Innholdsfortegnelse for Issue 10 (Aug 2021) i Avontuur Afrika

Ná die wêreldwye bekendstelling van die nuwe Mazda BT-50 in Junie vanjaar, het die Suid-Afrikaanse mark nou amptelike inligting oor die prys en spesifikasies van dié nuweling in die hoogs kompeterende bakkie segment ontvang. Die BT-50 sal volledig vanuit Thailand ingevoer word en is grootliks gebaseer op die opkomende nuwe generasie Isuzu D-Max. Die nuwe modelreeks is nou belyn met Mazda se passasiersmotorreeks en bestaan uit Active, Dynamic en Individual variante. Die Activemodel beskik oor ‘n nuwe 1.9-liter dieselenjin (met ‘n 110 kW krag/350 Nm wringkrag kombinasie), gekoppel aan ‘n sesganghandratkas of outomatiese ratkas. Die Dynamic en Individual modelle is slegs beskibaar in ‘n outomatiese ratkas en word aangedryf deur ‘n nuwe 3.0-liter turbodiesel wat 140 kW krag en 450 Nm wringkrag ontwikkel. Interessant genoeg, is slegs die top model…

Kort na die bekendstelling van hul kompakte sportnutsvoertuig (SNV) aanspraakmaker in 2019, het Mitsubishi nou reeds die tweede generasie Eclipse Cross vrygestel. Dit kom natuurlik met ‘n hele string verbeterings aan stillering, veiligheid, tegnologie en werkverrigting en spog nou ook met ‘n meer atletiese voorkoms. Die sterk, ietwat skerp, skouerlyne en nuwe dubbele ovaal LED-kopligte met dagligte word nou aangevul met 3D-agterligte met ‘n nuwe Y-vormige ontwerp. Deur die 140 mm by die motor se algehele lengte by te voeg, het die handelsmerk daarin geslaag om die bagasieruim aansienlik te vergroot tot ‘n ruim 437 liter. Met die agterste sitplekke platgevou, kan dit selfs meer pakplek skep (tot 1 047 liter) – altyd ‘n groot behoefte vir kopers in hierdie segment. Buiten die voor die hand liggende nuwe kenmerke soos…

Nissan bakkies is al vir baie jare op die plaaslike mark beskikbaar en het getroue aanhangers. My blootstelling tot dusver was egter slegs die NP300 werkesel, wat in wese onveranderd is sedert die bekendstelling in die 1990's en dan, meer onlangs, die Nissan Navara, wat altyd meer ‘n ontspanningsopsie was. In 2017 is die model opgegradeer as volledig ingevoerde 2.3-liter turbodieselenjin, maar het ongelukkig nooit ware sukses in die plaaslike mark behaal nie. Nou het ons die opgradering van daardie model, wat nou trots Suid-Afrikaans gebou word na ‘n multi-miljard-rand belegging deur Nissan in hul Rosslyn-aanleg. Die 4x4 LE dubbelkajuit outomatiese toetsmodel het ‘n onmiddellike indruk gemaak toe dit afgelewer is vir ons Botswana avontuur. Dit is regtig ‘n mooi bakkie, met ‘n dinamiese voorkoms. Die sogenaamde "interlock"-sierrooster, tesame met…

Wanneer jy gaan kamp is daar verskeie slaapopsies beskikbaar, wat wissel van gronden daktente tot ‘n veldwaens-of karavane. Alhoewel ek niks teen ‘n daktent het nie, sit die feit dat dit deel uitmaak van jou voertuig en jy alles moet wegpak wanneer jy vir ‘n wildsrit wil gaan, my so effe af. My voorkeur wanneer ek langer as ‘n dag op een plek kamp is derhalwe ‘n veldwa-of karavaan wat beteken ek kan kamp opslaan en dan alles agterlaat terwyl ek my omgewing verken. Vir ons Botswana ekspedisie wou ek ‘n stewige veldwa, wat spesifiek gebou is om moeilike omstandighede te hanteer, uittoets. Dit moes ook maklik wees om op te slaan aangesien ons byna daagliks van kamp na kamp beweeg het. Danksy Kempton Caravans kon ons die redelike nuwe…

Kubu-eiland is geleë op pad na vier groot parke en wildreservate in Botswana en is die enigste plek in Botswana wat die prominente rotsagtige kenmerke met uitsigte oor die Makgadikgadi-soutpanne het. Behalwe vir die unieke estetiese skoonheid, spog Kubu-eiland ook met ‘n ryk argeologiese en kulturele erfenis. Dit is ‘n Botswana Nasionale Monument onder die bestuur van die Gaing O Community Trust. Kampfooie: SADC-inwoners: BWP 100 PPN, plus regeringheffing & BTW Internasionale besoekers: BWP 150 PPN, plus regeringheffing & BTW. Kinders onder 14 jaar is 50% van hierdie tariewe, en onder 9 jaar is gratis (Regeringsheffing is BWP 10 PPN, BTW is 14%) KONTAK: (+267) 75494669 | kubu.island@btcmail.co.bw | www.kubuisland.com…

Die manne wat wildkamp bo enige ander vakansie verkies, doen dit vir seker reg – die beste manier om werklik te herlaai is immers om in die middel van nêrens te gaan sit en die natuurskoon te geniet. Die “probleem” wat dan kop uitsteek is dat jy gewoonlik so ver reis, dat Eskom beslis nie ‘n toring naby gaan hê om die yskas en ketel aan die gang te hou nie! Jy gaan ook nie sommer so goedsmoeds ‘n 220 V kragbron diep in donker Afrika raakloop nie! Gelukkig is daar ‘n voor die hand liggende kragbron – die son! Dit maak mos sin om te kapitaliseer op dít wat reeds in oorvloed beskikbaar is. Wat jy nodig het is ‘n sonpaneeloplossing en ‘n paar ander items om die ligte…

Die langste slang ter wêreld, is die netluislang van Asië wat? indrukwekkende 7.5 m lank kan word, terwyl die groen anakonda van Suid-Amerika 6.55 m bereik, maar meer lywig is. Die Suider-Afrika luislang, voorheen bekend as die rotsluislang, terwyl dit nog 'n subspesie van die Oos-Afrika rotsluislang was, bereik soms tot 6 m in lengte, maar oorskry selde 5.5m. Dit is verreweg ons langste en lywigste slang en kom van die Oos-Kaap deur KwaZulu-Natal tot by Mosambiek, Swaziland, Gauteng, Limpopo, Noordwes en verder noord, waar dit in die bosveld te vinde is, voor. Hierdie slang is ‘n uitstekende swemmer en verkies water, maar soek dikwels skuiling in erdvarkgate. Die Suider-Afrika luislang is hoofsaaklik snags aktief en lok sy prooi in ‘n hinderlaag. Dit voed op warmbloedige prooi soos dassies, rietrotte,…

Gedurende die tagtigerjare het groter gesinne in Suid-Afrika nie veel opsies gehad in terme van ontspanningsvoertuie nie. Jy kon kies uit ‘n Toyota Hi-Ace of die gewilder VW Kombi. Die skuifdeur, baie rye sitplekke en groot beskikbare ruimte het dit ‘n uitstekende keuse vir vakansie-avonture gemaak, maar veldry was nie juis ‘n opsie nie. Daar was wel verskeie Kombi enjin-omskakelings asook die Synchro opsie wat al vier wiele aangedryf het en alhoewel dit dalk ikonies vir sy tyd was, was dit vir seker nie ‘n veldryer van formaat nie. Dit was duidelik dat Suid-Afrikaners op soek was na groter gesinsvoertuie met meer funksies, maar wou nie die prys van ‘n volgrootte 4x4 soos die destydse Land Cruisers en Nissan Patrols betaal nie. In die vroeë negentigs het ‘n klein onderneming…

Stuur foto’s van jou en jou ryding na: info@4x4afrika.com Christopher Cartwright 1999 Land Rover Defender TD 5 1999 Land Rover Defender TD 5 “Ek is mal oor my Maddi, want sy het my al na plekke geneem wat geen ander voertuig kan doen nie en dit laat my altyd met ‘n breë glimlag op my gesig as ons saam kan verken. My hele familie is Land Rover-mal en so lank as wat ek kan onthou was dit my droom om ook ‘n Landy aan te skaf. Ek is iemand wat my voertuig tot op die maksimum druk, wat beteken dat ek gereeld in baie moeilike situasies beland. Maddie slaag egter elke keer, met lof! Sy het nou reeds oor 400 000 km afgelê en ek beplan nog duisende kilometers vir…

Mathys Heunis van Pretoria skryf: Baie dankie vir die lekker tydskrif – ons reis graag saam op jul opwindende avonture. As ywerige landreisigers en avonturiers het die pandemie en die gevolglike inperking met tye erg frustrerend geraak, maar ten minste kon ons darem nog die kontinent en land saam met julle beleef! As gesin geniet ons veral die kampgedeeltes en hou ons van al die wenke wat gedeel word. Een van die artikels wat ek tot dusver die meeste geniet het, was ongetwyfeld die Uganda-reeks deur Anton en Natasha Schutte. Sjoe – wat ‘n voorreg om die berggorillas in die vlees te kon sien! Beslis iets wat op my lepellys is! Sterkte met die tydskrif en veilig reis! Dankie vir jou skrywe en ondersteuning, Mathys. Nes jy, is ons mal…

Corolla entoesiaste sal uiteindelik, na jare se gewag, ‘n kompakte sportnutsvoertuig (SNV) op hul inkopielys kan plaas. Die Corolla Cross is ‘n moderne weergawe van die SNV-konsep wat in terme van grootte en aandrywingopsies netjies tussen die Toyota CH-R en die RAV4 sal inpas. Die Corolla, wat vir die eerste keer in 1966 bekendgestel is, het al meer as 50 miljoen eenhede wêreldwyd verkoop en deur 12 generasies ontwikkel om die topverkoper-passasiersmotor ter wêreld te word. Maar tot op hede is dit nog net in ‘n sedan, luik sedan, luikruig of stasiewa mondering gesien. Die Cross is dus groot nuus. Daar word verwag dat dit vroeg in November plaaslik bekendgestel sal word en sal gebaseer sal wees op Toyota se nuwe TNGA-platform (in hierdie geval GA-C) en beloof om uitstekende…

Die Sherp UTV is ‘n aardige klein voertuig met reuse pneumatiese wiele wat sedert 2015 in die Oekraïne vervaardig word. Dit word meestal aan mynmaatskappye en nie-regeringsorganisasies in Noord-Amerika, wat goedere in haas onbegaanbare plekke moet aflewer, verkoop. Die outjie kan byna oral gaan en daar is selfs amfibiese weergawes beskikbaar. Die Pro-weergawe kan ses mense teen 40 km/h op land en 6 km/h op water vervoer. Die vervaardigers gebruik ‘n kombinasie van onderdele: Sweedse staal vir die bakwerk en die veerstelsel, ‘n dieselmotor met ‘n klein kapasiteit (Doosan uit Korea of Kubota uit Japan) en ‘n Renault-ratkas. Die Sherp UTV kan omskep word in ‘n mediese reddingswa, brandbestrydingsvoertuig en daar is selfs ‘n 6x6 sleepwa. Jy kan nou een in Suid-Afrika koop! Kontak FST South Africa, die agent vir…

Alhoewel ek in ‘n huishouding wat geen belangstelling in enige vorm van kamp of buitelug avontuur leefstyl het nie, grootgeword het, het diep donker Afrika my altyd gefassineer. As tiener het ek daarvan gehou om navorsing te doen oor interessante plekke wat ek op televisie en in tydskrifte gesien het. Dit het my laat besef hoeveel die wêreld en veral Afrika, het om te bied. Afrika is ongelooflik spesiaal en divers. Watter ander vasteland bied besoekers eindelose woestyne, tropiese reënwoude, ruwe bergreekse en vrugbare grasvelde? Om nie eens te praat van die gevarieerde wildlewe nie! Dit is ook ryk aan kulturele erfenis en diversiteit en bied ‘n verskeidenheid asemrowende besienswaardighede aan. Vir my het daar egter altyd drie lande op my lepellys uitgestaan – Botswana, Zambië en Zimbabwe. Droom na…

Ons reis deur Botswana het ons na afgeleë plekke geneem met beperkte selfoonopvangs. Uit vorige ondervinding weet ons dat BeMobile (die plaaslike netwerk) die beste opvangs in die Delta bied, maar dat selfs dít op sy beste steeds sporadies kan wees. Aangesien dit vir ons belangrik was om met geliefdes in kontak te bly en te verseker dat ons in ‘n noodgeval iemand in die hande sou kon kry, het ons voor die reis kontak gemaak met Sat4Rent en hulle het ons met ‘n paar satellietfone vir ons reis voorsien. Twee toestelle is die dag voor ons vertrek afgelewer: ‘n IsatPhone Pro, gelaai met Tracks4Africa om ‘n akkurate GPS-ligging te bied en ‘n klein Spot X vir boodskappe. Ons het die IsatPhone Pro in die middel van die Khwai-omgewing uitgetoets.…

Khwai lê aan die oostelike rand van die Okavango-delta, tussen die gewilde bestemmings soos die Chobe Nasionale Park in die ooste en die Moremi Wildreservaat in die suide. Met geen grense daarrondom op die kaart nie, word Khwai dikwels oor die hoof gesien ten gunste van die meer beroemde bure. Hierdie area bied egter uistekende geleenthede vir grootwildkyk, veral in die winter. Gedurende jou tyd hier sal jy meeste van die dae die smal Khwairivier, wat die natuurlike grens vorm met die Moremi Wildreservaat in die suide, verken. Hierdie rivier is ‘n trekpleiser vir ‘n wye verskeidenheid wildlewe, van troppe rooibokke en lechwe tot roofdiere wat luiperds, troppe leeus en pakke wildehonde insluit. Baie diere migreer gedurende die droë seisoen uit die Linyanti gebied, aangesien die Khwairivier ‘n betroubare bron…

Nxai Pan lê aan die noordelike grens van die Makgadikgadipanne nabyn Ntwetwe. Die Nxai Pan Nasionale Park is slegs 50 jaar gelede tot stand gebring met die hoofdoel om die ongewone ekosisteem te beskerm. Dit is in 1992 uitgebrei tot Baines Baobabs. Diere aktiwiteite in hierdie deel van die Nxai Pan Nasionale Park is beperk, alhoewel jy dalk ‘n eensame olifant of gemsbok in die verte sal kan sien. Dit is egter deel van die area se aanloklikheid – daar is niks anders om te doen as om die strak en majestueuse skoonheid van die panne te bewonder en die grootsheid daarvan te waardeer nie. Baines Boababs Hierdie eiland, bedek met antieke bome is vernoem na die beroemde skilder en ontdekkingsreisiger, Thomas Baines, wat die terrein in 1862 besoek en…

Afdakke & bergingsoplossings LED-KITSAFDAK & MAXI-KISTE - Premium skeurbestande seil van 280gsm met gradering van UVS0+ - Draai-sluit-pale - Ge'i'ntegreerde LED-lig - Weerkaartsende ankertoue - I 000D PVC-krag - Groottes: 48L 60L l OOL. 140L 216L - Slot- en waterbestond - veilig vir gereedskop, kompeer- en elektroniese toerusti - Swoardiens- geveerde knippe/vosbindpunte - Verwyderbare gereedskop-/bergingslaoi - Vosbindpunte vir ekstro veiligheid wonneer jy reis - Stopelsluit-ontwerp Snorkels AUSTRALIESE ONTWERP EN INGENIEURSWESE - Geligte luginlaat vir skaner en veiliger waleroorsteek - UV-ges abiliseerde poli-etileen (LLPDE) - Stampkop met ingeboude reenafweerder - Grater lugvloei vir beter prestasie - Dinamometer-getoets vir beter lugopname Kanttrappe & relings - Swoordiensstoolkonslruksie met swart poeierloogbedekking - Ruitpatroon-loopvlak; le kry in standaard 50mm-of swaardiens premium 60.3mm-buis (premium nie op alle modelle le kry) - Lugsakversoenbaor Volledige veringstelle lronman 4x4…

Om buite onder die sterre te slaap, is iets wat ek en Des so gereeld as moontlik probeer doen. Dit is moeilik op die meeste van ons toere, aangesien ons gewoonlik in wildgebiede is, wat beteken dat leeus, luiperds en skelm hiënas snags deur die kampterreine sluip. Hierdie toer deur Kaokoland, in die noorde van Namibië, bied egter ‘n wonderlike geleentheid om onder die sterre te slaap, en te bepeins wie of wat werklik daar in die uitgestrekte ruimte bo ons bestaan en hoe onbeduidend ons waarskynlik hier op Planeet Aarde is… Natuurlik het ons ook nagedink oor die vermoë van ons groep om die berugte Van Zyl’s-pas, wat die volgende dag op ons gewag het, suksesvol aan te pak Op VZ-dag was almal vroegdag al aan die gang en…

As ‘n besoek aan die Nasionale Krugerwildtuin nie op jou lepellys is nie, behoort jy dit reg te stel. In die Kruger gaan dit oor meer as net die Groot Vyf en daardie poskaartbesigtigings. Die meeste besoekers ry deur die park met die besoekerskaart byderhand, op pad na al die “groot paaie en besigtigings”, heeltemal onbewus van die subtiele veranderinge in die park se eko-stelsels soos jy van ruskamp tot ruskamp beweeg. En dis juis hiér, in die meestal onsigbare, waar die ware bekoring van die Kruger lê. In 1970 is daar ‘n reuse navorsingstudie van stapel gestuur, gefokus daarop om die fauna van die park wat in die verskillende grondtipes groei te ondersoek. Hierdie studie wat oor ‘n tydperk van ‘n paar jaar plaasgevind het, met die botaniese gedeelte…

1. Tava Lingwe Game Lodge Tava Lingwe Game Lodge is heerlik verwyder van die stadsgeraas en bied besoekers saligheid vir die siel. Elkeen van die 80 staanplekke beskik oor sy eie kragpunt en die gemeenskaplike ablusiegeriewe word netjies onderhou (daar is ook twee familie badkamers). Die jongklomp word heerlik besig gehou met ‘n groot swembad, speelarea, tafeltennis, minigholf, snoekertafels, buitelug-skaak en ’n vlugbalbaan. Verder is daar heelwat staproetes vir besoekers asook wildsritte. NAASTE DORP: Vredefort / Viljoenskroon (25 km) WINKEL: Ja TROETELDIERVRIENDELIK: Nee VISVANG: Nee SELFOONOPVANGS: Beperk TOEGANKLIKHEID: Teer TARIEWE: R400 per nag, per staanplek vir een voertuig en vier mense per nag (tot ses mense per staanplek word toegelaat – addisionele koste word tydens bespreking bevestig). *Verskeie selfsorgeenhede is beskikbaar wat wissel vanaf R520 per nag. KONTAK: +27 71…

Coenraad, Anaschka en Ru-Wayne Oberholster, wat op sosiale media bekend staan as @tracksntravel, is die trotse eienaars van ‘n 2003 Land Rover Defender 110 TD5 genaamd Mufasa. Hulle het die Landy aangepas om in hul behoeftes te voldoen, wat verander het en ontwikkel het soos hul seun, Ru-Wayne, (nou 7 jaar oud) grootgeword het. “Hy het basies op die agterste sitplek van Mufasa grootgeword en is gevolglik ‘n passievolle landreisiger wat mal is oor die natuur en fotografie,” sê Anaschka. Coenraad sê hul Defender is gebou vir avontuur en die herbou en veranderinge van die voertuig het ‘n gunsteling tydverdryf geword. “Dit is ‘n bietjie soos om met ‘n Meccano-stel te speel. Jy pas dit gedurig aan, sit baie van jouself daarin en gee dit ‘n persoonlikheid – dit word…

Vanaf hierdie maand sal ‘n paar trotse eienaars ‘n nuwe Land Cruiser 300 in hul oprit kan parkeer. Ja, dit ís ‘n duur voertuig, maar jy kry heelwat daarvoor! Na maande se bespiegeling oor die langverwagte nuweling, weet ons nou uiteindelik meer oor die reeks, die voorkoms, die tegnologie en die enjins. Wat stillering aanbetref is die hoogtepunte die groot sierrooster, reghoekige kopligte en die dikker kanaal in die middel van die enjinkap. Aan die agterkant vind jy ‘n groot agterklap en trapesiumvormige agterligte met ‘n deur wat vertikaal oopgemaak word. Die LC300 se platform is die eerste leerraam-aanpassing van die splinternuwe TGNA-F, kort vir Toyota New global Architecture. Twee V6-enjinvariante spog albei met ‘n top snelheid van 210 km/h en is aan ‘n nuwe 10-gang outomatiese ratkas gekoppel. Die…

Gegewe die sukses van die Ford Ranger Thunder wat in Augustus 2020 bekendgestel is, is dit geen verrassing dat Ford nóg ‘n spesiale model met ‘n weer-geïnspireerde tema beplan nie. Die Stormtrak gebruik die gewilde Wildtrak se stillering en spesifikasievlakke as basis, met ‘n paar unieke toevoegings om die reeks interessant te hou. Die nuweling spog met ‘n opvallende swart sierrooster met rooi insetsels, ‘n swart insetsel in die onderste gedeelte van die voorste buffer, swart plakkers vir die enjinkap en deure, swart dakrelings en 18-duim glans swart allooiwiele. Verder is daar ook drie-dimensionele Stormtrak-logo’s op die onderste gedeeltes van die voordeure, sowel as op die agterklep. Vier kleure is beskikbaar wat die splinternuwe Lucid Red en bestaande Sea Grey, Frozen White en Blue Lightning insluit. Net soos die Thunder,…

Audi, in samewerking met Q Motorsport, is gereed om in die Dakar 2022 met sy vol-elektriese Audi RS Q e-tron teen konvensionele motors mee te ding. Die e-tron gebruik ‘n elektriese aandrywingstelsel met ‘n motorontwikkelaareenheid (MGU) op die voor- en agteras, gebaseer op eenhede van die F07 Formule E-motor. ‘n Derde MGU skakel remenergie oor en skakel oor na die 50 kWh-battery wat ongeveer 370 kg weeg. Die verbrandingselement van die opstelling, wat nodig is om die battery op die 800 km-ritte te laai, is ‘n TFSI-enjin afkomstig van die DTM-renjaers wat teen 4000 tot 6 000 rpm sal werk. Die totale kraguitset word op 500 kW beraam, en daar is slegs een versnelling vorentoe. Die aandrywing van die elektriese motors is ‘n hoogs gesofistikeerde elektroniese beheereenheid. Sal dit alles…

Na meer as drie dekades se ondervinding in die toerismebedryf, het die Suid-Afrikaanse natuurliefhebbers Louis en Laetitia Milne, onlangs hul derde besigheid in Botswana, Captivating Destination, geopen. Deur Captivating Destination, het die Milne’s ‘n een-stop-winkel vir al jou reisbehoeftes geskep. Jy kan byna enige bestemming wat jou hart begeer deur hulle bespreek, van wildkamp tot luukse verblyf in lodges en hotelle. Benewens die organisering van al die noodsaaklike reispermitte, kan die besigheid ook vervoer vanaf lughawe en alle kos-en drankvereistes reël. Aangesien hulle spesialiste in die area is, maak hulle ook besprekings vir ‘n volledige spektrum van aktiwiteite tydens jou reise, van adrenalien-gevulde helikopterritte en reksprong, tot skilderagtige vlugte, bootreise en ontspanne wildritte. Vir die avontuurlustige egpaar het alles twee dekades gelede in Suid-Afrika begin, toe hulle deur ‘n Italiaanse…

Ons ry met groot opwinding uit die Strand en in Brackenfell verruil ons, ons motor vir die silwerskoon, ingerigte Suzuki Jimny Gen4 1.5 GLX. Donkergrys en blinknuut. Ons pak ons gevriesde vleis, wors, botter en kaas in die groot yskas wat laai terwyl jy ry en droë bestanddele in een van die swart kratte wat netjies vasgemaak is. Die R27, of Weskuspad, strek wyd en oop voor ons uit. Die eerste stop is Blake Familie Wyne op die Yzerfonteinpad. Die lekkerte by Blakes Familie Wyne, wat in November hul eie proelokaal op pad na Yzerfontein oopgemaak het, is dat die klein deli langs die pizzeria jou toelaat om jou eie piekniekmandjie te pak, ‘n bottel wyn te kies en dan buite te kuier. As die weer draai, skuif almal binnetoe…

PRESTIGE TOERE: Ysland Arctic Trucks Ekspedisie: 5 -12 Maart 2022 Ultimate Kgalagadi Ekspedisie: 24 April - 5 Mei 2022 AVONTUUR TOERE: Ultimate Botswana Avontuur: 10 - 19 Februarie 2022 Ultimate Kalahari Avontuur: 20 Maart - 1 April 2022 Ultimate Tanzania Ekspedisie: 15 Mei - 16 Junie 2022 Okavango Delta Avontuur: 21 Augustus - 1 September 2022 Mana Poele & Kariba Meer Avontuur: 18 - 30 September 2022 Ultimate Chobe Avontuur: 9 - 21 Oktober 2022 Zambia Migrasie Ekspedisie 6 - 19 November 2022 Ultimate Botswana Avontuur: 28 Desember 2022 - 6 Januarie 2022 KONTAK: +27 84 447 4666 simon@ultimateadventures.tv www.ultimateadventures.tv @UltimateAdventures…

Die Elandspas is die finale neerdaling in die lang, lae vallei genaamd Gamkaskloof, meer algemeen bekend as "Die Hel". Hierdie pas daal 477 m oor ‘n afstand van 4.7 km, wat ‘n baie steil gemiddelde helling van net minder as 1:10 lewer. Hierdie pas, alhoewel dit relatief kort is, word geklassifiseer as een van die grootste en beste passe in Suid-Afrika en is sonder twyfel ‘n item wat op die meeste avontuurlustige reisigers se lepellys hoort. Op die pas wag vyf baie skerp haarnaalddraaie en 49 ander draaie, hoeke en kurwes van verskillende grade op jou, maar dit is die baie steil, onbeskermde afgronde wat geneig is om baie bestuurders en passasiers te ontsenu. Dit inaggenome is die ontwerp van die pas eintlik uitstekend en daar is geen punt waar…

• Belangrike dinge wat kampeerders hulself behoort af te vra voordat hulle ‘n bestemming kies, sluit in: • Is daar elektrisiteit en warm water by die kampplek? • Winter: is daar staanplek waar ek die meeste van die dag lekker in die sonnetjie kan bak? Somer: is daar bome vir skaduwee? • Is die kampterrein troeteldier-vriendelik? Dis immers lekker om so nou en dan die viervoetige vriende saam te neem om te kamp. • Wat is die toestand van die grondpad na die kampplek? Benodig ek ’n hoër grondvryhoogte of 4x4? • Wat is daar vir die kinders om te doen by die kampplek? • Is daar ‘n winkel vir die goetertjies wat tuis vergeet is? Kan ek hout uit die omgewing optel of of by die kampterrein koop? *…

Vol Outomaties (A) Hierdie opsie is niks meer as mik en druk en hoop vir die beste nie. Die kamera bereken alles wat nodig is om ‘n foto te neem. Dit bepaal die sluiterspoed, diepte van die veld, ISO (ligsensitiwiteit), witbalans, meting en styl. Sou dit bereken dat jy meer lig benodig, sal die kamera die flits outomaties aktiveer. Aangesien jy ook nie beheer oor jou fokuspunte het nie, is hierdie modus redelik beperk en die enigste rede om dit te kies is wanneer jy jou kamera in ‘n amateur se hand prop om ‘n foto te neem. Programmodus (P) Hierdie stelling bied die beste van beide wêrelde en is ‘n goeie wegspringplek vir beginners wat van die vol outomatiese modus wil weg beweeg om hul kamera meer doeltreffend te…

Alhoewel ‘n kampreis heelwat voorbereiding en die regte basiese toerusting verg, hoef dit nie duur of ingewikkeld te wees nie. Met ‘n paar eenvoudige items en basiese kennis, kan jy goeie herinneringe maak wat jou vir jare bybly. Dit is belangrik om te onthou dat Rome nie in ‘n dag gebou is nie – om kampgereed te wees en te bly, is ‘n aaneenlopende proses en kampeerders is geneig om hul toerusting uit te brei en te verander soos wat hul ervaring opdoen. Maar, waarmee begin mens? Wat is die die belangrikste toerusting? Maak jou tuis ‘n Tent is die belangrikste ding wat jy benodig. Dit is jou tuiste weg van die huis en jou enigste beskerming teen die elemente. Moet dus nie nie hier probeer geld spaar nie. Tente…