Innholdsfortegnelse for Uitgawe 1 Van 2025 i Baba & Kleuter

Dis nou amper weer die tyd van die jaar vir daardie eerste ouer-onderwyser-gesprekke. Soos enige ma was ek ook maar ’n bietjie senuweeagtig voor die eerste een in graad een. Wat sou my kind se onderwyseres sê? Vorder Sophia soos sy moet? Speel sy mooi met die ander kinders? Doen sy haar werk? Luister sy en werk sy saam? Ná die gesprek is ek en my man darem toe heel in ons noppies uit die klas uit, en ek bel vir ouma om te spog oor haar kleinkind. So in die oorvertel besef ek toe die heel mooiste ding wat die juffrou gesê het, is dat Sophia nog ’n ware kind is, en boonop een wat haar kindheid vir haarself toeeien en beskerm. Madampie het haar nie laat ryp druk…

Ervaar gevorderde voedingsondersteuning vir swanger ma’s en hul kosbare babas. Mom2B Pregnancy Shake is propvol noodsaaklike vitamiene, minerale en voedingstowwe. Dis jou betroubare metgesel voor, tydens en ná swangerskap en sal optimale gesondheid vir julle albei voorsien. Besoek gerus mom2be.co.za. Stuur ’n foto, jou kind se naam en ouderdom, jou telefoonnommer, asook jou e-pos- en woonadres na sharing@ypbmagazine.com of WhatsApp ons by 076 433 4384.…

Ons gebruik taal om intieme verhoudings te vorm en ons ’n gevoel van sekuriteit en geborgenheid te gee. En met die taal wat ons gebruik, skep ons dus vir ons kinders ’n wêreld van geborgenheid – of soms die teenoorgestelde. Taal kan nie los staan van die optrede wat daarmee gepaardgaan nie. Hoe sê jy vir jou kind jy het haar lief? Ja, jy spreek die woorde uit: “My kind, ek het jou so lief!” Maar dis nie al nie. Jy sê dit ook deur haar vas te hou, ’n slaaptydstorie te lees, haar te versorg wanneer sy siek is, haar gesonde kos te gee, te werk sodat sy sorgeloos kan grootword, haar te ondersteun, te help met skoolwerk en raad te gee oor maatjies ... Die woorde “ek is…

ALLES IN ’N BOKS Dís nou waarde vir geld. Hierdie vier “legkaart en leer”-titels bevat drie negestuk-legkaarte en ’n kartonboek verpak in ’n kleurryke kartonboks. Elke titel hanteer ’n ander vroeë-leer-konsep en die rymende teks sorg dat leer pret is. Safari-maats: Kleure, Oseaan-maats: Syfers, Plaasmaats: Teenoorgesteldes en Dino-maats: Vorms, R200 elk, Pan Macmillan. BOEKIES VIR BINDING Wie is die oulikste, wonderlikste kind op aarde? Joune natuurlik, en die bewys is in dié twee boekies, met sagte flappies en ’n spieël aan die einde. Wie is so oulik? en Wie is my skattebol? deur Camilla Reid met illustrasies deur Nila Aye, R180, Pan Macmillan. BOLLIE KAN HELP Ontdek saam met Bollie – die vrolike blou hasie – dinge soos dae van die week, die toeknoop van sy baadjie en die herkenning…

BEVRUGTING Bevrugting vind plaas wanneer ’n sperm die volwasse eier binnedring en die twee saamsmelt om ’n sigoot te vorm. Die sigoot verdeel tussen dag vyf en sewe in baie meer selle en word ’n blastosist genoem. Die blastosist beweeg deur die buis na die baarmoeder en heg aan die baarmoederwand vas. Die buitenste selle wat aan die wand van die baarmoeder vas is, begin nou in die plasenta ontwikkel terwyl die binneste selle die embrio begin word. WEEK 5 EN 6 Teen week vyf is die embrio sowat 2 mm lank. Die meeste binneste en buitenste liggaamstelsels, organe en liggaamsdele begin vorm, waarvan die sentrale senuweestelsel een is. Die naelstring begin ontwikkel. Die ore en neus begin ook verskyn. WEEK 7 EN 8 Donker kolletjies verskyn op die “gesiggie”…

VOEL ALLES TE VEEL? Dis nie net jy nie. Volgens die South African Depression and Anxiety Group (SADAG) ervaar een uit vyf ma’s uitdagings met hul geestesgesondheid. Hier is ’n paar wenke vir tye wanneer jy oorweldig voel: ■ Sluk Natura Rescue Tablets of Drops. ■ ANKER JOUSELF. Beoefen die 5-5-5-asemhalingstegniek. Asem in vir vyf tellings, hou vir vyf tellings en asem uit vir vyf tellings. ■ SKRYF DIT NEER. Hou ’n joernaal byderhand en skryf jou gevoelens en gedagtes neer. Sluit positiewe bevestigings in, soos “ek is goed genoeg”. ■ MUSIEK VIR TAAI OOMBLIKKE. Stel ’n strelende musieklys op jou foon saam en kruip onder ’n sagte kombers weg terwyl jy luister. ■ SELFSORG. Stel jou foon om jou te herinner om water te drink, gesonde happies te eet…

E-pos jou vrae na SHARING@YPBMAGAZINE.COM Vrae kan ongelukkig nie persoonlik beantwoord word nie. ONS KENNERS Kroep V My seuntjie het in die eerste jaar van sy lewe gereeld brongiolitis gekry. Maak dit hom meer geneig tot kroep wanneer hy ouer word? Wat is kroep presies en van hoe oud af kan ’n baba dit kry? Hoekom kry jong babas dit nie? A DR. H.P. VAN DER MERWE ANTWOORD: Die Engelse woord croup het ontstaan uit ’n ou Skotse woord roup wat beteken om met ’n hees stem uit te roep. Kroep word veroorsaak deur ’n virusinfeksie wat die boonste lugwegstelsel aantas. Die infeksie laat die boonste lugweë ontsteek en swel, wat die vloei van lug kan belemmer. Die erns hang af van hoe erg die swelling in verhouding met die…

Daar is ’n paar dinge wat eers in plek moet wees voor julle die groot trek van kot na bed aandurf. Daar is nie ’n presiese afsnydatum vir hierdie mylpaal nie en ook niks daarmee verkeerd as ’n kind op drie steeds in sy kot slaap nie. Jy kan die skuif selfs heeltemal aan jou kind oorlaat – troos jou daaraan dat hy beslis nie nog in die kot sal slaap teen die tyd dat hy op die skoolbanke sit nie! EERS MOET JY MOOI BESIN OOR JOU REDES ... GOEIE REDES OM DIE SKUIF TE OORWEEG ■ Sy kot is te klein. ■ Hy begin self uit sy kot uit klim en dis gevaarlik. ■ Jul nuwe baba kom oor ’n paar maande en gaan die kot nodig hê.…

Wenk Kies elemente met interessante teksture vir ’n bykomende leer-ervaring. Laat jou kind die kleur en die tekstuur identifiseer. JY HET NODIG ■ houertjies van verskillende kleure ■ elemente in die kleure van die houertjies MAAK SÓ 1. Koop of maak houers van verskillende kleure. In die voorbeeld is gekleurde emmertjies en ook houertjies wat in verskillende kleure geverf is. 2. Vir elke houer moet daar items in dieselfde kleur wees. Ons het gekleurde roomysstokkies en tosseltjies gekies. Jy kan veelkleurige knope, gekleurde pasta (gebruik voedselkleursel) of stukkies wol en lint gebruik. 3. Gooi al die gekleurde elemente saam in ’n bak of op ’n tafel uit en laat jou kind elkeen in die korrekte houer plaas. 4. Vir ’n meer uitdagende speletjie kan verskillende skakerings van kleur ingespan word.…

JY HET NODIG ■ ½ koppie (125 ml) koeksoda■ ¼ koppie (125 ml) sitroensuur■ ¼ koppie (125 ml) Engelse sout (Epsomsout)■ ¼ koppie (125 ml) mielieblom■ 1 teelepel (5 ml) water■ 1 teelepel (5 ml) essensiële olie van jou keuse■ 3 teelepels (15 ml) sonneblom-, klapper- of olyfolie■ voedselkleursel■ goue voedselpoeier■ silikoonvormpies MAAK SÓ 1. Meng al die droë bestanddele saam. 2. Meng al die nat bestanddele in ’n aparte bak saam. 3. Voeg die nat bestanddele bietjie vir bietjie by die droë bestanddele. Meng dit elke keer versigtig voor die volgende vloeistof bygevoeg word. So keer jy dat die mengsel geaktiveer word. 4. Sprinkel goue voedselpoeier onderin silikoonvormpies. Druk die gemengde bestanddele in die holtes van die vormpies en sprinkel nog goue poeier bo-oor. 5. Laat dit oornag staan…

Jy en mamma wat saam koekies bak. Pappa wat jou – net vir jou – vir roomys uitneem. Badtyd elke aand saam met hom terwyl julle speel julle is seerowers. Saamweestyd. Een-toteen-bindingstyd. Towertye, koestertye. Daar is min dinge so kosbaar vir ’n kind as alleentyd saam met ma of pa, want dís wanneer verhoudings regtig gesmee word. Alleentyd saam met elkeen van jou kinders hou jou unieke verhouding met hulle gesond en in stand, skryf die Amerikaanse kindersielkundige dr. Kyle Pruett tereg op die webtuiste Psychology Today. Maar dis makliker gesê as gedaan: Met ’n huilende baba en ’n woelige kleuter of twee in die huis, is daar skaars tyd vir ’n koppie koffie afsluk, wat nog te sê een-tot-een aandag aan elk van jou kinders. Tog is dit juis…

KEER HONDBYTE NOG VOOR DIT GEBEUR Honde verstaan nie dat dit verkeerd is om mense te byt nie. Honde byt dikwels wanneer hulle bang is of hulself probeer beskerm. Om te keer dat ’n hond ons byt, moet ons almal verstaan: ■ Hoe ’n hond voel. ■ Hoe om bekende en vreemde honde te nader. ■ Wanneer dit veilig is om ’n hond te nader of interaksie te hê met ’n hond – en wanneer nie. HOE OM OP TE TREE RONDOM HONDE Honde wat jy ken ■ Leer jou kinders om met honde te speel wanneer die hondjies nog klein is. Doen dit ook self. Dit help om die honde te sosialiseer wat verseker dat hulle nie vir mense bang is nie, want hierdie soort spel maak hulle gewoond…

TEKENS EN SIMPTOME WAT OM TE DOEN WATERPOKKIES Waterpokkies manifesteer as ’n vlekkerige uitslag gevolg deur plat, rooi kolletjies. Dit verander in puisies, dan jeukerige blasies en uiteindelik rowe. Die kind voel nie lekker nie en kan moontlik ligte koors en hoofpyn ervaar. Verlig jeukerigheid deur koeksoda by ’n louwarm bad te voeg. Wend kalamynroom aan. Verhinder dat jou kind krap, want dit kan tot littekens en infeksie lei. Waterpokkies is ’n aanmeldbare siekte en moet aangemeld word. Jy moet dus dokter toe. MASELS Klein, wit kolletjies met ’n plat, rooi basis, gevolg deur ’n vlekkerige, rooi uitslag. Gaan gepaard met koors, rooi, tranerige oë, ’n loopneus en hoes. Parasetamolstroop verlig hoofpyn en koors. Masels is ’n aanmeldbare siekte wat gerapporteer moet word. Jy moet dus die dokter besoek. ROSEOLA…

VERTEL ONS VAN SY PERSOONLIKHEID Hy is ’n regte skat, sê sy ouma Marianna Kilian. En dis waar! Bertus is werklik ’n liefling, ’n blou-oog hartedief. Hy is mal oor buite wees en kan ure lank speel. Sy laggie is aansteeklik en hy weet net hoe om ons hart te laat smelt. Vir ’n amper tweejarige is hy beslis baie eiewys, maar ons leer baie by hom: Deur sy ogies leer ons weer hoe om spontaan en opreg te leef. WAT IS JUL DROME VIR BERTUS? My droom is dat hy altyd ander met die nodige respek, liefde en deernis sal behandel. Ek droom van ’n selfstandige seuntjie wat goeie besluite kan neem en weet waar sy krag vandaan kom. In sy hartjie behoort hy altyd te weet sy familie…

1. APPELPUREE Met al die lekker vrugte wat in die somer te kry is, bly die appels dikwels in die vrugtebak agter. Jy hoef hulle beslis nie weg te gooi nie. Skil die appels, sny in growwe stukke en maak sowat 15 minute in die stomer gaar tot sag. Gebruik jou stokmenger om die puree vir jou baba glad te maak. Laat dit afkoel en gee vir jou baba ’n porsie net so, of meng dit met jogurt of voeg dit by jou baba se pap. Jy kan die oorblywende puree vir ’n ander dag vries. Dis ook lekker saam met hoender. As jou baba al vingerkos geniet, kan jy die gestoomde stukkies appel net so gee – moenie eers fynmaak nie. 2. YSKOUE DRUIWE Vries ’n trossie druiwe oornag…

KOORS Koors is die liggaam se manier om te wys hy veg teen infeksie. Moet dus nie altyd outomaties koorsstroop gee nie – dis goed vir jou kind om dié proses te deurloop. As die koors egter bo 39 grade C styg, kan jy stroop of ’n setpil gee om die koors te verlaag. Kies parasetamol, en moet nooit aspirien vir ’n kind onder 12 gee nie. Beproef ’n parasetamolstroop soos Panado wat spesifiek vir babas of kinders ontwikkel is. Dis belangrik om jou kind se liggaamstemperatuur te beheer, veral met griep. As hy ’n hoë koors het, maak dit nie saak hoe koud dit buite is nie – trek sy klere uit en sit hom in ’n bad met louwarm water. VERKOUE Mense sê dikwels hulle het griep terwyl…

Voor jy jou oë uitvee ... is jou kind op pad universiteit toe. As jy nie weet hoe en waar om te begin spaar nie, het Old Mutual hulp. Gaan na oldmutualeducationtools.co.za en volg die vyf stappe wat jou kan help om jou kroos se toekoms te verseker. Lê en lees ’n bietjie ’N GOEIE BEGIN Breinbeginsels vir pasgebore babas deur Cozette Laubser is ’n fantastiese boek om te lees terwyl jy swanger is. (Ons dink ook nie jy gaan baie tyd hê vir lees as baba eers gebore is nie!) Skop jou skoene uit, sit agteroor en vind uit hoe belangrik swangerskap, geboorte en die eerste ses weke is as dit by baba se brein kom. Hierdie is die tydperk wanneer jy veel kan doen om die meeste te…

ON S KENNE RS Eerste trimester: 1 tot 12 weke 1. SKETE Oggendnaarheid is in die eerste 12 weke gewoonlik jou grootste vyand. Dit kan trouens 16 weke lank duur voor dit oorwaai, waarsku die Kaapstadse ginekoloog dr. J.P. du Buisson. Eet kleiner etes en eet meer gereeld, en vermy dit om vloeistof saam met jou etes te drink. As jy een van die gelukkiges is wat nie naar voel nie, sal jy dalk sekere reuke onaangenaam vind. Dit is te wyte aan jou verskerpte reuksintuig. Die kans is goed dat jy hierdie trimester baie moeg gaan voel weens hormoonveranderinge. Jou liggaam maak nou ook meer bloed om voedingstowwe aan jou nuwe kleinding te voorsien. Nog skete sluit in seer borste en ’n aanhoudende behoefte om te urineer. Jou groter…

E-pos jou vrae na SHARING@YPBMAGAZINE.COM Vrae kan ongelukkig nie persoonlik beantwoord word nie. ONS KENNERS Geboorte-goggas V Ek is tans 13 weke swanger en beplan om natuurlik te kraam. Ek het gehoor dat die goeie bakterieë in die geboortekanaal ’n baie goeie invloed op my baba se immuunstelsel kan hê. Is daar iets wat ek nou al kan doen om te verseker dat ek genoeg daarvan aan my baba oordra? A ANEL KIRSTEN ANTWOORD: Die hoeveelheid en gehalte van die bakterieë in jou geboortekanaal word beïnvloed deur stres, dieet, oefening, probiotikaaanvullings, antibiotika en of jy rook terwyl jy swanger is. Dié faktore het ook ’n invloed op die verskeidenheid bakterieë waaraan jou baba met geboorte blootgestel word. ■ Vesel fermenteer in die dikderm en produseer neweprodukte wat dien as ’n…

E-pos jou vrae na SHARING@YPBMAGAZINE.COM Vrae kan ongelukkig nie persoonlik beantwoord word nie. ONS KENNER V Ek is ’n eerstekeer-mamma en my baba is pas gebore. Ek weet nie of alle nuwe ma’s so voel nie, maar ek kan my nie indink dat ek met hierdie babatjie iewers heen moet gaan nie. Ek is so bang hy word siek of kom iets oor. Is dit normaal? Wanneer moet ek die eerste uitstappie aanpak? A LENMARIE ANTWOORD: Nuwe ma’s het altyd baie vrese – moenie bekommerd wees nie, jy is nie alleen nie! Ja, jou nuwe babatjie is klein, maar hy is nie so broos soos jy dink nie. Baie ma’s voel dikwels paniekerig as hulle hul baba hoor huil, en jy sal nie altyd weet waarom jou baba huil nie.…

DIE BESTE TYD VAN DIE DAG Die beste tyd om jou baba haar eerste vaste maaltyd te gee, is in die oggend. Babas het soms ’n allergiese reaksie op kos. As jy haar saans voed en sy allergies reageer, gaan sy waarskynlik in die middel van die nag siek begin voel. Dis beter vir jou as jy nie tweeuur die oggend met ’n knieserige baba hoef te sukkel terwyl jy doodmoeg en half aan die slaap is nie. Kies ook ’n tyd wanneer baba nie moeg, olik of koliekerig is nie. Vroeg in die dag is jy en sy albei meer ontspanne, energiek en vrolik – en gereed vir die groot stap. Gee jou baba se eerste maaltyd wanneer sy nie té honger is nie. Ja, jy het reg gehoor:…

Jou baba neem die lepeltjie in sy hand om hom self te voer, bring dit na sy gesig … en sjoef! Daar beland die pap oor sy hare en in sy oor. Hy het so hard probeer, so vreeslik gekonsentreer, maar duidelik is sy motoriese vaardighede nog nie so ontwikkel dat hy die lepeltjie presies na sy mond kan bring waar dit behoort te wees nie. Net ’n paar maande later sit hy op die vloer en speel en skielik tel hy ’n ryskorreltjie perfek tussen sy duim en voorvinger op en hou dit triomfantelik omhoog! Binne net ’n paar weke het sy motoriese vaardighede verstommend verbeter en het hy een van die grootste mylpale in sy lewe bereik. Dis merkwaardige ontwikkeling. In elke kind is ’n “meesterplan” ingebou wat…

TE DRINKE NuMuti is ’n nuwe plaaslike drankie wat kanna (Sceletium) as bestanddeel inspan. Kanna word al duisende jare gebruik om kalmte, fokus en ’n beter bui aan te help. Daar is drie opsies wat met verskillende botaniese bestanddele gemeng word. ■ UNWIND Lekker om saans te drink ná ’n holderstebolder dag ■ THRIVE As jy kafeïen wil vermy, maar nog steeds ’n hupstoot soek ■ VIBE Verbeter jou bui en sommer jou selfvertroue ook Te kry by numuti.co.za en uitgesoekte takke van Checkers, Wellness Warehouse, Vida e Caffè en Faithful to Nature. TE ETE Matomani het twee nuwe voedingstafies wat mopaniewurms as bestanddeel inspan. Dis organies, gesond en ryk aan proteïen, met min impak op die omgewing. ■ ENERGISE BAR (30 G) PRE-WORKOUT Ideaal vir atlete en fiksheidsgeesdriftiges voor…

31% van Suid-Afrikaners besit minder as 10 boeke. 67% besit minder as 50 boeke. 17,4% besit meer as 100 boeke. Dorette Louw, direkteur by Book Dash, wat al 4,5 miljoen boeke in Suid-Afrika in verskeie tale versprei het, sê die oorgrote meerderheid ouers stem saam dat voorlees met leer kan help, maar “ongelukkig lees slegs sowat ’n derde van ouers vir hulle kinders jonger as ses jaar oud voor”. Om gedrukte boeke in die huis te hê, dien as aanmoediging om te lees – baie meer as wat ’n digitale boek of boeke by die skool dit doen. Boonop is dit al oor en oor bewys dat leermateriaal wat op papier gedruk is, beter begryp en onthou word as digitale inligting. Dis veral waar vir kinders se ontwikkelende breine. 2…

ERNS GRUNDLING IS ’N JOERNALIS, SKRYWER EN TV-VERVAARDIGER. HY IS MEDEVERVAARDIGER VAN DIE KYKNET-LEEFSTYLPROGRAM ELDERS. "MY WENS IS OM ’N VEILIGE RUIMTE VAN VERTROUE TE SKEP WAARBINNE JULLE DIE VRYMOEDIGHEID SAL HÊ OM TE DEEL, OM VIR ONS BETYDS TE SÊ AS DIE BINNEBLOUKOLLE DIE OORHAND BEGIN KRY OF DIE OU SWART HOND AAN JULLE ENKELS HAP." Liefste Seuntjie-seuns, Ek skryf hierdie brief vir julle op ’n vlug sowat 10 000 voet bo moederaarde, tussen Johannesburg en Kaapstad. Nog vroeg op die vlug, aan die verkeerde kant van Welkom. Verkeerd, want dit is ver weg van julle. Drie dae gelede het ek julle haastig gegroet by die kombuisdeur, in julle ma Catharien se arms. Gelukkig is ek nou weer onderweg na ons huis in Kenridge, my veilige hawe en die…

Noodsituasies kan angswekkend wees, veral as babas of jong kinders betrokke is. Die beste is om so kalm as moontlik te probeer bly en dié belangrike stappe te onthou: een As jy vermoed jou kind het gif ingekry, neem haar hospitaal toe. twee As jy dink sy het ernstige beserings opgedoen, moet jy haar nie skuif nie, tensy sy in verdere gevaar verkeer. Hou haar warm en gemaklik en wag vir hulp om op te daag. drie Maak seker dat jy bekend is met die basiese KPR-stappe (sien bladsy 24 tot 27 vir instruksies). vier Hou jou gesin se basiese gesondheidsinligting byderhand. Hou ’n rekord van jou kinders se geboortedatums, immunisasies en enige belangrike mediese geskiedenis op ’n veilige, toeganklike plek, ingeval daar ’n noodsituasie ontstaan. Die paramedici sal soveel…

1 ANAFILAKSE (’N ALLERGIESE REAKSIE) Anafilaktiese skok is ’n erge teenreaksie wat die hele liggaam affekteer op ’n stof soos sekere kossoorte (grondboontjies), ’n bysteek of medikasie. Anafilakse tree onmiddellik ná blootstelling aan ’n allergeen in. Dis ernstig en betrek die hele liggaam. Dit is vreesaanjaend en vereis dadelik optrede. Oorsake ■ Kos Grondboontjies is gereeld die sondebok wanneer dit met kinders gebeur. Selfs ’n titseltjie daarvan kan anafilakse by iemand wat allergies is daarvoor, veroorsaak. Ander kossoorte wat ’n allergiese reaksie kan laat opvlam is vis, skulpvis, vrugte en sekere speserye, voedselkleursel en bymiddels. ■ Insekbyte en -steke van bye, perdebye en jellievisse. ■ Medikasie Spesifieke medisyne soos penisillien, verdowingsmiddels en pynstillers. Tekens en simptome Die simptome ontwikkel vinnig, dikwels binne sekondes, en kan insluit: ■ Angstigheid. ■ Buikpyn. ■…

"’n Ma se hand vee hare uit jou oë, trane van jou wang af en seer uit jou hart." WENBRIEF LIEFSTE TIAAN SE RUIMTE-PARTYTJIE Tiaan (5) is baie lief vir die ruimte en ons staan gereeld op die stoep en kyk uit vir die satelliete. Hy wou baie graag ’n ruimte-partytjie gehad het en dié mamma wou sy hartjie bly maak. Ek het weggespring en begin reël. Ek is altyd in die sewende hemel as ek ’n partytjie aanmekaarsit. Hy wou baie graag gehad het die ruimteman moes hom en sy maats kom haal het … Ek het vir elkeen ’n ruimtevuurpyl met bottels gemaak om agterop hul rug te plaas om te voel hulle gaan ruimte toe. ’n Klomp planete teen ’n blou muur het hulle die gevoel van…

Deel met ons As jy wil hê jou kinder- of ooievaarspartytjie moet op hierdie blad verskyn, stuur gerus ’n e-pos met foto’s van ’n goeie gehalte en ’n kort beskrywing van die partytjie na sharing@ypbmagazine.com Puffcorn of kiepie-mielies is sagte springmielies vir die heel kleintjies wat dalk met harder springmielies kan sukkel.…

Voel jy soms of jy in sewe verskillende rigtings gelyk rondgepluk word? Waar gaan jy ooit weer die tyd kry om in beheer van jou bestaan te kom? Hier is 20 maniere waarop jy jou lewe ’n klein bietjie eenvoudiger kan maak. Onthou, ’n klomp klein verbeterinkies vorm saam ’n groot verbetering. 1 BEPLAN VOORUIT. Probeer dit vermy om drie verskillende togte na die winkelsentrum, die apteek en die vulstasie te onderneem. En as jy weet jy moet iemand vra om Boetman Woensdag by sy skooltjie te gaan haal, moenie wag tot Dinsdagaand voor jy ’n gewillige Samaritaan begin soek nie. 2 LEER JOU KINDERS VAN KLEINS AF OM SELF OP TE RUIM. Opruim kan ’n bietjie opwindender wees as jy ’n kombuishorlosie gebruik en die japsnoete uitdaag om met die horlosie…

WAT IS DIT? Daar word elke jaar ’n seisoengriep-entstof ontwikkel om jou en jou gesin teen die algemeenste griepstamme van daardie jaar te beskerm. HOE WERK DIT? Die entstof bevat ’n klein hoeveelheid onaktiewe bestanddele van die griepvirus. Dis nie sterk genoeg om jou griep te gee nie, maar sterk genoeg dat jou lyf dit vir ’n griepvirus aansien en teenliggaampies vorm. Dié teenliggaampies raak dan ontslae van die ware virus sodra hy hom aanmeld. WAAR KRY EK DIT? By jou dokter of apteek. WAT IS DIE BESTE TYD OM DIE GRIEPINENTING TE KRY? Voor die griepseisoen afskop. Hou die media dop om te sien wanneer dit beskikbaar is – dis gewoonlik in Maart. Jy kan dit egter enige tyd in die winter kry. IS DIT VEILIG VIR ALMAL? Griepinentings…

Daar is al meer as ’n dekade gelede bewys dat oefening terwyl jy swanger is jou fiksheid bevorder en jou gewigstoename in toom hou. Kortom, daar is oneindige voordele aan verbonde om te oefen terwyl jy swanger is, sê dr. Etti Barsky, ’n Johannesburgse huisarts met ’n meestersgraad in sportgeneeskunde. Sy spesialiseer in oefening tydens swangerskap. Die regte soort oefening het baie positiewe gevolge, soos minder rugpyn (iets waaraan tot 60 persent van swanger vroue ly), beter slaap en ’n korter tweede stadium van kraam. ’n Laer risiko vir postnatale depressie is ook aangeteken by vroue wat gereeld in hul swangerskap geoefen het. Oefening sorg boonop dat jy ná die bevalling vinniger herstel, sê Michaela Jones, ’n fisioterapeut met ’n spesiale belangstelling in vrouegesondheid. Ook jou ongebore baba vind baat,…

Sorgsaam toegevou en beskut in ’n beskermende holte sit hierdie magtige en kragtige, maar terselfdertyd weerlose orgaan: die brein; in baie opsigte die meesterstuk van die Skepping. Want hoewel baie mense geneig is om aan die brein te dink as net die setel van verstand, is dit veel meer. Jou kind se brein beheer sy hele lewe: van sy emosies tot sy motoriese vaardighede, taalontwikkeling, verbeelding en sosiale vaardighede. Jou kind se brein bestaan uit baie verskillende dele, elk met sy eie funksies. By die meeste mense is die linkerkant van die grootbrein verantwoordelik vir taalvermoë (skryf en praat) en positiewe emosies soos vreugde. Die regterkant beheer weer ruimtelike vermoë (om ’n kaart te lees, afstand te skat en vorms te herken) sowel as negatiewe emosies. Die regterkant van die…

E-pos jou vrae na SHARING@YPBMAGAZINE.COM Vrae kan ongelukkig nie persoonlik beantwoord word nie. ONS KENNERS "SKEP ONAFHANKLIKE TYD VIR JOU KINDERS.OUERS HOEF NIE HEELTYD DAAR TE WEES EN HULLE TE VERMAAK NIE." BANG EK SKEEP KINDERS AF V Ek is ’n werkende ma van twee kinders van een en vyf jaar oud. Ek is so bang ek skeep een af of trek een voor. Wat kan ek doen om te verseker albei my kinders voel gelief en veilig? A LENMARIE STANTON ANTWOORD: Jul situasie is baie algemeen en ouers wonder dikwels of al hul kinders hul regverdige deel van mamma en pappa se tyd kry. Babas en kleuters wat veilig gebind voel, sal dit duidelik wys. As jy op pad werk toe is, sal ’n geborge kind sigbaar omgekrap wees…

Jou kind se graad 0-jaar is ’n baie belangrike oefentyd vir selfhelpvaardighede wat volgende jaar as vanselfsprekend beskou sal word. Dit maak haar doelgerig gereed vir die akademiese uitdagings wat in graad 1 wag. En jou ondersteuning kan haar daardie hupstoot gee wat dit maklik maak! Graad 0 is die jaar waarin jou kind leer om selfstandig te word, maar die opset is nog nie so formeel soos in graad 1 nie. Jou kind sal baie geleentheid kry om te speel en te beweeg, maar die jaar het beslis ook spesifieke doelwitte wat bereik moet word. Jou kind sal geassesseer word volgens ’n nasionale kurrikulum en sal punte kry. Deur die jaar vind daar geleidelike begeleiding plaas om haar gereed te maak vir graad 1. Sy móét sekere takies leer…

Wie van ons ken nie hierdie toneel nie: Die kleinspan het tot laataand gespeel en rondgehardloop en nou sukkel jy met ’n kind wat nie sy ogies kan oopkry om betyds vir skool gereed te maak nie. “Jare se werk met ouers wie se kinders moeilike gedrag openbaar, het my oortuig dat die eintlike oorsaak van die gedrag ’n gebrek aan slaap is,” sê Mary Sheedy Kurcinka, ’n Amerikaanse opvoedkundige en skrywer van die boek Sleepless in America: Is Your Child Misbehaving or Missing Sleep? “Wanneer ouers eers die verband tussen slaap en gedrag raaksien en die simptome van te min slaap in hul kinders herken, kan hulle stappe doen om die ontwrigte gesinslewe dramaties te verbeter,” sê sy. DIE GRONDREËLS VAN GOEIE SLAAP Om diep en ontspanne te kan…

Nuwe ouers se leerkurwe is enorm! My kinders is byna oud genoeg om die nessie te verlaat, maar die kurwe plat nog steeds nie af nie. Ek sal seker maar altyd oor hulle gesondheid en veiligheid bekommerd wees, veral noudat hulle begin bestuur het. Dit maak nie saak hoe paraat jy is nie, jou kinders sal soms siek word en hulle sal soms ongelukkies en einas oorkom wat jy meestal beter kan soen. Dis deel van grootword. Ouers kan egter beslis ’n verskil maak deur hulself te bewapen teen ernstige beserings en reperkussies van siektes deur beskermende en voorkomende aksie te neem en deur te weet wat om in ’n noodgeval te doen. Net sodat jy weet... koors en valle het ’n manier om op die mees ongeleë tye en…

Die voorbereiding vir jou nuweling se koms het nege maande geduur. Jy is nou ’n ouer en jou wêreld word op sy kop gekeer. Jou doelwit is om jou baba veilig en gesond te hou. Dit begin wanneer julle die hospitaal verlaat om huis toe te gaan en daarvoor het jy ’n motorstoeltjie nodig. KIES ’N MOTORSTOELTJIE Babas word veral blootgestel aan beserings aan die kop en spinale koord omdat hul bene en ligamente nog aan die ontwikkel is. ’n Baba se kop is proporsioneel groter as die nek, sodat die strukturele ondersteuningstelsel nog ’n bietjie wankelrig is. Daar is twee soorte motorstoeltjies wat elk spesifieke vereistes het vir behoorlike installasie. Wanneer jy ’n stoeltjie kies, onthou dat jou baba se kop en nek die grootste risiko dra, maar dat…

Dis nie altyd maklik om te besluit of jy jou kind dokter, of selfs noodeenheid, toe moet neem nie – veral nie as simptome snags ontwikkel nie. Die reël is: hoe jonger jou baba, hoe dringender moet jy mediese sorg soek. Babas se gesondheid kan vinnig agteruitgaan, dus moet jy liewers veilig speel. Soos jou kind grootword, sal jy meer ervare raak om hom self te monitor, sy skete en pyne te behandel en meer geneig wees om self ’n oog oor hom te hou en te kyk of dinge verbeter. Wat ook al jou kind se ouderdom, vertrou jou instink. Jy kan liefs agterna besef jy was onnodig besorgd. Moenie uitstel omdat jy nie jou dokter met ’n onbenulligheid wil pla nie. KOORS Liggaamstemperatuur wissel deur die loop van…