Innholdsfortegnelse for February - May 2021 i Baba & Kleuter

Ek was nogal ’n wilde kind. Ek het soos ’n apie boom geklim, die dorp op my BMX platgery (loshande), onder die laagwaterbrug gaan swem en my gunsteling-speelplek was halfgeboude huise. My ma weet niks hiervan nie. Ek moes net voor donker tuis wees. Ek het ’n arm gebreek, ’n sleutelbeen gebreek, het eenkeer harsingskudding gekry toe ek van die pophuis se dak afgeval het en ek moes ’n paar keer dokter toe vir ander gruwelike beserings. Snaaks, as jy kyk na die knieë van mense van my ouderdom sien jy dat ons feitlik almal littekens het van kleintyd se speel en val. Dit was dus vir my vreemd dat my eie kinders betreklik versigtig is. Hulle is nou tieners en daai kniekoppies is glad. Ek en my man dink…

BY BABY CITY KAN JY ELKE DAG LAE PRYSE GENIET Baby City bied ’n wye verskeidenheid gehalte-handelsmerke, alles onder een dak. Met daaglikse lae pryse is dit geen wonder nie dat Baby City Suid-Afrika se topinkopiebestemming vir babaprodukte is. Gaan na babycity.co.za om die hele reeks te sien. STREEL, VOED EN LIEFKOOS JOU KIND SE VEL MET EPI-MAX BABY & JUNIOR ’n Strelende, veeldoelige, versagtende bevogtiger vir babas en kinders wat sag genoeg is om as room of seep-plaasvervanger te dien vir normale of droë vel, asook vir ekseem en psoriase. Epi-max Baby Bum Barrier Cream beskerm, herstel en hou sensitiewe deeltjies van die vel in stand en kan gebruik word om nattigheid wat tot luieruitslag kan lei, af te weer. Die reeks is geskik vanaf geboorte en kan uitgeken…

Beaucience is trots Suid-Afrikaans! Hulle glo die natuur het al die antwoorde en streef na ’n gesonde vel. Hul unieke mengsel van organiese olies en natuurlike bestanddele voed die gesofistikeerde stelsel van jou vel en help dit om selfsorg toe te pas. So word veroudering beveg en ’n langtermyngesonde vel gehandhaaf. Om deel te neem, stuur jou kind se foto na sharing@ypbmagazine.com. Stuur jou gunstelingfoto na sharing@ ypbmagazine.com Onthou om jou kind se naam, van, ouderdom, kontakbesonderhede en posadres in te sluit.…

OPSIE #1 Jy oorweeg dalk ’n gladdejantjie gemaak van dubbeldik sjokoladejogurt, piesang en volroommelk in ’n wegneemkoppie van 500 ml. BETER KEUSE ’n 250 ml-gladdejantjie gemaak van vetvrye natuurlike jogurt, aarbeie of frambose, peer, wortel en hawersemels. HOEKOM IS DIT BETER? Dis ’n gebalanseerde ontbyt met ’n lae glukemiese indeks. Dit bevat meer natuurlike vitamiene en minerale, meer vesel en minder vet en suiker. OPSIE #2 Gryp jy gou na ’n bak kitsgraankos met volroommelk en suiker? BETER KEUSE 1 bakkie van Bokomo se Bran Flakes met rosyne, amandelsplinters en laevetmelk. HOEKOM IS DIT BETER? Dis ’n gebalanseerde ontbyt met ’n lae glukemiese indeks. Dis ’n verrykte opsie met meer natuurlike vitamiene en minerale, meer vesel en minder vet en suiker. OPSIE #3 ’n Bakkie versoete jogurt, want jy’s haastig.…

Ben Hendri de Vos is op 23 Augustus 2017 gebore. Dit was so spesiaal om ons seuntjie in die gesin te verwelkom. Terselfdertyd was dit bittersoet, want ons het geweet daar was ’n kans dat hy nie heeltemal “normaal” sou wees nie. Dit was ons tweede swangerskap. Ouboet Tjaart (nou 7) is sonder enige probleme gebore. Met Ben se swangerskap is ek op 30 weke met te veel vrugwater gediagnoseer. Al ons vorige sonars was normaal, maar ons dokter het ons weer vir ’n volledige sonar teruggestuur. Hierdie keer kon die dokters nie Ben se maag sien nie. Ek en my man, Werner, is albei dokters en het dus geweet wat dit beteken. As die baba nie vrugwater kan sluk nie, veroorsaak dit dat daar te veel vrugwater is en…

Dis regtig belangrik dat jy in jou swangerskap gesond eet, want jy moet al die nodige boustowwe aan jou baba voorsien en boonop sorg dat jy self supergesond bly. Sekere kossoorte is in sekere tye van jou swangerskap belangriker – volg ons gids en eet reg vir elke trimester. EERSTE TRIMESTER Die eerste 12 weke is van kardinale belang vir jou baba se ontwikkeling. Teen die einde van die eerste trimester is al jou baba se interne organe al gevorm. FOKUS OP: FOLIENSUUR Alle vroue wat ’n swangerskap beplan of wat in die vroeë stadium van swangerskap is, behoort hul daaglikse foliensuurinname met 0,4 tot 0,5 mg te verhoog. Dié belangrike B-vitamien is in die eerste drie maande noodsaaklik vir jou baba se gesonde groei wanneer haar brein en ruggraat…

V Ek is twee maande swanger met my tweede kind. My eerste ginekoloog het my elke maand met my ondersoek geweeg, terwyl die ginekoloog wat ek tans raadpleeg, my nog nie een keer geweeg het nie. Wat sou die rede wees? Hoekom wil een ginekoloog dit elke keer noukeurig neerskryf en monitor, en ’n ander glad nie? A DR. JP DU BUISSON ANTWOORD: Ek is een van daardie ginekoloë wat my pasiënte nie weeg nie. In die verlede is pasiënte geweeg om swanger vroue te identifiseer wat in hul swangerskap nie genoeg eet nie. Later is weeg ook ingespan as surrogaatmeting om te bepaal of die baba goed genoeg groei. Deesdae is daar beter maatstawwe, soos die simfisefundus-afmetings. Dis die meting van die baarmoeder vanaf die bekkenbeen tot by die…

V Ek is nou sewe maande swanger en wil baie graag borsvoed. Ek wil egter nie te veel aan my tepels karring nie omdat ek gehoor het dit kan kraam aanmoedig. Moet ek my tepels voorberei vir borsvoeding en hoe kan ek dit doen? A LISANNE DU PLESSIS ANTWOORD: Dis so bemoedigend om van ál meer ma’s te hoor wat reeds in hul swangerskap besluit hoe hulle hul baba gaan voed. Nog meer verblydend is dat meer ma’s die oneindige voordele van borsvoeding vir die baba – en ook vir die ma, gesin, gemeenskap en samelewing – insien en besluit op die beste voeding vir hul baba. Wanneer swanger vroue besluit hulle wil borsvoed, gee party mense vir hulle die raad dat hulle hul borste en tepels vir borsvoeding moet…

Nee, nie binding met jou baba nie … ons praat nou van postpartummaagbinding. Dis ’n eeue oue tradisie by sekere bevolkingsgroepe. Dit behels dat jy ’n stuk lap of spesiale onderklere dra wat druk op jou buik uitoefen en so jou maag help plat kry en jou middel herdefinieer. ’n Goeie produk help ook om jou rug regop te hou, wat weer pyn en uitputting van jou rugspiere teenwerk, veral met borsvoeding. Maagbinding verminder baarmoederswelling en laat jou minder opgeblaas voel. Dit help ook om die skeiding van jou buikspiere te herstel en dit weer normaal te laat werk. Met die regte produk kan ma’s wat ’n keisersnee gehad het, ook hul magies met groot sukses bind. Om die waarheid te sê kan ’n goeie band jou hersteltyd bespoedig en…

Een of twee laat mylpale is nie rede tot kommer nie. Wees eerder op die uitkyk vir ’n groep tekens wat saamval: ■ ’n Baba wat van geboorte merkbaar pap is of skielik styf word ■ Suigprobleme of ander ernstige voedingsprobleme ■ As jou baba nie teen drie maande in die rigting van ’n geluid draai nie ■ Geen oogkontak vanaf ’n jong ouderdom nie en ’n gebrek aan belangstelling in ander ■ As jou kind teen agt maande nog nie babbel nie ■ As jou kind teen 10 maande nog nie gerol of gekruip het nie ■ As een kant van die lyfie nie soos die ander kant beweeg nie ■ As jou kind teen ses maande nog nie uitreik na ’n voorwerp nie ■ Kwaai knieserigheid wat langer…

In Australië het sommige privaat hospitale in die verlede vir ma’s vertel dis nie meer nodig om bababottels te steriliseer nie solank hulle dit deeglik was, terwyl die staatshospitale steeds sterilisasie aanbeveel het volgens die riglyne van die Wêreldgesondheidsorganisasie. Sekere Amerikaanse mediese internetbronne het ook gesê sterilisasie is onnodig solank die water skoon is. Maar prof. Wilma de Witt, hoof van die neonatale eenheid by Steve Biko-Akademiese Hospitaal in Pretoria, sê in Suid-Afrika is die sterilisasie van bababottels nie onderhandelbaar nie. Baie babas sterf nog aan maagdermsiektes en baie daarvan word teruggevoer na vuil bottels en voedingsbesmetting. Weens Covid-19 is almal baie meer bewus van hoe belangrik higiëne is.…

Jack was nege maande oud en altyd ’n goeie slaper. Al het hy nooit heeltemal deur die nag geslaap nie, het hy snags net twee keer wakker geskrik: 1 vm. en 4 vm. Bedags het hy goeie eetgewoontes en ’n goeie slaaproetine gehad. Saans teen 7 nm. het hy vanself aan die slaap geraak, wat sy ma gerusgestel het dat Jack ál die eienskappe van ’n goeie slaper het. Binne twee weke het sy slaaproetine egter so agteruitgegaan dat hy elke paar uur wakker geskrik het. Sodra sy ma by sy kamer ingekom het, het hy rustig geword en weer aan die slaap geraak – mits sy by hom bly.…

BABA-MUESLI BESTANDDELE • 1koppie (250 ml) hawermout • 1eetlepel (15 ml) gedroogde appelkose • 1eetlepel (15 ml) pitlose rosyne VIR VOORSIT • 2eetlepels (30 ml) skoon water • ¼ryp piesang, fyngedruk • 2eetlepels (30 ml) natuurlike volroomjogurt METODE 1 Plaas die hawermout, appelkose en rosyntjies in ’n voedselverwerker en pols tot ’n fyn en melerige mengsel. 2 Hou die muesli-mengsel in ’n lugdigte houer en gebruik ’n gehoopte eetlepel op ’n slag vir baba se ontbyt. Dit sal weke lank hou. 3 Om voor te sit Laat ’n eetlepel muesli oornag in water week. Meng die piesang en jogurt deur net voor jy jou baba voer. MURGPAMPOENTJIEEN-QUINOA-PUREE BESTANDDELE • 1 prei, gewas en opgesny • 1 teelepel (5 ml) olyfolie • 200 g patat, geskil en in blokkies gesny • 4 of 5 murgpampoentjies, gewas en in skyfies gesny • ¼…

doeke per dag, twee jaar lank: doeke. Dit is dus heeltemal te verstane dat ouers gretig uitsien na die begin van potjielesse. Maar lees eers verder om seker te maak dat jou kleinding ook gereed is vir hierdie nuwe fase, want as jy te gou te veel druk (!) kan jy die hele proses kelder. Voor julle in alle erns begin, moet jy eers seker wees jou kind is gereed. Begin eerder later as te vroeg. Ouderdom alleen is nie ’n ware aanduiding dat jou kind reg is nie – potjielesse word tipies op enige tyd tussen 18 maande en vier jaar aangepak. Dinge wat ’n verskil maak is so uiteenlopend soos die seisoen (somer is makliker), jou kind se geslag (dogtertjies is tipies vroeër reg) en jou kind se…

V My sewe maande oue dogtertjie eet ’n groot verskeidenheid vaste kos, maar wanneer ek vir haar piesang of avokado gee, huil sy sonder ophou. Ek het dit al verskeie kere probeer, sonder sukses. Hoekom huil sy so? Hou sy nie daarvan nie? A ANEL KIRSTEN ANTWOORD: Wanneer ’n baba bekendgestel word aan vaste kos, gaan dit gepaard met verskeie ervarings wat positief of negatief kan wees. Dis moontlik dat jou baba om die een of ander rede ’n negatiewe assosiasie het met die tekstuur van piesang of avokado en dus gestres voel as sy daaraan blootgestel word. Die ander moontlikheid is dat jou baba dalk ’n allergie vir avokado en piesang het. ’n Allergiese reaksie op avokado word verbind met ’n allergie vir stuifmeel wat van bome af kom…

Moenie soebat nie, maar span gerus al sy sintuie in om kos vir hom onweerstaanbaar te maak. Onthou, kleuters is van nature klein verkennertjies en as die maaltyd interessant genoeg is, sal sy eetlus makliker aangewakker te word. Fokus dus soms op aspekte anders as die smaak en gesondheid van die kos en kyk of jou kleuter nie só gestimuleer kan word om beter te eet nie. Hier is ’n paar wenke. EET VOEL-VOEL As jy van babatyd af vir jou kind die geleentheid gegee het om sy kos te bevoel, is hy waarskynlik reeds ’n beter as gemiddelde eter. Ja, dit kan morsig wees, maar vingerkos is baie gewild by babas en kleuters. Sit soms ’n maaltyd so voor dat julle net met die hand eet. Sny alles in…

■ SLAAPVERSTEURINGS Kinders slaap soms so diep dat hul brein nie wakker genoeg is om die blaas te laat weet hulle moet opstaan en ’n draai gaan loop nie. ■ NAGTELIKE POLIURIE Dis ’n normale toestand waar ’n groot hoeveelheid urine snags geproduseer word – tot 50 persent van die hoeveelheid wat bedags geproduseer word. Veral seuntjies ly daaraan. ■ VERLAAGDE BLAASVERMOË Die blaas kan net ’n beperkte hoeveelheid vloeistof inhou voor dit “oorspoel”. ■ MA EN PA WAS BEDNATMAKERS Baie van Werner se pasiënte het ’n ouer wat tot ’n laat ouderdom bed natgemaak het of ’n ouer boetie of sussie wat daarmee sukkel. ■ STADIGER ONTWIKKELING Party kinders se sentrale senustelsel het meer tyd nodig om funksionele volwassenheid te bereik as ander. ■ SIELKUNDIGE FAKTORE Sielkundige oorsake van…

Letters moet vir jou kleinding pret wees sodat lees en skryf ook eendag vir haar lekker is wanneer sy formeel skool toe gaan. Moenie stres as jou kleuter nog nie in die alfabet belangstel nie, maar voer dit speels by jul aktiwiteite in – iewers steek daar tog iets vas. Die onderwyseres Marian Bailey beveel aan dat jy jou kleinding dophou en sodra sy ’n belangstelling daarin toon om iets te leer, dit met haar begin oefen. “As jou kind haar eie naam begin skryf, kan jy haar na die lettertjies laat kyk en gesels oor hoe letters in ’n sekere volgorde gebruik word om ’n naam of woord te vorm. Skryf ander woorde sodat sy kan sien hoe dit werk.” Stel ’n goeie voorbeeld deur self gereeld te lees…

GETALLE ■ Sy moet ten minste tot by 10 kan tel. Laat haar op alledaagse voorwerpe oefen, soos borde op ’n tafel. ■ Sy moet getalname kan noem, soos “daar is vyf borde op die tafel”. ■ Sy moet die simbole van 1 tot 10 ken. ■ Sy moet versamelings voorwerpe kan orden en vergelyk. Sy moet weet wat dit beteken as die een stapel meer/minder/dieselfde getal borde het as die ander stapel. ■ Sy moet praktiese probleme oplos soos om die stapel borde te groepeer of te verdeel. ■ Sy moet haar eie oplossings vir probleme kan verduidelik. ■ Sy moet getalle onder 10 kan optel en aftrek. METING ■ Sy moet die verskil ken tussen dag en nag, asook die seisoene. ■ Sy moet grootte, lengte, afstand en…

V My kind is nou 15 maande oud en ek wil hom graag op 18 maande by ’n speelgroepie inskryf. Ek dink hy is gereed vir die stimulasie en ons is albei reg om meer dikwels uit die huis te kom. Ons is Afrikaans, maar ek wil natuurlik hê dat hy tweetalig grootword, want dis mos voordelig as hy eendag goed Engels kan praat. Wat kan ek by die huis begin doen om hom voor te berei op die klassies? Ek is ook onseker oor die plan om by ’n Engelse groepie aan te sluit. Is dit te vroeg om hom bloot te stel? Hy hoor darem Engels by sy oppasser en op TV; dis dus nie heeltemal vreemd vir hom nie. Gee raad asseblief. E-pos jou vrae na sharing@ypbmagazine.com…

Sonder ’n gesonde selfbeeld sal selfs die talentvolste mens nie ver kom nie. As jy nie in jouself glo nie, sal niemand anders dit doen nie. ’n Kind se selfbeeld word in sy eerste vyf tot sewe jaar gevorm en hang grootliks af van sy ouers se houding teenoor hom. Dis ’n groot verantwoordelikheid, nè? Gelukkig is daar baie wat jy kan doen om jou kind in homself te laat glo. Die grondslag van ’n gesonde selfbeeld is die gevoel van onvoorwaardelike liefde en goedkeuring wat jou kind by jou en al sy geliefdes ontvang. Die uitdrukking op jul gesig, jul lyftaal en jul stemtoon is vir hom ’n aanduiding van wat julle van hom dink. As positiewe boodskappe ’n gewoonte in jul huis is, gaan jou kind floreer en…

1. Die kompetisie se inskrywings is oop vanaf 16 Oktober 2020 tot 31 Augustus 2021. Geen laat inskrywings word aanvaar nie. Sien bl. 12 en 13 vir die sluitingsdatums vir die kategorieë pasgebore baba en dogtertjies. Die kategorie vir seuntjies het reeds gesluit. 2. Deur in te skryf, stem jy in om gebonde te bly aan die bepalings en voorwaardes van die kompetisie. 3. Deelnemers moet die ouer of wettige voog van die kind wees. Die tydskrifte behou die reg voor om bewyse van die verwantskap aan te vra. As dit bewys is dat daar geen verwantskap is tussen the kind en die persoon wat die foto gestuur het, gee die persoon vrywaring aan tydskrifte teen enige eis van ’n derde party indien die kind as ’n wenner gekies word.…

Ons soek 2021 se voorbladsterre. Die inskrywings vir seuntjies het reeds gesluit, maar ons het nog twee pasgeborenes (van enige geslag) en twee dogtertjies nodig vir die res van die jaar. Baba & Kleuter verskyn vanjaar drie keer en dus is daar drie geleenthede vir ’n voorbladwenner. Ons sustertydskrif Your Pregnancy & Baby verskyn ses keer, maar elke tweede voorblad is ’n swanger vrou. Daar is dus nog vier geleenthede vir jou kind om op die voorblad van een van die twee tydskrifte te verskyn, want die twee seuntjievoorbladwenners is reeds op die winkelrakke te kry. Wanneer jy inskryf, kom jou kind outomaties vir albei tydskrifte in aanmerking. Blaai na bladsy 12 en 13 vir nog inligting, en na bladsy 97 vir die volledige bepalings en voorwaardes. Elke wenner ontvang…

“Zdrasto, Kazvam se Suzani, sŭpruga sŭm na Marnus i maĭka na Daniel.” “Hallo, my naam is Suzanne, ek is getroud met Marnus en is die ma van Daniel.” SÓ het ek mense op die kusdorp Burgas in Bulgarye altyd gegroet. Marnus is ’n meganiese ingenieur en ek ’n onderwyseres. Ons het ’n kans gewaag en na Bulgarye verhuis nadat Marnus ’n werkgeleentheid aangebied is. Dit was ’n avontuur waarop niemand ons kon voorberei nie. Ons was toe al vyf jaar getroud, maar het nog nie kinders gehad nie. Ons het die avontuur met sprankelende oë en groot opgewondenheid aangedurf. Nadat ons alles wat bekend was, agtergelaat en in die vreemde aangekom het, het die werklikheid ons uitkyk vinnig vergroot –maar die sprankel het verdwyn. Skielik was ons werklikheid ’n kommunistiese…

Ontbyt skop jou lyf aan die gang ná ’n nag se rus. ’n Gesin wat die gewoonte volg om ontbyt te eet, het ’n kleiner kans om oorgewig te raak as maatjies wat soggens niks eet nie – heel waarskynlik omdat dié wat nie ontbyt eet nie, rasend honger word en die kombuis dan later bestorm en hulle ooreet. Ontbyt is ’n geleentheid om vitamiene en minerale in te kry, meestal in die vorm van vrugte. Mense wat ontbyt eet, konsentreer soggens beter. Die brein het glukose nodig, wat van kos af kom. Jy sal weet dat die glukose op is wanneer iemand prikkelbaar of huilerig raak. Dek dus saans al die tafel sodat julle elke oggend kan aansit en saam eet. Die beter keuses in hierdie artikel is nie…

As jy wil hê jou kinder- of ooievaarspartytjie moet op hierdie blad verskyn, stuur gerus ’n e-pos met foto’s van ’n goeie gehalte en ’n kort beskrywing van die partytjie na sharing@ ypbmagazine.com.…

KLIK & KOOP Soek jy die perfekte geskenk vir ’n swanger vriendin, of vra ander mense heeltyd wat jy wil hê? Dan is ’n besoek aan die aanlynwinkel Wrapistry ’n goeie plan. Hulle het van bababedjies en stootwaentjies tot baba-eetgerei en -frokkies. Jy kan ’n lys opstel van wat jy begeer en die mense wat iets wil koop, kan daartoe toegang kry. Vir duurder items kan ’n mens ’n bydrae lewer tot die groot bedrag. Besoek wrapistry.shop of Facebook (UltimateGiftRegistry) of Instagram (Wrapistry_gift_registry). wrapistry.shop Aanbeveel! TOP-TOEP Juna is ’n fiksheids-en-voedingstoep wat op die moederskapsreis toegespits is. Jy kry weeklikse raad oor oefeninge vir elke trimester en op watter voedingstowwe om te fokus, resepte inkluis. Daar is veral baie inligting van kenners oor die bekkenvloer tydens en ná jou swangerskap. O,…

Vroeggebore babas het meer tyd nodig om hul mylpale te haal. Hou tred van jou premmie se mylpale deur sy aangepaste ouderdom uit te werk. Dit is die ouderdom wat jou baba sou gewees het as hy op die verwagte datum gebore is. WERK DIT SO UIT: Baba se ouderdom minus aantal maande wat hy vroeg gebore is, is gelyk aan die aangepaste ontwikkelingsouderdom. VOORBEELD: ’n Baba van agt weke oud wat ses weke vroeg gebore is, moet die mylpale bereik van ’n baba van twee weke oud. Dié aangepaste mylpaalouderdom kan gebruik word tot jou kind twee is, en selfs langer as jou baba met geboorte buitengewoon siek was.…

Jou baba se ontwikkeling vind van sy kop af ondertoe plaas en een van die belangrikste mylpale wat hy moet baasraak, is om sy koppie teen die swaartekrag regop te hou. Teen sowat drie maande oud het hy beter kopbeheer en behoort hy sy kop teen 45 grade te kan lig en dit sywaarts te draai terwyl hy lê. Teen sowat vier maande behoort hy op sy maag te kan lê en sy kop 90 grade van die grond af te lig en regop te hou terwyl hy op sy elmboë steun. Om en by vyf of ses maande is sy skouertjies al sterk en stabiel. Hy kan hom dan op sy arms opstoot en sy arms gebruik om te reik na speelgoed langs of voor hom. Hy sal ook…

STAP 1 Was jou hande deeglik met warm water en seep en droog dit af. STAP 2 Was die bottels en tiete deeglik met warm water en seep, verkieslik so gou moontlik ná ’n voe-ding. Gebruik ’n groot bottelborsel om seker te maak die bottel is deeglik skoon, en ’n kleintjie om die tiet binne goed skoon te maak. Spuit water deur die tiet om seker te maak dat daar nie melk iewers vassit nie. Spoel dit goed af in skoon water. STAP 3 Steriliseer die bottels en tiete deeglik deur ’n kouewater-sterilisasie-oplossing te gebruik, dit te kook, dit in die mikrogolf te steriliseer of ’n spesiale elektriese steriliseerder te gebruik. Volg die aanwysings van die metode wat jy gebruik nougeset. STAP 4 Haal ná sterilisasie die bottels met ’n…

Toe Karel sowat 18 maande oud was, moes ma Maria terugkeer werk toe. Haar hart wou breek elke keer wanneer sy hom by die huis agterlaat. Hy was heel gelukkig by sy oppasser en het gehou by die goeie roetine wat hulle saamsaam gevestig het. Hy was nog nooit ’n goeie slaper nie, maar ná Maria se terugkeer werk toe het dinge heeltemal ontspoor. Karel het bedags steeds van 12 tot 2 nm. geslaap en met sy aptyt het niks geskort nie. Die probleem was egter dat hy nou eers 10 nm. gaan slaap het en dat sy ma saans baie gesukkel het om hom rustig genoeg te kry dat hy kon slaap.…

■ Hy is self bewus daarvan dat hy piepie of poef en sê soms vir jou as hy wil gaan of besig is om te gaan. ■ Hy kan self sy broek op- en aftrek, hoewel dit soms maar skeef en krom is. ■ Hy stel belang in sy potjie. ■ Sy doek is soms lang rukke droog, wat daarop dui dat sy spier- en senuweebeheer in so mate ontwikkel het dat hy piepie kan inhou. ■ Hy is geïnteresseerd daarin as jý (of ’n ouer boetie of sussie) die toilet besoek. ■ Hy het gereelde opelyf, meestal dieselfde tyd van die dag. ■ Hy kan praat en ten minste vir jou sê as hy ’n draai wil loop, al is dit net met woorde soos piepie of poefie.…

MAAK OOGKONTAK Dis die heel belangrikste wenk wat sal help dat die boodskap wat jy wil oordra, wel ’n indruk op daardie breintjie maak. Hoe doen jy dit? Gaan sit op jou hurke of knieë en maak seker jy is op jou peuter se hoogte sodat julle oogkontak maak. Kyk hom reguit in die ogies terwyl jy met hom praat. Moenie dan ’n lang, breedvoerige gesprek probeer voer nie, maar praat in kort sinne en maklike woorde wat hy kan verstaan: “Moenie die hond se ore trek nie. Dis eina. En hondjies kan byt as hulle seerkry.” Soms gaan hy net so ’n groot behoefte hê om ’n spesifieke boodskap aan jou oor te dra. Doen dan dieselfde: Kom op sy vlak en maak oogkontak. EEN SIN OP ’N SLAG…

V My 18 maande oue dogtertjie speel taamlik rof en het die afgelope ruk ’n paar houe of stampe teen die kop of gesig gekry. Ons probeer keer en versigtig wees, maar dit is eintlik onvoorkombaar. Hoe sal ek weet as sy regtig seergekry het en wanneer ek dokter toe moet gaan? A DR. MARETHA COMBRINK ANTWOORD: Kinders begin meestal tussen 12 en 18 maande oud loop. Dit duur egter heelwat langer voor hulle koördinasie en balans ontwikkel. Dis dus baie algemeen dat kleuters struikel, hul balans verloor en val. Byna alle kinders stamp af en toe hul kop. Hoewel hierdie beserings ontstellend is, is die meeste hoofbeserings gering en veroorsaak dit nie ernstige probleme nie. As jou kind haar kop gestamp het, maar steeds wakker is en reageer wanneer…

BENODIGDHEDE • ’n Stewige boks • Hout-wasgoedpennetjies • Verf in verskillende kleure • Verfkwas GAAN SO TE WERK 1 Verf die houtpennetjies elk ’n verskillende kleur. 2 Verf ’n groot blerts van elke kleur al met die boks se boonste rand langs. 3 Laat jou kind die pennetjies op die rand van die boks vasknip. Ouer babas kan oefen om die pennetjie te knyp. Ouer kinders kan die kleure laat pas en benoem. Baie dankie aan Clamber Club vir dié blink idee. Gaan na clamberclub.co.za. clamberclub.co.za…

DECLAN IS ’N ONGEWONE NAAM. WAT BETEKEN DIT? Ons het sy naam weens die betekenis gekies. Dit beteken man van gebed. NA WIE AARD HY? WAAR KOM DAARDIE KUILTJIES VANDAAN? Declan het sy pa, Sybrand, se blas vel en kuiltjies. Die oë kry hy by my. Die lang stories wat hy graag babbel, kry hy glo ook van my af – so sê sy pa. VERTEL ONS MEER VAN SY GEBOORTE. Hy is op 37 weke met ’n keisersnee gebore, gesond en 3,64 kg swaar. Sy hare was pikswart, maar word nou algaande baie ligter. Hy is ons eerste – daar’s nie boeties of sussies nie. Is dit moontlik dat mense wat so min slaap, dit weer wil doen? Hy slaap darem van 10 maande af meer menslike ure. WAARVAN…

“Om ’n six-pack op jou maag te hê, is fantasties. Maar my lyf het letterlik organe herrangskik om ’n nuwe lewe in die wêreld te bring en dus is my maag ook deksels indrukwekkend.” @saltymermaident “Van al die verskriklike maniere waarop ’n mens wakker gemaak kan word, is die ergste seker wanneer jou kind sê: ‘Mamma, my windjie het op die vloer geland’.” @sarabellab123 “Dis darem wonderlik hoe my kinders nooit hul skoene kan vind nie, maar hulle kan die kleinste stukkie ui in hul aandete opspoor.” @redtricycle “My 10-jarige weier om ’n sekere paar sokkies te dra, want sy kan glo die polkakolle daarop voel … indien jy dalk gewonder het wat van die meisie in die ‘Prinses en die ertjie’ geword het.” @copymama…

WENNER 1Die wenner is op die voorblad van Your Pregnancy &Baby February & March-uitgawe wat 15 Januarie op die rak is. WENNER 2 Hy is op die voorblad van Baba & Kleuter Februarie-Mei wat vanaf 29 Januarie te koop is. WENNER 3 ’n Pasgeborene op die voorblad van Your Pregnancy &Baby June & July-uitgawe, wat vanaf 14 Mei te koop is. WENNER 4 ’n Pasgeborene op die voorblad van Baba & Kleuter Junie-September, wat 21 Mei te koop is. WENNER 5’n Dogtertjie verskyn op die voorblad van Your Pregnancy &Baby October & November-uitgawe, wat 17 September te koop is. WENNER 7Sy is op Baba & Kleuter Oktober-Januarie, 24 September te koop.…

Aktiewe geboorte is instinktief. Dit behels dat jy sonder pynverdowing normaal en spontaan die lewe skenk, volgens jou eie wil en deursettingsvermoë en met die vryheid om jou liggaam te gebruik soos jy wil en jou oor te gee aan enige drang wat jy voel. Aktiewe geboorte is ook ’n kopding. Dit behels vertroue in die natuurlike werking van jou lyf en oorgawe aan die verloop van die geboorteproses. Ons vertel meer ... WAT BETEKEN AKTIEWE KRAAM? Aktiewe kraam is die manier waarop jy optree wanneer jy jou instink en die logika van jou lyf vertrou en volg. Dis hoe jy in beheer van jou liggaam bly terwyl jy die lewe skenk, eerder as dat jou mediese span jou bestuur. Die besluit om aktief te kraam, gee jou baba die…

1 BEDERF JOUSELF Omskep jou huis in jou persoonlike spa en bederf jou so gereeld as wat jy kan. Begin met ’n ontspannende bad en ’n uitgerekte gesigsbehandeling en eindig jou aand deur jou gunsteling-reeks te kyk terwyl jy jou naels versorg. Dis waarskynlik die laaste keer in baie jare dat jy alleentyd gaan deurbring; benut dit dus so goed as wat jy kan. 2 EET JOU VRUGTE Somer is ’n wonderlike tyd om swanger te wees, want daar is ’n oorvloed vrugte op die mark. Sny ’n paar appels, mango’s, kiwivrugte, aarbeie en piesangs op en voeg muesli en jogurt daarby vir ekstra vesel en kalsium. Hierdie vrugtesoorte is vol vitamien C, wat jou help om yster te absorbeer en jou immuunstelsel versterk. Oranje vrugte (soos appelkose,…

As jy borsvoed, kan jou rug- en skouerspiere gou seer word en jou lyf moeg. Dis gewoonlik die gevolg van pogings om jou baba aan jou bors te laat suig. Dis baie makliker om jou lyf na jou baba te bring en nie jou baba na jou bors toe nie. Jy krul dus vorentoe elke keer wanneer jy voed omdat jy so daarop ingestel is dat jou baba moet vassuig, en dan vergeet jy skoon van jou postuur. Dit help om jou in jou swangerskap al op die eise van borsvoeding te begin voorberei en te sorg dat jou rug en bolyf sterk en soepel is. Onthou, jou baba gaan elke week ’n bietjie swaarder word. Dié oefeninge en strekke moet ook volgehou word nadat jou baba gebore is. Trek…

VINNIG & VOEDSAAM • Maak ’n enorme pot bolognesesous met vars maalvleis, groente en kruie, sodat jy twee of drie lasagnes daarvan kan maak en vries. Eet die orige sous saam met heelgraan-pasta. • Koop ’n gaar heelhoender. Dis ’n vinnige proteïengereg wat vir aandete en as peuselhappie kan werk. • Koop groente wat ook rou geëet kan word, soos wortels en seldery waaraan jy tussen maaltye kan peusel. • Stoompotte werk vinnig en is ’n baie gesonde gaarmaakmetode vir groente, vleis en vis. PORSIE & PROPORSIE Jy’t ’n kombinasie van heelgraan, groente, vrugte, suiwel, proteïen en olies in jou daaglikse dieet nodig. Maar hoeveel? HEELGRAAN 6 porsies. Een porsie is gelyk aan 1 sny brood of ’n halwe koppie gaar bruinrys/heelgraan-pasta/gaar hawermout/ 6 Provitas/1 semelmuffin. GROENTE 2,5 koppies. Een…

TOEP WAT DIE DOKTER ROEP Babas word op die mees ongeleë tye siek en hoe jonger die baba, hoe gouer moet julle mediese raad kry. Dis moeilik om dadelik ’n afspraak te kry en ook nie altyd moontlik om in die nag noodhospitaal toe te ry nie. Nou is daar ’n toep wat met die stres hiervan kan help. Die Lilaq Health App bring ouers in verbinding met geregistreerde gesondheidswerkers sodat julle baie vinnig hulp kan kry op ’n tyd wat julle pas, en teen ’n bekostigbare prys. Jy kan nou selfs inentings en roetine-afsprake by jou huis laat plaasvind, wat veral lekker is terwyl ons almal nog vir Covid-19 wegkruip. Met druktyd was die diens net in die noorde van Johannesburg, Centurion en Pretoria beskikbaar, maar ander stede word…

Dit kan ’n uitdaging wees om nagtelik slaapprobleme te hanteer wat uit skeidingsangs spruit. ’n Belangrike beginsel is dat jy jou kind moet leer om hom self te vertroos. Volg gerus hierdie vyf stappe: 1 Luister eers ’n paar minute na jou huilende baba om te hoor of hy hom dalk self tot bedaring sal kan bring. 2 As hy onrustig bly, kan jy na sy kamer toe gaan en hom met jou stem probeer kalmeer; dit verseker hom dat jy daar is en lief is vir hom. 3 Gee hom dan ’n doedoe-kombersie. Moenie in ’n roetine verval waar jy hom wieg en aan hom vat of hom streel tot hy aan die slaap raak nie. Dit sal slegte langtermyngewoontes laat ontwikkel. 4 Gaan uit sy kamer sodra hy…

SLAAP Die brein het genoeg ononderbroke slaap nodig om alles te verwerk wat in die dag plaasgevind het. Kinders wat nie genoeg slaap nie, vaar slegter met kreatiwiteit en hoërvlak-probleemoplossing. AANRAKING Aanraking stuur boodskappe na die brein oor hoe dit moet groei en verbindings bou. Dis is hoekom mas-sering so waardevol is. Moenie ophou daarmee as jou baba groter is nie. Dit bly selfs vir kleuters belangrik. INTERAKSIE Om om te gaan met ander mense en voorwerpe, is net so belangrik soos ’n voedsame dieet. Babas met wie gepraat word, vir wie gelees word en wie se pogings om te kommunikeer beloon word, vaar beter. VOEDING Goeie voeding vir optimale breinontwikkeling begin reeds voor geboorte en is die rede waarom aanvullings met foliensuur, yster en omega-olies vir swanger vroue aanbeveel…

■ Maak seker dat jou kind klere dra wat sy maklik aan en uit kan trek. ■ Stel ’n alarm om jou te herinner om haar uurliks potjie toe te vat. ■ As julle uitgaan en jy is bang vir glipsies, laat haar oefendoeke dra. Dis doeke wat soos broekies lyk en werk. ■ Hou boekies byderhand om haar te help om op die toilet te ontspan terwyl sy wag dat iets gebeur. Belê gerus in boekies oor potjielesse soos Martie Kruger se Tatta, doeke! (Lapa) of Mag ek in jou doek loer? deur Guido van Genechten (Human & Rousseau). ■ Moenie jou kleinding dwing om ure lank op die potjie te sit nie. Vyf minute is lank genoeg – as daar niks gebeur nie, kan julle later weer probeer.…

Moenie te gou die fiemies-etiket om jou kind se hals hang nie. Hou die volgende in gedagte: ■ Kinders tussen een en vyf sit taamlik stadig gewig aan in vergelyk met hul eerste lewensjaar. Hulle het dus minder kos nodig. ■ Tussen 16 en 30 maande is hul eetlus kleiner, en hul gewig neem baie stadig toe. Dis natuurlik. ■ Die meeste ouers oorskat die hoeveelheid kos wat ’n kind nodig het. Navorsing wys dat as kinders gelos word om hul eie koskeuses uit te oefen, hulle wel op die duur ’n gebalanseerde dieet volg.…

Bou gereeld saam met jou kind legkaart. Crazy Store het ’n groot verskeidenheid en julle sal maklik ’n tema kry waarvan jou kind hou. Pryse strek van sowat R25 tot R110. Gesels rustig oor wat julle sien, watter stukkie waar pas en watter kleure en patrone julle met die bouery help. Wenk: Moenie ’n legkaart aanpak wat vir jou kind te moeilik is nie, want dit veroorsaak net frustrasie. Moenie self mededingend en haastig raak en die hele ding self bou nie. Laat jou kind sukses proe!…

Vir ’n vyfjarige wat dalk by maatjies wil begin oorslaap, is bednatmaak meer as net ongerieflik – dis ’n sosiale verleentheid. Vir ouers is dit weer frustrerend as hulle verwag hul kind is oud genoeg om saans droog te bly en dan kom hulle die volgende oggend op ’n nat bed en ’n ongelukkige kind af. Bednatmaak – die mediese term is enurese – is ’n simptoom en nie ’n siekte nie, sê dr. Werner Botha, ’n uroloog van Kaapstad. “Nagtelike enurese word beskryf as die voortbestaan van bednatmaak ná die ouderdom waar beheer normaalweg verwag sou word, dus teen omtrent vyf jaar oud,” sê hy. “Die meeste kinders met enurese het egter geen fisieke of verstandelike afwyking nie en net 15 persent van hulle het bedags simptome, soos dat…

Ons kinders leer dalk eers op skool amptelik lees en skryf, maar daar is baie wat jy voor skool kan en moet doen om jou kleinding te help om in graad 0 en 1 hierdie belangrike vaardighede sonder moeite baas te raak. Hou dit net prettig! In die kleuterjare word immers baie belangrike bousteentjies gelê vir latere lees- en skryfvaardighede. Die ontwikkeling van vroeë lees- en skryfvaardighede begin reeds op ’n baie jong ouderdom, sê Marian Bailey, ’n ervare Johannesburgse onderwyseres en remediërende terapeut asook stigter van Raising Readers, ’n organisasie wat by kinders ’n passie vir lees wil skep. “Die beste ding wat ’n ouer vir haar klein kind kan doen is om ’n liefde vir lees te kweek deur elke aand hardop vir haar voor te lees. “Dit…

Wiskunde het vele fasette. Dit sluit ’n begrip van getalle en telvaardighede in, maar ook konsepte soos grootte, inhoud, gewig, hoeveelhede, patrone en die verhouding tussen dinge. Onderliggend aan wiskunde is ook vaardighede soos probleemoplossing, redenasie en die vermoë om die verband tussen sake raak te sien. Die geheim daarvan om wiskunde vir jou kind lekker te maak is om haar te wys hoe om wiskunde in haar daaglikse lewe te gebruik. Dit sal haar ook help voorberei vir die wiskundige uitdagings wat in graad 1 aan haar gestel sal word. Die ander belangrike geheim is om te sorg dat die wiskundige leerproses prettig en plesierig is, veral omdat sy dit in noue samewerking met een van haar ouers doen! Jou kind is skoolgereed wanneer sy in staat is om…

❯❯ BORDSPELETJIES soos Slangetjies en Leertjies, Monopoly Junior, skaak of dambord. ❯❯ INKLEURBOEKE MET SPELETJIES, soos om die kolle te verbind of volgens ’n syferkode in te kleur. ❯❯ RYGSPELETJIES Hou houers aan met krale of houtblokkies wat aan veters geryg kan word. Die meeste speelgoedwinkels verkoop dit, maar jy kan jou eie weergawes ook maak. ❯❯ LEGKAARTE Bou moeiliker legkaarte saam met jou kind. Verduidelik waarom die stukke op ’n spesifieke plek pas deur na vorm, kleur of afwykings te verwys. ❯❯ BOUBLOKKIES, Duplo- of Legoblokke, alfabetblokkies en vormsorteerders. ❯❯ TELRINGE OF ’N TELRAAM ❯❯ DOBBELSTENE Laat sy die getalle wat sy gooi bymekaartel – dis ’n goeie begin vir basiese sommetjies.…

DIE IDEALE TYD Daar is baie swemskole wat babas van ’n paar maande oud leer swem, sê Sean en Odette Swartz, wat in Bloemfontein klein kindertjies vir water lief maak. Hoewel hulle nie voorstanders is van swemafrigting vir babas tussen ses weke en agt maande oud nie, meen hulle dat dit beslis doenbaar is. Babas word in hierdie vroeë stadium geleer om op die water te dryf. As jy jou baba so vroeg al waterwys wil maak, is die Swartz-egpaar se raad dat jy jou huiswerk goed doen voor jy ’n swemskool en -afrigter kies. Jy moet ook seker maak die swembad waarin hulle leer swem, het ’n temperatuur van minstens 30 grade Celsius. Babas kan baie vinnig liggaamshitte verloor as die water kouer is omdat hul koppie, wat ook…

Probeer om nie ander ouers in ’n moeilike posisie te plaas wanneer jy ’n maatjie nooi om by julle te kom oorslaap nie. Moenie ’n kind nooi wat nog nooit eens by julle gekuier het nie, of as jy die ouers nog nooit ontmoet het nie. Maak dan eerder eers ’n speelafspraak en gee die gesinne tyd om mekaar te leer ken. Verduidelik vir jou kind dat dit die ouers se besluit is wie genooi word, asook hoe en waar en wanneer. Dit is om te keer dat jou kind voor jou en die maatjie daaroor begin neul, wat vir almal ’n verleentheid kan wees. Jou kind moet weet dat jy nie gemanipuleer sal word om lukraak te nooi wanneer jy dit nie goed oorweeg het nie. As jy gevra…

1 op Afbrekende die negatiewe kritiek gaan wat hamer jou kind nie aanspoor nie. As jy gedurig raas en skel of net altyd die negatiewe kant van die saak sien, sal jou kind die indruk kry dat sy sleg is. Moet veral nie jou kind voor ander verkleineer nie. Hou kritiek opbouend. 2 aan Probeer tyd en jy opmaak aandag deur vir jou gesken gebrek - ke en geld te gee? Heroorweeg jou optrede, want dit berokken jou kind se selfbeeld skade. 3 maak Word en jou met kind ’n gereeld pak slae seerge gestraf - ? Geen kind kan positief oor haarself voel as sy so verneder word nie. 4 der Dis baie mense moeilik se verwagtinge om aan an- te voldoen en as jou kind sukkel om aan…