie; jy…

DEESDAE kan jy as ’n huiseienaar ’n sonkragstelsel huur. Vir baie mense maak dit sin, want jy hoef jou nie te kwel oor die installering nie, en gewoonlik ook nie oor die onderhoud nie. Die verhuringsmaatskappye het verskillende opsies; dus kan jy kies wat jou sak pas. Maar wat van versekering? Sumarie Greybe van die digitale versekeringsplatform Naked beantwoord vir ons vyf vrae. 1 WIE IS VERANT-WOORDELIK VIR DIE VERSEKERING? Gewoonlik die huurder, tensy die kontrak anders vermeld. Die versekering dek jou as huiseienaar/huurder teen skade of diefstal nadat die stelsel geïnstalleer is en jy dit begin gebruik. Lees die ooreenkoms met die verhuurder baie goed en maak seker jy betaal nie vir oorvleuelende versekering nie. Sou die verhuringsmaatskappy se versekering byvoorbeeld skade of verlies tydens vervoer en installering dek, hoef…

Die sanger André Schwartz spog met ’n nuwe enkelsnit: “Sal jy”. Die snit bevat moderne elektroniese klanke en weerspieël André se passie vir die liefde en lewe. “Dit gaan oor twee mense wat lief geword het vir mekaar, maar hulle leef in verskillende tye. Tog groei hulle liefde in ’n ander dimensie en ruimte,” vertel hy. Die musiekvideo is waarskynlik iets anders as waaraan aanhangers van hom gewoond is. “Ek het gevoel ek wou nie weer ’n meisie in ’n wit rok deur daisies laat hardloop nie. Ek wou iets vars en nuuts doen – en dis toe ek uitreik na die digitale ontwerper bekend as Seun,” sê hy. “Hy het ’n weergawe van my liedjie ‘Lief vir alles hier’ gemaak, wat my baie beïndruk het. Met sy hulp het…

SKERPIOEN 23 OKT – 21 NOV Met soveel planetêre beweging in jou teken sal jy ’n oorvloed energie hê. Jy het baie motivering en wil graag aan die gang kom. Probeer om jou besluite rondom die volmaan op die 29ste te neem. Jou intuïsie en intelligensie sal mooi saamwerk om duidelik te maak wat sal werk en wat nie. Al het jy en jou lewensmaat verskille, is dit in ’n goeie gees. Maar wees emosioneel versigtig op die 28ste. Beteuel jou om die vrede te bewaar. GELUKKIGE NOMMERS 34, 18, 8, 2, 15, 21 SKERPIOEN: IDEALE WERKOMGEWING ◼ Jy is baie gesteld op privaatheid. ’n Oopplankantoor is vir jou aaklig. ◼ Jy smag na ’n deur wat jy kan sluit en gordyne wat jy kan toetrek. ◼ Draai jou lessenaar…

Aan die einde van die Eerste Wêreldoorlog het Brittanje beheer geneem van die land Palestina in die Midde-Ooste. Dié streek word eeue lank as heilige gebied in die Moslem-, Joodse en Christengeloof beskou. Daar het Moslem-en Joodse mense gewoon. Ná die Tweede Wêreldoorlog het die nuutgevormde Verenigde Nasies die land in 1947 in Palestyns-Arabiese en Joodse gebiede verdeel, en die land Israel is in 1948 gevestig. Dit was ’n toevlugsoord vir baie Jode wat uit Europa gevlug het nadat sowat 6 miljoen Jode tydens die oorlog in die Holocaust vermoor is. Mettertyd het die spanning oor die gebied tussen die Palestynse en Israeliese mense toegeneem, en daar was die afgelope paar dekades gereeld konflik oor wie op die gebied aanspraak kan maak. Vandag is die Palestynse gebied beperk tot die…

EINDELIK FAMOUS In 2020 het hy kykers van Maak my famous na lugborrels laat hap toe hy besluit het om die program op te skop. Destyds was hy nog ’n eerstejaar in drama-en teaterstudie aan Maties en hy wou graag al sy aandag daaraan skenk. Maar intussen het hy graad gevang en nou het Rodney Goliath, beter bekend as Rotas The Rapper, sy eerste TV-rol gekry – en dit nogal in die gewilde Arendsvlei. Hy speel Gio, die broerskind van Emile (Christian Bennett). Kyk net wie’s nóú famous. ARM AAN AARDSE GOED; RYK AAN LIEFDE Rodney (23) het in Smartie Town, ’n arm buurt van die Paarl, grootgeword. “Ek en my ma het agter in die jaart by my ouma gebly, maar ek was bederf met liefde en omgee. Daar…

SY WIL ’n aktrise word. Nee, miskien wil sy ’n geskiedenisonderwyseres wees omdat sy mál is oor geskiedenis. Of nee, dalk word sy ’n danseres, óf dalk ’n sangeres. Wag, wat van ’n joernalis? Die 11-jarige Judi Hattingh se oë blink toe sy aan al die moontlikhede vir haar lewe dink. Want daar is mos nog baie tyd om te besluit. En om alles te doen. Judi is opgewonde toe sy ons na die sitkamer van hul huis in Durbanville, Kaapstad, neem om oor haar deelname aan die onlangse Huisgenoot Eisteddfod te gesels. Dit het die lekkerste sitplekke in die huis, sê sy. Sy is gemaklik daar. Sy het pas van die skool af gekom. Haar skool, Curro Durbanville, is net so vyf minute van hul huis af, sê sy.…

ONDANKS dáái Oscarklap en die voortdurende geskinder oor ’n oop huwelik, het JADA PINKETT SMITH en WILL SMITH jare lank volgehou hul huwelik is gesond. Toe Jada (52) dus onlangs verklap sy en Will (55) is reeds in 2016 uitmekaar, het mense behoorlik kopgekrap. Die twee is in 1997 getroud. Jada het dié erkenning onlangs in ’n onderhoud met Hoda Kotb van die NBC gemaak tydens die bemarking van haar nuwe boek, Worthy. “Ons probeer nog tussen ons uitpluis hoe om in ’n vennootskap te wees en hoe ons dit aan mense voorhou,” sê Jada. “Hoekom het ons verhouding verbrokkel? Daar’s ’n klomp redes. Ek dink teen 2016 was ons al moeg van probeer.” Volgens Jada het sy ’n belofte gestand gedoen dat daar nooit ’n rede sou wees vir…

DIE eerste deel van die storie gaan oor roerende hondeliefde. Die vriendelike hond wat deur ’n gesin aangeneem is om hul oudste seun te troos nadat sy vorige hond dood is. ’n Ware huishond wat deur sy gesin bederf is en graag met ’n bal gespeel het wat die kinders vir hom skop. Hy was dikwels ’n skaduwee wanneer die ma in die kombuis rondbeweeg. Hoe, wonder ’n mens, kon so ’n mooi storie in ’n gruwelverhaal verander? Sedert Marius en Linda Venter van Benoni aan die Oos-Rand hul hond Zeus drie jaar gelede op drie weke aangeneem het, het dié bullterriër gekruis met ’n Deense hond vinnig diep spore in hul hart getrap. Hy het graag saans by die seuns Brenden (14), Brayden (11) en later Brian (4) in…

WANNEER sy in die verlede voor die kameras moes verskyn, het sy haar eetplan weke lank noukeurig dopgehou en dikwels ure lank in die gimnasium deurgebring. Die waarheid, vertel Tarryn Lamb, is dat sy soms niks geëet het nie – tot die oomblik wanneer die kameras ophou flits het. Vir haar, sê die sangeres, was daar pal ’n stemmetjie wat gesê het sy moet sus of so lyk. Dit het jare lank so gegaan. Maar vandag, hier waar sy vir Huisgenoot se kameras poseer, is daardie goed iets van die verlede. In haar swart hoë hakke en sexy veelkleurige uitrusting lyk sy smeulend en is sy hier by Oakfield Farm buite Johannesburg die toonbeeld van selfvertroue. Sy lyk goed, sy voel goed, en ja, sy doen nie meer sulke onverskillige…

SOOS die meeste vierjariges het sy maatjies dieselfde grootte as sy – maar dis waar die ooreenkomste eindig. Haar vriende is bont en skubberig en stekelrig, soms selfs dodelik. En dis hoe sy dit verkies. Ashlee Neille woon in ’n afgeleë deel van Australië. Sy help haar ma, Amber, en pa, Josh, om na koalabere, wombats en slange om te sien wat hulle gered het. Video’s van die meisie het onlangs soos ’n veldbrand versprei. Daarin kan ’n mens sien hoe sy haar pa help om die diere te versorg, ’n paar kleintjies vashou en Banjo die slang na sy hok sleep. “Sy is soos ’n mini-Steve Irwin,” sê Josh, met verwysing na die oorlede Aussie-natuurbewaarder en TV-ster. “Sy praat met die diere en hulle hou van haar. Sy sê:…

◼ Wees eerlik. Moenie foto’s oplaai wat nie lyk soos jy regtig (of deesdae) lyk nie. As jy jou haarstyl verander het of jou gewig het heelwat verander, moenie ’n ou foto gebruik nie. Kies foto’s van jouself in alledaagse scenario’s waar jy dinge doen wat jy geniet. Maar uit die aard van die saak, hoe meer gewaag die foto, hoe meer perverts gaan jy lok. ◼ Maak jou doelwitte duidelik. As jy nie daarvan hou om op die strand te gaan stap nie, sê so. Hier is hoe jy vooraf jou sienings oor drank duidelik kan maak: “As jy daarvan hou om elke dag te drink, sal jy gelukkiger wees by iemand anders.” Geen oordeel of verskonings nie. ◼ Praat vooraf. Gesels oor die foon; moenie net teksboodskappe stuur…

Jy ken hom dalk as “Gertjie ou buddy, ou pjel De Jager” – dis hoe hy immers bekend en geliefd is oor die radiogolwe van LuisterFM in Gqeberha. Nou het Gerrit de Jager pas sy eerste enkelsnit, “As jy dink ek het”, uitgereik. Dié liefdesliedjie vertel die verhaal van hoe ’n mens soms na ’n liefde verlang wat jy verloor het, en daardie liefde ’n tweede kans wil gee. Vir hom, sê Gerrit, laat dit ook dink aan sy babadogtertjie, Leah, wat vyf jaar terug oorlede is. “Die eerste keer toe ek die liedjie gehoor het, het ek gedink ek hoop sy weet ek dink nog aan haar en dat ek haar mis,” sê hy. Leah is destyds aan ’n ernstige immuniteitsgebrek oorlede.jie te Ná haar dood was hy op…

GROOT BLOKRAAI WEN ’N BOEK VAN QUEILLERIE PLUS KOM IN AANMERKING VIR DIE MAANDELIKSE TREKKING VAN R1 000. NO 2 515 KOMPETISIEVRAAG Watter Afrikaland is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Dwelm deur Rudie van Rensburg (Queillerie R340). Twee oudspeurders word koelbloedig by ’n plaasdam afgemaai. Kassie en Rooi moet die moordsaak oorneem by ’n uitgedunde Paarlse speurspan wat daarmee kleitrap. Met talle aspekte van die ondersoek reeds afgehandel, voel dit vir Kassie of hulle ’n saak erf waarvan die karkas al skoongevreet is. Hy bevraagteken egter die Paarliete se afleiding dat diefstal die motief was. Toe hy en Rooi ander moontlikhede ondersoek, begin dinge doller as kopaf raak. Geraamtes uit die…

JY HET dalk al interessante feite gehoor soos die son is so groot dat tot 1,3 miljoen aardes daarin sal kan pas. Of die son se swaartekrag hou ons hele sonnestelsel bymekaar. Ja, die son is wonderlik, en selfs in ons eie lewe speel dit ’n baie belangrike rol. WAT IS DIE SON? Het jy geweet die son is eintlik ’n ster? Ja, die son is die naaste ster aan die aarde, en dit is sowat 4½ miljard jaar oud. Al lyk dit veel groter as enige ander ster in die lug bo ons, het dit eintlik ’n gemiddelde grootte. Dit lyk net so groot omdat dit nader aan ons as al die ander sterre is. Die son is ’n enorme bol warm gas wat lig en hitte in alle…

DAAR is bygelowe. Hulle is “heldersiende” omdat hulle oë so skerp is. As jy ’n kop of ’n poot van ’n aasvoël het, kan jy kastig die toekoms voorspel. As iemand ’n beseerde voël vind, sal hulle dit liewer vir moetie gebruik as om die voël te red. Maar aasvoëls is ongelooflik belangrik in ons ekostelsel. Vir die skoonmaak van die omgewing en die bekamping van siektes. En ál ons aasvoëlsoorte word bedreig. Die witrugaasvoël is byvoorbeeld kritiek bedreig op die IUCN-rooilys. En die swartaasvoël is bedreig. Maar ons kan almal ’n verskil maak – vir aasvoëls en die omgewing in die algemeen. VulPro, ’n organisasie wat aasvoëls beskerm, het ’n witrugaasvoëlwyfie wat deur ’n kar getref is by ons aangebring. Haar een oog en snawel was beseer. Sy kon…

DIS die soort vreedsame huislike toneel wat oral oor naweke afspeel. ’n Voorskoolse meisie hou haar besig terwyl haar pa aandete maak. Hy draai sy gunstelingliedjie harder; dis hoe hy ontspan. Nes op enige gewone Vrydagaand. Maar in Boksburg is dinge vanaand op die punt om lelik skeef te loop. Want toe Klaas du Toit (37) se buurman oorkant die straat, Evan Swanson (72), kom kla oor die harde musiek, breek ’n rusie uit. Die onderonsie verskuif van Klaas se voordeur na die sypaadjie oorkant die straat – en dan klap twee skote. In ’n vensterbank sit die peuter en kyk hoe haar pa roerloos op die sypaadjie bly lê. Sy kan nie na hom toe gaan nie, want Klaas, ’n enkelouer, het die huis gesluit. Ook die veiligheidsomheining om…

Dit is byna 17 jaar sedert JENNI-FER ANISTON haar eerste naaktoneel in The Break-Up gedoen het, maar sy is nog net so verleidelik soos destyds. Jen (54) het in ’n onlangse episode van The Morning Show weer die klere laat waai as die nuusanker Alex Levy in ’n stomende toneel saam met JON HAMM (52). Hy speel die tegno-miljardêr Paul Marks. In die derde seisoen van die Apple-reeks laat vervaag die joernalis Alex die lyne tussen professionaliteit en haar persoonlike lewe saam met die omstrede magnaat. Volgens die regisseur Mimi Leder was dit maklik om die sekstoneel te skiet, want die vonk tussen hulle was vuurwarm. “Om daardie vonk tussen Jon en Jen vas te lê? Laat ek net sê ek dink dit sal die internet breek,” het Mimi aan…

DIT is die oproep wat elke rugbyma vrees: Jou seun is beseer en hy is hospitaal toe geneem. En dan die nuus wat geen ma van ’n 16-jarige seun kan verwerk nie: Jou kind se nek is daar op die rugbyveld op twee plekke gebreek. Nou, ’n week ná die wrede wending op hul lewenspad, sit Sharndro Williams (42) en huil langs haar kind se hospitaalbed. Bo Anzil se bed hier in Groote Schuur hang ’n medalje. Die een wat hy gekry het nadat sy skoolspan so goed gevaar het in daardie einste sewesrugbytoernooi waarin sy nek beseer is. Hy het ná ’n duikslag op die veld bly lê. Nie bewusteloos nie, maar sonder gevoel in sy onderlyf. Alles het tot stilstand geruk – en toe is daar chaos. Tog…

SASHA DE KOCK, Quinton de Kock se vrou Die sterkolwer en paaltjiewagter Quinton de Kock (30) het in September aangekondig hy sal ná dié Wêreldbekertoernooi nie meer eendagwedstryde vir Suid-Afrika speel nie. Sy vrou, Sasha, vertel die afgelope tyd was daarom vir hulle emosioneel en spesiaal. Die egpaar is al sewe jaar getroud. “Quinton het nie baie fiemies nie,” sê sy oor haar man se gemoed voor groot wedstryde. “Hy hou nie daarvan as ek of enigiemand anders ’n bohaai maak voor ’n wedstryd nie. Ons hanteer dit asof hy net op pad is kantoor toe. Ek laat hom toe om sy ding te doen, en ek sal hom ondersteun deur te verseker dat al die ander aspekte van ons lewe agtermekaar is.” Die twee het ’n eenjarige dogtertjie, Kiara,…

t – teelepel/s e – eetlepel/s k – koppie/s GEROOSTERDE TAMATIE-EN-MAAS-KAAS-EIERBAKKIES GENOEG VIR 2 MENSE / BEREIDING: 10 MIN. / GAARMAAK: 15-20 MIN. / STAAN: 5 MIN. GEROOSTERDE TAMATIES ◗ 30 ml (2 e) olyfolie◗ ½ ui, fyngekap◗ 250 g kersietamaties, gehalveer◗ sout en vars gemaalde peper EIERBAKKIES ◗ 60 ml (¼ k) room of melk◗ ½ wiel fetakaas, gekrummel◗ 2-4 eiers◗ 60 ml (¼ k) gladde maaskaas◗ 2,5 ml (½ t) komynsaad VIR VOORSIT ◗ vars basilieblare◗ roosterbrood Verhit die lugbraaier tot 180 °C. Bespuit 2 klein oondbakkies of 2 ramekins goed met kossproei. 1 Geroosterde tamaties Meng die olie, ui en tamaties goed. Geur met die sout en peper en verdeel die mengsel tussen die bakkies. 2 Plaas die bakkies in die lugbraaier en rooster 5-10 min. of…

VER VAN OOR DIE MUUR Het jy ekstra teëls wat rondlê? Skep ’n fokusmuur binne of buite jou huis. Teëls is weerbestand en jy kan dit mooimaak met buiteverf of daarop stensil. EKSOTIESE KUIERPLEK Marokkaanse sementteëls laat dié buiteruimte eksoties vertoon. Dit kan gebruik word om sementsitplekke of selfs die buitekant van jou braai te bedek. PLAK DIT Teëls verf maklik met verf spesifiek vir teëls of krytverf. Of jy kan vinielplakkers gebruik vir jou eie unieke aanslag. TREFFENDE TRAPPE Wat ’n eenvoudige idee om maklik trappe te verfraai! Jy kan klein mosaïekteëls saamgroepeer of net een teël per trap met enige gom vir teëls vasplak. TEËLMAT Ons is mal oor die kreatiewe gebruik van teëls as ’n mat – dis ’n duursame manier om ’n ruimte mooi te maak,…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur ’n e-pos na vravirirma@gmail.com of SMS Vra vir Irma gevolg deur jou vraag na 36489. EK IS OM DIE BOS GELEI V Ek sukkel met my selfbeeld en ly aan angs en depressie. Toe raak ek in ’n verhouding betrokke met ’n ander man (ek is ook ’n man), wat baie romanties was. Hy het my laat voel ek is waardig om liefde te ervaar en ek is die mooiste man op aarde. Ek het begin dink dat ek…

EARLY B ’n Formule eg aan hom Dit het hom ’n tydjie geneem om ’n paar “nuwe konkoksies” in sy musiekateljee te brou, maar nou is die rapper Early B eindelik reg om dit met aanhangers te deel – en hy weet sommer die formule vir sy nuwe musiek is nét reg. Early, of Earl Swartz, se jongste enkelsnit is getiteld “Skud jou biscuit”. “Die liedjie gaan jou laat dans, want dit het my maak dans toe ek die eerste keer die beat gehoor het nog voor die song klaar vervaardig is,” sê hy. Die album waarop dié snit verskyn, is getiteld Vannie dal af meisie. “Vannie Dal” is sy ikoniese sêding en verwys na Bloemendal buite Gqeberha waar hy grootgeword het. “‘Skud jou biscuit’ lê my na aan die…

Hier is hulle: die vyf kandidate wat gekies is om die Jakes Gerwel-stigting se vierde jaarlikse Kommadagga-slypskool by te woon! Alfred T. M. Rossouw, Daneel Jantjies, Susan Meiring, Theresa de Necker en Tshegofatso Nkwane is binnekort op pad na die Paulet-huis, die “ander tuiste” vir skrywers wat die stigting op Somerset-Oos in die Oos-Kaap geskep het. Wanneer hulle die mentorskapprogram suksesvol voltooi het, sal die skrywers se kortverhale in Huisgenoot gepubliseer word en sal hulle ook kan bydra tot die aanlyn literêre tydskrif LitNet. Die geesdriftige aspirantskrywers sal drie weke lank in die bekwame hande wees van twee gesoute woordmense, Fourie Botha en Thabiso Mahlape. Fourie was eers ’n redigeerder by Penguin Random House, en toe ’n uitgewer wat ’n hele aantal skrywers se loopbaan met sukses geloods het. Hy…

VERKEERDE HUIS Sannie word in die middel van die nag wakker van ’n geraas in die huis. Sy staan op en sluip sitkamer toe. Daar vind sy ’n inbreker wat met ’n flitslig rondsnuffel. Sannie: “Wat soek jy!” Inbreker: “Geld, natuurlik.” Sannie: “Wag net, ek kry gou my flitslig, dan help ek jou soek.” AMANDA BUSSEL FLUKS IN DROOMLAND Ek het vanoggend vyfuur opgestaan en vyf kilometer gaan draf. Daarna ’n gesondheidsdrankie gemaak, twee bondels wasgoed gewas, vloere gestofsuig en gemop… En dis omtrent al wat ek van my droom kan onthou. EMMIE, MOSSELBAAI SEEVAARDIGHEID Die man gaan aan boord vir sy eerste seevaart en vra aan die kaptein: “Sink skepe van hierdie grootte dikwels?” Kaptein: “Nee, meneer, nooit meer as een keer nie.” JOHANNA RADEMEYER AARDJIE NA SY VAARTJIE…

DIE Keniaanse atleet Kelvin Kiptum (23) het vroeg in Oktober die Chicago-marathon met ’n tyd van 2 uur en 35 sekon des gewen – ’n wêreldrekord vir mans. ’n Maand tevore het Ethiopië se Tigst Assefa (26) die wêreldrekord vir vroue in die marathon verbeter toe sy in Berlyn gewen het met ’n tyd van 2 uur, 11 minute en 53 sekondes. En die tonge klap nou oor die soort skoene wat hulle aangehad het toe dit gebeur het. Kelvin het ’n prototipe van Nike se Alphafly 3-tekkies gedra, terwyl Tigst haar rekord afgelê hetin Adidas se Adizero Adios Pro Evo 1-tekkies. Adidas sê dié skoene is 40% ligter as enige ander hardloopskoene wat hulle al gemaak het. Dit is ook aangepas om momentum te behou en spoed te verbeter.…

1 Waar is die heel eerste Wêreldbekersokkertoernooi in 1930 gehou? 2 Wat is die adres van die huis waarin die Britse premier woon? 3 Watter voël word as die gevaarlikste in die wêreld beskou? 4 Watter fliek het die meeste geld ooit by die loket verdien? 5 Wie is die sekretaris-generaal van die Verenigde Nasies? ANTWOORDE 1 Uruguay 2 10 Downing Street 3 Kasuaris 4 Avatar  5 AntónioGuterres BRONNE: BBC, CNN, THE GUARDIAN, AL JAZEERA, NEWS.MONGABAY.COM, FRANCE24.COM, FBI.GOV, LIVEMINT.COM, FOOTWEARNEWS.COM, DOGONEWS.COM…

Nóg ’n prettige seisoen van Die Babbelbende lê nou voor! Kom kyk saam na Seisoen 2 op huisgenoot.com. In dié aanlyn Afrikaanse kinderreeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer oor ons wonderlike wêreld leer. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook media24shop.com om jou eie Paloeka-of Palawa-pop of Die Babbelbende se Groot Storieboek te bestel. Kom leer ken…

RUDY SÊ Hoekom geniet julle dit om saam te werk? Baie maklik: Juan se energie is aansteeklik. Die manier hoe hy die lewe sien, is fantasties. Ek wil myself omring met mense wat so positief is en wat die lewe aanpak met alles wat hulle het. Hoekom moet mense na jul podsending luister? Behind the Ruck is outentiek en mense sal daarby kan aanklank vind. Ons bring ons humorsin na die program en deel in die ervarings van ons rugbyvriende. Dis veral lekker om ons vriende op die program te hê, want dit voel altyd asof ons in ’n hotel of op ’n lughawe sit en rugbystories praat. Jou gunstelingherinnering aan ’n Wêreldbekertoernooi? Toe die Springbokke in 2019 wen en Siya Kolisi die trofee lig. As ’n vriend en voormalige spanmaat…