Innholdsfortegnelse for 12 September 2019 i Finweek - Afrikaans

op ’n normale nuusdag sou Statistiek SA se data oor die herstel van 3,1% in die BBP in die tweede kwartaal die hoofopskrifte gehaal het. Maar op die oomblik voel niks normaal nie. Hier in Johannesburg het die lente se koms anders as in ander jare gelyk en geruik toe gewelddadige en dodelike opstande rook uit geboue in die middestad laat borrel het. Geweld en wetteloosheid, en durf ons sê haat, het hoogty gevier in die strate en op die voorblaaie van koerante. Dit voel tans heeltemal verkeerd om enige iets te wil vier, allermins ’n syfer waarby min mense in die land waarskynlik aansluiting kan vind. Al was die herstel heelwat beter as die ruweg 2,5% wat talle peilings voorspel het, wys verskeie waarnemers per slot van rekening daarop…

die verbetering in die randwaarde van goud, het alle Suid-Afrikaanse goudaandele vleuels gegee, insluitend Sibanye-Stillwater. Die maatskappy se aandeelprys het op ’n 12-maande-grondslag met 132% gestyg. Dit is ondanks die feit dat hy ook platinumgroepmetale (PGM’s) produseer, wat meer te doen het met nywerheidsvraag as die kwessies wat goud dryf – soos spanning in wêreldhandel en beleggings in ’n veilige hawe. Neem DRDGold as voorbeeld, wat Sibanye-Stillwater se aandeelprysstyging presies geëwenaar het; dit was 132% hoër met die skryf hiervan. DRDGold het Sibanye-Stillwater se aandeelprys presies geëwenaar; dit was 132% hoër met die skryf hiervan. Dus, toe die maatskappy se finansiële hoof, Riaan Davel, tydens DRDGold se aanbieding van sy jaarresultate aan die begin van September (vir die jaar geëindig 30 Junie) gepraat het van ’n platform vir ’n nuwe…

imperial, wat onder die wêreld se 30 grootste logistiekverskaffers tel, voer ook voertuie in. Gevolglik raak randwisselvalligheid teenoorgroot geldeenhede hom met die prys van nuwe voertuie en daarom mededingendheid, en sy voertuiginvoeronderneming se winsgewendheid. Vooruitsigte: Die groep het einde Augustus ’n inkomstestyging van 6% tot R49,7 miljard vir die jaartot 30 Junie verklaar – wat teruggehou is deureenmalige verhandelingskoste en uitgawes ten opsigte van plaaslike en buitelandse sakerasionalisering en-beperkings. Die bedryfswins uit voortgesette bedrywighede was 9% laerop R5,2 miljard. Op die grafiek: Imperial verhandel in sy primêre stygtendens; daarom is die huidige daling dalk bloot ’n regstelling. Nadat hy weer van sy belangrike steuntendenslyn (vet, swart tendenslyn wat van 2009 dateer) teruggespring het, het Imperial deurdie weerstandstendenslyn (blou stippeltendenslyn) van sy skerperdaaltendens binne die regstelling herstel. Lang posisie: ’n Positiewe…

’n Opmerking wat ek dikwels gemaak het in die artikels wat ek oor die jare geskryf het, is dat kontant koning is. En dit is regtig die geval as ons na die verband tussen kontant en ander bates kyk. Ek volg verskeie plaaslike en buiteland se indekse en geldeenhede. En een van die dinge wat ek volg, is die kontantkoers. Kontant se beweging is elke dag konstant hoër, terwyl al die ander soos ’n wipplank op en af spring. Korrelasie is ’n belangrike begrip in belegging. Dis nie dat ons gekorreleerde bates wil hê nie. Wat ons eintlik wil hê, is juis grootliks ongekorreleerde bates. Korrelasie is ’n verhouding tussen twee verskillende dinge. Kom ons kyk byvoorbeeld na die verband tussen die prysbeweging van verskillende bates of aandele. Die formule…

dit sal naïef wees om te glo dat dit waaraan beleggers wêreldwyd die afgelope dekade gewoond geraak het, onbepaald sal voortduur. Maar soos Stephen Dover, aandelehoof van FranklinTempleton, sê, begin geleenthede ook in baie ongewilde dele van die wêreld se aandelemarkte ontstaan. Sommige lande of bateklasse wat vroeër geïgnoreer is, sal dalktot ’n Aspoestertjie-verhaal lei. Ons praat met Humaira Survé, beleggingsontleder by Coronation, oor haar beleggingsgroep se internasionale posisionering en buitelandse fondsaanbiedings. Beskou jy internasionale aandele tans as te duur? Nee, nie noodwendig nie. Die S&P 500 se huidige verwagte prys-verdienste-verhouding (p/v) is ’n bietjie meeras 17 en effens minderas die 18 van verlede jaar se eerste kwartaal. Die wêreldindeks vir alle lande is veel laer op 15, die eurogebied op 13, Japan op 12 en ontluikende markte op 11.…

die sombere waarheid in Suid-Afrika is dat talle mense die hoë risiko in die gesig staardat hulle hul spaargeld in hul aftrede gaan oorleef. Wat min mense egter besef, is dat dit ironies juis die vrees is dat hulle hul geld gaan verloor wat hulle dan noop om konserwatiewerte belê wanneer hulle aftreeouderdom bereik. Ekwil illustreerwat die ware koste daarvan is om ná aftrede konserwatief te belê. Die uitgangspunt van hierdie strategie is om jou portefeulje met aftrede (of selfs vooraftrede) aan minder risiko bloot te stel om enige swaar verliese te voorkom. Beleggers kies dan minderwisselvallige vasteinkomstebates (soos kontant of effekte) wanneer hulle aftree om die onbestendigheid of hul risiko van kapitaalverlies op kort termyn te beperk. Een van die grootste nadele van hierdie benadering is dat dit die…

verskeie mense het onlangs opgemerk dat die markte vir verhandelaars in afgeleide instrumente onmoontlik geword het – veral vir handelaars in verskilkontrakte (CFDs). Eienaardig genoeg is daar twee verskillende en teenstrydige sienings. Die eerste groep is bekommerd en vra: “Met die mark wat nêrens heen gaan nie, hoe maak mens geld?” Die tweede groep is bekommerd dat groterwisselvalligheid en slegte maatskappynuus dinge heeltemal te riskant maak. Die argument dat die mark“nêrens heen gaan nie”, is onvanpas. DieTop40 is op vlakke wat ons laas in 2015 gesien het, en tot dusver vanjaar is die indeks slegs 3,4% hoër (dividende uitgesluit). Maar dit mis die punt. In een stadium vanjaarwas dieTop4011% hoërvirdie jaar, en dit is tans ongeveer 3% laer teenoor 12 maande gelede. Ons sien dus baie beweging, wat vir handelaars…

Nomfundo Tshazibana het grootgeword in Wattville en Daveyton naby Benoni, Gauteng. Ná skool is sy na die Universiteit van Kwa-Zulu-Natal (UKZN). Sy het aanvanklik vir BProc ingeskryf, maar die regte het later vir haar minder bekoring begin inhou. ’n Jaar later het sy na BComm met bemarking en ekonomie as hoofvakke oorgeskakel. “Die heel eerste werksaanbod wat ek gekry het, was by ’n reklameagentskap,” sê Tshazibana. Die agentskap wou haar by die AAA School of Advertising in Johannesburg inskryf. Sy het die aanbod egter van die hand gewys en ’n honneursgraad in ekonomie aan UKZN voltooi, gevolg deur ’n meestersgraad in ekonomie aan dieselfde universiteit. Tshazibana se loopbaan het in die middel van 1997 by TNS Global begin, waar sy as marknavorser opgelei is. Sy is in 2000 daar weg.…

Enjin: 2-liter-viersilinder-aangejaagde en turboaangejaagde petrol-enjin en elektriese motor Krag: 300kW (235kW + 65kW) Wringkrag: 640Nm (400Nm + 240Nm) Transmissie: 8-spoed-outomatiese VWA + ERAD (elektries aangedrewe op agteras) 0-100km/h: 5,6 sekondes Topspoed: 230km/h Brandstof (na bewering gekombineerd): 2,1 liter/100km CO2 -emissie: 49g/km Brandstoftenk: 70 liter Grondvryhoogte: 238mm Kattebakkapasiteit: 314 liter kan vergroot tot 1856 Veiligheid: 6 lugsakke Waarborg/instandhoudingsplan: 5jr./100 000km Prys: R1 291 200; BTW ingesluit…

Wanneer ’n lopende saak oorgeneem word, tree artikel 197 van die Wet op Arbeidsverhoudinge in werking. Volgens die regsfirma Bowmans neem die koper ook die werknemers oor en gaan hul indiensnemingskontrakte onder die nuwe werkgewer op dieselfde wyse voort as onder die vorige werkgewer. Die nuwe werkgewer sal egter toegelaat word om die getal personeellede deur afleggings te verminder, mits grondige bedryfsredes die afleggings noodsaaklik maak en ook eers nadat ’n billike afleggingsproses deurloop is. Volgens Cliffe Dekker Hofmeyr is die partye vry om ooreen te kom om uit die werknemersbeskerming te kontrakteer. Sodanige ooreenkoms moet op skrif gestel word en minstens tussen die vorige of nuwe werkgewer (of albei) en die werknemers aangegaan word. Enige poging om vorige diensjare te verontagsaam, sal egter onafdwingbaar wees.…

Matho Dladla @DladlaMatho Stel jou voor jy leef in ’n land waar dit makliker is om verkrag te word as om werk te kry. THE-WIZRD @doubletexts Tydens my onderhoud vandag het ek’n bietjie water in ’n koppie geskinken dit effens laat oorloop. “Senuweeagtig?” het die onderhoudvoerder gevra. “Nee,” sê ek, “ek gee altyd 110%.” Birthday Andy @ItsAndyRyan Ek was in die park toe ’n vrou hard uitroep: “Almal wat roomys wil hê, kom hier.” Ek het saam met ’n klomp ander na haar gegaan. Nadat sy roomys aan almal gegee het, sê sy: “En wie is jy?” Toe besef ek eers die res is almal familie van haar. 30 jaar later en ek bloos steeds. Jonn Elledge @JonnElledge Watter sirkel van die hel het Dante gehou vir mense wat e-pos…

die fokus op die verligting van armoede in Suid-Afrika is op die post-apartheidsera. Dis te verstane. Maar soms is ’n langtermynsiening beter. Die belangrikste bydrae tot die literatuur oor ekonomiese groei in die afgelope twee dekades is dat instellings saak maak. Sosiaal-wetenskaplikes beweer natuurlikal lankdat die vryheid wat met demokrasie, eiendomsreg, die oppergesag van die reg en ’n vrye pers gepaard gaan van kritieke belang is virdie sukses van ’n markgemeenskap. Maar hierdie idees kon eers betreklik onlangs met die ontdekking van nuwe databronne en die ontwikkeling van nuwe metodes empiries getoets word. Daron Acemoglu, Simon Johnson en James Robinson sê in Reversal of Fortune: Geography and Institutions in the making of the Modern World Income Distribution dat die soort instellings wat deurdie Europeërs gestig is toe hulle groot dele…

abe Cambridge het in 2014, nadat hy besef het hoe nutteloos sonkraginvestering is in ’n land waar die son selde skyn, sy tuisland, Engeland, verlaat om as ’n finansiële sonkragadviseur in Kaapstad te werk. Die gebrek aan sonkragpanele in die stad het hom opgeval. “Ek kon nie verstaan hoekom sonkragtegnologie so sleg aanvaarword in ’n land waar jy die meeste van die tyd ’n sonbril moet dra, elektrisiteitspryse met 10% tot 14% per jaar styg, en sonenergie tot vier keer minder koolstofemissies as steenkool produseer nie,” sê hy. Die redes het duidelikgeword toe hySuid-Afrika se energieomgewing leer ken het: “In die afwesigheid van subsidies, regeringsaansporings en finansieringsoplossings is daar min motivering vir mense om dié kapitaalintensiewe tegnologie te aanvaar. Daarby word elektrisiteit tradisioneel as ’n bedryfskoste beskou, nie as ’n…

Exxaro Resources se resultate virdie ses maande tot 30 Junie het ’n inkomstedaling van 2% getoon, terwyl wesensverdienste per aandeel (WVPA) met 42% gestyg het. Die dividend van 864 sent was ’n styging van 334 sent – om nie eens van die spesiale dividend te praat nie. Maar regtig opvallend van hierdie aandeel is ’n historiese prys-totverdienste-verhouding van ongeveer vier maal. Met ander woorde, die mark sê hy verwag die onderneming sal net vier jaar lank bestaan, wat nie eers naastenby reg is nie. Exxaro Resources se resultate vir die ses maande tot 30 Junie het ’n inkomstedaling van 2% getoon, terwyl wesensverdienste per aandeel met 42% gestyg het. Natuurlik sukkel steenkool as ’n energiebron, en die slegte nuus van Eskom hou net nie op nie. Maar steenkool sal nie…

goudaandele is weer mode op die JSE met Harmony, wie se riskante marginale myne so gevoelig is virveranderinge in die goudprys, kop en skouers bo die res van die markop die lys van sterkste aandele. Dit is dan ook begryplik dat, soos gewoonlikwanneergoud loop, ontleders kom met positiewe voorspellings oor waarheen die geel metaal op pad is. Behalwedat onsekerheid sygewone groot rol vervul deurdat goud, soos eeue al die geval is, as ’n veilige hawe beskou word, is daar ook tans ’n gesonde fundamentele vraag na die geel metal. Metals Focus van Londen voorspel byvoorbeeld dat die vraag in Indië vanjaar 7% hoër gaan wees, terwyl dit in China met sowat 3% sal styg. Dié twee lande verteenwoordig die grootste markvir goudjuweliersware. Daar is ook aanduidings dat onder meer die…

my doel met dié artikel is om aan langtermynbeleggers wat oordiskresionêre spaargeld beskik (geld wat nie in ’n aftreefonds belê is nie) en die buitelandse toedeling in hul algehele portefeulje wil vergroot, leiding te gee om die mees gepaste oorsese beleggingsvoertuig te kies. Buitelandse belegging gaan nie oortydsberekening nie. Beleggers kan maklik in die versoeking kom om weens tydelike redes, soos huidige sentiment en veral wisselkoersverwagtinge of onlangse opbrengste, hul internasionale bates aan te vul of af te skaal. Om oorsee te belê, is egter ’n langtermyn-strategiese besluit wat terwille van diversifisering en optimalisering geneem moet word. Dit gaan oor waar jy beplan om eendag jou spaargeld te bestee As jy weet wáár jy beplan om jou spaargeld te bestee, is jy reeds op koers om die regte besluite te…

die Internasionale Monetêre Fonds (IMF) het onlangs gewaarsku dat die belangrikste risikofaktore virdie wêreldekonomie tans is dat verdere tariewe tussen Amerika en China, Amerikaanse motortariewe of ’n Brexit sonderooreenkoms vertroue, belegging en wêreldgroei sal knou. Die IMF waarsku dat die handelsoorloë dringend tot ’n einde moet kom om vertroue, belegging en groei aan te spoor. Dit beteken dus dat jou finansiële lot in die volgende paar jaar grootliks in twee mense se hande is: Boris Johnson, eerste minister van Brittanje, en president Donald Trump van Amerika. ’n Brexit sonder ooreenkoms sal ’n gebeurtenis op internasionale finansiële markte wees wat buitelandse beleggers kan afskrik en veroorsaak dat ontluikende markte, waaronder Suid-Afrika, gestraf word. Brittanje en Europa is van ons grootste handelsvennote en Brittanje is viromtrent ’n derde van ons regstreekse buitelandse…

’n Mens kan so maklik vaskyk teen swak plaaslike beleggingsvooruitsigte dat jy goeie beleggingsgeleenthede elders in die wêreld oor die hoof sien. Ek persoonlik is ook skuldig hieraan. ’n Jaar gelede het ek verskeie lande in Suidoos-Asië besoek en was verbaas deur die ontwikkelings daar, en ongelukkig het ek my rug op hulle gekeer toe ek weer tuis was. Dit was een van verskeie besoeke in onlangse dekades aan dié deel van die wêreld. Dit het my egter nie verbaas dat Suidoos-Asië op die oomblik as een van die wêreld se beste beleggingbestemmings beskou word nie. In ’n onlangse opname deur die Asian Financial Forum, het dit byvoorbeeld China verbygesteekas die streekwat heel waarskynlikdie beste beleggingsopbrengste sal lewer, terwyl voortgaande spanning tussenWashington en Beijing ’n demperop die wêreld se tweede…

SHOPRITE Nie wonderlike jaar nie Shoprite* se resultate virdie jaargeëindig 30 Junie is ’n storie met baie hoofstukke, sommiges somber. Plaaslik was die tweede helfte goed, met groei van 9,4% (4,9% vir die volle jaar wys hoe moeilik die eerste helfte was); die handelsmarge was 5,5% hoër, selfs met net onder 10 000 produkte se pryse wat die afgelope jaar nog in deflasie was. Maar die res van Afrika het R265 miljoen verloor ná, byvoorbeeld, ’n wins van R1,6 miljard in 2016. Dis weens hiperinflasie in Angola en swak geldeenhede in hul ander markte. Skuld het ook die hoogte ingeskiet, terwyl hulle skuld wat met die Amerikaanse dollar gekoppel is, probeer oplos. Dus, afgesien van een ligpunt (plaaslike supermarkte in die tweede helfte), was dit ’n aaklige jaar. Ek hou…

heelparty lesers het my gevra oordie verskillende maniere waarop ’n mens in buitelandse aandele kan belê. Sê maar jy wil ’n paarTwitter-aandele koop. Twitter is op die NewYorkse aandelebeurs (NYSE) genoteer. Een van die eerste opsies is om jou geld oorsee te stuur en dit in buitelandse geldeenhede om te skakel. As jy Twitter-aandele op die NYSE wil koop, sal jy daarom jou Suid-Afrikaanse rande in Amerikaanse dollars moet omskakel. Jy kan een van die volgende opsies kies om jou rande in dollars om te skakel en dit dan oorsee te stuur om Twitter-aandele te koop: Opsie 1: Jy wil tot R1 miljoen in buitelandse aandele belê en wil nie jou geld na Suid-Afrika terugbring nie. Jy kan jou enkele diskresionêre toegelate buitelandse belegging van R1 miljoen gebruik waarop die…

 die boetiekjenewerbedryf in Suid-Afrika en wêreldwyd het oor die afgelope paar jaar eksponensieel gegroei. Een trots Suid-Afrikaanse jenewer is Inverroche, wat van ryken aromatiese plante soos fynbos van die Kaapse blommestreek gemaak word. finweek het in 2014 oor Inverroche geskryf. Baie het intussen vir dié maatskappy verander. Inverroche se unieke, geurige smaak en toenemende aanhang wêreldwyd het uiteindelikdie aandag gelok van Pernod Ricard, een van die grootste produsente van gedistilleerde drank in die wêreld. Dink net aan Jameson Whiskey, Chivas Regal, Martell en G.H. Mumm-sjampanje. Pernod het ’n meerderheidsbelang in Inverroche verkry en het kragte saamgesnoer met Inverroche se stigter en uitvoerende hoof, Lorna Scott. Vóór Inverroche het Scott ’n uiteenlopende loopbaan gehad. Van ’n lugwaardin tot verkoops-en bemarkingsbestuurder by ’n voedseldienstemaatskappy (en later’n bedryfsdirekteur by dieselfde groep in Skotland).…

die mynboubeheermaatskappy Assore se aandeelprys het in 2014 ’n algehele hoogtepunt van 46 245 sent getoets, maar het teruggesak toe internasionale metaalpryse gedaal het. Assore het aantreklik begin lyk deur by vorige algehele laagtepunte te verhandel, en omdat die wêreld in 2016 8,6% minder mangaan as in 2015 geproduseer het, het die kommoditeit se prys tussen Julie en Desember 2016 skerp gestyg. Assore het danksy stewige resultate vir die jaar tot einde Junie 2018 voortgegaan om die meeste van sy verliese tot 43 000 sent verhaal. Vooruitsigte: Beter verhandeling en algemeen hoër pryse vir sy produk versterk steeds die maatskappy se wins, en hy sê in ’n handelsverklaring hyverwag dat die wesensverdienste vir die jaartot 30 Junie vanjaar met tussen 20% en 28% gestyg het. Die resultate sou op 5…

Aan die begin van September het Bidvest se aandeelprys met ’n gesonde 4% gestyg nadat hy ’n styging van 3,5% tot R6,7 miljard in handelswins vir die jaar tot einde Junie aangekondig het. Hy het gesê die toename in handelswins kan hoofsaaklik toegeskryf word aan hoër grootmaat-en vloeistofkommoditeitsvolumes deur Suid-Afrikaanse hawens. “Bidvest het ’n geloofwaardige resultaat gelewer in ’n mark wat gekenmerk word deur swak ekonomiese groei, sowel as beduidende sake-en fiskale onsekerheid en wisselvalligheid,” het die groep in sy resultate gesê. “Uitsonderlike koste-en kapitaaldissipline sowel as verbeterde marges was hoogtepunte teen die wisselvallige handelsagtergrond.” WVPA het met 9,8% gestyg. Bidvest het ook ’n finale bruto dividend van 318 sent per aandeel verklaar, wat die totale dividend vir die jaar tot 600 sent per aandeel gebring het (’n toename van…

’n Aangrypende hoofartikel in The Economist oor die huidige stand van internasionale markte het onlangs ’n magdom emosies, vooroordele en berekende sommemakery blootgelê. Die oorheersende luim, volgens dié artikel, is nie selfgenoegsaamheid nie, maar angstigheid – wat die grootste deel van die afgelope dekade reeds heers en daagliks vererger. Die dollar met sy status as veilige hawe wen veld teenoor talle ander geldeenhede; goud is op ’n sesjaarhoogtepunt; koper op die laagste vlak in drie jaar; in Switserland lewer selfs 50-jaar-effekte negatiewe opbrengste; en in Amerika het die opbrengskromme omgekeer. Baie hiervan dui oënskynlik op ’n wêreldwye resessie, sê die publikasie. Die angs loop oral hoog. En in Suid-Afrika sit ons met ons eie, selfopgelegde ekonomiese krisis. ’n Oortuigende saak kan egter uitgemaak word vir groter optimisme en ’n meer…

belastingvrye beleggings is in 2015 in Suid-Afrika begin as deel van ’n regeringsveldtog om die ontstellend lae besparingsvlakke in die land te verbeter. Dis vier jaar later, en ’n mens wondertot watter mate die belastingvryebeleggingsinisiatief sy doel bereik het. Belastingvrye beleggings in ’n neutedop Die belangrikste kenmerke: ■ Belastingvrye groei – jy betaal geen inkomste-, dividend-of kapitaalwinsbelasting op die opbrengs nie. (Maar daar kan belasting wees op buitelandse verdienstes buite die belastingvrye beleggingsrekening [TFIA].) ■ Elke individu kan tot R33 000 in totaal per belastingjaar bydra oor een of meer belastingvrye rekening(e). Oortreding van dié perk lei tot ’n belastingboete van 40% op die ekstra bedrag. ■ Belastingvrye beleggings kan oorgedra word sonder dat dit jou jaarlikse limiet raak. ■ Jy kan gedurende jou leeftyd ’n maksimum van R500 000…

baie navorsing toon dat beleggersoptrede die grootste vernietiger van beleggingswaarde is – nie markveranderinge nie. Tog bly beleggers geneig om vorige prestasie te oorweeg wanneer hulle fondsbestuurders kies – almal hou van ’n sterk prestasierekord. Net soos beleggers die jongste “toppresterende” bestuurders najaag, is hulle geneig om gou van bestuurders ontslae te raakwanneer hulle onderpresteer. PSG Wealth is ’n multibestuurderwat ’n sterken gedissiplineerde proses met bestuurderkeuse volg. Ons prestasierekord bewys dat ons vaardig is hiermee. Onderprestasie wat in afsondering beskou word, moet nooit die enigste grondslag wees vir ’n besluit om beleggings te onttrek nie. Soos markte, volg ’n bestuurder se prestasie rofweg siklusse. Ons ervaring wys dat vaardige bestuurders op die lang termyn resultate kan oplewer, maar dit gebeur nie sonder tye van onderprestasie op die kort termyn nie.…

0ns bevind ons in ’n mark wat die afgelope vyf jaar geen reële groei getoon het nie. Selfs die mees optimistiese beleggers begin paniekerig voel, veral dié wat reeds afgetree is. Die lewe raak elke dag duurder, wat maak dat talle pensioenarisse noodwendig hul onttrekkingskoers tot baie hoër as die aanbevole vlak moet opstoot – en dit in ’n omgewing wat die afgelope jare nie genoegsame groei gebied het om sulke hoë onttrekkingskoerse te ondersteun nie. Naas die kommentaar van afgetrede persone met wie ek daagliks te doen het, is daar oor die jare heen genoeg navorsing gedoen oor wat afgetredenes, volgens hulle, anders sou doen as hulle weer ’n kans kon kry. Dit is geen verrassing nie dat die meeste sê as hulle ’n tweede kans gegun was, sou…

benewens Brexit, handelsoorloë en onheilspellende omgekeerde opbrengskrommes vuur onsekerheid oor die rigting waarin die wêreld se gewildste tegnologieaandele beweeg die paranoia aan wat tans op wêreldmarkte heers – en onder Suid-Afrikaanse beleggers begin posvat. Tegnologieaandele, gelei deur die sogenaamde Faang-groep (Facebook, Amazon, Apple, Netflix en Alphabet, Google se moedermaatskappy), oorheers die beleggingsomgewing die laaste paar dekades en verteenwoordig byna 20% van die S&P 500 se waarde. Soos die geval met Naspers* op die JSE, bepaal die prysveranderinge van dié paar maatskappye in groot mate die indeks se stygings en dalings. Nasdaq.com wys daarop dat hul buitengewoon groot uitwerking die indeks die afgelope jaar geknou het, “met Facebook die enigste Faang-komponent wat die afgelope 52 weke gestyg het – met 3,3%”. Dit was in daardie stadium, maar die aandeelpryse het intussen…

“politiek bestaan nie in ons sentrale bank nie, want ons het verpligtinge,” sê Nomfundo Tshazibana, adjunkpresident van die Suid-Afrikaanse Reserwebank (SARB). Sy sit met finweek en gesels by die SARB se hoofkantoor in Pretoria. Tshazibana sê een van haar gunstelinge onder sentrale bankiers wêreldwyd is tans Jerome Powell, voorsitter van die Amerikaanse Federale Reserwe (Fed). Tshazibana bewonder Powell en MarkCarney van die Bank van Engeland vanweë hul vermoë om met beleggers en die publiek te kommunikeer. “[Powell] doen wonderlike werk om te sê waarmee die Fed besig is. . . ek geniet die manier waarop hy met Amerikaanse beleggers en die pers omgaan. Hy is vir ons almal ’n uitstekende voorbeeld van hoe ’n sentrale bank moet kommunikeer,” sê Tshazibana. Powell moes baie kritiek verduur van president DonaldTrump, veral oor…

 die swaard van afleggings, uitdiensstelling of herstrukturering – noem dit wat jy will – wat oor werkgewers en werknemers se koppe hang, kan ’n verlammende invloed hê. Maatskappye moet verseker dat dié traumatiese ervaring nie vererger word deur haakplekke, oponthoude, foute of komplikasies met die proses en die berekening van skeidingsvergoeding nie. ’n Mens se instink is dikwels om dié pynlike proses so gou moontlik agter die rug te kry, sê Arlene Leggat, president van dieSouth African Payroll Association (SAPA). DieWet op Arbeidsverhoudinge (LRA) sit die afleggingsprosedures uiteen, en dieWet op Basiese Diensvoorwaardes gee riglyne oorwat ingesluit moet word wanneer die skeidingspakket bereken word. ’n Maatskappy kan afleggings slegs oorweeg indien sy ekonomiese, tegnologiese, strukturele of soortgelyke vereistes die nodigheid van sodanige afleggings regverdig. Die proses Anastasia Vatalides, hoof van…