Innholdsfortegnelse for April 2017 i Weg!

Weg Agterpaaie is van 15 Maart af terug op die kassie! Hierdie keer reis Erns Grundling en Toast Coetzer vir meer as 5 000 km deur die ganse Karoo. Hulle begin in die Klein-Karoo, draai in die Oos-Kaap en selfs die Suid-Vrystaat en skop dan stof op tot deur die Groot-Karoo, Bo-Karoo, Koup, Tankwa en Hantam. Padlangs ontmoet hulle boere en families wat al geslagte lank hier ’n lewe uitkerf, inkommers wat op die platteland hulle vrede (en toekoms) kom soek en van kunstenaars, skrywers en entrepreneurs tot ’n windpompdokter! Toast en Erns ry perd, doseer volstruise, speel krieket, dans die riel en probeer selfs op ’n plaasdam ski... Wanneer wys Weg Agterpaaie op Via? Die reeks begin op Woensdag 15 Maart om 8 nm.op Via (kanaal 147 op DStv).…

Suid van ons val die Oos-Kaap weg in die Gamtoosriviervallei. Ver na die noorde steek bergspitse uit bo die laer rante tussen hier en doer. Waar lê daardie berge? Anderkant Jansen-ville? Dalk selfs die Pearston-distrik? Kan dit so ver wees soos Aberdeen? Als is moontlik, dink ek. Als en enigiets. Grahamstad, ons beginpunt 11 dae gelede, lê nou noordoos van ons, rofweg 250 km en ’n halwe provinsie agter ons. Ons staan nou in ’n laer saal van die Groot-Winterhoekberg, reg onder die blik van die Hanekam, 1 768 m hoog. Dit is die voorlaaste dag van die Indlela yoBuntu-pelgrimstap se eerste deel, genaamd “Crossing Over” – juis omdat ons die berg-reeks hier oorsteek om af te daal tot onder in die Gamtoosvallei. Ek kyk na my kaart, ’n A4-fotostaat…

Laatmiddag gewaar ons die boonste punt van die lang sandeiland in die verte. Die visfabrieke se hoë pypskoorstene breek eerste die plat seelyn. Op die horison het die son onder die lae wolkbank uitgesak en hang ’n handbreedte bo die water. Ons kan nou die pastelkleure van die kerk en huise op die geel sand uitmaak. Onder ons ploeg die Dawn se 15 m lange dubbelromp deur die deining, wat die laaste paar uur sterk van voor deur die wind aangejaag word. Ek en Paul Jonker, die skipper, is vanoggend met ligdag weg by die Flamingo Lodge, net suid van Namibe in Angola. Dit was amper 10 uur en 73 seemyle (sowat 135 km) gelede. Ons is op pad na die eilanddorpie São Martinho dos Tigres, eens ’n bedrywige vissersgemeenskap…

@ROYVANECK ROY VAN ECK VERTEL: Ek het een aand by die Val du Charron-wynlandgoed op Wellington oorgeslaap. Net voor sonsak het ek by die wingerde ingery, die motor geparkeer en by ’n bult opgestap. Ek het die son se laaste strale met my Samsung S7 Edge-foon geneem. TOAST SÊ: Niks is lekkerder as pad vat met jou kamera in die kar nie – en met deesdae se selfone het jy áltyd ’n kamera in die kar! Roy se foto sing behoorlik van al die goueuurlig wat daardeur spoel. Deur eers hoogte te kry het sy landskap ’n gevoel van diepte. Roy het dieselfde toneel ook met sy DSL-R geneem, maar dis die selfoonfoto wat hy op Instagram gelaai het, en wat ons later ook op Weg se @menseselense-profiel gedeel het.…

BELLWOOD COTTAGES, KZN-MIDDELLAND Hierdie perdeplaas sowat 2 km van Nottingham Road af bied die beste dele van die Middelland in een bekostigbare pakket. Die huise kyk uit oor ’n meer en golwende weivelde waar beeste staan en wei. Die plaas het ook ’n groot denne-en-populierwoud, waar jy byna gewaarborg is om ’n duiker of bosbok te sien. Jy kan op die plaas visvang, stap of roei en jy kan jou moeg eet, drink en koop op die nabygeleë Midlands Meander-roete. Geriewe Bellwood is ’n gewilde troubestemming, en die ses huise langs die meer het elk slaapplek vir tussen 14 en 16 mense. Die huise het almal DStv, vuurmaakplek binne en buite, en ’n kombuis wat báie goed toegerus is (16 sopieglasies is dalk onnodig...) Twee huise na aan die sentrale…

Dis ’n dorp wat sinoniem is met sy walvisroeper, die Walvisfees, ’n Blouvlagstrand en die legendariese see-en-sand-kampe. En die oomblik as ek my voet op die dorp sit, kan ek voel ek ontspan. Ons hou al hier vakansie vandat ek my oë oopgemaak het, en my ma sedert sy ’n pastoriedogtertjie was. Dis ’n maklike wegbreeknaweek vir Kapenaars. Hermanus is skaars 115 km van Kaapstad af op die R43 (of die mooier, langer kuspad die R44) en is die hart van die Overstrand en Walkerbaai. Sowat 40 km verder op die R43 kry jy Gansbaai, en nog verder Kaap Agulhas. Die see is deesdae die dorp se grootste bate, maar Hermanus het eintlik sy ontstaan te danke aan sy gras. Hermanus Pieters, ’n onderwyser van die Caledon-omgewing, het in die…

Suzette de Goede van Goodwood vertel: Ons gaan hou elke jaar minstens twee keer by Puntjie vakansie. Dis naby Vermaaklikheid, sowat 50 km van Riversdal af. Vroeër jare het die boere van Vermaaklikheid met hulle ossewaens na Puntjie gery om vis te vang en vakansie te hou. Die destydse eienaar van dié plaas, Kleinefontein, het die boere toegelaat om kapstylhuisies te bou – teen ’n jaarlikse huurtarief van vier sjielings. Kapstylhuisies verwys na ’n boutegniek met sy oorsprong in Europa, maar wat in die 18de eeu deur trekboere uit die Kaap aangepas is toe hulle binneland toe getrek het. Die A-raamhuisies het rietdakke wat tot op die grond strek. Ek en my broer, Pieter, het ons kapstylhuisie in 2005 by ons ouers geërf – my pa het dit vroeër by…

Met my tweede besoek aan die dorpie São Martinho dos Tigres in Suid-Angola besluit ek om my seebene te toets (die vorige keer het ons woestynlangs van Flamingo Lodge af tot in die Doodsakker gery – daarvandaan is dit ’n kort vaart eiland toe). Dié keer is dit ’n properse seevaart van tien uur. Ek en Paul Jonker, die skipper, is alleen op die Dawn, ’n ouerige dubbelromp – die res van die groep ry kuslangs. Aanvanklik hou my seebene, maar toe begin die wind opstoot en die golwe raak groter. En ek besef dat seebene nie ’n gegewe is as jy in die ou Wes-Transvaal grootgeword het nie. Ek besluit om eerder die res van die reis te slaap en gaan lê in die beknopte kajuit onder die voordek…

Die natuurlewefotograaf Greg du Toit het dié foto met sonsopkoms op die oewer van die Nakurumeer in Kenia geneem. Nakuru is ’n varswatermeer en bekend vir die duisende – soms miljoene – flaminke wat kom vreet aan die oorvloed alge wat hier voorkom. Die meeste foto’s van Nakuru wys ’n groot klomp pienk voëls, maar Greg was op soek na iets anders. Hy het plat op die grond gelê en gewag tot twee ander voëls saam met die kleinflaminke in die raampie was: ’n nimmersat en ’n witpelikaan, wat al twee waarskynlik op soek was na vis in die vlak water.…

71 Die hoogte (in meter) van die Witpoortjiewaterval – die tuin se grootste attraksie. 220 Die getal voëlspesies wat in die tuin voorkom – en dit sluit in ’n broeipaar witkruisarende. 300 Die grootte van die tuin (in hektaar). Dit bestaan uit natuurlike veld en beddings wat deur tuinboukundiges uitgelê is. Hier is onder meer ’n deel met medisinale plante en ’n waterslimdeel wat waterbesparingstegnieke wys. 600 Soveel plantspesies kom natuurlik hier voor. Die tuin bied verskillende habitats, van rotswande en grasveld tot water, woud en bosveld. 31000 Die hoogste getal besoekers wat al in een maand ’n draai by die tuin kom maak het (in Desember 2016). 275000 Dit is die gemiddelde getal besoekers per jaar. Bron sanbi.org…

Ek staan vingeralleen op die Frankfurt-lughawe in Duitsland. Iewers het ek my arms verloor, want ek het my misgis met die gewig van my handbagasie. Dit voel asof ek al kilometers agter die blou aanwysingsbordjies aanloop en nou is dit ’n doodloopstraat – dit lyk soos ’n treinstasie. ’n Moltrein? “I need to fly to Heathrow,” sê-vra ek vir ’n vrou in ’n uniform. “On a Lufthansa flight.” “Hop on the train, it’ll take you to the boarding gates!” antwoord sy, en klim ook op. Met ’n enkele kopbeweging wys sy my minute later waar om af te klim. Weer volg ek die bordjies en kom by die sekerheidshek. Hier moet ek my baadjie uittrek en al die plastieksakkies in my handsak uitpak. Alles gaan in ’n houer vir skandering.…

H et jy al gesnorkelduik en gewens jy kan die bontpapegaaivis wat hier voor jou duikbril aan die koraal peusel, vir jou vriende by die huis gaan wys? Balanseer jy dalk op ’n mokoro in die Okavangodelta en jy wil ’n foto op watervlak neem van die buffel wat enkele treë van jou af staan en wei, maar jy wil nie waterskade aan jou duur lenskamera waag nie? Of wil jy net vir Leila, die labrador, onder die water afneem terwyl sy met die kinders in die swembad baljaar? Dis sulke tye wanneer ’n kamera soos die Canon PowerShot D30 gaan sorg vir foto’s wat jou medereisigers nie met hulle konvensionele kameras kan neem nie. Watter voordele bied die PowerShot D30? Ek het ’n toetsmodel, asook een van Weg se…

EENDPARADE, VERGENOEGD-WYNPLAAS, SOMERSET-WES Kyk, ’n mens moenie trompoppies en ’n slagorkes by dié “parade” verwag nie. Dis basies ’n spulletjie eende wat van hulle hok af oor die plaaswerf waggel. Nietemin is die sowat 1 100 eende wat kiertsregop marsjeer, ’n hoogs vermaaklike gesig! Die Vergenoegd-wynplaas het reeds in 1984 begin om dié eende in die wingerde te laat wei as deel van ’n pesbeheerprogram – die eende is veral lief vir slakke. Ná die parade kan jy jou sit kry onder die koeltebome. Kuier rondom ’n paar Vineyard-kaasborde met onder meer brie, biltong, chorizo, olywe, basiliepesto, hummus en varsgebakte brood (R150) en ’n glas wyn, boetiekbier of tuisgemaakte ystee. Of sit aan vir ontbyt of ’n driegangmiddagete (R250 p.p.). Op Vergenoegd word gewoeker met allerhande interessante doendinge. Behalwe vir…

Die natuurlewefotograaf Greg du Toit het sonder ’n driepoot en met net ’n 400 mm-lens by Sossusvlei in Namibië beland – nie juis die beste toerusting vir landskapfotografie nie! Maar toe sien hy ’n kraaines in een van Dooievlei se ikoniese kameeldoringbome – ’n kans om ’n unieke foto te neem by ’n bestemming waarvan daar al báie foto’s geneem is. Hy het die kamera op die boom gerig, sy arms styf teen sy sye gedruk, bene wyd uitmekaar geplant en vir ’n uur in dié posisie gebly – ’n menslike driepoot. Die kraai het uiteindelik sy verskyning gemaak en Greg was reg, met sy vinger op die knoppie. Hoe’s daai vir toewyding?…

Grootvoete groet ’n vriendin Ons het die voorreg gehad om ’n besonderse olifantritueel dop te hou in Botswana se Chobe- nasionale park. Op pad na die Ihahakampterrein het ons stilgehou langs die Choberivier. Dit was warm en die olifante het kom suip en in die modder baljaar. Een koei het ’n paar keer ineengesak en weer probeer opstaan. Die ander olifante het haar probeer ophelp, maar sy het uiteindelik – ná ’n bloedstollende gil – gaan lê. Ná ’n ruk het sy glad nie meer beweeg nie en dit het gelyk asof sy gevrek het. Al die olifante het na haar gedraai. Dit was doodstil. Selfs die kleintjies het ophou speel. Dit het gelyk asof hulle groet. Later het die olifante weer hulle gang gegaan, behalwe die groep die naaste…

HI-TEC-TUINROETESTAPFEES Sit jou stapskoene reg Begin solank strek – dis tyd vir die tweede Tuinroete-stapfees. Die fees word oor Paasnaweek gehou en sluit meer as 50 staproetes in die omgewing in – van Mosselbaai tot by Stormsrivier. Volgens die organiseerder, Galeo Saintz, is almal welkom. “Dis ideaal vir gesinne en almal wat lief is vir die buitelewe.” Moenie bekommerd wees as jy nie topfiks is nie – hier is ook rustige wandelings op die strand en ander temastaproetes (soos een met maskers) om dinge interessant te maak. En as jy iemand is wat glo ’n staproete wat sy sout werd is, het ’n lekker klim, pak gerus Formosapiek. Hier is ook ’n seerowerstap en skattejag vir die kinders, ’n maanligwandeling, ’n sketsstap (waar julle langs die pad houtskoolsketse van die…

Neushoringvoëls is ’n algemene verskynsel in die meeste Suid-Afrikaanse wildreservate, en die bromvoël – ook ’n soort neushoringvoël – is seker die indrukwekkendste een, uitgevat in swart kisklere. Wanneer jy tyd in die Krugerwildtuin deurbring, is jou kans redelik goed dat jy dié swart-en-rooi voëls te siene sal kry, gewoonlik in klein familie-groepe in grasveldgebiede. Bromvoëls is egter bedreig in Suid-Afrika: Kenners skat daar is net sowat 1 500 van hulle oor en hulle is hoofsaaklik beperk tot groot natuurreservate. Die situasie word vererger omdat bromvoëls koöperatief broei. Dit beteken dat ’n broeigroep eintlik net een broeipaar insluit, saam met ’n paar helpers – gewoonlik ander mannetjies of jonges van vorige broeiseisoene. Net die alfapaar broei, wat beteken die broeibevolking is maar sowat 400 pare. Al lê hulle twee eiers,…

Ek systap Polokwane en mik ooswaarts in Magoebaskloof se rig-ting. Binne net 50 km verander die landskap dramaties: Eensklaps bevind ek my in Limpopo se groen oase wat ligjare weg is van bosveld en versengende hitte. Die saai hoofweg tussen Pretoria en Polokwane is gou vergete. Magoebaskloof, met die dorpie Haenertsburg as poort, is destyds deur die Skotse skrywer John Buchan beskryf as “The Land of the Silver Mist”. Want in hierdie hoogliggende deel aan die noordoostelike punt van die Drakensberg wat gekenmerk word aan grasveld, inheemse woude en watervalle, is dit dikwels mistig. Magoebaskloof is ook ’n tussengebied, met die Magoebaskloofpas wat op die R71 tussen Haenertsburg en Tzaneen kronkel en binne slegs 6 km ’n volle 600 m daal van die Hoëveld se eskarp tot in die subtropiese…

LESER VERTEL HENKO ROUKEMA Tuisdorp Durbanville Beroep Navigasie-offisier Ek hou van rotsklim, ysswem en fietsry. Ek is maande aaneen ter see (ek’s ’n navigasie-offisier vir ’n Kanadese skeepsmaatskappy), maar die lekker ding is dat ek ook lang tye verlof kry wanneer ek aan wal is. Dan wil ek soveel as moontlik opwindende dinge doen en sien. Só bevind ek my laasjaar ná ’n fietstoervakansie deur die suide van Namibië en die Richtersveld op Springbok in die Noord-Kaap. Die gedagte om vir ’n dagreis terug Kaap toe vasgedruk in ’n motor te sit, staan my nie juis aan nie. Ek hoor mense sê die R355 loop deur ’n oop, droë landskap besaai met niks, waar skerp klippe jou bande aan flarde kan skeur. Dis sowat 600km van Springbok af tot op…

VRAAG: My dubbelbattery laai nie. Ek het ’n bietjie meer as ’n jaar gelede ’n solenoïedstelsel in my 4x4 laat installeer. Dit het die eerste keer heel goed gewerk, maar nou is daar baie min krag in my ekstra battery wanneer ek by die kamp aankom. Op my mees onlangse reis het ek sowat drie tot vier uur tussen kampe gery, maar teen die volgende oggend was die battery pap en my yskas af. Ek het al gehoor dat ’n solenoïed-gebaseerde dubbelbatterystelsel nie saam met sekere voertuie werk nie en dat ek na ’n GS-tot-GS-stelsel moet oorskakel. Maar voor ek duisende rande betaal vir ’n tweede stelsel, het julle dalk raad? ANTWOORD: Ons hoor hierdie klagtes op ’n daaglikse basis, en die antwoord is verbasend eenvoudig: Jy benodig ’n 220…

TOERINLIGTING Datums 12-21 Augustus 2017 Hoe lank is die toer? 10 dae, 9 nagte Van waar vertrek die toer? Kamieskroon, Namakwaland Eindpunt? Aussenkehr, Namibië Waar slaap ons? Formele en suite-verblyf Prys R19 650 p.p. (30% bykomend vir enkelbesprekings) WAARVOOR SORG EK? • Enige 4x2 met ’n goeie grondvryhoogte en ewenaarslot (ook brandstof en grenspostariewe) • Drankies en snoepgoed • Kampstoele • Julle paspoorte • Persoonlike toerusting AVONTUURTOERREISPLAN DAG 1 Ons avontuur begin naby Kamieskroon en ons gaan kyk na die daisies in die Skilpaddeel van die Namakwa- nasionale park. DAG 2 Ons verken die agterpaaie van die Weskus en hou piekniek by Kleinsee. DAG 3 Ná ontbyt mik ons na die Richtersveld. Ons ry deur onder meer Lekkersing, Eksteenfontein en Kuboes. Ons bly twee nagte by Sendelingsdrift. DAG 4 Die groep bring die dag deur…

1 Waterkloofpark Laai vir Wagter en Rex in die motor en kom verken Waterkloofpark, ’n groen gordel van ongeveer 1,2 km in die hartjie van Waterkloofrif, een van Pretoria se fênsie woonbuurte. Die honde kan in die damme baljaar terwyl jy onder die kameeldoringbome uitspan. En as Wagter ken van mooi speel, kan jy sy leiband losmaak. Bring ’n piekniekkombers en geniet ’n laatontbyt onder die doringbome saam met jou hondekinders. “Ek bring my twee jack russells gereeld park toe,” vertel Quentin Smith, ’n inwoner van Moreletakloof. “Dis veilig, skoon, en altyd lekker om na ander mense se honde te kyk. En jou te vergaap aan die herehuise en pragpaleise wat rondom die parkie gebou is.” Ons hou hiervan Met ons besoek was die park goed onderhou, rommelvry en die…