Innholdsfortegnelse for February 2018 i Weg!

Weg #160 is ’n gedenkwaardige boek in die tydskrif se geskiedenis, en hy’t sommer vroeg in die beplanningsfase naam gekry: die “Ernsuitgawe”. Nie net moes Erns twee van die hoofstories (’n wildernisstap deur die Khomas Hochland en die Windhoek-stadsgids) skryf nie, maar ook ’n profiel oor die skrywer Elsa Joubert, “Afrika op sy beste”, die boekeblad, asook ’n storie oor ’n blyplek in die Karoo. (Hy het selfs die maand se voorbladfoto geneem!) En dit alles moes gebeur in ’n tyd van die jaar waar ons spertye op hulle kortste is. Ons was egter kortsigtig: Soos julle hiernaas sal lees (en hy self ruiterlik erken), lê Erns en ’n spertyd nie lepel nie. Nie net is hulle van bed en tafel geskei nie, maar dit voel soms asof hulle op…

“Hallo my kerkkjind,” groet tannie Emma Seas my wanneer ek nader stap na waar haar braaidrom staangemaak is voor ’n tentafdakkie langs die Spar in Port Nolloth. Tannie Emma is al 12 jaar op haar pos hier agter die vuur, waar sy roosterkoek maak en verkoop saam met wors en ’n tjop of wat. Roosterkoeke kos R5 elk of jy kan R50 betaal vir ’n groter roosterkoek met wors en ’n varktjop. Kom op die regte dag en jy kry “ekstra fieterjasies soos slaai” daarby. Maar tannie Emma is veel meer as die Noord-Kaap se roosterkoekkoningin: Sy is ook vriendin vir ontelbaar baie mense, ’n steunpilaar en Diamantkus-orakel by wie enige reisiger maar kan kom aanklop vir vyf minute se sielsberading. Die vuur is waar haar eie siel kern vind.…

ROOIBORSBYVRETERS BY DOSYNE! H et jy al ooit gewonder waar ’n mens die indrukwekkendste versameling insekte in Namibië kry? By die Mubala Lodge ongeveer 40 km oos van dorp Katima Mulilo in die Zambesistreek. Dis ’n entomoloog se droom. Maar ornitoloë en ywerige voëlkykers kan ook nader staan, want dié spul insekte lok natuurlik ook voëls. Ja, die wêreld se grootste rooiborsbyvreterbroeikolonie hou hier – sowat 3 000 broeipare! Hierdie byvreters kom elke jaar rondom 21 Augustus hier aan van Sentraal-Afrika af (dis nou lande soos Gaboen, Tanzanië en die Kongo). Kort ná hulle aankoms begin die mannetjies en wyfies mekaar beïndruk met hulle lugtoertjies. Só kies hulle ’n maat vir sowat vier maande saam met wie hulle een byvretertjie grootmaak. Nadat die jongeling die nes verlaat, versprei die kolonie…

Rondom my hang vir ’n ruk lank ’n stofwolk as ek teen die teerpad stilhou. Links van my is “Broedersput” op ’n vaal geboutjie geverf. Dit kan ’n winkeltjie wees, want ’n Coca-Cola-bord, wat eens op ’n dag helderrooi was, hang teen die gebou. Hier teen die pad is ’n wit bord wat sê: “Broedersput Boerevereniging, Volgende vergadering, Tema”. Daar is nog nie op ’n datum of tema besluit nie. Google Maps beduie die grondpad het my op die N14 net mooi tussen Vryburg en Delareyville uitgedop. Dan is ek nog nie op Kameel nie. Ek soek vir Kameel. Want ek was nog nooit op Kameel nie. Trouens, ek het ’n paar dae gelede die naam vir die eerste keer op ’n kaart gesien toe ek my roete beplan het.…

LESER VERTEL SHIRLEY KOKOT Tuisdorp Wellington Beroep Sielkundige Ons het die beste van twee wêrelde beleef,” sug my man, Mike, tevrede. Ons het pas ’n drie dae lange slenterstap van Hermanus tot by Bettysbaai voltooi. Maar moenie dat die woord “stap” jou pla nie – ons is op die hande gedra op die Biosphere Breaker Way. Dis báie meer as net ’n staptog. Ja, ons dae was vol mooi uitsigte terwyl ons langs fynbosbedekte berghange en die kus stap. Maar ons het ook geleer oor die geskiedenis en fauna en flora van die streek by gidse wat vrygewig is met hulle kennis. Dit was ’n soort verkenningstog van die Kogelberg, maar stylvol! Ons ontmoet ons gidse en die ander stappers op ’n Sondagaand by die Auberge Burgundy, ’n luukse gastehuis…

Knoffelbroodrolletjies Vir 8 Voorbereityd 20 minute plus rystyd Gaarmaaktyd 40 minute Sit twee verskillend gegeurde knoffelbotter voor met hierdie rolletjies – een met ’n lekker byt! Jy benodig VIR DIE KNOFFELBOTTER Só maak jy 1 Meng die meel, gis, sout en suiker en roer dan ¾ van die water en die olyfolie daarby. Roer nog water by om ’n klewerige deeg te vorm en knie goed vir 10 minute. 2 Bedek met plastiek en los die deeg vir 90 minute eenkant om in volume te verdubbel. 3 Knyp bolletjies deeg af (omtrent so groot soos ’n eier) en pak die bolletjies onderin ’n gesmeerde groot gietysterpan of platboomswartpot. Los dit eenkant vir 30 minute om weer rys. 4 Plaas…

PADMUSIEK WAKKERSLAAP deur David Kramer, Blik Musiek Tien jaar ná sy vorige CD, Hemel & Aarde, is David Kramer terug met ’n nuwe album. Die 12 liedjies op Wakkerslaap het ’n heerlike live gevoel – dis duidelik dat David en die musikante ’n genotvolle jam-sessie in die ateljee gehad het. David kry dit al langer as vier dekades reg om in die karakters te“klim”waaroor hy sing. Die titelsnit is ’n intense Karoofabel met die Bybelse verhaal van Abraham en sy seun Isak as tema. Hy sing ook oor verlange en kyk in liedjies soos“Ou kitaar”en“Donker kamer”terug oor sy eie loopbaan. Wie anders in Afrikaans sal met die woorde “tsoenami”en“salami” rym, soos David in“Marilyn”? Ek het onlangs Wakkerslaap geluister op ’n reis na Middelpos in die Karoo. Dit is padmusiek op…

In 2015 het ek al my besittings verkoop behalwe twee rugsakke en ’n kitaar. Die plan? Om ’n reisblog te begin. In 2016 het ek die eerste keer in Malawi geland en verlief geraak op dié plek en sy vriendelike mense. Toe ek in 2017 die geleentheid kry om weer te gaan het dit nie veel oortuiging geverg nie. ’n Busrit is nie die gerieflikste manier om tot in Malawi te reis nie, maar dit bied ’n unieke reiservaring vir ouens soos ek wat met ’n klein begroting moet klaarkom. ’n Kitaar moet jy egter mooi oppas: Sorg dat dit altyd laaste ingepak word sodat dit bo-op ander bagasie lê, en koop ’n stewige kitaarsak. Musiekmaak is een van die belangrikste dinge in my lewe. My reise is dikwels onbeplan,…

Februarie is die maand van liefde en dus die ideale tyd om ’n bietjie soetsappig te word met iets pienks! Maar op ’n ernstiger noot: Rosé is in die algemeen ’n goeie wynpasmaat vir kos. Die sagte geure van rooi vrugte werk goed saam met Mediterreense en sterk gekruide geregte. Probeer hierdie drie wyne saam met jou geliefde. Pinotagepienk is op die oomblik boaan my lysie en die Backsberg Rosé 2017 (R53) is ’n wenner. Die wyn word gemaak van druiwe wat vroeg gepluk word en bied dus ’n suurheid met byt en ’n ligtheid in die mond – ideaal vir ’n luilekker Sondag in die somer. Holden Manz Rosé 2017 (R80) word van ’n uitgesoekte mengsel druiwe gemaak: Dis ’n kombinasie van swart Bordeaux-druiwe soos cabernet sauvignon en cabernet…

VIR VROUE 1 K-Way Exhale Dié sandale is mooi genoeg vir elke dag se dra, maar ook taai genoeg vir die bos. Die sool is gemaak van gehalte-rubber en geskik vir rotse klouter en heuwels baasraak. Die voetholte het ’n mikroveselvoering vir ekstra gemak en die dun Velcrobandjie beteken dat jy dit vir jóú voet verstel kan word. R500 by Cape Union Mart 2 Havaianas Freedom Print Slim Havaianas is waarskynlik die gewildste plakkie in die wêreld en elke jaar word ongeveer 150 miljoen pare vervaardig. Daarby hou dié skuimrubberskoene lank – hoe verseker die vervaardiger dus jaarlikse verkope? Nuwe ontwerpe. Dié Freedom-ontwerp laat jou voete dink hulle ontspan onder palmbome op ’n tropiese eiland. R550 by Spree 3 Skechers Burst City Scene Gaan jy binnekort op jou langverwagte Europese…

DISAKLOOF, HELDERBERGNATUURRESERVAAT, SOMERSET-WES Die moeilikheid met die roetes in dié natuurreservaat is dat jy altyd met ’n opdraand begin. Die reservaat lê teen die hange van die Helderberg, jy sien. Maar hoe hoër jy stap, hoe minder raak die mense en hoe mooier die uitsigte oor Melkbaai. En as jy jou weer kom kry, lê jou lewensadmin doer onder in jou piepklein kar. Die Disakloofroete is nie ’n amptelike roete nie; dis ’n samevoeging van ’n paar van die roetes – hier rond praat die mense sommer van “Ons stap gorge toe”. Moenie dat die opdraand jou benoud maak nie, ek het verby drie senior burgers gestap – en my sesjarige was ook al by “die gorge”. By die ingang na die veldgedeelte van die reservaat, by die parkeerterrein, is…

Dit was ’n Vrydagmiddag in Februarie 2017. Ek, Toast Coetzer en die Weg Agterpaaie-span het deur die Karoo gery. Ná ’n propvol dag van fossielspore kyk op Fraserburg en ’n bergfietsrit oor etenstyd was ons teen sononder naby Merwewille. Ons was effens agter skedule en wou graag voor donker in Merweville aankom. Maar toe ons op ’n grondpad buite die dorp sien wat die sonsondergang inhou, het ons onmiddellik stilgehou. Die regisseur en kameraman Christiaan Kritzinger het begin foto’s neem. Sy profiel het dié mooi silhoeët teen die horison gemaak. Dit was een van daai magiese Karoo-aande: Windstil met wolke wat soos bolle spookasem in die dag se laaste lig dryf terwyl ’n stilte om jou neerdaal.…

Wroem-wroem na Kaapsehoop Kaapsehoop in Mpumalanga is bekend vir sy wilde perde en staproetes, en nou kan jy ook met ’n ysterperd dié dorp en omgewing verken. Scootours maak gebruik van veldskopfietse en batteryaangedrewe bromponies. Eersgenoemde werk met pure gravitasie en is vir dié wat op soek is na meer avontuur, terwyl die bromponies ’n kalmer sit-sit-so is. As jy goeie balans het, is dit ’n vulletjie om bo te bly. Met die veldskopfietse gaan jy op ’n 6 km lange afdraandroete deur meestal inheemse bosse – lekker adrenalien! – terwyl die bromponietoere in die dorp en nabygeleë plantasie is. Op dié toere vertel die jare lange inwoner Rudi du Plessis meer van die geskiedenis en wys ou geboue en bakens uit. Op jou eie sou jy wraggies nie afgekom…

As jy op die regte tyd op die regte plek(ke) kyk, kan jy sowaar ’n X en ’n V op die Maan sien! Dit is vir ons niks vreemds om op Aarde te sien hoe die opkomende Son eerste die hoë berge of koppe vang nie, voordat dit later die hele landskap verlig. Presies dieselfde gebeur op die Maan. Om die waarheid te sê daar is nogal hoë bergspitse op die Maan. Die “lyn” wat die ligte en donker dele op die Maan van mekaar skei, staan bekend as die ligskadugrens. Soos die Maan “groei” van nuwemaan tot volmaan, verskuif hierdie lyn in twee weke van die een kant na die ander. Dis die gebied waar die Son opkom oor die maanlandskap. As die Son oor ruwe terrein beweeg, is…

Waarom het jy ’n kinderboek geskryf? Ek eksperimenteer die afgelope twee jaar met die skryf van kinderboeke. Die eerste geleentheid was toe ’n Hollandse vriendin, Joukje Akveld, my gevra het om saam te werk aan ’n kinderboek getiteld Mijn kleine safari. Ek het die proses baie geniet en wou daarmee voortgaan. My Great Expedition is my jongste projek en volgende is die Fox Book of Birds, geskryf uit die perspektief van die voëls en ’n poging om kinders opgewonde te kry oor Suid-Afrika se fantastiese voëllewe. Het enige kinderboeke jou geïnspireer? Beslis! As kind was ek ’n groot aanhanger van Winnie the Pooh, Alice in Wonderland, Babar en Madeline. Ek was ook betower deur Tintin en The Little Prince. Van hierdie karakters verskyn in sommige illustrasies in My Great Expedition.…

Elsa Joubert beweeg van haar gemakstoel na een by ’n ronde tafel langs ’n groot venster wat wes kyk na Leeukop en Vlaeberg. “Ek het soveel probleme met my bene gekry,” sê Elsa, wat reeds twee heupvervangings gehad het. “Ek kan nie meer lekker loop nie, ek verloor my balans.” Haar versorger, Cynthia Mtini, sit ’n glas water met ’n blou strooitjie voor haar neer. Ek sit skuins ná drie op ’n Vrydagmiddag by Elsa in haar tweekamerwoonstel op die derde verdieping van Berghof, ’n aftreeoord in Tuine, Kaapstad. Sy deel dié rooibaksteengebou saam met sowat 60 ander inwoners. Die gemiddelde ouderdom van die inwoners hier is 88. Die kort reis van stoel na stoel staan noodgedwonge in sterk kontras met die Elsa wat haar eerste boek, Water en Woestyn,…

Basson van Zyl woon op Vredenburg in die Weskus, en wanneer hy nie die familieonderneming bestuur nie, verken hy wilde plekke en neem landskapfoto’s. Een van sy gunstelingplekke is die Ai | Ais-Richtersveld-oorgrenspark, wat wydsbeen staan oor die Oranjerivier in die verre noordweste van die land. Die Richtersveld is ’n ongenaakbare plek: yskoud in die winter en wárm in die somer, ’n landskap vol kaal rotsagtige berge en breë gruislope. Danksy die mis wat nou en dan van die Atlantiese Oseaan af indryf, kry ’n mens van die mees diverse woestynplantegroei hier – van piepklein vetplante tot statige koker- en halfmensbome op rantjies en berghange. Basson en sy pa, MB, het in Augustus 2017 ’n paar dae lank in dié park gebly. “Terwyl ons een aand by Kokerboomkloof om die…

In ons gesin was motorkoop nog nooit ’n emosionele affêre nie, en dis seker een van die redes hoekom ons deur die jare so baie Japanse motors – spesifiek Hondas – besit het. Dis ’n kar wat jy met jou kop (linkerbrein) koop, en nie met jou hart (regterbrein) nie. My jong petrolkopvriende het net die kop geskud oor ons keuses. “Nee man, ’n Honda is die laaste kar wat jy koop voor jy doodgaan. Dis motors vir oupas en oumas,”het hulle spottend gesê. Maar ek kon teen die einde van die vorige eeu my Honda Accord vir meer verkoop as wat ek tweedehands daarvoor betaal het terwyl my vriende waarskynlik vandag nog kopers soek vir hulle sexy Italiaanse rygoed. My broer het ’n paar honderdduisend sorgvrye kilometers op sy…

Berseba Cottage As jy op soek is na ’n rustige plek, is dié tweeslaapkamerhuisie tussen die heuwels perfek. Die uitsig is mooi – jy word omring deur roosmaryn, teeboom en laventel, en hier's geen bure so ver as wat ’n mens kan sien nie. Die plaas Berseba net anderkant Botivier vervaardig vlugtige olies. Die eienaar, Ian de Kock, neem gaste graag op ’n toer. Die plaas is al drie jaar aan die gang, nadat Ian ’n kwarteeu lank met die idee in sy kop rondgeloop het. Hy verbou meer as 25 ha plante op wat hy die armste grond in die Overberg noem. Boere sê al geslagte lank die land is onvrugbaar en nutteloos, maar sy plante het hulle almal verkeerd bewys. Ian sê die plante floreer omdat hulle aangepas…