Innholdsfortegnelse for January 2017 i Weg!

My eerste dag in die ou Transkei was nogal rof. Ek was oortuig daarvan dat dit ook my laaste een op aarde sou wees. Ek en my twee Zimbabwiese koshuismaats, die broers Andrew en Doug Ferrell, sit ingeprop in hulle 1968 Alfa Romeo Giulia op pad na Koffiebaai. Die plan is om vir ’n week lank kuslangs na The Haven te stap, maar eers moet ons Mthatha haal en daar oorslaap. En dit lyk ál meer asof ons hom nie lewendig gaan haal nie. Ons het te laat uit Grahamstad gery, en teen die tyd dat ons die berugte Kei Cuttings nader, is dit al goed donker. Dit reën nie; dit sóús. Om elke derde kronkel in die pad doem die skim van ’n bees of ’n bok in die…

Snuffel vir jou eie seekos Lus om jou gewone vakansiespyskaart ’n nuwe kinkel te gee? Hoe klink slaai met seewier wat jy self “gepluk” het? Op hierdie halfdag lange werkswinkel leer jy hoe om vir eetbare seekos in rotspoeletjies en langs die kus te snuffel (coastal foraging). ’n Groep ontmoet by Scarboroughstrand en die kenner Roushanna Gray maak julle touwys oor hoe dit volhoubaar geoes kan word en watter disse jy kan maak. Ná ’n oggend op die rotse maak die groep saam ’n buitelugmiddagete met die kos wat versamel is. Waar? Scarborough-strand, Kaapstad Tyd 14 Januarie: 10 vm.-2 nm.; 12 en 28 Januarie, 11 en 25 Februarie: 9 vm.-1 nm. Koste R550 p.p./R2 000 vir ’n groep van 4. Kinders jonger as 17: R200 p.p., gratis vir kinders jonger…

Afrika se oudstes Sowat 1 000 tot 2 000 jaar gelede het boere uit die meredistrik in Sentraal-Afrika na Suider-Afrika gereis op soek na vrugbare grond. Die Makgadikgadi was eens ’n groen oasis en dus ideaal hiervoor. Maar toe die streek mettertyd droër word, het die veeboere padgegee en al wat oorgebly het, was die jagterversamelaars, die San. Dit lyk dalk onmoontlik om in dié dor gebied te oorleef – die woord Makgadikgadi verwys immers na ’n soutpan of groot dorsland. Al is hier min tekens van menslike bedrywighede, is hier tog bewyse dat die San dit wel reggekry het om hier ’n bestaan te maak. Op die westelike grens van die Nxaipan-gebied sien ’n mens byvoorbeeld die sogenaamde Bushman Pits. Die San het dié putte naby ’n watergat gegrawe…

Sodra die groot rooi tas uit die kas gehaal word, begin die ore hang. Terwyl jy pak, hou Snippie jou dop en hoop jy voel te skuldig om in die pad te val... Alle hondeeienaars ken dié scenario. Ons het twee honde: Orio (6), ’n Biewer-terriërreun, weeg net meer as 2kg en is die baas van die huis – hoewel Buckley (2), ’n golden retrieverreun, 20 keer swaarder is. Buckley en Orio het elke dag drie hoogtepunte: etenstyd, staptyd en die belangrikste, wanneer ons saans ná werk tuis kom. Deur die dag lê hulle in die skaduwee van die boom in die agterplaas. Nou en dan as ’n naderende motorenjin soos ons s’n klink, spring hulle op en hardloop na die agterdeur. Wanneer ons uiteindelik stilhou, word daar geblaf, getol…

Kry jou kol. Kies ’n goeie plek ver weg van enige ligbesoedeling. Bring jou driepoot – belê in ’n goeie een; dit sal ’n leeftyd hou. Dit kan ’n lang nag word: Hou ’n koelboks of ’n fles met iets warms byderhand en geniet die geluide van die bos. Kry ’n onderwerp. Gebruik ’n wyehoeklens wanneer jy die sterre afneem sodat die wye Afrika-hemel tot sy reg kom. Jy het egter ’n onderwerp nodig. Dooie bome, klipkoppies en waterbronne werk gewoonlik goed. Dis dikwels ’n goeie idee om bedags vir ’n onderwerp te soek sodat jy nie in die donker rondval op soek na die ideale plek nie. Kry jou fokus reg. Die belangrikste deel van enige foto is die fokus. Gebruik ’n flits om die onderwerp te belig en…

So gaande soos wat ek oor wyn is, vra die somerhitte soms vir ’n langer, koeler drankie. Dis wanneer ek die jenewer nader trek. Tradisionele jenewer word gegeur met jenewerbessies, maar die boetiekjenewer-beweging groei wêreldwyd, waar distilleerders die geur afwissel deur eksotiese of onverwagte plante (botanicals) by te voeg. Hier is drie trots Suid-Afrikaanse jenewers om dié somer te probeer. Soos ek genoem het, is die huidige tendens in jenewer om dit te maak van ’n mengsel van plante; die 100% Juniper Berry Gin (R300) van die Triple Three Distillery op die Blaauwklippenwynlandgoed is dus ongewoon. Deur terug te keer na die grondbeginsels word die komplekse jenewergeure na vore gebring: nie te bitter nie, met tikkies ment en sitrus. Dié jenewer is ideaal vir ’n Negroni-aperitief: een deel jenewer, een…

Maak 2017 ’n jaar van nuwe plekke. Prop die kinders in die motor, stof jou paddavoete af, pak jou verkyker in en laai jou kamerabatterye. En val dan in die pad saam met Mpafa Travel vir die reis van ’n leeftyd. Kamp onder die sterre, roei met ’n mokoro oor die Okavangodelta, groet ’n karetskilpad, voel die sproei van die Victoriawaterval op jou gesig en nog vele meer... TRANSBOTSWANA • 19-29 April • 28 Junie-8 Julie • 6-16 Augustus • 15-25 September (Koste R22 450) TUINROETE /BAVIAANSKLOOF/ ADDO-OLIFANTNASIONALE PARK 5-11 Februarie (Koste R12 595) DRAKENSBERG, RHODES TOT WILDEKUS 10-16 Maart (Koste R9 950) RICHTERSVELD / SUIDE VAN NAMIBIË 12-21 Augustus (Koste R19 650) RENOSTERS / RIWWE & SKILPAAIE 22-30 November (Koste R17 550) BESPREEK NOU! Bespreek jou plek vir 2017…

My GLS staan op die rand van ’n steengroef en luier rusteloos soos ’n pantserwa wat oorgehaal is vir oorlog. Maar anders as met ’n pantserwa, glinster die mooi bakverf en chroompanele in die oggendson. “Jy wil hê ek moet wat?” proes ek toe ’n veldryinstrukteur na ’n moddergat beduie. Ek moet blykbaar deur die modder ry, anderkant teen ’n opdraande uit, óór los klippe, en óm ’n lappie doringbome. Ek gehoorsaam hom teësinnig, nie omdat ek aan die GLS se vermoëns twyfel nie – ek weet die Merc sal dit kafdraf – maar omdat ek bang is die verruklike bakverf word beskadig. Wie op dees aarde sal die S-klas onder sportnutsvoertuie bos toe neem? Ek dagdroom oor ’n parallelle heelal waarin Hugh Hefner die Playboy-tydskrif verkoop en besluit om…

Hou CBC- en MDC-permitte te alle tye in jou voertuig Eienaars en gebruikers van voertuie wat in die buiteland geregistreer is, moet te alle tye seker maak hulle CBCen MDC- (massa-afstandtariewe) permitte is by hulle in die voertuig wanneer hulle in Namibië reis. Dié voertuie sal streng nagegaan word vir samewerking in dié verband, by padblokkades deur die Namibiese polisie, verkeerspolisie en vervoer-inspeksiegebiedbeamptes of by weegbrugstasies landwyd. Geldigheid van CBC-permitte Alle CBC-permitte is geldig vir ’n tydperk van drie (3) maande vanaf die datum wat Namibië binnegekom is. Maak seker hierdie tydperk staan duidelik op jou CBC-permit voor jy die RFA-kantoor verlaat. Neem asseblief kennis dat sou jy Namibië binne dié drie maande lange tydperk verlaat, die CBC-permit onmiddellik verval. As jy egter langer as drie (3) maande in Namibië…

TOERINLIGTING Hoe lank is die toer? 11 dae, 10 nagte. Van waar vertrek die toer? Nata, Botswana. Eindpunt? Kasane, Botswana. Waar slaap ons? Formele verblyf. Prys R22 450 per volwassene. Enkelbybetaling: 30 % DIE TOERPRYS SLUIT IN • Beddegoed en handdoeke • Drie etes per dag • Alle verblyf • Alle parkgeld • Tweerigtingradio’s • ’n Toerleier en veldgids WAARVOOR SORG EK? • Jouself en jou gesin • Julle paspoorte • Enige 4x2 met ’n goeie grondvryhoogte • Brandstof • Stoele • Drankies en snoepgoed • Persoonlike toerusting • Grenspostariewe 2017-DATUMS • 19-29 April 2017 • 28 Junie-8 Julie 2017 • 6-16 Augustus 2017 • 15-25 September 2017 DIE TOER IN ’N NEUTEDOP Dag 1 Ons ontmoet by die Nata Lodge en geniet die sonsondergang by die Makgadikgadipanne. Dag 2 Die groep verken Maun en omgewing met ’n opsionele vlug oor die delta. Dag…

Happy Hogs  Hierdie restaurant is ’n gewilde uithangplek vir die plaaslike inwoners. Hier’s iets vir almal op hulle uitgebreide spyskaart, van hamburgers tot tapas. Waar? In die hoofstraat. Kontak 045 962 1393 Butterfly’s Bistro  Heerlike ontbyt, ligte etes, pizza en hope vegetariese opsies, soos ’n eersteklas falafelslaai. Hier’s ’n tuin en speelplek vir kinders. Waar? In die hoofstraat, langs die inligtingsentrum. Kontak 045 962 1326 Tea Thyme Restaurant  Die varkneksteak van dié restaurant by The Edge is ’n wenner. Bespreek voor 5 nm. vir aandete. Hulle is heeldag oop – sit buite in die somer of drink glühwein langs die kaggel in die winter. Kontak 045 962 1159; 082 603 5246; theedge-hogsback.co.za Nutwoods  ’n Luukse restaurant met ’n spyskaart wat gereeld verander. Jy moet jou etes vooraf bespreek.…

Hier kan jy weer die natuurskoon geniet deur in die Tuin van Eden te gaan stap, of vir varswatervis hengel. Klein Paradys het welige plantegroei, mooi damuitsigte, vermaak vir die kinders en uitstekende geriewe om seker te maak dat jy weer fris en vars voel ná jou vakansie. Kom swem in die koue of warm swembad en pak jou tennisraket in. Jy kan ook op die dam roei, ’n grote uittrek of net die rustigheid geniet, terwyl die kinders op die wipmat speel. Of wat van ’n gesinstoernooi op die mini-gholfbaan? Die staanplekke het elektrisiteit en die ablusiegeriewe is goed toegerus met warm water. Geen troeteldiere word toegelaat nie. Dagbesoekers is welkom. Die oord is gesluit in Junie en Julie. Die Klein Paradys-woonwapark lê minder as 20 km van Brits…

Om die nuwe Khomas Hochlandstaproete te stap is ’n avontuur wat buitelewe-entoesiaste die kans bied om die boeiende biodiversiteit van Namibië se hoogland-grasland te beleef. Stappers kan kies tussen twee paadjies, wat albei deur heuwelagtige en ruwe terrein gaan. Die roetes is nie tegnies moeilik nie, maar vereis ’n redelike fiksheidsvlak. Ernstige stappers kan ’n 93 kmroete oor ses dae doen. As dit te woes klink, kan jy die 55 km-roete oor vier dae kies. Op enige van die twee roetes kan jy kies of jy jou eie toerusting wil dra of dit eerder as slenterstap wil aanpak. Verblyf is by spesiale oornag-kampplekke, elkeen met onderdak-skuilings, warmwaterstorte, toilette en ’n braaiplek. Elke kampplek is toegerus met hout, ’n pan, ’n braairooster en ’n ketel. Skoon drinkwater is ook beskikbaar. Op…

Springhase swaai appels Ons het onlangs die Witsand-natuurreservaat naby  Postmasburg in die Noord-Kaap besoek. Een oggend om halfagt stap ons ’n sirkelroete en kom af op dié twee springhase. Hulle skop stof op vir ’n vale tussen die bosse. Hulle skop en jaag mekaar al in die rondte. Dit lyk soos ’n bakleiery. Dis ’n geskarrel om by ons kamera uit te kom, maar ons kon twee foto’s en ’n kort video neem. Dit was die eerste keer dat ons springhase sien. Hulle kom nie by ons in die Hantam voor nie. Volgens Owen Coetzee, die reservaatbestuurder, is springhase nagdiere wat selde in die dag gesien word. GERT EN KARIEN VAN SCHALKWYK, Calvinia Die wildlewekenner L.D. VAN ESSEN antwoord: Dit is inderdaad ongewoon om bedags springhase te sien, maar nie…

King Solomon and the Showman – The Search for Africa’s Lost City deur Adam Cruise, Tafelberg R280 in boekwinkels In hierdie dae van GPS en Google Maps voel dit soms asof daar niks nuwe plekke onder die son is nie. Dié boek van Adam Cruise is lekker vakansieleesstof vir mense wat lief is vir die geskiedenis en terughunker na ’n tyd toe ontdekkingsreisigers “nuwe” plekke “ontdek” het. Dit gaan oor die sogenaamde Verlore Stad van die Kalahari – die oorblyfsels van ’n oervesting wat die eerste keer in 1885 deur die ontdekker Gilarmi Farini (die “showman” van die titel) beskryf is. Die Verlore Stad was al die inspirasie van fiksie, soos Wilbur Smith se The Sunbird. Maar King Solomon is niefiksie: Cruise, ’n bewaring- en reisskrywer het sélf die stad…

WILD COAST MEANDER Jy stap van hotel tot hotel vir 55 km. Dit begin by die Kob Inn Hotel en eindig 6 dae later by Morganbaai. Koste Vanaf R6 755 p.p. vir ’n groep van 6. Die prys sluit ’n gids, vervoer, etes en verblyf in. Vir R640 p.p. ekstra sal ’n portier saamstap en jou rugsak dra. Kontak 043 743 6181; wildcoastholidays.co.za WILD COAST AMBLE Op hierdie slenterstap stap jy 55 km van Trennery’s af en eindig ná 3,5 km se roei by die Areena Riverside Resort. Koste Vanaf R7 430 p.p. vir ’n groep van 6. Die prys sluit ’n gids, vervoer, etes, verblyf en die vervoer van jou rugsak in. Kontak 043 743 6181; wildcoastholidays.co.za WILD TOURS ’n Baie gewilde staproete oor 5…

Fiesta Crafts-vingerpoppies ’n Stel vingerpoppies laat jou kleuter toe om sy gunsteling-televisiereeks uit te beeld of gesprekke met maatjies by die dagsorg te herleef. Vanaand langs die kampvuur kan die toneelstuk wat hy heeldag in die kar geoefen het, vir die gesin opgevoer word. Prys R75 elk en R395 vir ’n stel van 5 by timeouttoys.co.za Intex Cozy Kidz-opblaasmatras Wanneer julle by daai verlangse neef op Wepener aandoen, gaan Boeta eerder by Ma en Pa in die kamer wil slaap as by sy kleinneefs. Jy kan hierdie matras met die mond opblaas – behalwe as jy pas ’n Chesterfield doodgedruk het – en dit neem nie baie vloerspasie op nie. Dit kan ook dien as ’n lilo in die swembad. Prys R200 by Makro; makro.co.za Adidaswaterskoene Waterstroompies en plaasdamme is…

AtHome Camera-app Hou ’n oog op Mattewis by die huis met jou slimfoon. Laai die AtHome Streamer-app op ’n ou foon af. (Hy moet darem ’n kamera hê en apps kan oplaai. Jou Nokia 3510 gaan nie werk nie.) Laai dan die AtHome Camera-app op jou nuwe foon. Prop jou ou foon naby die kosbak in en wanneer kietsiekat kom vreet, sal die app jou huis se Wi-Fi gebruik om jou in kennis stel. Nou kan jy jou kat op jou slimfoon se skerm sien, en met hom gesels terwyl hy jou ook sien! Prys Gratis in die Apple App Store of Google Play Rogz Roglite-liggie ’n Troeteldiervriendelike kampplek is ’n smorgasbord vol reuke wat Wagter oral gaan laat rondhol. Gun hom die geleentheid om ná donker rond te snuffel…

Op grond van die naam klink Suicide Gorge nie na die soort plek waar ’n mens enigsins wil rondhang nie, nog minder na ’n plek vir naweekpret. Om die waarheid te sê, dit klink na ’n plek wat jy liefs wil vermy. Tog is dit presies waarheen ons vroeg op ’n Saterdagoggend op pad is. Ons gaan die kloofingroete stap deur dié berugte rivierravyn in die Hottentots-Holland-natuurreservaat naby Grabouw. Op die roete stap, swem, klouter en slinger jy jouself van rotswande af in donker bergpoele in van hoogtes wat wissel van 3-14m! Devin Abrahamson, die vryskutgids wat saam met ons stap, lyk skepties oor ons kleredrag. “Eintlik vat ek nie groepe sonder wetsuits nie,” sê hy terwyl hy sy eie duikpak, asook ’n medisynekoffertjie, in ’n groot droogsak pak. “Dit…

Net buite Hogsback, by ’n plek met die gepaste naam The Edge Mountain Retreat, kan jy op die randjie van ’n kranswand staan en oor rotshange en die groen Tyhumevallei tuur. Doer onder sien jy ’n repie van die pas wat jou tot hier gebring het. Ek staan by dié uitkykpunt nadat ek The Edge se labirint gestap het. Ek is nou so rustig, jy kan met my toor. Al wat ek hoor, is voëlsang. En dan “kor-kor-kor” ’n Knysnaloerie digby my verby. Uit nêrens meld die mis aan. Dit dryf van links af nader en krul met grys vingers om die boomtoppe en deur die valleie. Eensklaps is die hele landskap in mis gehul. Ek rits my pluisstofbaadjie toe. Welkom in Hogsback. Ek het op Uitenhage in die Oos-Kaap…

Op ’n langpadreis deur ons binneland sien jy gewoonlik ’n paar van hulle: klipgeboutjies uit die Anglo-Boereoorlogera. Ja, jy weet dalk dat die Britse magte hierdie blokhuise opgerig het om belangrike treinbrûe teen die Boeremagte te beskerm, maar het jy geweet daar is meer as een soort blokhuis? Hierdie een naby die Tierpoortdam, 40 km suid van Bloemfontein, lyk anders as die meer algemene vierkantige klipblokhuis: Kyk mooi, dis agthoekig! En waar die meeste blokhuise twee verdiepings het, het dié een drie. Dis een van net twee van dié soort wat nog staan – die ander een is by Norvalspont langs die Oranjerivier. Teen die einde van 1901 is 240 forte en blokhuise langs die Bloemfontein-Norvalspont- en Springfontein-Bethulie-spoorlyn opgerig – die Tierpoorteen is die enigste een aan die Vrystaatkant van…

Leer neem voorbladfoto’s Is jy skaam vir jou effe uitfokus foto’s en omdat jy soms iemand se kop afsny? Sit net een dag opsy en kom leer saam met die fotograaf Sam Reinders, Weg se vorige fotoredakteur. Dis eenvoudig: Jy bring jou eie kamera en ons leer jou hoe jou kamera werk, waarvoor elke knoppie is en hoe om die meeste uit jou kamera te kry. Of jy nou in die wildtuin leeus afneem of die kinders se verjaardagpaartie, ons het raad! Dit maak ook nie saak of jy ’n langlens of mik-en-druk het nie – jy gaan baie leer! WANNEER? Clarens 28 Januarie 2017 Pretoria 21 Januarie 2017 (Plek sal bevestig word.) HOEVEEL? R1650 per persoon, middagete ingesluit BESPREEK NOU! Kontak Donvé Myburgh by 021 443 9830 of…

Jeep se Walk Lite-skoene: uiterste gemak Elke man kort ’n gemaklike aanglipskoen. Jeep se nuwe Walk Lite-reeks is die gemaklikste skoene van dié soort wat op die mark beskikbaar is. Jeep-skoene is bekend vir stylvolheid, gemak en hoë gehalte. Die Walk Lite-reeks is sedert die einde van September beskikbaar in winkels – kies tussen twee gewilde en praktiese kleure: swart of ’n vlootblouen-wit-kombinasie. Hierdie liggewig-aanglipskoen het ’n bokant van materiaal wat kan asemhaal en afwerkings van regte suède. Die binnesool is van Jeep se ultra comfort foam tech-stopsel en kan uitgehaal word. Die kussinkies onthou die vorm van jou voet sodat die skoen altyd goed pas. Die middelsool is baie lig en kan skok absorbeer, terwyl die buitesool van buigsame materiaal is wat verseker die skoen is gemaklik. Teen net…

Hier is jou gids tot die lekkerste stilhouplekke langs die N1, of jy nou van die Kaap af Krugerwildtuin toe ry of van Pretoria af see toe. 1 Paarlberg Die N1 loop langs die Paarl verby, en van die snelweg af kan ’n mens die massiewe granietrotse wat aan dié Bolandse dorp sy naam verleen het, mooi sien. Die Khoi het die berg met sy prominente, geronde granietknoetse toentertyd Skilpadberg genoem, totdat die VOC-ekspedisieleier Abraham Gabbema eendag in 1657 ná ’n reënbui vir die berg staan en kyk en glo van die skitterende nat graniet gesê het dat dit net soos ’n pêrel (“parel” in Nederlands, wat later sou “paarl” word) in die sonlig blink. Die lang, plat rots bo die Paarlvallei is, wel, Paarlrots. En die twee meer bolvormige…

Onderstebo mieliebroodjie Maak 1 broodjie Voorbereityd 15 minute Gaarmaaktyd 40 minute sy - korsie is heerlik geurig. Jy kan dit in die oond of oor die kole bak. Jy benodig Só maak jy 1 Voorverhit die oond tot 180 ºC. Meng die polenta, meel, suiker, bakpoeier, koeksoda en sout in ’n groot bak saam. 2 Smelt 4 eetlepels van die botter en klits dit saam met die eiers en karringmelk. Gooi die karringmelkmengsel by die meel en meng goed deur. 3 Smelt die res van die botter saam met die olyfolie in ’n 25 cm-swaarboompan of -potjie met ’n deksel. 4 Sprinkel die suiker in ’n egalige lagie in die pan en laat dit vir 1 minuut prut.…

• As jou kleuter naar raak, stel voor dat sy by die motor se ruit uitkyk en na ’n wit perd op die horison soek. • Salticrax is ’n goeie geneesmiddel vir reisnaarheid. As die kleinspan eerder op lekkergoed aandring, werk gemmer- of suurlemoensuiglekkers ook goed. • Bind speelgoed met linte aan die karstoeltjie sodat Mamma nie uit haar sitplek agtertoe hoef te beur om dit van die vloer af op te tel nie. • Pak Wet Wipes en ’n bottel water in vir daardie onvermydelike glipsies. • Gesels voor julle vertrek oor die roete en laat jou kind toe om minstens een besienswaardigheid te kies. • Hou ’n bal byderhand en gaan speel op die petrolstasie se grasperk terwyl Pa die motor se tenk volmaak.…

PIERRE’S RESTAURANT, SUDWALA, NABY NELSPRUIT Die Sudwala-grotte naby Nelspruit is ’n moetsienplek, maar jy was al daar en ook saam met die kinders by die dinosouruspark. Jy wil egter bene rek op pad na die Laeveld en is so honger soos, wel, ’n brontosaurus. Pierre’s Restaurant is op dieselfde terrein as die grotte en dinosouruspark, en die kort ompad van die N4 werd – maar pasop, jy gaan hier dalk langer vashaak as beplan terwyl jy jou oorgee aan die uitsig oor die berge en dale. Die restaurant is op twee dekke, maar die uitsig is die beste van die boonste een af. Soek ’n skadu- of sonkol – die helfte van die grasdak is onbedek, en in kouer dae brand ’n kaggelvuurtjie. En as jy ’n voëlkyker is en…

Hoe fiks (en dapper) moet ek wees? Die roete strek oor sowat 17 km en hier is altesame ongeveer 20 spronge waarvan net vier verpligtend is. Die hoogste verpligte sprong is 14 m. As jy nie gemaklik is met hoogtes nie, sê liewer jy was jou hare as jy genooi word. Maar jy hoef nie ’n volslae adrenaline junkie te wees om Suicide Gorge te geniet nie. As jy taamlik aktief is, hou van die buitelewe en nie bang is vir dinge wat jou hart (baie) vinniger laat klop nie, skryf dit op jou verlanglysie. Daar moet minstens een persoon in julle groep wees wat die roete al gestap het – ’n gids is sterk aan te bevole. Waar? Die Suicide Gorge-kloofingroete is in die Hottentots-Holland-natuurreservaat naby Grabouw. Dit is…

Gaan stap. Op Hogsback móét jy gaan stap. Koop Ken Harvey se gids Hogsback Hikes (R30) by Crystal Corner of The Edge Mountain Retreat. Dit bevat inligting en kaarte vir 14 staproetes. Die winste van die boekie word gebruik om die roetes in stand te hou. Koop ook ’n stappermit teen R10 p.p. by die inligtingsentrum. Die gewildste staproete is na die Big Tree (2 uur) en die Madonna and Child-waterval (4 uur). Jy kan op verskillende plekke wegspring, soos by die Swallowtail-kampterrein of by Away with the Fairies-backpackers – sien bl. 114 . Nog ’n staptog met mooi uitsigte is na die Kettlespout-waterval (1 uur). By dié waterval kyk jy terug in die Tyhumevallei in die rigting van die Hobbiton-opleidingsentrum en Hogsback – ’n puik plek vir ’n…

Maple Grove  Drie selfsorghuisies in ’n rustige, boomryke omgewing. Lees boek in die tuin onder die esdoringbome of kuier binne langs die kaggel. Waar? Windinglaan, sowat 3,3 km van die dorpskern af. Koste Vanaf R590 p.n. vir 2 mense. Kyk op die webwerf vir nog opsies. Kontak 045 962 1116; maplegrove.co.za Away with the Fairies  Dié backpackers (hier is ook selfsorgeenhede) is op die rand van die platorand, met van die beste uitsigte oor die Hogsbackberge. Die kroeg is ’n gewilde kuierplek saans, veral vir die jonger inwoners op die dorp. Verskeie gewilde staproetes begin van hier af. Waar? Hydrangealaan 24. Koste Kamp: R90 p.p. Kothuis met klein kombuis: R600 p.n. (vir 2 mense) Kontak 045 962 1031; awaywiththefairies.co.za The Edge Mountain Retreat  Die keurige selfsorgkothuise…