Innholdsfortegnelse for 2022 i Weg! Namibië

Op pad na Namibië het ons iewers op die N7 gehoor maskers is nie meer verpligtend nie. Dit was die dag voor die Junie-skoolvakansie en die Noordoewer-grenspos was maar stil. Ek het gedink toerisme sou al meer toegeneem het. Daar was ook net enkele dubbelkajuitbakkies by die Amanzi River Camp… Maar toe ons Saterdagoggend wakker word, is die kampterrein stampvol. By Sesriem was die kampterrein ook vol bespreek. Die ontvangsdame het gesê hoe bly sy is dat die Suid-Afrikaners weer kom. In die intekenboek was daar ook heelwat name van ander lande af: Poland, die Tsjeggiese Republiek, Duitsland… En dan is daar natuurlik die geel grasvelde en water in Sossusvlei vanweë goeie reëns vroeër vanjaar. Oral waar ons gereis het, het ’n hoopvolle en dankbare gees geheers dat dinge (komaan,…

NOODSAAKLIKE PAPIERE PASPOORT Dit moet vir nog ses maande of langer geldig wees ná jou vertrekdatum uit Namibië en moet minstens twee skoon bladsye hê. SERTIFIKATE Kinders jonger as 18 moet ’n oorspronklike, volledige geboortesertikaat hê behalwe indien hulle ’n nuwe paspoort het wat hulle ouers se name lys. RYBEWYS Jou Suid-Afrikaanse een is geldig in Namibië – hou dit byderhand. VOERTUIGREGISTRASIEDOKUMENTE Dit moet oorspronklike dokumente of gesertifiseerde afdrukke wees. Onthou ook die dokumente vir jou sleep-of woonwa. MAGTIGINGSBRIEF As jy nog aan jou kar afbetaal, moet jy ’n brief van die bank hê wat jou toestemming gee om die kar oor die grens te neem. Indien jy iemand se ryding leen, moet jy ’n getekende toestemmingsbrief van daai persoon kry. Dié brief moet die kar se registrasienommer, die eienaar…

1 Kalahari-woestyn Met die Namib se hoë rooiduine wat flikkers gooi in die weste van die land is dit maklik om van die meer bedeesde Kalahariwoestyn in die ooste te vergeet. Rondom dorpies soos Koës, Aroab, Gochas en Aranos kan jy egter plaasvakansie hou wat jou gou laat besef dat Namibië se Kalahari alles behalwe vaal en vervelig is. Dis ’n streek wat reeds dekades lank Suid-Afrikaanse biltongjagters lok, want op enige Kalahari-plaas is daar altyd springbokke en gemsbokke. Plaasvakansies is ánders as reservaatvakansies. Wanneer jy op ’n plaas uitspan, kan jy kommerloos in die veld stap (want hier is gewoonlik nie gevaarlike wild nie) én jy kuier saam met die mense wat die Kalahari spesiaal maak. Die boere se gasvryheid is legendaries – hulle wys vir jou die beste…

Namibië het geen tekort aan topbestemmings nie, maar dis ’n groot land en ons wou meer tyd bestee aan foto’s neem en minder tyd aan reis. Ons besluit toe om net die suide te besoek. Die beginpunt is die Visriviercanyon, en ons stop ook by die Kokerboomwoud buite Keetmanshoop, Sossusvlei, die NamibRand-privaatnatuurreservaat en Lüderitz. Ons neem hope foto’s van die asemrowende canyon, en die volgende oggend val ons in die pad na die Kokerboomwoud-ruskamp. Ons ry met die B1 langs oor Grünau. Tyd het ons hope van en ontbyt by die Grünauhotel is eersteklas: Koffie, varsgebakte skons en wors. Buiten ’n leërskare koringkrieke is die pad na die ruskamp stil. Dit blyk dat die koringkrieke ook op pad was na die kampplek. Hulle is oral! Ons is gewoond daaraan om…

Die lugruim bokant die Rooirandberg is helderblou. G’n wolkie is in sig nie… Dis oor die wind hulle almal weggewaai het! Ons het gistermiddag saam met ’n woeste wind ingewaai by die At Kronenhof Lodge, ’n klipgooi van Betta af. Dit was só woes dat ek summier ons kredietkaart uitgehaal en die kampplek vir ’n selfsorghuisie verruil het. Vanoggend wys die bestuurder, Karin Venter, ’n video van haar suster op Swakopmund se huis. Die sand waai onderdeur die voordeur in… sand lê op die kombuistoonbank, bo-op die medisynebottels, óral! Dis oosweer wat die sand so in die huise in boender. Ons is op pad Sossusvlei toe en volgens die weerberig lê daar nóg sewe dae van sand en wind voor! “Maar weet jy, Swakop moet oosweer kry sodat ons weer…

MOUNTAIN VIEW VILLA: Vier gesinsvriendelike kamers en veilig vir die wat met kinders of as ‘n groep vriende reis. VYF SELFSORG-EENHEDE: En-suite-storte en toilette, kombuisie met ketel en alle nodige breekware, elektriese stoofplaat en ingeboude onderdakbraai. Privaat parkering langs elke eenheid. SEWE TWEEBEDKAMERS EN VIER GESINSKAMERS: Almal toegerus met dakwaaiers en lugversorging. Elke kamer het ’n uitsig en privaat stoep, asook parkering in die skaduwee met kragpunte buite. Elke gesinskamer bestaan uit een groot kamer met 2 x ¾-beddens langs mekaar en ’n tweede kamer met 2 enkelbeddens vir kinders of vriende wat deel. Kamergeriewe sluit in teestasie en klein yskas. Die badkamers is privaat met stort, wasbak en toilet en baie spasie vir bagasie en klere. Die paadjies is geplavei wat lei na die hoofarea en is gelyk en…

1 Word verras deur die Ugabterras Die Ugabterras styg soos ’n paar Tafelbergies uit oor die vlakte tussen die C39 en die D2743. Sit op die stoep van die Ugab Terrace Lodge vir ’n mooi uitsig of stap tot by die Vingerklip-rotsformasie van die Vingerklip Lodge af. 2 Soek diere in Etosha Bespreek ten minste vyf aande in dié gewilde nasionale park: Twee in Okaukuejo vir tyd by die Ombika-, Olifants-bad en Nebrownii-watergat; twee in Halali vir tot teenaan die pan ry en by die Sueda-watergat vir roofvoëls wag, en ’n laaste aand by die stiller Namutoni. As jy baie verlof het, mik vir die Olifantsrus-ruskamp met slegs 10 staanplekke. Dagtarief: R100 p.p.; R50 per voertuig. 3 Gaan op ’n sonsondergangrit in die Caprivi Bederf jouself en bespreek ’n sonsondergangvaart…

Die koel oggendlug brand skerp in my longe terwyl ek die voetpaadjie voor my bergop volg. Elke nou en dan kyk ek oor my skouer na die horison wat geleidelik helderder word. Ek moet vroeër opgestaan het, raas ek met myself, want nou jaag ek teen die son. In die bome rondom my word die voëls wakker en sing hulle oggendmelodieë uit volle bors. Ek het gistermiddag my tentjie staangemaak in die kampterrein aan die voet van die berg. Die Waterberg is al jare lank op my radar en ek wou nie die kans misloop om die landskap die eerste keer behoorlik met sonsopkoms te beleef nie. Uiteindelik bereik ek die bopunt van die berg. Ek sit op ’n klip naby die platorand en kyk na die ooste waar die…

PARKTARIEWE Daar is al lank sprake dat die Namibiese departement van omgewingsake, bosbou en toerisme parktariewe gaan verhoog. Dié tariewe is in April 2021 aangekondig: Vir SAOG-lede: R100 p.p., R50 per kind jonger as 16 jaar en vanaf R50 per voertuig in die |Ai|Ais-, Etosha-, Namib-Naukluft-, Dorob-, Waterbergplato- en Skedelkus-nasionale park, Sperrgebiet en die Kaap Kruis-reservaat. Vir die ander parke is die parktarief R70 p.p., R30 per kind en vanaf R50 per voertuig. Onthou dus om ook vir dié bedrae per dag te begroot wanneer julle in ’n nasionale park oornag. KRY ’N KAART! NAMLEISURE-KAART Met ’n NamLeisure-kaart in jou beursie kry jy 25% afslag op Namibia Wildlife Resorts se blyplekke, maaltye en aktiwiteite – ons het die plekke met “NWR”in die blyplekkegids aangedui. Dit sluit kampplekke uit. ’n Enkelkaart…

Van 300m uit die lug kan ’n mens mooi sien hoeveel reën die Hartmannvallei gekry het. Gewoonlik is dié wye vallei in die Kaokoveld vaal en droog, maar nou lê daar oral lemmetjiegroen vlekke waar vars grashalms uit die stof opstaan. Dis ’n beeldskone én skaars gesig. Eerste offisier Ashley Prinsloo se aandag is egter nie by dié uitsig nie – sy hou ’n berg, wat al naderkom, stip dop. “Terrain! Terrain!” skree ’n blikstem iewers uit die Cessna 425 se instrumentepaneel. Die vliegtuig “sien” ook dié berg naderkom en die landingstrook daaragter is nie op sy GPS aangeteken nie; dus word ’n luide waarskuwing gegee. “Terrain! Terrain!” skrou dit weer, so al asof die blikbrein wil sê: “Moenie kanse vat nie!” Anderkant die berg gewaar Ashley die gruislandingstrook, ’n…

Reeds sedert die 1600’s bly Damaras en Namas sporadies in die Swakopriviervallei. Die Herero-hoofman, Tjiponda, bly byvoorbeeld vroeg in die 19de eeu by Nonidas (net buite Swakopmund). In 1884 word Namibië ’n Duitse kolonie wat ’n hawe nodig het (Walvisbaai behoort toe reeds aan die Britte). Kommissaris Curt von François kry die taak om ’n geskikte plek te soek. Op 4 Augustus 1892 word twee bakens opgerig op Swakopmund se strand. En hoewel die Duitsers vasberade is om ’n veilige hawe hier te skep, het die Atlantiese Oseaan en die geskiedenis ander planne. Skepe moes sowat ’n kilometer see-in anker gooi, en mense en goedere is met kleiner bote na land gebring. Dit neem drie jaar om die Molehawemuur en vuurtoring te bou. Maar die natuur baklei terug en dié…

BEKOSTIGBAAR (Sien bl. 16) SKEDELKUS EN HENTIESBAAI 1 St Nowhere Spa and Campsite Hierdie gewilde oord en visvangkol is sowat 110 km noord van Henties. Kamp vanaf R525 p.n. vir 5 mense en R105 per ekstra persoon p.n. As jy voor teen die see met jou eie ablusie wil kamp, kos dit vanaf R600 p.n. vir 5 mense. Selfsorgbungalows kos vanaf R990 p.n. vir 4 mense, R248 per ekstra persoon (slaapplek vir 5 tot 9 mense). ’n Groot groep, tot 13 mense, kan die groot huis bespreek vir vanaf R1 980 p.n. (vir 8 mense, R248 per ekstra persoon). Pryse sluit nie die 2%-toerismeheffing of beddegoed (R40p.p.) in nie. Hier is ’n kiosk wat basiese voorraad verkoop en in die somervakansie is ’n restaurant oop. 00 264 81 124 0879…

Die son het lank reeds oor die Kwandorivier in die BwaBwata- nasionale park gesak, maar Eustace Libulelo stuur nog nie die Land Cruiser terug na die lodge nie. Hy draai in die teenoorgestelde rigting op ’n tweespoorpaadjie in ’n boslandskap in. Ons namiddagwildrit het pas ’n nagrit geword! Die kinders besef gou ons ry ’n ompad en glimlag breed. Eustace het belowe hulle sal ’n luiperd sien, en hy’s die soort ou wat ’n belofte nakom. Dis hoogsomer in BwaBwata en om elke hoek en draai wag iets nuuts: Nóg ’n mooi uitsig oor die Kwando, wat soos ’n luislang onder donderwolktorings lê en blink; seekoei-ore in ’n poel; wurgvye en jakkalsbessiebome; kleurryke voëls van geheimsinnige plekke soos die Kongo; oorblyfsels van oorloë waar basterwaterbokke nou wei. Selfs die hitte…

As jy reeds Weg se aanlynfotokursus voltooi het, jou eerste kamera aangeskaf het of bloot meer wil leer oor landskap-, wild- en reisfotografie, is dié toer vir jou! Hierdie toer is deels fotowerkswinkel en deels begeleide padreis. Jy bring hope tyd deur by al die fotohoogtepunte in die suide van Namibië waar Evan Naudé, een van Weg se gereelde fotograwe, jou touwys maak. REISPLAN DAG 1 Die toergroep ontmoet mekaar by die Canyon Roadhouse digby die Visriviercanyon. DAG 2 & 3 Ná ’n vroegoggendbesoek aan die canyon mik ons na Lüderitz. Langs die pad stop ons by die spoorwegdorpie Aus, die wilde perde op die Garubvlaktes en by vele fotogeleenthede tussenin. Die volgende dag verken ons Kolmanskop en Lüderitz. DAG 4 & 5 Vandag ry ons terug na Aus en…

Oor die jare heen het ek en my oorlede man, Cecil, gereeld by Boesman en Yuri Davids se Bushman’s Desert Camp (#81, bl. 93) in die Solitaire-omgewing gekuier. Die foto links is in 2020 geneem. Dit het in 2011 laas goed gereën. Boesman is maar ongelukkig as dit kom by reën. Soms reën dit reg rondom sy plaas, maar by hom val net ’n paar druppels. Teen einde Januarie vanjaar het sy plaas egter lékker reën gekry, en ek het die foto bo in Maart geneem. ’n Mens kan byna nie glo dis dieselfde plek nie. Daar is ’n droë rivierloop sowat 100 m van hulle huis af. Dit het in 18 jaar nooit afgekom nie, maar dié jaar was daar water – vier keer! Deesdae staan dié grasse goudgeel…

1 Walvisbaai en Swakopmund WALVISBAAI Die strandmeer, vleiland en soutwerke is tot ’n Ramsar-bewaringsgebied verklaar – dit word dus wêreldwyd erken as ’n belangrike heenkome vir trekvoëls en plaaslike spesies. Somer is die beste tyd om die gebied te besoek, want dis wanneer die trekvoëls land. Jy kan spesiale spesies hier onder oë kry, soos die bontfraiingpoot, rooihalsfraiingpoot, Terekruiter, bonttobie, Franklinmeeu, swartkopmeeu, en af en toe die Asiatiese goue strandkiewiet en Amerikaanse goue strandkiewiet. Dis ook hier waar die grootste aantal rooibandstrandkiewiete in die wêreld in die somer bymekaarkom om te broei. Die Namibiese kuslyn is ook die tuiste van 90% van die wêreld se broeibevolking van die bedreigde damarasterretjie. Pogings word aangewend om lede van die publiek se bewegings in hulle broeigebiede te beperk. KUISEBRIVIER EN -DELTA Die duinlewerik…

SUID-AFRIKA 10 KM VAN VIOOLSDRIF Orange River Rafting Lodge Die plek het ’n puik ligging langs die rivier. Dis ’n gewilde kol, en dit was tjok-en-blok tydens ons besoek in Desember 2021. Hier was egter bestuursprobleme – die swembad was grasgroen, die restaurant uit voorraad en die gemeenskaplike badkamers het nie altyd water gehad nie. Hulle het ook ’n piepklein kampplek in die hoek van die terrein, langs ’n skrootwerf, aan ons toegewys (#11 en #12) Dié twee en #10 is orraait vir ’n noodgeval, maar nie as jy ’n paar dae wil uitspan nie. Kamp R450 p.n. vir twee mense, R75 per ekstra persoon (braaiplek, wasbak en gemeenskaplike ablusies). Selfsorgeenhede vanaf R1 100 p.n. vir twee mense. Die oord is sedert Januarie onder nuwe bestuur. 027 761 8777; orangeriverraftinglodge.co.za…

1 Vaar tussen dolfyne by Walvisbaai Op ’n oggendvaart (met vonkelwyn) vaar julle verby die vuurtoring en robkolonie by Pelikaanpunt. Jy sien dalk dolfyne, ’n walvis of pelikane wat ’n happie bedel. Laramon Tours ( laramontours.com) se Dolphin Cruise en Catamaran Charters ( namibiancharters.com) se Dolphin & Seal Cruise kos R9 90 p.p. (R550 vir kinders jonger as 12). Mola Mola ( mola-namibia.com) se Marine Dolphin Cruise kos R1 045 p.p. en R650 vir kinders tussen 4-12 jaar oud. 2 Stap na Sossusvlei en Dooievlei Bly by die Sesriem- of Oshana-kampterrein as jy foto’s wil neem. Die kampterreine is in die Namib-Naukluft-nasionale park; dus mag jy ’n uur vroeër soggens inry en ’n uur later saans terugkeer. Die ongeveer 50 km van Sesriem tot by die Sossusvlei-parkeerterrein is geteer. Van…

In Namibië voel dit dikwels asof jy die eerste mens is wat deur ’n landskap reis, verplaas na ’n ander, meer ongerepte era. As dit nog altyd op jou wenslys was om die verafgeleë dele van ons buurland te ontdek, dan is dié Kunenefotografietoer vir jou. Ervare toergidse van Heuningland Toere neem ’n groep van 16 mense op 4x4-roetes tydens ’n kampvakansie waarop jy jou eie voertuig bestuur. En met Weg se Toast Coetzer wat saamgaan as fotografiegids om jou raad en wenke te gee oor hoe om jou fotografievaardighede te verbeter, gaan jy beslis meer as een foto neem wat almal by jou fotografieklub gaan laat “oe” en “aa”. Die toer begin by Spitzkoppe – tuiste van die bekende Rotsboog – en van daar sal die roete meestal deur…

Hoewel hier baie dinge is om jou besig te hou by die nuwe At Kronenhof Lodge, hou die uitsig jou heeldag in vervoering! Teen sonsondergang kan jy eenvoudig nie ophou kyk totdat die son agter die Rooirandberg verdwyn nie. Die storie loop dat toe die nuwe Duitse eienaar destyds die grond laat opmeet het, die landmeter gevra het of die plek al ’n naam het. Hulle kyk toe rond en sien ’n kop wat soos ’n kroon lyk. “Hof”is die Duitse woord vir huis. Wees op die uitkyk vir dié geriffelde kop op regs as julle na die lodge toe ry. At Kronenhof is Does du Preez se geesteskind. “Hy hou van toer en weet wat mense wil hê, veral kampeerders,”vertel Tjaard Venter wat saam met sy vrou, Karin (Does…

G’N TJOPPIES OOR DIE ROOILYN NIE! Die sogenaamde Rooilyn wat oor die breedte van Namibië loop, dateer uit die 1960’s toe die noorde van die land se buffels met bek-en-klouseer besmet was en die siekte ook na ander vee versprei het. Dié veeartsheining is steeds in plek en verhoed dat vleis en ander diereprodukte uit die noorde na die suide en ook plek-plek van wes na oos “gedra” word. Daar’s beheerpunte waar die Rooilyn groot paaie kruis en by só ’n padblokkade sal jy jou Coleman moet oopmaak en soms ook jou motor deur ’n diptrog met ontsmettingsmiddel ry, asook jou skoensole in ’n vlak badjie daarvan doop. Dis wet – moenie met die ouens stry of steaks onder jou noodwiel probeer wegsteek nie.…

Hierdie enorme ghoen staan omtrent uit op die songeblakerde klipvlaktes rondom die Nautedam, net suid van Seeheim. Dis ’n uitgediende damprop en lê langs die D545 naby die damwal. Hierdie aardbol is ’n projek in wording en die gratis handewerk van die kunstenaar Catharina Scheepers. Met die oog om waterbesparing te bevorder het NamWater Keetmanshoop toestemming, verf en materiale verskaf en verskeie plaaslike mense het van tyd tot tyd kom hand bysit met verf en skuurwerk. Indien die aarde se drinkbare oppervlakwater in een druppel bymekaargebring word, sal dié druppel in skaal langs hierdie aardbol slegs die grootte van ’n albaster wees. Catharina hoop om dié belangrike boodskap ook binnekort uit te beeld.…