Innholdsfortegnelse for April 2015 i Weg! Ry & Sleep

Die Beeld-vakansieskou is altyd een van die hoogtepunte van die jaar hier by Weg-Sleep. Daar’s verskeie redes hiervoor, maar op ’n manier voel dit ’n bietjie soos wanneer ’n mens een keer per jaar vir ’n spesiale vakansie na ’n gunstelingkampplek gaan en dan al jou bekende vriende en familie daar raakloop. Agt jaar gelede, terwyl ek die eerste keer daar tussen die woonwaens en boswaens deurgeloop het, het ek die nuus gekry oor die verkoopsyfer vir die eerste alleenstaande uitgawe van Weg-Sleep. Dit het almal se verwagtings oortref en uit die staanspoor meer as ons mededingers verkoop. Sedertdien het die tydskrif bly groei en ontwikkel en die skou het ’n maatstaf geword waarteen ’n mens dit kan meet, amper soos die…

Wat maak jy in die kampterrein wanneer Eskom duisternis oor julle bring? Speel julle bordspeletjies? Hoe maak jy kos gaar en hoe maak jy die meeste van ’n donker situasie? Andre van Wyk Ons het ons wa ingerig om drie dae sonder Eskomkrag te gaan voor ek weer die battery moet laai. Die yskas en ligte werk met 12V en die stoof en geiser met gas. Ons sit saans lekker om die vuur en is skaars bewus daarvan dat die krag af is. Maryna Hitge Dit is hoekom ’n mens altyd gasbottels en lampe moet pak. Vir die yskas gebruik ons ’n klein opwekkertjie in die woonwa. Ronel Coetzer Blanche Ons het ’n gasstoof, kerse en sitronella-lampies vir wanneer die krag afgaan. Dan sit ons en gesels te lekker in…

Die lekker van die Suidkus is dat jy nie elke dag hoef af te sit na dieselfde strand nie. As jy byvoorbeeld naby die Suidkus se grootste dorp, Port Shepstone, kamp, is jy net ’n entjie van ’n rits strande, die hoogland én die Oribiravyn af. Jy kan in die kar klim en, sonder om ver te ry, by ’n ander strand as gister gaan lyf natmaak. In die 25 km van Port Shepstone tot by Southbroom in die suide lê plekke soos Shelly Beach, St. Michaels-on-Sea, Uvongo, Margate en Ramsgate. As jy die pad noord vat, is Umtentweni se strand net 4 km ver en Southport se Blouvlagstrand nie eens 10 km nie. Nog 15 km verder kom jy by Hibberdene, en van daar af is dit net minder…

Ná drieuur op ’n Vrydagmiddag voel dit asof elke kar in die Wes-Kaap deur Somerset-Wes en oor Sir Lowryspas aankruie. Die meeste van hulle is op pad see toe: Bettysbaai, Onrus en Hermanus. Maar sowat 200 km verder, naby Swellendam aan die voet van die Langeberg, is ’n plek waar die gejaag stil raak. Welkom op Grootvadersbosch. Die GPS reken ons gaan teen dié slakkepas eers ná agtuur daar aankom. As ’n mens ’n naweek opsy sit vir stilte in die berge, pla tyd nie, maar die vetgedrukte rooi letters op die besprekingsbrief sê duidelik: “Die hek sluit sesuur.” Dis goed en wel om net meer as 200 km tot by die kampplek te ry, maar niemand gaan gelukkig wees om die eerste aand uitgesluit te wees nie. ’n Vrou…

Of hy nou drie bene het of ’n plat boom, die swartpot is meer as net ’n stuk kookgerei van gietyster. Dis deel van die Afrikaanse kultuur soos koeksisters en melktert, en ook ’n onmisbare deel van lekker kamp. Deesdae is daar meer gietysterprodukte om van te kies as die dae toe Louis Trichardt rooibokbredie in die Soutpansberg gemaak het. Jy kan vandag ’n steak op ’n gietysterplaat oor die kole kleur gee, of eiers in ’n eierpannetjie gaarmaak, of ’n brood bak waarop jy ’n dik laag konfyt smeer. Gietyster neem lank om warm te raak, maar wanneer hy warm is, kook hy. En jy koop nie net ’n pot of pan nie; jy belê in ’n erfstuk. Pas hom op Gietysterkookgoed roes gou as jy dit nie reg…

Almal weet wat dit beteken as iemand sê “die kraaie gaap”. Wel, net so weet slepers: Hoe meer wringkrag jou voertuig het, hoe beter is sy sleepvermoë. As jy egter wil weet presies hoe warm dit is, moet jy maar die termometer nader trek, en as jy wil weet hoeveel wringkrag ’n enjin het, moet jy weet hoeveel Newtonmeter hy lewer. Newtonmeter is die eenheid waarin wringkrag gemeet word en die formule daarvan impliseer dat die wringkrag gelykstaande is aan 1 N loodregte krag toegepas op ’n arm wat 1 m lank is. ’n Mens kan nie ’n voertuig se enjingrootte as maatstaf gebruik nie. Daar is 1,6 l-enjins wat stof skop in die oë van 2,5 l-enjins, en dieselenjins is as ’n reël sterker as hulle petrol-eweknieë, al het…

Toe my dogter, Louisa Scheepers, en haar man, Henk, ons saamnooi om haar verjaardag te vier met ’n toer deur die Kgalagadi-oorgrenspark, het ek en my vrou, Ria, onmiddellik ingestem. Ek kan ’n boek skryf oor ons hele toer deur die Kgalagadi en die besonderse dinge wat ons by elke ruskamp gesien het, maar ek vertel vir nou net van die nege dae en nagte in die omgewing rondom Nossob. Watergate in oorvloed Vroegoggend staan ons voor die hekke by Twee Rivieren waar ons die nodige permitte kry om in die park te mag ry en kamp. Ons maak die tenk vol vir die lang rit deur die park en ons blaas die bande af tot 120 kPa soos die kennisgewing by die vulstasie aanbeveel. Ná die Twee Rivieren-watergat en…

“Ek en my vrou, Johanna, sleep ’n Jurgens Expo met ’n Isuzu KB 300. In Januarie het ons op Dundee gaan kamp. By Kwa-Rie voel jy dadelik tuis. Hoe lyk die kampterrein? Die meeste van die 22 staanplekke is op gras en mooi gelyk. Elke staanplek het sy eie kragpunt, maar jy deel ’n kraan met jou bure. Afhangende van waar jy staan, is hier twee of drie krane vir elke sewe staanplekke. Jy hoef nie verder as tien treë na die naaste kraan te stap nie. As jy wil braai, kan jy vra vir ’n braaier op wiele. Van die staanplekke kry oggendson. Die sentrale ablusieblok het afsonderlike geriewe vir mans en vroue. Hierdie groot ablusieblok is modern met ’n rotsafwerking. Vir jou skottelgoed is hier twee wasbakke, en…

“Die Kompanjiestuin in Kaapstad wemel van toeriste en uitgevrete eekhorings. ( Die eekhorings is amper so groot soos die Japannese toeriste. – Red. ) Jy kan droë vye koop om aan te peusel en neute wat jy en die kinders vir die eekhorings kan voer. Jy kan ook jou naam op ’n ryskorrel laat verf by die kunstenaar wat langs Goewermentslaan sit, die enigste straat wat deur die tuine en agter die Parlement verbyloop. Hier, neffens die St. Georges-katedraal, staan Joe’s Easy Diner, ’n helderturkoois-en-rooi woonwa wat ’n mens beswaarlik kan miskyk. Dit lyk kompleet of daar om die tafels wat voor die wa uitgesit is, Amerikaanse krulkoptieners uit die jare vyftig borrelgomborrels moet sit en blaas. “...To go” is as ’n nagedagte onder die naam van die…

As die voorgestelde wysigings aan die Nasionale Padverkeerswet deurgevoer word, gaan voornemende slepers 60 uur se rylesse by ’n geregistreerde bestuurskool moet kry voor hulle die K53-toets kan gaan aflê, en dan is daar ook nog ’n rits ander vereistes voor jy jou rybewys of B-lisensie kry. Die nuwe planne is in die Staatskoerant van Januarie afgekondig. Jan Publiek se kommentaar is gevra, maar die vraag is of enigiemand in die woonwabedryf die Staatskoerant op hulle leeslysie het. Die nuwe voorstelle maak ook voorsiening dat bestuurskole voortaan rybewyse sal kan toeken. Dis hier waar jy jou 60 uur praktiese opleiding moet voltooi, waarna jy die K53-toets moet slaag en jou tydelike B-lisensie kry wat vir ’n jaar geldig is. As jy meer…

As dit kom by die bou van waentjies, is Johan Nieuwoudt g’n groentjie nie. Onder sy Bush-Trotter-handelsnaam het twee modelle al op die mark verskyn – die Warthog en Piglet. Nou het Johan nog ’n produk in sy wa-reeks bygevoeg: Die Bush-Trotter Hippo, sy heel eerste boswoonwa. Ondanks die naam is die Hippo een van die kleinste boswoonwaens op die mark, ’n soort Danny DeVito van boswoonwaens: klein en effens koddig, maar verbasend veelsydig. Die Hippo het meer as genoeg pakplek binne-in vir al jou klere en beddegoed, en die wa is gebou om te hou. Die raam en onderstel is van staal en die res van aluminium. Ons het die Hippo onlangs op ’n reis van 3 000 km gesleep deur Mosambiek, waar die padtoestande gewissel het van gaaf…

Nie almal kan dit bekostig om ’n volledig toegeruste boswa aan te skaf nie. Party verkies weer om ’n wa anders in te rig as hoe dit in die fabriek gedoen word. Die ouens van Conqueror het hulle Courage-model van alle tierlantyntjies gestroop en hom die Courage Light gedoop. Teen ’n koopprys van R60 000 kos dié waentjie feitlik die helfte van die toegeruste een. Die manne van Conqueror Northgate wys jou vandeesmaand hoe om die kragstelsel te installeer. Hou kop Die kragstelsel bestaan uit drie dele. Daar is die battery in die neuskas, die kragtoevoerprop links op die voorkant by die neuskas, en die kragboks self. Vir die installasie het jy nie ’n N6-kwalifikasie in elektronika nodig nie, solank jy weet die rooi draad hoort by die positiewe pool…

Die Beeld-vakansieskou, waarskynlik die grootste gebeurtenis van die jaar vir die Suid-Afrikaanse woonwabedryf, het vanjaar sy tiende bestaansjaar gevier. Te oordeel na al die nuwe produkte wat by die Gallagher-konferensiesentrum ten toon gestel is, was dit beslis ’n goeie jaar. Uit die meer as 130 tentoonstellers het meer as ’n hand vol vervaardigers met nuwe waens kom spog. Die nuwe sikspense Travelstar Die ryhuisvervaardiger Travelstar het onlangs nuwe eienaars gekry, en hulle het drie spiksplinternuwe ryhuismodelle uit ’n hoed gepluk. Twee van die modelle, die Travelstar 3.9 en 4.9, word op ’n Iveco Daily 4x4-onderstel gebou, en die 6B op ’n gewone Iveco-onderstel. Die 4.9-model is ’n meter langer as die 3.9. ( Raai hoe lank is hulle... – Red. ) Die 4x4-ryhuise is bedoel vir die hardebaard…

Hengelgerei ’n Bietjie pienkmelk vir jou? As jy by Koppiesdam moddervis wil vang, moet jy Nesquik se pienk aarbei-poeiergeursel saam met jou ander dips en moeties inpak, sê Raymond Crous, voorsitter van die Welkom-polisiehengelklub. “Dis nie net kinders wat van daardie hasiemelk hou nie. Koppiesdam se moddervisse los dit nie; dis hulle gunsteling. Ek dip sommer die hele voerbol in die poeier.” Dis veral naby die damwal waar jy lekker met die pienkmelk vang, sê Raymond. Hy sê ’n boerestrop (Vaaldamstrop) werk goed. “Ek gebruik ’n boerestrop met kort hoeklyntjies van so 10cm en klein hoekies. Ek gebruik 0.8-Daiichi’s.” Sommige hengelaars gebruik die pienkmelkplan om die visse te troef; ander nié. Peter van Ryneveld, ’n Kaapse varswaterhengelaar en die man wat jou raad gee in die varswaterafdeling van Suburban Tackle…

Ek het vir my ’n 1974 Gypsey 2 gekoop en is verstom oor die goeie toestand daarvan. Dit lyk of die Defy-stoof nog nooit gebruik is nie. Ook nie die wasbak nie. Selfs die oorspronklike tent met sy gegalvaniseerde pale is alles nog in plek. Dit is beslis die bes opgepaste woonwa wat ek in my 35 jaar van kamp al teëgekom het. Volgens die woonwa se papiere was die eerste eienaar ’n mnr. A.L. Maass wat hom by Graycees-karavane in Kuilsrivier gekoop het. Dit blyk hy was die eienaar tot ek die wa nou gekoop het. Teenoor die R7 000 wat ek betaal het, was die aanvanklike koopprys R2 024, plus R239 ekstra vir die tent en R41 vir die grondseil. Die lisensiegelde het destyds R14 beloop en die…

Kartonhouers vir opskeptyd Kampplanne hoef nie altyd groot planne te wees nie. Dis baiekeer die klein jakkalsies in die wingerd wat nek omgedraai moet word. Ons het altyd die probleem gehad met warm bakke, potte en panne op die plastiektafel en tafeldoek. Om swaar houtborde saam te ry vir die warm braaibak en vir potte en panne as hulle van die vuur of stoof af kom, is nie vir my die oplossing nie. Daardie oop plat eierhouers wat mense weggooi, is lekker staanders wanneer die bakke of potte van die vuur of stoof af kom en jy aansit vir ete. Die eierhouers pas in mekaar en is veerlig. Jy kan dit maklik iewers in die woonwa bêre vir die volgende kampete. Tandeborselblues Elke Desember gaan staan ons drie weke lank…

Selfs al het jy nog nie self by een van die Tuinroete se oorde gekamp nie, het jy sekerlik al foto’s gesien en stories gehoor oor hoe jolig dit hier raak, veral oor vakansietye in die warm maande. Bont strandsambrele, handdoeke, bruingebrande lywe, plastiekgrafies en sandkastele is alles deel van die atmosfeer. Maar dis nie oral ’n geharwar nie. Daar is nog gaatjies waar jy die see op jou eie tyd kan leer ken. Plekke soos Vleesbaai en Heroldsbaai. HEROLDSBAAI-WOONWAPARK Immergroen Die Heroldsbaai-woonwapark is selde stampvol. “Selfs oor Paasnaweek staan die woonwaens net hier op die boonste terras,” sê André Gerber, die oordbestuurder. Hy het pas sy personeel kom aflaai vir die oggend se skoonmaak, al is dit die middel van Februarie en al is hier net een ander wa…

Mahindra is lankal nie meer ’n volksvreemde naam nie. Dié Indiese motorvervaardiger doen al sedert die Tweede Wêreldoorlog sake en van 1994 af het sy bakkies en nutsvoertuie soos die Scorpio en XUV 500 ook op Suid-Afrikaanse paaie ’n algemene gesig geword. Aan die kleiner en ligter kant van Mahindra se produkreeks staan die Quanto en die Xylo. Die twee het identiese enjins, maar waar die Quanto ’n kompakte nutsvoertuig is, is die Xylo E8 ’n bussie met sitplek vir agt mense. Ons het hom van nader bekyk. Dit kan nie wees nie Die Xylo se 2,2 l-enjin sorg dat min ouens jou op die langpad teen die bulte wegry, en sonder iets op die haak trek die enjin dat dit klap. As jy sleep, is dit minder flink, maar…

Huevos rancheros ’n Ander blik op ontbyt Heuvos Rancheros beteken “ ranch-styl eiers” – jy kan dus maar sê dit is die Amerikaners se weergawe van ’n plaasontbyt. Jy benodig (genoeg vir 6) • 3 eetlepels olyfolie• 2 uie, gekap• 2 knoffelhuisies, fyngedruk• 1 teelepel fyn komyn• 1 teelepel origanum• 1 blik (410 g) sousboontjies• 1 blik (410 g) gekapte tamaties• 6-8 eiers• ½ koppie suurroom• ½ ui, fyngekap• 1 rooi soetrissie, in blokkies gesny• 1 pak (250 g) nachotjips• ’n hand vol vars koljander• skyfies avokado (opsioneel) Só maak jy 1 Verhit die olyfolie in ’n skottelskaar en braai die 2 fyngekapte uie en knoffel saam met die komyn en origanum tot sag. Gooi die boontjies en tamatie by en prut alles saam vir 5 minute oor matige hitte tot die vloeistof verminder en die mengsel verdik. 2 Breek die…

Die wa sleep die kar 2007 MOTORHOME-WORLD DISCOVERER 4 2.3 TDi Linda du Plessis van Bultfontein hou van krag op die pad en gerief in die kampplek. Hoe lyk jou sleepkombinasie? Ons kamp nou al twee jaar met die Discoverer. Ons het hom tweedehands gekoop vir R350 000. Met dié ryhuis sleep ons ons 2012 Suzuki Jimny saam. Waarom die Discoverer? Dis ’n huis-op-wiele met alles wat ons nodig het: ’n kragopwekker, lugreëling, ’n badkamer, stoof, opwasbak en ’n groot ys-vrieskas. Selfs met die Jimny aangehaak ry ons kamphuis soos ’n droom. Ons steek maklik ander sleepkombinasies verby. Jy hoef nie teen die steiltes ’n baie lae rat te kies nie. Minder as 10 minute nadat ons afgehaak het, sit ons met ’n koeligheid in die hand, terwyl ander swoeg…

Die Suidwes-Kaapse klub van die Suid-Afrikaanse Woonwa Assosiasie (SAWA) het ter viering van hulle 45ste verjaardag ’n “skimkamp” by die Vloedbos-kampterrein naby Caledon gehou. Die kampeerders het vooraf geen benul gehad van waar die kamp sou plaasvind nie, tot die een “skim” van die groep die leidrade op pad geplant en die ander in die groep laat weet het waar hulle moet soek... tot hulle uiteindelik by Vloedbos uitgekom het.…