Innholdsfortegnelse for Issue 29 i Avontuur Afrika

Almal is bewus van renosterstropery en die belangrikheid daarvan om hierdie diere teen die bedreiging van uitwissing te beskerm, maar min mense besef die ware erns van die situasie. Die mees onlangse renosterbevolkingsgetalle vir Afrika tot einde 2021, wat verlede jaar deur die Internasionale Unie vir Natuurbewaring (IUCN) vrygestel is, het getoon dat witrenostergetalle steeds met sowat 3.1 persent per jaar afgeneem het en dat daar slegs 16 000 van hierdie diere in Afrika oor is. Op ‘n meer positiewe noot het die getalle van die krities bedreigde swartrenoster tussen 2018 en 2021 met drie persent per jaar tot 6 200 diere toegeneem, deels te danke aan langtermynpogings om hul omvang en getalle aktief oor die kontinent uit te brei. Daar was ook ‘n geringe afname in renosterstroping in Suid-…

Hou ‘n oog daar agter! Om ‘n karavaan of boswa agter jou voertuig te sleep is dikwels deel van jou landreis, maar steeds bied die meeste standaard kantspieëls nie ‘n voldoende uitsig op dít wat jy sleep nie. Die ooglopende oplossing vir hierdie probleem is natuurlik ‘n nuwe stel kantspieëls, ontwerp met die oog op sleep. Maar hoe kies jy? Ons aanbeveling is om ‘n produk te kies wat homself al oor en oor as ‘n leier in die industrie bewys het – en dít is presies wat Clearviewsleepspieëls bied. Die meeste moderne voertuie is propvol gevorderde veiligheids- en bestuurdershulpmiddels. Vir Clearview is dit dus noodsaaklik om ‘n produk te bied wat nie met hierdie stelsels inmeng nie en die maatskappy werk nóú saam met die wêreld se voorste voertuigvervaardigers…

“Well, I can see myself tearing up the road, faster than any other boy has ever gone.” – Meat Loaf, Bat out of Hell Namibië was nog altyd op my kluitklaplysie en om met die Ranger Raptor in die duine net buite Walvisbaai te speel, was ‘n droom wat waar geword het. Om teen meer as 100km/h oor die duine te vlieg laat die adrenalien behóórlik pomp – vir nog lank nadat jy reeds uitgeklim het. Die voertuig vlieg letterlik oor enige knikke en knobbels op die roete en danksy die topklas veerstelsel voel jy dit skaars. Wat ons ookal van die Raptor gevra het, het dié bakkie met gemak gelewer. Die Raptor se vermoë om byna enige duin sonder huiwering aan te pak, plaas dit in ‘n klas van…

ROB ERIKSON-MILLER Rob is een van die organiseerders van die ekspedisie. Hy besit ‘n Land Rover werkswinkel en is al 31 jaar by dié handelsmerk betrokke. Hy het Winston, ‘n 1982 Series 3-model (wat hy in die Wieg van die Mensdom raakgeloop en gekoop het) bestuur. Hy het dit in Chartwell, Suid-Afrika, gerestoureer en dit Winston gedoop – wat hom die idee gegee het om oor Afrika te ry na Chartwell House, die tuiste van Sir Winston Churchill. MARK MCCLUE Mark, ‘n entrepreneur in Chartwell, het Jan Smuts bestuur. Dié ryding is op ‘n plaas gevind en aan Rob te koop aangebied. Dit was erg verwaarloos en Rob het dit na sy werkswinkel laat insleep en dit herbou. Die papierwerk sê dit is ‘n 1969-model, maar dit is eintlik ‘n…

Ek het eenkeer ‘n splinternuwe Volkswagen Touareg in Botswana se wêreldbekende Okavango Delta-moerasse verdrink. Ek het my gids, wat in ‘n Land Cruiser was, probeer volg. Min het ek toe geweet dat die luginlaat op die VW net onder die kopligte is! Jy moet regtig jou storie (en voertuig) ken as jy Botswana invaar – wat vandag ‘n droë en stowwerige pad is, kan môre ‘n moeras vol seekoeie en krokodille wees! Ek het al baie reise op my eie na verlate plekke in Botswana, soos die Sentrale Kalahari-wildreservaat en die Kgalagadi Oorgrenspark, onderneem. Vir hierdie betrokke reis het ek egter besluit om by ‘n ou vriend en 4x4-gids, Bernie Williams, aan te sluit. Hy bestuur ‘n uiters goed-toegeruste 2014 enkelkajuit 79-reeks Toyota Land Cruiser V6 en staan aan die…

*Jy is welkom (Marokkaanse Arabies) Ons avontuur – bespreek deur Ultimate Adventures – het in Marrakesh met die oorhandiging van ‘n sleutels na ‘n verskeidenheid 4x4-voertuie begin. Andy en Sonja Johnstone was saam met my en Michael Barton in ‘n Land Cruiser Prado, met Russell en Joanie Tarr in ‘n Jeep Cherokee. Sander en Stienie Silvas was in ‘n Volkswagen Touareg en Vicky Johnstone en Richard Hayman in ‘n Fiat Fullback dubbelkajuit. Dit was ook ons eerste kennismaking met wat ons die ‘Arabiese rieldans’ gedoop het. Wat is dit, vra jy? Eintlik maar net ‘n komiese volgorde van Suid-Afrikaners wat die verkeerde motordeur gryp, dan in die lug na ‘n veiligheidsgordel en handrem tas… Uiteraard het die linkerstuurvoertuie aan die regterkant van die pad so effe met ons koppe gesmokkel!…

Die Dinokeng-wildreservaat is 22 000ha groot en in die noordooste van Gauteng, sowat 100km vanaf Johannesburg, geleë. Dit is Gauteng se enigste vrylopende Groot Vyf-wildreservaat en is die tuiste van beide swart en wit renosters, ‘n aantal leeu- en olifanttroppe, asook ‘n gesonde buffelbevolking en heelwat luiperde. Die reservaat se naam is van die tale van die baTswana- en baPedi-mense wat tradisioneel die gebied bewoon het afgelei en beteken ‘die plek van riviere’. Ander wild sluit jagluiperds, vlaktewild en ‘n wonderlike voëllewe met meer as 300 spesies (insluitend breëkoparend broeipare) in. Besoekers kan uit verskeie selfry-roetes (waarvan die meeste vir standaard sedans toeganklik is) kies en die reservaat spog met met verskeie piekniekplekke. Gewilde keuses sluit in: Bayethe piekniekterrein: Die afgeleë piekniekterrein is op ‘n heuwel geleë en bied ‘n…

Wat is nou lekkerder as om gesellig om ‘n vuur te kuier terwyl die geur van vleis wat braai swaar in die lug hang? Dis hier waar lang stories vertel word, saam gelag word en menige lewenslange vriendskappe gesmee word. Ek weet nie van julle nie, maar ek wil nie ure lank in die kombuis swoeg om bykosse te maak nie. Ek wil saam kuier! Dalk is dit die feminis in my wat praat, maar dis mos nie regverdig dat net die manne gesellig verkeer nie. En ek val lankal nie meer vir die storie dat vleisbraai harde werk is nie! Ek het in my ouma se resepte (met die hand uitgeskryf) rondgesnuffel en op ‘n paar eenvoudige idees vir bykosse – wat vinnig voorberei kan word, min bestanddele het…

Stuur foto’s van jou en jou ryding na: info@4x4afrika. Anderson Sinvula 1995 Toyota Hilux Surf 3.0 1KZ-TE “Vir diegene wat nog nooit van ‘n Hilux Surf gehoor het nie, laat ek julle opvoed. Dit was die eerste ware 4x4 sportnutsvoertuig, as‘t ware, die oupa van die Toyota Fortuner. Die Surf is beter bekend onder sy Amerikaanse naam – 4Runner – en baie van hierdie rygoed het al hul weg na Suider-Afrika gevind as sogenaamde grys invoere uit Japan. My betroubare Hilux Surf is een van daardie grys invoere. Ek het hierdie ryding nou al ‘n paar jaar en dit is die betroubaarste voertuig wat ek nog ooit besit het. Dit het die letsels en die kilometerlesing om dit te bewys. Ek het my Surf Olivora Carpensis, oftewel Ratel, gedoop omdat…

Aanhangers van klassieke Land Rovers sal verheug wees om te hoor dat die LandyFest terug is en hierdie jaar beloof dit om selfs groter, beter en langer as ooit tevore te wees. Hierdie gewilde geleentheid word vanjaar weer by die Rust de Winter ATV 4x4-klub se terrein gehou – vanaf Donderdag 27 April tot Maandag 1 Mei, beide openbare vakansiedae ingesluit, wat dit ‘n ekstra-langnaweek van ses dae en vyf nagte maak. Die 2023 LandyFest beoog om hope prettige aktiwiteite vir gesinne in hul Land Rover Classic-voertuie of meer moderne rygoed soos die nuwe Defender, te bied. ‘n Nuwe item op die program is die LMC Extreme 4x4-byeenkoms wat vir Vrydag 28 April geskeduleer is, waartydens besoekers die geleentheid sal kry om agter die stuur van ‘n paar spesiaal-ontwerpte Discovery…

Een van die grootste probleme met die konvensionele ammoboks was nog altyd die ietwat treurige en redelike dun knippe, wat breek as jy net daarna kyk… dikwels op die mees ongeleë tye! Dus was een van die eerste doelwitte met die ontwerp van die nuwe boks om die knippe heelwat sterker te maak en ook om die gebruikersvriendelikheid daarvan te verbeter. Gevolglik het die nuwe knippe ‘n sterk duimgreep en ‘n reghoekige ontwerp wat beteken dat dit relatief maklik oop- en toegemaak kan word. Daarbenewens is die knippe maklik om te vervang as hulle breek aangesien hulle afsonderlik te koop is. Nie dat jy dit sommer nodig gaan kry nie – ek het met alle mag en mening probeer om tydens die twee reise waarop ek nou reeds die boks…

In Mei 2022 het ons ‘n 30-dae lange reis deur die Wes- Kaap gedoen. Ons het hierdie padteken in die Weskus Nasionale Park opgemerk en was dit eens dat dit uiters gepas is. Hierdie arme reptiele is dikwels slagoffers aangesien hulle nie vinnig kan wegkom nie en dan doodgery word. Ons was bevoorreg om baie skillies langs die roete op te merk. My naam is Jan-Harm du Plessis en ek is nou al meer as 17 jaar getroud met my pragtige vrou, Elsie. Ons het twee wonderlike kinders – ons dogter, Luciele (14) en ons seun EW (wat onlangs 12 geword het). Ons dokumenteer ons landreisavonture op sosiale media onder @JEWEL4travel, wat ‘n afkorting van ons name – J: Jan-Harm, EW: EW, E: Elsie en L: Luciele – is. Ek…

Dit was met groot opgewondenheid dat ons een Vrydagmiddag die pad na Bela-Bela gevat het vir die terugkeer van Camp LA Sport, gewis een van die gewildste jaarlikse geleenthede op die veldry-kalender. Ons het vinnig in die dorp gestop om proviand aan te koop en toe na ons bestemming vir die naweek – Mabalingwe Wildreservaat – koers gekies. Met ons aankoms by die pragtige kampterrein is ons deur baie bekende gesigte begroet, almal ewe opgewonde om daar te wees. Nadat ons gegroet het, het ons vinnig kamp opgeslaan, ‘n heerlike maaltyd geniet en vroeg gaan inkruip. Dit sou ‘n bedrywige naweek wees en ons was in ons element! Doen ons deel Een van die primêre doelwitte van Camp LA Sport is om die veldrygemeenskap te herinner waarom hierdie lewenswyse so…

Kyk, ons was nog nooit ‘n gesin wat die ‘gewone’ goed vir vakansies doen nie. Ons manne is trots daarop dat ons altyd iets spesiaal, gevul met onvergeetlike herinneringe en hope pret, aanpak. So, toe ons dus kort voor die draai van die nuwe jaar vroegoggend in die pad val vir ‘n Namibiese Nuwejaarsviering het ons geweet dit gaan een vir die boeke wees. Vergesel deur my goeie vriend, Ruan de Kock (van Willeklong faam) het ons saam met die voëltjies wakker geword en die Hilux se neus noordwaarts gestuur. ‘n Lang dag het voorgelê en ek het die twee seuns gewaarsku om sterk te staan, want ons het beplan om die ongeveer 1 800km tot in Swakopmund, Namibië in een dag in te druk. Soos Lian altyd sê: “Een…

Volgrootte verkykers soos 8x42’s of 10x50’s is die beste opsie vir wild- en voëlkyk. Die wye lens gee vir jou ‘n wyer gesigsveld, wat dit makliker maak om diere en voëls raak te sien terwyl jy terselfdertyd die landskap inneem – perfek om na wild te soek tydens jou safari. Alle verkykers bied egter nie dieselfde funksies en kykplesier nie en die regte verkyker maak op die lang termyn ‘n groot verskil. Deur die belangrike eienskappe van ‘n verkyker te bestudeer, sal jy die opsies op die mark beter kan evalueer sodat jy die regte verkyker vir jou spesifieke behoeftes kry. Die vergroting van ‘n verkyker is sy vermoë om die voorwerp nader aan jou te bring. Die getal voor die ‘x’ wanneer ‘n verkyker beskryf word, verwys na hierdie…

Alhoewel die Lenongpas in Limpopo geteer is, is dit allesbehalwe ‘n vulletjie. As jy dit wel aanpak, maak die ongelooflike natuurskoon en uitsigte oor die Marakele Nasionale Park en die Waterberge op die kruin dit oor en oor die moeite werd. Alhoewel jy nie ‘n 4x4-voertuig benodig om die pas te voltooi nie, sal jy wel ‘n paar grondpaaie op pad daarheen moet aandurf en as sodanig, is ‘n voertuig met ordentlike grondvryhoogte raadsaam. Die pas kan slegs vanuit een rigting genader word, vanaf Thabazimbi in die Limpopo Provinsie. Vanaf die kruising van die D1485 en die R510 moet jy vir 12.4km in ‘n oostelike rigting met die D1485 ry, waarna jy links na die hoofingang van die Marakele Nasionale Park sal draai. Aangesien jy die park moet binnegaan, word…

Ek het ‘n week lank met die Gladiator rondgery en ek moet sê dat ek beïndruk was. Hierdie is geen gewone dubbelkajuitbakkie nie! Een van die dinge wat regtig uitgestaan het, was die feit dat dit ‘n karakter van sy eie het. Dit is heel anders as Jeep se sportnutsvoertuie (SNV’e) en ‘n mens kry die indruk dat Jeep baie meer gedoen het as om bloot ‘n laaibak op ‘n hersiene vyfdeur-weergawe te voeg. Die enigste probleem hiermee is dat die asafstand baie langer (480mm) as ander Jeeps op die mark is, wat uiteraard ‘n nadelige uitwerking op die Gladiator se oorbrekingshoek het. Hoewel die Gladiator voorste, middelste en agterste ewenaarslotte as standaardtoerusting het, belemmer die ekstra lengte ook sy 4x4-vermoë. Dis egter die perfekte voertuig vir landreise en die…

VOERTUIG: 2012 Toyota FJ Cruiser EIENAARS(S): Flip & Marianne Snyders Ongeveer drie jaar gelede was ek ‘n groot bron van vermaak vir ‘n tweedehandse verkoopsman toe ek langs ‘n baie netjiese FJ Cruiser gestaan het en die voertuig geheel en al verdwerg het aangesien ek ‘n redelike lang man is. Ek was egter min gepla, want vir my was dit liefde met die eerste oogopslag! Toe ek die eerste keer in daardie bestuurdersitplek sit, het ek dadelik geweet dat Ratel – soos ons die FJ noem – en ek voortaan soos kettie en klip sou wees Om met Ratel te reis het ‘n beduidende uitwerking op my menswees gehad en vir my die waarde van gerief en gemak geleer. Ek moes ook op die harde manier leer dat vroulief nie…

Daar is min dinge in die lewe wat kan meeding met ‘n vars koppie boeretroos terwyl jy uittuur oor ons kontinent se pragtige landskappe en natuurskoon. Met Protea Coffee is die aroma en smaak van die koffiewinkel nou haalbaar, selfs in die boendoes. Hierdie innoverende fynproewerskoffie is beskikbaar in espresso-, premium- en ontbytmengsels. Daar is ook nou ‘n kafeïen-vrye opsie beskikbaar. Met elke uitgawe, gee ons ‘n geskenkpak gevul met Protealekkernye ter waarde van R500 weg vir lesersbydraes (dit kan stories, briewe, of vrae vir ons kundiges wees). *Vir meer inligting: www.proteacoffee.co.za *Hierdie maand se wenner is Jan-Harm du Plessis, wat op bladsy 20 ‘n paar interessante padtekens eie aan Afrika met ons deel. Stuur jou bydrae na: info@4x4afrika.com…

Ons het in Uitgawe 27 daaroor geskryf en nou is dit amptelik: Chery het die Omoda-handelsmerk in Suid- Afrika bekend gestel. Dit beteken dat Omoda modelle nou híér en in Suid-Amerika en Asië beskikbaar sal wees, terwyl die bekendstelling binnekort ook in Europa en Australië sal plaasvind. Die eerste Omoda-model, die C5, sal in April beskikbaar wees en sal deur 30 handelaars in die groot metro’s en stede regoor Suid- Afrika verkoop word. Elk van hierdie handelaars is vooraf aangewys om ‘n toegewyde reeks verkoops- en ondersteuningsdienste aan te bied en het reeds in die reeks toegewyde diagnostiese en ondersteuningsdienste wat vereis word, belê. Die naam Omoda is die resultaat van ‘n kompetisie wat meer as 10 000 inskrywings uit 30 lande ontvang het. Deelnemers is gevra om die gees…

Ek is geneig om op die stilering van omtrent elke nuwe voertuig wat in Suid-Afrika bekendgestel word, verlief te raak. Maar voor julle my as ‘n motor-flerrie uitkryt, laat ek verduidelik. Buiten ‘n paar ware lelike eendjies, is daar regtig nie meer onaardige voertuie op die mark nie. Daar is wel heelparty eienaardiges, minder tradisioneles, konserwatiewes, uitsonderlikes, treffendes, eenvoudiges, absurdes en selfs ongelooflikes… maar werklik lelik? Nie regtig nie. In die meeste gevalle het die klassifisering van ‘n voertuig as lelik meer te doen met markvooroordeel as met die werklike ontwerp van die voertuig. Dit is eintlik maar net ‘n kwessie van smaak. Dit bring my by die onlangse bekendstelling van Hyundai se 2023 Palisade SNV, wat my met sy robuuste, mooi voorkoms, luukse en gemaklike binneruim en goeie werkverrigting,…

Dit het alles by lewenslange Land Rover-avonturiers, Rob Erikson-Miller en Mark McClue begin. Die idee was om van Chartwell, in Suid-Afrika, deur Afrika en Europa, tot by Chartwell House in Engeland – waar Sir Winston Churchill vir meer as 40 jaar gewoon het – te ry. Een van die doelwitte van hierdie epiese avontuur was om R5-miljoen deur skenkings in te samel vir die ontwikkeling van geleenthede vir die jeug binne volhoubare omgewings. Die konvooi het in Julie 2022 vertrek en het beplan om hul bestemming binne drie maande te bereik. Botswana Die eerste stop was Francistown in Botswana. Dit het ongeveer 15 ure geneem om die 800km af te lê, teen ‘n slakkepas, met ‘n topspoed van 90km/h. Dit was ‘n lang en uitputtende dag in die ou voertuie…

Slegs 28km wes van Bela-Bela, in die Limpopo-provinsie, strek Mabalingwe Wildreservaat oor 8 800ha malariavrye ongerepte bosveld in die majestueuse Waterberge. Net twee ure vanaf Johannesburg, is dit die ideale naweekwegbreek vir familie en vriende. Mabalingwe is bekend vir sy pragtige Groot Vyf en met ‘n ryk biodiversiteit en oorvloed van wild, manjifieke sonsondergange en bekoorlike sterrehemel, word die natuur oorgelaat om homself te wees. Híér kan besoekers waarlik die vrede en rustigheid van die bosveld omhels en herinneringe skep wat ‘n leeftyd sal hou. Met verskillende akkommodasie-opsies – insluitend selfsorg-eenhede – en doendinge soos wildritte en perdry om van te kies, sal jy in verwondering gelaat word deur die pragtige natuurskoon van die omgewing. Die gasvryheid van die personeel, gekombineer met die wonders van die natuur, sal verseker dat…

Jabula Bush Camp Jabula is die Zoeloe-woord vir ‘vreugde’ en dít is presies wat hierdie pragtig onderhoude en onomheinde kampplek besoekers bied. Jabula Bush Camp is sowat 7km vanaf die Tau-hek geleë en bied vier glamping-selfsorgtente en vyf onomheinde kampeerplekke. Die ruim staanplekke (25m in deursnee) bied genoeg ruimte vir twee kampsleepwaens of woonwaens of tot vier grondtente. Elkeen het ‘n privaat ablusieblok met warm water, ‘n stort, wasbak, spoeltoilet, buitestort en opwasgeriewe. Let egter daarop dat die kampterrein geen kragpunte het nie – daar is slegs sonkrag-aangedrewe ligte in die ablusieblok. TIPE AKKOMMODASIE: Kamp en glamp TROETELDIERVRIENDELIK: Nee VISVANG: Nee SELFOONOPVANGS: Ja TOEGANKLIKHEID: Grondpad (begaanbaar vir meeste voertuie en padkaravane) TARIEWE: Vanaf R160 per persoon per nag (gedurende die week) en R210 per persoon per nag oor naweke, plus…

Marakele Nasionale Park is een van die jongste nasionale parke in Suid-Afrika en is in 1994 gestig. Dit het aanvanklik as die Kransberg Nasionale Park bekend gestaan, maar die naam is kort daarna na Marakele (‘n Tswana-woord wat ‘plek van heiligdom’ beteken) verander. Die park het begin met ‘n oppervlakte van ongeveer 150km², maar teen 1999 het dit uitgebrei tot byna 670km². Ongeveer 80km se paaie binne die park is toeganklik vir alle voertuie en die res vereis ‘n 4x4-voertuig. Daar is twee kampe – Botle (naby die hek) en Tlopi (diep binne die reservaat) – wat ‘n verskeidenheid verblyfopsies bied wat wissel van luukse tentkampe tot selfsorgchalets en kampeerplekke. Alhoewel die reservaat spog met ‘n gesonde wildsbevolking, kan wildkyk in Marakele moeilik wees, aangesien ‘n groot deel van die…

Toyota is welbekend vir sy spesiale uitgawe Hiluxmodelle, wat slim bekendgestel word wanneer dit ook al vir dié immergroen bakkie ‘n bietjie meer oemf en vir hul klante ‘n bietjie meer waarde vir hul geld wil gee. Die doel van hierdie spesiale uitgawes was nog altyd om die platform se beste kenmerke te aksentueer en die cool-faktor te verhoog. ‘n Goeie voorbeeld van só ‘n spesiale uitgawe was my pa se geliefde bloedrooi dubbelkajuit 3.0 D-4D Legend 45. Ek het daardie bakkie op my laaste dag in matriek skool toe bestuur, net twee dae nadat ek my lisensie gekry het. Ek het die skoolterrein met my arm op die deur en die venster wawyd oop binnegery en gevoel soos die baas van die plaas. Dit was ‘n paar jaar gelede…