Innholdsfortegnelse for 5 October 2023 i Huisgenoot

1 ‘DANKBAAR VIR MY MA, CHARMAINE’ Sy het al swaarkryjare beleef, vertel Char Carrie, Suidooster se Angie. Maar danksy die steun van haar enkelma, Charmaine, kon sy haar droom behaal Die soort sêgoed en houdinkies waarmee sy vorendag kom, kan mos net natuurlik wees. Want as sy dit van ’n draaiboek af moet doen, is sy beslis nog briljanter as wat ’n mens dink! Welgedaan. ALEXANDER So mooi dat sy trots is om ’n blessing vir haar ma te kan wees. Hou jou voete op die grond en moet nooit vergeet dat jou ma altyd jou grootste ondersteuner sal wees nie. Deesdae kan kinders dit so maklik vergeet AVRIL Sy is nie net pragtig nie, hoor – sy is die beste aktrise. Sy borrel behoorlik en sy trek só mooi aan.…

BUITEN ’n paar ligte snymerkies rondom haar regteroog sou jy nie kon raai sy was onlangs in ’n taai kragmeting op die rugbyveld betrokke nie. Dié energieke slot het teen ’n oorsese klubspan uitgedraf in haar eerste wedstryd vir die Springbok-vrouerugbyspan. Haar nommer op die veld? Vyf. En haar van? Els. Samantha Els (24) is die dogter van die gholfspeler Ernie Els, een van Suid-Afrika se grootste sportikone. Maar sy staan nou op haar eie voete en skryf haar eie pad oop in die sportboeke. Sy het ’n paar bloukolle oorgehou ná daardie onlangse rugbywedstryd, maar sy is nietemin sprankelend en vol kwinkslae waar sy op ’n lenteaand by ’n hotel in die Kaapse Waterfront sit. Haar blonde hare hang los oor haar skouers, anders as die vlegsels en skrumpet…

Toetsbeamptes kan tussen soggens vyfuur en saans elfuur by ’n beroepsportmens se huis opdaag, sê Deslyn Pather. Die oomblik wanneer hulle daar aankom, hou hulle die mens met valkoë dop en volg hulle oral. Die beamptes moet dophou hoe hulle in ’n bekertjie urineer. Hulle moet dan self die bekertjie verseël. Die beampte vul ’n vorm in en maak seker die mens verstaan hul regte. Eers daarna hanteer die beampte die bekertjie die eerste keer en sit dit in ’n sak wat verseël word.…

t – teelepel/s e – eetlepel/s k – koppie/s MENTSLAAI GENOEG VIR 6-8 MENSE / BEREIDING EN GAARMAAK: 15 MIN. ROMERIGE SLAAISOUS ◗ 30 ml (2 e) olyfolie◗ 15 ml (1 e) rooiwynasyn◗ 15 ml (1 e) natuurlike jogurt◗ 10 ml (2 t) droë◗ gemengde kruie◗ fyn sout en vars gemaalde swartpeper, na smaak SLAAI ◗ 250 g babamurgpampoentjies, in ringe gesny◗ 5 ml (1 t) olyfolie◗ 100 g cos-blaarslaai, grofgekap◗ 20 g vars ment, grofgekap◗ 10 g vars pietersielie, grofgekap◗ 100 g komkommer, geskil (indien verkies) en gesny◗ 50 g radyse, in dun ringe gesny◗ 2 stingeluie, in dun ringe gesny 1 Romerige slaaisous Plaas die olie, asyn, jogurt en kruie in ’n klein houer met ’n stewige deksel. Geur met die sout en peper. Maak die houer toe…

1 Bennie wou nog altyd ’n reeks skryf, self daarin speel en die regie daarvan behartig. “Dit was vreemd vir ’n dag, maar deeglik beplan en met my mederegisseur, Beer Adriaanse, se fyn oog het dit op die ou end lekker gewerk,” sê Bennie. 2 Dit was ’n klein Hotel-reünie met Bennie Fourie, Schalk Bezuidenhout en James Borthwick voor en Beer (wat Thomas in Hotel gespeel het) agter die kameras. 3 Ander akteurs wat in gasrolle te sien is, sluit in Donnalee Roberts, Leandie du Randt, Devonecia Swartz, Antoinette Kellermann en André Weideman. 4 Bennie is mal daaroor om mense te laat lag. “As jou vriende lag, is die kans goed dat ander mense dit ook sal geniet,” sê hy. 5 Sowel Regardt Botha as Johan Cronje (redigeerders van Hotel), was die redigeerders vir…

As kind het hy in armoede in die township Sebokeng in die suide van Johannesburg grootgeword – toe het sy musiekdrome ver buite bereik gevoel. Maar deesdae kry die internasionale wêreld nie genoeg van die sanger en meestertjellis Abel Selaocoe nie. Abel woon deesdae in Manchester in Engeland en word uit klassieke kringe oor die wêreld heen geprys vir sy snit “Ka Bohaleng” (On the Sharp Side). Dit verskyn op sy debuutalbum, Where Is Home (Hae ke Kae), wat verlede jaar uitgereik is. Nie net speel Abel verhoë aan die brand nie; hy laat ook TikTok gons. ’n Video-opname waarin hy en ander musikante “Ka Bohaleng” uitvoer, het onlangs soos ’n veldbrand op dié sosialemediaplatform versprei – en gebruikers het die video honderdduisende kere gedeel. Die tjello is sy lewe, het…

WEEGSKAAL 23 SEP – 22 OKT Mercurius, die planeet van kommunikasie, kom op die 5de in jou teken tot stilstand en gee jou ’n slag met woorde. Maar jy kry nie onder-steuning by jou lewensmaat of kollegas nie, en jy moet besluit of jy in ’n vakuum wil voortgaan of op beter dae wag. Speel vir tyd, maar aanvaar daar is ’n mate van genadeloosheid teenwoordig. Moet geen belediging teenoor jou of jou familie verdra nie. GELUKKIGE NOMMERS 16, 23, 26, 43, 24, 18 LIBRA SE LIEFDE EN ROMANSE ◼ Jou sterk punt is jou vermoë om humeure te laat bedaar. ◼ Jou swak punt is om uit te stel – wag kan nadelig wees. ◼ Maak dit ’n gewoonte om in kunswerke te belê. ◼ Vertrou jou eie smaak…

EK’T so ’n bos bruinbrons hare gehad. Ek onthou dit was ’n reënerige dag en my hare val om my uit en ek begin huil. My ma sê toe sy gaan my en haar hare saam skeer. My anties en niggies het ook hulle hare saam my geskeer. Dit was een van my mees precious memories as kind. Dit het begin toe ek vier jaar oud was. Vier tot agt kan ek mooi onthou, was ek regdeur in die hospitaal. Toetse op toetse en scans en chemo. Een aand het my antie my gewas en toe gevra of die knoppie onder my arm seer is. Ek het gesê nee, en my ma het my kliniek toe geneem, waar hulle gesê het dis ’n gewone vetkliertjie en my antibiotika gegee. Ses…

1 Watter drie dinge omtrent jou sal mense verras? Ek is mal oor alle soorte musiek en om verskillende kulture deur hul musiek te leer ken. Ek kan ook ’n Britse aksent baie goed namaak. En as bonus: Ek het klopdans gedoen toe ek jonger was. 2 Wat gee jou die meeste vreugde? Om tyd saam met my geliefdes deur te bring en betrokke te raak by aktiwiteite waaroor ek sterk voel. Daar’s regtig iets spesiaals daaraan om jouself te omring met mense wat vir jou omgee en dinge te doen wat jou vervul. 3 Wat is die beste raad wat jy al gekry het? Om altyd getrou te wees aan myself en nooit my waardes in te boet nie. Dis belangrik om plat op die aarde te bly en te onthou wat…

In 2007 het Britney kort ná haar egskeiding van Kevin Federline met ADNAN GHALIB, ’n steelfotograaf, uitgegaan. Hy is in 2009 aangekla van aanranding met ’n dodelike wapen, ’n tref-en-trapongeluk en geweld, want hy het oor die bode van Britney se beskermingsbevel teen hom gery. Toe Britney in dieselfde jaar in ’n rehabilitasiesentrum was, het sy die sanger HOWIE DAY ontmoet. Britney se ma, Lynne, het die romanse egter stopgesit toe sy uitvind oor klagte van rusverstoring teen Howie. Jare later is hy ook vir die aanranding van sy meisie in hegtenis geneem. Britney het in 2004 met JASON ALEXANDER, ’n vriend uit haar kinderdae, in Las Vegas getrou. Die huwelik het net 55 uur geduur en sedertdien teister hy haar. Hy het in 2022 ongenooid opgedaag by haar troue…

SELENA GOMEZ Nadat sy en Justin Bieber (29) in 2018 finaal uitmekaar is, het Selena (31) by Taylor op die verhoog aangesluit tydens een van haar konserte. “Sy het my aangemoedig toe ek niks gehad het om oor aangemoedig te word nie. Ek weet nie of ek so sterk sou gewees het as ek nie vir jou en jou familie gehad het nie,” het Selena toe gesê. CAMILA CABELLO Toe die sangeres (26) se hart vroeg in haar loopbaan op ’n keer gebreek is, het Taylor haar oor Camila ontferm. “Sy het vir my ’n uitmaakspeellys gestuur en gesê: ‘Kom kuier. Kom ons praat,’” vertel Camila. HAAR “SQUAD” Ook Taylor het soms ’n gebroke hart, dan is dit haar beurt om op haar vriendinne te steun. Nadat sy en Joe…

ROKKE MET HOUDING Dit is die seisoen vir vloeiende rokke, en hierdie somer gaan dit oor kleure wat knal in bypassende skakerings. Kies rokke in helder groen, geel, oranje en fuchsia. Pastelle kan ook werk as ’n goeie basis om jou helder voorkoms op te bou. EKSENTRIEKE OORBELLE Oorbelle wat die oog tref, is die in ding. Kies helder kleure en interessante afwerkings om jou voorkoms mee af te rond. SPOGGERIGE SKOENE Kies skoene wat by jou uitstaan-bykomstighede pas vir ’n harmonieuse voorkoms met die meeste trefkrag. KOMBINEER DIE KLEURE GEEL, WIT & NEON ORANJE & FUSCHIA LIGPERS & LIKEURGROEN LEMMETJIE & PIENK KRY DIT HIER DUNNS 0860-007-350; EDGARS 0860-111-826; FOSCHINI 0860-834-834; GALAXY & CO 0860-834-834; H&M 086-0690-707; JEULIA.CO.ZA; LOVEANDSPARKLES.CO.ZA; LOVISA 010-143-0780; MANGO.COM; MILADYS 0800-212-535; MR PRICE 080-021-2535; PMCJEWELLERY.CO.ZA; POETRY-STORES.CO.ZA;…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekend maak nie en jou identiteit bly vertroulik. Skryf vir my by: Vra vir Irma, Posbus 1802, Kaapstad 8000 of stuur jou e-pos na vravirirma@gmail.com of SMS Vra vir Irma gevolg deur jou vraag na 36489. MOEG, MOEG, MOEG VIR MA SE MISHANDELING V Ek het in ’n gewelddadige huis grootgeword waar my stiefpa my ma gereeld aangerand het. Ná skool het ek myself bekwaam tot so hoog ek kon, en vandag is ek baie suksesvol in my beroep. Ek het myself voorgeneem om nooit, ooit soos my stiefpa uit te draai nie, maar om vroue sag en ordentlik…

◼ VERMY DIE INTERNET Vervang so ver jy kan die tyd wat jy op apps deurbring met tyd in die regte wêreld. Gaan buitentoe en geniet die natuur, idees, kuns, sosiale en politieke sake. Vergaap jou aan die wonders van die lewe. Tyd wat jy in die regte wêreld deurbring, waar jy dinge inasem, hoor, daaruit leer en omgee, is veel meer vreugdevol as enigiets wat kunsmatig aanlyn geskep is. Dit laat ons dadelik een voel met ons menslikheid. Dit bring ons nader aan onsself en ons omgewing. Dit keer dat ons na alles rondom ons deur die lens van ’n kamera te kyk. Die belangrikste: Tyd weg van die internet is noodsaaklik as ons van perfeksionisme wil loskom. Want in die regte wêreld, met regte mense en sensasies, weg…

NEGE ALBUMS LATER Gee hom ’n kitaar om te tokkel en ’n pen om te skryf – dan is Juan Boucher op sy gelukkigste. Dié sanger, bekend vir trefferliedjies soos “Whiskey en jy” en “Koue hande”, het pas sy negende album die lig laat sien. Die rower bevat agt snitte met ’n verskeidenheid klanke wat deur rock-en countrymusiek beïnvloed is – en al die liedjies is uit Juan se eie pen. “Dis moeilik om my passie te verduidelik om musiek te skryf en te skep,” vertel hy. “Ek voel met tye ’n soort dringendheid om te skryf… dan kan ek ure lank in my skryfkamer hier in my huis verlore raak.” Een van die nuwe snitte waarop Juan baie trots is, is sy duet saam met die sangeres Tasché Burger.…

SPIKKELSTERRE OP MTWANA Deur CHRISTIEN NESER Tafelberg, R165* Die lewe op Mtwana – waar van dagoud bobbejaantjies tot kaalbas aasvoëlkuikens gevoer word – is deesdae in die kollig met webkameras wat oral hang en Nederlandse studente wat wildervaring kom opdoen. Mieke wil die graagste van alles by die drie nuwe spikkelkatjies – jagluiperdbabas – wees, maar dan word haar sake deurmekaargekrap deur Sasha Dyssel, Miss Eco Warrior Watsenaam, wat vir die kinders kom “preek” oor die omgewing. “Jy moenie te gou bly raak nie, Mieke. Katte gaan maklik dood van skok.” En net daar bars Fenyan Sebueng haar pienk ballonne van hoop met ’n beterweterige preek. “Jou pa het die wyfie verdoof en op ’n drip gesit net daar in die veld. Hy het die eerste operasie in die heli…

AFSPRAAKAAND Ek en my man het die oplossing gevind vir ’n gelukkige huwelik: Twee keer per week gaan ons na ’n oulike restaurant toe en geniet ’n lekker wyntjie en goeie kos. Hy gaan Woensdae, en ek gaan Vrydae. SAN MARCHAND PADWOEDE Dit gaan rof in die beurtkragverkeer en die meisie skreeu woedend deur haar venster op die man in die motor langs haar: “Ek sal jou lewe hel maak!” Hy antwoord doodbedaard: “Dankie, maar ek soek nie nou ’n verhouding nie.” DENISE, PRETORIA DOODSBERIG Piet verruil die tydelike vir die ewige, en sy weduwee gaan na die koerant om ’n doodsberig te plaas. Daar word sy vertel dit kos R10 per woord, maar sy het net R30 en skryf toe: “Piet is oorlede.” Die koerantpersoneel voel toe dit sal…

AS DAAR nog enige twyfel was dat ’n nuwe manier van leef op ons planeet nodig is, dan is dit nou tyd om die waarheid in die oë te kyk. ’n Nuwe studie sê dat menslike aktiwiteit sekere dinge op aarde so erg beskadig dat die planeet sukkel om die mensdom te onderhou. Volgens die studie is daar sekere prosesse op aarde wat die gesondheid van die planeet beïnvloed. Dit is die klimaatskrisis, die verlies aan biodiversiteit, vars water en die osoon, lugbesoedeling, asook hoe die grondstelsels op aarde verander. Van hierdie prosesse is reeds in ’n kritieke toestand, soos die klimaatskrisis en die verlies aan biodiversiteit. Wetenskaplikes sê dat lugbesoedeling ook binnekort kritieke vlakke gaan bereik. ’n Enkele ligpunt uit die nuwe studie is die bewys dat pogings destyds…

1 Wat word die gekleurde deel van die oog genoem? 2 Waar is die droogste plek op aarde? 3 Wat is die eerste letter van die Griekse alfabet? 4 Van watter land was die kunstenaar Pablo Picasso? 5 Wat is die hoofstad van Libië? ANTWOORDE 1 Iris 2 Die “Droë Valleie van McMurdo” in Antarktika, wat 4 miljoen jaar laas enige reënval beleef het. Die Atacama in Chile het darem 400 jaar gelede ’n paar druppels gehad. 3 Alfa 4 Spanje 5 Tripoli BRONNE THE GUARDIAN, CNN, BBC, SMITH-SONIAN MAGAZINE, INDEPENDENT, AP, AL JAZEERA, NHS.UK, ESA.INT…

SPANNING ’n Bietjie spanning voor ’n mondeling is nie noodwendig sleg nie, want dit kan help dat jy jou beste wil gee. Dis normaal. ’n Oormatige gevoel van spanning en angs is egter nie lekker nie en kan veroorsaak dat jy hakkel, oor jou woorde struikel en soms selfs nie eens ’n woord kan uitkry nie. HANTERING VAN STRES Die beste manier om ’n vrees of angs te oorkom, is dikwels om stelselmatig daaraan blootgestel te word. Dit word sistematiese desensitisering genoem. As jy bang is vir iets, byvoorbeeld ’n slang, moet jy stelselmatig daaraan gewoond raak. Hoe doen ’n mens dit? Begin eers net om aan slange te dink. Daarna kyk jy na prente van slange. Later kan jy selfs ’n slang vashou wat in ’n houer is. Jy…

Nóg ’n prettige seisoen van Die Babbelbende lê nou voor! Kom kyk saam na seisoen 2 op huisgenoot.com. In dié aanlyn Afrikaanse kinderreeks ondersoek die vriende Bibi, Ben, Paloeka die leeu en Palawa die kameelperd saam interessante dinge terwyl hullespeel-speel meer oor ons wonderlike wêreld leer. Besoek huisgenoot.com, kliek op “HG Junior” heel bo en daarna “Die Babbelbende” om al die episodes te kry. Of kyk elke dag aanlyn op jou selfoon, rekenaar of tablet ’n nuwe episode op ons tuisblad. Elke episode is 12 minute lank. Op naweke deel ons ’n omnibus van vyf episodes. Dis nie nodig om ingeteken te wees op Netwerk24 om Die Babbelbende te kyk nie. Besoek ook media24shop.com om jou eie Paloeka-of Palawapop of Die Babbelbende se groot storieboek te bestel. Kom leer ken…

LANA DEL REY Die sangeres LANA DEL REY (38) het haar aanhangers twee keer laat kyk toe sy ’n Waffle House in Alabama besoek het. Sy eet gereeld by dié onopgesmukte restaurant-franchise, en op een van haar besoeke het die kelners vir haar een van hul uniforms gegee en sy het daarin vir die ander wafel-eters poseer. EVE Die rapper EVE (44) het op ’n onlangse uitstappie in New York se Tribeca-buurt haar hande vol gehad met haar seun, WOLF (19 maande). JENNIFER GARNER Sy is een van die groothartigste Hollywoodstere en onlangs het JENNIFER GARNER (51) weer gewys hoekom. Sy het ’n sak met noodsaaklikhede aan ’n hawelose man in Santa Monica geskenk. En toe Jennifer besef hy is kaalvoet, het sy boonop haar eie skoene op die plek…

DIT was liefde met die eerste oogopslag. Toe Bennie en Mila Fourie die eerste keer hier instap, was dit soos om af te kom op ’n oase. En toe hulle ’n uur of wat later weer by die huis met sy “Te koop”-bordjie uitstap, het hulle geweet: Dís die een. “Ja, maar hulle was ook slim,” sê Bennie oor die verkopers. “Hulle het die regte musiek gespeel, die kaggeltjie was aan. Ons het so lank hier rondgehang, ons het later besef ons moet seker gaan. Ons het hier uitgestap en niks gesê nie.” “Toe ons in die kar klim, was dit net stilte,” las Mila by. Dít, het hulle sommer weer besef, is hoe dit voel as jy die regte een vind. Jy wéét net. Dit was Maart toe hulle…

EN van die somer se lekkerste dinge is om ons klerekas en skoonheidsroetine aan te pas vir die warm dae wat in soel aande oorgaan – en dit sluit jou parfuum in. Anders as die swaar en speseryagtige parfuums waartoe ons in die kouer maande neig, verwag ons van ons somerparfuum om vars, lig en aanloklik te wees. Dit kan beteken jy kies een van die gewilde geure van die seisoen, soos lemoenbloeisel, of jy kan ’n eksotiese Oosterse mengsel verruil vir ’n verfrissende pikante geur. Daar is heelwat nuwe parfuums op die mark wat soos sonskyn in ’n bottel ruik. Om jou te help kies tussen al die varser, vroliker en verfrissender geuroomblikke daar buite, het ons van ons gunstelingsomerparfuums in hul verskeie geurfamilies saamgegroepeer. Hier sal jy beslis…

BAIE mense dink dis edel om volmaak te probeer wees. Hulle glo dis al manier hoe jy suksesvol kan wees. Tom Curran, ’n professor in sielkunde, het ook eens op ’n tyd so gedink. Tot hy besef het sy perfeksionisme is die rede vir sy angstigheid, gereelde paniekaanvalle en moegheid. Hy het besluit om minder mededingend te wees, “om nie meer ander mense tevrede te probeer stel nie”, en het navorsing begin doen oor waarom perfeksionisme so ’n groot deel van ons kultuur vorm. Pleks van ons meer suksesvol maak, is perfeksionisme teenproduktief en vererger ons stres, sê hy. In sy nuwe boek, The Perfection Trap: Embracing the Power of Good Enough, kyk hy hoe die strewe na volmaaktheid ons siek, angstig én depressief maak. Dié uittreksel verduidelik die soorte…

DIE vraag na winkelkredietrekeninge word ál groter, want dis dikwels maklik om ’n winkelkaart te kry. Maar onthou: Jy kan sommer gou diep in die skuld beland as jy dit kwistig gebruik en dinge waarvoor jy nie eintlik geld het nie op skuld koop. Hier is 10 dinge wat jy moet weet. 1 HOE WERK DIT? Baie dieselfde as jou bankkredietkaart. Jy kry ’n kredietrekening by die winkel wat jy kan gebruik om items van daardie kleinhandelaar of groep te koop. Jy het ook ’n kredietlimiet wat aankope tot ’n sekere bedrag beperk. Die kredietlimiet behoort laer te wees as op ’n bankkredietkaart en daarom is die kredietkontrole ook sagter. Die aankope moet maandeliks, of ingevolge jou kontrakooreenkoms, terugbetaal word. Onthou: Jy kan nie geld teen hierdie rekening onttrek nie. 2 SORG…

GOOSE Bennie Fourie is as Goose te sien. Sy familie het na Nieu-Seeland geëmigreer, maar hy het gebly om die land veiliger te maak sodat hulle kan terugkom. Hy is bang vir niks behalwe emosie nie. “Goose glo werklik dat hy die land gaan red. Hy het groot drome, maar is op ’n klein dorpie vasgevang – ’n geval van in die land van die blindes is eenoog koning,” sê Bennie. ATTIE Schalk Bezuidenhout speel Attie. Hy doen IT by Taktiek, maar het drome om ’n sekuriteitswag te word. “Ek was vyf seisoene lank Danny in Hotel en Attie en Danny kan nie méér verskil nie,” sê Schalk. Mignon is sy tweelingsuster. “Ek is ’n enigste kind en het gedink dit sou lekker wees om nie net ’n boetie of…

Sy derde en jongste snit het ’n nostalgiese element wat jy dalk nog nie voorheen in sy werk gehoor het nie – en aanhangers is gek daaroor. Die sanger Logan Pietersen, bekend om sy deelname aan The Voice en Maak my famous, sê die liedjie “Bring my terug (H2-A)” het ’n spesiale boodskap wat gemik is op Suid-Afrikaners wat in die buiteland – veral in Amerika – gaan werk. “H2-A verwys na die tydelike visum wat Suid-Afrikaners moet kry om in Amerika te gaan boer,” vertel die 31-jarige sanger en liedjieskrywer. “Baie van hulle is vir ’n jaar of meer weg van hul gesinne en geliefdes en doen harde, fisieke werk in ’n vreemde land met ’n ander taal, kultuur en tradisies.” Die country-popsnit is diep en betekenisvol, maar het…

GROOT BLOKRAAI WEN ’N BOEK VAN HUMAN & ROUSSEAU PLUS KOM IN AANMERKING VIR DIE MAANDELIKSE TREKKING VAN R1 000. N O 2 512 KOMPETISIEVRAAG Watter viering is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. Dié week wen een leser Anderman se vrou deur Chris Karsten (H&R, R345). Twee jaar ná die dood van die reeksmoordenaar Jack Niemand is daar steeds raaisels wat by Wim Kellerman spook. Wim en Portis praat min daaroor by hul skoenlapperboerdery in Wildernis. Maar albei wonder steeds wat van Portis se vyf vermiste jeugvriende geword het. En wat van Simon Pope en sy vrou se oorskot? Wim wéét sy ou aartsvyand Simon Pope lewe beslis nog. Hy vlieg Kanada toe, agter “skoenlappers” aan. Maar…

DIE LEWE OM JOU Het jy dalk ook ’n pel wat net nooit die skimp vang dat hy moet huis toe gaan wanneer jou ma die kos begin opskep nie? En is jy ook soms te skaam om jou vriend te vra wat die wagwoord vir die Wi-Fi in sy ouerhuis is? Die antwoord hierop is duidelik 3 miljoen keer “ja”, want dis hoeveel likes Keano (21), wat video’s oor sulke dinge maak, al op ’n video gekry het. Hierdie plaaslike beïnvloeder laat ons gereeld skaterlag met sy snaakse video’s oor alledaagse dinge. Hy spog met 250 000 volgelinge op TikTok, 22 000 op Instagram en 35 000 op Facebook. VAN DIE WESKUS TOT WIE WEET WAAR Keano woon op St. Helenabaai en het in 2019 ’n TikTokker geword. “Ek…

DIE klein woelwater storm dadelik hek toe om ons by haar huis te verwelkom. Was dit nie vir die rooi letsels wat oor haar voorkop kronkel en haar een oog wat effens toegeswel is nie, sou ’n mens nooit geweet het Arrianna Botha het ’n traumatiese jaar agter die rug nie. Die agtjarige en haar gesin het pas weer by hul huis in Sasolburg in die Vrystaat aangekom nadat hulle ’n week in Bloemfontein was. Daar het sy die eerste stap geneem in ’n lang proses om die skade aan haar gesig te herstel. Van die patio af hou haar ouers, Aileen en Anton, haar onrustig dop. Ná alles wat gebeur het, wens hulle sy wil dinge rustiger vat. Maar hulle sal nooit weer kla oor haar eindelose energie nie.…

1 Bou positiewe verhoudings met ander mense. As ons ander se blydskap eerste plaas, maak dit onsself gelukkiger. 2 Ontwikkel ’n positiewe binnewêreld. “Raak ontslae van vyandigheid, gierigheid, drange – dis alles gif wat jou eie blydskap en ander s’n bederf.” 3 Fokus op die vreugde van gewone dinge. “Geniet ’n oomblik tuis waar jy net stil kan rondsit, of kyk na die ligte van ’n groot stad of die blou van die hemel.” 4 Bring tyd in die natuur deur – dis nie goed vir jou gees om te lank weg van die natuurlike wêreld te wees nie. 5 Leer mediteer. Om net agt weke lank elke dag 20 tot 25 minute te mediteer vermeerder ’n mens se empatie en verminder jou stres, sê Matthieu.…

DIT was in Augustus wat BRYONI GOVENDER as die tweede mooiste vrou in ons land gekroon is – en nou gaan sy Suid-Afrika by die 72ste Mej. Heelal-kompetisie in El Salvador verteenwoordig. “Ek het nog altyd geglo om anders te wees is ’n superkrag. Om die tweede Suid-Afrikaner van Indiese herkoms te wees wat ons pragtige land op die internasionale verhoog verteenwoordig, is die bewys daarvan,” sê sy. Dié skoonheid is ook ’n slimkop. Sy’t haar graad in regte aan die Universiteit van Johannesburg verwerf en is in Julie vanjaar as ’n prokureur toegelaat, maar eers gaan sy voluit om as die heelal se blinkste ster gekroon te word. Sy gaan die kompetisie haar beste gee en het reeds met voorbereidings begin. “Tans oefen ek streng en gereeld saam met…

‘Dit het Sophie opgebeur om tyd saam met haar deur te bring’– ’N BRON OOR HUL VRIENDSKAP MILJOENE mense met gebroke hartesoek gereeld troos in TAYLOR SWIFT (33) se musiek. En natuurlik kan ’n paar bevoorregte besties haar sommer net bel wanneer dit sleg gaan – soos die aktrise SOPHIE TURNER (27), wat besig is om van die sanger JOE JONAS (34) te skei. Die sangeres het die aktrise, wat in Game of Thrones gespeel het, onlangs na die gewilde restaurant Via Carota in New York geneem. Die feit dat Taylor en Joe ook ekse is, het nie gekeer dat die twee vriendinne met ingehaakte arms by die deur instap nie. “Taylor is ’n goeie vriendin, en Sophie kan oor enigiets met haar praat. Die saamkuier het haar opgebeur,” het…