Innholdsfortegnelse for 2-Aug-18 i Finweek - Afrikaans

tydens die onlangse Allan Gray Beleggingberaad in Sandton het Kevin Lings, hoofekonoom by Stanlib, twee grondbeginsels vir gesonde belegging uitgelig. Die een is dat as jy op lang termyn belê, jy plekke moet vind met die potensiaal om hul produksievermoë uit te bou. Die ander belangrike beginsel is om die dinge wat rondom ons aan die verander is, dop te hou, want namate dinge verander sal dit ’n uitwerking hê op die wêreld waarin ons belê. ’n Groot verandering wat hy voorsien, is dat die soeke na opbrengs sal verdwyn en die soeke na groei sal opskiet. Ten einde “die volgende China” te vind, het Lings gekyk na watter persentasie van die wêreldbevolking in bepaalde geografiese streke woon, en wat dié streke tot die wêreldwye BBP bydra. Sowat 4,3% van…

“WIE SAL IN WERKLIKHEID OMGEE OOR BRI OF BRIS SONDER CHINA?” - Jim O’Neill, voormalige bestuurder by Goldman Sachs en die ekonoom wat die term Bric in 2002 geskep het, in Business Times oor hoe belangrik China in Brics is. China “is die kern van Brics se sukses” het hy glo gesê, en dat die entiteit se internasionale relevansie nie net deur China oorheers word nie, maar inderdaad “baie afhanklik is van China”. “JY KAN NIE AANHOU OM GELD IN DIE PROBLEEM TE PLOEG NIE.” - Die energie-ontleder Chris Yelland oor die herstrukturering wat by Eskom nodig is (lees die artikel op bladsy 32). Volgens Yelland praat die regering oor die herstrukturering van die kragnutsmaatskappy terwyl ’n “geweldige ideologiese stryd” oor toekomstige afdankings agter die skerms plaasvind. “Dit is ooglopend…

Daar word baie gepraat oor hoe goedkoop klein- en middelkapitaalaandele is. Pryse is gedemp, maar verdienste het in baie gevalle gegroei. Waardasies is dus aantreklik. Tog is die MidCap-index sedert die hoogtepunte van Januarie ongeveer 14% laer. ’n Mens kan verskeie klein- en middelkapitaalaandele koop, maar die gevaar is dat jy die verkeerdes koop. Daarom is die MidCap-beursverhandelde fonds (ETF), ASHMID, ’n goeie opsie, maar ook nie sonder risiko’s nie. As markte aggressief verkoop, sal die klein aandele daaronder ly – sommer baie. Die MidCap-indeks sak 14% sedert Januarie se hoogtes. En die vraag is wat sal aanleiding gee tot ’n hoër aanslag van die sektor. Laer waardasies help nie. Wat gewoonlik gebeur, is dat dié sektor beweeg nadat die groter aandele geloop het. Beleggers druk die grootkapitaalaandele hoër en…

ntu Properties plc is ’n Britse eiendomsbeleggingstrust (reit), grotendeels toegespits op die bestuur en ontwikkeling van winkelsentrums. Met sy portefeulje van R200 miljard besit Intu tans 20 sentrums in Brittanje en Spanje, wat saam 400 miljoen besoeke deur inkopiegangers per jaar ontvang. Sy aandele is op sowel die Londense as die Johannesburgse aandelebeurs genoteer. Sowat 30% van die maatskappy word deur Suid-Afrikaners besit. Vooruitsigte: Intu se aandeelprys het in 2016 ’n plafon van 7 550 sent per aandeel bereik ná die gewraakte Brexit-aankondiging. Die aandeel konsolideer tussen 3 840 sent en 3 100 sent per aandeel. Party beleggers is besorgd oor die toepaslikheid van inkopiesentrums in die markte waar Intu bedrywig is. Hy is egter vol vertroue oor sy teenwoordigheid in Brittanje en oorweeg besteding van £600 miljoen aan sy…

DIE BIG MAC-INDEKS Koop gereeld dollars Die jongste Big Mac-indeks, wat gegrond is op die teorie van die koopkragpariteit vir die rand, dui op ’n billike waarde van heelwat minder as R10/$. Die teorie is meer pret as wat dit realisties is, maar dit wys dat ons geldeenheid eintlik sterker moet word – mits die politieke leiers net nie iets onverantwoordeliks doen nie. Dit herinner my dat ek mense moet herinner dat as hulle geld in die buiteland wil hê, hulle gereeld dollars moet koop, nie net elke keer as dit val nie. Koop elke ses maande ’n hoeveelheid Amerikaanse dollars, of die NEWUSD-beursverhandelde nota (ETN). Dit kan dalk op kort termyn verliesmakend wees, maar oor die lang termyn sal dit ’n goeie toetreeprys bied wanneer die volgende paniek toeslaan.…

die ontluiking van internetvermaakdienste het gereelde (lineêre) televisie-uitsendings behoorlik ontwrig. Hoekom ’n week lank vir die volgende episode van jou gunstelingreeks of -dokumentêr wag as jy dit op een slag kan kyk wanneer dit vir jou geriefliker is? En hoekom moet jy daardie dekodeerders en satellietskottels hê as jy iets soortgelyks met ’n internetverbinding en ’n toepassing kan kry? Dit lyk of internetvermaak op aanvraag deur die ontwikkeling van tegnologie bestem is om uiteindelik die era van gereelde, lineêre televisie te beëindig. Die toename in die beskikbaarheid en spoed van die internet bied saam met groter rykwydte van slimfone en slimtelevisies ’n immer groeiende stelsel met groter toegang tot die wêreld van vermaak. Netflix het na vore getree as ’n leidende verskaffer in dié vermaakdienskategorie, met 130 miljoen lede in…

’n Basiese pakket van mediesefonds-voordele, wat dieselfde voordele by alle mediese fondse bied, behoort in Suid-Afrika verpligtend gemaak te word, lui die Mededingingskommissie se gesondheidsmarkondersoek. In die verslag word aanbeveel dat elke persoon wat by ’n mediese fonds aansluit, die basiese opsie moet koop – wat vir rampspoedige uitgawes, soos ongelukke, asook ’n mate van buitehospitaal- en primêre sorg sal betaal. Dit sal van die huidige benadering van voorgeskrewe minimum voordele na die ontwerp van voordeelpakkete oorskuif. Lede van mediese fondse sal dan aanvullende voordeelpakkette kan koop, en daar word aanbeveel dat verbruikers dié pakkette maklik moet kan vergelyk, stel die verslag voor. “Om eenvoudig die standaardvoordeelpakket te standaardiseer, sal egter nie die kwessie van bekostigbaarheid oplos nie,” lui die verslag. Daarby moet ’n sogenaamde risikoaangepaste meganisme ingestel word om…

Eskom is steeds betrokke in ’n stryd met die energiereguleerder, Nersa, oor die tariefverhoging van 5,23% wat hy vir die 2018-'19- finansiële jaar toegestaan het. Eskom het aansoek gedoen om ’n verhoging van 19,9% en het besluit om Nersa se besluit na die hooggeregshof te verwys. Die 5,23%-verhoging het vanjaar in April in werking getree en is van krag totdat die hof anders besluit. Die hof is egter nie by magte om te bepaal wat die verhoging moet wees nie, sê die energie-ontleder, Chris Yelland. Die hof kan Nersa slegs beveel om sy besluit te heroorweeg. Die regsgeding gaan na verwagting meer as ’n jaar neem om af te handel. “Dit gaan ’n pynlike, stadige proses wees,” sê Yelland, “Eskom meen egter hy moet dit doen.” Eskom se woordvoerder, Khulu…

as jy ooit bevestiging wou hê dat die internet van jou ’n wêreldburger maak, dan doen die European General Data Protection Regulation (GDPR) dít. Terwyl die regulasie gemik is op die beskerming van Europese gebruikers, bied dit basies beskerming wêreldwyd vir alle gebruikers wat inligting op webwerwe of toepassings binne Europa se grense gebruik. As ’n inligtinggebruiker in Suid-Afrika, het my inboks oorgeloop met GDPR-opdaterings van webwerwe af wat in wese erken het dat hulle een of ander vorm van inligting oor my gebêre het. Maar wat die GDPR ook gedoen het, is om interessante geleenthede te bied om te kyk hoe dié maatskappye met gebruikers skakel wat betref die geheimhouding van inligting. ’n Onlangse verslag deur die Noorweegse verbruikersraad getiteld Deceived by Design: How tech companies use dark patterns…

Nein @NeinQuarterly Nee, depressie is nie goed nie. Maar walging het dalk potensiaal. Leandri Janse van Vuuren @Lean3JvV As ons jonk is, glip ons uit om na partytjies toe te gaan. As ons oud is, glip ons by partytjies weg om huis toe te gaan. Karh Sharro @KarlreMarks ’n Ekonoom stap by die kroeg in. Dit is moeilik om te weet wat die grap is sonder meer data. Smoth @Skinny_fatbloke As jy die strooijonker by jou maat se tweede troue is, nadat jy die strooijonker by die eerste een was, kan jy jou toespraak begin met: “Welkom terug almal”? Bluto @BlutoTweets Ek weet nie hoekom iemand ryk en beroemd wil wees as jy ryk en onbekend kan wees nie. Om geld te hê en niemand ken jou nie, lyk my…

baie mense beskou die vrye mark met skeptisisme. Party is openlik vyandig daarteenoor, en sê (verkeerdelik, in die lig van empiriese historiese getuienis), dat kapitalisme arbeid, die omgewing, of die armes benadeel, en dat dit grootliks verantwoordelik is vir die boosheid in die wêreld. Andere aanvaar teensinnig dat kapitalisme ’n beter stelsel as die alternatiewe is, maar sien neer op diegene in die sakewêreld en beskou hulle as knoeiers en bedrieërs. Ná die Steinhoff-ineenstorting het baie kommentators, dikwels diegene geskool in die geesteswetenskappe, die onetiese optrede van die “markte”, “sakegemeenskap” of die “korporatiewe sektor” uitgewys. In sy grofste vorm pak hulle die skuld op “vryemarkkapitalisme” of, die grootste belediging van alles, “neo-liberalisme”. Maar daardie vertolking is gegrond op ’n wesenlike misverstand oor wat “die vrye mark” werklik is. ’n Student…

o m millenniërs te bereik, het ’n groot uitdaging vir die versekeringsbedryf geword, sê Peter Castleden, uitvoerende hoof van Indie, ’n afdeling wat deur Sanlam Lewensversekering in 2016 begin is. Dit is omdat 90% van die bedryf se sakemodel gebou is op ’n enkelkanaaldiens met tussengangers,” sê hy. “Tussengangers vind gewoonlik aanklank by kliënte wat in ’n 10-jaarband van hul eie ouderdomsgroep is. Die probleem is dat die gemiddelde ouderdom van finansiële makelaars, om verskeie redes, reeds vir ’n geruime tyd toeneem, wat lei tot minder rolspelers by wie jonger generasies aanklank kan vind.” Dan is die verkoopsproses tydrowende waar mense die tussenganger persoonlik moet ontmoet en dan gekeur moet word om vir produkte te kwalifiseer. “Met die lewe wat so gejaagd geword het, wil niemand meer na ’n verkoopvoorlegging…

Nie te lank gelede nie was Merafe Resources ’n klein maatskappytjie met ’n groot skuldlas. Hy was midde-in uiters gedempte marktoestande weens ’n afname in die vraag na vlekvrye staal, die produk waarin die chroom wat Merafe produseer meesal gebruik word. Die rede vir sy skuld was dat hy daartoe verbind was om sy aandeel van een vyfde in Lion II, ’n groot ferrochroomuitbreiding, te finansier met die res van die aandele wat Glencore besit. Glencore, ’n enorme groep wat uit Switserland werk, het geen probleem gehad om sy deel te finansier nie, maar Merafe was anders. In ’n stadium het hy skuld van R600 miljoen op sy balansstaat gehad. ’n Aanduiding van hoe vinnig die hoër chroomprys Merafe gehelp het, is dat sy skuld op 31 Desember op net…

Die Suid-Afrikaanse papier- en pulpmaatskappy Sappi het so ’n dekade gelede sy fokus na pulp verskuif ná die wêreldwye daling in die vraag na papier. Hy spesialiseer nou in die oplos van houtpulp, drukpapier, gespesialiseerde verpakking en biomateriaal. Met dié verandering, en na ’n algehele laagtepunt van 1 290 sent per aandeel, het die aandeel geleidelik sy verlies herwin. Ná sterk weerstand teen 10 505 sent per aandeel het Sappi reggestel, en tans verhandel hy teen 8 990 sent per aandeel. Sappi het deesdae bedrywighede in 20 lande, met sy hooffokus in Suider-Afrika, Europa en Noord-Amerika. Sappi het onlangs aangekondig dat hy byna R8 miljard in KwaZulu-Natal gaan belê, met groot verbeterings by sy Saiccor-meul in Umkomaas, suid van Durban. Sappi bly optimisties en verhandel nou in ’n simmetriese driehoek.…

torre het ’n moontlike denotering van die JSE af bekendgemaak deur ’n “reëlingsskema” om (volgens die maatskappy) sy SEB-status te verbeter. Maar selfs ná die nuus van ’n moontlike denotering het die aandeel, ten tye van skrywe, verhandel teen ’n prys wat ongeveer die helfte van sy jongste aangemelde netto batewaarde (NBW) of 182 sent per aandeel vir Desember 2017. Die prys was ook op beskeie vlakke bokant sy 52-weke-laagtepunte. Dit het gelei tot ’n vlaag vrae of die denotering wettig is, en wat minderheidsaandeelhouers kan doen oor die denotering van ’n aandeel wat hulle besit. Dit is wettig as die toepaslike wetgewing en regulasies nagekom word, en daar is geen rede om te glo dat Torre nie die reëls sal nakom nie. Om die waarheid te sê, enige poging…

om buitelandse aandele te koop, het deur die jare vir Suid- Afrikaners baie makliker geword, mits hulle die toepaslike regulatoriese en belastingimplikasies in gedagte hou. Uit ’n kosteoogpunt is daar nie ’n groot verskil tussen die koop van iets soos British American Tobacco in Suid-Afrika of in Brittanje nie. Beleggers wat hulle daarop toespits om ’n stewige, mededingende portefeulje van buitelandse aandele op te bou, is dus nie langer beperk tot aandele wat net plaaslik genoteer is nie. Ek het onlangs ’n uiters interessante grafiek teëgekom wat vir my die styg-daal-lyn op ons plaaslike indeks aangetoon het. Dié grafiek neem alle aandele in ’n spesifieke indeks in aanmerking en trek op ’n daaglikse basis dié wat negatief gepresteer het van dié wat positief gepresteer het af (dié syfer word dan…

Die voorgestelde nasionale gesondheidsversekeringsfonds (NGV) sal dalk sukkel om goedkeuring by die Nasionale Raad van Provinsies te kry. Die voorgestelde finansieringsmodel verklein die nasionale tesourie se toewysings aan provinsies. Die regering dra elke jaar die meeste van sy gesondheidsorgbesteding aan provinsiale regerings oor om toe te wys. Die provinsies moet besluit hoe hulle hul sogenaamde billike deel van die nasionale belastinginkomste bestee. Daarby ontvang provinsiale regerings voorwaardelike toelaes met sterk gebruiksvoorwaardes. “Gesondheid is ’n groot deel van provinsies se billike deel,” sê Russel Rensburg, programbestuurder vir gesondheidstelsels en -beleid van Rural Health Advocacy Project. “Die NGV-wetsontwerp bevat min oor die rol van provinsies.” Die wetsontwerp voorsien ’n enkele koper van gesondheidsorgdienste vir die land, naamlik die NGV-fonds, by openbare en uiteindelik private gesondheidsorgverskaffers. “Die provinsies kan dit uitdaag,” sê Rensburg.…

Eskom se probleme het begin toe hy die bou van nuwe kragsentrales deur middel van skuld gefinansier het, sê Wayne McCurrie, Ashburton Investments se senior portefeuljebestuurder. Gewoonlik sal die aandeelhouer 60% van die finansiering bydra wat nodig is vir beleggings soos dié (in hierdie geval 50-jaarbates) en verkry 40% deur skuld, sê hy. Die regering het egter die volle 100% met skuld gefinansier en het sodoende Eskom belas met die taak om die geld te vind om die rente gedurende die boufase te betaal. “Dit help nie dat die kragsentrales in ses jaar teen ’n koste van R150 mjd. gebou sou word, maar tien jaar teen ’n koste van meer as R300 miljard geneem het nie.” “Dit help nie dat die kragsentrales in ses jaar teen ’n koste van R150…

wêreldwyd begin ondernemings besef hoe waardevol dit is om werk van mense na masjiene te verskuif. Outomatisasie kan doeltreffendheid verhoog en arbeidskoste verminder. Dit help werkgewers om ingewikkelde uitdagings soos eise om loonverhogings en stakings te vermy. Verbruikers trek voordeel uit outomatisasie wanneer laer insetkoste produkte en dienste goedkoper maak. Hoewel daar talle voordele aan outomatisasie verbonde is, toon onlangse ekonomiese tendense in die ontwikkelde wêreld dat dit ook ’n belangrike aandrywer van ekonomiese ongelykheid kan wees. Al hoe meer geleerdes en toonaangewende denkers waarsku dat die nuwe vlaag van tegnologiese omwenteling die verhouding tussen arbeid en kapitaal op ’n ongehoorde wyse kan verander. Van belang is dat dié moderne Luddiete nie noodwendig anti-tegnologie is nie. Hulle is besorg oor die wyse waarop al hoe slimmer tegnologieë ekonomiese ongelykheid vererger…

in’n land waar werk so skaars soos hoendertande is, is ’n tydsame en senutergende proses om werk te soek. Dit geld ’n ervare uitvoerende beampte sowel as ’n nuwe werksoeker. Daar sal uiteraard mededinging wees omdat die mark hoogs mededingend is; amper so mededingend as die eiendomsmark in Kaapstad. Madge Gibson, die hoof van die uitplasingsmaatskappy, The Change Initiative, sê ’n kritieke kwessie vir werksoekers is om hulleself te ken. “Weet waarna jy soek in ’n werk, wat jou bemarkbare vaardighede is en wat jou sterk- en swakpunte is vergeleke met die mededingende aansoekers. “Dit is ook kritiek om die maatskappy te ken en seker te maak dat dit werklik ’n plek is waar jy wil werk. Doen navorsing oor wat in die media gesê word, en hoeveel van die…

as jy die afgelope drie maande om welke rede nie opgelet het wat aangaan nie, sou jy dalk die ineenstorting van VBS Mutual Bank (VBS) gemis het. Dié depositonemende uitlener het in 2016 bekendheid verwerf toe hy ’n lening van R7,8 miljoen aan oudpresident Jacob Zuma toegestaan het om skuld vanweë sekuriteitsverbeterings aan sy Nkandla-huis te betaal. Die Suid-Afrikaanse Reserwebank het al sy vermoë gewys om banke deur kuratorskap te red. Maar bevorder of belemmer die Reserwebank mededinging in die sektor? Dís ’n ander vraag. Die Reserwebank het VBS op 11 Maart onder kuratele geplaas nadat dié bank van Limpopo ’n kontantineenstorting beleef het. Besonderhede van wat tot die likiditeitskrisis gelei het, het die publiek geskok. Optrede teen individue wat verantwoordelik was vir die grootskaalse bedrog wat die likiditeitsprobleem veroorsaak…

merafe Resources Limited neem deur sy filiaal, Merafe Ferrochrome & Mining, en ’n saamgooien- deel-onderneming met Glencore Operations South Africa Proprietary Limited, aan chroommynbou en die verwerking van chroomerts in ferrochroom deel. Merafe besit ’n 20,5%-aandeel in Glencore. Beleggersbelangstelling in Merafe het in 2016 begin toeneem namate ferrochroompryse herstel het. Vooruitsigte: Merafe se aandeelprys het in Januarie vanjaar opgeskiet toe die maatskappy verwagte verdienstegroei van tot 82% aangekondig het. In ’n Sens-handelsverklaring vir die ses maande tot Junie, sê Merafe hy verwag ’n afname van tussen 7,2% en 17,5% tot tussen 16 sent en 18 sent in sy wesensverdienste per aandeel (teenoor 19,4 sent vir die vergelykbare tydperk). Halfjaarresulte tot Junie word op 6 Augustus gepubliseer. Wat die grafieke sê: Merafe het die afgelope twee jaar in ’n simmetriese driehoek…

die JSE bied steeds weinig vreugde vir beleggers te oordeel na die persentasie van die top 100 aandele, soos gemeet aan markkapitalisasie, wat tans bokant hul 200-daagse eksponensiële bewegende gemiddelde (EBG) lê. Slegs 26% is prysgewys sterk genoeg om die status te geniet, wat selfs swakker is as verlede maand se syfer van 36%. Dit geld ook vir die mark in die breë, hoewel verskeie swaargewigte (soos Naspers*) daarvoor sorg dat die belangrike indekse nog nie ernstig verswak nie. Dit bevestig dat die beer baas speel op die JSE, ongeag wat die algemene indekse weerspieël. Die klein getal swaargewigte op die beurs, wat meer as 80% van die gewig in die breë indekse verteenwoordig, vaar beter as die res van die mark in tye van swak ekonomiese groei en ’n…

Sedert die eeuwisseling kom noemenswaardige konsolidasie van fondse, asook voordeelopsies in die plaaslike mediesefondsbedryf voor. Die konsolidasie gaan gepaard met stagnering van groei in die getal niestaatslede in meestal oop mediese fondse. Mediese fondse word geklassifiseer as óf oop, waar enige individuele inwoner van die land by die fonds kan aansluit, óf beperk, waar die fonds tot ’n sekere groep mense beperk word wat gewoonlik in diens van dieselfde werkgewer is. Discovery Health Medical Scheme is die grootste oop fonds met ’n markaandeel van sowat 57%. As die deels beperkte Profmed en CAMAF as deel van dié sektor beskou word, is Discovery se markaandeel 54%, volgens die Raad vir Mediese Fondse. Die raad is die reguleerder van alle mediese fondse in die land. Discovery se groei word aangedryf deur die…

die instelling van wetgewing oor die nasionale gesondheidsversekeringsfonds (NGV) kan Suid-Afrikaners bevoordeel deur gesondheidsorgkoste te stabiliseer. Dié koste het mediese-fondspremies die laaste jare opgejaag. Die kern oogmerk van die NVG is om ’n enkele koper – in ekonomiese terme ’n monopsonie – te skep wat geweldige bedingingsmag by mediese diensverskaffers het. Die regering sal in die huidige fiskale jaar R205,4 miljard (gelykstaande aan 4,2% van die land se ekonomiese uitset vir vanjaar) aan gesondheidsdienste bestee, volgens die nasionale tesourie se begrotingsoorsig vir die jaar. Die regering sal in die huidige fiskale jaar R205,4 miljard (gelykstaande aan 4,2% van die land se ekonomiese uitset vir vanjaar) aan gesondheidsdienste bestee, volgens die nasionale tesourie se begrotingsoorsig vir die jaar. Altesaam R128,7 miljard daarvan (62,6% van die gesondheidsbegroting) sal aan salarisse en werknemersvoordele…

Faktore wat tot Eskom se erge finansiële posisie bydra, is die miljarde wat munisipaliteite aan hom skuld en ’n voortslepende regsgeskil met die energiereguleerder, Nersa, oor sy jongste tariefverhoging. Die munisipale skuld wat aan Eskom verskuldig is, het teen middel Mei op R13,9 miljard gestaan, het Eskom se voorsitter, Jabu Mabuza, gesê toe hy voor die staande komitee oor openbare rekeninge (Skoor) verskyn het. Party van die ergste oortreders is munisipaliteite in die Vrystaat, Mpumalanga en Noordwes. Die Maluti-A-Phofung munisipaliteit in die Vrystaat skuld Eskom R2,8 miljard, terwyl Matjhabeng, ook in die Vrystaat, hom R1,8 miljard skuld. Eskom is op die oomblik besig om die kragvoorsiening aan wanbetalende munisipaliteite te onderbreek, sê Eskom se woordvoerder, Khulu Phasiwe. “Sommige van hulle het sedertdien begin betaal, en Eskom sal in die toekoms…

Leon Norbert Sasse is in 1964 in Johannesburg gebore. Hy het ’n Afrikaanse ma en ’n Duitse pa en het in Robertsham in die suidelike voorstede van Johannesburg grootgeword. Na sy matriekjaar by Hoërskool President, en met die aanmoediging van sy tennisafrigter wat ’n geoktrooieerde rekenmeester was, het hy sy BCom Honneursgraad in rekeningkunde aan die Randse Afrikaanse Universiteit verwerf, sy leerlingkontrak by Ernst & Young (E&Y) voltooi en in 1990 as geoktrooieerde rekenmeester gekwalifiseer. “Ek het altyd geweet wat ek wou doen. Ek was doelgerig. Goktroieerde rekenmeester, finish en klaar.” Ná ’n jaar diensplig, het hy teruggekeer na E&Y voordat hy in 1994 by hulle korporatieweadviesafdeling in Londen aangesluit het. In 1996 het hy na Suid- Afrika teruggekeer om ’n loopbaan in korporatiewe finansies by Investec te volg. Die…

Ons gee aan die volgende wenner van ons vasvra ’n eksemplaar weg van An Incomplete Transition: Overcoming the legacy of exclusion ins South Africa. Kyk of jy die gelukkige wenner kan wees deur dié uitgawe se vasvra vanaf 30 Julie aanlyn te voltooi by fin24.com/finweek. 1. Wie is in die 2018 FIFA Wereldbeker in Rusland as Speler van die Toernooi aangewys? 2. Wie is die uitvoerende hoof van Google? ▪ Jeff Bezos ▪ Tim Cook ▪ Sundar Pichai 3. In die voorlaaste week van Julie het president Donald Trump van Amerika en die president van Iran woedende dreigemente uitgeruil. Gee laasgenoemde se volle naam. 4. Waar of onwaar? Die staatdiens se mediese hulpfonds, die Government Employees’ Medical Scheme (GEMS), is in 2010 bekend gestel. 5. Deur tot die enkelspel-eindstryd vir…