Innholdsfortegnelse for Summer 2023 i Weg! Platteland

I read Platteland from cover to cover, and from Edition #1. Winter 2023, however, was the strange one. Who would have guessed that such a classy mag could have made such an unclassy mistake. Mind you, it took me 30 minutes to work out what was bugging me. Page 64 on my way through the story about Rhodes ends “‘I know, man,’ he says. ‘Bloody awful things’.” Then, moving across to page 67, we continue with “weg terwyl hy allerhande vloekwoorde mompel oor distels en Eskom.” Moenie worry nie, bladsy 96 oor Ohrigstad eindig met “En daar was van die begin af altyd ’n grootmens saam met Waldo.” Dan, op bladsy 99, lees ons “24 gears! ‘We have seven tractors’”. But like I said, it took about an half hour…

Ek is ’n intekenaar op Platteland, en in die nuutste uitgawe lees ek oor Koringberg se eeufees. Ek het al daar gekuier by Cokes Geldenhuys, ook ’n afgetrede bibliotekaris. Ek is besig om ’n tweedehandseboekwinkeltjie in te rig by Huis Andries Olivier in Durbanville, ’n tehuis vir parapleë, as ’n fondsinsamelingsprojek. Ek het tussen die skenkings afgekom op die boek NG gemeente Koringberg 1923-1973, geredigeer deur ds. S.J. Pieterse. Die boek lyk splinternuut. Mense wat belang stel, kan dit by my koop teen R250. Stuur asseblief ’n e-pos na ilze.swart@mweb.co.za. Ilze Swart DURBANVILLE…

Floraland is ’n familiebesigheid op Bredasdorp in die Overberg – in die hartjie van die fynboswêreld – wat al langer as drie dekades natuurlike dekoritems produseer, verwerk en uitvoer. Die maatskappy het naam gemaak in die buiteland met die gedroogde Suid-Afrikaanse blomme wat hulle na vyf vastelande uitvoer. Dié produkte is nou vir die eerste keer op eie bodem aan die publiek beskikbaar. “Ons besef al ’n rukkie ons het ’n verantwoordelikheid teenoor ons gemeenskap om nie net aan die buiteland te verskaf nie, maar ook aan plaaslike blomliefhebbers. Ons het oor die jare baie navrae gekry, maar die pryse van ons produkte was altyd ’n uitdaging,” vertel Bea-Marie Visser, projekadministrateur. “Die plaaslike mark is op ’n punt waar hulle die waarde van ’n hoë-gehalteblom besef, en dit maak nou…

Surf Clay Mineral Sunscreen SBF 50 (50 g) in ’n ligte of donker sonbruin R249 Active Mineral Sunscreen SBF 50+ (100 ml) bevat geen skadelike bestanddele vir die see se rotsriwwe nie R295 After Sun Gel (100 ml) R149 Ocean Freedom oceanfreedom.com Kikoi R330 Baraka Gifts and Décor barakashop.co.za Juwelemandjies vanaf R85 Plant- en ander mandjies vanaf R260 Handgemaak van katoentou Binx&Twine binxandtwine.co.za Lettaskraal-koudgeperste ekstrasuiwer olyfolie (1 ℓ) R250 en (500 ml) R180 Lettas Kraal-plaas lettaskraal.co.za Handgemaakte kosbêresakkies van suiwer katoen met ’n laag van byewas, harpuis en jojoba-olie in klein, medium en groot R65-R90-R125 elk Lello Sustainable Living lello.co.za Mahala-niealkoholiese jenewer is suikervry en bevat nege natuurlike botaniese bestanddele (die Amber bevat ook ekstrakte van rookgeur, eikehout en rissie) R320 elk Drink Nil drinknil.co.za Mahala Botanical mahalabotanical.com Blou waterglase…

Hoe ver van die grootstad af? Kleinmond lê langs die R44 sowat 95 km oos van die Kaapstadse internasionale lughawe. Die naaste buurdorpe is Bettysbaai (12 km), Pringlebaai (21 km), Fisherhaven (23 km), Rooi-Els en Hawston (albei 25 km) en Hermanus (38 km). Gemiddelde temperatuur Die dorp het ’n matige Meditterreense klimaat met ’n lieflike seeluggie wat sorg dat dit selde versengend warm of ysig koud word. In die somer wissel die temperatuur tussen 18 ºC en 30 ºC. Die gemiddelde wintertemperatuur is 12 ºC. Gemiddelde reënval Die dorp kry regdeur die jaar reën (dit wissel tussen 600 mm en 700 mm), maar die meeste val in Junie en Julie. Geriewe Wat winkels, dienste, eetplekke, aftreeoorde, dokters en tandartse betref, het Kleinmond letterlik alles, behalwe ’n hospitaal en hoërskool, maar…

Die vriendelike kleinneefs Marquin en Nathan weet hoe om niksvermoedende verbygangers in 2de Straat met die geur van Ground Central se koffie en Farm-to-plate se boerewors te oorrompel. Albei woon al hulle lewe lank in Proteadorp – Marquin saam met sy vrou, Hencia, en hulle vyf seuns. “My ouma-hulle het in die hawe grootgeword voor almal na Proteadorp verskuif is,” vertel Nathan, “maar hulle verbintenis met die see bly sterk. Dis so half tradisie dat Proteadorp se mense Sondae ’n bietjie in die hawe gaan uitspan.” Tog ervaar hulle nie Kleinmond en Proteadorp as twee aparte plekke nie. “Dis vir my soos een plek, want almal ken mekaar,” sê Marquin, wat eens as tuinier en bou-arbeider gewerk het voor hy in 2021 by Strauss Odendaal se koffiewinkel ingeval het. “Ek…

Is daar enige ander paaie op aarde waarop daar so gereeld ’n padstal opduik soos dié van ons land? Dit kan nie eintlik anders nie, want padstalle is deel van ons kultuur en geskiedenis. Sedert Jan van Riebeeck in 1652 die eerste padstal hier begin het, is dié soort aftrekplekke baie gewild. Nie almal bly lank oop of raak ewe bekend nie, maar ná 31 jaar ken mense die Kambro-padstal al beter as die dorpie daar naby. Wanneer die Strauss-gesin gevra word van waar hulle is, sê hulle eerder “Kambro” as “Britstown in die Bo-Karoo”. “Soms voel dit nog vir my vreemd dat so baie mense presies weet waar in die wye Karoo ons bly,” sê Wilma Strauss, wat die besigheid begin het en wie se gesig jy sou leer…

Clive meen daar is ’n hele paar voordele aan ’n vraghouerhuis: • So ’n huis verg min onderhoud – dit is ’n sterk ontwerp van staal wat bestand is teen water, storms en selfs aardbewings. En jy spaar op vervoerkoste én boubestuur. • Dis ontwerp sodat jy maklik kan toesluit-en-ry. • Dit is ’n bate wat jy kan verskuif. • Dis ’n ware off the grid-leefstyl, want die huise word toegerus met watertenks en ’n sonkragstelsel. Die aanlê van dinge beteken hoër munisipale belastings. • Jy spaar water en elektrisiteit – daar’s opsies vir waterlose toilette, wateropvangs en warmwaterstelsels. • Die huis word volledig gemeubileer by die vervaardigingsaanleg en word afgelaai sodat jy net kan intrek en speel. • Sulke huise is koel in die somer en warm in die…

Kyk nou net dié innoverende verpakking vir potplante, bosse blomme en blomruikers. Eco Plant Pack is ’n tuinbouverpakkingsmaatskappy wat pragtige, omgewingsvriendelike verpakking van papier vervaardig. Ons is veral gaande oor die ontwerpe met fynbos en inheemse plante. “Met jare se ervaring in dié bedryf weet ons hoe belangrik dit is dat blomme en plante se gehalte deurentyd beskerm word deur verpakking van gehalte,” sê Stuart Childs, mede-eienaar van die maatskappy. “Ons is ’n span kenners wat saamwerk om verpakking te ontwerp en vervaardig wat funksioneel én mooi is.” Stuart is veral trots daarop dat hulle produkte in hulle fabriek in Pretoria vervaardig word en dat hulle maatskappy ’n geakkrediteerde lid is van die Forest Stewardship Council, ’n organisasie wat hom beywer vir volhoubare bosbou. Dit beteken al Eco Plant Pack…

Basiliesout Dié gegeurde sout lyk nie net mooi nie, maar smaak ook heerlik oor yskoue waatlemoen of oondgeroosterde tamaties. Jy kan dit ook met Engelse sout en olyfolie meng om ’n verfrissende lyfskropmiddel te maak. JY BENODIG • ½ koppie styfgepakte basilieblare (met takkies)• 1 koppie growwe seesout (of gebruik pienk himalajasout) SÓ MAAK JY Pluk gesonde basilietakkies, was die blare goed af en druk dit met kombuispapier droog. Kap die basilie en sout saam fyn in ’n voedselverwerker. Droog die basiliesout deur dit op ’n bakplaat uit te sprei en vir ’n halfuur in die oond te bak teen 220ºC. Die sout sal nou ’n ligter groen wees as toe jy dit begin bak het. Haal die pan uit, laat dit afkoel en vryf dan die sout tussen jou…

– Karnemelksvlei, Citrusdal – As die lug in die somermaande gaan stilstaan en die hittegolfies bo die strate ’n dansie doen, dan weet ek dit is tyd om weg te kom hier uit “Hellington”, soos mense graag in die somer na ons dorp verwys. Dan is dit vir ons die lekkerste om by die Karnemelksvlei-kampplek oos van Citrusdal te gaan uitspan. Ek en my man pak ons skootrekenaars en kampstoele en gaan slaan ons tentjie op op die lieflike grasperk langs die waters van die Olifantsrivier. Ons bespreek die hele kampplek vir onsself en dan is dit pure saligheid vir ’n paar dae, al moet ons tussendeur werk. Hier is dit ook warm, maar die gras en koeltebome en die opdamming wat die eienaars in die rivier gemaak het, laat…

In 2022 het ek en my vrou, Kotie, besluit om St. Lucia en die omgewing te gaan verken, en besluit toe om oor Ladysmith te reis, waar ons ook oornag het, deur sentraal KwaZulu Natal, en dorpe soos Dundee, Nqutu, Melmoth ensomeer aan te doen. Die paaie was in ’n goeie toestand en was dit ’n plesier om daardie dele te verken. Op Nqutu kom ons toe af op hierdie donkies sonder ore. ’n Mens wonder of dit dalk een of ander siekte is wat die ore so beskadig het, want dit is ietwat drasties om jou diere so te probeer merk of uitken. Groetnis en baie dankie vir julle wonderlike tydskrif. Leon Venter KIMBERLEY Dr. Quixi Sonntag Zwart, veearts verbonde aan EduPet en voorheen koördineerder: gemeenskapsbetrokkenheid in die fakulteit veeartsenykunde,…

Aarbeie, waatlemoen, granaat en spookasem is die verfrissende somergeure wat saam met ontelbare sprankelende borrels in elke bottel Cap Classique Brut Rosé van Darling-kelders wag. Dié salmpienk vonkelwyn is as trofeewenner en “meesterwerk” aangewys by vanjaar se Rosé Challenge, wat jaarliks die beste pienk wyn en spiritualieë in Suid-Afrika bekroon. Die 13 kategorieë sluit enigiets in van alkoholvrye wyn tot pienk jenewer en vermoet. Deur rosés slegs teen ander rosés te laat meeding wil die organiseerders die vooropgestelde idee in wynkringe die nek inslaan dat roséwyn ondergeskik is aan ander wyne. Bertrum Titus, die wynmaker, sê dié stylvolle Cap Classique se vars surigheid lei tot ’n skoon, droë afwerking. “Wat dit veral uniek maak, is dat dit van grenache gemaak is en nie van die tradisonele pinot noir nie. Grenache…

WES-KAAP McGregor-kunsroete MCGREGOR 1-3 Desember Die kunstenaar en onderwyser Mary-Louise Stein het dié kunsroete bedink om die talente van McGregor se inwoners en gaskunstenaars ten toon te stel en terselfdertyd ’n gemeenskapsprojek te befonds wat die skone kunste bevorder. Hier’s enigiets van uitstallings en veilings tot vasvrakompetisies en gesellige etes. Kaartjies R150 per dagkaartjie – met bykomende toegangsgeld vir sekere aktiwiteite; of R950 per naweekkaartjie wat alle aktiwiteite insluit by Quicket. Kontak mcgregorartwalk.co.za McGregor Art Walk @mcgregorartwalk art@mcgregorartwalk.co.za 079 514 9074 Maak self botter en kaas VERGESIG, PIKETBERG 2 Desember Die botterboer Maria van Zyl (op die voorblad van die Winter 2023-uitgawe van Platteland) bied ’n praktiese werksessie aan op haar ouers se appel-en-peerplaas, Vergesig, waar jy sal leer om aangesuurde botter en halloumikaas te maak. Kaartjies R1 050 op…

Twee Afrikaners en ’n Nederlander vat die pad in ’n huurmotor. Oftewel twee historici en ’n sosioloog. Óf drie wit vroue. Kies maar jou kombinasie. Ek is agter die stuur, effens senuagtig oor die stand van die Oos-Kaapse paaie. ’n Mens hoor mos baie stories. Ek weet wat om te doen met ’n Johannesburgse verkeersknoop, ’n vyfbaansnelweg of die Buccleuch-wisselaar, maar ’n verlate, onbeligte plattelandse pad vol slaggate is ’n ander storie. Dit is Junie 2023 en ek en my metgeselle is van Gqeberha af onderweg na die Historiese Genootskap van Suid-Afrika (HGSA) se tweejaarlikse konferensie by die Rhodesuniversiteit. Ek was aanvanklik nie baie lus nie, maar my Nederlandse geesgenoot het my oorreed om saam met haar te gaan besin oor ons aandadigheid in die geskiedenis. Ons gaan ’n paneelbespreking…

“Ek was nog maar altyd in die slopings- en vullisbedryf,” is hoe Clive, ’n man wat as geoktrooieerde rekenmeester opgelei is, homself beskryf. Hy het egter vele ysters in die vuur. Op sy Linkedin-profiel staan:“Creator and Maker. Learning; Creating; Making Mistakes. Doing: Wrapp Waste, ZEE Storage, #KiickButt, Encounter, Container Home, Planting Trees, Family.” • Hy is die stigter en uitvoerende hoof van Zee Homes en van Dash Waste (vroeër Wrapp), ’n soort uber-diens vir vullisverwydering. Jy doen aanlyn aansoek om enige vullis – tuinvullis, bourommel, wat ook al – te verwyder, en binne 90 sekondes word jy verbind met iemand wat dit wegry of ’n stortingsbak kom neersit. Hulle is operasioneel in Kaapstad, Johannesburg en Pretoria. dashwaste.co.za 072 245 9777 • Iets wat Clive behoorlik warm onder die kraag kry,…

Dekades al word kruie van die Koo en omgewing by die Montagumuseum opgeteken en bewaar, en die afgelope 35 jaar is intensiewe navorsing gedoen oor die gesondheidsvoordele van kruie. Hier kan jy kies uit 53 teesoorte om te help met al wat ’n kwaal is – van asma en rugpyn tot impotensie. Al die kruietee word met die hand gemeng van verskeie kruie uit die omgewing wat in die son gedroog word. Die tee is al lank gewild onder gesondheidsbewustes, en nou kan ’n mens dit aanlyn bestel. “Hoewel die aanlynverkope nog aan die gang kom, het ons heelwat oorsese kliënte wat al jare lank per e-pos bestel uit Duitsland, Nederland en Engeland,” sê Hennah Flesch, waarnemende museumbestuurder, wat al 14 jaar by die museum werk. “Ek drink elke dag…

Ek deel graag my “Bosveldboom” met Platteland. Teen die agtergrond van ’n blougrys horison staan dié boom; droog en alleen in die oop Bosveldvlakte. Dit is vroeë lente. Al die ander bosveldbome toon reeds tekens van herlewing, wagtend en gretig om die naderende somer te verwelkom. Maar dié droë boom staan net daar, stil en gebiedig; wag op niks. Met takke krom soos vingers staan hy en oorleef seisoen ná seisoen. Toe ons op die plaas ingetrek het, was dié boom al hier. ’n Onbekende en naamlose boom. Met ’n blarekroon – al was dit nie so dig soos dié van die ander bome in die bos nie, het hy ons verwelkom. Verskillende soorte voëls het toe tussen die blare wegkruipertjie gespeel. Nou word daar op die droë takke gesit…

Hoogsomer op ’n lietsjieplaas word daar gewoonlik gewoeker dat die biesies bewe, sê Heidie Smith. “Dis nou wat jy noem ’n pluk-frenzy!” Die vrugte is rondom middel Desember ryp, en dan moet die hele oes binne twee weke gepluk word. Dis dán wanneer Heidie en haar man, Paddy, besoekers van heinde en ver verwelkom by KwaZulu-Natal se jaarlikse Lietsjiefees. Hier kan jy dié sappige somervrugte self kom pluk – by die emmer vol. Die storie agter die fees begin in 2005 op Heidie en Paddy se familieplaas naby Salt Rock wat hulle as Cane Cutters Resort, ’n onthaalplek en vakansieplaas, bestuur het. “Daar was ’n pragtige lietsjieboord op die plaas, met bome van oor die honderd jaar oud wat jaar na jaar heerlike vrugte gedra het,” onthou Heidie. “Paddy het…

TEKEN IN TEEN 50% KORTING* JY BETAAL SLEGS R220 PER JAAR* Dit beteken jy betaal slegs R55 per uitgawe – EN SPAAR R55! Gratis aflewering ingesluit GEDRUKTE UITGAWE VIR NUWE INTEKENARE • 087 353 1300 (vir plaaslike oproepe) of +27 21 065 0033 (vir buitelandse oproepe) • subs@media24.com • WhatsApp 087 353 1333 • SMS “plattelandint” na 32361 en ons kontak jou (Alle SMS’e kos R1,50; gratis minute geld nie) VIR HERNUWINGS • 087 353 1300 (plaaslik) of +27 21 065 0033 (buiteland)) • subs@media24.com MAAK DIE LEWE MAKLIKER MET ’N DIGITALE INTEKENING zinio.com of magzter.com * Teken in op 4 uitgawes per jaar. Die aanbod is geldig tot 22 Februarie 2023 Bepalings en voorwaardes Dié aanbod geld slegs vir intekenare in Suid-Afrika. Jou intekening word verskaf op ’n vooruitbetaalde…

Die eiendomsmark op Kleinmond het effens verlangsaam, en al is winskopies skaars, verwissel eiendom hier steeds flink van eienaars. Baie inwoners met wie Platteland gesels het, het hulle huis deur Anmar Marais van Chas Everitt gekoop. Ons het vyf uiteenlopende wonings gekies wat tans by haar op die mark is. Kontak chaseveritt.co.za (tik “Kleinmond” by die soekbalkie in) anmar.marais@everitt.co.za 082 563 9910 028 316 2466 R1,995 miljoen ’n Goue oue op ’n erf van 595 m2 op die hoek van 4de Laan en 6de Straat met drie slaapkamers, twee badkamers, ’n gastetoilet en ’n kombuis, leefkamer en braaikamer. R2,245 miljoen Een van ses huise in die troeteldiervriendelike Monto Peaks-kompleks in 10de Laan met drie slaapkamers, twee badkamers, ’n dubbelvolume-kombuiseet- en-leefvertrek, sonkraggeiser en motorhuis op ’n erf van 452 m2. R3,2…

Elke tweede mens wat vroegoggend by die koffierestaurant-en-deliwinkel Carry me Home Deli instap, knik of wuif in die rigting van die korporatiewebestuurskonsultant Deon Brits wat lank vir ’n Amerikaanse maatskappy gewerk en reg oor die wêreld gereis het. Deesdae is hy die eienaar van Potential, wat in verandering spesialiseer. Nog ’n paar roep “Baie geluk!” met die duim na bo. Nee, lag Deon, dis nie laat felisitasies vir die suksesvolle tweede Hangklip-Kleinmond-keramiek-en-porseleinfees wat hy laat in September gereël het nie – hulle dogter Amelie is die vorige aand tot hoofmeisie van haar skool op Hermanus verkies. Sy vrou, Lelane, se ouers het ’n vakansiehuis op Kleinmond gehad, vertel Deon, en op een van hulle besoeke in 2010 het hulle oor sushi besluit dit sal lekker wees om hier af te…

Die Bloubakkie-groente-en-vrugtewinkel wat “die plaas see toe bring” waaroor ons in die Somer 2018-’19-uitgawe van Platteland geskryf het, is vyf jaar later steeds ’n instelling op Kleinmond en nóg besiger met ’n lang ry “kastimmers” van so ver as Hermanus, Bettysbaai, Pringlebaai, Rooi-Els, Caledon, die Boland en die Kaap wat plaasvars seisoenale produkte kom koop wat Johan en twee bestuurders met twee vragmotors op plase in die Boland en elders versamel. “Ek neem plaasbordjies af en probeer kontak maak met die eienaar, want ons is afhanklik van boere en leef na aan die natuur. Maar baie boere, veral in die Breëriviervallei wat altyd een van ons groentemandjies was, het baie minder geplant. Met die hoë brandstofpryse is dit eintlik onmoontlik om van groente en vrugte alleen te oorleef, daarom hou…

Kan die verval op baie plattelandse dorpe gestuit word? Bun beantwoord Platteland se vrae. Moet inwoners hulle dorp op hulle eie aanpak of in samewerking met die munisipaliteit? Internasionaal is baie navorsing gedoen oor landelike verval met puik praktiese wenke, maar dit voorveronderstel ’n bevoegde munisipaliteit. Amper twee derdes van Suid-Afrika se dorpe word met bykans heroïese onbekwaamheid bestuur: 163 van ons 257 munisipaliteite is amptelik “disfunksioneel”. Die kans om iets sinvols saam met ’n plaaslike bestuur op dreef te kry is gering, want die kundigheid, wilskrag en eerlikheid is eenvoudig nie meer daar nie. Hartseer, maar dis die werklikheid. ’n Mens moet wel die deur ooplaat vir daardie handjie vol dorpe wat steeds as ’n gemeenskap kan saamstaan. Wat van ’n “Plan van die jaar”-kompetisie vir die beste projek…

Daar is byna áltyd mense in die Ten Cross Shoppe in Grahamstad (deesdae Makhanda), maar oor die etensuur is die plek stampvol, veral op Vrydae, want dan is dit pannekoekdag. Die winkel – iets tussen ’n moderne tuisnywerheid, koffiewinkel, teetuin en padstal – fokus elke dag op ’n ander produk vars uit die kombuis: Maandae is dit pasta, Dinsdae jaffels, Woensdae vetkoek en Donderdae quiche. “Ons het met die pannekoekdag begin en gou agtergekom kliënte hou van roetine – dit het die besigheid geweldig laat groei! Ons het ’n bordjie in die straat uitgesit en begin adverteer, en nou kan ons amper nie byhou nie. Ons bak elke Vrydag 700 pannekoeke,” vertel die eienaar, Chantelle van Eyssen. Die idee vir die winkel het klein begin. Chantelle het 12 jaar as…

Op ’n posseëlplekkie soos Koringberg gebeur daar selde iets aardskuddends. Elke nou en dan is daar ’n WhatsApp-opstootjie oor die krag wat onverwags afgaan of iemand met dwalende oë wat iewers oor ’n heining loer. Óf as Magik, die ou skool se liefdevolle aanneembrak, al wéér op Houdini-agtige wyse die sesvoetheining uitoorlê en die strate ingevaar het op soek na nuwe weiveld en geselskap. Anders gestel: Elke tien minute gebeur daar in dié deel van die Swartland niks nie, en dan hou dit aan vir min of meer veertig minute. Dit was presies die Kapenaar Clive Amsel se gewaarwording toe hy in 2015 die eerste keer sy voete op die dorp gesit het. Clive, wat al jare in die slopings-en vullisbedryf is, maar ook ’n teenbesoedelingskryger, uitvinder en geoktrooieerde rekenmeester…

Die sonderlinge Agapanthus ‘Blackjack’ is by die jaarlikse Chelseablommeskou in Brittanje aangewys as die “Beste nuwe plant ter wêreld” vir 2023, en die baasbreine agter dié wenplant is die Suid-Afrikaners Andy de Wet en Quinton Bean van De Wet-plantkwekers in Gauteng. Die dieppers nuweling met sy groot blomkoppe en gestreepte blommetjies is ’n geharde plant wat nie skrik vir hitte of droogte nie én hy lok bye en skoenlappers na jou tuin. Dié Afrikalelie produseer blykbaar ook tien keer meer blommetjies per blomkop en het ’n lang blomperiode, wat begin in die middel van die somer. Andy is ’n botanis met meer as 50 jaar ervaring in plantseleksie en -ontwikkeling, en Quinton is ’n tuinboukundige met meer as 20 jaar ervaring. Volgens Andy is die Blackjack as kampioen bekroon omdat…

Meer as 60 voëlgroepe wat in Suider-Afrika voorkom – dít is waaraan die jong klomp voorgestel word in Kinders se voëls van Suider-Afrika deur Hélène Loon. Grasieuse flaminke, vinnige valke, juweelagtige suikerbekkies en kordate neushoringvoëls. Die lewendige, kleurryke boek van 80 bladsye vol fassinerende feite en het-jy-geweet-brokkies leer kinders hoe om verskillende voëls te identifiseer en vertel ook meer oor hulle gedrag – hoe hulle kos soek, ’n maat kies, ’n nes bou, kuikens grootmaak en roofdiere vermy. Konsepte soos hofmakery, migrasie en ververing word ook verduidelik. Meer as 500 foto’s, waarvan baie aantekeninge het om interessante eienskappe uit te wys, sal die kinders gou in kenners verander. Die boek is ook in Xhosa en Engels beskikbaar. Prys Vanaf R115 (sagteband) by aanlynwinkels soos loot.co.za en takealot.com.…

R400* VIR ALBEI! Met Begin jou eie groentetuin deur die redakteurs van Platteland is die aanlê van ’n groentetuin makliker as ooit tevore – en met die beste resepte uit die eerste 20 uitgawes van die tydskrif wat in Seisoenskos opgeneem is, kan jy die vrug van jou arbeid op die heel smaaklikste maniere voorsit. Só maak jy Dis maklik – stuur vir ons ’n e-pos na helloplatteland@gmail.com en ons stuur vir jou al die inligting. * Teen dié prys kry jy ’n getekende eksemplaar van elke boek én dit word gratis per koerier by jou voordeur afgelewer – enige plek in Suid-Afrika. (Die boeke kan ook afsonderlik bestel word teen R300 vir Begin jou eie groentetuin en R250 vir Seisoenskos.)…

Spyskaart Kies soveel geregte as wat jy wil en sit dit saam voor of in enige volgorde. Braaibroodjie-platbrood Biltongpatee Retro blaarkoppies met brandewyngarnaalkelkie Pangebraaide fetakaas met heuning en tiemie Geskroeide broccoli en pak choi met sojasous, sesamsaad en sprietuie Ontbeende varknek in die ketelbraai met ’n heuningmosterdsous Karamel-‘kaaskoekies’ met frambose Braaibroodjieplatbrood Almal is gaande oor dié jogurtplatbrood met dieselfde bolaag as die vulsel van ’n braaibroodjie. Dit sal ’n ware pronkstuk in die middel van die tafel vorm. Dis die maklikste om die platbrood in die oond te bak, maar jy kan dieselfde resultaat in ’n ketelbraai kry, boonop met ’n lekker rokerige geur. Maak 1 groot platbrood Bereidingstyd 10 minute Baktyd 14-20 minute JY BENODIG • 1¾ koppie (250 g) witbroodmeel, plus ekstra om te sprinkel• 1 eetlepel (15…

Spyskaart – VOORAF – Waatlemoendrankie Mossels in chorizoroom – HOOFGEREG – Gerolde lamsblad Kies 3 of meer van die volgende: Langnaweek-aartappelslaai Groen groente met soetrissiesous Mosterdring Anderste wortelslaai Gebraaide patatslaai – NAGEREG – Kondensmelk-crème caramel Waatlemoendrankie Vir my is waatlemoen die heel grootste ster in die vrugtemandjie: Jy kan soveel daarmee doen én dit laat in elkeen van ons ’n nostalgiese storie oor die somer ontwaak. As ek eendag my droom bewaarheid om in Mauritius af te tree en dalk ’n klein Suid-Afrikaanse restaurant daar oop te maak, sal dié waatlemoendrankie die ster op die mengeldrankiespyskaart wees. Genoeg vir 6 Bereidingstyd 10 minute plus verkoeltyd JY BENODIG • 3 dik ringe waatlemoen• ¼ koppie (60 ml) bruinsuiker• 150 ml jenewer of vodka (25 ml per drankie)• 300 ml lietsjiesap• sap…