Avontuur Afrika Issue 26 (Dec 2022)

Met die feesgety in volle swang en blink Kersversierings oral te sien, kan mens nie anders om in verwondering te staan dat ons reeds weer aan die einde van nóg ‘n jaar is nie… En gepraat van verwondering – die bosveld is geen uitsondering nie! Met die veld in volblom, nuwe lowergroen blare wat uit ou takke stoot en voedsel geredelik beskikbaar vir alle spesies wat die bosveld hul tuiste noem, voel elke dag soos Kersfees! Soos gewoonlik het Kersfees vroeg aangebreek vir die roofdiere in die Laeveld, aangesien die eerste rooibok-en blouwildebeeskalwers reeds hul opwagting gemaak het – en in oorvloed! Dit beteken natuurlik ongelooflike wildritte, propvol wonderlike besigtigings. ‘n Onlangse gunsteling was van die Ottowa wildehonde wat vyf rooibokkalwers in ‘n rekordtyd van 40 minute verslind het! Die…

Jy vra – ons antwoord Ek het onlangs my eerste 4x4 gekoop en moet sê, ek voel oorweldig met al die terme en tegnologie. Vertaal asseblief sommige van die algemene terme in leketaal.– Sunette Truter Anton Willemse Jr, ons skrywer en digitale inhoudshoof, het al ‘n aantal 4x4-opleidingskursusse ondergaan en leer voortdurend op al sy avonture. Hy deel van die mees algemene terme: • Naderingshoek: Die steilste hoek wat ‘n voertuig kan klim voordat sy voorste buffer, of deel van die voertuig wat die verste vorentoe sit, met die grond in aanraking kom. Die naderingshoek kan verbeter word deur ‘n verhewe bosbreker of groter bande te installeer of jou voertuig se veerstelsel op te gradeer, of ‘n kombinasie hiervan te implementeer.• Artikulasie: Die lengte van beweging as ‘n veerstelsel saamdruk…

Soek die plekke, stede en ander inligting oor Afrika en die nabye Midde Ooste in die woordblok. Woorde kan horisontaal, vertikaal en diagonaal wees en kan in enige rigting wees. Leestekens word nie gebruik nie en woorde in hakies is dele van die woord of die begrip. *Woordblok deur Louis Krouwkamp. *Hierdie maand se wenner is Roger Gainsford, wat ‘n storie uit toeka se dae gaan haal. Lees dit op bladsy 54. Stuur jou bydrae na info@4x4afrika.com Protea Koffie Daar is min dinge in die lewe wat kan meeding met ‘n vars koppie boeretroos terwyl jy uittuur oor ons kontinent se pragtige landskappe en natuurskoon. Met Protea Coffee is die aroma en smaak van die koffiewinkel nou haalbaar, selfs in die boendoes. Hierdie innoverende fynproewerskoffie is beskikbaar in espresso-, premium-en…

Kaapstad het onlangs gasheer gespeelvir die internasionale bekendstelling van die nuwe Volkswagen Amarok. Terwyl Suid-Afrikaners ‘n bietjie langer sal moet wag voordat hulle een in die hande kan kry, het ons gedink ons ​sal julle ‘n bietjie van ‘n aptytwekker gee. Grootte: Teen 5 350mm is die nuwe Amarok 96mm langer as sy voorganger. Sy asafstand van 3 270mm is ook 173mm langer, wat meer binneruimte verseker. Enjin: Afhangend van die mark, sluit die enjins wat beskikbaar is vier turbodieselenjins (TDI) met vier of ses silinders en ‘n turbo-aangejaagde petrolenjin (TSI) met vier silinders in. In Suid-Afrika sal die twee kragtiger TDI-enjins soveel as 155kW en 184kW se krag lewer. Ratkas: Kopers sal ‘n keuse van 5-gang-handrat, 6-gang-handrat, 6-gang outo en 10-gang outo hê. Weereens, sal dit van die mark…

Die Lapalala Wilderness School, wat meer as 30 jaar gelede deur Clive Walker en Dale Parker gestig is, het onlangs die deure na sy nuwe skoolgebou amptelik geopen. Die eko-gebou is deur die Parkerfamilie en die Mapula Trust befonds, onder die leiding van Dale Parker se seun, Duncan, met die steun van Gianni Ravazzotti en die Italtile-stigting. Die volhoubare ontwerp van die nuwe skoolgebou maak doeltreffend gebruik van ruimte en energie, met minimale impak op die natuurlike omliggende landskap. Die amptelike opening is deur Clive Walker, die Parkerfamilie, bestaande kliënte en skenkers, raadslede en die media bygewoon. ‘n Koor van die plaaslike Hoërskool Mphari het gaste vermaak voordat entrepreneur en akademikus, dr. Reuel Khoza, ‘n impakvolle kragtige toespraak gelewer het. ‘n Gedenkplaat ter nagedagtenis aan Dale Parker is onthul, gevolg…

Dis amper tyd vir die 2023 Dakar-tydren en ons kan nie wag dat hierdie vooraanstaande motorsportbyeenkoms afskop nie! Toyota Gazoo Racing (TGR) het bygedra tot die opwinding met die onlangse aankondiging van sy driemotor-span wat in Dakar gaan deelneem. Die verdedigende kampioene, Nasser Al-Attiyah en navigator Mathieu Baumel, sal terugkeer om saam met die pasgekroonde Suid-Afrikaanse Rally-Raid-kampioen Giniel de Villiers en sy navigator Dennis Murphy, sowel as Henk Lategan en Brett Cummings, die aanslag te lei. Die Dakar-tydren skop die 2023-seisoen van die Wêreld Rally-Raid-kampioenskap af en Nasser en Mathieu sal weer aan hierdie kampioenskap deelneem. Die oorblywende spanne sal vir die res van die seisoen aan die Suid-Afrikaanse kampioenskap deelneem, wat ook dien as ‘n sleutelkomponent in die voortdurende toetsing en ontwikkeling van die GR DKR Hilux T1+, wat…