Innholdsfortegnelse for 19 October 2023 i Huisgenoot

1 ‘SÓ TROTS OP DEON’, SÊ VROULIEF Hy het lank gewag vir sy kans, nou skitter Deon Fourie as haker. Sy vrou, Jean-Marie, en hul kinders, Jamie en Brinley, vertel hoe trots hulle was Al die lof kom hierdie man toe. Deon Fourie, jy het eerlikwaar Malcolm Marx se skoene as haker ongelooflik goed volgestaan. Welgedaan, jy het bewys hoe waardevol jy vir hierdie Bokgroep is en watter uitsonderlike speler jy is. JUSTIN Jy het dit uit en uit verdien om as Man van die Wedstryd aangewys te word. Jy is ’n inspirasie en voorbeeld van hoe ’n mens nooit moet opgee as jy ’n doel voor oë het nie. Ek is een van jou grootste ondersteuners. MARLIZE Deon, ek het nie woorde nie. Die Bokke is bevoorreg om jou in…

EERS was daar kennisgewings wat in winkels waarsku: “Net 10 boksies per koper.” Toe word dit net één boksie per klant. En toe is alles sommer uitverkoop. By die winkels waar eiers wel steeds in voorraad was, skiet pryse toe ook oornag die hoogte in. Want die verskaffing van eiers, ’n stapelproteïen in baie huishoudings, is die afgelope tyd lamgelê deur die jongste uitbreking van voëlgriep. Sedert dié siekte in April vanjaar in ons pluimveebedryf opgemerk is, moes sowat 7,5 miljoen hoenders wat spesifiek vir hul vleis en eiers geteel is van kant gemaak word. Dit is byna ’n derde van Suid-Afrika se totale hoendervoorraad, sê Izaak Breitenbach, hoofbestuurder van die Suid-Afrikaanse Pluimveevereniging. Oornag was daar vrese dat ons toenemend sonder eiers of hoendervleis in die mandjie vir ons kruideniersware…

KAN HULLE MY KIND SOMMER NET VAT? V Ek en my man is geskei en die kinders is in my sorg geplaas. Die oudste seun het gevra om by sy pa te bly, wat ons toe gedoen het. Die jongste een bly by my. Ek het onlangs Pretoria toe getrek en ná ’n gesukkel kon ons steeds nie vir die jongste plek kry in ’n nuwe skool nie. My ma, wat ’n onderwyseres is, stel toe voor hy bly by haar en maak die skooljaar klaar in die skool waar hy nog heeltyd was. Dis ’n logiese oplossing vir iets wat ’n yslike probleem kon word. Ek het my eks daaroor ingelig, maar hy is nie te vinde daarvoor nie en dreig om die welsyn op my te sit en…

AMELIA hou haar kamera gereed en beweeg ál verder weg van haar voertuig, op die uitkyk vir die perfekte wildfoto. Sy het al naam vir haarself gemaak in Suid-Afrika sowel as oorsee omdat sy die gawe en geduld het om diere op net die regte dramatiese oomblik vas te vang. Sy ry alleen uit, sonder ’n wildbewaarder by, en is nou in die hartjie van die Thula Thula-reservaat, seker die enigste mens soveel kilometers van die naaste kamp af. Sy het al uitgery toe die son netnet oor die bome loer en die gras nog nat is van die dou. Om haar sing voëls en skree insekte, maar sy spits haar ore vir die harder geluide van groot diere. “Jy is te roekeloos,” vermaan haar pa altyd wanneer sy stories…

WEEGSKAAL 23 SEP – 22 OKT Die son en Mercurius het hul jaarlikse ontmoeting in jou teken op die 20ste, wat ook beteken om in die hart van die son te wees. Hierdie spesiale geleent- heid behoort jou te seën met groot helderheid van denke en insig gekombineer met uitstekende kommunikasie. Verder is jy ook tans in ’n baie vrygewige bui, maar jy is nie een wat hou daarvan om te pronk nie. Jy doen stilweg jou werk op ’n grasieuse en beskeie manier. GELUKKIGE NOMMERS 1, 15, 41, 42, 28, 3 SKERPIOEN 23 OKT – 21 NOV Moenie toelaat dat iemand jou ontstel nie, want die kans is goed dat jy sake te persoonlik gaan opneem of onvanpas gaan reageer rondom die 22ste. Sowel die son as Mercurius is…

1 Watter skaakstuk is die meeste punte werd, en hoeveel is dit? 2 Watter dier is die simbool van die Wêreldnatuurlewefonds? 3 In watter land is die antieke stad Petra? 4 Hoeveel verskillende soorte 5 In watter land gaan ’n universiteit ’n klas oor Taylor Swift aanbied? ANTWOORDE 1 Die koningin is 9 punte werd 2 Die panda 3 Jordanië 4 4 400 5 Australië BRONNE CNN, THE GUARDIAN, BBC, NATIONAL GEOGRAPHIC, APNEWS.ORG, WWW2.DIABETES.ORG, LILLY.COM, LIVESCIENCE.COM, ETYMOLOGIEBANK.NL…

IS DAAR meer aan die lewe as wat die blote oog kan sien? Ja, glo party mense – hulle glo in engele. Een van daardie mense is die radiopersoonlikheid Amore Bekker. “‘Dit wat ons kan tel, tel glad nie; dit wat ons nie kan tel nie, is al wat tel.’ Ek kan nie onthou wie dit gesê het nie, maar ek stem honderd persent saam,” skryf sy in die inleiding van haar nuwe boek, Ek het ’n engel gesien. “Dit is tyd dat ons migreer na ons binnelandskap toe, want dit wat ons kan sien, kan mos nie al wees nie? Gelukkig is daar engele wat hulself af en toe kom wys om ons daaraan te herinner dat hulle daar is,” skryf sy. Amore, wat onlangs haar pos as aanbieder…

ELKE keer wanneer die aktrise JODIE TURNER-SMITH en haar man, JOSHUA JACKSON, op die rooitapyt gesien is, het mense skoon in vervoering geraak oor dié perfekte pasmaats. Maar ons weet dinge in Hollywood lyk dikwels beter as wat dit is. Aanhangers was geskok toe Jodie onlangs vra om ná ’n huwelik van vier jaar weens “onversoenbare verskille” van die Dawson’s Creek-akteur te skei. Al het Jodie (37) die aansoek op 2 Oktober ingedien, sê sy hulle is op 13 September amptelik uitmekaar. En blykbaar was niemand meer verbaas oor die stap as Joshua (45) nie. Toe hulle die vorige dag by die New Yorkse Modeweek afgeneem is, het hulle verlief gelyk en hande vasgehou. Hy het glo nie besef hoe ongelukkig Jodie was nie. “Joshua is duidelik onkant betrap deur…

DIS die donker nagte wat vir haar ontroosbaar en onuitstaanbaar geword het. Party aande word sy wakker, dan dink sy haar babaseun – die een wat op Kersdag vir haar gegee is – lê langs haar. Nikita Venter (26) sit voor ons – fyn, weerloos. Dit lyk asof die donkerbruin rusbank in haar ouerhuis haar insluk. Sy sit regop en probeer haar seer met saamgevoude hande in haar skoot verskans. Met tye staar sy strak voor haar uit terwyl haar pa, Desmond Venter, van die ander bank af ondersteunend antwoord. ‘ONS HET BAKLEI, WANT EK HET HOM DIE WOENSDAG GELOS. EK KON NET NIE MEER NIE. EK MOES ALLEEN SORG. HY HET MY GEBREEK’ “Hierdie drie weke het ons 20 liter trane gestort,” sê Desmond. Hy en sy familie probeer…

GEMARINEERDE EIERVRUGSOSATIES LEWER 8 SOSATIES / BEREIDING EN GAARMAAK: 40 MIN. 2 eiervrugte5 ml (1 t) sout, vir oorsprinkel1 rooi-ui, in kwarte gesny45 ml (3 e) sesamsaad, vir voorsit1 stingelui, fyngekap, vir voorsit MARINADE 80 ml (⅓ k) sojasous125 ml (½ k) lemoensap30 ml (2 e) rysasyn15 ml (1 e) bruinsuiker60 ml (¼ k) esdoringstroop3 knoffelhuisies, fyngekap5 ml (1 t) gerasperde gemmer10 ml (2 t) sesamolie30 ml (2 e) suurlemoensap10 ml (2 t) srirachasous (opsioneel)15 ml (1 e) mielieblom Voorverhit die oond tot 180 °C. Hou 8 sosatiestokkies byderhand. 1 Sny die eiervrugte in skywe van 2 cm dik. Sprinkel die sout eers aan die een kant en dan aan die ander kant oor en laat sweet 5 min. Spoel die skywe goed af en druk droog met kombuispapier. 2…

15 Oktober is Tuindag – die perfekte dag om tyd in die natuur saam met jou geliefdes deur te bring. KRY DIT HIER @HOME BY BASH.COM; BLOOMSPACE.CO.ZA 068-064-0277; HERTEXHAUS.CO.ZA 021-948-4764; KNUS.CO 021-300-2702; LAVISHD.COM 011-609-8303; MRPHOME.COM 064-584-1000 (WHATSAPP); PEPSTORES.COM 086-073-7000; WOOLWORTHS.CO.ZA 0860-022-002 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFER NIE VERANTWOORDELIK GEHOU KAN WORD NIE. WENK Met verskillende vorms en groottes vase kan jy blomme, takke of blare op interessante maniere uitstal of die vase mooi saam groepeer.…

NIKS is so opwindend én vreesaanjaend soos om jou eerste kar te koop nie. Hier is agt dinge om te oorweeg sodat jy meer sorgvry kan ry. 1 WAT KAN EK BEKOSTIG? ’n Mens hoor dikwels jou karpaaiement moet hoogstens 30% van jou inkomste wees. Maar dit moet liewers heelwat minder wees. ■ Jy moet eers al jou noodsaaklike uitgawes soos ander skuld en lewenskoste kan dek uit dit wat van jou salaris oorbly na aftrekkings soos belasting en medies. ■ Kyk na dit wat oorbly. Hoeveel daarvan sal jy aan noodsaaklikhede soos kos en klere moet bestee? Eers daarna kan jy beraam watter maandelikse motorpaaiement jy sal kan bekostig. Onthou Die paaiement is nie al koste nie. Maak ’n lys van als waarvoor jy moet begroot: registrasie, lisensiering, versekering, instandhouding…

Sy het een aand ná ’n konsert voor haar klavier gaan sit – en toe, asof vanself, speel haar vingers die note vir haar jongste enkelsnit. Die liedjie “Ek wonder” is pas uitgereik en volg kort op die hakke van “Wat nou”, wat in Julie die lig gesien het. Ja, ná soveel suksesvolle jare – en op 40 – is daar nog geen keer aan Riana Nel nie. Sy onthou die aand toe “Ek wonder” gebore is. Dit was net ná ’n Afrikaans Is Groot-konsert. “Ek wou myself herinner dat ek in Christus nie soos die wêreld hoef te dink nie. Ek hoef nie bang te wees nie en ek hoef nie myself te meet aan iemand anders nie,” vertel sy. “So baie van ons vergeet wie ons is en…

GROOT BLOKRAAI NO 2 514 KOMPETISIEVRAAG Watter klein insek is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN QUEILLERIE KOM IN AANMERKING VIR DIE MAANDELIKSE TREKKING VAN R1 000. Dié week wen een leser Ons skulde deur P.P. Fourie (Queillerie, R320). Nadat tragiese gebeure tot haar man, Simon, se skielike dood lei, reis Emma na die Vrystaatse dorpie Clarens om sy as te gaan strooi. Terwyl sy by Simon se tannie Vera tuisgaan, daag ’n geheimsinnige koevert op waarvan die oënskynlik onskadelike inhoud Vera angsbevange maak. Dit blyk dat Vera jaarliks anoniem met só ’n koevert gedreig word voor daar toegeslaan word op iets of iemand wat vir haar kosbaar is. Wie koester dié wrok teen…

Toe versorgers in 2021 by ’n rehabilitasiesentrum vir diere in die suide van Brasilië ’n beseerde dier vind, het hulle gedink dis ’n hond. Die dier is na die sentrum gebring sodat hulle haar kon help gesond maak. Maar die dier het vreemde gedrag getoon. Sy het bosse uitgeklim en wou nie hondekos eet nie. Die dier het ook lang puntore gehad, baie soos dié van die pampasjakkals wat in die gebied voorkom. Dis toe dat hulle besluit het om genetici (sien Woord van die Week) by twee universiteite in die staat Rio Grande do Sul te vra om ondersoek in te stel. Dié wetenskaplikes het die sentrum se vermoedens bevestig – die dier wat hulle gekry het was die eerste hond-jakkals-kruising van sy soort. Die bevindinge is in Augustus…

HOOR ’n mens haar naam, dink jy waarskynlik nie dadelik aan natuurlike skoonheid nie. Haar borste is nie meer Moeder Natuur se skepping nie, dis nie net sonlig en gene wat haar hare blond gemaak het nie, en in die verlede het sy dikwels maskara gedra wat gelyk het asof dit met ’n troffel opgeskep is. Die resultaat was nogtans ’n sukses. Pamela Anderson was nog altyd ’n fees vir die oog. Haar rooi Baywatch-eenstuk is een van die 1990’s se herkenbaarste uitrustings, en selfs deesdae, op 56, kan jy haar nie miskyk nie. Maar toe sy onlangs by die Paryse Modeweek die koppe laat draai het, was dit om ’n rede wat min mense sou voorsien. Daar, tussen al die glansgodinne en laventelhane van die wêreld, het Pamela opgedaag…

RUGBY is ’n jong ou se game, is een van die wyshede wat ’n mens langs die braaivuur hoor. En vergeet daarvan om wedstryde op topvlak sonder ’n spesialishaker te wen, neul die kantlyn-Bokke. Maar toe kom ’n “outoppie” genaamd Deon Fourie (37) en laat die leunstoelkenners sleg op hul neus kyk. Want verlede jaar, drie maande voor sy 36ste verjaardag, word hy die oudste Bok-nuweling nóg. En nou het hy in die drukpot van die Wêreldbekertoernooi in Frankryk sy ware staal gewys. Koppe is geskud oor die feit dat Deon van flank na haker sou skuif om Malcolm Marx se yslike stewels te vul. Maar in die oorwinning oor Tonga het dié gespierde buks sy kritici stil gespeel en is hy as Speler van die Wedstryd aangewys. Een mens…

Formeel Kombineer woudgroen met warm bruine en roosgoudbykomstighede vir ’n elegante, opvallende uitrusting. Vir haar Vir hom Sjiek en deftig Meng sagte skakerings soos modieuse salie en ligpers vir ’n asemrowende kombinasie vir die dag. Vir haar Vir hom Op die strand Hou dinge gemaklik en vloeiend vir ’n troue in die sand. Lemmetjie en taan is ’n sjiek, treffende kombinasie. Vir haar Vir hom In die tuin Laat die natuur jou inspireer met blompatrone en sagte en vaal pienk vir ’n troue onder die bome. Vir haar Vir hom KRY DIT HIER AMERICAN SWISS 0860-333-329; BASH.COM; BASKETLY.CO.ZA; BRIDALHAIRBOUTIQUE.CO.ZA; COTTON ON 087-550-4383; EXACT 0860-834-834; FOREVER NEW 0860-018-014; FOSCHINI 0860-333-329; H&M 086-0690- 707; LOVISA 010-143-0780; MARKHAM 0860-834-834; MR PRICE 080-021-2535; MYBROTIE.CO.ZA; OLD KHAKI 0860-333-329; PMCJEWLERY.CO.ZA; POETRY 0860-333- 329; QUEENSPARK 021-460-9400; STERNS…

1 SY WIL SOOS BRONNIE WEES Sy is bekend vir haar rol as die onderwyseres Sasha Daniels in Arendsvlei. Nou laat Melissa ons skaterlag in die nuwe kykNET-komedie Taktiek. Die reeks gaan oor ’n sekuriteitsmaatskappy wat die mense van die fiktiewe dorpie Schusterton veilig moet hou. Die probleem: Dis die veiligste dorp in die land – daar gebeur net mooi niks nie! In die reeks vertolk sy die rol van die kroegmeisie Bronwyn. Sy en die sekuriteitswag Willy Brown (Keeno-Lee Hector) was vroeër ’n paartjie, maar toe werk dinge nie uit nie. “Bronnie is seker een van my gunstelingkarakters tot dusver. Ek het gesê as ek eendag groot is, wil ek soos Bronnie wees,” sê Melissa. Dié is nie op haar mond geval nie en sê ’n ding net soos…

KRAG Deur FANIE VILJOEN. Lapa, R159* Niemand sien Alden Valentyn raak nie. Hy word egter ’n bespotting toe hy ’n foto van homself sonder ’n hemp aan op Instagram plaas. Hy besluit toe om by ’n gim aan te sluit om spiere te bou. Maar toe sy lyf nie gou genoeg verander nie, besluit hy om ’n kortpad te neem en steroïede te gebruik. Fanie Viljoen, wat vyf dae per week skryf, beantwoord ons vrae oor die boek: Waarom het jy die tema van steroïede gekies? By my vorige gim het ek een middag ’n gebruikte inspuiting in die asblik gesien. Dit was my vonk vir hierdie jeugverhaal. Die sosiale media plaas soveel druk op tieners om die perfekte lewe en die perfekte lyf te hê. Wat hulle nie altyd…

STEMLOSE STERRE Watter popgroep is uiters gewild, maar sing nooit ’n enkele woord nie? Barbie & Ken, natuurlik. E. MOELICH SLAAPTYD Om my kinders saans aan die slaap te kry, is omtrent soos om ’n bank te beroof: “Lê nou plat . . . hou julle monde . . . niemand beweeg nie!” HEIDI MELLEMA VOORUITGANG Die ou oom van die platteland gaan vir die eerste keer in baie jare stad toe en besluit om te gaan fliek. Hy koop sy kaartjie en stap toe na die snoepie en vra vir springmielies. “Dit sal R45 wees, asseblief,” sê die vrou agter die toonbank. “Wat! Die laaste keer toe ek springmielies gekoop het, was dit 10 c,” roep die oom verstom uit. “Dan gaan oom hierdie fliek geniet,” antwoord sy onverstoord.…

HULLE was veronderstel om net ses maande in die ruimte te wees. Maar toe loop als nie heeltemal volgens plan nie, en moes hulle meer as ’n jaar daar deurbring. Nou is hulle eindelik veilig terug op aarde. Die Amerikaner Frank Rubio (47), wat ’n dokter in die weermag was voor hy ’n ruimtevaarder geword het, en die Russe Sergei Prokopjef (48) en Dmitri Petelin (40), het op 25 September vanjaar in Kazakstan geland nadat hulle 371 dae in die ruimte was. Hulle sou aanvanklik net 180 dae op die Internasionale Ruimtestasie (ISS) deurbring. Die drietal het in September 2022 na die ISS gereis en sou in Maart vanjaar terugkeer. Die buitekant van die ruimtetuig waarin hulle gereis het, is egter beskadig. Die tuig kon nie herstel word in die…

In 1921 het die Kanadese dokter Frederick Banting en sy assistent, Charles H. Best, ’n ontdekking gemaak wat gelei het tot die ontwikkeling van behandeling vir diabetes. Frederick en Charles het ’n manier gevind om die hormoon insulien uit die liggaam te trek en dan daarmee die siekte te behandel. Dit word beskou as ’n baie groot deurbraak in die mediese veld. Aan die begin het Frederick en Charles insulien vanuit honde gekry, maar dit was nie die skoonste vorm wat hulle kon gebruik nie. In 1922 het hulle dit reggekry om ’n pasiënt met diabetes se suikervlak binne 24 uur na normaal te laat terugkeer. Dit is gedoen met insulien wat uit varke gehaal is. In 1923 het die Amerikaanse maatskappy Eli Lilly begin om die insulien op grootskaal…

Bi-bi. Bi-bi,” roep Paloeka die leeu. Bibi en Palawa die ‘BI-BI. kameelperd is besig om tou te trek. “Urgh . . . urrr . . . ” kreun Palawa. “Ek kan nie fokus wanneer Paloeka so langs my raas nie.” Daar is sweetdruppeltjies op haar voorkop. Sy frons en fokus baie hard. Bibi lag. “Verskonings, verskonings. Dis net omdat jy kan sien ek loop voor,” sê sy en vat die tou stywer vas. Sy trek en trek en trek. Skielik gly Palawa se pote onder haar uit en die tou glip uit haar hande. Bibi lig die tou bo haar kop. “Ek wen,” sê sy en lag. “Ook maar net-net,” sê Palawa en skud haarself af. “Ek het jou behoorlik ore aangesit,” sê Bibi. “Kom nou, jy weet dit maar…

In 2008 was my skoondogter in ’n ernstige motorongeluk. Toe ek die ontstellende nuus hoor, het ek en ’n vriendin dadelik na die ongelukstoneel gery en eers laataand daar aangekom. Daar is ons ontmoet deur ’n man wat die botsing sien gebeur het, en deur drie swart vroue, deftig uitgevat tot by hul hoëhakskoene. My skoondogter het langs die pad onder ’n pienk kombers gelê. Ek kon dadelik sien haar regterkant is ernstig beseer, want haar Golfie was letterlik om ’n boom gevou. Ek het gevra hoe sy uit die voertuig gekom het en die vroue het gesê hulle het haar uitgehaal. Ons het verder gesels tot die polisie opgedaag het. Ek en die een polisieman het ’n woordewisseling gehad en toe ek weer kyk, was die vroue weg. Hulle…

ALICIA KEYS (42) het in 2016 besluit om grimering te laat gaan. Sy het aan InStyle gesê dit gaan vir haar daaroor om gemaklik in haar eie vel te voel. “Ek het deur my eie ervaring gegaan van baie rebels voel oor wat mense vir my sê – wat die wêreld, die samelewing vir my gesê het, hoe ek veronderstel was om te lyk.” LADY GAGA (37) het by vanjaar se Oscars volledig gegrimeer op die rooitapyt verskyn, maar het dit alles afgevee en ge-skeurde jeans en ’n T-hemp aangetrek voor sy op die verhoog geklim het om “Hold My Hand” van Top Gun: Maverick te sing. Vir haar was die liedjie “baie persoonlik”, daarom wou sy sonder versierings optree. FRANCES MCDORMAND (66) was nog nooit een vir die glans en…

SY RY die afgelope ruk die Hollywoodgolf van roem, daarom is dit gepas dat ANYA TAYLOR-JOY se troue met die musikant MALCOLM MCRAE soos ’n toneel uit ’n fliek was. ’n Jaar nadat hulle glo in die geheim voor ’n hof in Amerika getroud is, het die ster van The Queen’s Gambit en haar man behoorlik uitgehaal en gewys tydens ’n spogseremonie in Italië. Die troue het by die Pisani Moretta-paleis langs die Groot Kanaal in Venesië plaasgevind, en 150 familielede en vriende van die bruidspaar het hierdie keer die geleentheid bygewoon. Op die dag van die huwelik het Anya (27) die asemrowende omgewing vanaf die balkon van die paleis beskou in ’n rok wat spesiaal deur Dior vir haar gemaak is. Die aand ná die seremonie het gaste, onder…

DIS nie altyd maklik om in die openbare oog te ontspan as jou ouers beroemd is nie. Vra maar vir JADEN SMITH (25), Will Smith en Jada Pinkett Smith se spruit, wat onlangs ná sy manewales in Europa sy aanhangers op hol gehad het. Dit het die vraag laat ontstaan: “Is Jaden, oukei?” Tydens die Milaanse en die Paryse Modeweek het die jong rapper kommerwekkende gedrag getoon en twyfelagtige foto’s op sosiale media geplaas. Op een van die foto’s wat in ’n hotelkamer in Parys geneem is, staan ’n gebreekte wynglas op ’n tafel langs hom. Dit volg ná ’n wilde aand uit saam met sy vriende waar gesien is hoe hy met ’n leë sjampanjeglas in die straat af loop. Die vorige dag het hy ’n steurnis by die…

NADAT sy amper 20 kg verloor het met behulp van die omstrede verslankingsmiddel Ozempic, het SHARON OSBOURNE verklap dat sy nou soms tot drie dae sonder kos kan bly. Sharon (71) het dié onthulling gemaak in ’n episode van The Osbournes Podcast, wat sy saam met haar kinders, Jack en Kelly, aanbied. In dié episode se bespreking van ’n sogenaamde D-dag en rantsoenering van maaltye het Jack gesê die wêreld sal in ’n chaos verval as mense nie nege opeenvolgende maaltye eet nie. “Ek doen dit élke week – ten minste drie dae sonder om te eet,” het Sharon toe geantwoord. Sharon was openlik oor haar gebruik verlede jaar van die Ozempic-inspuitings oor ’n tydperk van vier maande. Maar sy erken dat dit nie ’n kitsoplossing was nie, en dat…

NOU TE KOOP R75 WAT IS BINNE-IN? • Sagmoedige plantvreters • Bloeddorstige vleisvreters • Dino’s in die lug • Dino’s in die see • Dino’s vol vere • Die dodelikste dino’s ooit • Die skokkende einde van die dino-era PLUS: Wat jy nodig het om self uitgrawings te doen VIR KINDERS KLEIN EN GROOT DIE KOELSTE, VREEMDSTE & VREESLIKSTE 12003 DINOSOURUSSE AANLYN media24.shop.com of huisgenootwinkel.com E-POS koop@huisgenoot.com BEL 021-406-4962…