Innholdsfortegnelse for June - September 2022 i Baba & Kleuter

Geniet die bederf Ons bederf julle vandeesmaand met allerhande geskenkies in die sakkie, asook ’n gratis bylae oor skoolgereedheid, Mik Hoog. Dit sal jou help om jou kleuter sonder stres vir jou of hulle op die groot skool te begin voorberei. Dis propvol praktiese raad wat geen spesiale toerusting of tegnieke verg nie – alles is in en om die huis te vind. Die hoofboodskap is dat jy jou kind betrokke moet maak by jul gesinslewe waar jy kan, want vir sulke kleintjies is absoluut alles ’n leergeleentheid. ’n Reusagtige dankie aan die borg van die boekie, Gummy Vites. Dis vir my ’n riem onder die hart dat Gummy Vites in die krag van die Afrikaanse media glo en ons (en julle!) ondersteun. Dit was ’n plesier om met ’n…

WENNER 1 Die wenner (seuntjie) was op die voorblad van Your Pregnancy & Baby February & March 2022. WENNER 2 Die wenner (seuntjie) was op Baba & Kleuter se vorige voorblad. WENNER 3 ‘n Pasgeborene is op die voorblad van Your Pregnancy & Baby June & July 2022. WENNER 4 Die pasgeborene wenner is op die voorblad van Baba & Kleuter Junie-September 2022. WENNER 5 Die wenner (dogtertjie) verskyn op die voorblad van Your Pregnancy & Baby October & November. WENNER 6 Die wenner (dogtertjie) verskyn op die voorblad van Baba & Kleuter Oktober 2022-Januarie 2023. ONS IS AANLYN! Sosiale media Volg ons op sosiale media vir gereelde nuus oor #coverstarsearch Vir die volledige bepalings en voorwaardes, blaai na bl. 96.…

@elisma_loftus “Ek gaan gholf speel” is maar net ’n veiliger manier om te sê “ek gaan saam met die mans drink” #wifelife #golflover @koekemakranka_dot_net Maak nie saak hoe jy jou mawees-titel bekom het nie; jou onvoorwaardelike liefde is die pleister vir teleurstelling en hartseer. Jy’s soos ’n pannekoek op reënerige dae. Jy’s die speed dial vir noodgevalle. Die hoop. Die anker. Die toevlug. @rolandamarais It is an honour and a privilege to be a mom. This little soul chose me out of everyone. To guide me and teach me. Pushing me to my utmost limit but also filling my cup with so much love and joy. Ek sien so uit na ons journey saam op hierdie planeet. My mensie wat my ’n mamma gemaak het. I have so much love…

Wys vir ons As jy wil hê jou kinder- of ooievaarspartytjie moet op hierdie blad verskyn, stuur gerus ’n e-pos met foto’s van ’n goeie gehalte en ’n kort beskrywing van die partytjie na sharing@ ypbmagazine.com.…

Die hele eerste ding wat julle as gesin moet doen om jul kanse op ’n gesonde winter sommer baie te verbeter, is om ’n griepinspuiting te kry. Gegewe dat die meeste van ons die laaste twee jaar van mekaar weggekruip het, is ons immuunstelsel minder as gewoonlik uitgedaag, want ons is minder as gewoonlik aan mekaar se kieme blootgestel. Dit beteken dat ons almal waarskynlik deesdae swakker immuniteit het as in 2019. En griep is nie grappies nie – dit kan ’n mens erg plattrek. Veral swanger vroue en die jongstes in die huis kan kwaai deurloop. HIER’S WAT JY OOR DIE SPUIT MOET WEET Die liggaam se weerstand teen griep kan beslis ’n hupstoot gegee word met ’n griepinspuiting, sê prof. Jacques Snyman, kliniese raadgewer vir die mediese skema…

Jou lippe en hande kondig gewoonlik die koms van die winter heel eerste aan, veral in die dele van ons land wat nie winterreën kry nie. Hier’s jou produkplan: 1 Nuxe se Very Rose Lipbalm smelt saggies in jou lippe in en die reuk is eenvoudig hemels. Dit kos R265 vir ’n potjie van 15 g. Al die bestanddele is volkome natuurlik. Koop by orleanscosmetics.co.za. 2 Burt’s Bees se Almond & Milk Hand Cream met byewas en ander natuurlike bestanddele is nog ’n room wat jy vir ewig gaan gebruik as jy dit eers ontdek het. Dit kos R200 vir ’n potjie van 57 g by Takealot en Dis-Chem.…

John Braxton Hicks was ’n Britse dokter wat in die 19de eeu in verloskunde gespesialiseer het. In 1872 het hy agtergekom dat vroue pynlose sametrekkings kry wat hulle met kraam verwar en dat dit gereeld gedurende swangerskap kan voorkom en vroeg al kan begin. Hy het dit toe die Braxton Hicks-sametrekkings gedoop. Namate jy die einde van jou eerste trimester nader (wanneer jy tussen 10 en 12 weke swanger is), kan jy dalk al af en toe voel dat jou maag verstyf. Dit word veroorsaak deur die hormoon estrogeen, en ook deur die baarmoeder wat rek. Verbeel jou hierdie sametrekkings is “babadrukkies” en beskou dit as ’n bevestiging van jou swangerskap en dat jou liggaam al klaar sekere belangrike strukturele veranderings maak ter voorbereiding van die geboorte. Braxton Hicks-kontraksies kom…

NAARHEID Byna die helfte van alle swanger vroue beleef naarheid, veral soggens. Vroue met ’n tekort aan sekere voedingstowwe is meer geneig tot naarheid, hoewel swangerskapsverwante hormone die eintlike sondaars is. Dié hormone skiet die hoogte in gedurende week nege en 10 van jou swangerskap en dis wanneer vroue op hul slegste voel. Onthou, naarheid kan ook jou liggaam se manier wees om ontslae te raak van gifstowwe. Troos jou daaraan dat die meeste gevalle van mislikheid net in die eerste trimester voorkom. RAAD ■ Eet gesonde kos waarvan jy hou. As jy nooit ’n Brusselse spruitjie oor jou lippe kon kry nie, is die kans skraal dat jy nou daaraan gaan smul. Eet gereeld, want dit laat jou bloedsuiker stabiliseer. ■ Vroue het meer vitamien B6 en B12 , foliensuur, yster…

Die borste wat jy so goed ken, sou in jou swangerskap al begin verander het namate jou lyf regmaak om die baba wat kom te voed. Nou is baba hier, en jou borste het omtrent ’n lewe van hul eie. Verstaan jou borste beter sodat jy beter vir jou melkfabriek kan sorg ... HORMONE OP HOL Die twee hoofhormone in jou liggaam wat melkproduksie en -afskeiding beïnvloed, is prolaktien en oksitosien. Albei hormone word vervaardig deur die pituïtêre klier (ook bekend as die hipofise), ’n klier so groot soos ’n ertjie aan die onderkant van die skedel. Die voorste lob van die hipofise stel prolaktien in die bloedstroom vry en die agterste lob oksitosien. Prolaktien is die hormoon wat aanvanklik die melkkliere stimuleer om borsmelk te maak. Jou melkvlak wissel…

VIR BOUDJIES, VIR ALLES, VIR EWIG Sudocrem is natuurlik ’n uitstekende boudjiesalf, maar dis ook ’n algemene staatmakerproduk vir alles en nog wat. Vir kleuters kan jy dit gebruik op enige stamp, skraap of ander eina. As jou kinders ekseem of aknee opdoen, is dit ook ’n nuttige behandeling, en selfs ligte brandwonde kan daarmee gestreel word. In strawwe winterweer sal Sudocrem bevogtig, streel en beskerm. En as dit by ouma en oupa kom, kan dit gebruik word vir bedsere en wintertone. SO SAG SOOS ’N PYNAPPEL Nee, regtig! Candy Androliakos, ’n skoonheidsterapeut van Bathurst in die Oos-Kaap, het ’n manier gevind om pynappelblare in ’n sagte katoenagtige stof te verweef. Haar reeks pynappelprodukte heet Leafline en sluit in doeke en borsdoekies, met ’n binnevoering van die pynappelstof. Die produkte…

Julle het baba nommer twee mooi be-plan sodat ouboet darem al ’n mate van onafhanklikheid sou hê teen die tyd dat kleinsus gebore word, maar nou voel dit of jy twee babas in die huis het. Ouboet wil skielik net bottel drink en babataal praat. HOEKOM GEBEUR DIT? Wanneer ’n ouer kind soos ’n jonger en meer afhanklike kind begin optree, word dit regressie genoem. Dis heel algemeen by peuters en jong kinders, sê Sarah van Olst, ’n Johannesburgse sielkundige met ’n spesiale belangstelling in kinders. “Dis hoe jou kind jou vertel dat sy koestering nodig het,” verduidelik sy. Regressie na babagedrag kom meestal voor wanneer ’n nuwe baba sy opwagting maak, maar daar kan ander redes ook wees waarom jou kind die een dag trots daarop is om ’n…

Ontbytgraan is min moeite en kinders hou meestal baie daarvan, maar die meeste ontbytgrane bevat nie naastenby genoeg vesel nie (al sê die pak dis veselryk) en is propvol suiker. Selfs as jou kind dié wat wel genoeg vesel bevat saam met melk eet, is dit dikwels nie ’n goed gebalanseerde gereg nie, want kinders los baie van die melk in hul papbakkies oor. Soek ’n heelgraanpap en vergelyk bestanddele tot jy die gesondste opsie gevind het. “Gee ’n bykomende porsie suiwel en vrugte as ’n bykomende bron van vesel. Jy kan ook ontbytgrane met mekaar meng,” sê die dieetkundige Jeske Wellmann.…

V Ek is so bekommerd. Ek het my dogtertjie nou al drie keer gevang dat sy met vriende se kind dokter-dokter speel. Die ander dogtertjie se broekie was die eerste keer af en die ander twee keer was my kind se broekie af. Hulle is pas vyf. Ek weet nie wat presies hulle gedoen het nie. Ek het die eerste keer mooi oor privaatheid verduidelik, maar die boodskap het duidelik nie deurgedring nie. Hoe hanteer ek dit? Ek het ook nog nie vir die ander ma laat weet nie, maar ek voel ek moet. Ek is lus om die vriendskap te beëindig – of oorreageer ek? A MADELEIN ANTWOORD: Om onkant betrap te word deur jong kinders se selfverkenning en nuuskierigheid oor liggaamsdele en seksuele kwessies is een van die…

WAT IS JUL WENSE VIR JOHAN SE TOEKOMS? Ons hoop is dat die Here hom sal lei om die pad te volg wat Hy vir hom beplan het. Dit sal vir my en sy pa, Adriaan, ’n voorreg wees as hy deel in dieselfde passie vir boerdery as sy pa en oupa. Die belangrikste bly egter dat hy gelukkig is en weet dat hy by ons altyd ’n veilige vesting, ondersteuning en liefde in oorvloed sal hê. BOERDERY IS IN SY BLOED, NÈ? Ja, ons boer op ’n plaas net buite Naboomspruit (Mookgophong) saam met ouma en oupa Pont, wat al 32 jaar in die omgewing boer. Johan is hul eerste kleinkind en ook my ouers se eerste kleinkind. SY NAAM EN VAN DRA BETEKENIS. VERTEL ’N BIETJIE. Ons is…

WYS VIR ONS As jy wil hê jou kinder- of ooievaarspartytjie moet op hierdie blad verskyn, stuur gerus ’n e-pos met foto’s van ’n goeie gehalte en ’n kort beskrywing van die partytjie na sharing@ ypbmagazine.com…

Zinplex Junior-stroop met bygevoegde vitamien D3 is ’n immuunversterker wat ook sink, selenium en vitamien C bevat. Sink is ’n noodsaaklike mineraal wat kinders se immuunfunksie ondersteun en kan die voorkoms van boonstelugweg-infeksies, verkoue, griep, diarree en velverwante toestande verminder. Selenium en vita-mien Cis kragtige antioksidante wat met algehele gesondheid help. Vitamien D3 help om bene en tande sterk te maak en versterk die immuunstelsel. Dit kan die voorkoms van virusinfeksies verminder. Die stroop het ’n bessiegeur, is suikervry en kan vanaf drie maande oud gebruik word. Dit word deur dokters aanbeveel en het ’n Nappi-kode, wat beteken dat jy dit van jou mediese spaarplan kan terugeis. Dis geskik vir kinders vanaf drie maande oud of soos deur jou dokter voorgeskryf. Te kry by alle goeie apteke teen sowat R63. Hou…

Jy ignoreer jou vriende se pogings om te kom kuier om die nuwe baba te sien, jy dink nét aan slaap, en jy voel paniekerig elke keer as die baba ’n geluid maak. Jy kan jou man amper nie in die oë kyk nie, want jy’s bang vir wat jy daar gaan sien: Jy is ’n slegte ma. Jy verwyt jou dat jy nie oorloop van liefde nie. Dalk is dit beter as iemand anders maar net die baba van jou wegneem, al sal dit jou hart breek. Liewe leser, jy het postnatale depressie. Dis nie ’n skande nie, dis nie jou skuld nie, en dis eintlik baie algemeen. Moenie alleen en in stilte ly nie. Daar is drie soorte gemoedsversteuring waaraan vroue kan ly ná die geboorte van hul…

Moenie jou bene ignoreer net omdat jy hulle nie meer oor jou boep kan sien nie! ’n Mens dra in die laaste trimester swaar en hoe sterker jou bene, hoe beter gaan jy voel. Onthou, jy gaan ook jou baba moet kan ronddra en sterk bene gaan beslis help met die stamina wat jy as nuwe ma nodig sal hê. Beenoefeninge help ook om swangerskapskete te verlig. Baie swanger vroue kry rugpyn en sterk bene kan ’n bietjie van die las van jou rug wegneem. Beenoefeninge help daarby om jou bloedsomloop te verbeter, wat jou teen swangerskapskwale soos spatare en beenkrampe help beskerm. Die drie eenvoudige oefeninge wat ons hier wys, is bedoel om jou daaraan gewoond te maak om jou bene eerder as jou rug te gebruik wanneer jy…

Teen ses weke oud is die ontmoetingstyd verby, julle en baba is al taamlik aangepas ná sy koms en hy het nie meer “pasgebore” status nie. Dit maak dus sin om nou by die pediater aan te klop om seker te maak dat julle op die regte koers is en dat baba floreer. Die sesweke-ondersoek is ’n baie belangrike deel van jou baba se gesondheidsorg, sê die Kaapstadse pediater dr. Kathy Krige. “Dis dan dat die dokter na jou baba se groei en ontwikkeling kyk. As iets fout is, kan dit dus so vroeg as moontlik aandag geniet. Iets wat vroeg genoeg opgelet word, kan dikwels makliker reggestel of verbeter word.” Die eerste deel van die afspraak behels gewoonlik ’n gesprek met vrae deur die pediater, gesondheidsraad en die beantwoord…

Stokke se Sleepi Mini is die perfekte eerste bed vir jou baba. Dit kan verstel word namate jou baba groei en jul behoeftes verander. Dis geskik vir pasgeborenes tot tienjariges. Die ontwerp sorg vir goeie lugsirkulasie. Die wiele sluit en die hoogte van die matras is verstelbaar. Wanneer jou kind oud genoeg is, kant die sykant verwyder word. Dis maklik om die voorkoms met beddegoed en toebehore te verander. Dit kos vanaf R9 999 en is beskikbaar in natuurlik, wit, mentgroen en misgrys. Gaan na bornfabulous.co.za om te koop of om winkels met voorraad te vind.…

NUK se Nature Sense-dubbele elektriese borspomp het 16 opsies vir ritme en suigsterkte, ’n geheuefunksie vir jou gunsteling-verstellings, ’n herlaaibare battery wat vir drie sessies van 30 minute sorg en nog baie ander eienskappe. Die boks sluit ’n rits toebehore in. R5 699,99 by Baby City, Babies R Us, Dis-Chem, takealot.com en NUK.co.za. Carriwell se soomlose verstelbare bra is so gemaklik dat selfs mense wat nie borsvoed nie, dit dra. R490 by Baby City, Babies R Us, Dis-Chem, takealot.com, Woolworths en Clicks. Medela se weggooibare borsdoekies is besonder absorberend en bied dus vir lank beskerming – bedags of snags wanneer jy slaap. Die sagte voering sorg daarvoor dat jy gemaklik is en die spesiale vorm pas by jou bors aan. R149 vir ’n pak van 60 by Dis-Chem, Baby City…

KRUIP Moedig jou baba aan om te kruip – dit gebeur gewoonlik tussen nege maande en ’n jaar oud. Die oorkruisbeweging van kruip speel ’n belangrike rol in die ontwikkeling van jou baba se breinpaadjies en terselfdertyd ontwikkel jou kleinding se fyn motoriese vaardighede, leer hy van verskillende teksture en word sy rug-, skouer- en nekspiere sterker. Moet dus nie haastig wees om hierdie fase verby te kry nie. Hier’s ’n paar idees om hom aan die kruip te kry: SPEELGOEDPRIKKEL Plaas baba op sy magie en sit ’n speelding net ’n entjie buite sy bereik neer. Jy kan ook ’n opgerolde handdoek onder sy arms indruk om hom te help om sy bolyfie te lig. BOKS-BOKS Laat jou baba op sy ruggie lê en met sy handjies aan jou…

1. GEE BAIE LIEFDE In sy eerste drie lewensmaande is daar geen beter stimulasie vir ’n baba as sy ouers se liefdevolle aanraking en teenwoordigheid, hul bewegings, reuk, stem-me en gesigte nie. Jy kan jou baba se breinontwikkeling aanhelp deur liefdevol op sy behoeftes te reageer. Juis daarom kan dit baie help as jy jou kleinding se lyftaal goed kan lees. “Babas kan in die eerste ses maande nie bederf word nie – tel hulle gerus op, troetel en troos, want dit help ook die brein om te ontwikkel,” sê die verplegingswetenskaplike prof. Welma Lubbe. 2. SLAAP Soos elke nuwe ouer gou agterkom, verskil ’n pasgebore baba se slaappatroon radikaal van dié van ’n volwassene. Voltermynbabas slaap in die eerste paar maande gemiddeld 16 uur per dag, sê Welma. Hulle…

• OORLAAI HOM MET LIEFDE Wys hom dat hy nie soos ’n baba hoef op te tree om jou aandag te kry nie. As daar ’n nuwe baba in die huis is, sorg dat jy alleentyd met jou peuter deurbring. Skeduleer dit sodat jy nie vergeet nie. Jy kan hom ook belangrik laat voel deur te vra dat hy met die baba help. Hy kan byvoorbeeld doeke aangee of help om baba ná badtyd af te droog, maar moet hom nie dwing as hy nie belangstel nie. • LUISTER NA HOM Verseker hom opnuut dat jy weet hy is nou net ’n speel-speel-baba en nie ’n regte een nie. Sê: “Dis lekker om partykeer soos ’n baba te wees, maar mamma is altyd lief vir jou – ook wanneer jy…

• Moedig jou kleuter aan om te deel, maar moenie met haar daaroor raas nie. • Moenie so ’n bohaai maak dat jou kind hope negatiewe aandag kry nie – dit sal die gedrag versterk. • Ignoreer waar moontlik die “dis myne”-gedrag en probeer om nie altyd tussenbeide te tree nie, anders word die gedrag ook negatief versterk. • Lei die kleuter se aandag af en wys haar iets anders wat haar ook sal interesseer. • Indien twee of drie kleuters gereeld saamspeel, kan die ouers ooreenkom om min of meer dieselfde speelgoed aan te skaf of saam te bring. • Kinders leer gewoonlik makliker wanneer iets ’n speletjie is, soos om ’n malvalekker te deel. • Laat ’n kind betrokke wees by die maak en uitdeel van geskenke. So…

ONTBYTINKOPIELYS Volgraanontbytvlokkies soos ProNutro, All-Bran, Cheerios, Weet-Bix, Maximize en Alpen-muesli Pap soos hawermout (Jungle Oats of Bokomo Oats; onthou dat laasgenoemde ’n laer glukemiese indeks het), volgraan-Tasty Wheat, growwe, verrykte mieliemeel en Maltabellapap Ontbytstafies. Baie van dié produkte bevat te veel suiker en te min voedingswaarde; lees dus die etiket voor jy koop Volgraan- of lae-GI-brood Bruin pitabroodjies of tortillas Volgraanmuffins of bestanddele om jou eie mee te bak Melk en jogurt – volroommelk, Clover se Mmmilk, DairyBelle se Good Morning-melk, gegeurde melkdrankies en gewone en drinkjogurt Eiers Kaas Grondboontjiebotter Ham of pastrami Skouerspekvleis Soos ’n koning in die oggend, ’n prins in die middag en ’n boemelaar in die aand. Dís hoe ons – en veral energieke klein mensies – volgens die gesegde behoort te eet. Ná ’n lang…

1 ’n Nat bed en broekie is ’n teken dat opgehoopte poef druk op die blaas uitoefen. 2 As jou kind te veel poef – drie keer per dag of meer – wys dit die rektumspiere het al so gerek dat hulle nie hul werk doen nie. 3 Poefglipsies wanneer jou kind al lankal van die doek af is, is ’n teken van hardlywigheid. Soms kan die rektum nie meer die poef inhou nie en kom dit onwillekeurig uit. 4 Was daar ’n poef so reusagtig in die toilet dat jy jou man geroep het om te kom kyk? Dis ’n teken van hardlywigheid! 5 Is klipharde poef soos ’n boomstomp of harde, ronde balletjies reg? Nee, gesonde poef moet sagte slangetjies vorm. 6 ’n Gejeuk en gekrap tussen die…

Ek was verstommend gereed vir die groot dag. Eintlik ’n bietjie selfvoldaan oor die feit dat ek so goed voorbereid was vir die koms van my dogtertjie. Wel, my vrou het meeste van die pakwerk gedoen, maar ek was die een wat geweet het waar alles was en hoe om dit te gebruik. Dit was 05:00 die oggend toe ons by die hospitaal aankom en na kamer 1 in die kraamsaal geneem word. Daar het ek solank begin om alles wat nodig is uit te pak: doeke, klere, handskoene, kouse, vogdoekies, boudjieroom en ’n rits ander dinge vir enige moontlike gebeurlikheid. Maar jy kan nie werklik vir alle gebeurlikhede voorberei nie. Teen 08:00 het ek alles reeds twee keer uitgepak en weer teruggepak (en weer uitgepak) en was my vrou…

REUTERINA ®  KAN HELP – DIS KLINIES BEVESTIG Dis al in meer as 200 kliniese proewe bevestig dat die Reuterina® -reeks ’n rol speel in die voorkoming en behandeling van ’n verskeidenheid ongesteldhede wat verband hou met ’n wanbalans in die ingewande se flora. Besoek reuterina.co.za vir meer inligting oor die produkte. REUTERINA SE PRYS VIR 2022 SE VOORBLADSTERRE Elk van die ses #coverstarsearch wenners ontvang ’n prys van Reuterina® ter waarde van R1 000 en verskyn op die voorblad van Baba & Kleuter of ons sustertydskrif Your Pregnancy & Baby. BY BABY CITY KAN JY ELKE DAG LAE PRYSE GENIET Baby City bied ’n wye verskeidenheid gehaltehandelsmerke, alles onder een dak. Met lae pryse elke dag is dit geen wonder nie dat Baby City Suid-Afrika se top inkopiebestemming…

Yael kyk op na my met haar blou ogies en haar gesiggie vol sand– en ek dink onwillekeurig terug na 18 jaar gelede, toe my storie hier begin het. Ek was skaars 20 jaar oud toe ek Zanzibar toe gekom het. Wat veronderstel was om net ’n vakansie te wees, het in ’n liefdesverhaal verander. Ek was egter nie verlief op ’n mens nie, maar op ’n plek … Zanzibar. Ek het my hart verloor op die natuurskoon, die wit strande, die turkooisblou water, die allermooiste sonsondergange, die mense, die kultuur en die eenvoud en rustigheid van die leefstyl hier. Ek het huis toe gebel om my ouers te laat weet ek het besluit om hier te bly en kom nie terug nie. Natuurlik was dit ’n groot skok en…

IETS VIR BO ... Dit kan ’n uitdaging wees om te besluit watter bra jy moet koop terwyl jy swanger is of borsvoed – veral as jy oefen. Die Body Kind Sports Bra, ontwikkel deur die plaaslike fiksheidsghoeroe Lisa Raleigh, is teen R999 ’n belegging waaroor jy nie spyt sal wees nie. Die duursame bra is ten volle verstelbaar en rek en krimp dus namate jou lyf verander. Dis besonder stewig aanmekaargesit, net die beste materiaal is gebruik en dit bied ondersteuning soos min. Dis ook die soort bra wat jy in die somer sonder ’n hemp kan dra terwyl jy oefen. Gaan na lisaraleigh.com om meer uit te vind, jou grootte te kies en te bestel. Die kleuropsies is pragtig en die bra is in ’n nuttige sakkie verpak.…

V My swangerskap verloop heel normaal en ons het geen familiegeskiedenis van oorerflike siektes waarvan ek weet nie. Moet ek dit desondanks oorweeg om ons baba se naelstringbloed te laat berg? Dit klink na ’n goeie idee, maar hoe groot is die moontlikheid dat ons dit ooit nodig sal hê en hoe besluit ek watter firma om te kies? Ek voel onseker en weet nie heeltemal wat ek moet vra om die regte antwoord te kry nie. A DR. PETER KOLL ANTWOORD: Dis ’n baie goeie vraag en een wat nie maklik beantwoord kan word nie, want baie faktore speel ’n rol. My mening hier is persoonlik en weerspieël nie noodwendig die mening van die maatskappy waarmee ek verbind word nie. Ek dink ook nog dieselfde hieroor sedert stamselberging die…

Mustela se produkte kan van geboorte af gebruik word, selfs vir babas wat pas uit die neonatale eenheid ontslaan is. Mustela Hydra Bébé Body Lotion (R209,95 vir 300 ml) bevogtig en versterk jou baba se vel. Mustela Gentle Cleansing Gel (R199,95 vir 500 ml en R229,95 vir 750 ml) is ideaal vir die daaglikse reiniging van die vel en hare. Dis geskik vir die heel delikaatste vel en die seepvrye formule maak harde water sagter. Dit streel en bevogtig die vel. Die sagkense formule brand nie ogies nie. Koop aanlyn by cosmetiquesdefrance.co.za en lebeautyclub.co.za.…

vir jou…

Jy is skaars klaar met die vorige voeding, winde uitvryf en doekruiling, dan begin dit weer van voor af. Voor jy jou kom kry het jou dag in 100 stukkies versplinter, sukkel jy om enigiets klaar te maak en betrap jy jou dat jy vyfuur die middag nog jou pajamas aanhet omdat jy nooit sover gekom het om te stort en aan te trek nie. Waar het die dag heen verdwyn? Babas is regte tydslurpertjies en jy moet dus maar regstaan met ’n arsenaal tydspaar-taktieke om deur jou dag te kom. HOU ALLES BYDERHAND Slim organisasie spaar tyd. Lê jou babakamer so uit dat jy nie heen en weer hoef te skarrel om met bad- of doekruiltyd sy goed bymekaar te kry nie. Jy moet net jou hand kan uitsteek…

Begin met pampoen. Bly weg van botteltjies kos. Koop ’n stokmenger. Jy moet koes as sy spoeg ... Al die nalees oor babakos en ore spits wanneer ander ma’s praat, het jou dalk al laat wonder of jy die gedoente sal kan baasraak en of dit nie net makliker is om eet aan jou baba oor te laat nie. Jy is nie die eerste een nie. ’n Tendens wat genoem word babageleide spening het ’n klompie jare gelede posgevat en wêreldwyd is daar heelwat ma’s wat dit volg. Maar voor jy vir jou ses maande oue baba wortelstokkies en broodvingers in die hand stop, moet ons hierdie benadering, en ook jou baba se vermoëns en behoeftes, van nader bekyk. BABAGELEIDE SPENING Stel jou voor jou ses maande oue baba sit…

V Hoe weet ek hoeveel medisyne ek vir my baba moet gee? Dis nou winter en ek weet koors is ons voorland. A SIPHAMANDLA MBULI ANTWOORD: Verkeerde dosering is ’n potensiële probleem wanneer dit kom by medikasie wat sonder ’n dokter se voorskrif beskikbaar is, en dit kan veral gevaarlik wees vir kinders omdat selfs ’n taamlike klein oordosis uiters skadelik vir hul klein lyfie kan wees. Aan die ander kant kan ouers soms hul kinders onderdoseer deur hulle nie genoeg pynmedikasie te gee om hul ongemak te verlig nie. Ouers en versorgers moet dus seker wees dat hulle die dosis van byvoorbeeld parasetamol (vir die behandeling van pyn en koors) ten volle verstaan voor hulle dit toedien. Parasetamol is die algemeenste pynmiddel wat oor die toonbank gekoop kan word.…

“DIT IS EGTER NIE NET GENETIESE FAKTORE WAT TOT LENGTE BYDRA NIE, MAAR OMGEWINGSFAKTORE OOK.” 'Nmens is maar geneig om te wonder hoe jou kind eendag gaan lyk. Gaan hy lank of kort wees en watter soort persoon gaan hy wees? Baie mense het al aanlyn programme ingespan om kinders se lengte te bepaal. Ek kon self nie wag om die sommetjies te doen toe ek hoor dat ’n mens jou kind se lengte as volwassene kan beraam deur haar lengte as tweejarige te verdubbel nie. Dit het my taamlik bekommerd gehad, want die uitslag was dat my meisiekind reusagtig lank sou wees. Seker te verstane, met ’n ma wat 1,82 m en ’n pa wat 1,92 m lank is. Ek wou darem nie hê sy moet eendag te hoog…

V My baba van 18 maande kan op niks vir langer as 30 sekondes fokus nie. Sy maats kan beslis al ’n bietjie langer met ’n speelding speel of na ’n boekie kyk. Hy is ook nogal aggressief en klap maklik na goed al is hy net effens gefrustreerd. Kan dit ’n vroeë teken van aandaggebrek of outisme wees? A DR. MARETHA COMBRINK ANTWOORD: ’n Kleuter behoort teen 18 maande oud onafhanklik te kan loop en minstens 20 woorde te kan sê. Hulle begin ook die gebruik van algemene voorwerpe verstaan (soos ’n lepel of tandeborsel) en begin voorwerpe uitwys. Spelpatrone op hierdie ouderdom sluit verbeeldingspel en na-apery in. Gevaartekens op dié ouderdom: • Hulle kan nie loop nie. • Hulle gebruik min of geen woorde nie. • Hulle voer…

MAANDAG ■ Franse roosterbrood gevul met ham en kaas ■ 200 ml vars uitgedrukte vrugtesap (Hou by sowat 120 ml sap as julle nie vars uitgedrukte sap drink nie sodat die suikerinname laag bly.) DINSDAG ■ Gaar growwe mieliepap met twee eetlepels fyn biltong booor gestrooi ■ ’n Koppie papajablokkies WOENSDAG ■ ’n Lae-GI-geroosterde broodjie met grondboontjiebotter en piesangskyfies ■ ’n Glas melk DONDERDAG ■ Jogurt en muesli met gesnyde vars vrugte VRYDAG ■ Gaar hawermout met gerasperde appel (skil en al vir groter kinders) en kaneelsuiker ■ ’n Glas melk SATERDAG ■ Eiergaatjie-brood: Druk met ’n koekiedrukker ’n gaatjie in die middel van ’n sny brood, plaas die brood in ’n verhitte pan met ’n klontjie botter; breek ’n eier in die gaatjie oop en bak tot gaar. Draai…

1. Die kompetisie se inskrywings is oop vanaf 17 September 2021 tot 31 Augustus 2022. Geen laat inskrywings word aanvaar nie. Sien bl. 8 en 9 vir meer inligting oor die kategorieë se sluitingsdatums vir dogtertjies. 2. Deur in te skryf, stem jy in om gebonde te bly aan die bepalings en voorwaardes van die kompetisie. 3. Deelnemers moet die ouer of wettige voog van die kind wees. Die tydskrifte behou die reg voor om bewyse van die verwantskap aan te vra. As dit bewys is dat daar geen verwantskap is tussen the kind en die persoon wat die foto gestuur het, gee die persoon vrywaring aan die tydskrifte teen enige eis van ’n derde party indien die kind as ’n wenner gekies word. 4. Jy word outomaties vir albei…