Innholdsfortegnelse for February - May 2022 i Baba & Kleuter

Ek hoop nie ek tart die noodlot deur te vroeg ’n uitspraak te maak nie, maar 2022 voel vir my al klaar baie nader aan normaal as die vorige twee jaar. Snaaks hoe die terugkeer ook maar weer ’n aanpassing is. Die kinders is weer in die klaskamer, sport het weer begin en ek glo as wedstryde afskop, sal ons mag kyk. Ek pak weer soggens kosblikke (dit bly vir my ’n stryd) en dis lekker om my man weer in ’n kraaghemp en langbroek te sien, want hy is terug kantoor toe. Wat nou vreemd voel, is om alleen by die huis te wees. Dit was altyd vir my lekker om gereeld alleen te wees, maar die afgelope twee jaar het dit feitlik nooit gebeur nie. Nou’s dit weer…

WENNER 1 Die wenner (seuntjie) is op die voorblad van Your Pregnancy & Baby February & March 2022. WENNER 2 Die wenner (seuntjie) verskyn op hierdie uitgawe se voorblad. WENNER 3 ‘n Pasgeborene verskyn op die voorblad van Your Pregnancy & Baby June & July 2022. WENNER 4 ‘n Pasgeborene verskyn op die voorblad van Baba & Kleuter Junie-September 2022. WENNER 5 Die wenner (dogtertjie) verskyn op die voorblad van Your Pregnancy & Baby October & November. WENNER 6 Die wenner (dogtertjie) verskyn op die voorblad van Baba & Kleuter Oktober 2022-Januarie 2023.…

Een vir jou, en een vir hom! Die manshorlosie het ’n tweekleurige band en kissie met silwer en goue elemente op die wyserplaat. Die vrouehorlosie het ’n goue kissie en band met ’n wit wyserplaat met goue en steenelemente. Hallmark se filosofie is om gehalte-horlosies teen bekostigbare pryse te voorsien. Die reeks is omvattend en sluit in klassieke goue horlosies asook kleurryke modestukke. Daar is ’n styl vir elke smaak en geleentheid. As jy nog horlosies wil bewonder of meer wil weet, kan jy gerus na hallmarkwatches.co.za gaan of hallmarkwatches op Facebook volg. Om in te skryf: Stuur jou gunsteling-foto na sharing@ ypbmagazine.com. Onthou om jou kind se naam, van, ouderdom, kontakbesonderhede en posadres in te sluit.…

Dié komplikasie ontstaan dikwels skielik en as daar nie onmiddellik ingegryp word nie, kan dit sowel die ma as haar baba se lewe in gevaar stel. Tekens van abruptio placentae is vaginale bloed, maagpyn, rugseer, baarmoederteerheid en baarmoederkontraksies wat dikwels kort op mekaar volg. Gaan dadelik dokter of hospitaal toe as jy enige van dié simptome het. Die oorsaak is meestal onbekend, maar kan dalk te wyte wees aan maagtrauma of ’n baie vinnige verlies van vrugwater.…

WEET-BIX-STAFIES Stafies met vlooie in! MA AK 18 STAFIES BESTANDDELE • 4 Weet-Bix-stafies, fyngedruk • 80 ml (¹/ ³ k) gesmelte botter • 250 ml (1 k) koekmeel • 125 ml (½ k) fyn klapper • 60 ml (¼ k) pitlose rosyne • 125 ml (½ k) suiker • 30 ml (2 e) kakaopoeier • 60 ml (¼ k) water METODE 1. Stel die oond op 180 °C om warm te word. 2. Meng die Weet-Bix met die gesmelte botter. 3. Meng die res van die bestanddele by. 4. Plaas ’n vel bakpapier in ’n vierkantige bakplaat van 20 cm en skep die mengsel daarop uit. 5. Bak 15 minute by 180 °C. 6. Laat dit afkoel, sny in 18 stafies en versier met versiersuiker. VERSIERSUIKER 1. Meng 250 ml…

• Oudste kinders se IK is gemiddeld drie punte hoër as hul naaste medespruit s’n. • In een studie was 41 persent van entrepreneurs oudste kinders. • Oudste kinders kry meer lyfstraf as jonger kinders. • Eersgeborenes vaar goed in velde wat verdere akademiese opleiding vereis soos die regte, geneeskunde of ingenieurswese. • Eersgeborenes het ’n groter risiko om obsessief-kompulsief te word. • Meer as die helfte van alle Nobelpryswenners in die geskiedenis was eersgeborenes. • Van die 23 eerste ruimtevaarders was 21 oudste kinders. Die ander twee was enigste kinders.…

E-pos jou vrae na sharing@ypbmagazine.com. Vrae kan ongelukkig nie persoonlik beantwoord word nie. V Ek is nou in my derde trimester en sukkel vreeslik met hardlywigheid. Ek drink reeds elke aand en oggend pruimsap en eet soveel vrugte as wat ek kan, maar dit wil eenvoudig nie beter word nie. Ek is bang ek kry aambeie. Wat kan ek nog doen vir verligting? Is daar homeopatiese medikasie wat help? DR. JANA MOSTERT ANTWOORD: Hardlywigheid is ’n algemene klagte in swangerskap. ’n Verhoogde progesteroonvlak veroorsaak stadige beweging van kos deur die spysverteringskanaal sodat soveel moontlik voedingstowwe opgeneem kan word om die ongebore baba te voed. Dit het ook die ongevraagde uitwerking dat meer water uit die dikderm geabsorbeer word, wat harde, droë stoelgang tot gevolg het. Boonop druk die groeiende baba…

Teensuurmiddels is ’n gewilde keuse omdat dit vinnige en doeltreffende verligting bied vir die simptome van sooibrand. “Dit neutraliseer die suur wat reeds in die maag is en verlig só pyn en ongemak,” sê die apteker Renché Rorich. Jy kan dit dus een uur ná ete en weer voor slaaptyd drink. Daar is verskillende teensuurmiddelsoorte, maar bespreek die keuse eers met jou apteker of dokter voor jy koop. “Moenie te veel teensuurmiddels gebruik nie omdat die liggaam soms oorkompenseer om normale suurvlakke te behou en dan in reaksie selfs meer suur as gewoonlik kan vorm,’’ waarsku Renché.…

HOE WERK DIE VERDOWING? Vir elektiewe of beplande keisersneë word spinale verdowing gekies omdat dit vinnig werk en meer volledig is. Jy bly wakker en word vooraf aan ’n drup gekoppel sodat die mediese personeel binneaarse toegang het vir enige middels wat jy dalk in die loop van die keiser nodig kry. Epidurale verdowing word meestal in normale bevallings gebruik. Soms verander die geboorteplan van ’n normale bevalling na ’n keisersnee en dis amper net in sulke gevalle dat die keiserverdowing epiduraal is. Dit duur langer voor epidurale verdowing werk, maar dit help ook met pynverligting ná die bevalling. Hoe word spinale verdowing toegedien? Jou narkotiseur sal vra dat jy regop sit en jou rug krom maak. Dit maak dit vir haar makliker om tussen jou rugwerwels in te kom…

Jou pasgebore bondeltjie is kwesbaar omdat sy immuunstelsel nog onderontwikkel is, wat dit makliker maak vir infeksies of siektes om ’n houvas te kry. Die beste manier om jou baba teen infeksies te beskerm is met borsvoeding, maar as dit nie moontlik is nie of jy moet teruggaan werk toe en jou baba moet bottel drink, is die deeglike sterilisasie van al sy voedingstoerusting een van die belangrikste maniere waarop jy hom kan beskerm, veral teen siektes soos gastroënteritis. ONTHOU OOK Hitte kan veroorsaak dat bottels en tiete verweer. Gaan gereeld jou bottels en tiete na en gooi dié weg wat gekraak of erg gekrap is, aangesien bakterieë maklik daarin kan vassit. TOT WANNEER MOET EK STERILISEER? Kenners verskil oor presies hoe lank jy jou baba se bottels en ander…

E-pos jou vrae na sharing@ypbmagazine.com Vrae kan ongelukkig nie persoonlik beantwoord word nie. V My kleinding is ses weke oud en sy drink aanhoudend. Dit voel of my melkvoorraad net nie kan bybly nie. Moet ek ’n byvoeding gee? Het ek te min melk? A PROF. LISANNE DU PLESSIS ANTWOORD: Een van die algemeenste redes wat ma’s aanvoer vir hul besluit om op te hou borsvoed, is dat hulle twyfel of hulle genoeg melk vir hul baba het. Borsmelkproduksie volg egter ’n patroon van vraag en aanbod. As jou baba toegelaat word om ongehinderd en op aanvraag aan die bors te drink, sal haar gesuig ’n boodskap na die brein stuur om die regte hoeveelheid melk te produseer. Ma’s moet verseker word dat hul melk perfek vir hul baba is…

E-pos jou vrae na sharing@ypbmagazine.com. Vrae kan ongelukkig nie persoonlik beantwoord word nie. V Ek is 38 weke swanger en hoor dat dit die beste is om jou baba se ore kort ná geboorte te laat toets. Hoekom moet ek my baba se gehoor laat toets? Hoe vroeg en wanneer moet dit gedoen word? A LYNETTE ANTWOORD: Volgens die Amerikaanse nasionale instituut vir doofheid en ander kommunikasie-steurnisse (NIDCD) word twee tot drie uit elke 1 000 babas in Amerika met ’n vorm van gehoorverlies gebore. Hierdie getal is selfs hoër in Suid-Afrika, waar drie tot ses uit elke 1 000 babas met gehoorverlies gebore word. Die EHDI (Early Hearing Detection and Intervention)-program in Suid-Afrika probeer sorg dat babas se gehoor so vroeg moontlik getoets word. Die mikpunt is dat alle…

Is jy een van daai ouers wie se baba dag en nag sonder rede huil en oomblikke ná badtyd weer na suur melk ruik? Jy is nie alleen nie. Die helfte van alle babas jonger as drie maande spoeg elke dag. Dis natuurlik waarom pa’s en ma’s met klein babatjies éérs die spoegdoek optel en dán die baba. WAT IS REFLUKS? Wanneer melk of kos wat in die maag is tot in die slukderm opstoot, noem ons dit refluks. Regurgitasie ontstaan wanneer hierdie teruggespoelde melk tot in die mond en selfs by die mond uitkom. Refluks is niks ongewoons nie. Dit gebeur normaalweg sommer ’n paar keer per dag met gesonde babas, kinders en grootmense; gewoonlik ná ete. Die meeste mense weet nie eens dat dit gebeur nie. Regurgitasie is…

LOOPNEUSIES EN TOE NEUSIES ’n Toe neus kan inmeng met jou kleinding se slaap en voeding en is dus elke ma se vyand. Hier is raad: ✚ Skaf ’n bevogtiger vir jou kind se kamer aan. Stel dit op koue mis om te help om die neusgange te bevogtig en die slym sag en vogtig te hou sodat jy dit makliker kan verwyder. ✚ Oorweeg ’n paar druppels bloekomolie in die bevogtiger vir babas en kinders ouer as drie maande, of drup ’n bloekomolieproduk (soos Karvol) op jou kleinding se kussing. ✚ Spuit eers ’n bietjie soutoplossing (soos Salex) in baba se neusie om die slym los te maak en gebruik dan ’n bolspuit of iets soos die Nosefridatoestel om die slym uit jou baba se neusie te suig. Moet…

Die Selfmedikasievervaardigersvereniging van Suid-Afrika beveel mediese raad aan met die volgende simptome: ✚ ’n Koors hoër as 39 grade Celsius; dit kan dui op ’n ernstiger infeksie ✚ ’n Gevoel van disoriëntasie en verwarring ✚ ’n Skerp borspyn ✚ Dik, bloederige slym ✚ Moeilike asemhaling ✚ Duidelike swelling van kliere in die waaie van arms en bene ✚ Simptome wat langer as drie weke aanhou ✚ As jou kind baie hard en vinnig asemhaal of hyg, kontak jul dokter dadelik.…

SO IS OUERSKAP REGTIG Die prentjie van ouerskap wat op sosiale media geskep word, klop nie altyd met die werklikheid nie. Drie ma’s – Lente Swift, Suzanne Smit en Juanli Theron – het genoeg gehad van mededinging en oordeel. Ma’s behoort mekaar mos eerder te ondersteun! Só is Die Naguilklub gebore: ’n oordeelvrye digitale ruimte waar ma’s mekaar inspireer, ondersteun en raad uitdeel. En nou het hulle ’n boek geskryf: eerlik, hartroerend, dikwels skreeusnaaks, en gevul met die soet en swaarkry van ouerskap. Jy sal jouself tussen die blaaie herken. R280, Tafelberg Het jou omgewing ’n behoefte aan ’n speelgroepie waar kleuters tussen twee en vyf jaar oud elke dag in ’n veilige, liefdevolle en stimulerende atmosfeer kan speel en leer? As jy nog altyd daarvan gedroom het om jou…

Heerlike hawermoutpap BESTANDDELE • 1e (15 ml) pitlose rosyntjies • water vir week • ¾k (180 ml) water • ¼k (60 ml) appelsap • 1appel, geskil en grof gerasper • ½k (125 ml) hawermout • ½k (125 ml) melk MAAK SO 1. Week die rosyntjies in die water tot sag. Maak fyn. 2. Bring die ¾ k (180 ml) water en die sap in ’n klein kastrolletjie tot kookpunt. Voeg die appel en fyn rosyntjies by en sprinkel die hawermout oor. Roer goed. 3. Bring die pap tot kookpunt, verlaag die hitte en laat sowat 10 minute prut. 4. Roer die melk by en sit ’n porsie voor. WENK Jy kan jou baba se melk gebruik, hetsy borsof formulemelk, of jy kan beesmelk gebruik. Hawer-en-appelvingerkoekies BESTANDDELE • ½k (125 ml) meel • ½k (125 ml) hawermout • ¼k (60 ml)…

Volgens Wendy Bowley, ’n Kaapstadse ma wat self outisme het asook ’n outistiese seuntjie, is die vroegste waarop ’n diagnose gemaak kan word teen so drie jaar oud. Hou jou oë vir dié tekens oop: jou kind vermy oogkontak, reageer nie op sy naam nie en kyk nie eens in die rigting van die een wat roep nie. Let ook op na ’n gebrek aan gesigsuitdrukking of taalgebruik. ’n Kind met outisme se emosies kan baie vinnig intens word. Hulle wys soms ook min empatie vir ander. Wendy noem haarself ’n “sosiale transformeerder oor outisme” en op haar platform Knowing Autism wil sy inligting deel sodat neurotipiese mense dié op die spektrum beter kan verstaan. Volg haar by @knowingautism of besoek haar webtuiste, wendybowley.co.za. TUISBLY SE KARRETJIE Ons wil nou…

DIE TOWERWOORDJIES Hou ’n teddiebeerparty en laat jou peuter die “ma” wees wat tee aan haar bere of poppe voorsit. Hulle moet asseblief sê wanneer sy hulle vra of hulle graag tee wil hê, en dankie wanneer hulle daardie tee ontvang. Julle kan ook winkel-winkel speel, met jou as die winkelier wat jou peuter se inkopies een vir een vir hom aangee. Hy moet asseblief sê wanneer hy daarvoor vra en dankie wanneer hy dit kry. Ná ’n rukkie kan julle rolle omruil. TELEFOON-TELEFOON Kinders is mal oor hierdie speletjie en jy sal vind dat bykans enigiets van ’n skoen tot ’n piesang as ’n telefoon kan dien. Voer lang gesprekke met mekaar en leer jou peuter om die telefoon korrek te antwoord en hoe om te groet wanneer hy…

JY HET NODIG • houertjies van verskillende kleure • elemente in die kleure van die houertjies MAAK SÓ 1. Koop of maak houers van verskillende kleure. In die voorbeeld is gekleurde emmertjies en ook houertjies wat in verskillende kleure geverf is. 2. Vir elke houer moet daar items in dieselfde kleur wees. Ons het gekleurde roomysstokkies en tosseltjies gekies. Jy kan veelkleurige knope, gekleurde pasta (gebruik voedselkleursel) of stukkies wol en lint gebruik. 3. Gooi al die gekleurde elemente saam in ’n bak of op ’n tafel uit en laat jou kind elkeen in die korrekte houer plaas. 4. Vir ’n meer uitdagende speletjie kan verskillende skakerings van kleur ingespan word. WENK Kies elemente met interessante teksture vir ’n bykomende leerervaring. Laat jou kind die kleur en die tekstuur identifiseer.…

1 Afbrekende kritiek wat hamer op die negatiewe gaan jou kind nie aanspoor nie. As jy gedurig raas en skel of net altyd die negatiewe kant van die saak sien, sal jou kind die indruk kry dat sy sleg is. Moet veral nie jou kind voor ander verkleineer nie. Hou kritiek opbouend. 2 Probeer jy opmaak vir jou gebrek aan tyd en aandag deur geskenke en geld te gee? Heroorweeg jou optrede, want dit berokken jou kind se selfbeeld skade. 3 Word jou kind gereeld seergemaak en met ’n pak slae gestraf? Geen kind kan positief oor haarself voel as sy so verneder word nie. 4 Dis baie moeilik om aan ander mense se verwagtinge te voldoen en as jou kind sukkel om aan joune te voldoen, sal sy gou…

TOP-IDEE VIR PARTYTJIES Wil jy ’n onvergeetlike partytjie hou? Gaan museum toe! Ditsong Museums of South Africa kan kinderdrome help bewaarheid, soos met ’n nag by die museum saam met dinosourusse. Van die museums het ook trekkerritte en plaasdiere. Al die museumpersele is regtig pragtig en die personeel staan gereed om jou te help om jul partytjie te bespreek. Stuur ’n e-pos na info@ditsong.org.za. Oorweeg sommer ’n uitstappie na die een naaste aan julle, al is dit nie vir ’n partytjie nie. AL WIPPENDE FIKS EN GESOND ReboundSA het pas ’n kinderprogram bekendgestel om die kleingoed aan die bons te kry! Dis regtig oulik. Twee karaktertjies, Igg en Oogi Noo, verskyn in die liedjies en op die video’s en is die giminstrukteurs vir die bonssessies. Op ’n baie prettige manier…

WAARDES BO! As jy ’n ma is, sal jy saamstem dat waardes en lewenslessies van ’n ander party soms beter by die ore ingaan as jy wat heeldag soebat. Donkie se lang pad dorp toe en 19 ander fantastiese fabels bevat sommer ’n hele klomp waardes en lewenswyshede. Elke dierverhaal is prettig en sluit op die een of ander manier ’n lewenswysheid in. Dit word op ’n eenvoudige manier aangebied sodat jou kind die waardes waarvan hy in die boek lees, in sy alledaagse lewe kan toepas. “Donkie se lang pad dorp toe” leer dat ’n mens nie almal tevrede kan stel nie, “Vlermuis, Braambos en Seemeeu” se lessie is weer dat jy moet waardeer wat jy het en in “Muggie sien kans vir Leeu” leer jou kind dat niemand…

1. Die kompetisie se inskrywings is oop vanaf 17 September 2021 tot 31 Augustus 2022. Geen laat inskrywings word aanvaar nie. Sien bl. 8 en 9 vir meer inligting oor die kategorieë se sluitingsdatums: pasgeborenes (enige geslag) en dogtertjies. 2. Deur in te skryf, stem jy in om gebonde te bly aan die bepalings en voorwaardes van die kompetisie. 3. Deelnemers moet die ouer of wettige voog van die kind wees. Die tydskrifte behou die reg voor om bewyse van die verwantskap aan te vra. As dit bewys is dat daar geen verwantskap is tussen the kind en die persoon wat die foto gestuur het, gee die persoon vrywaring aan die tydskrifte teen enige eis van ’n derde party indien die kind as ’n wenner gekies word. 4. Jy word…

HOE OUD IS RYAN? MOOI NAAM, TERLOOPS! Met die fotosessie einde verlede jaar was Ryan een jaar en vier maande oud. Ons noem hom eintlik meestal Beer, want hy druk so lekker en hy is blas en lyk soos ’n ou teddiebeer. My man se naam is Ruan Kenneth Roux en ons het altyd gesê as ons eendag ’n seuntjie het, sou ons hom Kenneth noem. Ons het toe eers ’n dogtertjie gekry en haar naam is Amy. Toe ons wens vir ’n pigeon pair waar word, het ons begin wonder oor die naam Kenneth. Ons was skrikkerig vir verwarring tussen Ruan en Ryan, maar ons het albei van die naam Ryan gehou. Dis ’n sterk, kort naam en dis wat ons gesoek het. WAARVAN HOU HY? Hy geniet musiek.…

PLIGGIES & REËLBREKERS Soms is dit met ’n snorklag en ander kere met ’n effense hartstilstand dat ek besef hoe baie van my eie karaktereienskappe my twee dogtertjies het. Die oudste is soos baie eerste kinders meer ingestel op wat reg is, goed is en gedoen moet word ... die spreekwoordelike “pliggie”. Haar bed is opgemaak en sy ken haar spelwoorde. Moet egter nie onder die wanindruk verkeer dat sy heeltemal gedweë by die lewe inval nie – sy redeneer vuriglik oor regverdigheid en het die komieklikste humorsin. Die tweede geitjie, en uit die aard van die saak die jongste, voel ’n veer vir gesag en kyk gereeld met groot genot toe hoe die reëls onder haar skrikbewind verbrokkel. Dis dieselfde kind wat bye liefdevol uit die swembad red en…

’Nmens sou dink dat iets so eenvoudigs soos ’n A4-bladsy oral in die wêreld dieselfde is. Maar moenie glo nie! " Ons het in die rukkie wat ons hier woon, geleer dat jou land jou land bly, jou hartklop Suid-Afrikaans én dat ’n mens nooit mense kan vervang nie. " Ons gesin se dinamika en leefwêreld het ’n bietjie meer as twee jaar gelede verander toe my man, Callie, deur sy werkgewer verplaas is na Chicago in die Verenigde State van Amerika. Ek was geskok, maar ook opgewonde. Ek was bitter geheg aan my ouers, vriende en die bedryf waarin ek al meer as 17 jaar lank met wyn gesmous het. Verandering is altyd ’n groeiproses, sê almal. Maar dit was wraggies nie maklik nie. Callie is in Julie 2019…

Elke kind is uniek, maar tog deel soveel eersgeborenes oor die wêreld heen bepaalde karaktertrekke terwyl middelstes en jongstes ook tipies in ander boksies geplaas kan word. Ouers verbeel hulle dit nie. Navorsing het dit oor en oor bewys: Die volgorde waarin jou kinders gebore word, speel ’n rol in hul persoonlikheid. Maar waar kom dit vandaan? Sielkundiges meen dis nie aangebore nie, maar het te doen met hoe ouers hul kinders grootmaak. Die invloed van geboorte-orde word sosiaal gevestig: Dit gaan oor hoe ons ons kinders hanteer. Dit het weer ’n uitwerking op ontwikkeling en hoe jou kinders hulleself beskou. Jy kan stry, maar ouers hanteer hul oudstes, middelstes en jongstes dikwels verskillend weens praktiese oorwegings soos tyd en geld. Gelukkig is die invloed van geboorte-orde nie in sement…

GAPING As daar ’n baie groot gaping tussen kinders is, kan die tweede of derde kind weer soos die oudste hanteer word en sal sy dus makliker oudstekind-eienskappe toon. Hoe kleiner die gaping, hoe groter is die invloed van geboorte-orde. Navorsers het bevind as daar meer as vyf jaar verskil tussen ’n eerste en tweede kind is, die tweede kind soos ’n oudste kind word. Tussen latere kinders het die ouderdomsgaping minder van ’n invloed op hul persoonlikheid. GESLAG Die invloed van geboorte-orde is gewoonlik groter as al die kinders van dieselfde geslag is. Die eerste dogter ná ’n oudste broer sal ook dikwels oudstekind-eienskappe toon en andersom, veral as die ouderdomsgaping groot is. OUERS SE GEBOORTE-ORDE Jou eie geboorteposisie kan ’n rol speel in hoe jy jou kinders hanteer.…

Klink ’n glasie Julle het baie om te vier, of dit nou Valentynsdag is of jul swangerskap in die algemeen. Met alkohol op jou taboe-lys wil jy tog nog iets drink wat soos ’n grootmensdrankie voel. Hier’s ’n fopdop-idee … ROOIBOSBESSIESAP MET ROOSMARYN • 1koppie rooibostee • ¼koppie suiker • 1koppie rooibosbessiesap (cranberry) • 1koppie tonikum of sodawater • ½koppie ys • 4takkies roosmaryn • ’n paar bloubessies vir versiering MAAK SO 1. Maak die tee met kookwater en roer die suiker by. Laat afkoel. 2. Giet die tee, sap en tonikum of soda saam in ’n mooi glasbeker, voeg twee takkies roosmaryn by en verkoel in die yskas. 3. Wanneer julle reg is, verdeel die ys tussen twee skemerkelkieglasies en giet die drankie oor die ys. Versier elke glas met ’n takkie roosmaryn en ’n paar…

Vir baie vroue bring swangerskap hul eerste kennismaking met sooibrand mee. As jy twyfel of dit sooibrand is wat jy voel: dis ’n pynlike brandgevoel agter die borsbeen, veral ná ete. Soms is daar ook ’n suur smaak in jou mond. Die meeste swanger vroue se las met sooibrand begin in die tweede helfte van hul swangerskap. Dokters beskryf sooibrand as ’n toe-stand waarin die slukderm se sluitspier (die ring of klep naby die onderpunt van die slukderm) slapper word. In jou swangerskap kan jy die skuld daarvoor op die hormoon progesteroon pak, omdat hierdie hormoon al die sagte spiere in jou liggaam laat verslap. Sommige spiere in die spysverteringskanaal verslap ook. Dit het tot gevolg dat kos stadiger deur jou maag beweeg, die verteringsproses verstadig en maagsure in die…

VOORAF BEREI JULLE SAAM VOOR Gaan saam na voorgeboorteklasse en probeer so reeds ’n band met jul ongeborene vorm. “Hoe sterker die band tussen pa en ongebore kind, hoe groter is die kans dat pa meer geneig sal wees om aan die verhouding met ma te werk en hom tot die gesin sal verbind,” sê Karin Steyn, ’n Johannesburgse voorligtingsielkundige en hipnogeboortepraktisyn. KYK GEBOORTEVIDEO’S Dit sal help dat jy nie skrik en omdop as jou rooi, verrimpelde babatjie met sy keëlvormige koppie te voorskyn kom nie. SORG VIR LOGISTIEK Installeer solank die motorstoeltjie en beplan die twee beste roetes na die plek waar die baba gebore gaan word. Wanneer die oomblik van aksie aanbreek, kan jy jou vrou kalm en met selfversekering begelei, want “die pa se grootste werk tydens…

STAP 1 Was jou hande deeglik met warm water en seep en droog dit af. STAP 2 Was die bottels en tiete deeglik met warm water en seep, verkieslik so gou moontlik ná ’n voe-ding. Gebruik ’n groot bottelborsel om seker te maak die bottel is deeglik skoon, en ’n kleintjie om die tiet binne goed skoon te maak. Spuit water deur die tiet om seker te maak daar is nie melk wat iewers vassit nie. Spoel dit goed af in skoon water. STAP 3 Steriliseer die bottels en tiete deeglik deur ’n kouewatersterilisasie-oplossing te gebruik, dit te kook, dit in die mikrogolf te steriliseer of ’n spesiale elektriese steriliseerder in te span. Volg die aanwysings van die metode wat jy kies nougeset. STAP 4 Haal ná sterilisasie die bottels…

Laktasiekoekies BESTANDDELE • 125 ml (½ k) sagte botter • 325 ml (1½ k) onversoete grondboonbotter • 325 ml (1½ k) muscovadobruinsuiker • 3eiers • 10 ml (2 t) vanieljegeursel • 1ml (¼ t) sout • 45 ml (3 e) brouersgis • 250 ml (1 k) vlassaadmeel (lees die wenk onder) • 875 ml (3½ k) hawermout • 10 ml (2 t) bakpoeier • 180 ml (¾ k) amandelvlokkies MAAK SÓ Voorverhit oond tot 180 ºC. Smeer of spuit ’n bakplaat. 1. Meng die botter, grondboontjiebotter en bruinsuiker goed. 2. Voeg die eiers en vanielje by en klits tot goed gemeng. 3. Sif die sout, brouersgis, vlassaadmeel, hawermout en bakpoeier saam en meng deeglik. 4. Meng die droë en nat bestanddele deeglik. 5. Skep opgehoopte eetlepels vol beslag op die bakplaat. Die mengsel is taamlik taai. Druk elke koekie plat. Bak…

Goeie maniere wys begrip en respek vir ander. As ons kan leer om mekaar te respekteer, behoort sosiale euwels soos misdaad nooit eens kop uit te steek nie. Goeie maniere is ’n wederkerige proses. Aan die een kant verbeter jou kind se sosiale vaardighede, verhoudings en gewoontes; aan die ander kant lei dit tot ’n positiewe selfbeeld omdat sy goeie terugvoer van die mense om haar kry. Stel jou kind dus sommer van jongs af deur jou voorbeeld aan goeie maniere bloot – dit sal haar wys hoe om respekvol op te tree en later sal sy ware respek hê en betoon. Goeie maniere word aan gesonde emosionele intelligensie (EK) gekoppel en maniere leer ook selfbeheersing, wat latere sukses aanhelp. Navorsing wys dat kinders wat van jongs af selfbeheersing kan…

Die kenners wat altyd aanbeveel dat vloerstuipe liefs geïgnoreer moet word, was seker almal baie lank gelede self ouers. Want hoe kan ’n mens dit ignoreer wanneer boetie die supermark se dak laat lig met sy bloedstollende geskree? By die huis kan jy nog half voorgee dat jy dit ignoreer, maar in die openbaar is dit meestal nie moontlik nie. Hier is dus ’n realistiese vloerstuipeplan. “As jy voel jou kind is in ’n fase van besonder baie woedeuitbarstings, probeer ’n punt daarvan maak om haar deur die loop van die dag baie positiewe aandag te gee.” STEL DIE OORSAAK VAS A (MANIPULASIE) OF B (FRUSTRASIE) A – MANIPULASIE Probeer jou kind jou met die woedebui manipuleer om iets te koop of te doen? Dis gedrag wat jy vinnig wil…

BESTANDDELE • 1groot eier • 1k (250 ml) water • 1k (250 ml) melk • 1k (250 ml) meel • knippie sout • suiker vir oorsprinkel MAAK SO Meng alles goed saam en bak die pannekoeke in ’n gesmeerde pan. Sprinkel ’n bietjie suiker oor. VERSIER DIE GESIGGIE 1. Twee skyfies kiwi vir die oë, met ’n bloubessie vir die pupil 2. Een skyf papaja vir die glimlag (kies ’n klein papaja) 3. Punt van ’n piesang vir die neus Plaatkoekies LEWER 10-12 PLAATKOEKIES BESTANDDELE • 1k (140 g) koekmeel • 2t (10 ml) bakpoeier • ½t (2,5 ml) sout • 2e (30 ml) strooisuiker • ¾k (190 ml) melk • ¼k (60 ml) karringmelk • ¼k (60 g) gesmelte botter • 1eier • 1e (15 ml) olie om die pan te smeer • piesang, bloubessies en aarbei om die gesiggie mee uit te pak OM…

REUTERINA® KAN HELP – DIS KLINIES BEVESTIG Dis al in meer as 200 kliniese proewe bevestig dat die Reuterina® -reeks ’n rol speel in die voorkoming en behandeling van ’n verskeidenheid ongesteldhede wat verband hou met ’n wanbalans in die ingewande se flora. Besoek reuterina.co.za vir meer inligting oor die produkte. REUTERINA SE PRYS VIR 2022 SE VOORBLADSTERRE Elk van die ses #coverstarsearch wenners ontvang ’n prys van Reuterina® ter waarde van R1 000 en verskyn op die voorblad van Baba & Kleuter of ons sustertydskrif Your Pregnancy & Baby. BY BABY CITY KAN JY ELKE DAG LAE PRYSE GENIET Baby City bied ’n wye verskeidenheid gehaltehandelsmerke, alles onder een dak. Met lae pryse elke dag is dit geen wonder nie dat Baby City Suid-Afrika se top inkopiebestemming vir babaprodukte…

Mighty Small is Suid-Afrika se eerste kinderwinkel vir gesinne wat nuuskierig is oor etiese bewustheid. Die aanlynwinkel het meer as 1 500 kinderprodukte wat plaaslik en volgens etiese riglyne vervaardig word, alles onder een dak. Maak gerus ook ’n draai by die Mighty Small-winkel in Kaapstad om die hele verskeidenheid te besigtig. Gaan na mightysmall.co.za vir nog inligting of as jy iets aanlyn wil koop, of kontak hulle by shop@mightysmall.co.za of by WhatsApp 082 736 6744.…

W YS VIR ONS As jy wil hê jou kinder- of ooievaarspartytjie moet op hierdie blad verskyn, stuur gerus ’n e-pos met foto’s van ’n goeie gehalte en ’n kort beskrywing van die partytjie na sharing@ypbmagazine.com…

• Konserwatief• Baie verantwoordelik• Toegewyd• Behulpsaam• Gedrewe• Ongeneë om teleur te stel• Perfeksionisties• Outoritêr• Emosioneel• Intens• Leiers Is daar ’n groter oomblik as wanneer jou eerste kind gebore word? Die beste van alles word nuut gekoop en pa hou die rugbybal reg vir sy toekomstige Springbok. Ná die geboorte flits die kamera onophoudelik, oupas en oumas wedywer om die kleinding vas te hou en almal juig oor elke mylpaal. Hulle word omring deur opvoedkundige speelgoed, kry ure gehaltetyd en almal glo hulle gaan wennertjies wees. Die gevolg: ouers (en die hele familie) verwag net die beste van hul oudste kind, want hulle dink hy is die wonderlikste wesentjie op aarde. Hierdie kind ervaar die hele tyd dat sy teenwoordigheid fantasties is. Ouers koester geweldig hoë, amper idealistiese verwagtinge en dit…

WAT IS PSOS? Polisistiese ovariumsiekte is ’n chroniese toestand wat vroue in hul vrugbare jare aantas. Hul eierstokke vervaardig meer androgene (’n manlike hormoon) as die eierstokke van ander vroue. Alle vroue vervaardig androgene, maar vroue met PSOS vervaardig so baie daarvan dat dit die ontwikkeling en die vrystelling van eiertjies aantas. Die eierstokke van ’n vrou met PSOS vervaardig onvolwasse eierfollikels. Pleks daarvan dat die eiertjies ryp en vrygestel word, ontwikkel klein siste in hul plek. Dit is waar die toestand sy naam kry: ”polisisties” beteken ”baie siste”. Te veel androgeen kan ook ’n mens se maandstondes deurmekaarkrap. Sowat 95 persent van vroue met PSOS het ongereelde maandstondes en ovuleer nie. Die ekstra androgeen kan boonop gesighare en aknee veroorsaak. Tot 60persent van vroue met PSOS sukkel met haarverlies,…

EERSTE TRIMESTER BINDING In die eerste trimester kan die fisieke en emosionele veranderinge in jou liggaam die ontwikkelende band tussen jou en die vreemde boontjie binne-in jou oorskadu. Naarheid, seer borste, sooibrand en uitputting kan sy tol eis en jou aandag van jou fetus aftrek. Namate die tyd aanstap en jy jou baba voel beweeg, sal dit makliker word om nader aan hom te voel. Tot dan is daar ’n ander uitweg: bly ingelig oor sy ontwikkeling. Monitor jou fetus se weeklikse mylpale en visualiseer hoe hy dit bereik. Jou baba groei teen ’n geweldige pas en dis interessant om daaroor na te lees. Doen dit wanneer jy ontspan met jou skoene uitgeskop en jou voete op die bank. Jou fetus floreer ook wanneer jy gelief voel. Koester jou verhoudings…

• Sooibrand is meestal op sy ergste teen slaaptyd. Probeer dus om groot etes ná ses in die aand te vermy. As jy nie anders kan nie, eet baie lig en laat genoeg tyd verloop tussen aandete en wanneer jy inkruip. Met ander woorde: laat jou kos eers verteer voor jy jou kop neerlê. Probeer wanneer moontlik met ’n leë maag gaan slaap. • Eet gereelde klein maaltye pleks van die tradisionele drie grotes. • Oefen liefs vóór ete. Draf en veral gewigte optel laat die drukking op jou maag toeneem. • Probeer om nie te veel gewig aan te sit nie. Hou by die gesonde maatstawwe wat jou dokter aanbeveel het. • Vermy styfpassende klere. Klere wat lekker los sit, veral lospassende slaapklere, kan ook help om die druk…

LISA: Hy het na my geluister en niks bevraagteken nie. Hy het wel die vroedvrou laat kom toe die aktiewe kraam begin, want ek het gedink dis my verbeelding. Hy was dierbaar en het my saam met die vroedvrou aangemoedig om te druk. Hy was so trots op my – en dit, saam met die nuwe baba, het alles die moeite werd gemaak! AÏDA: Hy het my van ’n afstand af ondersteun en vir my gebid! JACOLIEN: Hy was baie besorg oor my en ek kon dit op sy gesig lees. Dit het my waardevol laat voel. RIANA: Stephan was ’n yster deur al die drama. ’n Noodkeisersnee was uiteindelik nodig. Behalwe vir al die emosionele ondersteuning en kalmte het hy my vasgehou as ek wou staan en druk en…

’n Ruk gelede was daar ’n taamlike debat in Australië omdat sommige privaat hospitale aan ma’s gesê het dis nie meer nodig om bababottels te steriliseer nie, maar genoeg om dit deeglik te was. Die staatshospitale het egter steeds sterilisasie aanbeveel volgens die riglyne van die Wêreldgesondheidsorganisasie. Sekere Amerikaanse mediese internetbronne sê ook sterilisasie is nie meer nodig solank die water skoon is nie. Maar prof. Wilma de Witt, hoof van die neonatale eenheid by Steve Biko-Akademiese Hospitaal in Pretoria, sê in Suid-Afrika is die sterilisasie van bababottels nie onderhandelbaar nie. Baie babas sterf nog aan maagdermsiektes en baie daarvan word teruggevoer na vuil bottels en voedingsbesmetting.…

Nanobébé se Breast Milk Storage Bags & Organizer help om jou uitmelkroetine meer vaartbelyn te maak. Die sakkies is ontwerp om te keer dat jy melk mors en behou ook voedingstowwe, want jou melk gaan twee keer vinniger afkoel en vries as in ander houers. Dit steek natuurlik ook ’n stokkie voor die groei van bakterieë. Die sakkies het ’n dubbele ritssluiter, is duursaam, lekbestand en word van ekstradik plastiek gemaak (niegiftig en sonder BPA of ftalate). Met die organiseerder kan jy die sakkies so stapel dat jy ruimte spaar en altyd die oudste melk eerste gebruik. Die boks bevat 25 vooraf gesteriliseerde sakkies. Dit kos R279 by Baby City, uitgesoekte Dis-Chem-takke en nanobebe.co.za. BLINK NUWE BABAWINKEL VIR BOLANDERS Checkers brei uit in die babamark met Little Me, ’n nuwe…

Jou baba se ontwikkeling vind van sy kop af ondertoe plaas en een van die belangrikste mylpale wat hy moet baasraak, is om sy koppie teen die swaartekrag regop te hou. Teen sowat drie maande oud het hy beter kopbeheer en behoort hy sy kop teen 45 grade te kan lig en dit sywaarts te kan draai terwyl hy lê. Teen sowat vier maande behoort hy sy kop 90 grade van die grond af te kan lig in ’n maagliggende posisie en sy kop regop te hou terwyl hy op sy elmboë leun. Teen om en by vyf of ses maande oud is sy skouertjies al sterk en stabiel. Hy kan hom op sy arms opstoot en sy arms gebruik om uit te reik na speelgoed langs of voor hom.…

Daar is geen ware genesing vir verkoue of griep nie – dit klaar gewoonlik self op. Behandeling is dus daarop gemik om jou beter te laat voel en jou liggaam te help om die infeksie beter te beveg. Hoe kan jy dan help? REGUIT BED TOE! Bedrus bly een van die beste maniere om jou liggaam die kans te gee om ’n siekte te beveg. Deur in die bed te bly terwyl jy siek is, keer jy sommer dat jy ander mense aansteek. LUISTER NA JOU LYF Rus as jy moeg is, anders kan jy jou herstel net langer maak. Drink water as jy dors is. EET GESOND ’n Gebalanseerde, gesonde eetplan met minstens vyf porsies groente en/of vrugte per dag word vir volwassenes met griep of verkoue aanbeveel om…

Braun se ThermoScan with Age Precision IRT6520 kos R999 en is te kry by Baby City, Dis-Chem, Clicks, takealot.com en apteke. Die definisie van wat ’n koors behels verander met ouderdom. Die termometer help jou deur middel van ’n kleurkode om die temperatuur wat jy meet, te interpreteer sodat jy kan besluit wat jou te doen staan. Dit is met ’n pasgebore baba net so akkuraat soos ’n rektale termometer en is vir die hele gesin geskik. Dis blitsvinnig en jy kan selfs ’n slapende baba se koors meet sonder om die hooflig aan te skakel. Die termometer het ook ’n geheuefunksie sodat jy maklik kan sien hoe jou kind vorder.…

Dis ’n piepklein vuisie wat styf om jou duim klem asof sy lewe daarvan afhang. Daardie vasgryprefleks van jou pasgebore baba laat elke mammahart vermurwe, maar binne ’n jaar kan dieselfde klein handjie so raakvat en kwaaddoen dat jy met nuwe oë daarna kyk! PASGEBORENE Jou kleinding se handgreep is nou net ’n refleks wat die gryprefleks genoem word. Die oomblik dat jy aan sy handpalm raak, sal die duimpie en ander vingers ’n paar sekondes om jou vinger sluit. In die eerste maand sal jou baba sy handjie meestal in ’n vuis hou. SAAMWEESPRET Druk jou duim vier sekondes lank saggies op die sagte deel van sy palm. Dit sal hom aanmoedig om sy handjie oop te vou. MAAND 2 Jou baba se gryprefleks verswak geleidelik en hy hou…

Eco-Ella se houtspeelgoed vir peuters is nie giftig nie en word van volhoubare houtbronne gemaak. Hierdie hoender-en-eier-stapelstel is ideaal vir ’n peuter. Dit kos R480 by ecoella.co.za. Mighty Small se Hook and Pine-voertuie (R255) van hout verskaf ure se pret. Die hout is veilig en kom uit plaaslike, volhoubare bronne. Gaan na mightysmall.co.za vir nog speelgoedidees. Het jy al ooit vir ’n kat ’n pil probeer ingee? Dis amper so moeilik as om vir ’n onwillige peuter medisyne te gee! Safety 1st kom tot die redding. Die stel gee jou drie opsies om die medisyne in te kry. Daar is ’n drupper met ’n morsskerm, ’n spuit en ’n spesiale medisynelepel. Dit kos R94,99 by Baby City en everyshop.co.za.…

1-2 JA AR • Voeg “asseblief” en “dankie” by jou kind se woordeskat sodra hy sy eerste woordjies baasraak. • Jou peuter moet saam met julle aan tafel sit wanneer julle as gesin die hoofmaaltyd van die dag eet. As hy reeds sy kossies opgeëet het, kan hy met ’n lepel in die hand self probeer om sagte vrugte of jogurt te eet. Moedig hom aan om die eetgerei te leer gebruik. • Jou peuter is al in staat om beleef te begin groet. 3-4 JA AR • Leer jou kind die woorde “jammer” en “verskoon my” wanneer hy nie volgens etiket opgetree het nie, soos om die tafel te verlaat lank voor almal klaar geëet het. • Hy behoort teen hierdie ouderdom die selfbeheersing te kan toepas om jou…

Jou kind kan nie alles kry wat sy oë sien nie. Voorskoolse kinders is geneig om vreeslik by hul maatjies te spog met hul aardse besittings. Jou kind kan dalk erg jaloers raak omdat sy maatjie ’n nuwe, groter en beter speelding as hy het, maar hy sal ook weldra uitvind dat die weiveld nie altyd groener aan die ander kant van die draad is nie. Help hom deur hom bewus te maak van die lekker en goeie dinge wat hy het. Vestig die aandag op dit wat hy reeds het, soos ’n ma en pa wat hom liefhet, eerder as om hom iets te belowe wat nie binne sy of jul bereik is nie. Daar sal altyd mense wees wat mooier, ryker en slimmer as hy is, en dit…

SLIM IDEE! Moenie die leë eierbokse weggooi nie. Jy en jou kind kan die bokse vir prettige kunsvlytprojekte gebruik. Eier in ’n nessie BESTANDDELE • 2eiers • 1e (15 ml) melk • knippie sout • 1dik sny dagoue brood • botter vir braai GAAN SO TE WERK 1. Klits 1 eier saam met die melk en sout in ’n groot plat bak. 2. Kies ’n koekiedrukker met ’n interessante vorm om ’n vorm in die sny brood te druk. 3. Week die brood in die geklitste eier – nie te lank nie, anders word dit pap. 4. Smelt die botter oor medium hitte in ’n pan. 5. Lig die brood versigtig met ’n eierspaan uit die bak en laat dit in die pan gly. Keer die brood om sodra dit goudbruin is. 6. Breek die…

JY HET NODIG • 1leë halfdosyneierhouer • plakkaatverf in wit en ses ander kleure • gekleurde pypskoonmakers • verfkwas • koerantpapier • skêr MAAK SO 1. Knip ses tulpblomme uit die eierhouer. 2. Verf die blomme. Ons het die gekleurde verf elkeen apart met wit verf gemeng om ’n pastelkleurige verf vir die buitekant te vorm. Die binnekant is met die ooreenstemmende helder weergawe geverf. Laat die tulpe op koerantpapier droog word. 3. Maak vir elkeen van die blomme ’n pypskoonmaker-stingel. Die pypskoonmakers word maklik deur die middelpunt van die karton gedruk en kan ’n entjie deurgetrek word.…

V My seuntjie is amper vyf jaar oud. Dit voel of ons twee nooit gebind het nie. Ek het probeer borsvoed, maar het drie weke ná sy geboorte opgehou. Ek het nageboortelike depressie gehad. Die dokter het medisyne voorgeskryf en sowat ’n jaar later was dit iets van die verlede. Ek voel dat my terugkeer werk toe vier maande ná sy geboorte, my mislukte borsvoeding en depressie alles bydra tot die swak verhouding wat ons het. Is dit te laat om te bind? Hoe kan ek aan ons verhouding werk? A MADELEIN KOEN ANTWOORD: Van ’n baba se geboorte af is ouers deeglik bewus van elke nuwe verantwoordelikheid, elke mylpaal wat bereik word en elke nuwe stap gedurende die reis van ouerskap. Gesonde binding (of op Engels secure attachment) vind…

Ek het my Harley-Davidson al uitgekies gehad. Die Sportster XL 1200 Custom. In my prysklas en goed genoeg om by te hou by my vriende wat reeds motorfietse het en langpadritte aanpak. ’n Tweedehandse een, maar goed opgepas en perfek vir die langpad. Ek was reg om een van daardie ouens te word. Reg om my middeljarekrisis met ’n ysterperd op te saal en die naweke waartoe my vrou instem, die snelweë van ons land te deurkruis. ’n Paar jaar tevore het ek reeds die baskitaar opgeneem en saam met ’n paar kamerade ’n rockgroep, Soms Wen Die Wolf, op die been gebring – daardie item op die aftiklysie was dus reeds in die sakkie. ’n Harley was die vanselfsprekende volgende stap op pad na die veertigs. Dit was ’n…