Innholdsfortegnelse for 12 October 2023 i Huisgenoot

1 DIE GROOT KLEINTJIE Huisgenoot het die land se groete aan Mannetjies Roux oorgedra, en die legendariese Bok (84) het raad vir Siya-hulle in Frankryk gehad Goeiedag my spanmaat van die 1950’s van Boishaai, saam in die reën gespeel by Bishops en ander Kaapse skole. Agter op die lorrie met houtbankies na wedstryde gery. Albei net duskant 85, maar ons lyk nog goed! KLAAS Die beste senter wat dié wêreld nog gesien het! Ek was daar met daai drie in 1962 teen die Britse Leeus. Ek en Jurie Greef en Paul Fouché het hom ná die toets van die veld gedra. Wat ’n groot voorreg – sal dit vir ewig onthou. FLIP Yster! As hy kwaad was vir die ref se beslissing, gaan sit hy op die bal sodat die…

HOE maak ’n bekende sjef wanneer sy die eerste keer ma word en skaars tyd het vir etes beplan, wat nog te sê vir kook? Sy kies ook maar kortpad in haar eie kombuis – maar op die gesonde, lekker manier. Want al gun geen nuwe baba vir hul ma ure voor die stoof nie, is die lewe te kort om sleg of ongesond te eet. Vra maar die TV-sjef Yolani Abrahams. Nadat Yolani (31), ’n sjef van Ceres, in 2017 as die wenner van Sarie se Voorbladgesigkompetisie aangewys is, het sy die kookprogram Spyskaart op SABC2 aangebied en daarna as aanbieder van die VIA-reeks Kookpunt verskyn. Toe sy vroeër vanjaar die laaste episodes van die huidige seisoen van Kookpunt geskiet het, het sy al gewonder oor wat volgende voorlê.…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. EK IS SKAAM VIR MY MAN SE MANIERE V Ons is geruime tyd getroud, tweede huwelik vir albei. Hy sorg goed vir my, ek voel veilig, maar sy tong maak my baie seer. Ek kan glad nie vriende huis toe bring nie omdat my man onbeskof word en my voor hulle afkraak. Ek kry skaam en voel sleg daaroor. Agterna ontken hy dit…

Franklin Fox (Josh Hutcherson), ’n tegno-joernalis, kry ’n onderhoud met die visioenêre entrepreneur Anton Burrell (Morgan Freeman) nadat hy hom van ’n sluipmoordpoging gered het. Op pad uit kry Franklin ’n geheimsinnige ring wat Anton op die vloer laat val het – en ontdek hy kan daarmee 57 sekondes terug in tyd reis. Franklin gebruik die krag van die ring om hom te wreek op die farmaseutiese maatskappy wat vir sy suster se dood verantwoordelik was. Maar namate hy dieper in hierdie onbekende wêreld van rykdom en tegnologie delf, raak hy verstrengel in ’n ketting van gebeure wat ingrypende gevolge inhou. EXORCIST: THE BELIEVER Gruwel. Met Olivia Marcum, Leslie Odom jr., Ellen Burstyn en Lidya Jewett. Regie: David Gordon Green. Nou in fliekteaters. Dis vanjaar ’n halfeeu sedert hierdie fliek…

WEEGSKAAL 23 SEP – 22 OKT Op die 12de beweeg die dreigende Mars by jou teken uit. Kalmte en vrede behoort dan weer te heers in teenstelling met die onrustigheid en irritasie van die afgelope ruk. Die nuwemaan is ook in jou teken. Sorg dat jy jou bedoelings vir die volgende jaar in jou lewe stel. Jy en jou lewensmaat is tans in beheer van jul finansiële sake. Sorg dat die boeke balanseer en jul belasting bygewerk is. Dit sal julle albei gemoedsrus gee. GELUKKIGE NOMMERS 47, 13, 11, 9, 12, 22 SKERPIOEN 23 OKT – 21 NOV Dit is vir jou ’n belangrike week, want jou heersende planeet, Mars, verwissel van teken en kom in joune tot rus. Dit sal jou selfvertroue en charisma verhoog. Span jou mag op…

1 In watter stad is die Rialto-brug? 2 Wie is die kaptein van die Protea-eendag-krieketspan? 3 Waar speel die musiekspel Mamma Mia af? 4 Wat is die langste rivier wat 5 Hoe ver kan ’n uil sy kop draai? ANTWOORDE 1 Venesië. 2 Temba Bavuma. 3 Griekeland. 4 Die Yangtze-rivier in China. 5 270 grade. BRONNE REUTERS, THE GUARDIAN, CNN, NET-WERK24, EARTHSHOTPRIZE.ORG, KIDSNEWS.COM.AU, PEOPLE.COM, NASA.GOV, NEWSFORKIDS.NET, GOODNEWSNETWORK.ORG, DOGONEWS.COM…

MAAK julle vir die ergste gereed. Dis wat dokters vir haar ouers gesê het, want met hul ongebore baba se seldsame toestand was daar eintlik geen kans op oorlewing nie. Maar baba Armani Milby het bly leef. Nou is sy al nege maande oud, en sy floreer al het haar lewe so ’n wankelrige begin gehad. Armani van Kentucky in Amerika is gebore met ’n ernstige vorm van limfangioom, ’n toestand wat veroorsaak dat niekwaadaardige gewasse in die limfvate groei. Die swelling veroorsaak dat haar bolyf en arms buite verhouding groot word. Sy het met geboorte so vreemd gelyk dat haar ma, Chelsey (33), haar liefderik die bynaam “mini-Hulk” gegee het. “Sy het soos ’n klein liggaamsbouertjie gelyk,” sê sy. Armani moes die eerste drie maande van haar lewe in…

ONDER die lowergroen blaredak kom ’n gespierde reus deur die blink rivierwater aangestap. Hy sleep ’n roeiboot met kosbare vrag deur die wasige mis terwyl die sonstrale lomerig deur die bome flikker. Sy naam is Andrius Pauliukevi ius. Maar wanneer jy so kyk na die foto van Andrius met sy vrou en dogtertjie in die bootjie agter hom, is dit geen wonder sy landgenote noem hom “Tarzan” nie. Met sy lang hare, gebeitelde arms en bultende bolyf lyk hy net so tuis in die ongerepte natuur as die boek-en fliekkarakter van ouds. Huisgenoot het al voorheen berig oor die Oos-Europese liggaamsbouer van die stad Vilnius in Litaue toe hy sy eie “Jane” uit Afrika gekry het. En nou het die twee drie geword, want deesdae is Tarzan en Jane ook…

Die Suid-Afrikaanse aktrise THUSO MBEDU is onlangs as L’Oréal Paris se ambassadeur vir Afrika suid van die Sahara aangewys. Op die bekendstel-lingsgeleentheid vroeër vanjaar in Johannesburg het die Woman King- aktrise haar opgewon-denheid oor die nuwe rol op die verhoog gedeel. Sy het ’n bietjie van haar agtergrond gedeel van hoe sy as ’n jong meisie in KwaZulu-Natal grootgeword het – met “chemies beskadigde hare en vlekkerige vel” – tot waar sy nou ’n ambassadeur is vir ’n internasionale skoon-heidsmaatskappy. “Maak nie saak wie jy is of waar jy is nie, maak nie saak wat jy doen nie . . . you are worth it,” het sy gesê.…

SY’S die vrou in die middel van die Klerksdorpse liefdesdriehoek waarvan almal praat. Natasha Fisher (28), met haar lang, donkerrooi hare, wat moes aanskou hoe haar eks met een hou deur haar nuwe kêrel platgeslaan word. Hy het nooit weer opgestaan nie, en met daardie een hou het die liefdesdriehoek nou ’n moordondersoek geword. Maar terwyl die skokvideo van die aanranding nog rondvlieg, het die vrae al begin: Wat het gebeur om daai hou in die parkeerterrein van ’n dorpskroeg uit te lok? Het Natasha en haar eks, Hilton Pretorius (32), dalk hul verhouding hervat terwyl Wernich Botha kontrakwerk in Somalië gedoen het? Het hy hulle saam betrap – en is dít die rede dat hy nou van Hilton se moord aangekla word? (Sien kassie op bl. 8.) Natasha was…

’N JAAR gelede het sy haar lewe in Suid-Afrika opgepak vir ’n nuwe begin saam met haar gesin in Dubai. Maar sy was skaars drie maande in haar nuwe omgewing toe sy ’n vliegtuig Suid-Afrika toe gehaal het om vir agt weke hier aan ’n nuwe reeks te kom skiet. Toe Trix Vivier (35) saam met haar gesin op die bedrywige Kaapstad-lughawe land, kom die skok: Haar seuntjie se oppasser gaan nie die nodige toestemming kry om die land in te kom nie. Dit was ’n onmoontlike situasie: Sy moes alleen hier bly om die reeks te skiet, en haar kind groet sodat hy saam met sy oppasser kon terugvlieg Dubai toe. Dit was hartverskeurend, sê Trix vandag. Sy moes direk van die lughawe in ’n kar spring Wildernis toe,…

OORNAGHAWERMOUTBAKKIE GENOEG VIR 2 MENSE / BEREIDING: 10 MIN. / VERKOEL: OORNAG 500 ml (2 k) hawermout500 ml (2 k) melk10 ml (2 t) fyn klapper30 ml (2 e) chiasaad5 ml (1 t) vanielje-ekstrak60 ml (4 e) heuning60 ml (4 e) vars bloubessies1 appel, in blokkies gesny 1 Plaas die hawermout, melk, klapper, chiasaad, vanielje en heuning in ’n klein, lugdigte houer. Meng goed. Maak die houer toe en plaas oornag in die yskas. 2 Strooi die volgende oggend die bloubessies en appel oor, of sit dit voor saam met jou keuse van vrugte. Piesang werk ook lekker. EENPANGEROOSTERDE VIS GENOEG VIR 2 MENSE / BEREIDING EN GAARMAAK: 35 MIN. 2 x 200 g-stokvisfilette8 babatamaties6 knoffelhuisies30 ml (2 e) sonneblomoliesout en peper30 ml (2 e) gesoute botter4 takkies tiemie½ suurlemoen,…

WAT JY BENODIG INKOPIELYS ◼ ’n blad 18 mm-laaghout, gesny in: ’n 820 x 660 mm-stuk (rugblad) ’n 600 x 200 mm-stuk (rak) ’n 360 x 200 mm-stuk (rak) ◼ ’n 19 mm-houttappen ◼ vier 10 mm-Rawlboute ◼ 120-grein-skuurpapier GEREEDSKAP ◼ koordlose boor, 8 mm-houtboorpunt en 19 mm-platboorpunt ◼ 54 mm-silindersaag ◼ potlood ◼ maatband◼ liniaal ◼ 10 mm-moersleutel ◼ elektriese boor en 10 mm-messelboorpunt Meet en merk die volgende mates op die lengte van die rugblad af: 80 mm, 240 mm, 400 mm, 560 mm en 720 mm. Meet en merk die volgende mates op die breedte af: 100 mm, 215 mm, 330 mm, 445 mm en 560 mm. Verbind die merke met potloodlyne om ’n rooster te vorm. Gebruik die platboorpunt en boor gate waar die lyne oorkruis.…

AL HOE meer mense skep ekstra inkomstestrome om kop bo water te hou. Kinders of troeteldiere oppas, koek bak, boekhou- en ander vryskutwerk – noem maar op. Maar hoe gemaak as jy sukkel om geld uit iemand te kry nadat jy jou diens of produk gelewer het? KRY SÓ WAT JOU TOEKOM 1 MAAK SEKER DIE PERSOON HET JOU FAKTUUR ONTVANG Stuur ’n kort, beleefde e-pos en verduidelik die betaling is agterstallig. Vra of hulle die aanvanklike faktuur ontvang het en of dit in orde is. Heg ook die faktuur weer aan. 2 AS DIE PERSOON NIE BINNE ’N PAAR DAE REAGEER NIE Stuur weer ’n kort e-pos en die faktuur. Verduidelik die betaalopsies en dat hulle dit oor ’n tydperk kan afbetaal. Wees professioneel en moenie hul vermoë om…

GROOT BLOKRAAI NO 2 513 KOMPETISIEVRAAG Watter klier is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN HUMAN & ROUSSEAU KOM IN AANMERKING VIR DIE MAANDELIKSE TREKKING VAN R1 000. Dié week wen een leser Die VLV-kookboek deur dieVroue-LandbouverenigingvanKaapland(H&R, R420). Die VLV-kookboek bevat ’n versameling flatervrye resepte saamgestel deur die lede van die Vroue-Landbouvereniging van Kaapland ter viering van hul 90ste bestaansjaar. Trakteer jou gesin op ou gunstelinge soos lewerkoekies, bobotie en skaapboud in die Toe-afdeling, en geniet weer die liplekker lekkerte van melktert, gemmerkoekies en gemmerbier – om maar net enkeles te noem. As jou tyd beperk is, wend jou tot die getoetste kortpadresepte in die Nou-afdeling, waar die mikrogolfoond ingespan kan word. Daar…

ESMÉ VAN REENEN (74), SKOONHEIDSKONINGIN, MALMESBURY ‘EK WAS Die Burger se Mej. Ekstra Mooi. Ek was 26. Ek het nie ingeskryf nie. Ek is nie sommer van so nie. Mens dink mos nie self jy lyk na iets nie. Die Burger se fotograaf het my by ’n Percy Sledge-konsert afgeneem. Van my en my outjie. Hy het gevra ek kan deurkom na die koerant se kantore. ’n Afspraak maak om ’n paar foto’s te neem. ’n Ruk later is ek in Durban vir vakansie. My ma bel my: “Nou wanneer het jy ingeskryf vir ’n kompetisie?” “Mammie, ek sal nooit sulke dinge doen nie.” Toe het hy vir my loop inskryf. Toe ek terugkom, het hy klomp ander foto’s van my geneem. Ook van my in ’n bikini. Daar is…

WAAR hy ook al gaan in sy wyk – in die strate van die dorpie aan die voet van die Howickwaterval, of in die landelike nedersettings tussen die groen heuwels – hoor hy gereeld hoe een van sy Zoeloe-byname uitgeroep word. Hier in die Zoeloe-hartland van Kwa-Zulu-Natal heet die gebruik om aan mense byname te gee izidlaliso. Losweg vertaal beteken dit om te terg of te vermaak. En Chris Pappas, die DA-burgemeester van die uMngeni-munisipaliteit, spring nie hierdie speelse tradisie vry nie. Byname soos wat? wil ons weet. Chris (32) kyk eers half verleë na sy assistent. “Ek is maar skaam; ek weet nie of ek hierdie een moet deel nie . . .” Maar dan pers hy voort: In die Mooirivier-distrik waar hy grootgeword het, is hy “uGundi” of…

1 Wat is jou gunstelingskoon-heidswenk? Was altyd jou gesig soggens én saans, veral as jy grimering aanhet! 2 Wie is jou grootste skoonheidsikoon en hoekom? Kelly Rowland. Sy is pragtig en is al as beeldskoon beskou selfs voor mense met ’n donkerder vel so gesien is. Sy het ook dieselfde gesigstruktuur as ek, so ek weet wat vir haar werk, behoort vir my ook te werk. 3 Wat is jou grootste skoonheidsflater? Om nie ou grimering weg te gooi nie. 4 Wat is vir jou ’n besonderse skoonheidsherinnering? Om te sien hoe my ouma petroleumjellie gebruik en ’n pragtige vel het. 5 Wat is drie skoonheidsitems wat altyd in jou handsak is? Lipsalf, oogomlyner en ’n wenkbrouborsel.…

IS DIT ’n broodjie in die oondjie wat ons daar gewaar? IHALLE BAILEY het haar aanhangers behoorlik aan die gis, want dit wil voorkom asof sy haar eerste kind saam met die rapper DDG verwag. Die paartjie gaan al ’n jaar en ’n half uit nadat hulle mekaar by ’n Usher-konsert in Las Vegas ontmoet het. Sedertdien is hulle onafskeidbaar. Die gegons het in Augustus begin nadat Halle (23) in die agtergrond verskyn het van ’n video wat DDG (26) op sy YouTube-kanaal geplaas het. Dit het toe al sowaar gelyk asof sy met ’n bababoepie spog! Sedertdien dra die aktrise by geleenthede en op haar sosiale media lospassende klere wat lyk asof dit haar middel strategies bedek. Toe Halle en haar suster, Chloe, in September ’n prys by die…

MOOI OPGETOF Rokke met plooie of valle is perfek om hierdie seisoen saam met jou dogtertjie te dra. Kies hierdie modieuse style in uitstaankleure, veral as jy kies om nie ook bykomstighede te dra nie. DUBBELDENIM Denimklere is baie veelsydig en heeljaar deur wonderlike staatmakers in jou en jou kind se klerekas. Dra dit saam met sagte en natuurlike kleure vir ’n meer vroulike voorkoms. KOMBO’S WAT KOMPLEMENTEER Blou is hierdie seisoen hoogmode. So ook ander kleure wat deur die natuur geïnspireer is. Meng en pas jou uitrusting se kleure en patrone met dié van jou kind vir ’n harmonieuse bypassende voorkoms. GENERASIEKOMBINASIE Sit jou beste voetjie voor saam met die vroue in jou lewe deur kleure, patrone en/of bypassende style in te span. GALLO IMAGES/GETTY IMAGES KRY DIT HIER…

LAASTE KANS Deur MARITA VAN DER VYVER. Tafelberg, R259* Geesdriftige lesers van Wegkomkans wat haar jaar ná jaar gevra het wat van die karakters in dié boek geword het, het gemaak dat Marita van der Vyver ’n opvolg geskryf het. “Ek het altyd gesê: Maar gebruik self jul verbeelding! Eindelik het ek besef ek wil nou maar self kyk wat verder met hulle gebeur het.” Maar is dit nie gevaarlik om karakters met 25 jaar te laat verouder nie, kan ’n mens wel wonder. “Natuurlik,” sê Marita. “Net soos dit gevaarlik is om self ouer te word. “Maar soos Bobbie in ’n stadium vir haar jong seun sê, toe sy so oud soos hy was, het sy ook gedog dit sou verskriklik wees om ouer te word. En nou word…

FAMILIEOUDIT Faansie kom terug van sy eerste dag op skool. “My juffrou wou weet of ek enige broers of susters het,” vertel hy vir sy ma. “Dis gaaf dat sy so in jou belangstel,” laat sy hoor. Faansie: “Ja, en toe ek sê ek is die enigste kind, toe sug sy en sê: ‘Dankie tog!’ ” SAN MARCHAND SLINKSE KYKER Ek kyk so baie misdaadreekse dat ek deesdae my vingerafdrukke van die afstandbeheer afvee nadat ek die TV afgeskakel het. EMMIE, MOSSELBAAI SLIM VANG SY BAAS Die ou gevangene vra sy nuwe selmaat: “En hoe het die polisieman agtergekom dat jy jou soos ’n vrou vermom het?” Selmaat: “Ek het by ’n skoenwinkel verbygestap sonder om na die uitstalling in die venster te kyk.” JOHAN H, GONUBIE VERKEERDE VISWATERS Die…

OUSUS Bluey is sewe jaar oud. Sy hou van lag en speeltyd saam met kleinsus, Bingo, en hul ouers. Sy het die vermoë om alledaagse take in vet pret te omskep. As oudste dogter doen sy moeite om Bingo se dag met vindingryke speletjies op te kikker. DIE JONGSTE Die vierjarige Bingo het genoeg energie vir 10 honde. Wat speeltyd betref, raak sy nooit moeg nie en is sy baie kreatief. As Bingo se ore die dag ’n bietjie hang, is ousus gou by om haar op te kikker. PAPPA Bandit is die “prettige pa wat altyd gereed is om met sy twee dogters te speel”. Natuurlik raak hy soms ook ’n bietjie knorrig, maar selfs dan sal jy niks leliks uit sy mond hoor nie. Sy kragwoorde is sêgoed…

VAN aanhouers wat wen, kan jy haar niks vertel nie. Sy wou al moed opgee. Maar sy het nie. En verlede jaar was dit juis sulke tyd. ’n Knaende besering in Kgothatso Montjane se elmboog het haar lank van die tennisbaan gehou. Sy moes die grootste deel van 2022 in rehabilitasie deurbring en toekyk hoe sy op die wêreldranglys daal. Maar Kgothatso is nie die soort mens wat tou op gooi nie. Sy sal dit nog een kans gee, het sy besluit. As sy misluk, het sy ten minste probeer. En toe is dit alles die moeite werd. Want Kgothatso, Suid-Afrika se rolstoeltenniskampioen, het vanjaar twee Grand Slam-dubbelspeltitels verower – by die Franse Ope en die Amerikaanse Ope. Sy het albei saam met haar Japannese spelmaat, Yui Kamiji, gewen. “Ek…

Die voormalige Idols SA-deelnemer AMY JONES se debuutalbum, My Forever Friend, word vandeesmaand uitgereik. Die Paarliet kan nie meer wag om dit met die wêreld te deel nie. Amy hoop om met haar nuwe album afro-klanke en -dans te herdefinieer. “Ek kan nie glo ek het ’n volledige versameling liedjies nie,” sê Amy. “Ek hou dit al ’n geruime tyd vir myself, en dis nou tyd vir die wêreld om dit te hoor.” Hier verklap sy meer. Vertel ons van jou debuutalbum. Dit neem jou op ’n musiekreis en inspireer oud en jonk om te leef, te droom, lief te hê en om te wees wie hulle ook al in die lewe wil wees. Hoe lank het jy aan jou album gewerk? Die liedjies was al ’n hele ruk in…

JA-NEE, TAYLOR SWIFT weet beslis hoe om’n vertoning te gee – of sy nou op die verhoog is of met haar jongste vryer spog. Alle oë was op die sangeres toe sy onlangs gaan kyk het hoe TRAVIS KELCE, een van die grootste sterre van Amerikaanse voetbal, op die veld stamp en stoot. Taylor (33) is onlangs in ’n privaat losie in Kansas City afgeneem saam met Travis se ma, Donna. Hy speel vir die Kansas City Chiefs en sy het hom luidkeels ondersteun. Volgens ’n bron het sy en die breker in Augustus saam begin uithang nadat hulle mekaar in New York ontmoet het. “Hulle leer mekaar eers net beter ken,” het die bron aan Today gesê. Tog het Taylor al in Junie Travis se aandag probeer trek –…