Innholdsfortegnelse for 7-Jun-18 i Finweek - Afrikaans

as ’n mens kan glo wat Yanis Varoufakis, die voormalige minister van finansies van Griekeland, sê, moet ontluikende markte hulle voorberei vir ’n moeilike tyd vorentoe, met geopolitieke ontwikkelinge en kwantitatiewe vermindering wat ’n negatiewe impak op aandele- en effektemarkte kan hê. Varoufakis het by Sanlam en Glacier se onlangse i3-beraad ’n sombere beeld geskilder van die uitdagings wat die Europese Unie (EU) in die gesig staar, soos die jongste politieke ontwikkelings in Italië wat internasionale markte omkrap. Hy meen die EU se finansiële infrastruktuur is nie “geskik vir die doel” nie en is “nie ontwerp om die yslike skokgolwe van die wêreldwye finansiële krisis van 2008 te verduur nie”. Varoufakis sê die 2008-krisis is nog nooit heeltemal opgelos nie en dat ontluikende markte voor die groot risiko staan dat…

as jong volwassene het Ben Shaw dikwels gesukkel om geskikte huurverblyf te kry. Hy onthou ook van sy vriende se probleme om geloofwaardige huurders te vind. “HouseME vul leemtes in die mark; dis ’n oplossing vir ’n probleem,” sê Shaw, uitvoerende hoof en medestigter van HouseME. Sedert sy bekendstelling in die Wes- Kaap aan die einde van 2016, het hierdie eiendomsplatform meer as 400 aangetekende eiendomme en 7 000 geregistreerde gebruikers verkry en na die res van die land uitgebrei. “Ons ervaar hoë groei, met ongeveer 1 000 nuwe gebruikers wat elke maand registreer. Sedert die stigting het ons personeel van ses tot 14 heeltydse werknemers toegeneem.” Voordat hy HouseME geloods het, het Shaw ’n paar ander ondernemings begin. “Ek het sedertdien besef dat jy ’n begin-besigheid moet eet, slaap…

Glencore onderpresteer teen die meeste van sy portuurgroep, deels weens besorgdheid oor verwikkelings in die Demokratiese Republiek van die Kongo (DRK), waar die Switsersgesetelde mynbou- en nywerheidsgroep koper- en kobaltmyne bedryf. Op die oog af is dit ’nondernemende metaal om te ontgin, veral kobalt, aangesien dit skaars is en die vraag daarna waarskynlik aansienlik sal toeneem namate elektriese voertuie toeneem. Kobalt is ’n belangrike metaal vir die vervaardiging van batterye, maar kom eintlik net voor waar dit gemineraliseer is met koper, ’n metaal wat Glencore in oorvloed het in sy Katanga-bates in die DRK. Die DRK het egter vanjaar ’n nuwe mynboukode uitgevaardig om meer belasting en tantieme in te vorder. Die kode kan wel op regsgronde betwis word. Dit is bedoel om die mynboukode van 2002 te vervang, maar…

Die Spar-groep tree op as groothandelaar en verspreider van goedere en dienste aan Spar se supermarkte, Build it se afsetpunte vir boumateriaal en Tops by Spar se drankwinkels. Suid-Afrika is vir die meeste van die JSEgenoteerde Spar Group se verdienste verantwoordelik, al het sy voetspoor uitgebrei om Ierland en Switserland in te sluit. Hy bedien ook beperkte markte in Suider- Afrika, insluitend Namibië, Zambië, Mosambiek en Botswana. In Suid-Afrika bedryf Spar ses verspreidingsentra vir supermarkte en een vir Build it om meer as 2 000 winkels in die streek te bedien. Hy het ook ’n nuwe onderneming in Sri Lanka begin, wat ’n vennootskap met Ceylon Biscuits behels. Kommer bestaan egter dat Spar moontlik te haastig is met die verkryging van nog oorsese ondernemings terwyl veral sy Switserse onderneming sukkel.…

vir meer as twee dekades lank spog ontwikkelde lande met die vordering wat hulle gemaak het in die hersikleer van afval deur die ontwikkeling van nuwe tegnologieë, die bou van aanlegte om hersikleerde produkte te vervaardig en die instelling van wetgewing om verbruikers te verplig om behoorlik van hul afval ontlae te raak. Die Buro vir Internasionale Hersiklering (BIR), wat in België gesetel is, spog dat hersikleerde materiaal tans voorsien in 40% van die behoefte aan internasionale grondstowwe en dat die bedryf ’n jaarlikse omset van meer as $200 miljard het, soortgelyk aan die waarde van die ekonomieë van lande soos Portugal, Colombië en Maleisië. Die veronderstelling wat dikwels gemaak word, is dat die meeste van die hersiklering in Europa en Noord- Amerika plaasvind, waar omgewingsbewustes die luidste, die publiek…

Die gemiddelde hoënettowaardebelegger in Suid- Afrika behoort minstens 30% van sy geld aan buitelandse fondse bloot te stel. naas die nodigheid om risiko in die plaaslike mark uit te skakel, is daar tans sterk fundamentele redes hoekom plaaslike beleggers hul diskresionêre blootstelling buiteland toe moet mik om uitstekende langtermyngeleenthede te benut. Dit bied toegang tot streke en nywerhede wat nie plaaslik goed verteenwoordig is nie. Die JSE maak byvoorbeeld minder as 1% uit van die wêreldwye kapitalisasie wat aangebied word, en wat tans sowat 45 000 maatskappye ter waarde van nagenoeg $82 duisendmiljard betrek. Die gemiddelde hoënettowaardebelegger in Suid-Afrika behoort minstens 30% van sy geld aan buitelandse fondse bloot te stel, gewoonlik bestaande uit 60% aandele en ’n 40%-mengsel van eiendom en vaste rente, sê Paul Hansen, fondsbestuurder by Stanlib.…

suid-Afrika het onlangs ’n vloedgolf goeie nuus gekry (die Wes- Kaap het selfs reën gekry). Sake- en verbruikersvertroue het sterk herstel en die wêreld se ekonomiese groei het verstewig. Verhoogde rentekoerse in Amerika mag egter die lewe vir Suid- Afrika en ander ontluikende lande moeilik maak. Amerika het koerse sedert November 2015 verhoog, nadat rentekoerse vir die afgelope 8 jaar naby nul gehou is. Wanneer Amerika rentekoerse verhoog, moet Suid-Afrika tipies volg. Tot dusver het die Suid-Afrikaanse Reserwebank (SARB) egter koerse verlaag. Wat, indien enige iets, is hierdie keer anders? Vergeleke met die vorige Amerikaanse rentekoerssiklus, is dié een (tot dusver) baie vlakker. Die diagram onder links vergelyk 2004 se rentekoerssiklus met die huidige een; rentekoerse het voorheen vir ‘n baie korter tyd konstant gebly en daarna baie vinniger gestyg.…

’n Maatskappy se bestuur neem elke dag besluite om kapitaal en hulpbronne aan spesifieke projekte, afdelings en uitgawes (en by verstek nie aan ander nie) toe te wys. Hierdie kritieke besluitnemingsproses – wat volkome na goeddunke van die bestuur is, onder leiding van die direksie – bepaal ’n maatskappy se toekomstige sakeplan en die daaropvolgende kontantvloei. Aangesien dit uiteindelik aandeelhouersopbrengste bepaal, is die bestuur een van die belangrikste komponente wanneer ons beleggings evalueer. As bewaarders van ons kliënte se kapitaal, besef ons ook dat bestuurspanne as sekondêre bewaarders optree. Ons glo ons kan die kanse om toepaslike opbrengste op kliënte se kapitaal te genereer in ons guns laat swaai as ons vennootskappe aangaan met sterk, bewese leierskapspanne. Daar is nie ’n volmaakte manier om bestuur te evalueer of om maklik…

niemand hou daarvan om iets te koop as dit as “duur” beskou word nie. Ek sê altyd ek hou die meeste van die woord “gratis”, gevolg deur die woord “goedkoop”. Ongelukkig kry jy selde iets verniet, en dit verg ook baie geduld om iets te kry wat goedkoop is. Maar “goedkoop” is ’n relatiewe begrip, en die resultaat sal afhang van hoe jy dit probeer bepaal. Dit klink dalk snaaks, want mense sal sê dat iets wat goedkoop is beslis nie verwar kan word met iets wat duur is nie. Wel, ek het die waarheid hiervan verlede jaar tydens ’n vakansie in Europa besef. As ek vir jou as ’n Suid-Afrikaner gesê het dat jy R30 moet betaal as jy ’n 2 liter-Coke by my wil koop, sal jy dink…

Die vooruitsig van verdere rentekoersverlagings in Suid-Afrika is verpletter deur die gevaar van inflasie weens die skerp styging in internasionale oliepryse. Die Suid-Afrikaanse Reserwebank sal dit egter waarskynlik so lank moontlik dieselfde hou om te keer dat die land se vars ekonomiese herstel ontspoor. Die Reserwebank se besluit op 24 Mei om sy repokoers op 6,5% te hou, was nie ’n verrassing nie nadat die rand verswak het tydens ’n kapitaalvlug uit ontluikende markte die laaste paar weke wat veroorsaak is deur die vrees dat Amerika sy monetêre beleid aggressief strenger sal maak as wat aanvanklik verwag is. Valutadepresiasie blaas inflasie aan deur pryse te laat styg – sentrale banke probeer dit teëstaan deur rentekoerse te verhoog. Die rand is een van die geldeenhede wat die ergste deur kapitaaluitvloei getref…

Die huidige motoraansporingsprogram verval in 2020 en ’n nuwe plan sal in 2019 begin en tot 2030 voortduur. “Die APDP is ’n goeie program, en daar moenie te veel daaraan gepeuter word nie, anders verwar dit internasionale beleggers,” sê Thomas Schaefer, voorsitter en besturende direkteur van Volkswagen Suid-Afrika. “Ons praat oor die toekoms vir die volgende 20 jaar. Wat die motorbedryf nodig het, is konsekwentheid en stabiliteit. Ons belê nie vir ’n jaar of twee nie, ons belê vir ten minste een of twee lewensiklusse, en dit bring jou tot so 15 jaar.” Wat wel gepak moet word, is twee eienaardige invoerkwessies in die huidige APDP-plan, sê hy. Een daarvan is dat elektriese voertuie (EV’s) teen 25% belas word, teenoor die 18% vir gewone binneverbrandingsvoertuie. Schaefer sê: “EV’s is reeds…

“Jy moet dapper en vreesloos wees om die onbekende te verken sonder om bang te wees waarheen hiedie nuwe kennis jou gaan voer en hoe dit kan verander wat jy weet.” die Amerikaanse skrywer, toekomskundige en sakeman Alvin Toffler, het op ’n kol gesê: “Die ongeletterde van die 21ste eeu sal nie diegene wees wat nie kan lees of skryf nie, maar diegene wat nie kan leer, afleer en weer leer nie”. Groter leerbehendigheid en selfgedrewe onderrig sal uiteindelik die voorlopers onderskei van dié wat uitsak, en diegene wat kan aanpas en herleer in teenstelling met diegene wat uitgedien raak. Gee hul eie rigting aan vir leer Behendige leerlinge sorg dikwels vir hulle eie leerproses. Dit word selfgedrewe opleiding genoem, en dis nie ’n nuwe konsep nie. In die 1970’s…

Vimbai Sairon @VimbaiSairon Drie dinge wat ons land terughou: 1. Bewys van woonadres. 2. Stelsel is van lyn. 3. Die ou wat dit doen, is nie hier nie. Keith McLachlan @keithmclachlan Die gevaarlikste ding in sake is ego. Die tweede is hefboomfinansiering. Trader1137 @Trader1137 Goedkoop aandele het die aaklige gewoonte om goedkoper te word. Helen Quenet @Helenqu Hoeveel Brexit-voorstanders is nodig om ’n gloeilamp te vervang? Twee. Een om ’n blinker toekoms te belowe en een om dit op te foeter. Tyrone Ping @itsrobotface ’n Werklike kantoorvrees is dat die persoon by jou lessenaar sal stop en nie net verbyloop nie. VeryBritishProblems @SoVeryBritish Eerlike antwoorde in die kantoor: “Hoe vorder jy?” “Ek weet al jare lank nie eintlik nie.” “Is jy besig?” “Gee voor om te wees!” “Het jy my…

brasilië is ’n fassinerende land om te besoek as jy ’n Suid-Afrikaner is. Dit is ’n polsende, effens chaotiese en betowerende plek, als tegelyk. En weg van die lughawens en belangrikste toeristeplekke, nogal ’n uitdaging vir iemand met geen kennis van Portugees nie. Ek is genooi om in Mei by ’n plattelandse universiteitsdorp in die deelstaat Mina Gerais ’n reeks praatjies te lewer. Van die lughawe in Belo Horizonte af het die motorbestuurder my op ’n vyf uur lange naelbyttoer van die heuwelagtige omgewing buite die stad geneem. Waar voorheen koffie- en suikerplantasies en mynboubedrywighede was, was die omgewing nou meestal verlate – die veld grootliks weer deur natuurlike gras en bos ingeneem. Die taalprobleem het verhinder dat ons behoorlik kon gesels, maar uit wat ek kon aflei, was die…

tiger Brands se aandeelprys “het nog ’n lang afwaartse pad”, sê Rob Pietropaolo, privatekliënthandelaar by Unum Capital. In Mei het die groep sy resultate vir die ses maande tot 31 Maart bekend gemaak – sy eerste resultate ná die nuus dat die uitbreek van listeriose in Suid-Afrika gekoppel kan word aan ’n stam wat gevind is in aanlegte wat Enterprise Foods, een van sy filiale, besit. Met sy aandeelprys wat in Januarie tot ’n hoogtepunt van R474,50 gestyg het, verhandel hy tans teen ongeveer R335 per aandeel. Sy markkapitalisasie het sedert Januarie met R27 miljard tot ongeveer R64 miljard met die skryf hiervan gedaal, sê Wayne McCurrie, senior portefeuljebestuurder by Ashburton Investments. Tot op datum, het Tiger Brands 4 000 ton toegevoegdewaarde- vleisprodukte (Vamp) teruggeroep en vernietig, wat die maatskappy…

die modehuis en klerehandelaar, TFG, bedryf meer as 4 000 winkels in 32 lande. Sy voetspoor in Suid- Afrika sluit in Foschini, @home, American Swiss en Due South. TFG verhandel ’n ruk lank in ’n bestendige opwaartse tendens deur van ’n laagtepunt van 7 450 sent per aandeel in 2011 tot ’n hoogtepunt van 24 080 sent in Maart vanjaar te styg. In Mei het TFG omsetgroei van 21,4% tot R28,6 miljard vir die jaar tot einde Maart aangekondig, met wesensverdienste wat met 9,6% tot R2,5 miljard gestyg het. Vooruitsig: TFG hertoets tans die boonste helling van sy kanaal nadat hy van sy vorige opwelling herstel het – ’n normale ommeswaai na maande van opwaartse beweging. TFG se fokus is vanjaar om gedeelde dienste in sy drie Britse handelsmerke –…

Daar is nie ’n wondermiddel nie, net stelselmatige verbetering danksy harde werk. ’n Fonds wat deur kwantitatiewe ontleding aangedryf word en op die meeste beleggers se radarskerm behoort te wees, is die Old Mutual Global Equity Fund. Dié fonds is sedert sy stigting 23 jaar gelede een van die bestes ter wêreld. Die fonds, wat in Londen bestuur word, het in sy bestaan ’n geannualiseerde opbrengs van 13,3% in rand opgelewer. Die syfer oor sewe jaar is 22,2% en 11,6% vir drie jaar. Die opbrengs vir die afgelope jaar is ’n meer beskeie 8,4%, maar dit is steeds bo die fonds se maatstaf en beter as die meeste in sy portuurgroep. Leon Kok het met Ian Heslop, een van die bestuurders van Old Mutual Global Equity Fund, gepraat. Die laaste…

die afgelope drie jaar was die meeste beleggers teleurgesteld in opbrengste. Byvoorbeeld, multibateportefeuljes het gesukkel en plaaslike multibatehoëaandeel- effektetrusts het in die drie jaar tot Maart vanjaar gemiddeld 3,4% per jaar* opgelewer. Al is dit teleurstellend, is dit nie verbasend nie, want die beskikbare bateklasse het almal lae opbrengste aangeteken. Soos die tabel hierby toon, het vier van die sewe primêre bateklasse negatiewe reële opbrengste gelewer (absolute opbrengs minus inflasie). Die tradisionele aandrywers van portefeuljegroei – aandele (sowel plaaslik as buitelands) – het in dié tydperk tot onder 10% per jaar gedaal. Plaaslike effekte het aan die pluskant verras nadat ’n graderingsverlaging na riskante status deur internasionale graderingsagentskappe op die nippertjie vermy is. Al het internasionale aandele opbrengs bo inflasie in dollar gelewer, het die sterker rand plaaslike beleggers se…

die mynboulandskap in Suid-Afrika het gedurende die afgelope vier dekades feitlik onherkenbaar verander, met die aantal JSEgenoteerde mynbou- en metale-aandele wat geduik het van meer as 130 in die 1990’s tot skaars 30 vandag. Dit het uiteraard ’n impak gehad op die relatiewe vertonings van die sektor se plaaslike effektetrusts. Dis soos ’n enorme wipwaentjierit met uiteenlopende resultate. Die voorloper, Coronation Resources Fund, het byvoorbeeld ’n opbrengs van 64% in 2016 gelewer en 26% verlede jaar. Maar sy 10 jaar geannualiseerde opbrengs is ’n skrale 1,9%. Die fonds se maksimum toename sedert vestiging was byvoorbeeld 93% en sy maksimum onttrekking 58%. Sê dit vir ons iets oor die huidige stand van die sektor? Nie juis nie. Opmerkings deur die veteraan fondsbestuurder Peter Major, die direkteur van mynbou by Cadiz, maak…

“Ons moet Afrika aan die gang kry omdat die streekmark die sleutel tot ons sukses is.” ’ek probeer iets vir die hele Afrika skep,” het Thomas Schaefer, voorsitter en besturende direkteur van Volkswagen Suid-Afrika (VWSA), aan finweek gesê. Die man wat nog altyd van motors gehou het, en van ’n vroeë ouderdom wou weet hoe dinge werk, het ’n goeie begin gemaak met die vestiging van ’n motormonteeraanleg vir VWSA in Kenia in 2016, en in Rwanda vanjaar. Dis nog ’n stap vir die realisering van Afrika se groeipotensiaal vir Volkswagen SA en vir Suid-Afrika se motorbedryf. Afgesien van enjinproduksie, vervaardig VWSA ook die VW Polo, een van die wêreld se suksesvolste kompakte motors, en die VW Polo Vivo, die voorste passasiersmotor. Van die 133 000 voertuie wat vanjaar by…

mynbouaandele verhandel oor die algemeen teen ’n diskonto, selfs die sterkes hoog boaan die rangleer van die JSE, soos Anglo American, Glencore, BHP en South32. Dit is multinasionale maatskappye wat uit verskillende geografieë ’n verskeidenheid van minerale produseer wat vir die daaglikse bestaan van die samelewing noodsaaklik is. As beleggingsprodukte behoort hulle beter te vaar. Dié kwessie kry aandag in ’n nota deur Bernstein, ’n bank met sy hoofkantoor in New York, wat daarop wys dat die sektor in ’n mark bedrywig is waar die groei in aanvraag die afgelope 270 jaar deurlopend toegeneem het. Verder is daar vir die mynbousektor nie ’n sinvolle plaasvervanger nie; die maatskappye wat tans in die sektor bedrywig is “ . . . het ’n enorme mededingende voorsprong bo nuwe toetreders en beklee ’n…

PSG besit verskeie genoteerde maatskappye (Zeder, Capitec*, Stadio, Curro en PSG Konsult) naas ’n klompie ongenoteerde bates. Op sy webtuiste publiseer hy daagliks ’n somvan- die-dele-waarde (SVDD) deur die genoteerde pryse van die onderliggende ondernemings, saam met die waardasies van sy ongenoteerde aandele, minus skuld, te gebruik. Synde ’n beheermaatskappy verhandel PSG gewoonlik teen ’n diskonto op dié SVDD, en waar ek hier skryf is dié diskonto sowat 12%. Wanneer jy PSG koop, wil jy nie ’n premie op die SVDD betaal nie, en ’n diskonto van meer as 10% kry jy selde. Diskonto is sowat 12%. Wanneer jy PSG koop, wil jy vir seker nie ’n premie op die SVDD betaal nie, en ’n diskonto van meer as 10% kry jy selde. Naas die aantreklike diskonto koop lede van…

met sy tradisionele sake wat afneem, spits Telkom, die telekommunikasievoorsiener, hom toe op nuwe inkomstestrome, soos selfone, data en die Internet van Dinge, sê sy uitvoerende hoof, Sipho Maseko. Groepinkomste vir die jaar tot einde Maart was bykans onveranderd, met 47,2%-groei in selfoondiens- inkomste tot R5,15 miljard wat ’n gedeelte van die 4,7%-afname in vastediensinkomste neutraliseer. Vooruitsig: Telkom het in Mei verlede jaar ’n plafon op 8 580 sent per aandeel bereik en toe teruggesak. Afwaartse momentum het op 4 160 sent per aandeel vasgeskop, en herstel het gelei tot ’n uitbreking van die beertendens. Die groep het ’n afname van 18,4% in wesensverdienste per aandeel vir die jaar tot einde Maart getoon. In die grafieke: Telkom ondervind tans weerstand by 5 825 sent per aandeel en sal dié vlak…

die afgelope kwartaal was binnelands én buitelands heel merkwaardig, en ons is met ’n weldeurdagte reeks menings en beskouings gelaat om te verwerk na aanleiding van vergaderings met verskeie vooraanstaande markontleders laat in April, in Kaapstad sowel as Johannesburg. In die algemeen het ons egter gevind dat die markvooruitsigte vir Suid-Afrika aansienlik meer getemper was as die oordrewe ophef wat gemaak is van president Cyril Ramaphosa se “Nuwe Era’’ in die eerste kwartaal. Talle kwessies van swak openbare bestuur, staatskaping en korrupsie is weer geopper, en daar is saamgestem dat om verby die verwoesting van die Jacob Zuma-jare te beweeg, ’n lang tydperk van bevoegde en verstandige makro- en mikro- ekonomiese bestuur sal verg, gepaard met die nodige strukturele hervormings. Die algemene groeivooruitsig vir die binnelandse ekonomie vanjaar was 1%…

buitelandse blootstelling is ’n noodsaaklike deel van enige portefeulje. Dié soort blootstelling bied uiters noodsaaklike diversifikasie en dien ook as langtermyn-verskansing teen risiko’s eie aan ons omstandighede hier in Suid-Afrika, soos die dalende rand. Buitelandse beleggings kan Suid-Afrikaners goeie vooruitsigte bied in vinnig groeiende lande, bedrywe en maatskappye wat onderverteenwoordig is in ons aandelemark. Tesame met ander voordele, dien dit ook as ’n buffer teen die onbestendigheid van ontluikende markte. Prudential South Africa het onlangs Prudential Global Funds bekend gestel. Dit is ’n reeks van vier internasionale fondse in Amerikaanse dollars wat beskikbaar is vir beleggers in Suid-Afrika en wat die beste van Prudential se plaaslike kliëntekennis kombineer met buitelandse beleggingskundigheid. Die fondse is begin met die doel om, ná aftrekking van koste, ’n aantreklike buitelandse beleggingsoplossing aan Suid-Afrikaanse kliënte…

SANTOVA Goeie gehalte Volgens Santova* se resultate was sy wesensverdienste per aandeel (WVPA) byna 14% hoër, terwyl die dividend 12% hoër was op 7 sent. In ag genome dat net meer as 37% van die inkomste buite ons landsgrense verdien is terwyl die rand sterk was, is dit ’n uiters skaflike stel resultate. Die inkomste het eintlik met slegs 4% gestyg, terwyl koste 1% bygevoeg het, wat op goeie bedryfshefboomfinansiering dui. Die maatskappy sê hy is op die uitkyk na nog buitelandse verkrygings in Brittanje, Amerika of Europa. Op ’n prys-verdienste-verhouding (p/v) van sowat 7,5 keer bly Santova ’n gehalte- kleinkapmaatskappy teen ’n beskeie prys. ROOKVERBOD Casino’s trek aan kortste ent Die regering het nuwe tabakwetgewing gepubliseer wat breedweg uit twee dele bestaan. Eerstens word e-sigarette as sigarette beskou en…

as president Cyril Ramaphosa se ambisieuse beleggingsveldtog betekenisvolle resultate oplewer, is die kanse goed dat die ekonomiese groeikoers huidige verwagtinge sal oortref – dit word as ’n moontlikheid beskou omdat sy regering so vinnig werk daarvan maak om korrupsie en wanbestuur by sukkelende ondernemings in staatsbesit uit te roei. Die konsensusmening is dat sy doelwit om buitelandse én plaaslike sakeondernemings te oorreed om in die volgende vyf jaar $100 miljard (R1 200 miljard) in die ekonomie te pomp, wensdenkery is omdat belangrike strukturele beleidshervorming deur strydende faksies in die ANC voor aanstaande jaar se algemene verkiesing belemmer word. Kevin Cron, hoof vir korporatiewe sake, samesmeltings en verkrygings, en sekuriteite by Norton Rose Fulbright in Suid-Afrika, sê verlede jaar se negatiewe investeringstandpunt het blykbaar positief geword, maar voeg by: “Baie mense…

Die 48-jarige Schaefer is gebore in Marburg, Duitsland, en is die produk van ’n geïntegreerde studieprogram wat gevorm is tussen die Duitse bedryf en spesifieke Duitse universiteite. Die driejaarprogram het Schaefer na Mercedes gebring waar hy meganiese ingenieurswese en produksietegnologie gestudeer het. Daar was ook blootstelling aan enjinvervaardiging, IT, logistiek, projekbestuur en leierskapsprogramme en werk in die buiteland. “Ek was orals. Ná die program het jy baie ervaring,” het Schaefer aan finweek gesê. Daar is planne om hierdie innoverende program na Suid- Afrika te bring. VWSA sal na verwagting gesprekke voer met die bedryf en universiteite. ’n Vergadering gaan binnekort in Kaapstad gehou word. In 2012, ná meer as twee dekades by Mercedes, waarvan vyf jaar in Suid-Afrika was, het Schaefer by Volkswagen aangesluit. Die bande met Suid-Afrika is sterk.…

Om deur Conserve the Sound te snuffel, is voorwaar ’n genot omdat die webtuiste jou ’n kosbare skat van vergete klanke bied. volgende jaar is die 15de jaar wat ek in Johannesburg woon. Toe ek in 2004 as groentjie in Johannesburg geland het, was ek heeltemal deur dié megastad oorweldig. Ek het ’n werksaanbod aanvaar en in minder as ’n week van Durban na Johannesburg verhuis met my motor volgelaai met my karige aardse besittings. Johannesburg was intimiderend. Dit was baie groot, en die verkeer was ’n nagmerrie. My beste vriend destyds was ’n straatgids van die stad waarsonder ek nooit my bestemmings sou kon bereik nie. Ek het ’n deskundige geword deur talle bladsye terselfdertyd te besigtig en dan my rit van punt A tot by punt B te…