1 A aparición de Internet, a Rede de Redes (WWW), na segunda metade do pasado século, sobre todo a partir de finais da década dos anos 90, inaugura un novo tempo na economía, na produción cultural, nos fluxos de comunicación, nas relacións entre os pobos e entre as persoas, no ámbito particular (privado) e no ámbito político, no ámbito científico e na creación artística, no pensamento, no lecer, nas relacións comerciais, na educación, nos servizos, na información…, caracterizado todo pola aceleración, o intercambio permanente de ideas e produtos e pola supresión de fronteiras (polo menos de fronteiras físicas).
Non parece este o lugar para lembrar a definición ou significado de conceptos que de seguro todos os presentes coñecen. Nalgúns casos son case que lugares comúns, referencias obrigadas para definir o…
