Innholdsfortegnelse for November 2019 i Weg! Ry & Sleep

Piet Boshoff Dit het my 27 uur geneem om van die Soedan af Egipte binne te ry. Eers wou die owerheid nie die Carnet-dokumente (papiere vir internasionale doeane en tydelike uit- en invoer) aanvaar nie. Ek het die daktent opgeslaan en die volgende dag kon hulle my help. Dit het sowaar twee weke geneem om Egipte by Alexandrië te verlaat. Ek het eers op die laaste dag uitgevind wat die probleem was: Dié grenspos se papierwerk en ons voertuig se Egiptiese nommerplate het verskil. Ons het dit nie geweet nie, want dit was alles in Arabies. Cedric Pieterse Ek was al deur Lesotho, Eswatini, Mosambiek, Tanzanië, Malawi, Zambië, Zimbabwe, Botswana, Namibië, Angola, die Demokratiese Republiek van die Kongo, Kenia, die Soedan én Etiopië, en het al heelwat kreatiewe metodes gesien…

Vanjaar se Hankook Land Cruiser-fees is van 6-8 September by die Sondela-natuurreservaat-en-spa buite Bela-Bela aangebied. Cruiser-aanhangers kon nou wel nie daarin slaag om hulle vorige konvooirekord van 413 deelnemende voertuie (2018) te breek nie, maar hulle het wel ’n nuwe rekord vir die meeste geparkeerde Land Cruisers opgestel: altesame 523 van hulle is op ’n oop veld gerangskik om die naam “Land Cruiser” te spel. Dit is 32 méér voertuie as verlede jaar se 491. Verskeie trofees is toegeken, waaronder die een vir die oudste Land Cruiser op skou wat deur N1 4x4 gewen is met hulle 1959-model FJ25. Johnny Tromp se LC79 het die trofee gewen vir die hoogste odometerlesing (1 200 000 km), Kerneels van Rensburg vir die Cruiser (ook ’n LC79) wat die beste toegerus is, en…

Infanta, die vervaardiger wat bekend is vir sy Enkulu-boswoonwaens, het pas aangekondig dat hy sy waens gaan uitvoer, maar ook vroeg volgende jaar waens van die Amerikaanse woonwavervaardiger Black Series gaan invoer. Volgens Jurie Swart, bestuurder van Infanta, gaan die Enkulu 1 en 2 na Amerika uitgevoer word, terwyl hulle kyk na die Black Series se C12- en C15-model om hulle eie reeks aan te vul. Dié twee modelle – die C is kort vir Classic – toon merkwaardige ooreenkomste met Infanta se eie produkte. Die Enkulu’s se bed skuif byvoorbeeld uit die een sypaneel, terwyl die hele agterste deel van die C12 en C15 as ’n bed uitgly. Die C12 is 4,9 m lank en die C15 ’n volle 6,1 m, terwyl die tarragewig onderskeidelik 1,5 t en 1,9…

Die Sweedse motorvervaardiger Volvo bou eersdaags sy eerste volledig elektriese XC40 – skaars ’n jaar ná die eerste hibriede XC40. “Ongeag watter soort kragbron die motor aandryf, hetsy dit elektrisiteit of brandstof is, móét ’n Volvo veilig wees” sê Malin Ekholm, die hoof van veiligheid. “Die elektriese XC40 sal een van die veiligste motors wees wat ons tot op hede gebou het.” Om te keer dat ’n XC40 se battery vlam vat as die kar in ’n botsing betrokke sou wees, het Volvo die battery knus in ’n spesiale aluminiumraam toegedraai wat deur frommelsones beskerm word. Die battery is ook so laag as moontlik geplaas om skade vry te spring – ’n verdere voordeel hiervan is dat die elektriese XC40 se swaartepunt laer is as dié van sy binnebrandenjin-broers. Die…

Rowwe kalant 2014 FORD RANGER WILDTRAK 3.2 TDCI 4x4 en BUSH LAPA BAOBAB “Ek het voorheen ’n Nissan Murano gery en ’n Jurgens Fleetline met hom gesleep, maar ek en my vrou, Janette, het besluit ons het ’n groter sleepkombinasie nodig waarmee ons veldry-avonture kan aandurf. Die Ranger was ’n demonstrasiemodel – dit sou te lank vat om vir ’n nuwe een te wag. Hy was die regte kleur en net drie maande oud, en omdat hy aan al my vereistes voldoen het, het ek besluit om hom vir R550 000 te koop. Ek het ook in die Toyota Fortuner en Land Cruiser belang gestel, veral wanneer jy dinge soos betroubaarheid, stewigheid en al daardie moderne elektroniese katoeters in ag neem. Dit is mos die klas van ding wat die…

Stomende toneel Maak in ’n japtrap gesonde kos oor die kole. Jy benodig (genoeg vir 4) 4 klein stokvisse 2 knoffelhuisies, fyngedruk 1 toontjie gemmer van 5 cm, fyngedruk 1 rooi brandrissie, fyngekap gerasperde skil en sap van 1 lemmetjie 400 g gemengde groen groente (soos groenboontjies, vinkel, prei en broccoli) 2 eetlepels sojasous ’n hand vol vars koljanderblare Só maak jy 1 Sit elke stokvis op sy eie stuk foelie van 20 x 30 cm. Meng die knoffel, gemmer, brandrissie en lemmetjieskil en -sap saam in ’n bakkie en geur die vis met dié mengsel. Voeg sout en peper na smaak by. 2 Verdeel die groente en skep dit op die vis. Giet sojasous oor elke porsie en vou die foelie toe sodat dit pakkies vorm. 3 Sit die…

Bosbrekers en stampstawe is ’n belangrike komponent vir voertuie wat voorberei word vir speeltyd en oorgrensavonture. Buiten dat hulle sterker en harder is as standaardbuffers – en ongelukkig ook swaarder – verbeter hulle ook jou trokkie se nader- en vertrekhoek. Dis boonop ’n geskikte plek om ’n wenas vas te bout vir wanneer jy só erg vasgeval het dat geen graaf jou gaan uitkry nie. Én dan is dit ’n gawe plek om kolligte te monteer sodat jy spoke kan verwilder op ’n donker aand, diep in Juliemaand, op die pad na Nooitgedacht... PIAK-BOSBREKER Perfekte pasmaat Sommige bosbrekers vereis dat jy jou voertuig se standaardbuffer sny totdat die bosbreker netjies pas, maar PIAK se produkte sal volstop teenaan die bakwerk lê mits dit vir jou tipe voertuig ontwerp is. Die…

Daar is ’n mate van risiko waarmee jy vir lief moet neem as jy ’n gevaarlike pad of aktiwiteit aandurf. Soos wanneer jy uit ’n vliegtuig spring met ’n valskerm op jou rug. Ja, die vreugde wanneer jy deur die lug trek en soos ’n swerfvalk op ’n duif afduik, is onmeetbaar. Maar wanneer die grond vinnig nader kom, trek jy bloot aan ’n lus en jou valskerm skiet uit. Jy ruk tot stilstand en dryf stadig aarde toe onder die veilige dak van jou skerm. Selfs al land jy effens hard, is dit aansienlik sagter as wat dit daarsonder sou wees. Op ’n onlangse bekendstelling het die betrokke motormaatskappy se reklamespan hulle veldrybakkie uitgegee as ’n ding wat kan spring. Uiteraard wou al die teenwoordige motorskrywers dié stelling op…

“Ek het ‘Ant’ sowat ’n jaar gelede gekoop toe ek ’n oom van Noordhoek raakgeloop het wat met die projek begin het, maar nie die laaste 40% van die werk kon voltooi nie. As die eienaar van Wes-Kaap-woonwaens het ek heelwat kennis, en ek het besluit om die klein waentjie oor te neem en die res van die werk te doen. Dis moeilik om die wa se stilering te beskryf omdat dit so uniek is. Dit lyk kompleet soos ’n perdekar uit die era voor die koms van die moderne outomobiel. Die ding wat my oog getref het, is hoe baie hy na ’n houtwa lyk – dit is omdat daar heelwat geel- en swarthout in sy konstruksie gebruik is. Buitelangs het ek hom net geverf, nuwe wiele opgesit en…

Mosambiek sien ons weer Ek reageer graag op die Mosambiekartikel wat in die September 2019-uitgawe verskyn het. In April vanjaar was ek en my man, Werner, gelukkig genoeg om die Paasvakansie in Mosambiek te wees. Ons het twee jaar gelede ’n kampvakansie in dié land “gekoop”, maar dit sou teen Desember 2019 verval. Paastyd het ons goed gepas en ons besluit om van Kaapstad af na White Sands in Inhambane te ry. Vóór ons sou vertrek, het ’n klomp mense ons gewaarsku hoe gevaarlik dit daar is, hoe ’n mens beroof kan word, en hoe ’n mens dit moet heroorweeg as jy nie seker is oor die politieke omstandighede nie. Van ons familie en vriende het selfs vertel van korrupte amptenare wat hulle teëgekom het. Verder het Moeder Natuur ook…

Ou grootbek... Hy was eintlik op soek na die skugter luiperd, maar Ehan Fourie van Barberton sê ook nie nee vir ’n krokodil met ’n vis in die bek nie. “Omdat ek so naby aan die Krugerwildtuin bly, maak ek gereeld ’n draai daar om te kyk of ek iets kan afneem. Hierdie toneel was by die Sunsetdam digby Onder-Sabie. Dit was bewolk en ek het ’n klomp karre langs die dam sien staan. Ek draai toe in en sien self waaroor dit gaan: ’n Krokodil buite die water met ’n lewendige baber in sy bek. Die baber het kort-kort nog ’n beweging gemaak, maar die krokodil is naderhand met die vis in sy bek die water in.” ’n Groot deel van fotografie gaan daaroor om die alledaagse vas te…

Xtreme Outdoor, die nuwe eienaar van die Armadillo-woonwareeks, het sy reeks uitgebrei. Die nuwe model, ’n uitvloeisel van die bestaande Shack-model, staan bekend as die XTR302 en het nou ’n deur aan weerskante. Die tweede deur, aan die regterkant van die wa, word gebruik vir die storttent wat nou diékant van die wa opslaan. (Voorheen het die stort uit ’n hoë kas by die stert gevou, maar dié word nou ekstra pakplek.) Die XTR302 is 18 cm langer as die Shack, met die onderstel self wat met 10 cm gerek is – wat natuurlik beteken die binnekant is ruimer. Boonop kry die romp deure by om van buite af by die spasie onder die bed uit te kom. Die bed strek van muur tot muur en kan ook as ’n…

Die beroemde Pretorianer Elon Musk het onlangs getwiet dat sy elektriese bakkie in November vanjaar gereed sal wees. Elon woon tans in die VSA en is die baas van onder meer die SpaceX-ruimteprogram en Tesla-motors. Sy bakkieplanne is geruime tyd al bekend, maar dit lyk asof hy hernude aandag gee aan sy elektriese skepping nadat ’n mededinger, Rivian-motors, ’n bestelling van 100 000 elektriese afleweringsvoertuie by Amazon.com ontvang het. Ons het in Februarie vanjaar berig oor die Rivian-bakkie en bespiegel of dit ’n werklikheid gaan word. Rivian se eerste produksieweergawe is in die pylvak en dit lyk of Tesla nie agterweë wil bly nie. Tesla het reeds ’n elektriese vragmotor bekend gestel, die Tesla Semi, maar vervoermaatskappye byt maar traag daaraan. Elon is berug daarvoor dat hy spertye mis en…

Okto het ’n variant op sy Cabana-model bekend gestel wat spesifiek gemik is op grondpadsleep. Die Okto Gravellor se afmetings is identies aan die Cabana s’n, maar staan ’n goeie 11 cm hoër danksy die versterkte onderstel en 1,8 t-as. Die Gravellor se bande is 15” pleks van 14”, en vergeleke met die ander twee modelle, die Cabana en Villa, is die BVM met 200 kg gelig tot 1 700 kg. Die Gravellor se tarragewig is op 1 235 kg altesame 95 kg swaarder as die Cabana, maar dis hoofsaaklik vanweë bykomende toe-rusting soos die buitestort, gasgeiser en ingeboude watertenk van 75 ℓ. Die kasdeure word stewiger vasgemaak deur die skroewe met boute en moere te vervang, en aan die binnekant van die deur is ’n messegoedsak. Die yskas se…

Invader het sy grootste saamtrek nóg gehou: Nie minder nie as 24 Invadereienaars het in September vir ’n naweek saam gekamp by De Hollandsche Molen digby Wemmershoek. Die vervaardiger het met Tygerberg Caravans saamgespan om vir die groep van net meer as 60 ’n wegkomkans te reël. Invader bestaan al sewe jaar en vandag kan jy uit drie veselglasmodelle kies: Die Quattro (vir vier mense), Duo en Cheeky (albei vir paartjies), met die Duo die gewildste. Kontak 0861 468 2337 invader.co.za…

Die eienaar van ’n koerierdiens op Oudtshoorn het onlangs die 15de verjaardag van sy Isuzu KB-bakkie herdenk, hoewel die éintlike mylpaal die verstommende odometerlesing van 1,7 miljoen kilometer is. Gerhard du Toit, wat op 74 self nie meer ’n jong blaar is nie, ry gereeld tussen Oudtshoorn en George om pakkies af te lewer. Die enjin van sy bakkie, wat hy Roadrunner noem, word tussen 80 en 100 keer per dag oorgeswaai wanneer Gerhard by ’n kantoorgebou indraf om ’n posstuk af te gee. Isuzu Suid-Afrika het die odometerlesing bevestig deur Gerhard se diensrekord na te gaan. “Jy mis nooit ’n 10 000 kmdiens nie – vir niks nie! Buiten dat die olie en filters vervang moet word, vra ek ook dat hulle die wielsporing nagaan. Daar is nooit groot…

Al die groot motorvervaardigers het reeds hulle eie weergawe van ’n kompakte sportnutsvoertuig, maar Volkswagen het nou eers wakker geskrik. Die Touareg is gevestig as sy volgrootte sportnuts, en omdat hy Porsche-onderdele het, help dit natuurlik met sy verkope. En as jy in spitsverkeer om jou kyk, sal jy waarskynlik ’n Tiguan of drie gewaar. Die nuwe T-Cross herinner ’n bietjie aan die verhaal van die skilpad en die haas wat resies hardloop. Ons sê nie Volkswagen se mededingers is arrogant nie, en ook nie dat die T-Cross die wedloop gaan wen nie, maar sommige mededingers het vroeg al weggespring en wat verkope betref, geniet hulle reeds groot sukses. Die T-Cross gebruik Volkswagen se MQBplatform wat ook in voertuie soos die Golf en Polo én die Audi Q2 en A3…

FUIKE VIR VISSE Jy kan met jou besoek hier ’n stukkie oeroue geskiedenis gaan gadeslaan. In die Skulpiesbaai-natuurreservaat is die oorblyfsels van die visvywers wat deur die vroeë Khoi-inwoners gebou is en waarvan ’n klompie glo vandag nog gebruik word. Die vywers is basies lae klipmuurtjies wat tussen die laag- en hoogwatermerk gebou is – soortgelyk aan ’n getypoel. Die vis word dan deur die hooggety ingespoel en in hierdie kunsmatige damme vasgekeer wanneer die gety weer terugtrek. Volgens oorlewering het die koloniste wat hulle in die 18de en 19de eeu hier gevestig het, dié metode by die plaaslike inwoners aangeleer en die stelsel selfs verder uitgebrei. Vandag, honderde jare later, lê hierdie getypoele nog netjies op hulle plek in die reservaat en dit is geen verrassing nie dat die…

Uiteindelik, ná jare se beplanning en oorweging, kansellasies en herbeplanning, breek die oomblik aan... die Swanepoels en hulle vriende en familie gaan Angola-stempels in hulle paspoorte kry! Christoff vertel. “Ons vertrek vroeg op ’n Vrydag uit Pretoria en hoop om binne vyf dae tot by Ruacana te vorder waar ons die grens na Angola sal oorsteek. Ek en my vrou, Suzette, ry in ons Toyota Hilux en ons jongste dogter, Jurika, en haar verloofde, Jacques Steenkamp, is in sy Ford Ranger, en dis nie lank nie of ons kom by die Martinsdrift-grenspos aan. Vir nou is dit net ons twee voertuie, maar later, wanneer ons in Nambië se Zambesistreek (oftewel die Caprivi) is, sal die Naudés van Northcliff in Johannesburg hulle by ons aansluit. Ernst en Adeline en hulle studentekinders,…

Die eerste Hilux Legend, die Legend 35, is 15 jaar gelede bekend gestel om die Hilux se 35ste bestaansjaar in Suid-Afrika te herdenk. Sedertdien kry ons elke vyf jaar ’n Legend-weergawe van dié staatmakerbakkie. Is die Legend ’n bemarkingsfoefie sodat Toyota nóg meer van hulle kan verkoop? Natuurlik, ja, maar kopers word allermins ingedoen, want die Legend 50 is nie soveel duurder as ’n 4x4-Raider met dieselfde spesifikasies nie én hy spog boonop met ’n paar unieke eienskappe om sy halwe eeu te herdenk. Wat is anders? Anders as die gewone Raider met sy chroomstrook is die Legend 50 se sierrooster gitswart, met daarby ’n kenteken wat die Legend 50-modelnaam aankondig. Aan die kante het die Legend 50 swart panele op die onderste 10% van die deure – kwansuis om…

Vir so lank as wat ons kan onthou, word woonwaens van hout gemaak, maar dít is besig om te verander – nie omdat hout ’n slegte ding is nie, maar omdat die tegnologie dermate gevorder het dat ontwerpers en ingenieurs nou materiale kan gebruik wat meer voordele het wanneer dit kom by die bou van woonwaens. Die probleme wat waens van ’n klompie jare terug met iets soos houtvrot gehad het, blyk nou iets van die verlede te wees, en wat struktuur betref, is waens sterker as ooit tevore. Die nuwe materiale is ook beter bestand teen water en ongelukskade én hulle weeg die minimum. Ons het met ’n klompie vervaardigers gesels oor die materiale wat hulle gebruik. Invader “Ons gebruik om verskeie redes veselglas, maar hoofsaaklik omdat dit ons…

Bobo Campers hou op 16 November ’n koop-en-verkoop-dag: Ryhuiseienaars kan hulle ryhuis op die perseel van Bobo Campers in Benoni kom wys en voornemende kopers kan kom kyk wat in die tweedehandsemark beskikbaar is. (Verkopers mag nie meer as drie eenhede ten toon stel nie.) Belangstellendes kan vooraf met Bobo Campers reëlings tref. Buiten die ryhuise kan gesinne ook ’n bietjie kom ontspan. Hier is onder meer ’n springkasteel en kosstalletjies, en die parkering en toegang is gratis. Tye 08:00-15:00. Adres Stanleyweg 32, Benoni. GPS S26.116394 E28.284576 Kontak 011 395 1020 bobocampers.co.za…

Xavier Gobille, die hoof van Peugeot Citroën Suid-Afrika, het onthul dat ’n 1 ton-Peugeot-bakkie op pad is na Suid-Afrika. Hy wou nie té veel verklap nie, maar het wel bevestig dat dit nié die Peugeot Pick Up is wat tans in Tunisië gebou en in Noord-Afrika verkoop word nie. Daardie bakkie is gegrond op die Chinese Dongfeng Rich wat op sy beurt ’n goedkoop kloon van die Nissan Hardbody is. Xavier het die media eerder verseker dat die Peugeot-bakkie – hy’t nog nie naam nie – heeltemal nuut is en in samewerking met die Chinese vervaardiger Changan-motors ontwikkel word. Diegene wat ’n wakende oog op die motorbedryf hou, sal egter weet Changan se toekomstige Kaicene F70-bakkie is eintlik maar net ’n verwerking van die Nissan Navara (die D23-platform), wat ook…

Die Franse voertuigvervaardiger Peugeot toets sy klante se reaksie op ’n avontuurweergawe van die gewilde Boxer-afleweringsvoertuig. Die prototipe is onlangs op ’n buitelugskou in Le Bourget, Frankryk, ten toon gestel en spog met katoeters wat kampeerders se tone sal laat omkrul van lekkerkry. Die Peugeot Boxer 4x4 is gegrond op die Fiat Ducato 4x4 wat in Europa verkoop word en in Amerika herdoop is tot die Ram Promaster. Die deeltydse viertrekstelsel bevoordeel die agteras in tweewielaandrywing, maar met die draai van ’n knop op die instrumentepaneel word ewe veel krag na albei asse gestuur. Die enjin is Peugeot se eie BlueHDi 165 wat 370 Nm wringkrag genereer en gekoppel is aan ’n 6 spoed-handratkas. Binnelangs is daar ’n leefruimte van 10 m2 en die werkoppervlakke is gemaak van saamgeperste aragoniet,…

Sowat 4 uur uit die Kaap met die N2 langs is ’n blou bootjie met plastiekseile en die naam Stilbaai in ’n boog. Dis aan die regterkant van die pad waar die R305 afdraai. Mense wat op pad is na Hartenbos, Knysna of Plettenbergbaai slaan waarskynlik nie veel ag op dié T-aansluiting nie, maar as jy hier afdraai, neem die pad jou na een van dié gewildste vakansiebestemmings in die land. Soos die mense wat jaar ná jaar na Stilbaai reis, weet, is dit een van daardie plekke waar almal tevrede en gelukkig is. As jy daarvan hou om in ’n groot groep mense nuwe vriende te maak en saam te kuier, moet jy in die besige tyd hierheen kom. Veral in die Desembervakansie word die klein dorpie omskep in…

Hierdie roete van vyf dae begin in die Mosambiekse hoofstad, Maputo. Die eerste skof is 70 km lank en behoort jou sowat 3 uur te neem. Dit gee jou die geleentheid om ’n bietjie tyd in die stad deur te bring vóór jy bande moet afblaas om die 4x4-gedeelte te takel. Besienswaardighede soos Maputo se ou fort (Fortaleza da Nossa Senhora de Conceicao) aan die onderpunt van Samora Machel-rylaan is interessant, asook die ou stasiegebou langs die Werkersplein (Praça dos Trabalhadores) met sy enorme beeld van ’n vrou om die Eerste Wêreldoorlog te gedenk. As jy nie een is vir kuns en kultuur nie, kan jy eerder die seekosmark (Marcado de Peixe) in Marginal-rylaan besoek. Los jou voertuig oorkant die pad in die Parque Marginal-restaurant se parkeerplek (S25.93369 E32.62900) waar…

Nadat jy jou proviand op Caledon aangeskaf het, vertrek jy met die R316 en draai 20 minute later af op die R326. Die Vloedbos-bordjie is 2 km verder – hou maar jou oë oop hiervoor. Die grondpad nadat jy van die R326 afgedraai het, is plek-plek rof, maar as jy dit rustig vat, sal jy geen probleme hê nie, selfs al sleep jy ’n padwa met ’n Camry. Draai regs by die hek en volg die pad om die lang linksdraai – langs jou sien jy dan Vloedbos se oord in die middel van die heldergeel canola-oortrekte vallei. Hou langs die pad stil soos jy nader aan die hek ry, want jy moet eers die papierwerk in die ontvangskantoor links van jou afhandel. Heidi McLachlan staan gereed om jou bespreking…

Voordat die Amerikaner Daniel Halladay die wind-pomp in 1854 uitgevind het, het die mens nét in die Groot-Karoo gekom wanneer hulle agter migrerende wild aan beweeg het. Dis ’n ongenaakbare wêreld waar geen plaasdier of herder hulle sonder hulp kan vestig nie, en daarom was dit tot met die koms van die windpomp slegs wild en jagters wat hier kon oorleef. Die Tankwa-Karoo- nasionale park lê egter in ’n matiger deel van die Groot-Karoo wat reeds 10 000 jaar gelede sy eerste permanente inwoners, die Khoisan, verwelkom het. Die park self is in 1986 gestig en is genoem na die Tankwarivier wat hierlangs kronkel. Die park het oorspronklik 270 km2 beslaan, maar oor die jare, namate Sanparke ou Karooplase opgekoop het, gegroei tot meer as 1 460 km2 . Binne…

“As jy uit die stad se dolle gejaag wil ontsnap en in die natuur wil wees, is Balie se Gat naby Ceres ’n gawe bestemming. Hier is nie elektrisiteit óf selfoonontvangs nie. Jy het dus net die son (onthou die sonbrandroom, verkieslik faktor 40), die maan en die sterre snags, en bedags stilte en vreedsaamheid. Ek het al ’n klompie kere vantevore hier gekamp en is ook deel van ’n groep stappers en buitelewe-entoesiaste. Die laaste keer dat ons hier kom kamp het, was in Januarie vanjaar. HOE LYK DIE PAD TOT HIER? Die grondpad tot by Balie se Gat is nogal moeilik en bestaan uit klein draaie wat jou afdraande neem tot op die valleivloer. Jy het ’n voertuig met ’n goeie grondvryhoogte nodig, maar viertrek is nie noodsaaklik…

VISVANGOORD UILENKRAALSMOND KAMPDORPIE MET ’N HENGELSTOEP Uilenkraalsmond is ’n munisipale oord in die Overberg-distrik. Om dit ’n woonwapark te noem is eintlik ’n bietjie soos om te sê jou vriende se Exclusive is ’n waentjie. Dié plek is eintlik ’n woonwadorp. “Uilkraal,” soos die meeste mense dit noem, het 110 staanplekke, 564 semipermanente wooneenhede en 36 chalets. Soos jy die oord binnery, is die kampgedeelte heel links met die Boesmansrivier wat teenaan die oord verbyloop en ’n halwe kilometer verder in die see uitmond. Dié deel van die rivier vorm ook ’n strandmeer voor die oord en ’n goeie 10 van die staanplekke lê langs die meer. Uilenkraal se staanplekke verskil in grootte – party het plek vir ’n woonwa, ’n 4x4 en ’n groot tent; ander dalk net vir…

Die Triton-dubbelkajuitbakkie, wat hom in ’n hoogs mededingende mark bevind, laat ’n mens dink aan die kort seun wat op die klasfoto in die agterste ry staan. Jy sien hom skaars, maar daardie eiesoortige haredos kan jy nie miskyk nie. Net so staan die Triton-bakkie se rondings uit. Dis rondings wat sedert die 2005-model, toe al die Triton se vierde geslag, in die spervuur was. Al sy mededingers het meer hoekige lyne gehad. Nou, met die vyfde geslag, lyk dit of Mitsubishi die Triton se rondings effens platgestryk het – en hy spog boonop met ’n soortgelyke neus as Mitsubishi se Pajero Sport. Die ooreenkomste strek in der waarheid verder, want die nuwe Triton het – net soos sy voorganger – dieselfde enjin (’n 2,4 l-turbodieselenjin) wat twee jaar gelede…

Boswaens is makliker om te sleep as boswoonwaens omdat hulle kleiner en ligter is. Daarteenoor is ’n boswoonwa gemakliker om mee te kamp as ’n boswa omdat jy ín hom slaap, op ’n ordentlike bed, eerder as bo-op in ’n daktent waar jy jou lê op ’n dunnerige sponsmatrassie moet kry. Die Invader Duo laat dié grense egter effens vervaag omdat hy ’n tipe daktent buite die romp het (met ’n ordentlike matras) én ’n leefgedeelte binne die romp. Jy kry dus die beste van twee wêrelde, en hoewel hy ewe veel boswa en boswoonwa is, is hy ook danksy ’n rits luukshede pure kamppaleis. Agterskeeps Aan die Duo se agterkant is ’n volgrootte noodwiel met weerkante daarvan twee 20 l-brandstofkanne. Die gom van ’n ZA-plakker en Mosambiek-driehoek heg nie…

Almal weet Land Rover-eienaars loop gereeld deur onder ’n verbete draakstekery om die braaivleisvuur, op sosiale media en by feitlik enige geleentheid waar die terggeeste die spot kan dryf. Die feit bly egter staan dat jy die manne en vroue wat die skertsery moet verduur, nóóit gaan oortuig jou Land Cruiser of Patrol is beter as ’n Landie nie. Deesdae is daar ’n herlewing van die eerste en tweede geslag Land Rover Discovery. Ou Disco’s word voor die voet opgekoop, al die tekortkominge word ondersoek en swak komponente dan vervang met beter en sterker onderdele. Die rede is omdat ou Disco’s nie juis duur is nie en naverkopeonderdele jou óók nie bankrot gaan maak nie. Die opgradering word nie in een sessie uitgevoer nie, maar vind eerder oor ’n tydperk…