Innholdsfortegnelse for 27 July 2018 i Vrouekeur

Ons almal ken minstens een van hulle. Klakouse. Mense met ’n slagoffermentaliteit. Ek weet nie of dit regtig Albert Einstein was wat dit gesê het nie, maar wie dit ook al was, het wyse woorde kwytgeraak: “Bly weg van negatiewe mense. Hulle het ’n probleem vir elke oplossing.” ’n Jaar of twee gelede, ek kan nie regtig onthou wanneer dit was nie, het ek op OR Tambo gesit en wag dat die hek vir my vlug Kaap toe oopmaak. Reg voor my het ’n funky vrou in ’n rolstoel gesit, ook soos ek wagtend dat die hek oopmaak. Ek kon haar nie miskyk nie. Sy’t reg voor my gesit. Ek kon nie my vinger daarop lê nie, maar haar styl, houding en energie het my gefassineer. Dalk was dit ook…

WATTER VROUE BEWONDER JY EN WATTER VROU HET DIE GROOTSTE INDRUK OP JOU LEWE GEMAAK? Tracey: My ma. Sy is ’n Somerset-Wester en het nie die maklikste lewe gehad nie, maar sy maak daagliks ’n verskil in ander se lewens. Sy het gekies om die siklus te breek, en dit verg moed. Zelda: Ek bewonder my ma, Yvonne, wat op Mosselbaai woon. Sy het ’n grondpadlewe gehad, maar is vandag die mooiste mens, wat geen bitterheid teenoor enigiemand het nie. Sy is my idol. Maar die vrou wat my lewe die meeste verander het, is Graça Machel. Sy het my geleer om responsibly confident te wees. Sy het my my innerlike krag laat ontdek en verseker dat ek goed genoeg is. WAT KRY JOU ONDER? Tracey: Onregverdigheid. Ek is uiters…

Sy verhaal is amper te ongelooflik om waar te wees – eerder iets wat jy in ’n Hollywood-fliek kan verwag. Kobus du Toit beskryf sy omwenteling van ’n doelwitgedrewe materialis na ’n ontspanne filosoof in sy nuwe boek, Waking up – Cracking the Crisis Code, from Trauma to Triumph. Ten tyde van die gebeure wat sy lewe verander het, het hy in Johannesburg gewoon, was die uitvoerende hoof van ’n volfiliaal-maatskappy binne ’n korporatiewe bankgroep, 45 jaar oud, 23 jaar getroud met Helmien en pa van vier kinders, en die gesin se enigste broodwinner. Erge lae rugpyn het ’n spinalefusie-operasie genoodsaak. Wat ’n redelike standaard-operasie moes wees, word toe ’n nagmerrie. Die neurochirurg het na bewering te lang skroewe gebruik en op die verkeerde plek geopereer en sy rugmurg beskadig.…

“Tuisteskeppers kan ’n inkomste genereer uit bronne waar hul talent lê,” sê Connie Bruwer, ’n geoktrooieerde rekenmeester van Bloemfontein. Connie gee raad: • Moenie onnodige geld verkwis as jy die onderneming begin nie. • Jy moet ’n gestruktureerde sakeplan hê. • Besef dat jy van die huis af gaan werk. Werk vasgestelde ure en trek netjies aan. • ’n Vasgestelde werksplek net vir werk, is van groot belang. • Jy moet ’n sekere inkomste per maand genereer anders gaan dit dom wees om van die huis af te werk. • Dissipline en kontantvloei is belangrik. Begin klein, moenie geld leen om ’n klomp bates te gaan aankoop waarsonder jy kan klaarkom nie. Moenie ’n duur voertuig aanskaf net omdat jy ’n onderneming begin het nie. Besoek www.zpr.co.za…

Kinders het elke dag kontak met verskeie vorme van die media, soos TV en die internet. Dit het ’n impak op hoe hulle dink en die wêreld ervaar, want hulle kry met ’n wye verskeidenheid van waardes te doen. Dit is belangrik om kinders mediageletterdheid te leer. Ouers kan hul kinders mediageletterd maak deur hulle te leer om ... ... krities te dink en inligting te evalueer. ... geloofwaardigheid van ongeloofwaardigheid te onderskei. ... verskillende morele standpunte te erken en te evalueer. ... verantwoordelik om te gaan met dit wat hulle sê en doen. ... die kulturele en morele impak van die media te herken en te identifiseer. ... die doel van skrywers en joernaliste te herken en te identifiseer. Bronne: www.commonsensemedia.org , www.psychologytoday.com Kontak:…

ERKEN JOU VREES Of jou vrees eg is en of dit in jou verbeelding bestaan, voor jy dit kan probeer oorkom, moet jy eers erken dat dit bestaan. Ons het almal vrese, dis menslik. Maar om ons vrese te ontken of te ignoreer, sal dit nie laat verdwyn nie. ONTLEED JOU VREES Waar kom jou vrees vandaan? Is dit konkreet of bestaan dit slegs in jou verbeelding? Dink dit logies deur: Wat is die ergste wat met jou kan gebeur as jy aan die ding wat jy vrees, blootgestel word? Sodra jy die antwoord het, vra jouself af of jy dit sal kan hanteer of kan oorkom. As jy mooi daaroor nadink, kan jy dalk vind dat jou vrees nie werklik so vreesaanjaend is as wat jy jou aanvanklik verbeel…

INKVLEK OP KLERE ’n Paar mense het al vir my gesê dat handontsmetmiddel (hand sanitizer) werk om die vlekke uit te haal. Probeer dit! WAS DIE VENSTERS Was die buitekant van links na regs en die binnekant van bo na onder sodat jy presies kan sien waar die merke lê. HET JY GEWEET? ’n Bietjie gerasperde lemoenskil gee ’n heerlike smaak aan ’n aartappelslaai. WENK VIR WINTERSHANDE Meng 2 x 500 g akwaroom, 50 ml gliserien, 1 klein potjie wit petroleumjellie en 100 g babapoeier in ’n potjie. Gebruik soos nodig. Bron: VLU Malieveld MY MOND BRAND! As kerrie jou mond laat brand, eet ’n stukkie brood of seldery. Melk help ook. KOMBUISBORSELS Sit elke nou en dan kombuisborsels in die skottelgoedwasser om dit goed skoon te kry. REISWENK Bind…

SEGMENTEER ’N SITRUSVRUG 1 Sny die kop en ent van die vrug af. Maak seker jy kan die binnegoed van die vrug sien. 2 Draai die vrug sodat dit op sy plat kant staan. Sny die skil af deur van bo na onder te sny. 3 Gebruik ’n klein skerp messie. Hou die vrug in jou hand oor ’n bakkie en sny tussen elke skyfie die segmente los. 4 Hou so aan tot die hele vrug se segmente uit is. Die velletjies tussen segmente moet soos ’n boek se blaaie lyk. 5 Druk die vrug uit om die laaste van die sappe op te vang. APPEL-POMELO-EN-VINKEL-SLAAI 4 porsies 2 pomelo’s 4 groen appels 2 vinkelbolle 200 g (1 pak) jong spinasie 100 g pekanneute, grofgekap 100g (1 pakkie) sagte bokmelkkaas…

Istanboel het my verlede jaar in slegs twee dae so aangegryp dat ek vanjaar terug is vir nóg nege dae se sinlike ervarings. Terugskouend het ek nooit ’n kans teen die stad se bekoring gehad nie. Dit is as ’t ware in die sterre geskryf dat ek hier sou beland; jare gelede het ’n geliefde ’n hegte band met dié plek gehad. Ek vermoed die ongewone naam, “Istanboel”, het tóé reeds in ’n hoekie van my onderbewuste nesgeskop. Verlede jaar vlieg ek in die Europese lente met Turkish Airlines na die Griekse eiland Lesbos waar ek ’n skryfskool bywoon. Vir die terugvlug besluit ek op die ingewing van die oomblik om twee dae in Istanboel oor te staan, en beklink só niksvermoedend my lot. Ek keer gefassineerd en met ’n…

Coricraft www.coricraft.co.za  Mr Price Home www.mrphome.com Poetry www.poetrystores.co.za Weylandts www.weylandts.co.za Volpes www.volpes.co.za Woolworths www.woolworths.co.za…

ROLPRENTE MISSION IMPOSSIBLE – FALLOUT Met Tom Cruise en Rebecca Ferguson Regisseur Christopher McQuarrie AKSIE-AVONTUUR Wat maak hierdie Tom Cruise-fliek anders as die ander tandepastagrinniken selfliefdeflieks waarin hy sy hemp twee keer uittrek en liggiesverwaand na die kamera kyk met ’n “sjoe, ek’sdarem-aantreklik”-uitdrukking, en hy die meeste van sy waaghalstoertjies self uitvoer? Hy het dit dié slag, na bewering, so ver gevoer dat hy sy voet gebreek het. ’n Mens gaan hierna kyk om sy vermetele waagmoed tweedehands te ervaar en om jou te vergaap aan die jongste onmoontlike situasies waarin hy voorkom. Daar is glo meer ontploffende aksie in een sekwensie as in baie ander rolprente se aksietonele saamgevoeg. Is jy lus vir al die buitensporige drama? Nie? Wel, dalk is Cruise se glimlag die troosprys. Dit gaan dié…

Dis gewoonlik slegte nuus wat ’n luiende telefoon ná middernag bring. Willa is dood, kom Belinda se temerige stem. Hartaanval – net ná aandete gisteraand en jammer, dit het so dol gegaan dat sy nou eers onthou om die ondervoorsitster van Tweeberg se Doeners en Daders met die nuus te bel. Ondervoorsitster. O, hoe haat sy nie haar titel nie! “Always the bridesmaid, never the bride.” Florina kon net nooit gewoond raak aan die feit dat sy agt jaar tweede viool moes speel vir die perfekte raakvatter van die dorp, Willa Merwede nie. Hul wedywering het begin toe Florina en Maans van die stad af na Tweeberg toe getrek het om ’n klein prokureursfirma hier te vestig. Maans wou afskaal, rustig word, gholf speel en sonder spanning sy glasie rooiwyn…

TEENKANTING OM OORSEE TE GAAN WERK Ek het ’n wonderlilke geleentheid gekry om oorsee te gaan werk, maar my man weier om saam te gaan. Hy haat die koue. Ek het egter geen ander keuse nie, omdat daar geen voorsiening vir ons oudag gemaak is nie en ons albei groot verliese gely het met ondernemings wat bankrot gespeel het. Nou is ek die heks in die familie wat my man van 35 jaar agterlaat en glo geld najaag. Daar is mos deesdae baie pendelhuwelike, nie waar nie? My gesonde oordeel sê ek moet gaan, maar die skoonfamilie gee my hel. Hoe hanteer ek dit? – Verward Hoewel ek die realiteit van jou situasie verstaan, dink ek wel dat jy meer hieroor moet nadink voordat jy die skuif maak. ’n Langafstandverhouding,…

DIE VRIEND Ek gryp met mening die twee wiele van my rolstoel vas toe die tannie met haar kruidenierswaretrollie voor my inloop. “Jammer, ek het jou nie gesien nie. Hierdie ou oë en ore van my is nie meer so goed nie.” Ek antwoord met ’n glimlag: “Alles reg, Tannie.” Vroeër sou ek nie so positief opgetree het nie, totdat ek vir Hanco ontmoet het. My gedagtes gaan terug na ’n jaar gelede. “Jammer, jy sal nooit weer kan loop nie,” het die dokter ná my motorongeluk gesê. Ek was kwaad vir almal. Hoekom gebeur dit – ek is nou eers 26 jaar oud en sportief? Daarna het die bejammering van mense gevolg. Toe sien ek eendag vir Hanco in die park waar hy in sy rolstoel sit en vir…

Die idee vir ’n boek oor die “Afrikaners in Argentinië” het al posgevat waarskynlik nog voor Maya Fowler eers geweet het sy gaan ’n skrywer word. “My ouers het ’n familievriendin gehad wat daar gebore is,” vertel sy oor ’n koppie koffie op ’n wintersdag in Johannesburg. “Ons het altyd geweet tannie Annette se familie is Afrikaners wat van daar af kom, en dit was vir my interessant.” Ter agtergrond: Dié sogenaamde “Afrikaners in Argentinië” verwys na die sowat 600 Afrikaners wat tussen 1902 en 1906 uit Suid-Afrika na Argentinië geëmigreer het, en hul nasate. Enkeles woon vandag nog in die Patagonië-streek – en hulle praat steeds ’n verouderde Afrikaans. Hulle het hoofsaaklik geëmigreer omdat dit te swaar was om hul lewe in hul vaderland uit die puin van die…

K om ons erken dit maar, geld lê die meeste mense besonder ná aan die hart. En verloor hulle dit waarvoor hulle bloed gesweet het, is die duiwel behoorlik los, veral as dit pensioengeld is. Ons het ’n paar vrae aan James-Brent Styan gevra, skrywer van die opspraakwekkende boek wat beskryf hoe die Steinhoff-ryk wat oor 50 jaar tot ’n internasionale kolos opgebou is, oornag verkrummel het. HOE HET DIT GEBEUR DAT JY DIE BOEK GESKRYF HET? WAS DIT ’N OPDRAGWERK OF ’N VOORSTEL WAT JY SELF INGEDIEN HET? Ek is deur ’n redakteur by LAPA Uitgewers genader en gevra of ek kans sien om die storie aan te pak en in ’n baie kort tydperk te skryf. Ek vermoed dit is vanweë my agtergrond as sakejoernalis en die vorige…

JA, VIR KOFFIE Navorsers in Duitsland meen as jy daagliks kafeïen gelykstaande aan vier koppies koffie inneem, kan dit jou hart beskerm. Vroeëre navorsing het ook al koffie se lof besing om jou teen diabetes, hartversaking en beroerte te beskerm. Die rede hiervoor is egter nog nie heeltemal duidelik nie. BAD VIR JOU HART Verskeie studies het al op die gesondheidsvoordele van saunas gewys. Dit verlaag die risiko van hipertensie by mans en beroerte onder mans en vroue. Japannese navorsers reken nou vyf warm baddens per week kan ouer mense se kardiovaskulêre gesondheid verbeter. DEPRESSIE PUT JOU UIT Depressie kan ’n uitmergelende moegheid veroorsaak wat van die kleinste takies ’n berg maak en tot 90% van major depressielyers ervaar hierdie moegheid. En hoe moeër die lyer voel, hoe depressiewer raak…

Hierdie maand se wenners kry twee Romanzaboeke met die komplimente van LAPA Uitgewers. Alles begin met ’n soen deur Dina Botha gaan oor twee teenoorgestelde persoonlikhede, Martiné en Stefan. Martiné hou van bont en vrolik terwyl Stefan grys pakke dra, maar dan begin dinge werk ... In René van Zyl se Liefdesafari is Franci von Lelieveld ’n rekenmeester en in haar lewe is daar vir alles ’n tyd en plek. Toe die wildbewaarder Gavin Michaels haar soen, voel sy hoe sy beheer oor haar lewe verloor. Maar hulle gaan op mekaar moet staatmaak, want ’n skynhuwelik is hul voorland. Besoek www.lapa.co.za  vir meer inligting ANNELICIA LAMPRECHT VAN VIRGINIA IS VANDEESWEEK ONS WENNER: • Verwyder reuke só uit plastiek- en glasbottels: Gooi rou rys saam met water daarin…

SPINASIE-EN-FETA-MUFFINS 18 medium muffins 1 pak (200 g) spinasie 4 wiele (200 g) fetakaas 500 ml (260 g) koekmeel 10 ml (2 t) bakpoeier 5 ml (1 t) sout 2 groot eiers 80 ml ( 1/3 k) olie 250 ml (1 k) melk Voorverhit oond tot 180 °C en berei kolwyntjiepan voor deur dit met kolwyntjiepapiertjies te voer. 1 Kerf spinasie fyn en sny fetakaas in klein blokkies. 2 Meng koekmeel, bakpoeier en sout. 3 Klits eiers, olie en melk. 4 Gooi meelmengsel by spinasie en meng eiermengsel daarby. Meng goed. Gooi fetakaas by en vou in. 5 Skep beslag in kolwyntjiepapiertjies en bak vir 25 minute tot gaar. 6 Verwyder uit oond en laat effe afkoel. 7 Bedien warm of koud met botter en kaas.…

In April 2015 het Isis-ekstremiste ’n video die wêreld ingestuur van die vernietiging van beelde in die antieke Assiriese stad Ninevé, suid van Mosul in die hedendaagse Irak. In een van die gevalle is ’n gevlerkte bul (bekend as ’n lamassu) by die ingang na die historiese stad met ’n lugdrukboor vernietig. Weerskante van die Nergal-poort het dié beelde, 2 700 jaar gelede gekap uit ’n enkele stuk kalksteen, waggehou. Natuurlik was dié beelde van sowat 4,5 m hoog met tamaai vlerke intimiderend. Die besoeker aan die stad moes immers onder die indruk van die grootsheid van die stad en sy heerser kom. Maar tegelyk was dié gevlerkte bulle ook vriendelik – met iets van ’n glimlag op die mensgesig. Van voor af lyk dit of die bul staan terwyl…

Dis nie aldag wat mens die kans kry om in Johannesburg met ’n internasionale topverkoperskrywer te praat nie. Wêreldwyd is altesaam meer as vyf miljoen eksemplare van die Brit Kate Mosse se romans in 38 tale verkoop. Mosse is veral bekend vir Labyrinth (2005), die eerste roman in ’n trilogie van historiese avontuurverhale, gevolg deur Sepulchre (2007) en Citadel (2012) – saam bekend as die Languedoc-reeks. Labyrinth is ook in ’n TV-reeks verwerk. Ná die Languedoc-trilogie het The Taxidermist’s Daughter (2013) gevolg, en dié gotiese roman was eweneens ’n treffer. Mosse het Suid-Afrika besoek om haar nuwe reeks boeke bekend te stel – waarvan die eerste, The Burning Chambers, pas verskyn het. Daar is egter nog ’n goeie rede waarom sy na Suid-Afrika gereis het – ’n deel van die…

My vriendin wat nie tuinmaak nie en selde regtig raaksien wat buite aan die groei is, het verby ’n kustuin met ’n plaat vol skokpienk konings-Pelargoniums vol in die blom gery, en opgemerk dat hulle vir haar, “die simbool van ’n goeie lewe is” – woorde wat ’n mens bybly as jy aan ’n malva dink. ’n Passievolle tuinier wat blomplante vir haar vensterbokse wou gaan koop het, het weer gekla omdat sy meer as R50 vir ’n Pelargonium-hibried, oortrek met blomme, moes betaal. Of dit nou ’n plaas se prys is vir die malse tawwe tienies van nederige inheemse afkoms en wat toeka die hoofrol gespeel het in jêmblikke op almal se oumas se agterstoepe, kan ’n mens nie oordeel nie. Wat wel waar is, is dat moderne variëteite…

MOEILIKHEIDSGRAAD: * WAT HET JY NODIG? Elle Rhapsody (200 g) in Tourmaline 2(2; 3; 3; 3; 4) balle vir trui 1 bal vir mus 5, 5 mm- en 6,5 mm-naalde Steekhouers GROOTTE Pas K(M; G; XG; XXG; XXXG) of ongeveer 81–86(91,5–96,5; 101,5–106,5; 111,5–117; 122–127; 132–137) cm AFKORTINGS aw – aweregs aw2tes – aweregs 2 steke tesame r – regs r2tes – regs 2 steke tesame WENKE Brei die mus se rifgedeelte die helfte korter as jy dit nie wil laat omslaan nie. AANWYSINGS VOORPANT Met 5,5 mm-naalde stel 72(76; 82; 88; 96; 104) ste op en werk in 2x2-rif vir 12 rye. Vlg ry: met 6,5 mm-naalde vmin 6 ste eweredig oor ry. 66(70; 76; 82; 90; 98) ste. Gaan voort in ks tot werk sowat 48(50; 52; 54; 56;…

Dié nuwe weeklikse geselsprogram is vernuwend, vreesloos en weerspieël ’n vroueoogpunt, maar is beslis nie eksklusief vir vroue nie. Tracey Lange is medevervaardiger én hoofaanbieder. Saam met Tracey en Zelda la Grange is die aanbieders Kay Karriem, Ingrid Jones en Success Lekabe – bekendes in mediakringe. Tracey sê sy is baie opgewonde oor die moontlikhede van die program, want sterk vroue se menings is belangrik en elkeen bring ’n totale nuwe dimensie en uitkyk na die gesprek. Maar sy lag en sê alles lyk natuurlik goed op papier, maar as jy teenoor mekaar sit en elkeen haar bydrae lewer, kan die hele gesprek verander en ’n onverwagte draai maak. Die program word Maandae opgeneem en Donderdae uitgesaai. Ek sit in die ateljee en luister hoe Hannes van Wyk, die program-regisseur,…

Dis Sondagaand in Augustus 2004. Die Neethling-gesin sit ingeryg voor die TV, ma Sanmarie, pa Ryk, Elsje en Anjelina, die huishulp. Hulle hou mekaar se hande vas, want binne ’n paar minute swem boeta Ryk in die eindrondte van die 4 x 100 m-aflos in die Olimpiese Spele. Hul senuwees is gedaan. “Ek het kort-kort opgespring en met my pekinees-hondjie, Furby, onder die arm, heen en weer geloop. En toe skielik hoor ek my pa soos ’n leeu brul, my ma het half inmekaargesak van die skok … Die telefoon het begin lui en dit het nog nie opgehou nie.” Ek kuier by die 36-jarige Elsje in haar meenthuis ’n klipgooi van die see af op Hermanus. Ons gesels oor die aand toe die Neethlings se lewe vir altyd verander…

As musikant, dosent met ’n doktersgraad in grafiekteorie, deesdae ook boer, en soos hy homself noem, generalis, glo dr Gerhard Benade aan eenvoud. Op soek na die ideale omgewing – afsondering en ongerepte natuurskoon – om sy droom van ’n musiek- en kunsseminaar-sentrum te verwesenlik, het hy in 2004, ná tien jaar as vryskutfagottis in Duitsland, die plaas Deelfontein in die Vredefort-koepel gekoop. “Stilte, sonder aandagafleiding is in ons samelewing baie skaars en dit word al hoe duideliker dat presies dit vir doeltreffende leerervarings onmisbaar is,” sê Gerhard. As klein pikkie van om en by drie het Gerhard en sy gesin van ’n plaas naby Bray op die grens van Botswana na Pietermaritzburg getrek. “Met sy ingenieursdiploma was my pa onderwyser aan ’n tegniese kollege. Hy was ook musikant en…

Marilise sê: Deesdae word daar klem op aanpasbare ouerskapsvaardighede gelê. Ouers moet oop wees om nuwe morele waardes te bespreek, en terselfdertyd ook hulp aanbied om hul kinders te leer om te redeneer, probleme op te los en te dink wat dit sal beteken om sekere besluite te neem. Een van die grootste take as ouer is om ons kinders te leer redeneer en te dink. Dit word gedoen deur hardop te praat oor jou as ouer se besluite, keuses, gevolge en emosies, met die bedoeling dat kinders ook deur hierdie proses die vaardighede aanleer. Aanvaarding is ook belangrik. Ouers moet ook besef dat hulle wel deur sulke gesprekke aan te knoop, oop moet wees vir die moontlikheid dat hul kind dalk anders oor ’n saak sal voel. Dis belangrik…

Volgens Wikipedia is ’n fobie ’n oorheersende sinlose vrees wat met ’n bepaalde situasie of voorwerp verband hou wat normaalweg nie vreeswekkend behoort te wees nie. ’n Fobie lei gewoonlik tot ’n skielike aanvang van vrees en die geaffekteerde persoon sal die situasie of voorwerp ten alle koste probeer vermy. As dit onvermydelik is, sal die persoon erge nood of benoudheid ervaar. ’n Paar algemene fobies is: AKROFOBIE – ’n vrees vir hoogtes KLOUSTROFOBIE – ’n vrees vir geslote ruimtes AGORAFOBIE – ’n vrees vir oop ruimtes HIDROFOBIE – ’n vrees vir water PIROFOBIE – ’n vrees vir vuur TRISKAIDEKAFOBIE – ’n vrees vir die getal 13 ARAGNOFOBIE – ’n vrees vir spinnekoppe…

Ek het skaars my advertensie in die Argus gehad of ’n donker stem bel, met ’n aksent so swaar jy sou daarmee ’n bres in die Ystergordyn kon slaan. Sy naam was Jan Bitenco. ’n Naam wat by die aksent pas, en by die land van sy herkoms: Roemenië. Gehul in geheimenis, in dekades van kommunistiese diktatuur onder Nicolae Ceausescu, van kastele in woude waar hertog Dracula van sonlig skuil. Jan bel nie vir homself nie, maar vir ’n landgenoot. Dié kan skaars Engels praat. Ek antwoord nee dis reg, die kamer is Constantin s’n. Jan kon my min oor hom vertel. Hy het hom bloot in die klein gemeenskap van Roemeniërs in die Kaap geërf om reg te help. Dit het hom geklink of Constantin op vlug was van…

’N BRAAIER, NOU MET WI-FI Mens sou gedink het die eenvoudige braaivleisvuur is die laaste bastion teen indringende tegnologie, maar nou ja. Die Traeger Timberline 850 van die VSA (van waar anders?) gebruik WiFi en ’n toep om die temperatuur binne die braaier te beheer. Die tipe tegnologie maak die Traeger meer geskik vir die braai van vleis wat ’n bestendige temperatuur oor ’n lang tyd benodig, en nie noodwendig ’n gemaklike skaaptjoppie op ’n Saterdagmiddag nie. Of plaaslike manne hierdie braai werklik sal waardeer, is definitief debatteerbaar. So ook die prys, want teen R22 000 is hierdie heelwat pakke charcoal werd. LOOP BRING MODIEUSE OORBESKERMING Oorpluisies kom goed te pas om ernstige gehoorverlies te bekamp, maar ook om jouself teen die geneul en gedruis van ’n oopplankantoor te beskerm.…

LAAT JOU KOP RUS Die regte kussing maak ’n groot verskil as jy na ’n goeie nagrus smag. Vencasa stel die Malouf Zoned Dough-reeks bekend. Hierdie kussings verskaf gemak vir jou kop en nek wat jou ruggraat in lyn sal bring. Boonop het die kussings ’n lieflike geur. Vanaf R399 by Vencasa-Tempur-winkels landwyd. GEBRUIK MINDER WATER Wanneer ’n toilet gespoel word, word sewe tot nege liter water gebruik. Met Organico kan water bespaar word. Organico se 100% natuurlike bestanddele breek menslike afval af, maak baterieë dood en laat jou toilet met ’n vars reuk agter. Dis nie skadelik vir mense, diere of die omgewing nie. Jy hoef dus nie die toilet ná elke gebruik te spoel nie. Beskikbaar in ’n pak van vyf 20 g-sakkies of in ’n sproeibottel. Van…

VASTRAPTYD! Hier is musiek vir daardie Maandagoggend-chaos om almal betyds ná die naweek by die skool en werk te kry: die vierde aflewering in die Pitkos-reeks (Vonk-Musiek). En, nee, dit is nie ’n stiltetydalbum nie; dis tradisionele boeremusiek! Sit hom sommer in sodra daardie wekker almal wakker het en hou hulle hiermee wakker! Hannes Schoeman, daardie vasbytkonsertinakoning, het sedert 1989 al meer as 100 albums uitgereik en in sy vaardige vingers is daar g’n rumatiek nie. Op sy nuwe album is daar musiek wat die melk vir die ontbytpap sal laat kook, die beskuit in die koffie sal laat verkrummel, die roosterbrood sal laat kraak en die vonkel in die sap sal laat bruis. Die album is in eg-tradisionele boeremusiekstyl opgeneem en bevat g’n elektroniese tierlantyntjies of kunsmatige versoeters nie.…

Het jy al ooit gebid en die Here vir iets gevra en toe hou jy op bid omdat Hy volgens jou jou nie dadelik geantwoord het nie? Dis jammer. Dis ’n fout. In die gelykenis (in Lukas 18 waaroor ons verlede week begin praat het) het die weduwee die regter aanhou smeek om haar genadig te wees. Sy het nie net een keer gevra en toe gesê “Laat my weet wat u besluit” nie. Sy het die regter aanhoudend gesmeek om na haar te luister. Die doeltreffendste gebede in die Bybel is dié wat sonder ophou gebid is. In Psalm 55:17 skryf Dawid: “Maar ek roep na God, na die Here wat my sal red. In die aand, in die môre en in die middag, heeldag ..., en Hy hoor…