Innholdsfortegnelse for April 2016 i Weg! Ry & Sleep

Ons het laasjaar vroeg in Desember vir die eerste keer by die Dube-wildreservaat net anderkant Brits gekamp. Wat ’n pragtige Bosveldwegbreekplek is dit nie: Die personeel is vriendelik en behulpsaam, en die ablusiegeriewe puik. Die dag nadat ons afhaak – dít terwyl die kraaie lang gape gee – wou ons heel eerste die yskas aan die gang kry. En daar moet ons sien die vriesgedeelte van die yskas het die gees gegee. Dube se mense het ons bygestaan en ons vyf dae lank met een van hulle s’n uitgehelp. Ek noem dit vyfsterdiens. ’n Groot dankie aan al die gawe mense. Ons sien julle binnekort weer.…

Na aanleiding van die “My storie”-artikel in November 2015 se WegSleep, waar Tienie Skinner van hulle ervaring in Kanada vertel, deel ek ook graag ietsie van ons kant. Ek en my man, Francois, het in Julie laasjaar twee weke lank deur die ooste van Kanada getoer. Met ons gehuurde motor en klein tent kan jy maar sê ons het heel beskeie gekamp. Op ’n kol het ons in die Des Voltigeurs-kampplek gekamp en iets komiekliks beleef. Oorkant ons, tussen die groot bome, het ons Kanadese kampbure gehad met ’n hipermoderne ryhuis wat groter as ’n Putco-bus is. Maar dan, die beste: Hulle sleep sowaar ’n Porsche Spyder agterna waarmee hulle dan in die kampplek rondry!…

‘Dié syfers is van groot waarde as jy jou vervaardigings- en bemarkingstrategie wil aanpas...’ Nou die dag om die braaivleisvuur wil ek oor die interessante woonwa- en sleepwastatistieke op eNatis gesels, maar daar vaar ou Vaatjie toe sommer dadelik uit oor e-tol. Ek verduidelik vir Vaatjie die nasionale vervoerdatabasis en die tolhekke is twee verskillende goed, maar Vaatjie kry so ’n veraf uitdrukking en meen toe jy kry grade van liegstories: eers leuens, dan vreeslike leuens, dan politieke beloftes en dán statistieke. Toe praat ons maar verder oor al die lekker kampplekke by Brits. Maar kom ons vergeet van Vaatjie se vooroordele en kyk na daardie eNatisstatistieke. Volgens hierdie stelsel se syfers het die aantal geregistreerde woonwaens in die land die laaste dekade konstant gebly op 100 000-105 000, en…

Lengte: 4,451 m Breedte: 1,892 m Hoogte: 2,070 m Vloer-tot-dakhoogte binnein met dak opgeslaan: 2,47 m Netto gewig: 990 kg Dravermoë: 510 kg BVM: 1 500 kg Neusgewig: 129 kg Prys: Vanaf R229 760 Kontak: 016 349 6531/2/3/6; info@conqueror.co.za; conqueror.co.za Plus • Die beddens slaan maklik uit. • Die kruidenierswarekas wat jy van binne af kan bykom, is ’n slim plan. • Hy’s ruim genoeg vir ’n gesin van vier. • Ordentlike kragstelsel. • Die deur het gaas voor en die trap is prakties. Minus • Die vrieskas se verstellings sit weggesteek. • Die kombuis kan doen met ’n werkblad. • Die stoeptent slaan moeilik op in sterk wind. • Die noodwielrak maak soms moeilik toe, want die storttent is effens in die pad. WegSleep sê: As jy…

Die dae toe jy net met ’n tweemantent, slaapsak, 4its, koelboks en braairooster gaan kamp het, is vir die meeste van ons iets van die verlede. Deesdae is kampeerders tot die tande toe gewapen met alles van ’n platskerm-TV tot ’n wasmasjien. Dit is ook reg so, want hoekom nie die lewe so gerie4ik as moontlik maak as jy gaan kamp nie? Ons hou ons egter nie blind vir die werklikhede van ons hedendaagse samelewing nie, en een van die eerste vrae wat ons vra as ons meer oor ’n kampplek wil weet, is gewoonlik “Is dit veilig?” (Die vraag volg gewoonlik kort op die hakke van “hoe lyk die ablusiegeriewe?”. – Red.) Goed, dis ’n bietjie anders in die kampterrein, en met die sin van buurmanskap wat heers, is…

Langnaweke en warmwaterbronne is maats soos roosterbrood en appelkooskonfyt. En onder warmwaterbronne tel Goudinispa as een van ons land se grotes. Bespreek ’n rondawel en ry Vrydagoggend deur. Ontspan heeldag in die verhitte swembaddens, want Saterdag gaan jy en jou gesin die Breëriviervallei goed leer ken. Jou eerste halt ná ontbyt mag dalk die Badsberg-wynlandgoed langs Goudini-spa wees. Laai ’n kis rooi muskadel agter in jou Kombi – die bottels is bedagsame geskenke vir vriende by die huis. Daar is 13 wynkelders binne ’n 10 km-radius van Rawsonville af, maar vandag gaan daar nie genoeg tyd wees om almal te besoek nie – daar is nog baie te sien en doen in die Breëriviervallei. ’n Mens dink onwillekeurig aan Stellenbosch as die hartland van die wynbedryf, maar geografies is Worcester…

Satellietskottels is deesdae net so algemeen in die kampterrein soos kinders op driewielfietse. Net omdat jy onder jou stoeptent ontspan, beteken dit nie jy wil nie op die hoogte bly van die nuus, jou span of Boer soek ’n vrou nie. Moet jy egter ’n boffin met ’n graad in elektroniese wetenskap wees om die besigheid self te laat werk? Nie noodwendig nie. Begin by die begin Jou basiese satellietskottel-kampstel bestaan uit ’n skottel, ’n ogie (die mense in die bedryf noem hom ’n LNB – dit staan vir low-noise block downconverter ), ’n kabel van 20m, ’n korter kabel, ’n insteltoestel met ’n oorfoontjie, ’n kompas en dan die skroewe en passtukke om hom staan te maak. Só ’n stel kos vanaf…

Dis altyd lekker om van kampplekke te hoor waar jy nog nie was nie. Een so ’n plek is die Krokodilberg-kampplek naby Brits. Ons was ’n groep vriende wat hier gaan kamp het, en dit was rustig en bekostigbaar. Jy kan sien dis nog effens nuut en die gras maar skraps, maar van die swembaddens is al voltooi – ook die badkamers. Hier is ook twee damme waar jy ’n blinklyf of twee kan haak. Vir die ouens met 4x4’s is hier ’n roete teen die berg uit. En jy kan kies of jy jou bergfiets wil trap of stap. Krokodilberg sien ons weer.…

Ons het die afgelope drie jaar drie keer by Wawielpark gekamp en ons geniet dit elke keer. Die atmosfeer is rustig en die kampplek ruim en skoon. Van die staanplekke is geplavei, ander is weer op gras en sowat 15 lê omtrent teenaan die Vaalrivier. Hier is meer as genoeg te doen, veral vir kinders. Dit wissel van ’n waterwurm tot ’n minigholfbaan, ponieritte en hengel in die rivier. Vir my vrou, Therese, is die grootste attraksie die onderdakwarmwaterswembad, om nie te praat van die restaurant, kroeg en snoepwinkel nie. Die visse wat ons uitgetrek het, was nie een onder 4,5 kg nie. My kleinseun, Kiaan de Kock, het selfs met ’n “grote” van 3,5 kg weggestap. My seun, Morné, kon spog met een van 9,2 kg. As jy eers…

Jou kombers en my matras Ons kamp al sedert die jare negentig en het nou al opgegradeer na ’n Jurgens Penta, die 2008-model, waarmee ons veral in die Kruger gaan kamp. Wanneer ons nie kamp nie, bêre ons die woonwa altyd onder ’n afdak. Toe ons onlangs sonder die wa in die Kgalagadi gaan kuier, loop die Wes-Rand deur onder ’n erge haelstorm. Die hael het skuins geval en ons wa onder die afdak verniel. By ons terugkoms ontdek ons die reiskombers is flenters. Ons het wyd en syd gesoek vir ’n nu-we een, maar kon nêrens een kry wat op ons wa pas nie. Gelukkig het ons nog die kantstroke gehad wat by die woonwa inskuif, en ek het besluit om self een te probeer maak. En my man,…

In die weggesteekte Secret Falls-kampplek haak jy af en slaan kamp op teen die hange van die Winterhoekberg met die Tulbaghvallei onder jou uitgestrek. Om hier te kom vat jy die N7 van Kaapstad af. By Malmesbury vat jy die Darling-afrit en kies koers verby die Swartland-kelders na die Bothmaskloofpas, Riebeek-Kasteel en Tulbagh. Tulbagh is op drie na Suid-Afrika oudste dorp, en Kerkstraat het die meeste Kaaps-Hollandse-, Eduardiaanse- en Victoriaanse erfenisgeboue in die land – almal netjies gerestoureer ná die verwoestende aardbewing van 1969. Jy kan by vyf museums gaan draai vir ’n terugblik van 200 jaar en om te sien hoe dié dorp ná 1969 herbou is. Hou stil by een van die winkels of deli’s as jy ’n laaste paar goedjies moet aanskaf, en as jy ’n bottel…

Op eie bodem het ons nooit regtig ’n eg Suid-Afrikaanse kar gebou nie. In die vroeë jare sewentig het die Chevrolet Nomad – ’n vierkantige Jeep-agtige ryding – dit wel gemaak, maar ná ’n dekade is hy reguit geskiedenisboeke toe. Ons is gewoond aan Duitse voertuie en ’n goeie dosis wiele uit Japan. Maar ander Oosterse lande bou óók links en regs voertuie; dink maar aan handelsmerke soos Kia, Foton, Tata, Mahindra en Hyundai. Op die ledelys van Naamsa, die Vereniging van Motorvervaardigers van Suid-Afrika, is daar nie minder as 38 voertuiginvoerders nie. Motors uit die Ooste staan nie altyd bekend as weeldemotors nie, maar as jy jou rande wil rek, kan jy maar hulle koopgidse oopslaan. GWM – of dan Great Wall Motors – kom van China, en die…

BMW... Bobaas Met Wa 2008 BMW 118i Dit is nie altyd nodig om ’n yslike en duur sleepvoertuig te hê nie, sê Anthony Verwey van Oos-Londen. Wat haak jy aan jou BMW? Ek sleep ’n Gypsey Caravette 5, die 1984-model. Hoe lank gebruik jy al dié sleepkombinasie? Ek het die BMW in Mei verlede jaar tweedehands gekoop vir R180 000. Wat is jou vereistes vir ’n sleepvoertuig? Eerstens moet hy genoeg krag hê, want dít maak of breek jou sleepding. Ek verkies ook iets wat agterwielaangedrewe is, en dan kyk ek natuurlik hoe ekonomies hy is met brandstof. Verder is dit vir my belangrik dat dit ’n sinvolle alledaagse voertuig moet wees. Voldoen die BMW aan hierdie vereistes? My 1-reeks BMW is seker nie die tipiese prentjie van ’n sleepvoertuig…

Hengelgerei Towerdoepa Van stokperdjiehengelaars tot vissermanne en -vroue met nasionale kleure sê Magic Baits het nie verniet dié naam nie – daar is iets besonders in hierdie aas en lokmiddels. Die sukses wat Michael en Zelda Cato in net vyf jaar met hulle varswaterhengelmoetie en -doepa bereik het, is ook merkwaardig. Hulle het in 2010 in ’n enkelmotorhuis in Meyer-ton aas begin maak. “Ons het alles self gemeng en verpak,” sê Michael. Hulle onderneming het só stewig gegroei dat hulle binne 18 maande ’n fabriek in Vereeniging oopgemaak het. Deesdae vervaardig Magic Baits 500 produkte – van dips, deeg, kitsdeeg, sproei, floaties , voerbolle en -blokke en gebottelde mielies tot hengelgerei. Hulle lewer hulle produkte aan 250 hengelwinkels reg oor die land. Michael meng steeds self die…

Die Suidwes-Kaapse klub van die Suid-Afrikaanse Woonwa-assosiasie (SAWA) het onlangs weer vir sy gewilde jaarlikse skimkamp saamgetrek. Dié slag het die kamporganiseerder, André Potgieter, leidrade vir die kampeerders gegee wat hulle tot by Strandskloof buite Gansbaai gelei het. Die Saterdagoggend het almal groot ontbyt gehou en die middag het die kampgroep speletjies gespeel. Die aand het almal saam gebraai en gekuier. Petrus Theron van SAWA sê Strandskloof is ’n wonderlike kampterrein met goeie ablusiegeriewe. Hier is volgens hom meer as genoeg te doen vir oud en jonk. Lesers van WegSleep wat belang stel om by SAWA Suid-Kaap se aktiwiteite in te skakel kan die voorsitter, Pieter Henning, bel by 083 339 3603.…

“Ek het my eie tekstielonderneming en reis nogal baie om by verskeie eksklusiewe markte reg oor die land uit te stal. Ek het altyd gesien hoe mense hulle mooi waens op sosiale media sit en hoe baie mense daarvan hou. Dus het ek redelik vroeg al geweet ek wil eendag my eie winkel-op-wiele hê. Dit maak die lewe by die uitstalling ook net soveel makliker. Ek het eintlik heel toevallig op Betsy afgekom. Ek was op pad Krugersdorp toe en het êrens ’n verkeerde afdraai gevat. Terwyl ek effens verdwaal was, het ek verby ’n woonwahandelaar gery. Ek het hierdie 1969-model Jurgens van die pad af gesien en dadelik geweet sy moet myne wees. Sy was in ’n uitstekende toestand binne en buite, en ek het haar daar en dan…

Soveel kampoorde moderniseer vandag – die badkamers kry spoggerige teëls, jy sien granietblaaie, die wasbakke lyk te mooi, die storte is gerieflik en groot, spieëls is oorgenoeg (en selfs die muur vol). Maar soms lyk die boustandaarde maar beroerd. Baie wasbakke in die badkamers is te hoog en te ver van die voorkant van die blad af. Ek het al wasbakke teëgekom wat hoër as ’n meter bo die vloer staan, terwyl dit 830-850 mm behoort te wees. Dan is ’n mens nie altyd seker watter kraan is die warm ene nie. Volgens die internasionale standaard behoort die warmkraan links te sit – dit geld vir wasbakke, storte én baddens; oral waar jy ’n warm- en kouekraan het. Dit sal ook help as oorde ’n drukverminderingsklep op die koue- en…

Moet die mense wat voor jou by ’n kampplek opdaag, noodwendig die beter staanplekke kry, selfs al het jy lank vooruit bespreek? Gerda Oosthuizen Ek en my man, Duo, weier om te kamp op ’n plek waar mense voorkeur geniet nét omdat hulle vroeër as ons opgedaag het. Carine Reyneke Dit is sleg as al die plekke in die wildtuin volbespreek is en jy ry om en om op soek na ’n plekkie. Uiteindelik moet jy maar vra of jy iemand anders se staanplek kan deel, want al het jy bespreek, bevestig en betaal, is daar nie plek vir jou nie. Gert Venter Om staanplekke te bespreek verg baie meer administrasie as wanneer die kampeerders wat eerste opdaag, eerste kan kies. Jy moet bereid wees om meer te betaal, en…

So ’n klompie lare terug het mense nog gespot en gesê as ly ’n dak oor Parys sit, het ly die grootste ouetehuis in die Suidelike Halfrond. Dié Noord-Vrystaatse dorp het egter die laaste klompie lare hierdie reputasie afgeskud; deesdae is Parys ’n gewilde naweekbestemming vir Gautengers, net soos Dullstroom en Hartbeespoort. Die dorp het oor die laaste 15 laar of wat ’n behoorlike gedaanteverwisseling ondergaan. Inwoners en sakelui het die dorp se status as naweekbestemming omarm en dis vandag ’n kunstenaarsdorp en toeristebestemming met buitengewone eetplekke, eksklusiewe gholfbane, oudhedewinkels en toerismeondernemings wat veral fokus op die Vredefortkoepel en ontspanning langs die Vaal. En dan praat ons nie eens van die magdom kampplekke wat reg teen die oewer van die rivier opgeskiet het nie. Ons was ses laar laas hier…

Conqueror het die bou van boswaens verfyn, en vandag het hulle van die beste produkte op die mark. Jy kan kies uit vyf modelle boswaens én dan twee boswoonwaens: die Commander (die vlagskip) en Companion (die kleinboet). Conqueror is onlangs terug na die tekenbord met die Companion, en die gevolg is ’n heelwat sjieker wa. Een van die boswoonwabedryf se uitdagings is om iets te bou wat groot genoeg is vir ’n gesin, maar wat nie ’n ton dooie gewig is nie. Soms wanneer jy die boendoes invaar, wil jy nie die jongspan buite in die tent laat slaap nie. Die Companion se antwoord hierop is twee dubbelbeddens, en dan rond Conqueror jou slaapgerief af met een van die mees praktiese deure. Saam met die trapdeur het Conqueror nog ’n…

Wat sê die boekie? Brandstof: 50 ppm-diesel Enjin: 1,996 l Silinders: 4 Krag: 105 kW teen 4 000 r.p.m. Wringkrag: 305 Nm teen 1 800-2 800 r.p.m. Ratkas: 6-spoed (handrat) Aandrywing: Agterwiel met ’n beperkte gly-ewenaar Tarra: 1 720 kg BVM: 2 770 kg BKM: 4 670 kg Dravermoë: 1 050 kg Waaddiepte: 450 mm Sleepvermoë vir geremde sleepding: 2 ton volgens GWM, maar ons wetgewing laat jou net toe tot die tarragewig as die woonwa met inloopremme toegerus is. Afmetings: 5 090 mm (l); 1 800 mm (b); 1 730 mm (h) Wielbasis: 3 050 mm Spoorwydte: 1 515 mm (voor); 1 460 mm (agter) Grondvryhoogte: 194 mm Brandstoftenk: 70 l Prys (nuut): R289 900 Prys (tweedehands): Vanaf R229 900 vir ’n 2014-model met 45 000 km op die…

Februarie is kampeerders se tweede Kersfees, want dis wanneer woonwabouers van reg oor die land uithaal en wys. Die vervaardigers pronk onder een dak met hulle nuwe waens én huidige reekse, en kampeerders kan dan appels met appels vergelyk. Skoutyd het vroeg in Februarie in die Kaap afgeskop met die kykNET Buite-ekspo by Malmesbury, en later die maand in Midrand, Gauteng, afgesluit met die Beeld-vakansieskou. Bush Lapa doen dit weer Bush Lapa druk behoorlik arm in die boswa- en boswoonwasegment en het nou al ’n klompie patente op hulle waens. Die ink vir die laaste een was skaars droog toe kom hulle met die volgende een: ’n Opslaanstorthokkie. Natuurlik is dít niks nuuts nie, maar Bush Lapa het teruggesit, ordentlik oor dié gerief nagedink en toe met sy storthokkiepatent vorendag…

“Ons het vroeg verlede jaar bespreek om in Oktober en November vir ’n maand by die Dolphin-vakansieoord in Ballito te kamp. ’n Slegte ding het ons egter in Julie oorgekom toe my vrou, Philippa, ná ’n rugoperasie van haar heupe af gedeeltelik verlam is. Ons het gedink ons vakansie is daarmee heen, maar Shelley Reeves en Nicky Peterson van Dolphin het ander planne gehad... Jy sê die mense van die Dolphinvakansieoord het jou verbaas? Inderdaad. Ek het geweet die oord is nie rolstoelvriendelik of ingerig vir gestremdes nie en het gebel om ons situasie aan hulle te verduidelik, in die hoop om darem ons deposito terug te kry. Hulle het egter gesê ons moet steeds kom, want hulle sal vir ons ’n plan maak. Daar aangekom, het hulle ons op…