Innholdsfortegnelse for 8 February 2019 i Vrouekeur

Daar is heelwat dinge, gebeure en menstipes wat my hoegenaamd nie aanstaan nie. Boelies, wat menstipes betref, is bo-aan my lys. Daar is nie ’n verskil tussen die kinder-boelie op die skoolgrond en die volwasse boelie in enige situasie nie. Boelies is oral op enige ouderdom en enige plek. Daar is mense wat meen mens moet gaan kyk wat ’n persoon se boeliegedrag veroorsaak het. Toegegee, daar kan ’n magdom redes daarvoor wees en vir geen oomblik dink ek ’n boelie word ’n boelie gebore nie. Omstandighede, mense en ervarings het ’n groot invloed op ons lewens en as ’n kind in ’n situasie grootword wat boeliegedrag voed, gaan dit ’n invloed hê. Dit gesê, is daar mense wat in dieselfde situasies nie boelies word nie. Daarom kan ek nie…

Milan Murray is op die kassie bekend vir rolle soos Dusty in Isidingo, Frankie in Binnelanders en Nicky in Die Byl, maar teatergangers ken haar beter vir haar rol in Vergenoeg saam met Sandra Prinsloo, as Anna in Florian Zeller se Pa of as die agtermekaar sussie Liz, in Amper, Vrystaat saam met Antoinette Louw en Cintaine Schutte. Amper, Vrystaat is onder meer as die beste debuutproduksie by die Vrystaatkunstefees 2015 bekroon en is ook vir verskeie Fiëstas benoem. Sy was ook in Liewe Kersfeesvader in die rol van die ma. Vir haar solodebuut in Weerkaats het sy kragte met die skrywer en Kannawenner van 2017 Retief Scholtz en die jong, bekroonde regisseur Philip Rademeyer saamgespan. Ek sit in advokaat Nicky Swanepoel se kantoor. Haar toga hang in die hoek.…

SMELT IN DIE MOND LINDOR het ’n verskeidenheid sjokolades om van te kies wat ’n perfekte geskenk vir Valentynsdag is, R19,99–R169,99. LIEFDE IN DIE LUG Dis een van die dae weer Valentynsdag en wie kan nou ’n heerlike stukkie sjokolade weerstaan? Kry vir jou geliefde ’n hartjiesjokoladeop-’ n-stokkie (25 g) teen R15,99 elk. www.crazystore.co.za MATJIE VIR DIE OOND Die silikon-bakmat kan jou beste vriend in die kombuis word. Bak krakerige hoender, pizza, aartappelskyfies en baie meer hierop. Kos word rondom gaar en oortollige vet en olie word afgeskei. Geen kleefwerende sproei, olie of botter word benodig nie, wat dit ’n gesonde opsie van gaarmaak maak. Dit kan tot 220°C hanteer en kan in die skottelgoedwasser gewas word. Dit kos R199. www.yuppiechef.com RUIK LEKKER Hierdie mooi badseep (R29,99) en vloeibare handwasseep…

ROLPRENTE THE FAVOURITE Met Olivia Colman en Emma Stone Regisseur Yorgos Lanthimos GESKIEDKUNDIGE DRAMA Soms weet mens al met die lees van die opsomming dat Vrouekeur-lesers by ’n rolprent gaan aanklank vind, en hierdie geskiedkundige drama klink na ’n ware verhaal wat veral vroue sal betower. Gedurende die 18de eeu het koningin Anne, wat verskeie kinders aan die dood afgestaan het, vir lady Sarah (Rachel Weisz) gevra om die land saam met (of namens?) haar te regeer. Maar wanneer ’n nuwe kamermeisie opdaag, gespeel deur Emma Stone, word lady Sarah al hoe meer deur haar betower. Dit bring ’n nuwe spanning en dinamiek na die paleis wat niemand verwag het nie. Die Britte, wat ’n voorskou van die rolprent gehad het, raak liries oor Olivia Colman wat skynbaar ’n nuwe…

Selfdood is ’n gewigtige en sensitiewe onderwerp, een waarom die meeste mense wye draaie loop. Die meerderheid van ons het al in tye van ’n krisis of groot hartseer gewonder of dit nie beter sal wees om alles net te beëindig nie, maar dis bloot ’n gedagte en môre is dit net ’n vae herinnering. Ons weet ook dat daar mense is wat hierdie uitweg kies en dit deurvoer. ’n Keuse wat deur sommige vertolk word as uiters selfsugtig, want geliefdes en familie rou nie net oor hul verlies nie, maar moet ook probeer verwerk dat die persoon vrywillig sy of haar eie lewe geneem het. Daar is ook diegene wat ’n halfhartige poging aanwend. Hulle wil nie regtig ’n einde aan hul lewe maak nie – dis eintlik net…

Valentynsdag – die dag waarop mens jou geliefde bederf. Om blomme te gee, is al baie lank ’n simbool van toegeneentheid, maar wat van ’n lewende plant wat jou geliefde nog vir maande en jare sal kan geniet? Ons gee ’n paar moontlikhede – van hartvormige blaartjies en heerlike reuke tot natuurlike afrodisiakums. ROSE As jy tradisievas is, is ’n roos in ’n pot ’n natuurlike keuse. Rose en die liefde gaan mos al eeue hand aan hand. Die antieke Romeine het geglo dat rose uit die druppels bloed van Venus, die godin van liefde, ontstaan het toe sy haar geliefde van gevaar probeer red het. Rose in houers of potte is nou by tuinsentrums beskikbaar en daar is ’n groot keuse. Voeg net heelwat organiese materiaal en messtof by…

SEUN SE TATOEËERMERKE Ons het ’n dierbare, goeie seun (20) wat ’n Christen is en alles is waarvoor ouers kan hoop en bid. Hy is ongelukkig verslaaf aan ink op sy lyf. Hy het al 12 tatoes gekry en dit hou net nie op nie. Dis ’n groot verleentheid vir ons as ouers wat baie konserwatief is. Hoe moet ek optree? – Bekommerde ouers Tatoes sal waarskynlik altyd in sekere samelewings en omgewings omstrede wees. My ervaring is dat meer jongmense hierdie gier aangryp as toe ek jonk was, en ek wonder oor die implikasies daarvan op die lang termyn. Dit blyk dat mense geneig is om ná die oorlewing van trauma ’n tatoeëermerk te kry, maar ’n mens moet in ag neem dat die betekenis van ’n tatoeëermerk mettertyd…

Rugbyspelers kry nooit die geleentheid om ’n wedstryd oor te speel nie. Eweneens kry ’n akteur selde die kans om ’n lang pad saam met ’n karakter te stap. Vandag speel jy ’n prokureur, oor ’n paar weke klim jy in die skoene van ’n speurder en ’n maand later gee jy gestalte aan ’n sielkundige. Dis ’n groot bonus vir ’n akteur as sy of hy die tyd gegun word om met oorgawe onder ’n karakter se vel in te klim en wanneer dit ’n uitdagende rol is waarin jy behoorlik jou tande kan slaan, is die bevrediging soveel groter. Vir Cintaine Schutte is Masha daardie rol, die een wat sy vir altyd saam met haar sal dra. Masha is ’n karakter in die Tsjechof-drama Die seemeeu. Die stuk…

Jy maak tien keer seker dat die stoof afgeskakel is voor jy met vakansie gaan. As jy uiteindelik wegkom, ry jy maar weer terug huis toe – net om doodseker te maak dis regtig af. Of jy verbeel jou jy het iemand raakgery, maar dit nie agtergekom nie. Dan tob jy ure lank daaroor en gaan soek selfs na die “beseerde”. Gelukkig het niemand weens jou bestuurstyl omgekom nie. Jy is verlig en ry huis toe. Daar aangekom, teister die gedagtes jou weer. Sê nou maar net jy het hierdie keer regtig iemand omgery? So vertel ’n 25-jarige man dat hy eenkeer baie vroeg by die werk was, maar omdat hy obsessief daaroor is om te kyk of sy motor se deure en vensters gesluit is, was hy uiteindelik laat…

L-CMD (Lamin A/C verwys na die spesifieke proteïen of LMNA-CMD) is ’n spierdegeneratiewe siekte wat as gevolg van ’n spontane genetiese mutasie die selle keer om proteïen te vervaardig. Dit affekteer glad nie die kognitiewe of spraakontwikkeling van die kind nie, maar wel sy/haar hart en longe, dus het kinders met LCMD ’n baie korter lewensverwagting as ander. Volgens statistieke is kinders wat met LCMD gediagnoseer word se lewensverwagting ongeveer 18 jaar. In die meeste gevalle ontwikkel daar ook ’n verskeidenheid pynlike kontrakture (verkorting van die spiere) by sulke kinders. Daar is geen behandeling of kuur daarvoor nie. Lian kan tans nog op sy eie regop sit, maar as hy eers gelê het, kan hy nie weer regop kom nie. Hy kan glad nie kruip of loop nie en het…

ONTBYTWAFEL 4 porsies 200 g (1 pakkie) spek, in stukkies gesny500 ml (2 k) koekmeel20 ml (4 t) bakpoeier2,5 ml (½ t) sout5 ml (1 t) suiker2 eiers125 ml (½ k) olie500 ml (2 k) melk30 ml (2 e) basieliekruidpesto VULSEL 1 ui, gekap5 ml (1t) fyn knoffel420 g (1 blik) bone in tamatiesous200 g (1 pakkie) tamatierankies4–8 eiers 1 Braai spek tot gaar.2 Sif meel, bakpoeier, sout en suiker saam.3 Klits eiers, olie en melk saam. Roer vloeistof by droë bestanddele en klits tot klonte weg is. Roer gaar spek en pesto by.4 Verhit wafelpan en skep groot opskeplepel vol in pan. Bak tot gaar.5 Vulsel Braai ui en knoffel tot sag, gooi bone by en laat kook tot deurwarm.6 Braai tamaties in pan met bietjie botter tot goudbruin.7…

Toe Gerhard Richter se Abstrakte beeld in 2015 vir iets soos 30,4 miljoen pond op ’n veiling in Londen verkoop is, was dié skildery die kunswerk waarvoor die meeste nog op ’n veiling opgedok is. Bygesê, deur ’n kunstenaar wat nog in die lewe is. Hoewel die skildery volledig abstrak is, soos die titel aandui, speel dié Duitse kunstenaar tussen abstraksie en realisme. In plaas daarvan om hom in een van die groot kunsbewegings van die 20ste eeu te wil plaas, vergestalt sy werk eerder ’n persoonlike verwerking van abstrakte ekspressionisme, popkuns, minimalisme en konseptuele kuns. Bowenal is dit die beeld, die gedaante, wat sy verbeelding deurentyd bly aangryp en derhalwe speel fotografie ’n belangrike rol in sy werk. Hy maak ruim gebruik van foto’s in koerante en sy gesin…

Hendrik Cronjé se debuutrolprent, Liewe Lisa, fokus op geheime drome, ’n strewe na opwinding en die invloed van verkeerde keuses. En wanneer die waarheid ontbloot word, neem die storie ’n onverwagse koers, en almal se lewe verander. Hendrik, wat die draaiboek geskryf en die regie en die redigering behartig het, vertolk ook die manlike hoofrol. “Daniel is baie meer inskiklik as ek. Hy swig maklik onder druk. Druk van die samelewing, druk van verhoudings en net algehele druk van die lewe. Ek was ’n paar jaar terug soos Daniel. Deesdae is ek baie minder inskiklik. Anders as Daniel, wat aanvanklik rigtingloos is, weet ek presies wat ek wil doen: Ek wil flieks maak.” Hendrik sê voor hy en sy broer, Johan, mede-eienaar van hul produksiemaatskappy Kompanjie-Stories, aan dié rolprent begin…

Deur XWord Vir alle navrae navrae@xword.co.za of 082 346 3431 Besoek www.xword.co.za Voltooi die blokraai en gebruik die omkringde letters om die versteekte woord of naam te ontsyfer. Leidraad: ’n Persoon wat iemand se karakter volgens sy uiterlike voorkoms oordeel SMS jou antwoord, voorletters, van en dorp/stad voor of op 27 Februarie 2019 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie. WEN R1 000!…

www.nb.co.za Katelyn Williams se boek Chocolate het smelt-in-die-mondresepte wat elke sjokoladeliefhebber sal laat smul. Maak resepte van donker-, melk- en witsjokolade. 3 lesers kan die boek wen. SMS CHOCOLATE gevolg deur jou naam, van en adres voor 13 Februarie 2019 na 48410. SMS’e kos R1,50 en is net vir mense in SA. Geld word vir foutiewe sleutelwoorde gehef en gratis SMS’e geld nie. Bepalings en voorwaardes: Deur vir hierdie kompetisie in te skryf, gee jy Caxton-tydskrifte die reg om ander Caxton-tydskrifaanbiedinge aan jou te bied.…

“As mens eers begin skryf en dit blyk moontlik en dalk voorspoedig te wees, is dit soos ’n virus. Jy ly aan skryflus,” sê dr Malene Breytenbach. Sy beskryf haarself as ’n verhaalverteller en voel dat haar skryfwerk haar definieer. “Ek hoop net altyd dat ek vir ander mense plesier en afleiding kan verskaf soos wat ander skrywers vir my verskaf.” Malene meen dat ’n skrywer se verbeelding en vermoë momentum kry. “Stories perkoleer in die brein en skryf word wat jy doen. Sommige stories ‘werk’, sommige nie, maar mens skryf dit in elk geval.” Behalwe vir haar skryfwerk, is sy ’n passievolle leser en navorser. “Ek lees van kleins af baie en as mens stories soveel geniet, kan dit jou nogal inspireer om self te probeer skryf. Hoeveel wêrelde…

Karlien sê mens kan al gedurende voorskoolse jare agterkom of kinders buitengewoon angstig is of so erg oor die regte besluite twyfel dat dit hul funksionering beïnvloed. Dis dan dat mens na onderliggende angs moet kyk. Onderliggende angs moet ook ondersoek word as ’n kind byvoorbeeld herhaaldelik hande was of emosioneel buite beheer voel. “As mens sien dat ’n kind patologies twyfel, sal ek voorstel dat die kind en ’n ouer by ’n terapeutiese proses betrek word om te bepaal wat die funksie van die angs en die sneller-elemente daarvan is. Ouerleiding kan sinvol aangewend word om ’n kind te ondersteun.” Janet het gevind dat OKS dikwels in die kinderdae begin. “Ouers moet daarvan bewus wees dat dit behoorlik gediagnoseer moet word sodat die regte terapie toegepas kan word voordat…

Neem jou haardikte in ag as jy op ’n haarstyl besluit KAFEÏEN VERMINDER HAARVERLIES Die glamghoeroe Hannon se haarwenke ▶ As jy ’n ronde gesig skraler wil laat lyk, moenie jou hare korter as skouerlengte dra nie.▶ Effens langer hare laat vroue bo 50 jeugdiger lyk.▶ Sagte hare kan nooit as te nimmer vanself volume hê nie. Jy sal altyd volume-stileermiddels móét gebruik presies soos jou haarkapper.▶ As jy jou hare kleur en jy wil dit glansend en golwend hou, moet jy een keer per week ’n vogbehandeling in plaas van jou gewone opknapper gebruik. Gebruik ioon-haardroërs wat help om watermolekules vinniger op te breek om die hare te beskerm HAARWENKE Lang hare wat fyn is, is moeilik hanteerbaar. Kort haarstyle gee aan fyn hare volume en lang en krulhare…

FEBRUARIE-BOEK In die maand van liefde kan jy twee Romanzas met die komplimente van Lapa Uitgewers wen. In sy arms deur Felicia Snyman gaan oor Delia. Sy kan nie glo haar onwillige Samaritaan is Adriaan Bromberg, haar niggie se skripsieleier nie. Ongeag hoe baie hy aan haar hart raak, dra hy swaar aan sy grootwordjare. In Ilze Beukes se Toe vind ek jou is Olivia vasbeslote om haar biologiese pa te ontmoet, maar haar nuwe bestuurder, Jean-Luc, is hinderlik aantreklik en trek haar aandag af. Besoek www.lapa.co.za en toonaangewende boekwinkels RONELL PRETORIUS IS VANDEESWEEK ONS WENNER: Die volgende werk soos ’n droom vir baba se brandboudjies: Klits een eierwit tot skuim en smeer aan boudjies. Gee dit kans om droog te word voor jy weer die doek aansit. KEER DAT…

#bakliefde Mareli KARAMELPOFFERTJIES 30 poffertjies 60 ml (¼ k) melk105 ml (100 g) botter180 ml (¾ k) water30 ml (2 e) strooisuiker250 ml (135 g) koekmeel1,25 ml (¼ t) sout3 groot eiers1 eiergele VULSEL 120 ml (100 g) suiker90 ml (6 e) mielieblom (Maizena)30 ml (2 e) koekmeel2,5 ml (½ t) sout6 eiergele750 ml (3 k) melk60 ml (4 e) botter5 ml (1 t) vanieljgeursel KARAMEL 250 ml (212 g) suiker125 ml (½ k) water Voorverhit oond tot 250 °C en voer bakplaat met bakpapier uit. 1 Verhit melk, botter, water en strooisuiker tot kookpunt.2 Gooi meel en sout by en roer vir drie minute tot deegbal vorm. Verwyder van hitte.3 Skep warm beslag in menger en klop eiers een vir een met k-haak by. Voeg eiergeel by. Hou aan…

Daar is iets omtrent countrymusiek: Jy erken jy luister daarna of jy ontken dit en luister skelm … Hier is twee albums wat country trots uitbasuin. MERKWAARDIGE MANIE Verskeie musiekverwerkers en -regisseurs het hieraan gewerk. Gevolglik verseker Werner Beukes, Sean Butler, Murray Lubbe en Dennis East dat die 15 snitte hierop aan die genres waarin hulle geskryf is gekenmerk word. Hoewel die oorkoepelende aanslag op Op ’n hoë noot (Select/Sony) countrygerig is, wys Manie ook sy slag met middelmootballades, gospelgunstelinge en radiovriendelike popmusiek. Die oes aan oorspronklike nuutskeppinge is gaaf, omdat Manie álles wat hy aandurf, knap doen. Die nuutskeppings – Rudi Claase se Donker hart, Werner Beukes & Christiaan van Zyl se Vrou uit ’n miljoen en Rudi Claase se Lief en lewe – komplementeer Manie se stem. Almal…

Dit is byna onmoontlik om aan Pieter-Dirk Uys te dink sonder om ook dadelik aan Evita Bezuidenhout te dink. Sy is sekerlik Uys se bekendste alter ego en beslis ook die invloedrykste, soos die Los Angeles Times in 2004 oor haar geskryf het: “Uys dons false eyelashes and presidents listen.” Evita Bezuidenhout is natuurlik nie Uys se enigste alter ego op die verhoog nie. Wie sal sy weergawes van PW Botha en minister Piet Koornhof kan vergeet? Oor die jare heen het hy so baie rolle gespeel en vir almal van hulle het hy boonop, soos alle akteurs en skrywers, uit sy eie ervaring geput, sodat dit byna onmoontlik geword het om by die “regte” Pieter-Dirk Uys uit te kom. Hierdie jongste publikasie uit die pen van die 72-jarige Uys…

“Polisie. Hulle dink hulle het haar gekry.” Hy sê dit sonder emosie terwyl hy tydsaam die selfoon in sy binnesak bêre. Toe draai hy om en kyk by die venster uit. Donkermaan en nagstil. Hy sug. Met ’n klikgeluid skakel die lugreëlaar af. Die stilte hang so swaar tussen hulle dat sy nie kan vra nie – dis net ’n fluistering in haar kop: Leef sy? Vader, wat het ons tot hier gebring? Waar het alles begin? Stella is van babatyd af eiesinnig. As sy sou besluit om nie te eet nie, word die pap uitgespoeg of die bottel op die vloer gegooi. Slaaptyd is elke aand met ’n skreeusessie van minstens vyftien minute ingelui. Soos in skreeu, nie huil nie. Haar kop is haar kop. Toe sy begin skoolgaan,…

MOEILIKHEIDSGRAAD: WAT HET JY NODIG? E lke sakkie gebruik sowat 60–75 g Chunky-breidraad, afhangende hoe groot jy dit wil maak 5 mm-breinaalde 5 mm-hekelnaald GROOTTE Sowat 20 cm lank en 24 cm breed AANWYSINGS Maak soveel sakkies as wat jy benodig. Vir ’n sakkie Stel 30 ste op en werk sowat 80 rye in reksteek. Heg af. Vir die band Maak 150 ks, draai en maak 1 kb in elke ks tot einde. OM TE VOLTOOI Met regte kante opmekaar, vou breiwerk dubbeld en werk sykante toe. Keer terug na regte kant en ryg die koord sowat vier rye van bo af in. WENKE ▶ Dis ideaal as jy plantjies wil opkikker wat jy in eenvoudige swart plantpotjies koop. Jy hoef dit nie in duur potjies oor te plant nie,…

Deur XWord Vir alle navrae navrae@xword.co.za of 082 346 3431 Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: Lewens-onderhoud uit barmhartigheid, sonder dat die ontvanger daar reg op het of daarvoor gewerk het SMS jou antwoord, voorletters, van en dorp/stad voor of op 27 Februarie 2019 na 48410. SMS’e kos R1,50 en is net vir mense in SA. Geld sal vir foutiewe antwoorde gehef word en gratis SMS’e geld nie.…

Ds Janine Bevolo-Manders is verbonde aan die Nederduitsch Hervormde Kerk Witfontein in Pretoria-Noord en is al 20+ jaar ’n predikant Ek het die wonderlike voorreg gehad om vir drie weke op ’n studietoer in die VSA te wees. Dit was voorwaar ’n lewensveranderende ervaring – vir my as mens en ook vir my bediening. Benewens al die fantastiese besienswaardighede – van die Grand Canyon tot by Las Vegas, Dallas, Princeton, New York, Washington en anderkant uit – het ons by talle gemeentes besoek afgelê om by hulle oor kerkwees te leer en wat dit van die kerk in ons huidige konteks vra om as gestuurdes van die Here in die wêreld te leef en as kerk relevant te bly. Iets wat uitgestaan het, was hul gasvryheid. Die eerste gemeente waar…

WOORDSPEL 5 Deur XWord.co.za Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 7 woorde, goed 9 woorde, baie goed 12 woorde of meer, uitstekend OPLOSSING: Takbokooi, boikot, bokooi, ooibok, takbok, batik, boot, kooi, kook, koot, ooit, tooi Koderaai Elke syfer verteenwoordig ’n letter van die alfabet. Om mee weg te spring, is 3 (drie) letters klaar ingevul. Kyk nou of jy kan uitwerk…