Innholdsfortegnelse for June 2019 i Weg!

Ons is mos geneig om vir onsself ’n groef in die lewe uit te grawe namate ons dag ná dag dieselfde ding doen. Die groef word later ’n sloot, dan ’n loopgraaf... en as jy weer rondom jou kyk, is jy in ’n stikdonker canyon. Jy kan vorentoe kyk – dalk agtertoe – maar van die driedimensionele wêreld buite ervaar jy nie veel nie. Dis hoekom reis goed is vir jou. Jy skep asem. Jy kry perspektief. Soos toe ek onlangs twee salige dae in die Krokodilpoort-natuurreservaat naby Mbombela gekamp het. ’n Mens vlieg van die Kruger-Mpumalangainternasionale lughawe (KMIL) af terug na Kaapstad. Ek het opnuut besef KMIL is my gunsteling-lughawe in die wêreld. Hy spog met die grootste rietdak van enige lughawe in die wêreld (7 350 m2), maar…

ARTHUR MISKIN van Pretoria skryf: My dogter, Morgan, het dié foto uit haar kamervenster geneem. Hulle bly op ’n koppie naby die Pretoria Boys’ High School – dis ’n redelik beboste omgewing. Kom gevlekte ooruile algemeen voor in stede? Die voëlkenner FAANSIE PEACOCK antwoord: Dis ’n mooi foto van ’n gevlekte ooruil. Dié spesie kom redelik algemeen voor in beboude gebiede landwyd. Hulle kry dit reg om te oorleef in klein kolle natuurlike habitat in andersins ontwikkelde gebiede. Trouens, hulle slaap of maak dikwels neste op geboue – ’n mens sien gereeld foto’s van uiltjies op potplante of vensterbanke op sosialemediaplatforms. Een rede waarom uile in stede oorleef, is omdat hulle ’n wye verskeidenheid prooi jag, van insekte tot klein soogdiere. Straatligte is ook ’n puik uitkykpunt vir dié nagjagters,…

Sukkel jy om ’n koester van ’n tinktinkie te onderskei? ’n Lewerik van ’n sanger? Of, erger nog, ’n langkuifarend van ’n kroonarend? Moenie bekommerd wees nie, want die gerekende voëlkenners Joe Grosel en Ulrich Oberprieler bied in Augustus en November voëlkursusse in die Krugerwildtuin aan in samewerking met die park se ereveldwagters. Ons eie voëlkenner Faansie Peacock skryf juis in vandeesmaand se “Vir die voëls” op bl. 138 hoe moeilik dit is is om een KVV (klein vaal voëltjie) van ’n ander te onderskei. Grosel se kursus Little Brown Jobs by Mopani is dalk net die ding om hiermee te help. Dit word van 12 tot 15 Augustus 2019 gehou. Die kursus Praktiese Voëlkyk is van 16 tot 19 Augustus. As jy in roofvoëls belang stel, oorweeg Oberprieler se…

Die Wetlands-driekampbyeenkoms in Namibië, in die oostelike uithoekie van die Caprivi, gaan jou nie noodwendig laat bloedsweet soos ’n Ysterman nie, maar dit gaan een van die mees besonderse wedlope wees waaraan jy nog ooit deelgeneem het. Anders as in ’n tradisionele driekamp word die swemskof vervang met ’n 2 km lange kano-resies op die Nabizwemeer (die kano’s word verskaf ). Daarna trap jy 15 km fiets van die Caprivi Mutoya Lodge na die Zambezi Mubala Camp en terug (bring jou eie fiets), en dan hardloop jy 3 km op die grondpaadjies rondom Mutoya (onthou jou tekkies). Wanneer? Meld Saterdag 8 Junie aan tussen 10 vm en 1 nm. Die wed-loop begin om 2 nm. Jy moet teen 31 Mei inskryf. Koste R300 p.p. plus ten minste een soort skryfbehoefte…

Jy was self nooit in ’n koshuis nie. Hoe het jy op die bydraers besluit? Ek het nog altyd baie van ’n koshuisstorie gehou, dalk juis omdat dit my ’n kykie gegee het in ’n wêreld wat ek nooit eerstehands ervaar het nie. J.P. du Toit, ’n vriend van Grahamstad, en later Bun Booyens, my oudredakteur by Weg, se koshuisstories het aanvanklik die saadjie vir so ’n boek geplant. Ek en my uitgewer het eers ’n paar skrywers genader, en later het ek vriende en kennisse wat ek weet lekker skryf, gekontak met ’n hoopvolle “Was jy ooit in die koshuis?”. Dit was ook vir my belangrik om ’n wye verskeidenheid stemme en stories in die boek in te sluit: Studente wat tans in die koshuis is, ouer mense wat…

Bosman’s Johannesburg: Onder redaksie van Stephen Gray, Herman Charles Bosman Dié bundel bevat ’n keur van die skrywer Herman Charles Bosman se kortverhale en essays wat deur Johannesburg geïnspireer is. ’n Duisend Stories oor Johannesburg, ’n Stadsroman , Harry Kalmer In dié roman bring Kalmer hulde aan al die kunstenaars en groot geeste wat Johannesburg hulle tuiste genoem het. Secret Johannesburg , C.L. Bell & Lisa Johnston Bell en Johnston soek al Johannesburg se geheime, van waar Herman Charles Bosman sy swaer per ongeluk met ’n jaggeweer doodgeskiet het tot versteekte Pierneef-dakskilderye. The 2 Summers #Gauteng52 Challenge , Heather Mason In 2017 het dié Amerikaanse joernalis ’n uitdaging aan haarself gestel: Om ’n jaar lank elke week oor ’n noemenswaardige plek in Gauteng te blog.…

Hoeveel mense ken jy wat al in die Soedan was, en dit op vakansie? Ná 88 dae op die pad verlaat die Boshoffs Ethiopië. Ons sluit by hulle aan op die grens van dié ongewone bestemming. DAG 89 Op 19 September 2017 ry ons die Soedan van Ethiopië af binne. Die plante raak ál minder, en kort voor lank lyk dit soos die Kalahari rondom ons, kompleet met doringbome. Maar die hitte is iets vreesliks. Temperature bo 50°C is nie ongewoon nie. Water smaak soos moedersmelk. Die Soedan is ’n ander wêreld in vergelyking met Ethiopië. Die paaie is netjies. Jy sien gereeld luukse busse, en daar is geen diere op die pad nie. Ons bly in die Imperial Hotel in die stad Wad Madani aan die oewer van die…

HOEKOM? Ons plaas elke maand ’n keur van lesersfoto’s. Moenie skaam wees nie – krap ’n bietjie daai foto’s uit wat jy op jou rekenaar opgaar en stuur hulle vir ons! WAT? Ons hou van omtrent énigiets: natuurlewe, landskappe, portrette, vakansiefoto’s of goggas en blomme in jou tuin. HOE? Stuur jou beste foto’s na menseselense@weg.co.za. Moenie lêers stuur wat groter as 4 MB is nie – as ons ’n groter weergawe soek, sal ons daarvoor vra. Gee die fotograaf se naam, van, tuisdorp en kontaknommer. Stuur ook inligting oor waar en hoe die foto geneem is en watter toerusting gebruik is. As jy die foto op enige manier gemanipuleer het, vertel ons wat jy gedoen het. DIE FYNSKRIF Ons behou die reg voor om jou foto’s elders in die tydskrif,…

1 Opinel No.12 Stainless Explore Dié mes het dalk nie die houthandvatsel van ’n klassieke Opinel nie, maar die ontwerp en lemsluitmeganisme is dieselfde. Die rubberhandvatsel gee beslis ’n beter greep, dis waterdig en kan uiterste temperature van -40 °C tot 80 °C trotseer. Die 10 cm lange Sandvik 12C27-lem van vlekvrye staal is net so taai: Dit sal nie roes nie, verg geen spesiale onderhoud nie en is vlymskerp. Bonusse is die ingeboude fluitjie in die handvatsel vir noodgevalle en ’n verwyderbare stafie om ’n vuur aan te steek. Dit het ook ’n snyhaak in die handvatsel wat deur koorde en kabelstroppe kan sny, maar dis nogal moeilik om daarby uit te kom. Hierdie is ’n groot, praktiese voumes wat nuttig is vir kamptakies, en sal gewis ’n…

9 dae/8 nagte (tent verblyf) Begin- en eindpunt Swakopmund, Namibië DATUM 1-9 Oktober 2019 KOSTE R14 250 p.p. wat deel; halfprys vir kinders jonger as 10 INGESLUIT • Tweerigtingtradio’s vir elke voertuig • Gidse en gidsvoertuig, asook ’n ondersteuningsvoertuig • Windbeskutting, stort en toiletgeriewe • Tente en kamptoerusting • Drie maaltye per dag • Water (vir die kombuis) WAT MOET EK BRING? • Jou eie voertuig en brandstof • Water vir persoonlike gebruik • Slaapsak, matras, kampstoele en kamptafel • Padkos en drankies • Reisversekering en versekering vir noodontruiming (dis verpligtend BESPREEK NOU! 044 535 9033 bookings@bhejane.com; bhejane.com…

ZILONDE-STAPROETE, KOSIBAAI Dis Desember in Kosibaai. Die son skyn en ’n ligte bries waai deur die gras buite ons hut. Die tieners lê en snork nog saggies onder muskietnette en die waaiers loop sterk. Hulle is traag om op te staan toe ons die lakens van hulle af pluk... hulle weet ’n 12 km lange staproete wag op hulle. Ons bly by die Utshwayelo-lodge wat deur die gemeenskap besit word, en ’n plaaslike gids, Jeffery Mgomezulu, stap saam. Ná ontbyt stap ons oor die grondpad na die vleiland-hek van die Kosibaai-deel van die iSimangaliso-vleilandpark. Die Zilonde-roete loop eers noordwaarts na Mosambiek, in die rigting van die Zilonde-varswatermeer, en draai dan terug strandlangs tot by die Makhawulani-meer, die eerste van Kosibaai se vier mere wat met mekaar verbind is. Ons stap…

LANGEBAAN Weskus- nasionale park Hierdie kuspark van sowat 470 km² se groot trekpleister is die Langebaan-strandmeer. In die somermaande hou hier sowat 55 000 watervoëls! G’n wonder die strandmeer is ’n Ramsargebied nie. Voëlkykers sit ure lank op harde bankies in die verskeie skuilings en probeer onderskei tussen die hordes vaal strandlopers en strandkiewiete. ’n Wenk of twee: ’n Teleskoop help baie om moeilike spesies soos die grootwulp, bandstertgriet en knoet uit te ken. Jou tydsberekening is ook baie belangrik: Die beste tyd om die Geelbekskuilings op die suidelike oewer van die strandmeer te besoek is mooi tussen laag- en hoogwater, en die Seebergskuiling met hoogwater. (Laai ’n kaart af by sanparks.org of kry een by die parkhek.) Reg, kom ons begin. Ry in by die Langebaanhek op die dorp. As…

Die strikkameras is altyd ingepak wanneer ons reis. Dis interessant om te sien wat naby ons rondkruip saans wanneer ons in die tent lê en slaap. Bedags sal skugter diere jou vermy, maar saans is hulle dapper en kom nader. Ons het twee kameras. Die Bushnell Trophy het ’n infrarooi sensor – die eerste drie foto’s hier is daarmee geneem. Die Cuddeback Digital is lekker, want dit neem kleurfoto’s en het ook ’n flits – die laaste foto is daarmee geneem. As jy self met strikkameras wil speel, is hier raad: Stel die sensitiwiteit “growwer” wanneer die wind waai, want anders neem die kamera ’n foto elke keer wanneer die wind die grashalms of takke laat roer. Dan sit jy met honderde foto’s van... gras. Die Cuddeback-kamera het ’n hittesensor;…

In die Weg-geledere wil ons altyd weet: Hoe hou jy die lekkerste vakansie? Ek is lief vir die natuur en kamp en stap graag. Met ’n baba in die huis het dié liefdes die laaste paar jaar agterweë gebly, maar noudat my spruit, Zac, twee geword het, wil ek hom graag ook aan dié lekkertes bekend stel. Tuis is ek ’n boekwurm wat hou van tuinmaak, selfdoentakies, naaldwerk en fliek. En ek sal my lewe gee vir lekker pasta. Waarna kan Weg se smulpape uitsien? Ek hou van kos wat indrukwekkend lyk, lekker smaak, maar eintlik min moeite is om te berei. Ek wil vir Weg resepte skryf wat mense, ongeag waar hulle vakansie hou, aanspoor om te kook – of dit nou in ’n beperkte selfsorgkombuis of oor ’n…

Net ’n halfuur se ry buite Ballito weerklink die heuwels van die geskrou en skater van ape. MonkeylandKZN het pas hier oopgemaak. Op ’n safari deur inheemse woude kan jy nou van nader kennis maak met verskillende primate van hier en oorsee – die inkommers is van onder meer Suid-Amerika, Madagaskar en Suidoos-Asië. “Die meeste van hierdie diere was eens troeteldiere of deel van ’n sirkus,”vertel die gids en kurator Dominik Winkel. Maar moet geensins ’n dieretuin verwag nie. Die diere hier is wíld. Hulle is heel duidelik goed gerehabiliteer. Besoekers mag geen kontak met die ape hê nie. ’n Selfie met ’n lemur op jou kop is uit, maar jy gaan ’n mantel- of langarmaap in so na aan sy natuurlike habitat as moontlik sien. Dominik vertel die park…

On the Line deur Jenny Lewis R79 by die Google Play Store Ek het Jenny Lewis se debuut-soloalbum (Rabbit Fur Coat, 2006) baie geniet, maar om die een of ander rede album nommer twee en drie gemis. Bewonderaars van dié Amerikaner se klokhelder stem en eerlike lirieke sal egter dadelik hoor sy’s nog koersvas op haar vierde (en nou, skynbaar, in vierde rat...). “I think of us as bookends, and I’m gonna love you till I die,” sing sy op “Heads Gonna Roll”. Hier’s liedjies vir in jou kar klim, deur toeklap en sommer net wegry totdat die wêreld weer sin maak. Hier’s liedjies vir flikkers gooi, én hardegatliefdesliedjies. Hier’s partytjieliedjies (soos “Red Bull & Hennessy”), én vir ’n traan of wat pink. Jy kan die krane maar oopdraai. Dit…

27 BOXES, MELVILLE Hierdie sentrum in 4de Laan 74 bestaan uit 27 skeepshouers (foto links). Soek ’n Levi’s-klokbroek of ’n minirok by Reminiscene, ’n vintage-klereboetiek. As jy glo musiek klink beter op viniel, mik na die Micogram Music Traders, Johannesburg se grootste tweedehands-platewinkel. Dalk grawe jy ’n eerste druk van die Rolling Stones se Sticky Fingers uit. Plantliefhebbers kan salie en basiliekruid aanskaf by die No Name Nursery. Die kinders kan baljaar in die koel speelterrein – die klimrame lyk soos moderne kunsinstallasies. En ouers kan tot verhaal kom onder die Bedoeïentente. Al ooit gewonder wat sou gebeur as jy ’n oliebol met ’n croissant kruis? Bestel ’n cronut (R27) by X&O Patisserie voor julle die pad vat huis toe. 0860 109 237 of volg hulle op Facebook by @27Boxes…

Was jy op ’n vakansie wat jy dink ander Weg-lesers ook sal geniet? Skryf oor die ervaring en ons publiseer dalk jou storie. Hou dit asseblief kort (maksimum 1 500 woorde) en stuur ’n paar voorbeeldfoto’s. As ons wel besluit om die storie te gebruik, gaan ons oorspronklike hoëresolusiefoto’s nodig hê; maak dus seker jou kamera is op die regte verstelling. Stuur jou storie na redakteur@weg. co.za. Ons behou die reg voor om jou foto’s elders in die tydskrif, op ons webblad of in bemarkingsmateriaal te gebruik. Lees die bepalings en voorwaardes by weg.co.za…

Enige fotograaf wat sy sout werd is, sorg dat sy toerusting beskerm word. Jy kan jou kamera en lense veilig hou in hierdie sak van seil met ’n sagte binnevoering. Een gelukkige Weg-leser kan volgende maand só ’n sak wen. Hoe? Stuur eenvoudig jou beste reis- en natuurfoto’s na menseselense@weg.co.za – ons kies die wenner, wat in “Mense se lense” gepubliseer word. Dié produk is beskikbaar by winkel.weg.co.za…

Knoffelmossels met spek Vir 4 (as voorgereg) Voorbereiding 10 minute Gaarmaaktyd 10 minute Dié geurige gereg bly ’n wenner as voor- of hoofgereg. Jy benodig • ’n groot klont botter • 250 g spek, gesnipper • 1 ui, fyngekap • 2 knoffelhuisies, fyngekap • 2 stingels seldery, fyngekap • 350 ml bier (lager) • 1,5 kg bevrore halfskulpmossels, ontdooi • 125 ml room (opsioneel) • sowat 30 ml elk grasuie en pietersielie, gekap • lemmetjie- of suurlemoensap na smaak • varsgemaalde swartpeper • vars brood of geelrys Só maak jy 1 Smelt die botter in ’n groot kastrol (of oor die kole in ’n swartpot) en braai die spek tot bros. Skep dit uit, maar behou die vet in die kastrol en braai die ui, knoffel en seldery stadig vir sowat 5 minute. Gooi die lager by en verhit dit tot kookpunt.…

O ons het verlede jaar die bekendstelling van die toe nuwe Isuzu MU-X bygewoon, maar eers die afgelope klompie maande ordentlik leer ken. Toast Coetzer en Sophia van Taak het die Vrystaat platter gery in een met die verfilming van Weg se TV-reeks Weg Agterpaaie Vrystaat, en meer onlangs het ek die noorde van KwaZulu-Natal en die suide van Mosambiek deurkruis in ’n MU-X. Saam het die Weg-span meer as 4 500 km geklok en ons het in die proses ’n paar dinge geleer. Dis weer bevestig dat as jy hom kan bekostig, ’n bakkiegebaseerde sportnutsvoertuig bes moontlik die ideale voertuig vir ’n Suid-Afrikaanse gesin is. Dit geld motors soos die MU-X, die Toyota Fortuner, Ford Everest en die Mitsubishi Pajero Sport. Hulle is gemaklik genoeg in stadsverkeer waar jy…

Verken die Okavangodelta, die groot riviere van die Caprivistrook en die magtige Victoriawaterval. Ons kundige gidse sal seker maak dat jy ten alle tye veilig, gevoed en gemaklik is. Hierdie selfrytoer is van die gewildste toere wat Bhejane aanbied. Die rede is eenvoudig: Jy ervaar ’n ware Afrika-avontuur teen ’n redelike prys, en jy het geen spesiale ryvaardighede nodig nie. Saam reis ons van die uitgestrekte Makgadikgadipanne om die Okavangodelta en op met die Pypsteel. Ons vertoef by die geheimsinnige Tsodilo-koppies, ’n wêreldbekende rotskunskol. Dan ry ons oos deur die Caprivi in Namibië en terug na Botswana oor die indrukwekkende  Victoriawaterval in Zimbabwe. Die toer eindig met ’n bootreis op die Choberivier, waar jy ’n skemerkelkie geniet terwyl die olifante bad. Bhejane voorsien al die kamptoerusting, en slaan self kamp…

SWIERIGE BLOMMEKYK-ERVARING Kom kyk blomme in die Namaqua- nasionale park saam meg ’n kundige veldgids. Bly saans oor by Skildpadkamp en die Groenriviermond. WANNEER? Van Dinsdag 20 Augusgus gog Vrydag 23 Augusgus 2019 (4 dae, 3 nagge); of van Dinsdag 27 Augusgus gog Vrydag 30 Augusgus (4 dae, 3 nagge). WAT SLUIT DIT IN? UITGESLUIT PRYSE R21 800 per geng, per pakkeg (vir gwee mense) R15 500 per geng (vir ’n enkelreisiger). Ons heg maksimum plek vir 15 genge en 30 gasge. Ingesluig by jou bespreking is luukse genge, goegerus meg weelderige beddegoed en ’n en suige-badkamer meg warm wager. BLY SOOS ’N KONING IN DIE KRUGER Jy was seker al in die Kruger, maar jy was nog nie só in die Kruger nie.…

‘Praat met my, vrind,” groet Tim Ellis toe ek laatoggend op Beaufort-Wes by MC Ellis se Fietswinkel in Birdstraat inloer. Dié gevestigde fietsherstelplek en ’n tipe ysterwarewinkel – waar jy van slotte en bloudraad tot batterye en ammunisie kan koop – is ’n instelling op die dorp. Tim is die derde geslag Ellis aan die stuur van sake. Ek staar sprakeloos na die see van lendelam fietse tot teen die verste muur; doer agter kreun rakke vol boute, kabels en ghriespotte tot teen die plafon. “Die bicycles kom van oral uit die distrik,” lees Tim my gedagtes. “Dis mos groot merinowereld dié, hy’s plat. Dus trap die mense nog fluks hierlangs.” En dit is so, Beaufort-Wes lê op ’n vaal, uitgestrekte vlakte doer in die noordwestelike hoek van die Koup-Karoo;…

KVV’S VIR ALTYD! Die vervlakste LBJ’s! Ek is seker jy het al dié term raakgelees, en ek is doodseker jy het al ’n paar van hulle in die bos gewaar. Laat ek verduidelik: LBJ’s (Little Brown Jobs) – is die term wat voëlkykers gebruik vir ’n klein, vaal voëltjie wat hulle moeilik kan uitken. In Afrikaans staan hulle as KVV’s (Klein Vaal Voëltjies) bekend. Suider-Afrika het meer as 200 van dié geveerdes wat ’n mens nie sommer kan eien nie. Daar is geen amptelike definisie vir hulle nie. Wat jy as ’n LBJ sien, hang af van jou voëlkykervaring. Maar die meeste voëlkykers stem saam dat hierdie voëls in vier kategorieë verdeel kan word: lewerike, koesters, tinktinkies en sangers. Dan is daar die grensgevalle: heuningwysers, vlieëvangers, spekvreters, kapokvoëls, langstertjies, streepkoppies…

Anderdag sit ek ietwat verveeld by die huis en besluit dis weer tyd om iets vreemds aan te pak. Nie wildvreemd nie, maar iets wat ek nie elke dag doen nie. Maar wát? Ek begin toe ’n legkaart met 5 000 stukke bou, een wat ek nog uit die Kaap uit saamgebring het toe ek byna ses jaar gelede daarvandaan getrek het. Maar ai... Eerstens val ’n legkaartstuk elke 20 sekondes op die vloer en terwyl ek buk om dit op te tel, haak my hamburgerpens aan die tafeldoek vas en dan tuimel die halwe seetoneel saam met die tafeldoek grond toe. Dit het ’n paar dae so aangehou, toe gooi ek die handdoek in. Wat van ’n dieet? Ek gee die 28-dagdieet ’n go, maar uiteraard het dit nie…

Met ’n poegie oor die Swartberg Ek en my man het met ons klassieke Vespas, ’n Primavera 125 en ’n 200 PX, van Mosselbaai na Oudtshoorn gery oor die Swartbergpas en oorgeslaap op Prins Albert. Die volgende dag het ons deur Meiringspoort, Dysselsdorp, Herold en oor die Montagupas teruggery Mosselbaai toe. Die poegies het hulle uitstekend gedra op die grondpaaie en passe. Ons het die omgewing ingedrink en oral stilgehou om foto’s te neem. Dié Kaapse kliplyster (inlas) het op die Vespa kom sit terwyl ons koffie gedrink het in Meiringspoort. Wat ’n onvergeetlike vakansie! HELEN BRINK, Mosselbaai Laat dit juig in Namibië Ons kamp gereeld in Namibië. Ons het onlangs ’n heerlike avontuur langs die Kunenerivier gehad en teruggery via Puros. Dié foto van Alex Wright is geneem by…

‘n Dekade gelede het Jette Vye aandete in haar huis in Kaapstad berei. Terwyl sy die aartappels skil, sien sy ’n advertensie in die koerant waarop sy werk. Dit het gelei tot haar en haar man, Geoff (80), se trek na Vleiland, ’n gehuggie in die Karoo tussen Laingsburg en Seweweekspoort. Die afgelope drie jaar besit Jette en ’n jong familielid, Cindy, wat voorheen bekend was as die Vleiland Kontantwinkel; dis net oorkant hulle huis. Moenie ’n ghrênd padstal verwag nie. Hasiesvlei dien die boeregemeenskap. Op die lang, netjiese rakke is van meel, suiker, kerse en waspoeier tot roomys, koeldrank en boontjies. Natuurlik is hier ingelegde lekkernye en konfyte uit die kontrei, en van Hasiesvlei se eie pekkanneute, amandels en olyfolie. Die Vyes het by die 1 100 bome om…

NUWEMAAN 3 JUNIE SPRINGGETY: 4 JUNIE HOOGGETY: 3.38 VM. & 4.09 NM. EERSTE KWARTIER 10 JUNIE DOOIEGETY: 10 JUNIE HOOGGETY: 9.13 VM. & 9.51 NM. VOLMAAN 17 JUNIE  SPRINGGETY: 16 JUNIE HOOGGETY: 2.28 VM. & 2.59 NM. LAASTE KWARTIER 25 JUNIE DOOIEGETY: 25 JUNIE HOOGGETY: 8.49 VM. & 9.25 NM. Hierdie is die hoogwatertye vir Kaapstad. Vir ander plekke tel jy die minute by of trek dit af (let wel, hierdie is benaderde tye): Saldanha: +5; Hermanus: -4; Port Elizabeth: +19; Durban: +26 Bron Gety-inligting met die vergunning van die Hidrograaf, SA Vloot. Die Hidrograaf is nie verantwoordelik vir enige transkripsiefoute nie. sanho.co.za SONOP & SONONDER (17 JUNIE) Kaapstad 7.50 vm. en 5.44 nm. Bloemfontein 7.07 vm. en 5.25 nm. Johannesburg 6.53 vm. en 5.24 nm. Durban 6.50 vm. en…

Sapiens – A Brief History of Humankind deur Yuval Noah Harari Vintage, R221 by exclusivebooks.co.za Ek kyk altyd watter boeke mense op vliegtuie lees. Soms gebeur dit dat verskeie mense op een vlug dieselfde boek deurwerk. ’n Paar jaar gelede was dit die nuutste Harry Potter-boek, of E.L. James se Fifty Shades of Grey. Deesdae sien ek al hoe meer die boek Sapiens – A Brief History of Humankind op sowat 30 000 voet raak. Geen wonder nie, want die boek het sedert dit in 2014 verskyn het, reeds meer as 10 miljoen eksemplare verkoop. Yuval Harari (43), ’n geskiedenisprofessor aan die Hebreeuse Universiteit in Jerusalem, is goed op pad om ’n akademiese rockster te word. Sedert Sapiens het hy nog twee topverkopers – Homo Deus (2016) en 21 Lessons…

Weg stof ’n klassieke Afrikaanse boek af. Nils Holgersson se wonderbaarlike reis deur Selma Lagerlöf H.A.U.M.-J.H. de Bussy 1950 Heruitgegee deur Protea (2010), R239 by takealot.com Daar was eendag ’n seun van omtrent veertien jaar oud. Sy naam was Nils en hy was lank en maer met blonde hare. Nils was eintlik ’n deugniet wat die meeste van slaap en eet gehou het en dit geniet het om kattekwaad aan te vang. Dit was ’n Sondagmôre en Nils se ouers was aan die klaarmaak om kerk toe te gaan. Hy het sonder ’n baadjie aan op die rand van die tafel gesit en dink hoe lekker dit is dat sy pa en sy ma albei weggaan en dat hy vir ’n paar uur lank sy eie baas kan wees. “Nou…

Gavin Waugh, eienaar van Zuider Zee Guesthouse “Salt Rock is soos ’n klein dorp. Dis ’n woongebied; dus kan kinders veilig rondloop. Vrydagmiddae pak die plaaslike mense dikwels ’n koelboks, suiker strand toe en bly tot laat.” Treasure Mkhize, menseredder “Salt Rock het ’n lekker strand, dis oop en hier is nie rotse nie. Hier is ook ’n getypoel. Besoekers moet net tussen die vlae swem en hulle sal veilig wees.” Jasper van Vessem, Holla Trails “Ons roetes loop oor meer as 45 boere se grond. Ons almal werk saam om die roetes te verbeter. Mense kom hierheen om pret te hê. Ek sien byna nooit knorrige mense hier nie.” Ravi Moodley, projekbestuurder, Umhlanga “Blythedale is net ’n halfuur van Umhlanga af. Dis mooi en vredig hier, almal kom met…

Hierdie openbare park tussen Parktown en Houghton is lank as ’n onveilige plek beskou. Die kunstenaar James Delaney, wat reg langs die park (van sowat 16 ha) bly, wou dinge verander. “Ek wou iets doen wat besoekers na die park sou lok én hulle verbeelding aangryp.” Eers het hy net gehelp om die bome en plante te snoei, maar in 2017 het hy die “67 Uile vir Mandeladag”-kunsinstallasie aangebring in ’n geelhoutboomwoud in die park. Die uile was ’n kitssensasie. Op die eerste dag het meer as 100 mense kom kyk. Wandel op keisteenpaadjies tussen ruie plantegroei, verby broodbome, boomvarings, bergkiepersolle en plate pers en wit agapante terwyl jy soek na James se meer as 100 beeldhouwerke, van ’n ietermago tot ’n lewensgroot pienk-engeel kameelperd. The Wilds is hondevriendelik; dis…

Spieëllose kameras is soortgelyk aan ’n D-SLR omdat jy sy lense kan ruil soos jy wil. Binnelangs werk die tegnologie egter aansienlik anders – dit het nie die spieël waarmee ’n D-SLR die beeld van die lens na die oogstuk kaats nie. Dit maak ’n spieëllose kamera ligter en dikwels ook kleiner. Die aanbod van spieëllose kameras groei tans byna by die dag – nuwe modelle kom gedurig op die mark. Anders as in die D-SLRmark waar Nikon en Canon reeds lank die septer swaai, is spieëlloos die speelveld van Sony, Olympus en Fujifilm. Elke vervaardiger het sy sterk punte. Sony se video is puik en sy sensortegnologie maak almal jaloers. Olympus was die pionier in hierdie segment, en het altyd die grootste verskeidenheid lense beskikbaar gehad – maar die…

Vier Vadersdag met dié drie rooiwyne. Elkeen komplementeer vandeesmaand se geregte, én Pa sal lekker bederf voel. Cinsault maak deesdae weer almal opgewonde met sy heerlike varsheid en aptytlike geure. Dié druifsoort is aanvanklik geplant omdat dit die versengende Suid-Afrikaanse somer kon deurstaan, en het oor die jare heen lyf aan verskeie rooiwyne gegee. Die False Bay Vineyards Revenant Red 2017 (R100) word gemaak van 80% cabernet sauvignon en 20% cinsault. Revenant verwys na iemand wat terugkom, en dis gepas vir dié druifsoort wat weer sy terugkeer maak. Verwelkom die sappigheid! Overhex Wyne buite Robertson is bekend vir goeie wyn wat waarde vir geld is. Deesdae spog hy met die nuwe Survivor-reeks wat in klein hoeveelhede gemaak word. Die Survivor Wild Yeast Syrah 2017 (R185) is gemaak van heel trosse…

Ervaar die duine en droë rivierlope in die noorde van Namibië op dié opwindende toer saam met Bhejane 4x4 Adventures. Die Skedelkus is ’n unieke deel van Namibië. Op die oog af lyk dit verlate en onherbergsaam, maar hier is heelwat verrassings: Die gebied het ’n ryk geskiedenis en daarby is die landskap en wildlewe ongeëwenaar. Die toer word aangebied op ’n veilige en eko-sensitiewe manier, en sluit in ’n magiese draai deur die Kaokoveld met sy grootse uitsigte, indrukwekkende berge en eindelose grasvlaktes. Jy gaan ’n 4x4 met goeie grondvryhoogte nodig hê, laestrek en veldbande, maar geen ry-ervaring in soortgelyke toestande nie. Ons kundiges is altyd naby om raad te gee. Daarby bring hulle die nodige herwinningstoerusting saam. Bhejane sal alle kamptoerusting verskaf en kamp opslaan. Gaste is…

11 dae/10 nagte (tent verblyf) Beginpunt Lethlakane, Botswana Eindpunt Kasane, Botswana DATUMS EN KOSTE 8 -18 Oktober 2019, R14 938,50 per volwassene; halfprys vir kinders jonger as tien 21-30 Maart 2020 R15 950 per volwassene; halfprys vir kinders jonger as tien INGESLUIT • Die dienste van ’n ervare veldgids • Tweerigtingradio’s in alle voertuie • Alle kamptariewe, toegangstariewe en geadverteerde aktiwiteite • Alle tente en kamptoerusting, asook breekgoed en eetgerei • Drie maaltye per dag, en koffie en tee elke dag WAT MOET EK BRING? • Jou eie voertuig en brandstof • Slaapsak, matras, kampstoele en ’n kamptafel • Padkos en drankies • Reisversekering en versekering vir noodontruiming (verplig) • Jy is verantwoordelik vir grenspostariewe en padbelasting BESPREEK NOU! 044 535 9033 bookings@bhejane.com; bhejane.com…

Het jy onlangs ’n nuwe kamera gekoop, maar is steeds skrikkerig vir sy verstellings? Kom woon ’n fotoslypskool by – ons kan help. Of dalk is jy reeds behendig met jou toerusting, maar verveeld met die manier waarop jy al jare lank foto’s neem. Dan sal ons jou nuwe truuks wys. Dit maak nie saak of jy jou kleinkinders se manewales met ’n mik-en-druk afneem, of ’n SLR-kamera met ’n tros los lense besit nie – Weg se fotografieslypskool is vir almal. Die aanbieders van dié omvattende kursus is die gesoute fotograaf Sam Reinders en die joernalis Sophia van Taak. Tesame met lesings en uitgebreide notas behels dit ook praktiese oefening. Want dít bly die beste manier om te leer: Met jou kamera in jou hande en ’n kenner wat…

Ons klouter die laaste steil kliptrappe teen die rotshang uit. Bo staan ons en hyg om ons asem terug te kry. Meer as 100 stappers staan reeds op die heuwel. Party eet energiestafies, ander neem selfies. Ons sit op die berg reg bo die antieke Inka-terrein Machu Picchu, maar dié lê nog onder ’n digte wolkkombers toegewikkel. Ek verkwalik haar nie. Ons is reeds 3.45 vm. uit ons donsslaapsakke geboender om die laaste 6 km na die Sonpoort te stap. En hier’s ’n byt in die lug. “Julle kan julle rugsakke afhaal,” sê ons stapgids, Lenin. “Ons gaan ’n halfuur wag om te sien of die mis wegtrek.” David, een van die ander stapleiers, sien my teleurstelling. “Don’t worry, Gertrudes, you will see it ...” Dis dag 4 van die…

VLAKHASE OP PATROLLIE, DINOKENG Ons was op pad terug na ons tuisdorp, Pietermaritzburg, ná ’n epiese vakansie in die Limpopoprovinsie waar ons onder meer die Wag-’nbietjie-staproete naby Bela-Bela gaan stap, en die Marakele- nasionale park besoek het. Op ons laaste dag in die streek het ons by die Koedoesrus-boskamp in die Dinokeng-wildreservaat oornag. Ons het teen skemer aangekom en ons Cruiser Camper naby die kampheining geparkeer. ’n Vlakhaas het daar rondbeweeg en ons het besluit om ons strikkameras op te stel in die hoop om dié haas of dalk iets anders af te neem. Gewoonlik sou ons die kameras ook in hulle hiënabestande hulse toegemaak het, maar dit was nie nodig nie. Ons ketting dit soms vas aan bome, maar het hulle hier sommer net in die paadjie staangemaak. Gewone…