Innholdsfortegnelse for 11 May 2018 i Vrouekeur

George Bernard Shaw het gesê: Om ’n ma te wees, beteken jou hart is nie meer jou eie nie, dit reis saam met jou kinders waar hulle ook al is. Ons kinders reis al verder van ons af weg en maak verre plekke hul huis. Gelukkig word die wêreld kleiner en ons het tegnologie wat daaglikse kontak moontlik maak. Ek onthou nog helder hoe ek my kinders op laerskool ná skool na my kar sien aanstap het en hoe ek bykans nie kon glo dié twee mensies is my kinders nie. Noudat hulle volwassenes is en hul eie lewens saam met hul lewensmaats lei, is die gevoel nie minder nie. As ons saam wyn drink en gesels, verwonder ek my aan hulle en leer ek eweneens baie van hulle. Dis…

Hierdie velredders verrig wondere in vandag se klimaat en help dat daaglikse stres en blootstelling aan lugbesoedeling en die son nie meer so opvallend op jou gesig sal wees nie. Daar is allerlei serums om van te kies. Afhangende van jou velbehoeftes kan jy ’n serum kies wat vrye radikale elimineer, vir teenveroudering, wat ekstra bevogtigend is, anti-inflammatories is, vir akneevelle en littekens of wat jou vel net ’n nodige hupstoot gee. Teiken velveroudering van alle kante met NeoStrata Tri-Therapy Lifting Serum with Aminofil ®  . Hialuronsuur bevogtig die vel vir ’n gladder tekstuur. Aminofil® maak die vel weer ferm en glukonolaktoon maak die vel egalig, R1 026 PAYOT Élixir Lift Tightening Regenerating Serum herstel, beskerm en vertraag tekens van…

Die antwoord hierop is nie altyd eenvoudig nie. ST reken soms moet ’n mens daaraan werk om die vriendskap te herstel, maar soms is dit beter as jy liewer laat gaan. “Dis belangrik om te verstaan dat sekere mense vir ’n sekere seisoen in jou lewe aan jou geleen word. In daardie seisoen van die lewe het julle mekaar nodig en gee julle betekenis aan mekaar se lewens, maar as daardie seisoen verby is, raak dit soms tyd om te laat gaan en ek dink ’n mens moet dit so aanvaar. ’n Mens gaan nie vir altyd met alle mense waarmee jy vriende maak vriende bly nie.” Dan, sê ST, is daar ander vriende wat jou baie ná aan die hart lê en met wie jy ’n behoefte het om…

WORTELROLKOEK 1 rolkoek 3 eiers 160 ml (135 g) suiker 5 ml (1 t) vanieljegeursel 250 ml (105 g) koekmeel 5 ml (1 t) bakpoeier 10 ml (2 t) gemengde speserye 2,5 ml (¼ t) sout 375 ml (300 g) wortels, fyngerasper VULSEL ½ houer (125 g) volroomkaas 60 ml (55 g) botter 375 ml (200 g) versiersuiker 5 ml (1 t) vanieljegeursel strooisuiker om oor te strooi Voorverhit oond tot 180 °C en spuit rolkoekpan van 25 cm x 38 cm met kleefwerende sproei en voer dit met waspapier uit. 1 Klits eiers tot lig en donsig en voeg suiker en vanieljegeursel by. Klits tot dik. 2 Sif meel, bakpoeier, speserye en sout. Vou by eiermengsel in. Meng wortels by. 4 Skep beslag in rolkoekpan en maak gelyk bo-op.…

AMPIE IS PURE COUNTRY-POP Ampie du Preez bied musiekliefhebbers nou iets heeltemal ánders: country-pop in die styl van Keith Urban. Op sy album Bosveld Blues (Coleske Artists) ontgin die produksiespan – onder leiding van Murray Lubbe van The Hit Factory en aanvullende vervaardiging deur Jakes Odendaal en Ray Dylan – ’n klank wat Afrikaanse countrymusiek vernuwe. Ampie het die meeste van die oorspronklike nuutskeppings in dié genre geskryf, hier en daar met kreatiewe steun van Ray Dylan, Sean Else, Arri Opperman, Charl Suiwer en PJ Kruz. Tussen die mees geslaagde werk in dié genre is die snitte Val sonder jou en Jy sal aan my dink. Daar is inderdaad ’n leenliedjie of drie, onder meer die country-rock ’n’ roll-genieting Somtyds moet jy net dans en twee knáp vertalings van Keith…

In hierdie reeks oor literêre kritiek is reeds na drie “fases” in die Afrikaanse literatuurkritiek gekyk: eerstens ’n fase waarin “nasionalistiese kritiek” oorheers het, waartydens die feit dát in Afrikaans geskryf word eintlik belangriker geag is as hóé in Afrikaans geskryf is. Soos wat die idee van die bestaan van ’n Afrikaanse letterkunde gevestig geraak het, het die klem van kritiek later verskuif na “estetiese kritiek”, gerig op die individuele tekste en die samehang van elke teks in isolasie. Teen die einde van die 1970’s het daardie soort teksgerigte kritiek toenemend onder druk gekom, so is in die vorige aflewering beweer, omdat die politieke en sosiale situasie al meer vereis het dat sowel die literêre werke as die bestudering daarvan, nie van die sosiale en politieke situasie losgemaak kan word…

Baie mense in Suid-Afrika noem dit spinasie, maar die regte naam is eintlik blaarbeet oftewel Swiss chard. Hierdie heerlike, voedsame en mooi blaargroente is ’n lid van die beetfamilie. Beta vulgaris subsp. vulgaris word al duisende jare in Europa gekweek, maar dis weens sy gewildheid in Switserland wat dit Swiss chard genoem word. Blaarbeet proe vorentoe en is ’n goeie bron van vitamien A, K en C. Studies het gewys dat blaarbeet veral goed daarin slaag om minerale uit die grond in sy blare op te neem, veral magnesium, yster, koper, kalium, kalsium, fosfor, sink en mangaan. Dit is ook baie hoog in vitamien K, wat die enigste vitamien is wat in die liggaam vervaardig word, maar nie daar gestoor word nie. Ons het 25% per…

Vier dominees was besig om die meriete van verskillende vertalings van die Bybel te bespreek. Een het die meeste van die 1933-verta-ling gehou, want dis direk uit die grondteks vertaal. ’n Ander een het weer meer van die NLV gehou omdat dit ’n direkte, dinamiese vertaling is. Die derde prediker het Die Boodskap verkies, want dit is in hedendaagse Afrikaans geskryf en maklik verstaanbaar. Die laaste prediker was stil. Toe hy gevra word om sy mening te lug, het hy geantwoord: “Ek hou die meeste van my ma se vertaling.” Die ander dominees het geantwoord: “Ons het nie geweet jou ma het die Bybel vertaal nie!” “O ja, sy het,” het hy geantwoord, “My ma het die Bybel in haar daaglikse lewe vertaal en dit was die oortuigendste vertaling wat…

OOK NOU ’N TYDSKRIFLESER Dit reën en die donderweer dreun so hard dat my hond haar kop styf teen my vasdruk. Ons normale middagroetine is versteur en daarom kry ek kans vir iets wat ek lankal wou doen: lees. Baie dankie vir dominee Janine se weeklikse rubrieke. Dit is so in die kol dat ek fotostate daarvan maak en dit in ’n lêer hou en só my eie oggendstiltetyd-leesstof bymekaarmaak. Partykeer onthou ek in ’n situasie een van die rubrieke, dan gaan haal ek dit uit en lees dit weer. Ek maak fotostate omdat ek Vrouekeur vir ’n vrou gee wat onlangs haar dogter aan die dood moes afstaan. Haar dogter het altyd vir haar Vrouekeur gebring. Vrouekeur se tersaaklike, kort artikels prikkel my, ’n nie-tydskrifleser, se nuuskierigheid oor baie…

MEI-WENBOEK Vroue van die Bybel 2 (Lux Verbi) is ’n splinternuwe boek uit die pen van die gewilde radiopersoonlikheid Esté Geldenhuys. Sy skryf weer oor vroue van die Bybel vir vroue van vandag en blaas nuwe lewe in ou bekende stories en delf ook dieper in stories van minder bekende vroue. Besoek www.nb.co.za  vir meer inligting. Die boek is by toonaangewende boekwinkels beskikbaar AMANDA EBERSOHN VAN CENTURION GEE HIERDIE WENK: • Ek deel graag met julle ’n doeltreffende manier om koorsblare letterlik in die kiem te smoor: Sodra jy die krieweling op jou lip voel, wend ’n smeersel (met oorstokkie) teeboomolie of oreganumolie aan. Wees egter versigtig met veral oreganum, dit kan brand! Dit val die virus in die blasies aan en droog dit uit sonder om ’n…

AKTIEF EN GESOND Woolworths het dit goed gedink om iets gesonds vir die aktiewes onder ons op hul rakke te plaas. Die Smash Packs bevat 75% vrugte en groente en kan voor, ná of tydens oefening geniet word. Die Dash Packs is gerieflik om sommer saam met jou op jou drafof stapsessie te neem en die basis word van dadels, appels en avokado-olie gemaak. Gesondheid op sy beste teen R19,99 elk. KRY JOU FUT TERUG Verdriedubbel jou krag én geniet die lipleklekker smaak van die nuwe suikervrye Score Zero Energy Drink. Met sy driedubbele skeut guarana vir ’n behoorlike kafeïenskop, is Score Zero die eweknie van die Score Black. Dit het dieselfde kragtige smaak en ’n gesonde dosis B-vitamiene om jou op te kikker. Score Zero en Score Black is…

ROLPRENTE SHERLOCK GNOMES Met die stemme van Emily Blunt en Johnny Depp Regisseur John Stevenson ANIMASIE Skaars het die tuinkabouters amok gemaak in Gnome Alone of hulle is terug om verder chaos te saai, hoewel daardie chaos veral bestaan uit springmielies wat deur die teater vlieg en kabouters wat visvang met petieterige visstokkies sonder dat ’n vis ooit eers in hul rigting gaap. In hierdie geval raak die een ná die ander kabouterstandbeeldjie weg, om nie te praat van hul rooi mussies nie! Dit is Sherlock Gnomes se taak om hulle op te spoor nadat Gnomeo en Juliet hom opdrag gee om die nare skurke vas te trek. Mense wat Emily Blunt en Johnny Depp se name sien en dadelik in die ry val om kaartjies te koop, onthou net:…

Die uwe was nog nooit ’n groot aanhanger van James Bond nie. Die man is nou wel ’n fiktiewe rolprentkarakter, maar het ’n reuse-aanhang – onder mans sowel as vroue. Ek vind die vent net tésuave, soos die Engelse sê, en egosentries. Gekonsentreerde testosteroon, as jy my vra, afgerond met ’n ego wat ’n mannetjiesleeu op hitte in die skadu stel. Dekades lank was Bond die silwerdoek se nommer-een-chauvinis, altyd gereed om probleme met geweld op te los terwyl geen vrou skynbaar vir hom nee kan sê nie. ’n Aantrekliker en meer gekultiveerde weergawe van Donald Trump, maar ’n ietwat verwaande pierewaaier nietemin. Geen wonder mans soos die Hollywoodse rolprentbaas Harvey Weinstein het gedink hulle het ’n vrypas om vroue met minagting te behandel nie. As Bond daarmee kan wegkom,…

MOEILIKHEIDSGRAAD: *** GROOTTE Voorbeeld is 100 cm x 100 cm WAT HET JY NODIG? 3 balle ELLE COLOUR CRUSH (200 g) in Blue Us Away (554) 4 mm-naalde WENKE • Die kombersie word in reksteek gebrei. • Jy kan enige dikte breidraad gebruik, pas net jou naaldgrootte aan. • Jy kan jou oorskietbreidraad gebruik. Las soos jy aangaan. • Mens kry baie mooi geskakeerde breidraad, wat die kombersie interessant maak. • Gebruik pastelkleure vir ’n babakombersie. • Hou aan brei tot die kombers die gewenste grootte is. BREI-INLIGTING • Die lekkerte is dat jy agterna niks hoef vas te werk nie, want die bane word geheg soos jy aangaan. • As in die patroon na ’n rif verwys word, is dit twee regs-rye. • Elke twee regsrye is so breed…

Sara-Jayne King se biologiese ma het ’n affair met ’n swart man gehad – in die dae toe liefde oor die kleurgrens met tronkstraf strafbaar was. Toe Karoline gebore is, was dit met ’n donker vel en “swart” gelaatstrekke. Haar ma en stiefpa het die baba Engeland toe geneem onder die voorwendsel dat sy siek was en daar mediese hulp moes kry. Toe hulle terugkeer Suid-Afrika toe, was dit sonder die baba: Karoline het “gesterf” en is in Engeland begrawe. Maar Sara-Jayne, soos sy hernoem is, was springlewendig. Sy is deur ’n ouerige egpaar aangeneem wat later geskei het. As swart kind in ’n “wit” land het sy van die begin af ontuis gevoel. Sy het baie vrae gehad: Hoekom het haar biologiese ouers haar weggegee? Waar is hulle nou?…

My dogter, Tanya van Buuren Botma (34), vyf jaar ouer as haar broer, Louwtjie (29), het hom altyd “die goue seun wat net vreugde bring” genoem. Op sy beurt het hy weer vir haar “die ou Voortrekkertjie” genoem omdat sy glo altyd “voorgetrek” is. Hy het haar ook baasspelerig gevind. Hier vertel oudste kinders van hul persoonlike ervarings: Tanya De Vente-Bijker “Ek was die oudste kind en moes altyd die punch vat. My tuiskomtyd was baie vroeër as dié van my sus en broer wat ná my gekom het. My ouers was baie kwaaier met my. Ek was die proefkonyn van hul opvoeding.Teen die derde kind het hulle darem ’n bietjie begin ontspan. Gelukkkig was ek nie ’n mini-ouer nie. Ek is nogtans tot vandag toe ’n pliggie.” Lynette Prozesky…

FRANSE OMELETBROOD MET HARTJIESPEK 4 porsies 1 pakkie repiespek ½ ui, gekap 5 ml (1 t) fyn knoffel ½ groen soetrissie ½ rooi soetrissie 10 ml (2 t) gemengde kruie knypie neutmuskaat sout en peper 8 snye brood 8 eiers 250ml (1 k) melk 125 ml (½ k) gerasperde kaas Stel oond op 180 °C. 1 Sny spekrepies in helfte. Draai sodat dit soos hartjie lyk. Sit op bakplaat en bak vir 15 minute tot bros. 2 Braai ui, knoffel en soetrissies in olie tot sag. Meng kruie, sout en peper by. Skep uit. 3 Sny binnekant van broodjie uit sodat dit soos venster lyk. 4 Sit buitekant van brood (“broodraam”) in pan met agtste van uiemengsel binne-in raam. 5 Klits eiers en melk saam en geur met sout en…

Die Swartberge lyk soos voetheuwels in die verte van die Groot-Karoo se kant af. Maar soos die 120 km van Beaufort-Wes na Meiringspoort op die ritmeter afrol, raak dit tyd vir Creedence Clearwater Revival en Joe Cocker se rou klanke om die berg te help waardeer soos hy homself geleidelik teen die hemel blootlê. Aan die seekant van die Swartberg ry jy deur Oudtshoorn die Klein-Karoo binne en het dan die keuse om oos of wes te draai om een van ons land se bes bewaarde geheime te beleef: Roete 62, wat in 2017 deur CNN Travel as die wêreld se top- roadtrip-bestemming aangewys is. Roete 62 kronkel vir sowat 830 km deur meer as 30 dorpies tussen Port Elizabeth en Kaapstad met ’n ongelooflike verskeidenheid landskappe en besienswaardighede om…

Die Kaapstadse kunstenaar MJ Lourens se jongste uitstalling, Views on Entropy , is nog tot 29 Mei in die Barnardgalery in dié stad te sien. Met dié werk bou Lourens voort op die landskappe wat hy verlede jaar in Lizamore & Associates in Johannesburg onder die titel In situ vertoon het. Dit is met die broosheid van oorgang, daardie drumpel waarna dikwels as liminaliteit verwys word, waarmee MJ Lourens sy wye landskappe, die stadskappe van sy jeug benader – hy het in Pretoria grootgeword en sy kunsgraad in 1996 aan Tukkies behaal. Weerskante van die oomblik wat Lourens vergestalt – daardie oomblik net voordat die lug verander, net voordat die stad sigbaarder word, of in donkerte wegsink – lê die aanloop tot én…

VERANTWOORDELIKHEDE VAN ’N GROOT HUIS TE VEEL Ek en my man woon in ’n groot huis en al ons kinders is uit die huis. Ons kan nie meer by die instandhouding van die huis uitkom nie. My oudste seun het voorgestel dat ons na ’n aftree-oord trek, waar ons ’n kleiner meenthuis kan koop. Die spesifieke aftreeoord bied ook hulp indien enige van ons verswak, wat vir my ’n groot verligting sou wees. My man skop daarteen en sê dat hy nie soos ’n voëltjie in ’n hokkie gaan bly nie. Sy gesondheid is glad nie goed nie en ek kan hom nie alleen versorg indien dit nodig sou word nie. Hoe oortuig ek hom dat die skuif die beste vir ons is? – Moedeloos Die praktiese én emosionele implikasies…