Innholdsfortegnelse for June 2019 i Weg! Ry & Sleep

Toe ek nog in my ouers se huis was, het ons gewoonlik in die winter vir ons jaarlikse kampvakansie weggegaan. Elke Junie het die Jonkers van Hennenman die Gypsey 5 gepak, hom aan die Kombi gehaak en in die pad geval – gewoonlik (en genadiglik) na een van die land se warmer streke. My ouers het die Kombi se agtersitplekke platgeslaan en ’n bed geprakseer waarop die kinders – vier broers en een babasussie – nog kon slaap terwyl ons in die middel van die nag uit die ysige Vrystaat vertrek. Ek sal altyd onthou hoe die gedreun van die Kombi se V6-enjin en die son wat deur die ruit skyn, my êrens langs die pad wakker gemaak het. “Waar trek ons?” sou ek met ’n gaap vra, en die…

Morkel en Elfriede wen ’n koelsak ter waarde van R220. Of jy nou kamp, piekniek hou of langs die krieketveld sit, die koelsak het onder meer plek vir ’n kosblik én genoeg ruimte vir ’n 1,5 ℓ-koeldrankbottel. Daar is ook nog pakplek in die boonste helfte vir ’n bottel die helfte van dié grootte. Verder is die binnekant met ’n PVC-laag uitgevoer, wat dit maklik maak om die koelsak skoon te hou. Die sak het ook ’n handvatsel wat booor kom en met klitsrits heg, asook ’n skouerband as jy jou hande vry wil hê. winkel.weg.co.za…

“Meer as twee derdes glo kamp stel hulle kinders in staat om ’n positiewer klaskamerervaring te hê.” Een van my vriende wat ook ’n geesdriftige kampeerder is, vertel my die ander dag van ’n uitsonderlike kampnavorsingsprojek. In dié Britse navorsing oor ouers en kinders se menings oor hulle kampervarings is onder meer bevind kinders wat minstens een keer per jaar kamp, glo beter vaar op skool. ’n Steekproef is gedoen onder lede van die Britse Kamp-enwoonwaklub (BCCC), en respondente moes vrae beantwoord oor die opvoedkundige, sielkundige en sosiale voordele van kamp vir kinders van alle ouderdomme. Ongelukkig word nêrens genoem presies hoeveel ouers en kinders deelgeneem het nie. Bedrewe akademiese navorsers sal heel moontlik skepties wees of die bevindinge veralgemeen kan word, maar ek is van mening dit kan as…

Die Jeeps word uitgerus deur Fiat-Chrysler Automobiles (FCA) se dogtermaatskappy, Mopar (MOtor and PARts. Mopar bestaan sedert 1937 en het oorspronklik teenvriesvloeistof gemaak voordat hy hom op naverkopeonderdele vir Jeep toegespits het. Die Moab Easter Jeep Safari is ’n jaarlikse saamtrek waar Jeep-eienaars uit Moab in die Amerikaanse staat Utah op ’n 9 dag lange 4x4-roete vertrek. Die saamtrek is in 1967 begin en het oorspronklik net een dag geduur, die sogenaamde “Big Saturday”. Dit bly die hoogtepunt van die Moab-saamtrek en val altyd op die Saterdag van ’n Paasnaweek. Die tentoonstelling van Moab-prototipes het die afgelope paar jaar ’n gewilde attraksie by die saamtrek geword. JEEP WAYOUT ’n Jeep Gladiator wat voorberei is om te lyk asof jy vastelande met hom kan tem. JEEP J6 ’n Kortbakkieweergawe van die…

WAAR? Die Sen-gaal-Kalahagi-wildgesegvaa- he- vieg hekke: Tsau in die noogde, Ma-swege in die oos-e, Khu-se in die suide en Xade in die wes-e4 Ry me- die A3 in die gig-ing van Ghanzi vig die afdgaaie na Xade en Tsau, ondegskeidelik suid en noogd van die dogp4 Ma-swege lê naby die dogp Rakops op die B300 en Khu-se is begeikbaag vanaf Le-hlakeng op die B1204 WANNEER? Beplan jou besoek vig die maande ne- ná die someg se swaags-e geën, van Januagie -o- Apgil, wanneeg die landskap ggoen en na- is4 JOU VOERTUIG Jy he- ’n volwaagdige 4x4 me- ’n goeie ggondvgyhoog-e nodig4 In die dgoë win-egseisoen behoog- laes-gek en ’n ewenaagslo- nie nodig -e wees nie4 Wees eg-eg voogbegeid vig na- en moddegige paaie in die someggeën-ydpegk4 TOERUSTING Bging alles wa-…

Kampplek 31 gelyk staanplekke op gras, elkeen met ’n gemesselde braaiplek. Omtrent die helfte grens aan die oewer. Ablusiegeriewe Basies, met ’n smal gang voor die toilette verby. Prys Afhangend van die seisoen en spesifieke staanplek R290-R725 p.n. per staanplek (vir tot 4 mense); daarna R65-R100 p.p.p.d vir die volgende 2 mense. Aankoms- en vertrektyd 10:00. Kontak 043 841 1062 of 083 455 8022 info@morganbayhotel.co.za morganbayhotel.co.za Hoe lyk die pad? Teerpad tot voor jou staanplek. GPS S32.706669 E28.343451 Weg Ry & Sleep sê Elke staanplek het ’n los houttafel-en-bankiestel wat jy kan skuif tot waar dit vir jou gerieflik is.…

Kampplek 30 staanplekke, die meeste met koeltebome, behalwe dié langs die rivier. Ablusiegeriewe Aparte geriewe vir mans en vroue. Eenvoudig maar skoon en netjies. Prys R150 p.p.p.n. (buite seisoen) en R600 vir 1 tot 4 mense in die spitsseisoen. Dit kos dan R750 vir 5 mense en R900 vir 6. Kontak 081 799 2152 (besprekings) of 081 230 1089 (lodge) bonnievaleriverlodge@gmail.com bonnievaleriverlodge.co.za Aankoms- en vertrektyd Vanaf 12:30. Hoe lyk die pad? Die laaste 100 m is ’n grondpad wat nie vir jou padwa enige probleme behoort te gee nie. GPS S33.944110 E20.077305 Weg Ry & Sleep sê As jy jou braairooster vergeet het, is dit nie die einde van die wêreld nie. Hier is ’n Spar op die dorp waar jy een kan aanskaf.…

4x4 / Laestrek / Ewenaarslot? Jy sal regkom met slegs 4x4. Maksimum aantal voertuie Geen. Kry ek ’n kaart? Ja. Sal my voertuig krap? Nee. Moet ek ’n kompressor saamneem? Dit is nie nodig nie. Kan ons langs die pad braai? Nee, vuurmaak word nêrens in die park toegelaat nie. Kan ek halfpad omdraai? Ja. Is daar selfoonsein? Ja. RONDOM DIE ROETE  Beste tyd om te gaan? In die herfs en lente wanneer temperature matiger en droër is. Kan ek my gesin saamneem? Ja, dit is ’n wonderlike gesinsbestemming. Net vir die dag of die naweek? Jy kan elkeen van die roetes gemaklik in 2-3 uur voltooi. Is daar ablusiegeriewe op die roetes? Ja, aan die bokant van die Koedoeskloof-roete. Aanwysings Die hoofhek is net buite die noordelike grens van…

Vis Karp, baber, geelvis en onderbek. Kampplek 44 staanplekke by die rivier (met gras) met private ablusiegeriewe en ’n kombuisie, en 108 staanplekke op gras met krag en water net ’n entjie weg van die rivier af. Ablusiegeriewe 2 ruim badkamergeboue vir die 108 staanplekke, netjies en modern, met storte, baddens (ook vir gestremdes), opwasplek en ’n waskamer. Prys R250 p.n. per staanplek met krag en R300 vir die private staanplekke, plus R50 p.p. (van 1 September 2019 af R60). Kontak 051 441 7848 reservations@maselspoort.co.za maselspoort.co.za GPS S29.031581 E26.408409 Weg Ry & Sleep sê Hier is geen spesifieke reël rondom die uittrek van vis nie, maar die meeste hengelaars gooi terug nadat hulle ’n vis gehaak het.…

Die GPS is nie altyd reg nie. Sanparke se staanplekke en ablusiegeriewe is altyd op ’n goeie standaard. Hoewel ons dikwels padwerk teëgekom het en dit vir heelwat frustrasie gesorg het, verkies ons om dit eerder in ’n positiewe lig te sien: Daar word iets gedoen aan die toestand van die paaie. Op die meeste klein dorpies waar ons ’n draai gemaak het, was die bedelaars knaend – sommige het selfs aggressief geraak. Ons raad is om nié onnodig stil te hou nie en eerder jou eie tee en toebroodjies langs die pad tussen dorpe te geniet. Ons het 20 dae gereis, ’n afstand van 3 860 km gery, 392 l brandstof gebruik (wat ons R5 338 gekos het) en R3 664 aan kamptariewe betaal.…

BEESPOTJIE MET MIELIESKON-KLUITJIES Onder die kombers… Die bier en pruimedante kook af tot ’n dik, ryk sous... Jy benodig (genoeg vir 6) 4 repies spek, gesnipper 2 uie, fyngekap 1 selederystingel, gekap 1,2 kg stowebeesvleis, in stukke gesny ¼ koppie meel olyfolie 4 wortels, in blokkies gesny 1 lourierblaar 3 ansjovisfilette 1 blik (410 g) gekapte tamaties 1 koppie biefaftreksel ½ koppie droë pruimedante 330 ml moutbier (soos Guinness) sout en swartpeper na smaak VIR DIE SKON-BOLAAG ½ koppie bruismeel ½ koppie polenta of mieliemeel ’n knippie sout 50 g botter, in blokkies gesny 1 eier, geklits 1 koppie mieliepitte (vars óf geblik) 2 eetlepels water 1 teelepel Marmite 2 eetlepels kookwater Só maak jy 1 Braai die spek, ui en seldery saam tot die groente geurig, glansend en…

46mm Die gemiddelde jaarlikse reënvalsyfer in Alexanderbaai – die droogste dorp in SA. Suid-Afrika is effens droog vir ’n subtropiese streek, met ’n gemiddelde jaarlikse reënval van 464 mm. Die Wes-Kaap is ’n winterreënvalstreek, terwyl dit in die res van die land hoofsaaklik in die somer reën. 175 uur Die tydsduur, uit die 8 760 uur per jaar, wanneer toestande by Kaappunt – Suid-Afrika se winderigste bestemming – as kalm beskou word. 6,9 m/s Die gemiddelde windspoed by Kaappunt. 2,8ºC Die gemiddelde minimumtemperatuur in Buffelsfontein in die Oos-Kaap – Suid-Afrika se koudste streek. 3000km Só lank is die kuslyn van ons grens met Namibië tot by die Mosambiekse grens. 2004mm Die gemiddelde jaarlikse reënval in Matiwa, Limpopo – die natste streek in die land. Op die binnelandse plato (waar Johannesburg…

... en ons plaas dit dalk hier. Ons soek nie die tradisionele “kompetisiewenners” nie; net doodgewone foto’s wat vir jou mooi is. Van ’n foto wat jy dadelik as jou nuwe tuisbladfoto op Facebook gebruik regdeur tot kinders wat in die swembad plas. Of dit met ’n gróót kamera of jou selfoon geneem is, dit maak nie saak nie. DANIE SNYMAN wen ’n Weg Ry & Sleep-kamerasak ter waarde van R520 met sy foto – veels geluk! Stuur jou foto’s na leon.botha@media24.com…

REDAKSIE REDAKTEUR SCHALK JONKER schalk.jonker@media24.com JOERNALISTE LEON BOTHA leon.botha@media24.com CYRIL KLOPPER cyril.klopper@media24.com KYLE KOCK kyle.kock@media24.com UITLEGKUNSTENAARS DOMINIC WIENAND dominic.wienand@media24.com OWEN WILLOUGHBY owen.willoughby@media24.com TEKSREDAKTEUR PETER VAN NOORD peter@subteks.co.za KOSREDAKTEUR ALETTA LINTVELT MULTIMEDIA MARCELLE VAN NIEKERK marcellevanniekerk@media24.com UITVOERENDE HOOF: MEDIA24 ISHMET DAVIDSON UITVOERENDE HOOF: DRUKMEDIA RIKA SWART HOOFBESTUURDER: LEEFSTYL MINETTE FERREIRA HOOFBESTUURDER: MAANDELIKSETYDSKRIFTE NERISA COETZEE HOOF: PROJEKBESTUUR RAJ LALBAHADUR FINANSIËLE BESTUURDER MUNEEB ADAMS SIRKULASIEBESTUURDER RIAAN WEYERS riaan.weyers@media24.com SAKEBESTUURDER: VERKOPE DANIE NELL danie.nell@media24.com ADVERTENSIEVERKOPE - KAAPSTAD HANNES BURGER hannes.burger@media24.com 076 152 4605 NICK FITZELL nick.fitzell@media24.com 071 430 6311 DANIELA DI GIOVANNI daniela.digiovanni@media24.com 083 709 7040 SANETHA MEINTJIES sanetha.meintjies@media24.com 084 416 5797 JOHANNESBURG KYLEE ROBERTSON kylee.robertson@media24.com 076 263 9114 JEANINE KRUGER jeanine.kruger@media24.com 082 342 2299 LIZEL PAUW lizel.pauw@media24.com 082 876 8189 SHARLENE SMITH sharlene.smith@media24.com 083 583 1604 YUMNA ROJAN yumna.rojan@media24.com 072 399 5789 YELANDA MITCHELL yelanda.Mitchell@media24.com 074 897 576 DURBAN MARISKA VENTER…

Morne Eloff Ek sleep ’n Jurgens Fleetline met my Ford Ranger 3.0 TDCI (4x4 met ’n outomatiese ratkas). Ek gebruik ’n stabiliseerder vir die langpad, maar nie wanneer ons kort afstande aflê nie. Ek glo nie daar is ’n groot verskil nie, maar dit is die regte ding om te doen, selfs al voel ’n mens dis nie nodig nie. Jaco Nortje Ek haak ’n Jurgens Penta aan my Toyota Fortuner en gebruik ’n Tando. En ek was baie dankbaar vir die stabiliseerder toe my wa onlangs ’n wiel verloor het. Hy het die sleepkombinasie goed stabiel gehou. Volg @wegrysleep op Instagram en merk jou foto’s met #wegrysleep – ons publiseer dit dalk op ons profiel of op dié blad. Frikkie en Marisa Potgieter Ons sleep al 35 jaar met…

Kampplek 30 gelyk staanplekke in 2 rye op 2 terrasse met heelwat koelte. Ablusiegeriewe 1 gebou met ouer geriewe, en ’n nuwe een waarvan die geriewe binne so te sê klaar gebou is. Prys Afhangend van die seisoen R238-R318 per staanplek vir tot 6 mense, plus ’n daaglikse bewaringstarief van R10 p.p. (R5 vir kinders van 2-11 jaar; gratis vir o.2’s). Aankoms- en vertrektyd 14:00 en 10:00. Kontak 043 492 0881/3/4visiteasterncape.co.za reservation4@ecpta.co.za Hoe lyk die pad? Die laaste 3,2 km is ’n grondpad waarvan die eerste 250 m ’n lelike klipgedeelte het. GPS S32.723948 E28.315120 Weg Ry & Sleep sê As jy Vodacom se netwerk gebruik, groet die sein jou net buite die hek. Van die ander netwerke werk wel hier.…

BOKKOMBOTTER Smeer daai vissie! Met dié botter is jou braaivleis en aartappels ekstralekker. Jy benodig (genoeg vir 6) 3 eetlepels fyngemaalde bokkom 1 eetlepel fyngekapte kappertjiesaad 1 eetlepel heelkorrelmosterd 5 ansjovisfilette, fyngekap 1 knoffelhuisie, fyngekap 2 eetlepels gekapte vars pietersielie 1 koppie sagte botter sout en peper na smaak Só maak jy Meng alles saam en sit dit op lamtjops, steak of aartappel voor. Weg Ry & Sleep sê Met dié botter kan jy ook heerlike knoffelbrood maak.…

DAG 1 Ons groep ontmoet mekaar in die namiddag op Swakopmund. Hier handel ons al die logistieke reëlings af en maak seker ons tenks, jerry-en waterkanne is vol en reg vir die avontuur. DAG 2 Ons ry op die soutpad noord oor Hentiesbaai na Cape Cross. By Cape Cross gaan ons die Skedelkuspark by die Ugabrivier binne. Ons ry verby Toscanini en verderaan na Terracebaai, waar ons kamp opslaan. DAG 3 Vandag ry ons verder na Möwebaai, waar ons hulle museumpie besoek voor ons uiteindelik die 4x4-wêreld betree. Ons hou stil by die wrak van die Ventura-bomwerper en steek die groot Hoarusibrivier oor Rocky Point toe. Van hier af ry ons binneland toe en bring die res van die dag by die koppies deur. Sodra ons verby die Sarusas-kristalmyn is,…

Bloemfontein Die son skyn dalk bedags, maar dit beteken nie noodwendig hoë temperature nie. Snags kan die kwik maklik tot onder die vriespunt daal. Johannesburg Gautengse winters is oor die algemeen droog en sonnig, met yskoue temperature snags. Die een voordeel as jy in die koue maande hier kamp, is dat dit baie onwaarskynlik is dat jy gaan natreën. Kaapstad Hoewel die stad tot onlangs nog ’n erge droogte ervaar het, reën dit in die winter oor die algemeen baie meer hier as in die res van die land. Die wind kan ook pla as jy nie daaraan gewoond is nie, en die koue see kan vir baie mis sorg. Durban Daar is ’n goeie rede hoekom so baie mense in die winter koers kies na KwaZulu­Natal se Noord- en…

Ons hoor graag wat jy op die hart het! Skryf vir ons by rysleep@weg.co.za en onthou asseblief om jou volledige adres en kontakbesonderhede te gee. Weg Ry & Sleep behou hom die reg voor om briewe te redigeer en verkort – en na goeddunke in die tydskrif, op die webwerf en elders te gebruik. ONS KAMP SAAM MET JULLE! Ons is pensioentrekkers wat saam met ons vriende Danie en Lenore Joubert ’n drie weke lange toer deur die Karoo en Sederberg onderneem het. Die klein dorpies van die Noord-Kaap – soos Williston, Carnarvon, Calvinia en vele ander – is pragtig skoon met vriendelike mense wat toeriste welkom laat voel. Loxton met sy Rooi Granaat-koffiewinkel asook die piepklein Middelpos met sy outydse sjarme is van die versteekte juwele. Sutherland en die Tankwa-Karoo…

“Volkswagen het amper ’n dekade gelede ’n groot waagstuk aangegaan toe hy sy 2 l-turbodieselenjin in die Amarokreeks gesit het.” Ek kry altyd die geleentheid om iets anders as ’n 4x4-voertuig te bestuur wanneer ek Kaapstad vir besigheid besoek. Die laaste keer toe ek in die Moederstad was, het ek ’n splinternuwe VW Polo TSI gehuur – en ek moet erken ek was beïndruk met die karretjie se werkverrigting en die barsheid van sy enjingeluid elke keer wanneer ek by ’n verkeerslig versnel het. Hy het só vinnig weggespring dat ek by tye versigtig moes wees dat die voorwiele nie tol nie. Agterna het ek ’n bietjie oor die Polo gaan oplees, en die internet het my wysgemaak hy het net ’n 1 l-driesilinderenjin met ’n turboaanjaer. Vir my het…

Kampplek Ongeveer 25 staanplekke van wisselende grootte en koelte. Omtrent die helfte het nie kragpunte nie. Bring jou eie braai as jy nie jou vleis in ’n vuurput wil gaar kry nie. Ablusiegeriewe Mans en vroue deel die Spartaanse geriewe. Prys Afhangend van die seisoen en die spesifieke staanplek vanaf R150 p.n. per staanplek plus R15 p.p.p.n. (vir tot 2 mense met ’n tent), tot R650 vir die Delux-staanplekke plus R25 p.p.p.n. (vir tot 6 mense). Aankoms- en vertrektyd 14:00. Stel die oordmense in kennis as jy vóór 11:00 of ná 18:00 wil aankom. Kontak 043 841 1598 of 084 582 2601 info@yellowwoodforest.co.za yellowwoodforest.co.za Hoe lyk die pad? Die laaste 400 m is ’n klipperige grondpad, maar dis darem nie te veel gevra vir ’n padwoonwa nie. GPS S32.697294 E28.333798…

Die Breëriviervallei is ’n bekende vrugte- en wynstreek met heelwat klein dorpies wat tussen die uitgestrekte wynlande en vrugteboorde versprei lê. Dit is dus te wagte dat daar tussen al dié landerye ’n handjie vol uitstekende kampplekke versteek lê. Die Bonnievalerivierlodge is een só ’n kampplek en lê skaars ’n kilometer van die dorp se hoofstraat af. Welkom, welkom! Met jou aankoms groet Stephen Oelofse jou by die ontvangskantoor. Saam met sy lewensmaat, Lynnette van Wyk, bestuur Stephen die kampterrein vir Corplodge. Die paartjie verduidelik die reëls en uitleg van die kampterrein, en wys jou waar jy jou kampnessie kan skrop. As dit nie te besig is nie, kan jy jou eie staanplek kies, ongeag watter een jy bespreek het. Hier is ook ’n klein winkel in die kampterrein waar…

Die Kamdeboo- nasionale park omvou Graaff-Reinet soos ’n massiewe perdeskoen. In die noordelike deel is die Nqwebadam, ’n netjiese tentekamp en die hoofwildkykgebied, en in die weste die bekende Vallei van Verlatenheid, die uitkykpunt met panoramiese uitsigte oor die vlaktes van die Karoo. Dít is die dele in die park wat die deursnee-toeris lok… en in vakansietye is daar hordes van hulle. Maar vir dié wat gelukkig genoeg is om agter die stuur van ’n 4x4-ryding te sit is hier ook twee gemaklike en prentjiemooi veldryroetes in die park. Só ry jy Die Koedoeskloof-roete lê in die westelike deel van die park; dus moet jy na die Vallei van Verlatenheid se hek ry nadat jy jou parkgeld by die hoofhek betaal het. Wanneer jy deur die hek is, volg jy…

VISVANGOORD HENGELOORD Maselspoort-oord Kry jou staan teenaan die water Die grond waarop die Maselspoort-oord lê, is skaars 30km buite Bloemfontein. In 1904 is hier ’n groot waterwerk-aanleg opgerig, en in 1933 het dit ’n oord geword. Sedertdien was dit eers in die hande van die munisipaliteit en die provinsie voordat private eienaars dit oorgeneem het. Ongeveer 15 jaar gelede het twee Bloemfonteinse broers, Reg en Fritz Krohn, wat op ’n plaas net oorkant die rivier grootgeword het, die oord gekoop en dit ontwikkel tot wat dit vandag is. Dis die Modderrivier wat hierdeur loop, en dit is in dié waters waar ’n hele paar vissoorte ’n happie van die kant af sal waardeer. Maselspoort is ’n rustige oord. Reg duld nie motorbote en waterponies op die water langs die oord…

DATUMS 1-9 Oktober 2019. PRYS R14 250 p.p. wat deel. BHEJANE VERSKAF Tente om in te slaap. Ook tente vir ’n windskuiling én stort- en toiletgeriewe. ’n Gids en gidsvoertuig. (Plus ’n ekstra voertuig wat logistieke ware vervoer.) 3 etes per dag. Water vir die kombuis. JY VERSKAF Jou eie 4x4 en brandstof. Kampbed, beddegoed en kampstoele. Drinkgoed en versnaperinge. Een sak braaihout per voertuig. Water vir eie gebruik (minimum 20 l p.p.p.d.) én vir stort en was. Sterk vullissakke – jy moet jou eie vullis wegry. Mediese versekering wat ook vir noodontruimings voorsiening maak.…

Lengte 4,4 m Breedte 1,8 m Hoogte 1,55 m Dakhoogte binne bo gang 2,03 m Wiele 195/14 Netto gewig 860 kg Dravermoë 740 kg As Gerem en van Burquip. 1,6 t-as BVM 1 600 kg Prys Ongeveer R180 000 Plus Slaan maklik en vinnig op, en die stoepdak staan hoog genoeg en uit die pad. Die kombuiswerkblad het nie ’n rand nie en word maklik skoongehou. Die hakie wat die uitglyraam van die ys-vrieskas in plek hou as dit uitgetrek staan, is ’n blink plan. Genoeg pakplek vir 2 mense. Die noodwiel op sy rak onder die romp is prakties. Minus Dis hoogstens vir drie mense (mits die derde een ’n baba is). ’n Enkelplaatgasstoof gaan nie deug as jy meer as een pot wil gebruik nie. Weg Ry &…

Verken die Okavangodelta, die groot riviere van die Caprivistrook en die magtige Victoriawaterval. Ons kundige gidse sal seker maak dat jy ten alle tye veilig, gevoed en gemaklik is. Hierdie selfrytoer is van die gewildste toere wat Bhejane aanbied. Die rede is eenvoudig: Jy ervaar ’n ware Afrika-avontuur teen ’n redelike prys, en jy het geen spesiale ryvaardighede nodig nie. Saam reis ons van die uitgestrekte Makgadikgadipanne om die Okavangodelta en op met die Pypsteel. Ons vertoef by die geheimsinnige Tsodilo-koppies, ’n wêreldbekende rotskunskol. Dan ry ons oos deur die Caprivi in Namibië en terug na Botswana oor die indrukwekkende  Victoriawaterval in Zimbabwe. Die toer eindig met ’n bootreis op die Choberivier, waar jy ’n skemerkelkie geniet terwyl die olifante bad. Bhejane voorsien al die kamptoerusting, en slaan self kamp…

Antoinette Schoeman Nes die swaeltjies los ons die ysige Vrystaat agter en kies vir drie maande koers na die Eilandspa. Daarna gaan span ons in die Krugerwildtuin uit. Ons is heel gemaklik met ’n winterkamp en dis regtig net onhoudbaar koud wanneer dit reën. Ons sal die kamplewe vir niks verruil nie. Johan Nieman Solank daar elektrisiteit in die kampterrein is, skrik ons nie vir die winter nie – dís hoekom ’n mens ’n verwarmer het. In die somermaande kom ons sonder elektrisiteit klaar. Eunice Momberg Dry Ons mik in Richardsbaai se rigting in die winter. Dis pragtig daar. Juandre Wallace Dit is ’n bietjie moeilik met kinders in die winter, omdat hulle so maklik verkoue kry. Maar voor ons kinders gehad het, het ons selfs in die koue gekamp.…